تحميل رواية «نيران الانتقام» PDF

ر

-انتي مجنونة بسملة مين اللي اتجوزها ..دي شبه التريلا ...

-يا كريم اسمع

-لا يا نور ...انتي بتخر*في تقولي ايه ...بعدين انا بحبك وجاية اخطبك ..وانتي بتضح*ي عشان خاطر صاحبتك دي انتي اكيد مجن*ونة...

قربت منه نور وهي بتحضنه وتقول :

-يا حبيبي يعني أنا بض*حي عشان خاطر عيونها ...لا عشان خاطرنا احنا ...البنت بتحبك اووي وغنية اووي واحنا اللي هنستفاد

-عشان نستفاد البس أنا في دي حرام عليك

-مش هتلبس طول عمرك متقلقش يا حبيبي ...احنا نحط ايدينا علي فلوسها وبعدين نرميها ...بسملة غنية اووي زائد أن أهلها مت*وفيين يعني محدش معاها ...سهل اووي نضحك عليها ونأخد فلوسها....دي بتحبك اووي مستعدة تعمل اي حاجة عشان تتجوزها

-طيب هن*تخلص منها ازاي

ابتسمت بخ*بث وقالت:

-اقولك أنا يا حبيبي ...

........

قلبي دق بقوة لما لقيت كريم مستنيني في الكافيه اللي بنتقابل فيه . ....كنت متوترة ومرتبكة بسبب الكلام اللي قالتهولي نور...نور قالتلي أن كريم بيحبني بس مش عايز يتقدم بسبب فرق المستوي ...ميعرفش اني مش بهتم بالحاجات دي وعشان مستعدة اعيش في اوضة بس علي قد حاله مستعدة اعمل اي حاجة لاني فعلا بحبه ...كريم يبقي ابن عم نور ...اعز صديقة ليا اول مرة قابلته سر*ق قلبي واعترفت لنور ...ونور قالتلي انها هتعمل المستحيل عشان نتجوز...نور احلي صديقة شوفتها في حياتي ....

.....

-كريم ازيك ..

قولتها وانا بسلم عليه بكسوف فابتسم وبصلي وقال:

-طالعة حلوة النهاردة

مسكت الفستان بتاعي ... حمدت ربنا أنه لامم جسمي شوية ومش مبين اني تخينة خالص ..

-عيونك اللي حلوة شكرا ...

بصلي وقال بتوتر :

-بسملة أنا عايزة أقولك حاجة

-قول

-انا بحبك ...

ابتسمت بكسوف وقولت:

-وانا كمان ..

كنت طايرة بإعترافه ده ...مفكرتش في اي حاجة ...كنت وقتها مستعدة اقدم حياتي.

....

مرت الاسابيع واتجوزنا أنا وكريم وعشنا اسعد أيام حياتنا مع بعض شغلته في الشركة بتاعتي وعيشنا في الشقة اشتراها هو بعد إصرار منه ...كانت دي اسعد فترة في حياتي ... حبيت

كريم اكتر من اي حاجة في العالم ...بس في يوم حسيت بتغيره ...بيرجع متأخر...ماسك الموبايل علطول ...ريحة هدومه كانت مليانة بريفيوم حريمي ...تعامله معايا با*رد وبطل يقربلي ....

في يوم صحيت من النوم و لقيت صوت جاي من اوضة الضيوف خوفت لان كريم مسافر وانا لوحدي روحت عشان اشوف فيه ايه واتصدمت لما لقيت جوزي كريم مع صاحبتي نور ...

صرخت ...اخد كريم باله ومسكني بسرعة وكتم بوقي وقال:

-اياكي تتكلمي ...

دموعي نزلت وانا ببصله بصدمة وقولت:

-هي ...هي بتعمل ايه هنا ...

ابتسمت نور وهي بتلبس الجاكيت بتاعها وقالت :

-هو انتي فاكرة أن كريم بيحبك...ولا هيبص لحد زيك ...مشوفتيش نفسك وانتي عاملة زي الف*يل

بكيت وانا بقول بقهر :

-نور

زقتني نور لحد ما وقعت وقالت:

-انا اللي خليت كريم يتجوزك عشان ناخد ثروتك وانتي يا عبيط*ة بسهولة مضيتيه علي تنازل لشركتك وفلوسك

هزيت راسي بصدمة وقولت:

-انا ما

-لا اتنازلتي ...هو مضاكي من غير ما تحسي علي تنازل ...يعني دلوقتي يا حبيبتي معندكيش لا شركة ولا فلوس ...وجه الوقت أننا نتخلص منك...وكده كده كريم مفروض أنه في رحلة شغل وكل الأدلة بتشير لكده ...يعني جريمة متكاملة

بصيت ليهم بخوف لقيت كريم بيرش جاز حواليا وبعدين ول*ع النار ....

يتبع

رواية نيران الانتقام الفصل الثاني

الجزء التاني♥️شكرا علي تفاعلكم السكر♥️بقلم سولييه نصار ♥️

-انا فين

قولتها بتعب ...قرب مني الدكتور وقال:

-بسملة انتي سامعاني ...بصيت ليه بتشوش. ..وشي كان مربوط وجسمي كله واجعني

-مين

-انا رائد يا بسملة ...ابقي ابن مختار صاحب ابوكي الله يرحمه ...أنا من اول ما عرفت جيتلك جري ...الحمدلله مرت علي خير وجر*وحك مش صعبة بس وشك اللي اتشو*ه ...الشرطة هتيجي دلوقتي وهنتصل بجوزك عشان...

-لا لا متتصلش بيه ابوس ايديك ...هو اللي عمل كده ..

اتصدم رائد وقال:

-طب نبلغ البوليس ...

-لا يا رائد ...متبلغش ...بتمني انك تساعدني في اللي اعمله

-جمايل ابوكي مغرقانا لحد دلوقتي قوليلي اعمل ايه ...

-قول لجوزي اني مو*ت ...وحاول تدبر اي ج*ثة من المشرحة علي اساس اني انا ...رائد اعمل كده ...لازم ابعد لأن كريم مش هيسيبني ...أنا حياتي في خ*طر ...اقرب ما ليا خا*نني ...مقدرش حاليا اثق في اي حد ...هتساعدني يا رائد ...

بصلي بتوتر وقال؛

-هساعدك ...

....

رائد قدر يدبر جث*ة شبهي في الجسم ومن حسن الحظ كانت ضح*ية ح*ريق ضخم وأقنع الش*رطة وكريم أن موت ...

طبعا كريم مستناش اكمل شهر واتجوز نور حبيبته ساعتها أنا بمساعدة رائد قدرت اغير اسمي وسميت نفسي مروة وده بسبب واحد ليه مركز كبير في البلد اللي هو ابو رائد كمان وروحت احسن مستشفي عشان اكشف عند اكبر جراح تجميلي واللي هو صديق رائد ...

.....

-يعني العملية دي مضمونة يا عماد

-ايوة يا رائد حسب علمي جرو*ح الآنسة مروة مش صعبة بس طبعا شكلها شوية هيختلف عن الاول

اتنهدت وقولت:

-مش مشكلة يا دكتور المهم اني هتخلص من التشو*هات دي اكيد ...

-طبعا يا آنسة مروة هي بس العمليات هتاخد وقت ...

-خد الوقت اللي انت عايزه ...كمان لو عايزة اعمل عملية تغيير مسار عشان اخلي وزني أقل ...

اتكلم الدكتور بعملية وقال:

-نشوف الاول وشك وبعدين نقرر هنعمل ايه عشان تخسي ..

.....

-مش مصدقة يا حبيبي أن الثروة دي بقت لينا

قالتها نور وهي بتلف في الفيلا الكبيرة بتاعة بسملة...

مسك كريم أيدها وباسها وقال:

-عشان خاطرك يا حبيبتي موافق اعمل اي حاجة ...انتي اؤمري بس ...

قربت منه نور وقالت:

-شوفت يا كريم ..شوفت أن بجوازك من الغبية دي كسبنا قد ايه ...دلوقتي هنحقق كل احلامنا ...دلوقتي حياتنا هتتغير ...انت بقيت من اغني رجال الأعمال في مصر بعد ما كنت مجرد موظف في شركتها وانا برضه بقيت مراتك وبسملة ما*تت وارتحنا منها ...

-سيبك دلوقتي من السيرة اللي تقر*ف دي وتعالي بس اوريكي اوضة نومنا ..

...

وبعدين شالها وطلع بيها الأوضة ...

....

مرت اربع شهور ...

وقع رائد الاوراق اللي في أيده لما لقاني طلعت من الأوضة بشكلي الجديد ..

-بسملة .

-لا مروة الصاوي متنساش ده يا رائد ...بسملة مات*ت ودلوقتي بقيت واحدة جديدة ...واحدة رجعت عشان تندم اللي اذوه*ا

-وانا معاكي دايما يا بسملة ...متقلقيش محدش هيقدر يتعرف عليكي. ..لما خسيتي وعملتي العملية بقيتي مختلفة تماما . .

-وده اللي أنا عايزاه ..

.........

روحت الشركة اللي كانت بتاعتي وانا متوترة ..كنت خايفة كريم يتعرف عليا ...ركبت الاسانسير وقلبي دق بخو*ف لما لقيت كريم ركب معايا ...بصلي هو بذهول ...عينيه لمعت وهو بيبصلي بإنبهار وقال:

-انتي مين

ابتسمت براحة وقولت :

-انا مروة الصاوي لؤي بيه كلمك عني عشان ابقي السكرتيرة في الشركة!!

يتبع

رواية نيران الانتقام الفصل الثالث

الجزء التالت♥️شكرا علي تفاعلكم السكر♥️بقلم سولييه نصار♥️

-ايوة افتكرت ...هو كلمني عليكي فعلا ...ده لؤي ده الغالي وانا عشان خاطره اشغلك عندي من غير ما اشوف السي في حتي. .

ابتسمت بس من جوايا كنت هنفجر ...اللي د*مر حياتي واقف قدامي ...كنت غضب*انة اتمنيت وقتها اقت*له واخلص منه بس تمالكت نفسي ...اخد الحق حرفه ...وانا هخلي كريم ين*دم علي اللي عمله معايا بس الصبر ...ابتسمت برقة وقولت:

-ميرسي يا استاذ كريم ...

وبالفعل بقيت السكرتيرة بتاعته وده اللي كنت عايزاه عشان اقرب من كريم ...قررت الاعبه بطريقته ...هبعده الاول عن مراته وبعدين ادم*ره واخليه يفلس ...وبصراحة هو ساعدني لأنه عينيه كانت هتطلع عليا ...عرفت اني دخلت دماغه وده سهل شغلي كتير ...

....

في البيت اللي جابهولي رائد كنت واقفة قدام المرايا وانا بشوف الطقم الجديد اللي اشتريته ..عمري ما فكرت البس حاجة تلفت نظر الناس ليا ...بس عشان احقق انتقامي قررت اعمل كده ...قررت اكون جميلة عشان كريم يبقي زي الخاتم في صباعي ...

...

في الشركة

-ادخلي يا مروة

قالها كريم ...فدخلت ...عينيه انبهرت اول ما شافني ...فضل ثواني مسبهل ...بس رجع لوعيه وقال:

-هاتي الورق يا مروة ...

ابتسمت وقربت منه ...وقع الورق بسرعة وهو باصص عليا بإعجاب ...بعد ما خلص ابتسم وقال:

-شكلك حلو النهاردة يا مروة

-بجد ... شكرا اووي يا كريم بيه ..

قام ومسك أيدي وقال؛

-قولي كريم بس

عملت نفسي مكسوفة وقولت:

-ميصحش..

-انا صاحب الشركة وبقولك يصح ونص ....

بعد أيدي وابتسمت وقولت :

-حاضر يا كريم ...

بعدين سيبته ومشيت ...

....

-انتي ليه مخليتهوش يوقع عن التنازل دي كانت فرصتك يا بسملة

زعق فيا رائد فبصيتله وقولت بهدوء :

-لاني مش عايزة الثروة بس ...

-اومال عايزة ايه

-عايزة ادمر*هم

-متفقناش علي كده يا بسملة ...متخليش الانت*قام يعمي عينيكي انتي مش كده

دموعي نزلت وقولت:

-بسملة مات*ت يا رائد ...بسملة الغبي*ة والس*اذجة مات*ت وجوزي وصاحبتي هما اللي قت*لو*ني ...وانا مش هسامح...زي ما كسر*وني هكس*رهم وانت لو مش عايز تساعدني حقك ...

بصلي بحزن وقال:

-انا بتكلم عشانك رجعي حقك وخلاص وابعدي عشان ترتاحي

-وحقي مش الثروة بس. ..حقي اني تشوفهم مذلو*لين.

.....

مرت الايام وانا وكريم بنقرب من بعض...لاحظت نور كده وحاولت تمشيني بس كريم رفض ...كنت قاصدة اني اعمل فجوة بينهم ...كنت فرحانة وانا بشوف انهيا*رها وحزنها بسببي ...كنت بخليها تشك اكتر في وجود علاقة بيننا لحد ما جه يوم كريم طلبني مكتبه وقال:

-مروة انا بحبك ...

ابتسمت بخ*بث بس بعدين عملت نفسي حزي*نة وقولت:

-بس انت متجوز!

-مش مشكلة الشرع حلل أربعة ...وانا هتجوزك في السر ...

-لا مستحيل اعمل كده مش هرخ*ص نفسي يا كريم وخلاص ما دام سر كل واحد يروح في حاله ...

ولسه همشي فمسك أيدي وقال:

-خلاص هقنع نور بس ابوس ايديكي متبعديش

-برضه لا

-اومال انتي عايزة ايه ؟!!

-لو عايز تتجوزني طلق مراتك !!

يتبع

رواية نيران الانتقام الفصل الرابع

الجزء الرابع♥️شكرا علي تفاعلكم السكر♥️بقلم سولييه نصار،♥️

-اطلقها؟!

-ايوة تطلقها أنا مقبلش ادخل علي ضرة يا كريم ...لاما كده لاما مش هتجوزك ...

-بس

-من غير بس يا كريم ...

قربت منه ومسكت ايده وقولت:

-انت بتحبني صح ولا بتحبها هي ...

-بحبك انتي ...

ابتسمت وقولت:

-خلاص يبقي طلقها واتجوزني ...

-موافق اطلقها رغم أنها قريبتي بس عشانك هطلقها أنا مستعد اعمل اي حاجة عشان تبقي مراتي

حضنني وقال:

-انا بحبك يا مروة ..

-وانا كمان يا كريم بحبك اوووي...

....

هتطلقني يا كريم ..

زعقت فيه نور وهي بتب*كي ...بصلها بب*رود وقال :

-ايوة

مسكت قميصه وهي بتزع*ق وبتقول :

-انت اتجنن*ت ...بعد ده كله عايز تطلقني ...بعد ما رفعتك لفوق وخليتك غني ...

زقن*ي لحد ما وقعت وقالت:

-بطلي دراما بقا ...أنا بمجهودي اللي عملت كده ...أنا اللي اضطريت اتجوز التريلا صاحبتك عشان اخد فلوسها ...أنا اللي عملتك مش العكس ...وهديكي حقك وتغور*ي عشان أنا ومروة هنسكن في الفيلا دي ...

رجعت نور لورا ودموعها نزلت وقالت:

-مش مصدقة انك كريم اللي حبيته ...انت تكون بالانانية دي !!!ده انا بعت صاحبتي عشانك...

-عشان انتي بعتي صاحبتك لازم كان تتوقعي اني هبيعك ..

مسحت نور دموعها وقالت:

-لا يا كريم مش أنا اللي اترمي بالشكل ده ...أنا هدمر*ك عشان تفكر تخو*ني تاني ...

-هتعملي ايه يعني ...

-هروح للبولي*س واقولهم علي كل حاجة

-هتوقع*ي انتي معايا .

ابتسمت بشر وقالت:.

-مش مهم المهم انك متكسبش. ...

وبعدين سابته ومشيت

.......

تاني يوم

كانت نور راكبة عربيتها عشان تروح لمركز الشر*طة ...قررت تعترف بكل حاجة ..قررت تريح ضميرها وتدمر كريم ...كانت الدموع نازلة علي وشها وبتفكر قد ايه ضح*ت بسبب كريم ...هي عملت كل حاجة عشان يعيشوا في سعادة واهو رم*اها بسبب واحدة احلي منها ...فجأة بصت في المرايا ولقيت عربية بتطار*دها ..عرفت أن كريم قرر يتخلص منها ..حاولت تسرع بس العربية خبطت*ها جامد من ورا لحد ما اتقلبت العربية وول*عت ...

.....

مات*ت نور وعرفت من ورا الحادثة ...علي قد ما كنت بحقد عليها بس زعلت برضه ....مقدرتش افرح في موتها ...بس مكانش فيه وقت ازعل لأن جوازي من كريم بعد شهر ....

.....

مرت الأسابيع بسرعة ...

وجه اليوم اللي هتجوز فيه كريم كنت مظبطة الخطة كويس ...كنت متوترة من اللي اعمله بس حاولت اهدي نفسي ...دي هتكون خطوتي الأخيرة وبعديها هرمي كل حاجة ورا ظهري واعيش ...علي قد ما اتجرحت بس اتعلمت كتير ...كنت لابسة الفستان وواقفة جمب كريم وهو بيبتسم ...مش متاثر خالص باللي عمله في نور ...عرفت أنه إنسان مش بالسهولة دي كان لازم اخد حذ*ري منه ...

خلص الفرح وروحوا المعازيم ...شالني كريم وهو بيضحك عشان نروح الفيلا بتاعتنا...

....

-اتفضلي يا عروسة

قالها بحب ..

دخلت الأوضة بتاعتنا وانا قلبي بيدق جامد ... بصيت لكريم بإبتسامة فجأة وشه اتغير وضربن*ي بالقلم وقعني علي الأرض وقال:

-فاكرة نفسك هتضحكي عليا يا بسملة !!

يتبع

رواية نيران الانتقام الفصل الاخير

الجزء الاخير♥️شكرا علي تفاعلكم السكر♥️بقلم سولييه نصار♥️

-فاكرة نفسك هتضحكي عليا

صر*خ فيا وهو ما*سك شعري وانا بص*رخ وقال:

-انا عرفتك من اول ما سمعت صوتك ...فاكراني غب*ي يا بسملة فاكراني مش عارف انك مضتيني علي تنازل عن املاكي انا عملت كده بمزاجي لأنك كده كده هتم*وتي والفلوس

هتبقي ليا ...انتي اللي غب*ية لو فاكرة انك هتقدري تخ*دعيني ...بس كويس ..بسببك اتخل*صت من حمل كبير اووي اللي هو نور ...ودلوقتي هتخل*ص منك يا بسملة والفلوس كلها تبقي ليا ...رجعت ورا بخوف بس هو مسكني وقرب وهو بيضحك وقال:

- اقتل*ك ازاي ...يالا انطقي ...عشان انتي حلوة وانا راجل حقاني هديكي الاختيار .....تحبي تموتي ازاي ..

بكي*ت بخ*وف فمسك راسي وقال:

-لا لا يا حبيبتي متب*كيش بس والله أنا زعلان اني هق*تلك ...كان نفسي تكملي معايا بس انتي غدا*رة وانا خايف علي حياتي ...يالا يا روحي اختاري تمو*تي ازاي ...

...

بعد شوية كنت واقعة علي الأرض شبه مغ*مي عليا بسبب الضر*ب وكريم بيرش جا*ز حواليا ...ابتسم بش*ر وقال :

-لقيت أن انسب طريقة امو*تك بيها هي أن احر*قك تاني ديجافو حلو مش كده؟!

دموعي نزلت وانا بحاول اقوم ...زقن*ي جامد ووقعت تاني وانا ببكي فضحك وقال:

-بحب اشوف يأ*سك ده يا بسملة ...الصورة دي مش هتنمحي من بالي وانتي واقعة علي الأرض وذلي*لة ليا لانك فكرتي تخدعيني ...أنا هخلي نهايتك تمو*تي مشو*هة... هستمتع وانا بشوف الن*ار المرة الأولي مقدرتش اقت*لك بس المرة ده هتمو*تي اكيد ...هيكون احساس هايل ..

فجأة ابتسمت وانا بسمع سارينة الشرط*ة ...بصيت لكريم المصدوم وقولت بتعب :

-انت انتهي*ت ...

اقتحمت الشر*طة المكان بسرعة واخدوا كريم المصدوم ...جري رائد عليا وشالني من الأرض وهو بيقول :

-انتي كويسة متقلقيش ...

-الحمدلله عدت ..

قولتها قبل ما يغمي عليا !!!

....

كريم اتحب*س بت*همة الشروع في قتل*ي وق*تل نور ...أنا كنت عارفة أنه كشفني عشان كده عملت حسابي وقررت

اسجله كل كلامه ورائد طبعا ساعدني وجاب الشر*طة بسرعة...وانا قبل الجواز بأيام مضيته علي تنازل عن الثروة اللي اخدها مني ...وبكده قدرت اد*مر كريم واخد حقي ....فاضل بس حاجة واحدة ...

....

-ايه اللي جابك تاني

قالها كريم بعن*ف

ابتسمت وانا ببصله وقولت:

-تؤ تؤ مينفعش تقابل مراتك حبيبتك كده يا كريم ...سمعت أن المحا*كمة بتاعتك قربت ..

-وايه يعني ضميرك صحي وقررتي تجيبي محامي يدافع عني .

-لا انا جاية أتمني أنك تاخد اع*دام ...وجاية اطلب الطلاق ..يعني كتر خيرك انت دلوقتي محبو*س فمينفعش اتقل عليك وارفع قض*ية طلاق ...فأيه رايك تطلقني بهدوء ...بصلي بكره وقال :

-عارفة بتمني تحصل معجزة واطلع وساعتها مش هعتق*ك ...

ضحكت بشمات*ة وقولت:

-عموما هبعتلك المحامي عشان إجراءات الطلاق ...

وفعلا بعد اسبوع تم طلاقي ...ورجعت لشركتي وحياتي وعرفت أن كريم اخد إعد*ام يالا هو ابن حلال ويستاهل ...

مرت سنة وأنا ورائد قربنا من بعض ...عرض عليا يتجوزني ...

في فيلة رائد كنت واقفة جمبه بفستان الفرح ...كان باين عليا السعادة اني اخيرا هبقي سعيدة مع الإنسان اللي حبيته ...قرب مني رائد وقال:

-هو انا قولتلك اني بحبك

-يعني لحد دلوقتي قولتها اربعين مرة

-خلاص نخليها واحد وأربعين بحبك♥️

ضحكت بكسوف وقولت :

-وانا هقولها للمرة الخمسين وانا كمان بحبك♥️

تمت