نفسي أعرف اي اللي ناقصني عشان يسيبني ويبص لأختي… من وإحنا صغيرين وهو عارف اني بحبه وهو ولا معبرني وكان دايما يقولي إنتي زي أختي طب وهي سمر دي مش أختي بردو… إيه اللي لقاه فيها ومش موجود فيا؟.
صحبتها بخبث: علشان هيا بتعرف تمثل عليه وبتبان قدامه بريئة لكن ياما تحت السواهي دواهي دي عقربه عايزة تخطف منك اي حاجه انتي بتحبيها وهو مغفل فاكر نفسه بيحب ملاك بس لو عرف حقيقتها مش هيبص في وشها تاني.
سهر بعصبية: لا أنا مش هسيبهم يتهنوا ببعض و مش هسيبها تعيش دقيقه واحده لو هتخطفو مني… بقي معقولو اللي أنا حلمت بيه طول عمري هي تيجي وتاخدوا علي الجاهز لا مستحيل.
صحبتها بمكر: خلاص يبقا يبقى تلعبيها صح..انتي تخليها تنزل من نظرو خالص وميكونش طايق يبص فيوشها ونخلي سمعتها تبقي في الارض قدامه؟
سهر بتردد: طب وإيه اللي يخليها تبان مش كويسة يعني.
صحبتها بخبث : سهله في مليون طريقة تليفون مجهول من اي خط وصور ليها بالAl واشاعات من كذا واحده من حبايبنا اللي نفسهم يخدموكي ولما الكلام ده كله يوصل لحازم هيسيبها ويبعد عنها ووقتها هيكون ليكي للأيد
سهر بأبتسامة: ماشي أنا معاكي في الخطة دي يلا خليها تدوق من اللي أنا دوقته طول عمري.
صحبتها بضحك : خلاص علي بركة الله
.. عند سمر… في الكافيه.
سمر قاعدة قدام حازم عينيها كلها فرحة وهو ماسك إيدها
حازم بابتسامة : أنا حاسس إن الدنيا كلها بقت ملكي من يوم ما بقيتي معايا يا سمر.
سمر بخجل: إنت اللي عطيني إحساس إن الحياة ليها طعم ولون يا حازم..عارف زي ما بيقولو كده الحياة بقي لونها بمبي وانا جنبك وانت جنبي .
حازم بضحك: يارب حياتنا تبقي علطول بمبي كده يا نور عيني وامتي بقا يجمعنا بيت واحد.
سمر بحب: ان شاءلله قريب يا حبيبي.
في اللحظة دي موبايل حازم يجيله مسدج: سمر بتخونك افتح عينك قبل ما يفوت الأوان وانا هبعت لك صور تتاكد بنفسك من الكلام دا.
شخص بعت له صور مفبركه..
حازم يتجمد لحظة لكت ياخد نفس عميق وبعدين يبص لسمر يلاقيها بتضحك ومش واخدة بالها من اللي حصل يطفي الشاشة بسرعة عشان ما تلمحش.
سمر باستغراب: مالك يا روحي وشك اتغير كده ليه مرة واحدة.
حازم بابتسامة مصطنعة: لا ولا حاجة يا حبيبتي تليفون شغل.
الموبايل بيرن نفس الرقم الغريب حازم يقوم من على الكرسي ويبعد عنها شوية ويشوف مين اللي بيرن
حازم بغضب: الو انت مين يحيوان وازاي تتجرأ وتبعت لي حاجه زي كدا.
الشاب بضحك : يعني الحق عليا اني خايف عليك وبنبهك وعايزك تفتح عينك كويس …البنت اللي بتحبها مش زي ما إنت فاكر دي مدورها في كل حتة.
حازم بعصبية: اخرس قطع لسانك يالا سمر دي أطهر منك انت واهلك كلهم وانت لو راجل قولي انت مين او تقابلني وش لوش توريني نفسك.
الشاب يقفل الموبايل في وشه وحازم واقف متعصب ويرجع لسمر يبتسم كأن ولا حاجة حصلت.
سمر بهدؤء: مين كان بيكلمك واي وقالك اي يخليك تتعصب وتزعق معاه كده..انت في مشكلة معاك في الشغل او اي حاجه قولي انا جنبك احكي لي.
حازم بابتسامة : متشغليش بالك يا حبيبتي دا واحد غتت كان عاوز اعمله شغل ومصمم وانا مش فاضيله..انا دلوقتي عندي اللي يملي حياتي
سمر بكسوف: هتفضل تدلعني كدا كتير.
حازم بحنان: هو انا عندي اعز منك يعني دنتي تستحقي الدلع كله
عند سهر كنت متعصبه علي اخرها ومش طايقه نفسها..
سهر بغل : إزاي إزاي ميصدقش أنا بعتله كل حاجة الصور والرسائل وحاجات تخليه يتجنن وهو ولا كأنه شاف حاجه وكان بيدافع عنها للدرجة دي بيثق فيها وبيحبها..
صحبتها ببرود: واضح إنه غرقان في حبها على الآخر.
سهر بعصبية: ده اللي جنني أكتر هو شايفها ملاك وشايفني أنا شيطان .
صاحبتها بخبث: دي البداية بس لكن لسه في خطط كتير والتقيل كله جاي …إيه رأيك نخفيها من حياته بمصيبة كبيرة تخليه ميشوفهاش تاني اي رأيك في جريمة قتل؟
سهر بصدمة : جريمة اي انتي اتجننتي انتي كمان انتي عايزانا نقتل اختي؟
صحبتها بخبث : اسمعي كلامي للأخر ومتتسرعيش هو مش حازم عنده أخت اسمها هبة صح.
سهر باستغراب:أيوه مالها واي علاقتها اصلا ب الجريمه..
صحبتها بمكر : هفهمك بصي هي لو حصلها حاجة ولبسنا سمر التهمة ساعتها لا هو ولا أي حد في الدنيا هيقف جنبها صح؟
سهر بذهول : طب مهو كده هتموت بردووو…هو مش اللي بيقتل حد بيتعدم؟
صحبتها: لا لا ده كان زمان..دلوقتي في طرق كتير للنفاد من الاعدام..زي مثلا تزوير شهادة ميلاد انها قاصر..او الطعن في الحكم والقاضي هيديها من 10 ل 15 سنه.. يعني مش هتموت… وبكده هتكون بعدت عنك خالص
سهر بتوتر: طب واحنا هنعمل كده ازاي؟
صحبتها بهمس : هقولك… إنتي وسمر تؤام يعني مفيش حد يعرف يفرقكم عن بعض بسهولة لازم يكون حد قريب منكم اووي علشان يعرف صح؟ احنا بقي هنستغل الشبه ونخلص من هبه واختك اللي تلبسها
سهر بتفكير: ونخلص إزاي من هبة؟
صحبتها بخبث : الموضوع ابسط مما تتخيلي..اول حاجه تسرقي سلسلة اختك اللي حازم جايبهالها من الدرج… تاني حاجه مدير الثانوي عامل رحله للطلاب بعد 15 يوم في سينا وهنطلع جبل سانت كاترين وجبال تانيه فا عايزك يبقث معاكي طقم نسخه من طقم سمر اختك وقتها في الرحله..تالت حاجه نستدرجو هبه معانا من غير ما حد ياخد بالو ونطلعو الجبل لوحدنا وترميها من عليه وترمي سلسلة سمر مكانك كأنها وقعت منك وانا هصورك من ضهرك وانتي بتزقيها وانتي لابسه لبس سمر وبكدا كل اللي هيشوف الفديو هيعرف ان اختك اللي عملت كده ومفيش حد هيشك فيكي وانا هشهد انك كنتي معايا مفرقتنيش لحظة وبكده تبقى اختك غارت في داهية
سهر بصدمه: