رواية و الله أحبك يشهد الله علي الفصل السابع عشر 17 - بقلم HaboOoshy

بشاير : هيييييييييييه أنتي ترا عمرك 23 بس وكأنك على هذي النظاره 50 سنه
ترفه(بعصبيه) : ياويلك أذا لبسي هالنظاره في يوم ملكتي فاهمه والعرس لبسي عدسات
أسيل(تنزع النظاره حبت تغيضهن) : علامها حلوه وبعدين الملكه عائليه
: أسيل
أسيل(تلفتت وأنصدمت ) : حـــــــــــــمــــــــــــــــــــد
حمد(فتح عيونه بنفسه) : ياويييييييييييلي من هالعيون هذي ثاني مره لا ماأقدر راح تذبحيني بعيونك
أسيل(انتبهت له ولبست نظارتها) : هلا حمد
حمد(أنتبه لنفسه) : أحم أحم هلا شلونك بشاير ترفه شخبارك
أسيل(عصبت من تجاهله وبعصبيه) : خير تبي شئ مني ولا بروح
حمد(بعصبيه) : لا بس حبيت أذكرك
أسيل(ببلاهه مصطنعه) : بأيش آآآآآآه ألحين تارك الشركه وجاي لهنا عشان تذكرني
ترفه غمزت لبشاير وأنسحبن على شويش وأسيل ولا حست عليهن
حمد(يصر على ضروسه) : أنا حذرتك فاهمه علميني من يخبرك بالأسرار
حمد تلفت حوله لما حس المكان هادي ماشاف أحد وأستغل الفرصه ومسكها من معصمها بعصبيه
حمد(بعصبيه) : منووووو الكلب
أسيل(بخوف تتلفت حولها بنفسها) : الله يلعنكن خليتني مع هالوحش هيييييييييييييين والله لأردها لكن ياويلي أي أحد يارب يجي يارب أنا ميته ميته اليوم أكيد
حمد(زادت عصبيته) : منوووووو يا أم عيون الكلب هااااااااه
أسيل(تبلع ريقها) : هااااااه مو أحد حمد عورتني هدني
حمد(يطالع لأسيل اللي صارت قريبه منه وبلمعة خبث بعيونه أبتسم) : أسيل
أسيل(ما فاتت عليها نظرته وخافت منه) : حمد ممكن تبعد شكلنا غلط
حمد(بخبث ولا أختفت أبتسامته) : تعرفين أنك حلوه يااااااااا بنت عمي(وشد على كلمة بنت عمي) وتعرفين مره قريت بيت شعر يقول
...أنا أحب ثنتين والثالثه بالبال ... والرابعه ممكن مب عيب وشرعا ولي حلال...
يا بنت عمي(ورد وشدد على كلمة بنت عمي)
أسيل(فهمته وفهمت تلميحه عصبت ودفته عنها وطاح على الكرسي) : تخسي أنا أخذ واحد مثلك مغرور ومزواج وعينه زايغه على الحريم قم أطلع بره لا أستدعي الأمن يطلعونك فاهم
حمد حب يقهرها بزياده مثل مهي قاهرته وقبل يطلع دز لها بوسه بالهوا وأهو يضحك
ههههههههههههههههههههههههههههههههههههههه
أسيل(بعصبيه) : تتتتتتتتتتف عليك يالمغرور
دخلت ترفه وبشاير وشافتهن أسيل
أسيل(بصراخ) : ياحمارااااااااات ليه تخلني مع هالمغرور لوحدنا
بشاير : ليه شنو صار
ترفه : ماكان قصدنا بس حبينا نتركم على راحتكم تتكلمون بس
أسيل(تصر على ضروسها من العصبيه) : أأأأأأأأيه ما الأخ أستغل الوضع أخذ راحته هددني ياأقول له ولا أكون الزوجه الرابعه ( وإهي تقلد حمد) أنا قريت بيت شعلا يقول أنا أحب ثنتين والثالثه بالبال والرابعه ممكن مب عيب شرعا ولي حلال يااااااااابنت عمي
بشاير وترفه : ههههههههههههههههههههههههههههههههههههههههههههههههه
أسيل(بعصبيه) : جــــــــــــــــب لاتضحكن والله ماراح أكلمكن والله لأرد لكن اللي سويتنه فيني
ترفه(تكتم الضحكه) : سوري أسيل بس شكلك وأنتي تقلدينه يفطس من الضحك
أسيل من كثر ماهي مقهوره من تصرفه وجرأته وكلامه اللي ماعمر أحد عاملها كذا وبدت تصيح
بشاير : أسيل ليه تصيحين
أسيل(تصيح) : أكررررررره حمد بن فهد أكره المغرووووووووووووور
بشاير : تحبين أقول لأبوي يقوله يبعد عنك أو قولي لعمي
أسيل(تهز براسها لا) :......
ترفه : أسيل ماعليك منه خلاص لا تصيحين بسك
أسيل(تمسح دموعها وتوقف) : أنا باخذ أجازه شهر لين يرد مازن ونتزوج ولا أخلي لحمد مجال يخوفني أو يهددني
بشاير(بدهشه) : شهر يالظالمه ليه كل هذا خوف
أسيل : حرص مو خوف أنا ما اخاف إلا من الله بس حذر أن ماكنت بوجهه بينسى السالفه وأن شافني يذكر لا بروح لعمي محسن وبقوله يعطيني شهر
ترفه : طيب شنو السبب للأجازه وش تبين تقولين له
أسيل : أقوله مشغوله مع عايشه العروس وما يقول شئ
فعلا أتجهت أسيل لمكتب عمها اللي ماعارض الأجازه لأنها تحججت بتجهيز لزواج عايشه وترفه بنت خالتها وكذا بيصير عليها ضغط عروستين

*********************************

في بيت عبدالوهاب.......

فهد(بعصبيه) : هذي مو عيشه
أوراد(ببرود) : طيب
فهد(لف عليها) : أوراد أنتي ما كنت كذا أيش غيرك
أوراد (توقف ومشت من قدامه) : عادي
فهد(قبل تروح مسك يدها ولفها له لين صارت قدامه ومرر يده على خدها) : وروده
أوراد(تحاول تتماسك قدامه لا تضعف) : ممكن تتركني بروح لولو بأكلها
فهد : لولو عندها خدامتها بس أنا من عندي
أوراد : عندك الماما رح لها
فهد(يبتسم) : بس أنا ما أبي الماما أبي وروده حبيبتي
أوراد(عطته ظهرها) : أنسى وروده
فهد(رجع ولفها تقابله وأبتسم) : طيب أيش مزعلك من حبيبك لهذي الدرجه ماتلاحظين صار لنا أكثر من أسبوع ماجلسنا ولا سولفنا مع بعض
أوراد(بسخريه) : توك تلاحظ توك صحيت
فهد : طيب بأيش غلطت عشان كل هذا الجفا منك
أوراد(في نفسها) : لا تضعفين لا تضعفين عارفتك يافهد تقص علي مثل كل مره
فهد(يقرب منها ويبتسم) : هاه ماتبين تقولين لي لفهودي حبيبك
أوراد : ...............
: باااااااااااااااااااابااااااااااااااااا
أوراد(أبتسمت بنصر) : سوري نأجل كلامنا لولو صحت لولو ماما تعالي
لولو(بأبتسامه وأهي تخطي بشويش) : ماما
فهد(عصب وخبط برجله بالأرض مثل البزران) : أففففففففففففففففففففففففف هذا وقتك
أوراد(كتمت ضحكتها شكله يهبل وأهو طفران) : يله ماما ننزل ما تبين يم يم
فهد(كتف أيديه ومد بوزه) : وروده طلبتك لا تروحين أبي اتكلم معك حرام عليك يهون عليك حبيبك
أوراد(تشيل بنتها) : مثل ماهنت عليك يا(بسخريه) حبيبي تعالي لولو
فهد أنصدم معقوله هذي أوراد اللي تموت بتراب رجليه معقوله هذي حبيبته اللي ماتنام لين يرد وتتطمن عليه وألحين يرد ويلقاها نايمه لا وعند عياله مو بغرفتهم معقوله هذي أوراد اللي ماتاكل لين يكون جالس جنبها وتتأكد انه أكل ألحين ولا معبرته معقوله ومعقوله ومعقوله لاااااااااااااااااااا مو قادر أذا ماطلعت بيصير شئ ما يرضي الكل
أما بغرفة هيام جالسه هي ووجدان
وجدان(بتردد) : هيام
هيام(ترفع نظرها عن المجله لوجدان) : عيونها
وجدان : حابه أسألك عن شئ ممكن
هيام : شئ وشيات كم جودي عندي
وجدان : السؤال يخص محمد ولد عمي
هيام : خير
وجدان : انا (تجمعت الدموع بعيونها) أنا سمعت محمد يعترف لك بحبه يوم كنا بالمزرعه
هيام : آآآه وبعد
وجدان : أبي أسألك يوم كنتي اقصد كان أقصد أنتو
هيام : تحبينه
وجدان(ما حست بتسرع قالت) : ايه أقصد لا
هيام : ياقلبي كنت حاسه نظراتك له فضحتك
وجدان(بدت دموعها تنزل لا أراديا) : ..............
هيام(قربت لها وضمتها) : محمد حسبت اخو بس أنا قلت له ما يعني لي شئ والله ما أكن له غير مشاعر الأخوه
وجدان : هيام حطمني حطمني
هيام : ماعاش ولا كان من يحطم بنت عبدالوهاب يا عمري محمد ما يستاهلك صدقيني أهو يعرف أنك تحبينه بس الرجال والعياذ بالله يبون اللي ترفض وتصد عنهم وأهو والكل لاحظ أهتمامك لكن قلبه حجر محمد طول عمره أناني
وجدان : أنصحيني قلبي يتألم محتاجه لك والله محتاجه
هيام (تمسح دموعها بحنان) : أنسيه وهالدموع ما يستاهلها الله بيعوضك عن محمد ويجيب لك اللي يسوى محمد
وجدان وهيام(سمعن صوت باب شقة اخوهن يصفق بقوه) .........
هيام : تعالي خلينا نشوف وش صاير اليوم
وجدان : الله يستر
نزل معصب ولقى أمه في وجهه.......
الام : علامك معصب
فهد : ولا شئ ولاشئ
الأم(بنرفزه) : أكيد هذي بنت أمينوه مثل العاده
أوراد(كانت بالمطبخ سمعت صوتها خلاص مو متحمله لا وعلى أمها طلعت لهم) : رجاء ياخاله لا تغلطين على أمي
الأم(بعصبيه) : لا والله تبين تعلميني الأدب يابنت أمينه
أوراد : لا موقصدي بس أذكرك
الأم (تلف لولدها بعصبيه) : ما تتكلم ولا عاجبك أسلوبها أيه مااشره عليك تربيت حرمه مو غريبه العرق دساس
فهد(بعصبيه) : أورادووووووووووه
أوراد : فهد أظن مثل ما أنت ما ترضى على أمك الكلام انا بعد ولا عبالكم بسكت عنكم لا خلاااااااااص تعبت تعبت
فهد(رفع يده وعطاها كف طلع حرة جفاها طول الفتره بخدها) : طراااااااااااااااااااااااااااااااااااااااااااااااا ااااااااخ
وجدان وهيام(اللي كانن نازلات على صوت الصراخ شهقن) : أهئئئئئئئئئئئئئئئئئئئئئئئئئئئئئئئئئئئئئئئئئئئئئئئئ ئئئ
فهد(أنصدم كيف فقد أعصابه) : أو أو أو رااااد أنا
أوراد(حطت يدها على خدها ورفضت نزلة دمعتها وحطت يدها حاجز بينه وبينها تمنعه يقرب) : بس كفايه لهنا وخلاص هذي النهايه أنت قطعت آخر خيط يربطنا
فهد(بترجي) : أوراد طلبتك خلينا نتفاهم
أوراد(ركضت لدارها وقفلت باب غرفتها عليها وأهويطق الباب يترجها تفتح أخذت الجوال ) : ألو حمد
حمد : هلا بحبيبة أخوها
أوراد(ماقدرت تتماسك أكثر وبكت) : حمد
حمد(خاف عليها) : أوراد وش فيك لولو عبدالوهاب صار لهم شئ
أوراد(تبكي) : لا حبيبة أخوها اللي أنهانت حمد فهد ضربني قدام امه وخواته حمد أنا تعبانه تعال خذني من هنا ما ببقى معه حمد تكفه تعال
حمد (عصب) : لااااااااااااا كيف يتجرأ أوراد أنا جايك ثواني مسافة الطريق
أوراد : حمد ما بجلس هنا بروح لبيت أمي تكفه

حمد : اللي تبينه يصير ماعاش من يهين أخت حمد ما عاش زهبي نفسك وعيالك أنا جاي أخذك انا قريب 5دقايق وأكون عندك طيب
أوراد : طيب ياخوي
فراس (كان توه واصل للبيت لما شاف حمد يوقف سيارته ابتسم) : هلا بأبو ملاك
حمد : هلا
فراس : علامك ياخوي تكلمني من طرف خشمك
حمد(متنرفز) : أسمحلي معصب شوي(طلع جواله) ألو أنا تحت تعالي (بعصبيه) يخسي يعترض تعالي وماعليك منه
فراس : وش السالفه ليه معصب ومن تكلم
حمد(بعصبيه) : أكلم أوراد أخوك المحترم مد يده على أختي
فراس(متفاجئ) : وليه
حمد(بعصبيه) : ما يهمني ليه المهم أنه مد يده لولا انه ولد عمي لأدفنه بارضه
فراس : وأنت
حمد(لف له) : أنا وش تقصد
فراس : أظن فاهم أنا بعد لولا أنك ولد عمي
حمد(زادت نرفزته مع أنه عارف أن فراس يقصد أسيل وأنه غلطان) : فراس أنا عارف أني غلطان خلاص لك وعد ما أتعرض لأختك وأنت عارف أني ضربتها لما أهانتني راضي
فراس (يقرب منه ويحط يده على كتفه) : والله مو قصدي تعال ندخل ونتفاهم
حمد : لا أسمحلــ...(ألتفت وشاف فهد وبسرعه قرب منه ومسكه بثوبه ولزقه بالطوفه وبعصبيه) : كيف تتجرأ
فهد(يحاول يفك نفسه بس حمد أقوى) : حمد
فراس(عارف حمد أذا عصب مايعرف أمه من أبوه) : حمد صل على النبي حمد أهدى
حمد(يبعد فراس ويصر على ضروسه ويطالع لفهد) : أسمعني عدل أوراد تنساها فاهم مهي بنت خالد اللي تنهان وراس أخوها يشم الهواء والله لتندم على رفعت ايدك عليها ولولا الحشيمه لعمي كان عرفت شغلي معك
فهد : حمد انا مو قصدي صدقني والله اوراد عزيـ...
أوراد(اللي توها طالعه) : لو عزيزه يافهد ما شفتني أنهان وأنت تتفرج علي لو عزيزه يافهد وقفت بوجه الكل لتحفظ كرامتي لو عزيزه يافهد قلت لأمك وطيف عيب هذي مرتي لو عزيزه يافهد كنت مسحت دمعتي بتالي الليل وانا أبكي قهر لو عزيزه يافهد صنت ووفيت بوعودك لو عزيزه كان مارضيت أمك تهين امي لو عزيزه يافهد كان ماعرفت غيري ولا تعتقد اني مابعرف غرامياتك
لو عزيزه يافهد ولو لو لو لو فهد
فهد(خجلان منها موقادر يطالع لها) : لبيه
أوراد(بهدوء مصطنع) : بكره ورقة طلاقي توصل لي
الكل سكت من الصدمه حتى تهاني وبناتها اللي طلعن يشوفن هوشه فهد وحمد الكل عارف بحب أوراد من الصغر لفهد
فهد الصدمه شلته لا قدر يتكلم ولا قدر يمنع خروجها مع حمد بشناطها وعيالها قدام عينه تمشي وده يضمها ويقول أسف وده يقول سمعيني وده يقول لا تروحين
الكل لاحظ فهد وعيونه تلاحق أوراد وعياله خافو عليه
الأم : فهد يمـ..
فهد طلع من البيت ركب سيارته ولا التفت لأحد
الأم(بخوف) : فراس تكفه ألحقه
فراس(بحزن لحال اخوه) : يمه خليه بيهدى ويرجع يله خلونا ندخل
حمد(يسوق وأحترم هدوء أرواد اللي تبكي من تحت غطاها ) :............
أرواد(بصوت مبحوح من البكي) : حمد
حمد : عيونه
أوراد : انا ما أبي فهد تكفه خله يطلقني أنا تعبت
حمد : خلاص اوراد لك اللي تبين بس هذا حنى وصلنا ترى أنا قلت لأمي أمينه
أوراد : آآآآآه قهرني
حمد(يوقف السياره نزل صوبها وفتح الباب) : تعالي وروده
أوراد تنزل مع اخوها وأهو ساندها غمز لأمه وروابي وسلوى لحد يكلمها صعدها لغرفتها وساعدتها روابي بنزع عباتها ونامت على سريرها وسلوى أخذت عيالها ولغرفتها عشان ترتاح أما حمد نزل مع امه أمينه للمجلس الداخلي
أمينه : حمد علامها أوراد
حمد(يفرك أيديه بعصبيه) : طقها ولد تهاني
أمينه(شهقت) أهئئئئئئ طقها
حمد : أيه يمه
أمينه : ليه
حمد(خاف يقول انها أنهانت وانهم تجرؤ على أمها ولما دافعت ضربها) : مدري لما تصحى أسأليها تامرين على شئ يمه
أمينه : لا يمه سلم على أمك
حمد : يوصل يمه تصبحون على خير

*******************************************

مرت الأيام على البعض بسلام وعلى البعض بتوتر ولا البعض بألم

يــــــــــــــوم الـــــــــــمــــــــــلـــــــــــــكـــــــــــ ــه.......

الكل في بيت خلف وخصوصا في غرفة عروستنا

ترفه(تهز رجلها متوتره) : ياربي
أسيل : هههههههههههههههههه علامك هدي خلي المره تخلص شغلها وبعدين هذا زواج مو ماخذينك على المقصب
ترفه(بعصبيه) : أسيلوووووووه سكتي وربي خايفه
بشاير : ههههههههههههههههه أخوي ماياكل ولا يعض
أسيل(ترد على جوالها) : ألو .... هلا عبود .......العروس بخير لله الحمد ....... أوكيه جايه باي
بشاير : وين
أسيل : عبود يبيني ثواني وراجعه

في المطبخ............

عايشه(تشرف على البنات) : أيه كذا زينه القهوه
روابي : أفففففففف عيوش شنو هذا واقفه فوق راسي القهوه والقهوه ليه ماجبتو عاملات وخدمه
عايشه : وليه نجيب الحفله عائليه وعلى قدنا وبعدين ماتبيني أعلمك القهوه
روابي : لا ياماما انا دكتوره روابي علميني عن المشرط الجروح أيه
أمل : وووووووع أنتي كيف تتحملين الدم والقرف
روابي : أموووووووت على كذا أذا جاني المريض وأسعفته
نجود : ما أظن أنك بتتزوجين ترجعين البيت وكلك دم ووووووع
روابي : والله ياعمري اللي بياخذني يبوس أيده وش وظهر اني قبلت فيه
عايشه : يؤ يؤ يؤ يؤ يالثقه أنتي لازم ياخذك دكتور احسن يعني متعود على الدم
روابي : ووووووووووووع أساسا مكره عندي غير الدكاتره
أمل : غريبه منتي دكتوره
روابي : شوفي حبيبتي أنا أحب الطب بس أنا عندي مبدأ أهو ينتظرني بس أنا لا
أسيل(توها داخله) : أيش ينتظرك وأنا لا شلون يعني
روابي : أقصد أبي لما أرجع ألقاه ينتظرني أنا مو أرجع يدقون عليه المستشفى وأجلس بروحي تعرفون الدكاتره الرجال أي وقت يتصلون عليهم يحصلونهم عكس الدكتوره عندنا أي مهنه غير الدكتور
نجد : اهاااااا حلال عليك حرام على غيرك
روابي : أنا أبي الأنسان اللي يقدرني ويحترمني ينتظرني وأنتظره المهم يحطني بعيونه لو شنو كان ومن كان والأهم أمي أبيه يعتبرها أمه هذا قمة هرم شروطي أنا دوم العذر عندي زاهب على الخطاطيب لأني ما أحصل من يرفق بأمي دوم همهم أنا ويبان بعيونهم كذبهم عشان كذا أرفضهم
أسيل : ياقلبي أنتي الله يرزقك ونعم التربيه(دق جوالها وصفقت جبينها) يووه نسيته...... ألو طالعه طالعه لا تعصب باي

طلعت أسيل لعبدالله اللي خبرها بعد ربع ساعه تنزل ترفه لأنهم بيملك الشيخ ولازم يسمع موافقه ترفه وتوقع على الدفتر وبعدها بيدخلون خالد أسيل وصلت الخبر للعروس

أما في الصاله.......

شهد : حشى ولا كأنه عرس اليوم
نجود : وربي مو حاسه انه عرس وبعد بكره أول يوم أمتحانات
مناير : حالنا من حالكن انا خايفه من النتيجه واني ما أنجح بكل المواد
رنا : ياويلي توني أحس اني غلطت يوم دخلت علمي
رشا(مو معهم في نفسها) : ياربي صار له يومين ما يدز ولا يسأل علامه تعودت عليه اسبوعين من أحلى الأيام غيرني وأذا أتصلت مايرد بس لو يطمني عنه
هيام(تهمس) : علامك بس عيونك على الجوال
رشا(بحزن) : له يومين مادز ولا سأل خايفه عليه
هيام(تبتسم) : حبيتيه وانتي ماعرفتيه كيف
رشا : مدري دخل قلبي وحتى غيرني وتغيري عشانه بس صدقيني حبي له غيرني للأحسن
هيام(في نفسها سرحت بفارسها) : آآآآآآه يازينك مو قادره أنسى الصدفه او ههههههههههه الخطف اللي جمعنا أتمنى أشوفك وووووووويه معذبني ولا أنت حاس بس كيف أوصل لك يله عسى الأيام تجمعنا فديتك وفديت شهامتك يوم تدافع عني (لفت لرشا) رش رش خلينا نرقص هذي ملكت ولد عمنا يله أنسيه يارب يكون بخير
رشا(تبتسم وتوقف) : يارب يله برقص معك يمكن انسى مع اني ما أظن

رنيت لك رنة ما سويت لي رنة
وتقول إنك تحبني لا لا والله ما تحبني
جالس على ناري وأنت ما أنته بداري
وما تعرف أخباري يا خي ليش متعبني
صوتك يكفيني وينك يا بعد عيني
تكفى لا تخليني وأفرح لو تكلمني

************

تعال وأحيني بعدك ظلمه سنيني
قرِّب يا نظر عيني ومرة بس طمني
صوتك يكفيني وينك يا بعد عيني
تكفى لا تخليني وأفرح لو تكلمني

************

تشتاق لك روحي وأنت يا دوا جروحي
بعدك جالس بروحي ودّي بس تفهمني
صوتك يكفيني وينك يا بعد عيني
تكفى لا تخليني وأفرح لو تكلمني

************
الأغنيه : رنه ...سلمان حميد ....

دخلو المعرس والعروس كانت قاعده على الكوشه وتحس كل خطوه تقربه تزيد ضربات قلبها خالد مو احسن منها حال يحس قلبه بيطلع من مكانه قرب منها وحبها على جبينها دخل أبوها وأخوانها ودخل محسن معهم باركو لها وطلعو وجلس خالد وباركو له ولا خلت الجلسه من طنازت أسيل وبشاير اللي كل وحده أستلمت واحد منهم خالد وصى بشاير أن بعد 10 دقايق من دخوله تطلع الكل حب يكون لوحده مع عرسه فعلا تركوهم وترفه ما حست من شدت توترها من قرب خالد بأن المكان فضي
خالد : مبروك يالغاليه
ترفه(رفعت النظر وما حصلت أحد وبحيا) : الله يبارك فيك
خالد(مبهور من حلاتها) : ماشاء الله ماكنت عارف أن النقاب مخبي كل هذا الزين
ترفه : .................
خالد : ترفه
ترفه : ............
خالد : ردي علي يا بعد قلبي
ترفه(بصوت أقرب للهمس) : هلا
خالد : ابيك تسامحيني على كل ما سببته لك من جرح وانا كنــ...
ترفه(بحركه عفويه منها حطت يدها على فمه) : أنسى الماضي ياخالد
أستوعبت اللي سوته سحبت أيدها بس أهو أسرع مسك يدها قبل تردها لحضنها أبتسم وباسها
خالد(بأبتسامه) : أموت باللي يستحون
بشاير(دخلت فجأه عليهم وشهقت) : أهئئئئئئئئئئئئئئئئئئئئئئئئئئئئئئئئئ
خالد(تخرع وهد يد ترفه بعصبيه لف لبشاير) : وووووووووووجع علااااااامك
بشاير : عييييييييييييييييب شنو تمسك يدها
خالد(يتلف حوله كانه يبي شئ ) : أفقع راسك ألحين زوجتي يابهيمه زوجتي
ترفه ذابت من سمعت كلمة زوجتي حست بنبض قلبها يزيد حلوه بلسان خالد
بشاير(تطالع السقف وترد تطالعه) : ياربي عارفين أنها زوجتك أيش رايك تنشرها بالجريدة
خالد(عصب) : أحذفك بالنعله أييييييييييييييييييييش تبين شنو موقفك هنا يله طلعي
بشاير(بخبث) : ليه وش تبي تسوي هاه هاه وبعدين قلت عبدالله مو موجود أكون بداله وأحرص على الجو (وبدت تصفر بطريق أستفزازيه)
خالد(رص على ضروسه) : حاطك محامي لنـ.. (دق جواله) ألو..
فراس : علامك معصب يالمعرس طقتك ههههههههههه
خالد : هاهاها هااااااا سخيف لا هذي بشاير اللزقه مو راضيه تخليني
فراس(فديتهااااا) : خلودي أعلمك كيف تصرفها
خالد(أبتسم) : كيف
فراس : سو نفسك تكلم عبدالله وقل لها تطلع لأنه بيدخل (ياحلالاه لو تطلع للحديقه)
خالد : طيب طيب عبدالله باي
فراس : هههههههه باي
بشاير : عبدالله بيجي
خالد(بعصبيه زايده) : أيه ذلفي خربتي علي لا يجي ويشوفك هنا
بشاير(تمد لسانها له) : تستاهل باي
خالد (لف لترفه ورجع مسك يدها وأبتسم) : هاه وين كنا
ترفه(بحيا) : خالد مو حلوه يدخل عبدالله ويشوفنا
خالد(رفع حاجبه) : نعم أنتي زوجتي أولا وبعدين صدقتي عبدالله اللي كنت أكلمه لا هذا فراس واهو قالي عشان ناخذ راحتنا(غمز لها)
ترفه : هههههههههههه حرام عليك بشاير صدقت
خالد(رفع يدها وباسها) : أموت عليـ...
بشاير(تدخل فجأه وتشهق) : أهئئئئئئئئئئئئ أنا أيش قلت لك عن الأدب هاه هاه
خالد(تخرع لدرجه نقز من مكانه) : أنتي كيف أقصد ليه حسبي الله عليك من اخت
بشاير(تغمز له) : ياقوي أنت وولد عمك فراسووووووه
خالد(أنصدم) : كيف عرفتي أنه فراس
بشاير(تكتف أيديها) : قل له لما يبي يوزك لا يتلصق بالحوش يناظر لبنات الناس فاهم
خالد : الحديقه بنات الناس ماخبرت احد غريب
بشاير : ههههههههههههه الحبيب يعطيك نصائح واهو يتمشى بالحوش والاحلى معلي الصوت أنا فراس قله ما يغازل كذا مالت عليه ما حوله أحد
خالد : والبنات
بشاير : ليه خداماتنا مو بنات ناس هههههههههههههههههههههههه
خالد(عصب تتطنز) : يلعن شكلك ومن قال لك بذبحه
بشاير : بسم الله عليها لا والله الدنيا سايبه ولا سايبه بعد عمري أسيل
خالد(رفع يدينه للسماء ) : جعلي أشوف فيك يوم أنتي وأسيل يارب
ترفه(ما قدرت تمسك نفسها) : ههههههههههههههه
خالد(لف لها ورفع حاجبه) : لا يكون متفقات أخاف بعد
ترفه( كتمت ضحكتها وهزت براسها لا) :...............
بشاير : يوووه كسرت خاطري خلاص بروح خذ راحتك ماتهون علي ياخوي
خالد(أبتسم بفرح) : والله أيه هذي أختي السنعه
بشاير(بخبث تبتسم) : لأني أسمع صوت عبدالله جاي بااااااااااااااااااي
خالد(بوز مثل الجهال) : هالدبه ضيعت علي الكلمتين اللي بقولهن لك
ترفه(كسر خاطرها) : الأيام الجايه أن شاء الله
خالد(لف يمها وأبتسم وبغى يمسك يدها بس تراجع) : لا ماني ماسكهن كل ما لمستهن دخلت بشاير
خالد وترفه طالعو بعض : ههههههههههههههههههههههههههههههههههههههه
عبدالله(طق الباب بس شكلهم ما سمعوه ودخل) : ياعيني حلووووووو عصافير الحب
ترفه انحرجت ونزلت راسها....
خالد : أفففففففف لا حول ولا قوة إلا بالله يا انت يابشاير شهذي الحاله اليوم يارب انا من متصبح بوجهه
عبدالله(مسند ظهره على الباب) : مدري بس قم يالله قم أستحليت القعده قدامي الرجاجيل يبونك
خالد(يبتسم له) : تكفه يا أبو أسيل قل لهم مالقيته
عبدالله(رفع حاجبه) : لا والله أحلف بس أخلص قدامي
خالد : طيب (يلف لترفه) أشوفك بكره
عبدالله : هاهاهااااااااي ألعب غيرها ياحلو أخذت لها أجازه مالك أمل إلا يوم العرس

خالد(تنرفز) : أهب يا وجهك وووووووووووخر يله باي
طلع خالد وعبدالله وترفه ماتت ضحك عليه ودخلن البنات وأستلمنها أسأله وتعليقات ^_^(عقبالكم يارب)
عبدالله : علامك مبوز كذا
فراس(توه طالع من المجلس) : أووه المعرس
خالد(بوز ) : أي معرس معرس وطل بوجهي وأهو اللي أخته بشاير يعرف العرس
فراس(فز قلبه لطاريها) : خير بعد مو طلعت من عندكم
خالد : سمعوا وأحكمو اللي صار أنه.......................... وهذا كل شئ
فراس وعبدالله : هههههههههههههههههههههههههههههههههههههههههههههههههه هههههههههههههههههههههههههههههه
خالد : تضحكون هاه
فراس : شوف أولا أنا ماطلعت للحديقه كنت بالمجلس
خالد(منصدم) : أحلللللللللللللللللف طيب كيف
عبدالله : ههههههههههه ألحين فهمت
خالد وفراس : شنووووووو
عبدالله : قبل أجي بشوي لخالد سألتك من تكلم يافراس صح
فراس : صح قلت لك خالد
عبدالله : بعدها بدقايق دقت علي أسيل وسألتني أذا أنا بجي عشان الحريم يتغطن قلت لها لا من قال قالت خالد يقول لبشاير أنك كلمته قلت لا هذا فراس والله ما كنت عارف اللي يخططن له
خالد : أخص مهن هينات الأيام بينا
فراس(أبتسم وفي نفسه) : انا أغازل يا بشاير هييييييييييييه خليني بس أشوفك
عبدالله : يله شباب خلونا ندخل المجلس

************************************************** ******

أول يوم أمتحانات.............

نجد(شوي وتصيح) : الأمتحان ماكان سهل
فضيله : ياربي يانجد اذا الدكتوره نجد تقول مو سهل أجل حنا أيش نقول
مها : ذكري الله عليها
آمنه : من يدافع الكتوره مها
مها(خزت آمنه وفضيله) : .....................
أمنه وفضيله(خافن) : ماشاء الله
نجود : ..................
أشواق : علامك نجود
نجود : أنا أكيد راسبه معناها الطب طاااااااااااااار
مها : يابنات أذكرن الله نشد حيلنا بالمواد الباقيه
نجد : نجود نجوووووود يله السواق وصل
نجود(تفتح أيديها لأختها الواقفه) : هلكانه وربي نجد شيليني
نجد : لا والله يالدبه قومي أخلص بوصل البيت وأحط راسي ساعتين وانام وارجع أقوم واراجع
نجود : بس بس جدولك عارفته يله
نجد ونجود : باااااااااااااااااااااي
البنات : بااااااااياااااااااااات

**************************************************

في بيت الجده............

رنا داخله مع زياد اللي جايبها

الجده : حيالله اللي جو
رنا (شوي وتصيح) : آآآه الأمتحان صعب
زياد : الله يحييك يمه رنوووو لا تخافين ربك كريم بعدين انتي مو تقولين مذاكره عدل
رنا : أيه والله
زياد : خلا....
رشا(نازله معصبه من فوق وصراخها) : رنوووووووووووو يالزفته
رنا (بخوف) : شنو شنو
رشا(ماسكه جوال رنا بعصبيه) : تلعبون علي أنتي وسامي الزفت
رنا(طالعت زياد وبلعت ريقها) : أنا أنا أأأأأ
رشا (بعصبيه) : أنا أنا شنو يعني انتي تعطين أخباري له
رنا : كيف عرفتي
رشا(تفتح الرساله بجوال رنا) : صباح الخير أختي الصغيره وين انتي ما خبرتيني اليوم رشا أيش تسوي أنا مثل ما قلت لك ماراح ارسل لها ليومين بس مشتاق لسوالفها باي سامي
رنا : رشا فهمي
رشا(تقاطعها بعصبيه) : يعني لو دخلت غرفتك وفضولي للرساله اللي وصلت لك كان لحد ألحين على سذاجتي وغبائي لييييييييييييييييه انا اختك
زياد : هدي رشا معليش اللي سويناه عشــ....
رشا(تطالع لاخوها ومصدومه ) : يعني حتى انت كنت تعرف طابخينها مع بعض
الجده : يابنتي سامي ولد ما ينعاب وما سوى كذا إلى انه يحبك ويبيك
رشا(تأشر على جدتها) حتى انتي أول رنا أصدمتني وبعدين زياد وكملت جدتي
زياد : قعدي رشا قعدي
رشا(تجمعت الدموع ) : أنا ما أصدق كلكم ليه وانا اسولف لكم وكأني خبله إلا خبله وانتم وسامي ما خذيني على قد عقلي
رنا(تقرب من أختها) : أنا أسفه رشـ..
رشا ركضت لغرفتها وسمعوا الباب ينصفق بقوه رمت نفسها على سريرها ومسكت جوالها وأرسلت لسامي
أكررررررررررررهك اكرررررررررهك
أما في الصاله رنا تصيح
زياد : رنا قلبي خلاص رشا تزعل شوي وترضى
رنا(تصيح) : زعلت مني ليه ياليتني ما وافقت
الجده : رنا ياقلب جدتك لما تتزوج اهي وسامي راح تشكرك على اللي سويتيه
رنا : انا ما أبيها تشكرني أبيها ترضى عني
تركتهم وركضت لغرفتها رنا عمر أمها ما اهتمت فيها رشا حسبت الأم لها
الجده(تطالع لحفيدتها وبحزن) : والله مدري اللي سويناه غلط ولا صح
زياد(بثقه) : صح يمه صح سامي ما ينعاب واهو يقدر يغصبها بحكم ولد عمها بس حب يخليها باللين(رن جواله وابتسم) الطيب عند ذكره
الجده : سامي

زياد(يهز براسه بنعم) : ألو ... هلا بوسلطان... رشا أيه أيه.......هههههههههههههههههههههههههههه..... أيه عرفت من رسالتك اللي ارسلت لرنا اليوم فضولها..... والله قويه ههههههههه... عندنا وعنك خير حتى حنى هههههههههههه .... لا ما أرسلت لنا قالتها بوجيهنا ههههههههه ......لا ما اظن تقبل تشوفك ياعم خلها ترضى علينا بالأول بعدين نطلب ترضى عنك .......... هههههههههههههههههههههه لا والله ما أتطنز حاشاك ...... هلا...... لا ما عندي دوام....... على حسابك ..... أوكيه مرني ونطلع مع بعض أنتظرك باي

******************************************

أما في غرفة أسيل ...............

طق الباب...............

أسيل : أدخل يبه
الأب(يدخل مبتسم) : وش عرفك انه أنا
أسيل(تبتسم) : حفظت طقتك يالغلا حياك
الأب(يطالع لها وبعد صمت) : أسيل
أسيل : عيونها
الأب : تسلم عيونك والله مدري شقول بس انا حاب تسمعيني للنهايه
أسيل(بخوف من نبرة صوت ابوها) : خير حصل شئ
الأب : يوم ملكت خالد حضر أبو مازن يبارك لنا
أسيل(حست بحيا بذكر أسم مازن وفي نفسها) : ياقلبي أكيد كلم ابوه عن الملكه
الأب(بحزن) : وطلب نفسخ الخطبه اللي بينك وبين مازن
أسيل(بسرعه من الصدمه رفعت راسها ) : هاه
الأب : بسم الله عليك يقول أن ولده بياخذ بنت عمه وان أذا جاك نصيب غيره لا تقطعون برزقها
أسيل(كانت جالسه على السرير ومقابله أبوها على الكرسي تجمعت دموع بعيونها نزلت لعند رجل أبوها ) مو فاهمه
الأب(يطالع لها بحزن وسكت) : ..........
أسيل(تهز رجل أبوها بدموع على خدها) يعني مازن مازن ما يبيني يبه أنتهى كل اللي بينا فيه غلط أكيد أبوه يكذب انا أنا شفت أمه وأخته ماكانو راضين عني مازن يحبني أكيد أمه وأبوه أهو لا لا يبه يحبني
الأب(يهز راسه لا) : أنا كلمته وسألته أيش رايه باللي أبوه قاله
أسيل : أكيد كذب الكلام صح يبه
الأب : ............
أسيل : يبه صح كلامي مازن كذب الكلام صح صح أهوووووو يحبني
الأب(زاد حزنه على بنته) : مدري مازن قال كلام أبوه صح وأنه غلط يوم خطبك كان لازم
أسيل(تقاطعه وتاشر على نفسها وتصيح) : غلط أنا ألحين غلط بعد سنه عرف أني غلط لييييييييييييييييييييييييييييييييييييييييييييييييي ه خطبني وكلام الحب وشوقه وحبه لي وأنا أقول ليه له يومين مغلق جواله ولا يرد ليييييييييه ماواجهني فهمني ليه سوى كذا شنوووووووووووو الغلط شنووووووووووو
الأب(يمسك أيديها بحنيه) : يا أسيل أهو الخسران وانتي ألف من يتمناك
أسيل(تهز راسها) : لا لا لا لا انا فيني غلط أكيد يمكن لا لا أكيد بس اهو والله يحبني يبه (رفعت راسها لأبوها دموعها تجرى على خدودها بقهر وألم ) يبه أنا والله احبه ليه يتركني بعد ما علقني فيه لييييييييييييييييييييييييه يبه قل الصدق أهو قال لك سامع عني شئ زعله
الأب : لا يبه يقول دامنا على البر ولا ملكنا كل واحد يروح بطريق(حطت راسها على رجل أبوها تسمع كلامه ودموعها مو راضيه توقف أبوها يمسح على شعرها بحنان ويكمل) يقول بعد أنكم ما تناسبون بعض أنا حبيت أتأكد قبل أقول لك يا أسيل أهو الخسر أنتي
حس الأب بأن راسها ثقل وسكنت وعم الهدوء الغرفه من شهقاتها رفع راسها بحنيه لقاها مسكره عيونها وأيديها جنبها
الأب(بخوف) : أسيل أسيل بابا أسيل أصحي أسيييييييييييييييييييييييييييييييييييييييييل
الكل سمع صرخة الأب طلعت عايشه من المطبخ وركضت هي وامها لغرفة أسيل عبدالله طلع من غرفته يركض نجد ونجود اللي كانن يذاكرن طلعن على صرخه ابوهن والكل يتسابق على غرفة أسيل
عبدالله(أنصدم) : عمي
الأم(تصيح) : أسييييييييييييل بنتي
الأب(جالس وحاط راس بنته بحضنه) : عبدالله أسيل
عبدالله(جلس جنبها وطبطب على خدها بشويش) : أسيل أسيل نجد جيبي شئ يصحيها
الأب (يطلع جواله) : ألو محسن ألحقني ياخوي أسيل ......... أيه قلت لها أغمى عليها........... تكفه ياخوي بسرعه
عبدالله (يشيلها على سريرها) : أسيل أصحي أسيل يانور عيون أخوك طلبتك أصحي (بعصبيه) الله يلعنك يامازن
نجد : خذ عبدالله العطر
الأم(تصيح وعايشه ساندتها) : ليه يا عبدالوهاب انا قلت لك لا تقول لها آآآآآآآآآآآآآآآآه على بنتي
عايشه(بدمع) : يايمه أهدي لا يرتفع السكري أسيل راح تصحى
نجود(تصيح خوفها على أختها) : الله لا يوفقه الله لا يوفقه
عبدالله(بعصبيه) : سكتووووووووووو(لف لأسيل ويحاول يحبس دموعه يقرب أيده اللي فيها عطر) أسيل أسيل

دق الباب بعد 10 دقايق تقريبا نزلت نجود تفتح الباب بأمر من ابوها.....

نجود(تمسح دموعها وتفتح الباب) : هلا عمي حياك
محسن : دخلي معي خالد وزياد
نجود(صعدت وخبرت نجد وعايشه عشان يتغطن) : خالد وزياد جو تغطن
محسن : دخلو روابي خلينا نصعد انا وأنتي
جلس خالد وزياد بالصاله الداخليه وصعدت روابي ومحسن للغرفه
محسن وروابي : السلام عليكم
الكل : وعليكم السلام
روابي(تقرب من اسيل) : عبدالله وخر خلني افحصها
عبدالله(بعصبيه) : أحد ماسك انا ما أبعد عنها أسيل روووووووحي
روابي(خاف من عصبيته) : طيب أنت مو ماسكني ماسكها وخر شوي بس
محسن : يا عبدالله أبعد عط روابي مجال
عبدالله وخر بس ما أبعد عنها ضل يراقبها
روابي : كم صار لها
الأب(بحزن) : 10 دقايق ورافضه تصحى
محسن : خلونا نطلع الغرفه صايره ضيقه روابي انا تحت
عبدالله : أنا باقي مع أسيل
الأب : تعال عبدالله
عبدالله (بأصرار بس بنظره كلها حزن وخوف) لا ما بخليها
محسن : خله يله بنات ننزل
نزلو للطابق السفلي وجلسوا الكل ما غير عبدالله عند أسيل ونجد ونجود عند باب غرفة أسيل
محسن : يعني ما طعتني وقل لها
عبدالوهاب : يامحسن أهو صار له يومين مايرد عليها وكان لازم تعرف
خالد : طيب ماصحت
زياد : أتوقع تعرضت لصدمه مو هين اللي صار
محسن : الله يستر ما تدخل بغيبوبه الوحده ما تستحمل انها ترفض
الأم (تبكي) : الناس ماراح يخلونها بحالها كلن يبي يسولف ويشكك لو أهي رافضته مايضر ما يعيبها بس أهو اللي رفض لا وبعد سنه الكل عارف أنها خطيبته صدمه لها يا قلبي على بنتي
عايشه : يمه كلام الناس كثير المهم أسيل
زياد : ياخاله مازن الخسران أسيل ألف من يتمناها
عبدالوهاب : أن صار لها شئ والله والله لأوقف ضد سويلم وعائلته بكل شئ
محسن : أهدى ياخوي ألحين تكون بخير بأذن الله
الكل على اعصابه بعد نص ساعه نزلت روابي لوحدها
الأم : هاه طمنيني
روابي : تطمني ياخاله صحت بس عطيتها مهدي ونامت
محسن : خير أيش حصل
روابي : بعد ماصحت بدت تبكي بهستيريه ورفضت تهدى ففضلت أعطيها مهدي أنصدمت بقرار مازن ومو قادره تصدق ألحين عبدالله معها
عبدالوهاب(يقعد ويحط راسه بين أيديه) : حسبي الله عليك يامازن
محسن(يقعد جنب أخوه) : يابوفهد الحمد لله على اللي صار لو كنا ملكنا وبعدها تركها أيش راح يحصل كله قسمه ونصيب احمد وربكم
الكل : الحمد لله

***********************************************

أما في مكان آخر بيت محسن.........

شهد وبشاير جالسات بالصاله ينتظرن هيام ووجدان اللي اتفقن يروحن للسوق ولا عارفات باللي صار لأسيل أبدا

بشاير : شهوده صارت الساعه 5 ونص أهي قالت الساعه5 بالضبط عندكن
شهد : مدري عنها
بشاير : لو كنا رايحات مع السواق وهن يلحقنا مو أحسن
شهد(ترد على جوالها) : هلا هيوم... طيب طالعات... باي
شهد(تحط جوالها بالشنطه وتلبس عباتها) : يله هم برى
بشاير(تلبس عباتها) : وأخيرا يله
شهد(بعد ماطلعن شهقت) : أهئئئئئئ بشوره
بشاير(تخرعت) : خير
شهد : هذا فراس اللي جايبهن بالسياره اللي قدامنا
بشاير(لفت وعصبت) : لا والله هذا اللي ناقص أروح مع فويرس انا ماني رايحه
شهد : لا بشوره وانا
بشاير(تدخل البيت) : مالي شغل انا وأنتي نروح بكره
شهد(وقفت مكانها مو عارفه تدخل ولا تروح) : ياربي شسوي
هيام(في السياره) : قلت لك ماراح ترضى
وجدان : كان لازم تودينا ليه عندي كذا انت
فراس : نزلي هيام وشوفيها
هيام ووجدان ينزلن وسلمن على شهد........
هيام : هاه شهوده
شهد : صراحه يوم عرفت انه فراس ماتبي تروح
وجدان(تمسك يدها) : تعالي هيام تناديها يلاااااااا
شهد : ماراح ترضى هيام خلاص روحو عطلناكم
هيام(تغمز لها) : أنا راح أقدر عطيني 5 دقايق
وجدان : يله
هيام(دخلت ولقت بشاير جالسه) : بشوره
بشاير(تسلم عليها وبعصبيه ممزوجه بعتاب) : ليه ماقلتي لي ان فراس اللي بيودينا
هيام : والله ماكنت عارفه وصل وانا طالعه قلت بروح للسوق قال طيب روحي ورجع سألني مع من قلت شهد وبشاير قال أنا بوديكم حاولت ورفض
بشاير(تحط يدها على خصرها) : عناد يعني فيني
هيام : هههههه بزران (طلعت جوالها) ألو هلافراس
فراس : أخلصن أطلعن
هيام : رافضه
فراس : لا والله على كيفها أجي لهنا وتقول ماتبي تروح
هيام : شسوي خذ كلمها(تمد الجوال لها) كلميه
بشاير : لا
هيام : عشاني خذي وخلصونا
بشاير(أخذت الجوال وبدون نفس) : خير
فراس : يله طلعي ورانا سوق
بشاير(بعصبيه) : قلت ما أبي أروح كيييييفيييييي
فراس(عصب) : غصب عنك طلعي
بشاير (بعصبيه) : ماني رايحه وماني جاريه عندك ولا عليك أمر علي فاهم
هيام(فضلت تتدخل) : بشاير بربك وغلات امك الله يرحمها تروحين معنا يله
بشاير(سكتت امها أغلى ماعندها مدت التلفون لهيام وأخذت عباتها): يله مشينا
هيام(بفرح) : الو طالعين باي باي
طلعن بشاير وهيام ومو حابه الروحه وعارفه فراس وسوالفه شافت ان مكانها ورى فراس لأن وجدان وشهد متعمدات بس اهي ما عرفت ولا حست قامت تلعن وتسب بنفسها ما تقدر تتراجع وتدخل البيت صعدت هي وهيام
بشاير وهيام : السلام عليكم
الكل : وعليكم السلام

فراس(حرك السياره وبصوت عالي) : الحمد لله والشكر كل هذا غرور مانبي ناكلكم
بشاير(من غير نفس) : محد قال لكم تنتظرون
فراس(يعدل المرايه ويركزهن على عيونها) : من غصبك تروحين
بشاير عصبت ولفت لها بس أنتبهت انه معدل المرايه وطاحت عينها بعينه وغمز لها وأبتسم بانتصار
بشاير(في نفسها) : عمى بعينك ضحكت من سرك بلا صدق عينك قويه
هيام(ابتسمت وتطقه بشويش على يده) فراس الطريق أمام مو خلف
فراس(يبتسم) : أدري أشوف ورانا سيارات ولا لا
هيام : ههههههه طيب طيب
مد يده وشغل أغنية تامر حسني يابنت الأيه ^_^ وعلى على الصوت وظل بين فترات وفترات يسرق نظره لها وأهي انتبهت له وسوت نفسها تدور بشنطتها

على قد ما شفت وعشت وايه .. ايه ايه
جربت أكتر من اللي نفسي فيه .. ايه ايه
جيتي إنتي بسرعة يا بنت الإيه .. ايه ايه
ببساطة كده قلبي قدرتي عليه .. ايه ايه

على قد ما شفت وعشت وايه .. ايه ايه
جربت أكتر من اللي نفسي فيه .. ايه ايه
جيتي إنتي بسرعة يا بنت الإيه .. ايه ايه
ببساطة كده قلبي قدرتي عليه .. اه اه اه

بحبك آه بحبك ودايب فيكي وبحلف من الليله دي هاعيش انا ليكي
بحبك آه بحبك ودايب فيكي وبحلف من الليله دي هاعيش انا ليكي

بحبك آه بحبك ودايب فيكي .. اه اه
وبحلف من الليله دي هاعيش انا ليكي .. اه اه

بحبك آه بحبك ودايب فيكي .. اه اه
وبحلف من الليله دي هاعيش انا ليكي

لو عشت احلف طول حياتي كلها مش ح اقدر اوصف بحبك قد ايه
محتاج حياة اتنين ثلاثة على حياتي عشان اوصف يا حياتي بحبك قد ايه

لو عشت احلف طول حياتي كلها مش ح اقدر اوصف بحبك قد ايه
محتاج حياة اتنين ثلاثة على حياتي عشان اوصف يا حياتي بحبك قد ايه

بحبك آه بحبك ودايب فيكي .. اه اه
وبحلف من الليله دي هاعيش انا ليكي .. اه اه

بحبك آه بحبك ودايب فيكي .. اه اه
وبحلف من الليله دي هاعيش انا ليكي .. اه اه

بشاير(في نفسها) : يوووووه وش هالمصيبه نسيت الفلوس والله ورطه
شهد(تهمس لها) : فيك شئ
بشاير : لا
بعد فتره وصلو للمجمع والأسواق أغلبها فاضيه بسبب امتحانات المدارس فتح فراس البيبان إلا صوب بشاير اللي ما انتبهت لأنها تسكر شنطتها
بشاير(ألتفت حولها) : عمى خلني
توها تبي تزل إلا الي مسك يدها لفت قدامها إلا فراس اللي باين على وجهه العصبيه
بشاير(تحاول تفك يدها) : فراس أنجنيت أتركني
فراس(مسك يدها بقوه وبعصبيه) : مره ثانيه ردي علي عدل
بشاير : أأأي وجع بشكلك هدني فريسوووووووو يالخايس
فراس(بصوت عالي) : فاهمه انا ما أحذر إلا مره وإلا تشوفين شئ
بشاير(ما نتظرته يكمل عضت يده بأقوى ما عندها ومن الألم تركها): وأنا ما أثني كلمتي وماني وحده من حريمك
فراس(مسك يده اللي تالمه) : حشى قطوه أوريك
نزلت بشاير بسرعه ونزل وراها وما قدر يمسكها ولا ناوي عليها اليوم
فراس : ههههههههههههه هين وين بتروحين مني
بشاير(تلف له) : هين والله لأقول لأبوي واللي في بالك ماراح توصل له
فراس(يبتسم ويغمز لها) : يافاهمني
بشاير(لفت عنه وراحت للبنات وأهي معصبه) : عمى ليه ما تنتظرن هاااااااااااااااه
هيام(تهمس لها) : سوى شئ لك خلاك معصبه صح
فراس(من وراهابصوت عالي) : مـــــــــــــــــــــــــــــــــــن
بشاير(أنتفضت من الروعه ماكانت تعرفه أنه وراها) : وووووووووجع عساك لللوز ببلاعيمك على هالصوت
هيام(تمسك يدها) : أمشي صايرين توم وجيري أخلصي
بدأن عملية البحث عن ما يناسب فساتين العرس اللي عند المشغل
هيام : واااااااااااااو تهبل هذي الأسواره
شهد : بشاير ماكأن هذا الخاتم يصلح لفستانك يله ندخل نشتريه
بشاير : أيه بس لا مو عاجبني
هيام : لا بشاير روعه خذيه مو غالي
بشاير : لابدور غيره أذا ما حصلت أحلى باخذه
وجدان : طيب بدخل تدخلين شهد
شهد : طبعا بختار أكسسوار للشعر
هيام : بشاير علامك من دخلنا ما شريتي شئ معاك فلوس تكفي
بشاير : والله صراحه ما معاي فلوس كلش نسيت البوك
هيام : أعطيك وتردينهن لي أعرفك ما تحبين العطيه
بشاير : لا ياقلبي بكره برجع مع اخواني وأشتريهن
هيام : عمري أبوي وفراس عطوني بزياده
بشاير : هيام عارفه أن من فراس ما أبي
شهد(قطعت كلامهن) : بشوره تعالي نقي لي أحترت
بشاير : يله ندخل
فراس(ينادي هيام) : تعالي
هيام : هلا
فراس : على أيش تتهامسن خير
هيام : بشاير ناسيه فلوسها
فراس(يطلع لها فلوس) : خليها تشتري اللي تبيه
هيام : آسفه أهي رافضه تاخذ مني شلون منك
فراس(رافع حاجبه) : يعني شنو مني انا ولد عمها
هيام : ماترضى وماتحب تاخذ من احد
فراس : خذي وعطيها تشتري خذي بلا عناد
هيام : طيب
هيام(خذت الفلوس وراحت لبشاير) : خذي
بشاير : هيومه قلت لك ما أبي ياقلبي
هيام : هذي من فراس
بشاير(تلف عن هيام) : قلت ما أبي وخصوصا منه
هيام : بشـ..
فراس(دخل المحل وقطع كلامهن بعصبيه) : خذي لا تعاندين وبعدين رجعيهن أذا حبيتي حسبيها سلف
بشاير : مشكور ما أحب الدين الدين عمات العين ومنك ما أبي
فراس : خذيهن وخلصينا
بشاير : أوووووف قلت ماني محتاجه
فراس(بعصبيه وصوت عالي) : خذيها

البنات خافن وراعي المحل قعد يطالع لهم وكل واحد أعند من الثاني
بشاير(تصر على ضروسها) : فراس خلاص ما أحتاج لهم شكرا
هيام : خلاص فراس خلها على راحتها
فراس : لا مو على كيفها راح تاخذهن
بشاير(اللي طول الوقت معطيته ظهرها لفت له وتحط أيديها على خصرها) : غصب يعني لا غلطان أحنا من جينا وأنت تعطي الأوامر تراني بشاير مو مثل بعض الناس تامرهم
فراس(فهم بأبتسامه) : قريب راح تكونين منهم يابنت محسن
بشاير : بعيد عن شواربك ياولد عبدالوهاب
فراس(يدخل الفلوس بجيبه وزاد من ابتسامته) : والله أنتي اللي بديتي ويجي الوقت يا بشاير أنا بنتظركن بره أذا خلصتن طلعن
على الساعه 9 رجعن للبيت وعرفن باللي صار لأسيل وأنتشر بين العائله خبر فك خطبة مازن لأسيل والكل حزن لما أصابها لأنهم يعرفون بمشاعرها نحوه قررت بشاير تكلمها ماتقدر
بشاير : يوووووه هذي علامها
شهد : وش تسوين
بشاير : أتصل على أسيل بس جوالها مغلق أبي أتطمن عليها
شهد : أتصلي على البيت
بشاير : طيب..... ألو هلا عيوش
عايشه(بحزن) : هلا بشاير
بشاير : عايشه صدق اللي سمعته
عايشه : أيه شفتي الحيوان وش سوى فيها
بشاير : الحقير عيوش طمنيني عليها شلونها
عايشه : مدري حابسه نفسها بغرفتها وموراضيه تشوف أحد حتى عبدالله حاول ورفضت
بشاير : ياقلبي من متى
عايشه : من خبرها أبوي صار لها تقريبا 5 ساعات
بشاير : طيب معناها ماراح تكلمني
عايشه : أبدا
بشاير : خلاص أنا بسكر وبكره بأجيكم تامرين على شئ
عايشه : أبدا سلامتك
بشاير(حبت تغير جوها ) : ولا سلام مني ولا مني
عايشه : سلام
بشاير : أحمد هاه
عايشه(أستحت) : ووووجع يله قلبي وجهك
بشاير : هههههه يله تصبحين على خير
عايشه : وأنتي من أهله

*********************************************

نعود لغرفة رشا.........

صحت وكانت نايمه بنص السرير طالعت ساعتها الله كل هذا الوقت نمت يوووووووووه نسيت رنا ياني غبيه زعلت منها وأنا عارفه أنها مسيره مو مخيره لا ووقت الأمتحانات خلني أروح أشوفها

رشا(تطق باب) : رنا رنا
رنا( اللي كانت تدرس وتبكي بنفس الوقت أول ما سمعت صوتها نقزت لعند الباب وفتحته) : رشا
رشا(شافت عيونها حمر وفي نفسها) : ياربي ليه سويت كذا طول الوقت تصيح أكيد ما درست
رنا(تضمها وتصيح) : رشا آسفه والله ما قصدت تزعلين علي
رشا : تعالي يا حبيبتي وقولي لي أيش حصل وليه سويتي كذا
رنا(تمسح دموعها) : زياد وسامي طلبو مني أسوي كذا لما رحنا لبيت عمي سلطان قالو أن سامي يبيك بس انتي رافضه وكل المطلوب مني أذا كنتي بروحك أخبره باللي تسوينه قالو أنك ماراح تزعلين علي لو عرفتي رشا والله سامي يموت على تراب رجليك (رجعت تصيح) آسفه والله آسفه
رشا : خلاص ماني زعلانه منك بس سامي وزياد حسابهم عسير على اللي سووه والله لألعب فيهم لعب وأهم مو عارفين رنا شنو اختبارك بكره
رنا : فيزياء
رشا : ما درستي صح
رنا : أيه
رشا : طيب أنا آسفه سببت لك كل هذا سمعي لا تخبرين زياد أو سامي أني رضيت عليك وأنا ألحين نازله أسويلك نسكافيه عشان تصحصحين وتدرسين
رنا : أوكيه باخذ لي دش سريع على ما تسوين لي
رشا(توقف وتطلع من الغرفه) : هييييييييييين يازياد انت وسامي أنا رشا تسوون فيني كذا الأيام بينا

* فهد وأوراد وحياتهم المقبله هل سيخضع فهد ويطلق أم ستتراجع أوراد عن قرارها؟؟؟؟؟؟؟؟
** وجدان ستتخطى حبها لمحمد وتناساه او سيعود هذا الحب ويتجدد!!!!!
*** هيام وفارسها الغامض من!!!!محمد او عمر؟؟!!
**** أسيل وصدمتها بقرار مازن نهايه لها أم بدايه قويه وأقوى لحياه قادمه!!!!!
***** ماهو السر وراء قرار مازن لفسخ الخطبه رغم حبه الشديد لها؟؟؟؟!!!
****** ماهو سبب رفض بشاير للأرتباط بفراس رغم بوح عيونه بما بقلبه من حب لها؟؟؟؟!!؟؟
******* رشا بعد أكتشافها لشخصية الجني هل سيتحول حبها له لكره!!! وكيف راح تتصرف؟؟؟