رواية و الله أحبك يشهد الله علي الفصل الحادي وثلاثون 31 - بقلم HaboOoshy

أسيل : حـــــــــــــــــــــــلـــــــــــــــــــــــــ ــــــم
حمد : أيه حلم شوفي الساعه بعده ما أذن
أسيل تطالع الساعه 3 العصر وتحط يدها على صدرها وتاخذ نفس وتطلعه
أسيل : أفففففف خرعني الحمد لله أنه حلم
حمد(يبتسم) : شكله حلم يخرع قوليه لي
أسيل(بحيا) : بقوله بس لا تتطنز زين
حمد : زين
أسيل : لما أذن المؤذن لصلاة الظهر قلت بروح أصلي وأنام قالت أمي ما تبين غدا قلت لا
حمد(رفع حاجبه) : ردينا على الأكل حتى فطور مافطرتي
أسيل منزله عيونها منحرجه منه مو قادره تطالع له لنه قريب حيل منها
أسيل : مو مشتهيه أكمل
حمد : كملي
أسيل : صعدت وغيرت وما صدقت أحط راسي ونمت وحلمت ........
وأسيل تحكي لحمد الحلم وأهو يضحك عليها وكل فتره توقف ويطلبها تكمل وترجع تقول لين خلصت
حمد(يمسح دموعه) : ههههههههههه فظيع حلمك هذا لهذي الدرجه نذل
أسيل : ...............
حمد : أسيل
أسيل : هلا
حمد : أممممممم وريني يدك
أسيل (رفعت راسها له وخبت يدها و رى ظهرها) : علامها
حمد : طلعيها بشوفها روابي تقول مورمه ومهي سبب دولاب(كبت)
أسيل : روابي دهنتها وأهي زينه أسمح لي بروح أصلي
حمد : طيب خليني أشوفها بالأول
أسيل : مو لازم
حمد (مسك يدها ولفها ورا ظهرها قبل توقف) : قلت لك بشوفها
أسيل(تتألم) : آآآآآي حمد علامك على أيدي بتكسرهن حرام عليك خذ شوفها
حمد (يطالع يدها وتذكر اللي صار البارحه) : أنا السبب صح آسف ماكان قصدي
أسيل(نزلت دموعها لا أراديا) : عادي كان لازم ما أتكلم معك بهذا الأسلوب
حمد(ضمها وباس جبينها) : السموحه بس ما أنتبهت لنفسي وفقدت أعصابي
أسيل(أنحرجت وأهي بين أيديه أول مره) : حمد بروح أصلي
حمد(طالع لها وأبتسم على وجها المصبوغ للأحمر) : عاش مصرف
أسيل رفعت نظرها له لأن حمد ضخم مثل أصحاب كمال الأجسام وأهي بالنسبه له نتفه صغيره كان محاوطها بأيديه
أسيل : حمد أرجوك خلني وراي صلاه وعزيمه
حمد(بخبث) : وأن ما خليتك ناسيه شنو قلتي البارحه ألحين أنتي قريبه
أسيل(تحاول تبعد) : حمد أرجوووووووووووك مالي خلق لك مشغوله
حمد : ههههههههههههههه حلفي مالك خلق لي بس أنا فاضي
أسيل : والله لاصرخ خلني ماااااااااااااااااااااااااااا أبيك
حمد : صارخي منيه لبكره ما هميتيني
بهذي اللحظه مره ثانيه خربت مخططاته طق باب الجناح ودخلت الجده لأن الباب مفتوح
الجده : أسيل أسيل
أسيل(تبتسم بنصر وتطالع حمد وتحمد ربها) : هلاااااااا جده حياك أنا بغرفتي
حمد : يالخبيثه فكك الله
أسيل(تدفه وتطلع لجدتها) : هلا وغلا
الجده(تمسك يدها بحنيه) : كيفك ألحين وكيف يدك
أسيل : بخير لله الحمد
الجده (بهمس) : رجلك داخل
أسيل(بهمس) : نايم يمه حياك أجلسي
الجده(تجلس) : الله يسعدكم
تمت تسولف مع جدتها وبعد ربع ساعه طلع حمد وعليه روب الحمام وينشف شعره عن الماي
حمد(يبتسم) : هلا جده منورتنا
الجده : هلا بالغالي توك صاحي
حمد(رفع حاجبه) : صاحي
الجده(تبتسم وتطالع أسيل) : قالت لي أنك نايم ماحبت تزعجك
حمد يبتسم ويجلس جنب أسيل ويحط يده ورا ظهرها
حمد : أيه هذي الزوجه السنعه
الجده(توقف) : يله أنا بروح ألبس وأتزهب
أسيل أنتبهت لنظرات حمد وأبتسامته الخبيثه وبلعت ريقها وأيده المثبته على خصرها مانعه حركتها
اسيل : جده قعدي بدري
حمد (بخبث) : أسيل نسيتي تبين تتجهزين للعشاء بعد ما يمديك
أسيل : هاه أنا حلوه بدون شيء جدووووووووووووه خليك
الجده : ههههههههههه ماتخلص سوالفكم بروح أبرك
حمد(بعد ماطلعت الجده شال أسيل وأهي ترافس برجولها) : هههههههههههههههه تقولين لها نايم يالكذابه
أسيل : حمد حمد خلني نزلني والله لأقول لأبوي واااااااااااااااااي حمدددددددددد
حمد(يدور فيها حب يلعب بأعصابها) : محد له دخل فيني أسوي اللي أبي كييييييييييييفيييييييييييييي
أسيل(تغطي وجها بأيديها) : حمووووووووودوووووووووووه يالخايس نزلني دوختني ييييييييييييييييييييييييييمه
حمد (نزلها على السرير وأبتسم) : ثواني وراجع يا حلو
أسيل شافته طلع ركضت للحمام وسكرت الباب عليها وأهي ترجف
أسيل : دوخني يممممممممممممممممه الغبي
حمد (رجع ما شافها) : هذي وين (شاف باب الحمام وأنتو بكرامه طق الباب) أسوله طلعي
أسيل : ما أبي
حمد : شطوره طلعي ماصارت كل مره تسوين فيني كذا طلعي بتكلم معك
أسيل(في نفسها) : هييييييييييين ياحمد تعتقد اللي قلته لي ينسى بسهوله وأتغاضى عنه لا تحلم (فتحت الماء) باخذ دش سوري حمد
حمد(ضرب الباب ضربه بعصبيه) : هيييييييييييييييييييييييييييييييين ما بنساها لك مردي صايدك يا أسيل
لبس وطلع وصفق الباب بقوه وطلعت أسيل وبدلت ملابسها حبت تلبس ساري هندي بس محتشم باللونين الأسود والنقش الفضي ولبست كل الأكسسوارات هنديه هامه وخلاخل للرجل وصندل(حذاء) هندي خلة شعرها جدله هنديه لورا ولبست هامه هنديه سوت مكياج سموكي بفضي وأكتفت غلوس وطلعت
طقت باب غرفة البنات ودخلت على البنات
أسيل : هاااااااااااااااااااااي
البنات صفرن وصفقن على شكلها
أسيل (تخرعت) : علامكن بسم الله علي من عيونكن قل أعوذ برب الفلق

نجد : إلا بسألك شاروخان بجناحه ولا بالمجلس
الكل : ههههههههههههههههههههههههههههههههههههههه
أسيل : لا بالمجلس
روابي : وشاف هالحلى أظن لو شايفك ما خلاك تطلعين اليوم (وغمزت لها)
أسيل(أنحرجت) : ووووووجع زين أستحي
عايشه : ماشافها وأنا اظمن لكن
وجدان : بطقم مع أسيل هندي بس بنجابي هندي
أسيل : عندك
وجدان : أيه كنت متردده ألبسه عنابي بذهبي وشهد ومناير مثلي
أسيل (تلف على الرباعي) : وأنتن
رنا : أنا وشلتي نلبس لبس السندباد(برمودا سير عند الرجول مثل مسلسل السندباد) ذهبي بأزرق
عايشه : لولا كرشتي كان لبست زيكن
بشاير : خساره حتى أنا أتضايق من البناطيل بلبس دراعه
هيام : أنا تنوره قصيره من قدام طويله من ورا معها بلوزه كت وشال مثلث
أسيل : ورورو
روابي : أنا لا هذا ولا ذاك (بغرور مصطنع) الحلو حلو لو لبس خيشه
سلوى : يالواثقه
روابي : مالت عليك هذا وانا أختك تحطميني
أسيل : ههههههههههههههه ماعليكي منها أنتي الحلى ولولا حبي لك ما خليتك تطقمين معي
بشاير: مثلك مثلك
أسيل : أيه شرينا مثل الشيء بس أهي ورديي بذهبي يله رورو لبسي
روابي : ثواني
عايشه(منسدحه على السرير) : أسيل تعالي
أسيل(جت وجلست عند راسها ) : هلا
عايشه(بهمس ولأن سريرها بعيد فصوتهم مو مسموع) : شخبارج مع حمد
أسيل (بهمس) : على حالنا
عايشه : أنتي فاهمي قصدي
أسيل(منحرجه) : أيه أهو أمممممم
عايشه : أسوله للحين مو راضيه عليه
أسيل : ولا برضى للحين ما برد ولا شفيت غلي وغيضي منه
عايشه : بس ما يجوز وعيب اللي تسوينه
أسيل : ......................
عايشه : أمس يوم تعبتي عمي ماقال بيفحصك ويودي تحاليل للمستشفى
أسيل : أيه قلت له ماله داعي
عايشه : كانوا شاكين انك حامل
أسيل(حطت يدها على فمها تداري شهقتها وتخفي ابتسامتها) : ......................
عايشه : علامك
أسيل : والله شيء عشان تعبت ضنوا أجل لو يعرفون أني هههههههههههههههه
عايشه : أشششششششششش تفضحينا أنتي
أسيل : شر البلية ما يضحك
عايشه : ومتى راح تخلين البلية اللي براسك تعرفين أن حمد لو يبي شيء ياخذه لو من عيونك صح
أسيل : عارفه بس أنا مو تاركه له مجال أبدا خليه توه ياما عيشني بنار وجحيم خليه يستوي على نار هاديه
عايشه : أخاف النار تحرقك النار تحرق رجل واطيها
أسيل : لا تحاتين حمد سلم الرايه لي وخضع هذي حقيقه
عايشه : ومتى بتسلمين الرايه يا أسيل
أسيل : متى ما بردت حرتي ورديت كرامتي وأرضيت كبريائي
عايشه : الله يهديك يارب
طق الباب.......
سعاد : بسم الله ماشاء الله تهبلين أييييييييش أيششششششش هندي اليوم
أسيل(بحيا) : عيونك الحلوه
سعاد : بنات ماخلصتن يله الناس على وصول
عايشه(توقف) : أنا معك بنزل
سعاد : نزلي وأنتي يا أسيل ونجد ونجود أخوكن عبدالله أرسل عليكن يبي يسلم
نجود : عبودي جاء وينه
سعاد : تحت عند جدتك وأمك يسلم عليهن
أسيل(بخبث) : ما سأل عن خطيبته
سعاد : إلا قال أذا بتجي تسلم ماعنده مانع
روابي(شهقت) : أهئئئئئئئئئئئئ والله
الكل : هههههههههههههههههه
سعاد : هههههههههههههه لا والله أمزح ماقال مع أن أمي أحرجته
أسيل : خلني ألحق على أخوي باي
نجد ونجود : معااااااااك
نزلن وسلم على عبدالله وجلسن جنبه.....
عبدالله : بسم الله عليك تهبلين شنو هذا الزين خواتي مزايين
أسيل : عيونك الحلوه(بهمس) حتى خطيبتك مثلي بالضبط
عبدالله (بهمس) : والله متفقات يعني
أسيل : أيه
عبدالله : أممممممم ممكن أشوفها أتمنى أشوفها
أسيل(ترفع حاجبها) : رح زين مهبوله ماتقدر تصبر كلها أسبوع وتصير حلالك
عبدالله : أفففففف الله يصبرني يارب تعالي أبيك بره (طالع للجده) أسمحي لي ياجده بروح تامرين على شيء
الجده (عبدالله يحب راسها) :تسلم ياولدي
طلع عبدالله وأسيل عند الباب لأنها ماتقدر تبعد أكثر
عبدالله(يمد لها علبه) : خذي هذي هديه لروابي وسلمي عليها
أسيل(في نفسها) : يا حظكن ماشاء الله كل وحده لها هديه من زوجها او حبيبها إلا أنا (أبتسمت) ممكن أفتحها
عبدالله : أفتحيها
أسيل : وااااااااااااو يهبل السلسال خلاص بوصلها لها ألحين
عبدالله : ماتبين تروحين لجدي ترى أمل مع زوجها بيجون بعد بكره وأبوي بمسوي عشاء بالمزرعه لهم
أسيل : واااااااااااااااو أمل بتجي خلاص بقول لحمد
عبدالله : أحسبي حسابك تباتين هناك
أسيل(بحزن) : مايرضى بس بقول لجدي يقول له أحسن
عبدالله : أيه بسهر معك مثل قبل للصبح ومشاوي ونسكافيه وسوالف للفجر اشتقت لذيك الأيام
أسيل : خلاص نشوف ألحين بدخل
: لا لا أنا أول مره أشوف القمر نازل يمشي بالأرض
أسيل(لفت تطالع من ورا عبدالله) : ههههههههه هلا رشود
راشد : لو يشوفك القمر يغير منك
: لا إلا يقوم ويخليك تجلسين مكانه
أسيل(عرفت الصوت صوت انسان تحبه) : هههههههههههههههههههههههههه منتو صاحين طيب رشود مو متزوج وانت لو تسمعك بشاير تذبحك
فراس : ماقلت إلا الصدق ماشاء الله عليك
عبدالله : شفتي مو بس أنا
راشد (يغمز لها) : احنا قلنا رأينا شنو رأي حمد هااااااااه
أسيل(أستحت منهم) : أممممممم أكيد قال كل شيء حلو علي يله شباب باي

الشباب : باي
رجعوا الشباب المجلس...
عبدالله وفراس وراشد : السلام عليكم
الكل : وعليكم السلام
أحمد : وين غطيتوا ووين القهوه ياراشد
راشد(يصفق جبهته) : يوووووووه شفت القمر يخطي على الأرض بسم الله عليه ونسيت
جراح : قمر
عبدالله : إلا والله حتى أنا وأزين من القمر
مشعل : والله وين بروح أشوفه
فراس : أحم أحم ما يجوز تشوفه إلا برضى حمد
حمد(متكي(متراكي – مستند) على المسند) : وانا شنو دخلني تبي تشوفه رح
فراس : يشوفه أنا موراضي يشوف أسيل
حمد(أعتدل) : أسيل تقصد أنها
راشد : القمر اللي نسولف عنه الله يخليها لك خدمنا اليوم بيغيرون منها
فراس : هههههههه الله يقطع أبليسك عشان الساري
مشعل(بخبث) : أممممم حمد تراك سامح لي
حمد(خزه بعصبيه) : رح وأحش(أقطع) رجولك هذاك أول قبل أعرف من القمر أنثبر
الكل : هههههههههههههههههههههههههههههه
فهد : أخص يا سلمان خان مايرضى عليها
أحمد : والقهوه والهيل من يجيبهن
حمد(أستغل الفرصه عشان يشوفها ووقف) : انا بروح أجيبهن
فراس : هههههههههههههه استغلال الفرص
: أحم أحم
محسن : مشعل راشد أستقبلوا الرجاجيل
مشعل : تبشر

وبدوا المعازيم يتوافدون وأمتلئ المجلس وعند النسوان بعد ماشاء الله الكل مشغول اللي يستقبل واللي يوزع الحلى واللي يمشي بالقهوه

روابي(تدخل المطبخ) : أأأأأأأي رجولي يعورني كوماري حطي قهوه في دله(ترمس – مطاره) بسرعه
كوماري : أن ساء الله
شهد(قاعده) : علامك
روابي(تنزل الكعب(حذائها)) : رجولي ورمن من الوقفه وأنتي جالسه هنا ليه
شهد(تشرب ماء) : أبدا حالي مثل حالك أنتظر الشاي يخلص
كوماري : تفزل شهد
شهد : يله باي
روابي : باي
اسيل(تدخل) : السلام عليكم
روابي ودادا : وعليكم السلام
أسيل : دادا طلعوا لي حلى جديد
حليمه : حاضر ألحين
: ياربي حلى يطلب حلى
أسيل وروابي : حمد
حمد : أمممممم ماشاء الله مطقمات (يلف لحليمه) دادا نبي قهوه وهيل مطحونات اللي عندنا خلصن
روابي (تلف حول نفسها) : شنو رايك
حمد : تهبل ماشاء الله
أسيل : دادا وين الحلى
حمد (يقرب بشكل أربكها وهمس بأذنها) : الطعن بالميت حرام شنو كل هالزين
أسيل(أنحرجت وابتسمت) : عيونك الحلوه (بصوت عالي) دادا الحلى
حمد(ياخذ نفس) : قصري حسك عيب ولا (يغمز لها) تصرفين
أسيل (حبت تضيع السالفه) : أمممممم من يسوي القهوه عندكم
حمد(تعمد يحرج روابي) : نسيبنا خطيب روابي عبدالله
روابي طلعت من المطبخ ومن الأحراج ما قدرت تنتظر القهوه تخلص ........

أسيل : هههههههههههههه حرام عليك أحرجتها
حمد(بخبث) : وانتي شنو اللي يخليك تنحرجين
أسيل(بثقه) : ولاشيء أنا عادي
حمد(باسها على خدها) : ههههههههههههه وألحين شخبار الأحراج

أسيل ضربته على كتفه وولعت أحراج خصوصا قدام الخادمات والدادا أخذت الحلى وطلعت ولا أنتبهت وصفقت وطاح الحلى منها وقبل تطيح مسكها حمد

حمد : بسم الله عليك
سعاد : بسم الله عليك فيك شيء
أسيل تعدل نفسها وهي بقمت الاحراج ونزلت تلم (تشيل) الحلى الطايح
حمد : كات شلي الأكل أسيل قومي فيك شيء
أسيل : لا
دادا : خذي صحن حلى ثاني حنا بنظفه

طلعت أسيل تقدم الحلى ومر العشاء بأحسن ما يكون وماصدقت أسيل توصل لجناحها ونزلت اكسسواراتها ولا غيرت لبسها ورمت نفسها على أول كنبه(كرسي) ونامت وعلى الساعه 1 بالليل صعد حمد ويوم دخل وشافها متكوره على نفسها رحمها وبدون غطا ماحب يصحيها وشالها وحطها على السرير غير لبسه وحط راسه ونام
صحت على الساعه 6 لأنها نايمه بدري شافته نايم وتسحبت بشويش خذت دش وصلت لبست بنطلون أسود بخط بنفسجي على جنب وبلوزه رقبه بنفسجي وبالطو طويل بفرو على الرقبه واليدين وجوتي(حذاء) رياضي بنفسجي ونزلت للصاله
كانت الجده عايشه والجده سلمى(جدة بشاير) جالسات يتقهون عمر وأمه ناموا عندهم كتغيير جو
أسيل(تحب راس جدتها والجده سلمى) : صباح الخير
الجده عايشه والجده سلمى : صباح الخير
الجده عايشه : صحيتي يالغاليه
أسيل : أيه نايمه بدري إلا وين الكل
الجده : نايمين ماتبين تفطرين
أسيل : بعلمكن سر
الجدتين : خير
أسيل : أنا لي 3 أيام ماشفت الوضحه الكل مانعني عنها بروح لها
الجده : أخاف تطيحين مثل ذيك المره
أسيل(توقف) : لا باخذ نسكافيه بروح قبل يصحون وخصوصا حمد
الجده سلمى : روحي بس أنتبهي لنفسك
أسيل : حاضر
أمينه وسعاد : السلام عليكم
الجدتين : وعليكم السلام
سعاد : كأني سمعتك تسولفين على احد
الجده : أيه أسيل
أمنيه : وينها
الجده : راحت تجيب سكنافيه
سعاد وأمينه : ههههههههههههههههههههههههههههههه
أمينه : يمه نسكافيه
الجده : أيه هذا
كات(جايبه الفطور) : صباح الخير مدام
أمينه وسعاد : صباح النور
أمينه : كات مدام أسيل وين
كات : مدام ياخز نسكافيه ويتلع برا
الجده : خلنها
سعاد : برد يمه برد
الجده : تجي ماهي مبطيه(متأخره)
الجده سلمى : خلنها على راحتها
سعاد : يمه أسيل وين رايحه لا يكون للوضحه
أم خالد وأم أسيل وأم حمد وأم أحمد : السلام عليكم
سعاد والجده عايشه والجده سلمى وأمينه : وعليكم السلام
أم أسيل(تصب قهوة) : سمعت الوضحه علامها
سعاد : بنتك المجنونه ماكفاها المره الفاتت راحت للوضحه
الجده (بعصبيه) : المجنونه أنتي لا تقولين عنها مجنونه
أم حمد : ياخاله حمد محذرها ماتركبها وحالف أن ركبتها من غير علمه ليطلع الوضحه من المزرعه
الجده : خله يقول لها شيء والله لأزعل عليه والوضحه راح تتم هنا رضا ولا أنغصب أفطرن بس ولا تحاتن
حمد(أزعجه جواله اللي يرن) : ألو........ من ...........(بعصبيه) مدحت يالزفت ليه متصل....... من ..أيه ..قلت لك.........(فز من سريره) شنووووووو......... طيب أنا جاي

غير ونزل مسرع ووقفه صوت جدته ألتفت

الجده : حمد
حمد : هلا جده
أم حمد : ما تصبح علينا
حمد : العذر صباح الخير
الكل : صباح النور
الجده : فين رايح حمد
حمد : الأسطبلات
الجده : أسمع يا حمد أنا عارفه أن قالولك أن أسيل عند الوضحه وان زعلتها لأزعل عليك والوضحه ما تطلعها
حمد(كتم غيضه) : حاضر يا جده أسمحوا لي
أسيل(تمسح على ظهر الوضحه ) : آآآآآآه يالغاليه أشتقت لك (حركت السرج عشان تتحرك الوضحه) صدق أنسى العالم ههههههههههههههههه هذا حمد دوم يقول كذا
حمد واقف عند السياج ويأشر لها تقرب وباين عصبي
أسيل(أنصدمت وفي نفسها) : الساعه 7 شنو صحاه ما يصحى هذي الحزه ياويلي ياوووووووووويلي
أنزلت ومسكت السرج وصلت له وأهي تعض على شفايفها أبتسمت
أسيل : صباح الخير
حمد(بصوت عالي) : مدحت مــــــــــــــــــــدحـــــــــــــــــــــــــــ ـــت
اسيل : حمد تكفه حمد خلها
حمد(بصوت عالي) : مـــــــــــــــــــــدحـــــــــــــــــــت
مدحت(بخوف) : آمر يابيه
أسيل : حمد حمد أسمعني تكفه طلبتك
حمد(يصر على ضروسه) : خذ الوضحه
مدحت : حاضر تسمحي يا مدام أسيل
أسيل(تمسك السرج) : لا لا
حمد : عطيه الوضحه
مدحت : أرغوك أديني الوزحه
أسيل تمد له السرج وأهي تشوفه يا خذها وتدمع عيونها وخلاص راحت الوضحه
أسيل : ليه حمد
حمد مارد عليها ورجع للبيت وأهي بقت بروحها دخلت الحظيره تطالع للوضحه عارفه أن حمد أذا قال كلمه نفذها ومو عارفه أن جدتها أمرته مايطلع الوضحه وحمد ماقال لها وماتبي ترجع للبيت تبي تجلس مع الوضحه لين ياخذونها سحبت حزمت قش(تبن) قدام الوضحه وتطالع لها وكل تفكيرها انه خلاص بياخذونها رغم أنه برد إلا أنها ما هتمت

&&&&&&&&&&&&&&&&&&&&&&&&&&&&&&&&

أما بالبيت.........

رنا(أول وحده صحت) : صباح الخير
الكل : صباح الخير
الجده : تعالي عندي ياقلبي
جلست رنا جنب جدتها اللي حضنتها بحب خلت رنا تدمع عيونها
الجده : علامك
رنا (صاحت) : أشتقت لأمي
الكل (دمعت عيونهم) : الله يرحمها
رنا حست أنها أختنقت وطلعت من الصاله تبي هواء
الجده (بخوف) : سعاد يمه روحي لها
رنا عند الباب صدمت براشد اللي مسكها قبل تطيح
راشد : بسم الله عليك
رنا أبعدت عنه وحطت يدها على وجها كأنها ناقصه هذا الموقف المحرج اللي كمل عليها وصاحت
راشد(خاف عليها) : رنا آسف مو قصدي
سعاد(تضم رنا) : رنو حبيبتي علامك
راشد : عمه والله مو قصدي أصيحها
سعاد(تبتسم) : لا ياراشد مو انت السبب بس تذكرت أمها الله يرحمها رح ياقلبي لا تحاتي
راشد (بخبث) : رنا ترى ما أحب زوجتي المستقبل تبكي
رنا(رفعت راسها بعصبيه) : مالت عليك أنا آخذك
راشد(بجرأه ولا عبر عمته غمز لها) : كلمت أبوك أمس ووافق أنا آخذك لا تاخذيني
رنا(بصدمه ) : شنوووووووووووووووو
راشد : ههههههههههههههههههههههههه
رنا(بوزت) : خالتي شوفيه
سعاد : هههههههههههههههه والله لايقين على بعض
راشد : أحم أحم شفتي الناس اللي تفهم
رنا : لو كنت آخر رجال بالعالم ما أخذتك(تركتهم ورجعت لجدتها)
سعاد : هههههههههههه منت صاحي غيرت مزاجها بلحظه لو ما أعرفك كان قلت من صدق تتكلم يله خلني ارجع للحريم
راشد(في نفسه) : والله ماتعرفيني ياعمه خلني آخذ الفطور للشباب لا يذبحوني(يدخل المطبخ) صباح الخير دادا
حليمه : صباح النور كيفك ياولدي
راشد : بخير الفطور جاهز
حليمه : أيه
راشد دخل على الشباب بالفطور وقعدوا يفطرون
حمد(يدخل) : السلام عليكم
الكل : وعليكم السلام
فهد : حياك أفطر ولا أفطرت مع القمر
حمد(يجلس جنبه) : لا والله القمر زعلان
عبدالله : أفااااا زعلت القمر ليه
راشد : ترى ماتهون علينا
حمد(ياخذ خبزه) : والله أخذت الوضحه منها وزعلت علي
محمد : ياخوك الوضحه غاليه عليها
حمد(أبتسم) : وأهي غاليه علي المره اللي فاتت ربك ستر وهذي المره لا ياخوك مو مستغني عنها
جراح : آآآآآآآآ من الحب الله يخليكم لبعض
الكل : أمين
أحمد : إلا الحجيج بكره يجون ولا بعده
فراس : لا بكره يوادعون ويمشون على الساعه 1 بالليل يكونون هنا بأذن الله
فهد : طيب العشاء اللي بنسويه لهم لما يرجعون هنا ولا لما نرجع
أحمد : بهذا أسأل أبوي وعمي سعد
جراح : إلا صدق الشياب وينهم
راشد : شفتهم يتمشون عند النخل ألحين يجون ونسألهم
محمد : أمس أتصل زياد تصدقون قرر عرسه بعد شهر
عبدالله : مع عرس ولد عمي محمد
محمد : شنو عرفك
عبدالله(يبتعد عنهم ومعه قلاص(كباية) الحليب) : الله يغنيكم أبدا اتصل علي زياد وطلب أسأل محمد ولد عمي أذا ماعنده مانع العرس مع بعض وقال محمد أبدا ماعنده مانع وانت متى ملكتك منت ناوي معهم بعد
محمد : الله يغنيكم أبدا العم بو حسن(أبو سوسن) مسافر الهند ويجي بعد 10 أيام بأذن الله ونحدد وأنا ما أبي ملكه وأبي بروحي بتفنن بعرسي
عمر : هههههههههههه مستعجل
محمد : تقدر تقول كذا الفال لك يالنسيب
عمر : هههه ياخوك شكلنا مالنا نصيب بنسبكم
محمد : والله ياخوك العطيه ماتنرد وأبوي عطاك شهد ولولا أنه مو معتبرك بحسبة ولد من أولاده ما رخصها لك
عمر : أفاااااااااااااا لا يا خوك شهد ماهي رخصيه شهد لها العز والكرامه
مشعل : والله الحبيب يقول حكم
فهد : هذا من تأثير الحب
أحمد : لا والله ماصدقت هذا من تأثير أختي عليه جننته
عمر : هههههههههههه والله صدقت شاب راسي منها ومن تغليها
الكل : هههههههههههههههههههههههههههههههههههههههههه
سعد ومحسن : السلام عليكم
الكل : وعليكم السلام
سعد : ماشاء الله ضحكونا معكم
جراح : مو يالغالي محمد مستعجل على العرس
محسن : بس يرد أبو محسن بالسلامه ونتفق معه بأذن الله (لف لحمد) حمد تعال
حمد وقف وجلس قدام عمه ومحسن قرب وهمس بأذنه والفضول ذابح الكل وخصوصا لما أبتسم حمد
حمد(يحط أصبعه على خشمه) : على هالخشم تامر ياعم
طلع حمد والشباب ألتفتوا لمحسن يترجونه بعيونهم يقول لهم
محسن : لا تحاولون ولا تتحركون لين يرجع
فارس(زوج سعاد) : السلام عليكم
الكل : وعليكم السلام
راشد : صح النوم ياخال
فارس(يتثاوب ويحك راسه) : صح بدنك ماتعرفون تصحوني خونه
سعد : لا وأزيدك من الشعر بيت فطروا
فارس : يالزطيين ماتخلولي شيء أهب
الشباب(مع بعض) : قل أعوذ برب الفلق قل ماشاء الله
فارس : هههههههههههههههههههههه خايفين من الحسد ما أحسد عيوني بارده
أحمد(يطالع له بنص عين) : أحلف كثر منها بغيت أتحرول(أطيح) ذاك اليوم لما قلت لي أهب عليك مشيه كانها مشيت شيوخ رزه
الكل : ههههههههههههههههههههههههههههههههههههههههههه
فارس : منت ماتعرف تمشي مثل الأوادم وما أبي أحسد ماشاء الله ألحين بيجيني أحلى فطور ثواني
زليخه(هذي خدامة سعاد) : بابا فارس فطور
جراح : أهب مضبط عمره أبو رياض
فارس : ههههههههههههههه ماهون على عمتك سعاد الله يخليها لي راشد جب الفطور منها
راشد : تامر يا خال

&&&&&&&&&&&&&&&&&&&&&&&&&&&&&&&&&&&&&&

امـــــــــــــــــــــــا حـــــــــــــــــمــــــــــــــــد

عمه أرسله لأسيل يراضيها دخل الحظيره شافها ضامه رجولها لصدرها ومحوطتها بأيديها ومنزله راسها على ركبها وساكته

حمد(حن عليها) : أسيل
أسيل(ماغيرت وضعيتها) : ........................
حمد(جلس جنبها على حزمت القش) : كلميني
أنتبه انها تشاهق معناها تبكي لعن نفسه ليه تركها ازود من ساعتين على هالحاله وعارف الوضحه بالنسبه لأسيل الغلا كله بعد امها كره الوضحه وحس بالغيره الكل مو فاهم انه بيبعد الوضحه عنها لانه يغير من قربها من أسيل
حمد(حاوطها بايديه) : ليه تبكين عشان الوضحه يعني والله كنت أمزح وانا أقدر أبعدها عنك
أسيل(رفعت راسها ووجها كله دموع وخشمها أحمر وتشاهق لما تتكلم) : يعني ماتاخذها برا المزرعه
حمد(يبتسم ويمسح دموعها بأيديه) : لا بخليها هنا
أسيل : وماقلت لي ليه
حمد : أبي أعلمك درس تسمعين كلامي اذا قلت لك
أسيل(عصبت ودفته(دزته) عنها) : أكرهك أكرهك ساعتين وزود ذابحه نفسي من البكي وأنت فرحان أبتعد ما أبيك أكرررررررررررررررررررررهك
حمد(يضحك وأهو ضامها) : ههههههههههههههههه والله ما أخليك تكرهيني وانا أحبك كيف تقدرين تكرهيني
أسيل(أنصدمت وجمدت بين أيديه وفي نفسها) : أحبك أحبك أنا أحبك تكرهيني أنا أحبك انا أنا أ أ أ أ أنا أحبك اعترف بحبه أحبك احبك حمد يحبني انا أنا أنا
حمد حس أنها جمدت وكأن سيارة صدمتها او طاحت من جبل وأهي بين أيديه
حمد : أسيل أسيل
أسيل طالعت لعيونه حست صادق بكلامه بس بعد شنو ورجعت تصيح دفته بعيد وبقوه وطلعت تركض بكل قوتها للبيت وحمد مستغرب من تصرفها
حمد : علامها خلي أروح أشوفها أحسن لا تظن جدتي أني زعلتها وتذبحني

الكل : هههههههههههههههههههههههههههههههههههههه
أسيل : لا والله الحق علي اللي أسولف لكن حتى أنتي ياجده
الجده : ياعمري ساعتين خليه يجي وأنا أوريك فيه
حمد(يدخل) : السلام عليكم ومن اللي يجي
الكل : وعليكم السلام
الجده : أنت
حمد : أنا خير شنو سويت بعد
أم حمد : ليه تزعل أسيل
حمد : أفااااااااا انا
الجده : ساعتين مخليها تبكي
أم أسيل : كان خليتها ساعه تكفي
أسيل : يمه بغيتك عون صرتي فرعون تتطنزين
حمد : ههههههههههههه طيب كل هالسالفه عشان أسيل زعلانه أراضيها(غمز لها) هنا ولا
أسيل(حمر وجها وبققت عيونها) : حـــــــــــمـــــــــــــد
سعاد : أستح على وجهك اللي يبي حريمه ضيفه يشاوره تبي تراضي راضها
أسيل (زاد أحراجها) : ســـــــــــــــــــــــــــــــعـــــــــــــــــ ـــــــــــــاد
الكل : هههههههههههههههههههههههههههههههههههههههههههههههههه هه
أسيل وقفت وطلعت من البيت تحس بالأحراج من كلامهم وهي تتوعد بحمد
أم حمد : ياحلوك يا اسيل وجها أحمر وزعلت وطلعت
حمد : عمه صبي لي فنجان قهوه يمه ترد ألحين وش أسوي زوجتي حياويه
سعاد : تامر بس ليه سويت كذا فيها
حمد (ياخذ فنجان القهوه) : والله خفت عليها ولولا جدتي كان طلعتها من هنا اليوم
روابي(تنزل) : السلام عليكم مع السلامه
الكل : وعليكم السلام
أمينه : تعالي تعالي وين مع السلامه
روابي : أممممممم بروح لأسيل يمه
أم خالد : علامك على البنت
روابي : أروح يمه
أمينه : روحي بس لا تتأخرين
روابي : حاضر
أسيل(كانت متسنده على باب الحظيره للخيل) : لا كان ماجيتي احسن
روابي : علامك كبريت أول ما دقيتي جيتك
أسيل : طيب يله
روابي : يله شنو
أسيل : قولي لمدحت يطلع الوضحه
روابي (تشهق) : أهئئئئئئئئئئئئئئئئئئئئئ نعم نعم تبين حمد يذبحني
أسيل : عفيه رورو طلبتك
روابي : لا لا لا لا
أسيل : تكفين طلعيها لي أنا اذا قلت له بيتصل بحمد طلبتك
روابي : لا والله واطيح فيها أنا اذا عرف لا ما أقدر حمد عصبي
أسيل(تطلع جوالها) : هييييييييين يالخوافه ....... ألو هلا ........... سمعي قولي للبنات عندي مسابقه للخيل ........ أيه اللي تفوز لها 2000 ريال........... والله نقدي........ أنا وروابي واللي تبي........ أوكيه بس لا أحد يعرف ........ أنتظركم باي
روابي : مجنونه
أسيل(تخبط رجلها بالأرض) : كيفي أبي أركبها وأخوك مانعني جنني الله يا أيام زمان يوم أجي لجدي وكل ما أبي اركبها ركبتها صار الزمن يتحكمون فيني وفيها أفففففففففففف ليتني ما تزوجت وبقيت حره على كيفي كل شيء
روابي : ماقول إلا الله يستر

نزلن البنات وحده ورا الثانيه نجد نجود رنا سلوى هيام وجدان مناير شهد وطلعن برا البيت

الجده : هذلن علامهن
أمينه : مدري ينخاف منهن
طيف(تعدل لفتها بشكل مهمل وتنزل) : السلام عليكم
الكل : وعليكم السلام
طيف(أنتبهت لحمد ونظراته الناريه بخوف) : حمد شلونك
حمد(من غير نفس) : بخير
طيف تذكرت أمس شنو صار لها مع حمد كانت على الساعه 12 ونص جالسه تكلم بالتلفون بالصاله العلويه لما دخل حمد
طيف : يله باي (سكرت التلفون) حمد كيفك
حمد(خزها) : كنت زين صرت زفت
طيف(بدلع) : أفااااااا ليه
حمد(طالع فيها من فوق لتحت بأشمئزاز) : سمعي يا طيف أنا عرفت باللي صار بينك وبين أسيل
طيف : أمممممممم ماصار شيء
حمد(مسكها بأيدها بقوه) : أفهمي يا طيف أنك ما تهميني بحركاتك وأسلوبك مع أسيل عدليه
طيف : أأأأأأأي أنا وش قلت للبرنسيسه أسيل
حمد : طيييييييييييييييييييف سالفه التعرض لزوجتي كل شوي ونقزاتك وأنك تحطينها بموقف أحراج كل مره ما تمشي عندي بالساهل فاهمه
طيف : حمد حرام عليك أنا وش سويت سألت سؤال بس
حمد(يدزها على ورا لين طاحت على الكرسي) : والله يا طيف كل العالم بكفه وأسيل بكفه كله وإلا أسيل أمحيك من الوجود فاهمه وأنتي عارفه أن حمد بن فهد أذا قال لكلمه تنفذ
طيف (خافت من عصبيته) : هاه زين
حمد(بأستهزاء) : يزين لك الخير يا طيف وألحين أذلفي نامي بلا مكالمات أنصاف الليالي
طيف : بعد هذا بتتحكم
حمد : طـــــــــــــــــــيـــــــــــــــــــــــف
طيف ماتشوف غير غبرتها وراها دخلت الغرفه وقفلت الباب صحاها من ذكرياتها صوت الحوامل اللي نزلن عايشه وبشاير ورشا وأوراد
عايشه و بشاير ورشا و أوراد: السلام عليكم
الكل : وعليكم السلام
سعاد : إلا بالله بسألكن شنو وراكن
أوراد : مع أنهم مايبون تعرفون بس أسيل حاطه 2000ريال للي تفوز بسباق الخيل
حمد(وقف وضيق عيونه) : الخبيثه خطه يعني هيييييييييين
أم أسيل : طلبتك ياحمد لا تسوي لها شيء والله صعب تخلي عادتها مع الوضحه
حمد : ياخاله ماراح أقول لها شيء
رشا : الله يعين أسيل
أوراد : بتذبحنا لو عرفت أنا قلنا له
عايشه(تقعد ) : بتذبحك بروحك أنتي اللي قلتي حنا كنا ساكتين
أرواد : شنووووووووو
رشا : وانا أشهد أنتي ملقوفه سيده خريتي الكلام
بشاير : ياويلك منها
أوراد : يمه منكن الظاهر بتصل على فهد يحميني
رشا : والله تبينها من الله عذر
أوراد : كلي تبن أيه توك أمس جايه مو حنا صار لنا أسبوع هنا
عايشه(تطبل على الطاوله وتحرك حواجبها) :

أشتكي من بعدهم قلبي متعلق بهم
حتى لو جار الزمان في فؤادي حبهم

هم على بالي أكيد لو عن عيوني بعيد
والله هذا الكون كله ما يساوي شوفهم

أكتب بدمي لهم هالرسالة بإسمهم
حتى لو ما جـا جواب يكفي توصل عندهم

لو دروا بشوقي الكبير وإعرفوا إني بخير
وإذكروني في غيابي كني قاعد بينهم

من كثر ما أحبهم قلبي يسأل عنهم
لو أنا لحظة نسيت هو يذكرني بهم

بعدهم عايش غريب لا وطن لي لا حبيب
ودي أغمض عيوني وألقى نفسي عندهم

(الرسالة.... حسين الجسمي)

أوراد(تحط يدها على قلبها) : آآآآآآآآه جبتيها بالصميم
الكل : هههههههههههههههههههههههههههههههههههههههههههههههههه ه

&&&&&&&&&&&&&&&&&&&&&&&&&&&&&&&&&&&&&&&&

أما حمد اللي وصل شافهن يسرجن الخيول ومدحت المسكين يحاول يقنع أسيل ماتاخذ الوضحه وتعطيه جواله اللي أخذته منه بالحيله عشان تضمن ما يتصل على حمد
حمد : لا والله
الكل لف صوب حمد وبعدين طالعن لأسيل اللي بلعت ريقها من الخوف
حمد : وأنت ماتعرف تتصل وتقول لي
مدحت : والله يابيه المدام أخذت مني الجوال
حمد : بعد
روابي : مالنا شغل مرتك
حمد : عارف وعقابا لها ماراح تتسابق معكن
أسيل(تحط يدها على خصرها) : لا والله ما أبي أنا اللي حاطه الجائزه
حمد : عطي مدحت جواله
أسيل(مدته لمدحت) : آسفه
حمد : روح لشغلك
مدحت : حاضر
حمد : أنا بعطي اللي تفوز 5000 ريال بس أسيل لا
أسيل(تترجى) : حمد
حمد : لا
روابي : أنا هونت ما أبي أتسابق دام أسيل لا اللي تبي البرنسيسه تاخذها
نجد : ما أبي أختي تحتر أنا راجعه للبيت
البنات أنسحبن وحده ورى الثانيه وبقت أهي مبوزه ومقهوره منه وأهو يبتسم قدامها
حمد : قدامي
أسيل :..................
حمد : أسيل أمشي قدامي أبيك بموضوع
أسيل(فهمته وبدلع) : أمممممم حمد
حمد : شنوووووو وليه هالنبره
أسيل : أدلعك فيها شيء
حمد : ياخوفي خير
أسيل : طلبتك بروح لجدي ألحين ما عايدته تكفه تكفه تتتتتتتتتتتتتتتتتتكفه
حمد(أبتسم) : طيب ما نتأخر عنده روحي جيبي عباتك وانا بالسياره
أسيل طلعت وهي تخطط لحمد
أسيل : هييييييييييين بس ودني لأخليك تندم على اللي سويته ساعتين يالظالم أبكي ولا معبرني بتعلمني درس والله لأرد لك الدرس اللي حفظته يا أستاذي(طلعت جوالها وأتصلت على جدها تنفذ خطتها)
دخلت ولقت الكل قاعد بالصاله
أسيل(مبتسمه) : السلام عليكم
الكل : وعليكم السلام
سعاد : ما فيك دم
أسيل : بسم الله علي ليه
عايشه : قلنا بيذبحك
أسيل(بغرور) : هه لا حمد ما أهون عليه كات كات
كات : يس مدام
أسيل : جيبي عبايتي وشنطتي من فوق
أم أسيل : وين يمه
أسيل(تهمس لامها ) : طيب
أم أسيل(تبتسم) : طيب
كات : تفزل مدام
هيام : ما جاوبتينا وين
أسيل : بتمشى مع حبيبي حمودي تشاو تشاو
طلعت مع حمد لمزرعة الجد وأسيل تفكر اذا خطتها بتنجح ولا لا وحمد اللي يفكر كيف يروض أسيل وبس ينتظر لما يرد
بشاير(تطالع ساعتها) : شهد
شهد : ياعيونها
بشاير : أممم تروحين معي نتمشى
شهد : يووووه والله مالي خلق خليها بعد الغدا
بشاير : لا طلبتك بخاطري أمشي عشان البيبي
شهد : خذي رشا مثلك أو عيوش بآخر شهرها
رشا : لا أنا مشيت اليوم يكفيني مشي
عايشه : لا أنا ما أبي أمشي أخاف أتعب قبل عزيمة خالي
بشاير(تبتسم) : هاه وش قلتي
شهد : زين (لفت لمناير ووجدان) تجن معنا
بشاير تأشر لهن يقولن لا وفهمن عليها
مناير(تهمس لها) : ما أقدر أخاف أشوف جراح وماني ناقصه حزن
وجدان : أنا بتجهز سعود وخالتي بيمرون يعايدون علينا وراي شغل
شهد(توقف) : أففففففف طيب بجيب لفتي(طرحه – شيله)
بشاير : طيب روحي
الجده عايشه : الله يستر
بشاير : والله خايفه هالشوفه بينها وبين خالي تنقلب ضدي
هيام : هههههههههههههه مو عمي محسن غريب ألحين بغير الحركات ويخلي الشوفه الشرعيه بينهم بين الطبيعه والأشجار
الكل : هههههههههههههههههههههههههههههههههههههههههههههههههه هه
أوراد : يا حليل خالي يعني يمكن تقتنع مهي عارفه عمر سواء بالطبيعه ولا بالبيت
الجده سلمى : والله ان ولدي يموت بالتراب اللي تمشي عليه
بشاير : بس خالي ياجده لسانه يحكه لين يقط كلمه أو ثنتين يفرح أذا شافها تتنرفز وتعصب
الكل : ههههههههههههههههههههههههههههههههههههههههههههههه
شهد : يله مشينا
بشاير : يله أدعو لي أرجع سالمه
الكل : أميييييييييييييييييييييييييييييييييييييين
شهد : شنو السالفه
بشاير : هههه ولا شيء يله مشينا

يتمشن وشهد رايقه وتغني وبشاير تدعي ربها يستر

توك على بالي تنور خيالي
وفجاءه لقيتك حبيبي معاي
ياحلوها صدفه جمعتنا
ولقينا المحبه تنور سماك وسماي
خلك بقربي حبيبي ابنسى العنا
واحتفل بالمشاعر وانسى الهموم

( توك على بالي ... هند )

بشاير : طربانه الأخت
شهد : أحب هالأغنيه حلوه
: لا والله أنتي الأحلى
بشاير وشهد لفن وشهد أنصدمت منه وأنتبهت لبشاير اللي تبتسم ولا انصدمت
شهد : انــ أنـ انت
بشاير : هلا خالي تأخرت
شهد(شهقت) : أهئئئئئئئئئئئئئئئئئئئئئئئئئئ
: بسم الله عليك
شهد(لفت وراها وانصدمت زياده) : يبه
محسن(حط يده على كتفها وأبتسم) : عيونه
شهد قامت تنقل نظرها بين الثلاثه الصدمه عمر وأبوها وبشاير وما حست إلا أنها تظلم الدنيا وبعدها هذا آخر شيء تتذكره

&&&&&&&&&&&&&&&&&&&&&&&&&&&&&&&&&&&&&&

أما عند حمد واسيل ..............

أسيل ما صدقت توصل لجدها اللي ماشافته من عرسها وركضت وضمته
أسيل : اشتقت لك
الجده : هلا هلا بالعروس
أسيل : هلا بجدي وقلبي وعمري
حمد : طيب خليني أسلم
الجد(يسلم) : والله أنك غالي من غلاة أبوك وعمامك وألحين أغلى لأنك أخذت الغاليه
حمد : تسلم يا جدي
أسيل : ماجاء خالي
الجد : بكره الصبح يجي إلا أنتي شخبارك مع حمد أخاف مزعلك قولي لي
أسيل(تجلس جنبه وبوزت) : أيه ياجدي حارمني من الوضحه كاسر قلبي عليها
حمد (خاف من نظرات الجد) : ياجدي مو أهي طاحت منها مره وخفنا تطيح ثاني
أسيل : من مبطي ياجد تكفه قله يخليني أركبها
الجد : اسيل فارسه من الصغر والوضحه عشقها وشف يا حمد كله ولا أسيل
حمد(هييييييييييين يا أسيلوه خلينا نرجع بس أبتسم) : تامر يا جد تامر
الجد : حمد طلبتك قل تم
حمد : تم يا جد
الجد(يطالع لأسيل اللي تبتسم) : خل أسيل تبات عندي اليوم وبكره بعد العشى خذها
حمد(أنقهر طلبه مو وقته) : لك ما ظلبت يا جدي بكره آخذها
الجد : أسيل ماتبين تقهويني من أيديك
أسيل(تقط لفتها وعبايتهاوتأشر على عيونها) : من عيوني يا جدي
حمد : اسيل
أسيل : هلا
حمد : ترى بنتغدى عند جدي هالله هالله بالغدا
أسيل : تامر آمر من عيوني
حمد(يغمز لها) : تسلم عيونك
صلحت(سوت) لهم قهوه وبعدين راحت للمطبخ تزهب(تجهز) الغدا وقعدت تقطع السلطه لين يستوي

&&&&&&&&&&&&&&&&&&&&&&&&&&&&&&&&&&&

نعووووووووووووووود لشهد

بدت تصحي وتحس أحد يخبط بشويش على خدها صوت تعرف كله حنيه صوت أبوها
محسن : شهد شهوده بابا أصحي شهد
شهد (فتحت عيونها) : يبه انا وين حلم عمر انت
محسن(أبتسم) : لا مو حلم أنتي عندي شنو تحسين
شهد ألتفت حولها وشافت عمر وبشاير بس بعيد شوي عنهم وهم للحين داخل المزرعه ماردوا للبيت
شهد : وش قاعد يصير حولي شنو السالفه وعمر شنو جابه من سمح له
محسن : جلسي بالأول وبفهمك كل شيء
شهد أعتدلت وأنصدمت كأن كل شيء مخطط له حاطين جلسه عاديه وقهوه وشاي والحلى كل شيء موجود
محسن : أهدي وأسمعي اللي بقول
شهد(بتتكلم ) : أنــ..
محسن : أصصصصصصصصص أسمعي معروف عندنا أذا أحد جانا يخطب من حقه النظره الشرعيه وعمر خطبك وانا وافقت
شهد(كتفت أيديها وبان أنها معصبه) : خطه بس أنا مو موافقه
محسن : وبعدين خليني أكمل
شهد : طيب
محسن : مثل ماقلت لك عمر من حقه النظره الشرعيه وقلت بما انا هنا نستغل الفرصه ويشوفك وتتكلمون وبعدين نقرر
شهد(صدت عنه(عطته ظهرها) معصبه) : ليه تقول لي دام قررت كل شيء
محسن أستغل الفرصه وأشر لعمر يقرب بشويش وأهو أبتعد هو مع بشاير عشان يتكلمون بحريه محسن ماخذ قرار شهد محد ياخذها غير عمر لانه يقدر يأمن عليها معاه وعارف مقدار حب عمر لها
شهد(ضمت أيديها) : يبه ليه تحرجني وتحرج نفسك وبعدين كيفي أنا القرار لي
عمر(من وراها أبتسم طول عمرها تظل طفله) : ومن قال القرار لغير بطتي
شهد لفت وأنصدمت وتوها تبي تقوم أشر لها أبوها من بعيد تجلس وخافت منه لانه عصبي وتعرف نظراته وبعدت شوي عن عمر

شهد(صرت على ضروسها) : بطتك بط الله جنوبك
عمر : عادي مقبوله شخبارك بطوطتي
شهد(خزته وبعصبيه) :

يقول بطه عسـى الله يبـط لـي عينـه
ورع ٍ يعـكّـر كـلامـه صـافـي الجـمَّـه

صحيـح بـطـه ولـكـن خـوّتـي زيـنـه
وجلسه معي تنشـرا بالمـال يـا رمـه

وانتـه نحيـف وثقيـل الـدم والطيـنـه
ولا حد ٍ يخاويك كـود النـذل والخمـه

من شاف وجهك يسبّح باقـي سنينـه
ويقـول عـزّي لأبـوه وعـزتـي لأمــه

والمشكلـه فـي المراجـل مالكـم بينـه
ومـن يزهمـك يبطـي بسلالـه وغـمـه

يعني جميع الوصوف اللي بكم شينه
وزود ٍ عليهـا تحـب الحكـي والنـمـه

ياللي في قلبك حسد واحقاد وضغينه
حسبي عليك الولـي يـا هافـي الذمـه

اقـول واحفـظ لسانـك لا حـد ٍ يديـنـه
واحـذر تقـارش متيـن ٍ بـالـغ القـمـه

عمر: ههههههههههههههههههههههههه انا بقلبي حسد والله ما قلبي لك غير

تفنن في طروق الحب شرقني وغربني
معك يازين دوخات الهوى ويا حلو مشواره

وغرد في سما سمعي ابي تحكي وتطربني
سواليفك مطر عمري، ربيعه وضحكة انهاري

حبيبي يا بعد كلي وكلك صدق تعجبني
بغيباتك وصداتك وتلويعك وتكراره

تجنن كل ما اشوفك احس انك تعذبني
وتضيعني من الدنيا و تشب بخافقي ناره

جمالك ناهب قلبي وتفكيري وناهبني
ودلالك يا رقيق العود عود تعزف اوتاره

كتبتك نبض في شعري دخيل الله تكتبني
حبيب في مواعيد الغرام ارضاه بزياره

تولعت بتصانيفك وتعذيبك يولعني
وعلى اية حال راضي بك شمس العمر وانواره

شهد(رفعت خشمها(أنفها)بغرور) : لا تحاول تعتقد أنكم بهذي الطريقه بتكسروني لا قراري مثل ماهو
عمر : اللي اهو
شهد(بتحدي تطالع له) : ما أبيك
عمر(يطالع لها وأبتسم) : شهوده بهديك شيء
شهد(أستحت من تدليعه لها بس ما حبت تبين) : قل
عمر :

بهديك يالغالي وياليــــت.................
تقبل هديت قلب مضنـــــــاك
من خافي الوجدان عديـت................
قول صريح يطلب رضـــــــاك
ياسيد عيني ماتمنيــــــــت..............
غير الحياه بقلـــب لامـــــــاك
كل العذارى عنهم اقفـــيت...............
حبك ملكني بطيــــب حسناك
هذا سؤالي وصوبك انشيت...............
جـــيل وفيه العد ينصــــــاك
عايش فقربك ماتهنيتــــــت................
اسال لبكره كيف دنيــــــاك
عدت النظر صوبك ورديـــت...............
عينن تمنت شوف رويــــــاك
هل كيف لو تبعد وصديـــت..............
كيف الحياه بيوم فرقــــــاك
صبح ومساء والليل ونيــت..............
ابكي خيالك كيف بنســـــاك
هذا حياتي وانت اقفـــــيت.............
كيف الحياه بصد مغــــــــزاك

شهد تعرف انها زودتها وتعرف ومتأكده من حب عمر لها وبنفس الشيء متاكده من حبها له من الصغر بس تبي تلوعه(تشقيه) شوي

عمر : وألحين وش قلتي وشوفي ياشهد والله لو ماتبيني ماحد بيغصبك على شيء عايفته أنا طلبت أتكلم معك وأعرف وين مكاني بقلبك أبي أسمع القرار منك وهذاني أهديتك قلبي يا تقبلينه يا لي رب يصبرني

شهد أبتسمت ونزلت راسها بحيا وهذا الشيء كان واضح لعمر اللي حس بالأمل يسري لقلبه كانت ثواني ورفعت راسها بأبتسامة خبث

شهد(وقفت) :

مادمت أنا غاليك.. تحمل شقى مغليك.
. لأتقول كيف وليش.. ابعد وارد اجيك.
.كيفي حلالي أنت..ازعلك وأرضيك
.... بتبكي وانا بضحك .... كيفي حلالي أنت...ازعلك وأرضيك

عمر(وقف معاها) : والقصد
شهد : لا تقول كيف وليش
عمر(صر على ضورسه خلاص بيفقد أعصابه) : شهيدوووه خلاص ماعاد فيني أعصاب قولي وش تقصدين جننتيني
شهد(حب تزيد العيار عليه شوي) : بتبكي وأنا أضحك كيفي وحلالي أنت
عمر : أبكي ...... أنت تقصدين
شهد : .................
عمر(نسى محسن وبشاير ومسك يدها وأبتسم) : حلفي أنك موافقه ومو يتهيأ لي
شهد(أنحرجت من مسكته وشوفها لأبوها وبشاير اللي يقربون) : عمر هد يدي
عمر : لا أول قولي
محسن : احم أحم ياولد ما صدقت خل البنت لا نهون
عمر : طلبتك ياعم خلها تقول لي موافقه ولا أحلم
بشاير : ياويل حالي خالي أنهبل شهوده وش سويتي فيه يا خال أتركها
شهد(بحيا) : قلت لك كيفي وحلالي أنت خلاص
الكل : ههههههههههههههههههههههههههههههههههههههههههههههههه
عمر(ترك يدها والفرحه مو سايعته) : وأنا حلالك يا شهد وأنتي حلالي
محسن : ردن البيت وبشرن الكل وخلن الكل يفرح
عمر يشوفها وهي تبتسم ومشت مع بشاير ووده تبقى ويسولف لين يشبع منها وهو عارف انه ماراح يمل الجلسه مع طفلته مثل ما يسميها دوم طفلة قلبي
عمر(بصوت عالي) : شـــــــــــــــــــــــــهـــــــــــــــــــــد
لفت شهد وبشاير له
عمر : حبيت أقول لك شيء قبل تروحين
محسن : لا حول ولا قوة إلا بالله الولد ولا معبرني
عمر : لك الحشيمه بس بنتك سلبت عقلي آخر شيء
محسن : أخلص
عمر(لف لشهد وأبتسم) : حبيت أقولك

أحـــــــــــــــــــــــــــــبــــــــــــــــــ ــــــــــــــــــــك

رجعت شهد وبشاير للحريم واللولشه(الزغاريط) عمت البيت والكل يبارك ويهني

&&&&&&&&&&&&&&&&&&&&&&&&&&&&&&&&&&&&&&&

شنو رايكم أرجعكم لأسيل وحمد ^_*.......

حمد(متسند على الباب) : حرمه سنعه
أسيل رفعت عيونها له أبتسمت وتزلت تكمل تقطيع السلطه
حمد(ياخذ خياره) : شخبار الغدا خلص
أسيل : ماباقي شيء إلا جدي وين
حمد : نايم يقول بينام قبل الغدا شوي
أسيل : طيب
حمد : أممممممم بسألك شيء تجاوبيني
أسيل(توقف تشوف الرز) : خير
حمد : متى دقيتي على جدك وقلتيله يطلبني تباتين هنا
أسيل(لفت له بصدمه) : قالك
حمد : لا ماقال بس ألحين طلع شكي صح كنت شاك من ضحكك أسيلووووووووه
أسيل عضت على شفايفها ونزلت راسها منحرجه منه
حمد : ليه تبتعدين عني كل ما أبي أتقرب منك ليه
أسيل(تتهرب من سؤاله) : قعد جدي بحط الغدا
حمد : أسيل جاوبيني أبي أفهم
أسيل : ماعندي جواب غير ان اللي مربيني علمني ما أسامح اللي يطعني جدي علمني ما أنسى بسهوله ولا أغفر ولا أتغاضى عن اللي يغلط بحقي هذا دين له برقبتي وأنت أنت جرحتني بأول ليله أول خطوه أبي أخطيها بحياتي معك تبيني أقولك نسيت خلنا نبتدي حياة جديده أفتح لك ذراعي وأقول سامحتك لأنك أهنتني جرحت أنوثتي نقصتني وأنا كامله والكامل وجهه تعالى صعب صعب ياولد عمي صدقني أنت معيشني بعذاب ألم قهر طعنتني المصيبه ما أقدر أتكلم أبوح بجرحي شقول ولد عمي أخذني عشان يثبت أنه رجال أذا قال كلمه تصير صعب صعب صعب (لفت عنه وبدت تبكي طلعت كل اللي بقلبها وشايلته عليه)
حمد مو قادر يقول شيء أهي صادقه بكلامها
جرحها وخدش أنوثتها يقول سامحيني غلطت وتسرعت لأنك صديتيني غروري غلب قلبي قلت اللي قلته عشان أحس أني تغلبت عليك مع انك غلبتيني تملكتي قلبي وعقلي أحاسيسي حياتي لو تبينها عطيتك أقول لك يا أسيل
أرجووووووووووووووووووووك أغفررررررررررررررررررررري
سااااااااااااااااااااامحيني
ليت الزمن يرجع وأتدارك نفسي بالكلام اللي قلته آآآآآآآآآآه ياحمد هدمت حياتك معها قبل تبداها

قام وطلع من المطبخ ماله وجه يشوفها جهزت الغدا بصحون وغسلت وجها وطلعت الأكل لجدها وحمد كانت القعده يسودها الصمت مع ان حمد بين فتره وفتره يرفع راسه ويطالع لأسيل وهي حاسه فيه وبنظراته بس مارفعت النظر أكلت شوي وقامت تسوي شاي لهم يوم رجعت مالقت حمد استأذن من الجد ورجع للمزرعه

رجع حمد ودخل المجلس ما لقى احد قرر يدخل غرف الشباب ماله خلق يصعد لجناحه لقاهم كلمهم مجتمعين راح لسريره القديم للحين موجود
حمد : السلام عليكم (أنسدح وعطاهم ظهره)
الكل : وعليكم السلام
فراس(قعد قدام حمد) : فيك شيء ووين أسيل
حمد(مغمض عيونه) : مافيني شيء بس جدي عناد طلبني تبات عنده اليوم
مشعل : أشوف الحبيب جاي يبات عندنا رجعنا لأيام العزوبيه
الكل : ههههههههههههههههههههههههههههههههههههههههه
راشد : أخاف أختي ماصدقت تبتعد عنك
حمد أخذ مفتاحه وجواله وطلع وحرك سيارته برا المزرعه وأهو معصب
فراس(بعصبيه) : ماتعرفون تسدون فمكم منك له
راشد : والله نمزح
فراس(يطلع جواله يتصل عليه) : أففففففففف مايرد
حمد(يشوف شاشة جواله بأسم توأمي (فراس) ولا يرد) : آآآآآآآآآآآآه منك يا أسيل جننتيني بكل الطرق حاولت أجذبك كل اللي تزوجتهن يذوبن بكلامي أسلوبي شكلي إلا أنتي أأأأأأأأأأأأخ خلااااااااااااااااااص تعبت معك تعبت بس ماراح أخضع بتكونين لي رضيتي ولا غصب صدق قدرتي علي بس للحين انا حمد بن فهد اللي يرجفون من أسمه رجال بشنبات تجين أنتي ولا تهز شعره لك قدامي خلينا نرجع بس والله لأروضك وأخليك تخضعين لي
مد يده وشغل أغنيه دوم يحب يسمعها لما يتذكر أسيل

الاغنية .. طيب تعال (عبدالمجيد عبدالله)

طيب تعال ومد كفك وسلم
أخطيت صح أخطيت لكني أغليك
تصدق إني ماعرفت أتكلم
وان الحكي لو أجمعه مايكفيك

من شفت زولك قلت يارب سلم
عزالله إني بعدها رايح فيك
أقوم واقعد والتفت واتولم
طيرت علقي من عقب ليلتك ذيك

ياللي عيونك من تخزه يبلم
يركض يبي قربك وفجأه يعديك
مثل الذي يحلم ولاهوب يحلم
يتوه في عطرك وكحلك وباقيك

مر الوقت بطيء على الكل والكل يحاول يتصل على حمد ويرد بس ولا يرد ما عند الحريم خبر بأختفاء حمد بس البنات لأن حمد يغلي روابي قرروا يطلبون منها تتصل عليه عل وعسى يرد عليها بس نفس الشيء ولا رد
طلع عبدالله وفراس وفهد لمزرعة الجده بيفهمون شنو صار لحمد خلى نفسيته كذا

أسيل(قرصها قلبها يوم شافتهم جايين) : خير علامكم
عبدالله : علامك خايفه جينا نسلم على جدي بعدين فهد وفراس ما عايدوه
الجد : حياكم الله وأنتو بخير
أسيل(تجلس جنب جدها) : شنو حصل انا أعرفكم أبوي أو الحجيج لا يكون أمي
فراس : لا بصراحه حمد
أسيل : حمد لا تقول فيه شيء(بدت تدمع عيونها) قوووووووولووووووو حمد شنو صارله
الجد(يمسح على ظهرها يحاول يهديها) : بسم الله عليك هدي يابنتي يا عيال شنو حصل
عبدالله : أسيل أهدي والله حمد مافيه شيء بس بعد مارجع من عندكم كانت نفسيته مو زينه وطلع من المزرعه له أكثر من 3 ساعات ونتصل مايرد علينا و .....(قطع كلامه صوت جوال فهد)
فهد : ألو ........ هلا أوراد......... لا لا كيف عرفت ........ طيب طيب مع السلامه
فراس : خير من اللي عرف
فهد : الخاله سارا وتبكي وجدتي بعد يقولن أن صاير لحمد شيء وأحنا مخبينه عنهن
عبدالله : أسيل أتصلي عليه
أسيل ما أنتظرته يكمل اخذت جوالها وأتصلت مره يدق مرتين والثالثه رد
حمد(بنبره كلها حزن) : هلا
أسيل(تشاهق من الصياح) : حمد
حمد(خاف عليها) : اسيل فيك شيء جدي صار شيء
اسيل : لا مافينا شيء حمد أنت وين ليه ماترد على الأتصالات
حمد(بأستهزاء) : يهمك تعرفين أنا وين أهمك يا أسيل
أسيل : مو بس انا أمي سارا وجدتي الكل الكل
حمد : أهااااااه ألحين فهمت ليه دقيتي لا تخافين بطمنهم علي
أسيل تنرفزت منه وأهي خايفه عليه وأهو يستهزأ فيها رمت الجوال على عبدالله
أسيل(توقف وبعصبيه) : مافيه شيء بروح أسوي لكم قهوة
عبدالله : ألو بو ملاك
حمد(متعجب) : عبود
عبدالله : الله يهداك وينك أشغلتنا
حمد : قريب كنت متضايق بس ألحين أرجع
فراس(ياخذ الجوال وبعصبيه) : غــــــــــــبــــــــــــــــــــــي خوفتنا عليك زوجتك بغت تجيها جلطه من الخوف عليك وأحنا وامك عرفت وقاعده تبكي هيييييييييييييييييييين بس ترجع أوريك
حمد : ههههههههههههههههه طيب راجع ألحين للمزرعه باي
فراس : لا أول تعال طمن زوجتك بعدين رح للمزرعه
حمد : تامر جايكم لا تروحون

بعد نص ساعه .........

أنتبهت أسيل لسيارة حمد يوم دخلت مزرعة جدها ما كانت عارفه انه بيجي شافت نظرات وأبتسامات أخوانها لها كانوا قاصدين ما يقولون لها

حمد : السلام عليكم
الكل : وعليكم السلام
فراس(بعصبيه) : وين كنت يالزفت
أسيل(نزلت راسها) : .................
حمد(جلس جنب فهد وصارت أسيل قدامه) : ابدا كنت متضايق وبعدين وش دخلك زوجتي هي بس اللي تحاسبني
فهد : زوجتك اللي بغت تموت خافت صاير فيك شيء
حمد(طالع لها وهي للحين منزله راسها وانتبه لكتوفها اللي تهتز نسى اللي حوله وبهمس) : أسوله

أسيل وقفت ودخلت البيت تكمل صياح ماكانت تظن أنها بيوم بتهتم له أو تخاف عليه وغيابه اليوم خوفها عليه

عبدالله : أف أف أختي تبكي والسبب أنت لا
فراس : أقول يله شفتها رد للمزرعه
حمد : نعم
فهد : خلاص شفتها وشافتك يله لمزرعتكم
حمد : يعني أنتو كنتو مخططين لكل هذا
فهد وفراس وعبدالله : ههههههههههههههههههههههههههههههههههههههههههههههه
فراس : بصراحه كنا نبي نشوف ردت فعلكم لما تشوفون بعض
الجد : يالخسيسين تبكون الغاليه عشان تفرحون
حمد(عصب) : الله يلعنكم يالزفتين
عبدالله : أوووووووه عصب أجل ليه تخرعها أذا ماتهون دموعها
فراس : وليه تزعلها أذا تهمك
فهد : وليه تبي تبرر شيء أنت الغلط فيه من الاول
فراس : أنتو مفضوحين كل واحد يبي الثاني بس يكابر
عبدالله : واللي صار اليوم خيره وعسى أن تكرهوا شيء وهو خير لكم وأظن عرفت بنفسك شعور أسيل ناحيتك
حمد(أبتسم وكأنه فهم لهم) : ............................
فهد : أممممممم ترى نقدر نراضي أختنا بس حبينا ناخذ برأيك أحنا أو أنت
حمد(يوقف) : لا أنتو ولا أنا هي بتهدا من نفسها
فهد : انت من صدق تتكلم
عبدالله : لا مو صاحي عادي يعني
حمد : عادي
فراس : من صدق

حمد مشى لسيارته وفتح المسجل على أعلى صوت حطها وشغل الأغنيه وجلس على مقدمه السياره كان موجها للغرفه اللي مخصصه البنات

(ما هي عــادية ....نبيل شعيل)

يسألـــــوني ليه دايم تزعلها
و أنت عارف إنها ماهي غلطانه

ما دروا إني إذا جيت أقابلها
زينها يزداد إذا جات زعــــــلانة

تزعــــل و ما أرضى غيري يرضيها
عمري ما أغليت أحد كثر ما أغليها

ربي سبحــــانه بعيني محلـــــــيها
كن ربي ما خلق غيرها إنسانه

ما هي عادية حشى ما هي عاديه
كلـــــها طيـــــبة و رقــــة و حنية

كل مزيــــونة خـــــذت منها شوية
مصدر الحسن اللي في الأرض و أوطانه

عبدالله وفراس وفهد قاموا يرقصون والجد يضحك على خبالهم وحمد عينه للستاره اللي لفتت نظره وانزاحت و العيون اللي تراقبه ومتأكد انها أهي بعد اللي حصل اليوم تاكد من مشاعرها المخفيه عرف وأكتشف سرها وعرف قلبها الكبير وشنو اهو بالنسبه لها اختفت كل اللي كان مخطط له انهدم صروح قلبه وانبعث الحب من جديد لقلبه ينبض حتى لو كابرت لو صدته بيتملكها باسلوبه وبتعلم الخضوع

مانزلت اسيل ورجعوا الشباب لمزرعة حمد اللي أستلم من عمامه سعد ومحسن كلام ماقدر يرد عليهم بسبب انه مايرد وخلى الكل على اعصابه

&&&&&&&&&&&&&&&&&&&&&&&&&&&&&&

اليوم الثاني .............

كان آخر يوم لهم بالمزرعه حملوا الأغراض والكل اتجه لبيته وحمد ومحسن وسعد وفراس وأحمد اللي أخذ زوجته والخاله زهره والتوأم بس وأتجهوا لمزرعة الجد عناد بمناسبة العشاء اللي مسويه خلف لبنته أمل وزوجها ويوم جات الساعه 9 ونص أرسل حمد على أسيل تتجهز بيرجعون البيت ودعت الكل وطلعت ووصلوا للبيت وصعدت الغرفه وتوها بتحط شنطتها على السرير كان وراها شخص ضمها بس
مايوصل إلا لخصرها لفت وأبتسمت

أسيل : عمري ملوك
ملاك : أشتقت لك
أسيل(تنزل لها وتضمها) : وانا أشتقت لك أكثر
حمد(متسند على باب الغرفه) : ما أشتقتي إلا لها بس
أسيل(شالت ملاك على السرير وبغرور) : من أشتاق له غير ملاك قلبي بس ملوكتي
حمد (أبتسم وسكت) : ........
ملاك : أسيل بنام معك
أسيل : من عيوني يله أشيل لك الغطا ونامي بغير وأرجع

غيرت أسيل وطلعت وأنصدمت من حمد اللي نايم جنب ملاك في سريرها

أسيل(تحط يدها على خصرها ) : نعم نعم نعم خير شنو منومك هنا
حمد(يستهبل) : ملاك أسيل تكلمك
ملاك(ببرائه) : أنا قلتي لي أنام عندك
أسيل(بحنان) : لا حبيبتي مو انتي أقصد بابا حمد
حمد(يقلب للجهه الثانيه) : كيفي تبين تنامين نامي ما تبين طفي اللمبه(النور) وطلعي
أسيل(في نفسها) : أففففففففففف تعبانه ومالي خلق هواش دام ملاك بينا وعندنا أضمن ما يتهور خلني أنام بكره أبوي يجي ومشتاقه له بحفظ طاقتي له
حمد : أسيل بسألك كم لنا متزوجين
أسيل : أفففففففففف هذا وقتك صار لنا 3 أسابيع
حمد(أبتسم) : طيب تصبحين على خير
أسيل : وانت من أهله

تسمع جوالها يدق ولا ردت تبي تنام بس الأتصال يتكرر فتحت الأبجوره وطالعت الساعه 2 شافت جوالها رقم نجد

أسيل(معصبه وبصوت واطي لأن ملاك وحمد نايمين) : نجدوووووووه ووووجع أحد يتصل بهذا الوقت
نجد : بسم الله علامك هذا جزاتي ببشرك عايشه ولدت
أسيل(بفرح) : حلفي متى وكيف أنا طلعت منكم الساعه 9 ونص ماكان فيها شيء
نجد : من ساعه ولدت كانت تتوجع وتظن فروع بس على الساعه11 زادت الألام وودتها أمي وأحمد وقالوا عندها ولاده وجابت محسن الصغير
أسيل(فرحت زياده) : محسن الصغير خلاص بكره أزورها يله باي
نجد : باي
حمد : عايشه جابت ولد
أسيل(لفت جنبها بفرح) : أيـ.... (ماكان بمكانه لفت صوب الباب واقف ويبتسم بخبث وبلعت ريقها)
حمد : امممم ملاك بفراشها نايمه ماحبيت تزعجك أو بالأصح تزعجنا
أسيل : ح ح ح ح حمد
حمد يبتسم ودخل وسكر الباب وقرب من صوبها
حمد : عيونه وقلبه يا أسوله

مد يده وطفا الأبجوره

&&&&&&&&&&&&&&&&&&&&&&&&&&&&&&&&&&&

صحت روابي على الساعه 11 الظهر ونزلت لقت امها وأمها سارا
روابي(معها نسكافيه) : صباح الخير
أمينه وسارا : صباح النور
أمينه : هاه يمه شخبار تجهيزاتك للملكه ماباقي غير يومين
روابي : والله يمه ثوبي اللي مفصلته لملكة سلوى بلبسه حلو اللي متعبني يمه زواجي بعد أقل من 3 أسابيع وما جهزت شيء
أمينه(تشوف بنتها اللي شوي وتصيح) : لا ياقلبي لا تزعلين الساعه 4 تجهزي بنطلع للسوق عشان ثوبك ونحجز الصالون(المشغل)
سارا : ناسيه الليله عند بيت خالتي عشاء للحجيج اللي وصلوا اليوم الصبح
روابي (بفرح) : وصلوا ماشاء الله متى
سارا : ماصار لهم ساعتين واصلين
روابي : الحمد لله على وصولهم بروح أبشر أسيل

صعدت وطقت على الباب بنغمات .......

حمد(فتح الباب يفرك عيونه وبعصبيه) : خبله أحد يطق الباب كذا
روابي تنحت حمد نايم هنا لفت لباب غرفته الثانيه ورجعت تطالع له وانحرجت ونزلت عيونها
روابي : آسفه
حمد : عادي زين صحيتيني بروح أتوضأ عشان صلاة الظهر

تركها ودخل الغرفه الثانيه ودخلت روابي وأسيل تعدلت بجلستها وتربعت وحطت المخده(الوساده) على رجولها

روابي(تغمز) : حركات
أسيل(ما خلتها تكمل وتصكها(تضربها) بالمخده بوجها) : مالت عليك
روابي : آآآآآآآآه علامك معصبه علي أنا مو حمد روابي روابي
أسيل(تصر على ضروسها) : بذبحه بذبحه
روابي : ههههههههههههههه يا حليلك ياحمد قدرت تكسرها ههههههههههههه
أسيل (أخذت المخده وبدت تضربها من زود الحره) : بذبحك قهرني وما عبرني آآآآآآآآآآآآآآآه ياليتني أنولدت رجال لأكسر سنون أخوك كل ما أبتسم تقولين يسوي دعاية معجون أسنان أكررررررررررررررهه
روابي (ميته ضحك) : ههههههههههههه والله تكذبين أنك تموتين فيه بس مو قادره تعترف هذا جزاء جايه أقولك خالي وصل بالسلامه
أسيل(بفرح) : حلفي متى
روابي(تتعدل) : من ساعتين تقريبا الليله عشاء عند بيت جدتي
أسيل : أبي أروح له ألحين مشتاقه له
روابي(تبي تطفرها وتغمز لها) : وحمد ماراح تشتاقين له
أسيل(أنحرجت وعصبت منها) : آآآآآآآآآآآآه بذبحك

طلعت روابي تركض وطلعت أسيل تبي تلحقها ماحست إلا باللي يمسكها ويحاوطها بأيديه وروابي نزلت تحت ميته ضحك عليها وفرحانه لها

أسيل(عقدت حواجبها وبدون نفس) : خير
حمد(مبتسم) : الخير بوجهك
أسيل(تحاول تبعد) : شنو تبي وخر حمد
حمد(يأشر على قلبها) : أبي هذا لي أنا بس
أسيل (تبعد عنه ورفعت حاجبها بتحدي له) : أظن اللي تبيه خذيته ولا تظن بعطيك زياده فااااااااهم وهذا(أشرت على قلبها) أشيله من محله لو فكر يوم يكون لك فاهم أعيش دونه أحسن لي

أشرت له وبدت دموعها تنساب على خدها وبنظرت تحدي

جبرك الوقت ترجعلي جبـرك وجيتنـي ندمـان
..........دمرك الشوق يا خايـن وجيـت تسابـق ظلالـك

عرفت الحب بغيابي وعرفت انك معـي غلطـان
..........تأكد مـا يشرفنـي طريـق(ن) دربـه وصالـك

تبيني اخضع لجل عينك وانا ما اخضع ومهما كان
..........اقـطع الـراس قدامـك ولا أخضـع لأشكالـك

صدت عنه تبي تدخل لغرفتها ووقفها صوته قررت تسمع له بدون لا تلف له

حمد :
يـا مـن تسكنيـن الفـؤاد إننـى
أبعـث ا ليـك قبـلـة اعـتـذار

علـى مابـدا مـنـى وآلمتـنـي
الدمـوع التـى كوتنـى كالـنـار

الاتعلميـن انهـا عنـدي غاليـة
فـلا تـذ رفـي منهـا الابمقـدار

واغفري واصفحـي قـولا وفعـلا
أخفي حبيبات اللؤلؤ فـي المحـار

وأضاق لك الصدور وكدر الصفـو
وأدار لك الدنيـا وشتـت الافكـار

وابعـدي عنـي حـدة النظـرات
التـي تسلطينهـا علـي كالبتـار

وعودى الي فاننى محتـاج اليـك
كحاجة الورود والازهار للامطـار

ضميني بقوة الي صـدرك الدافـئ
وحولي شتاء حياتي الى صيف حار

هـذا اعتـذاري بالحـب والقبـل
فاصفحي واغفري وانسي كل مادار

دخلت غرفتها وصاحت بزياده وبعدها أخذت دش وصلت الظهر ولبست تنوره فوشيه قصيره و بلوزه ذهبي ورفعت شعرها بفيونكا فوشه وحطت كحل داخل العين تخفي احمرار عيونها من الصياح وحطت قلوس ونزلت قررت تتهرب من نظرات وغمزات روابي بان تتصل على أبوها وخالتها تهاني تتحمد لهم بالسلامه رجع حمد من الصلاه وماكانت منتبه وتلعب بسلك التلفون وتضحك شكلها كان ملفت وكيووت بيبي فيس
أنتبهت له ويوم جت عينه بعينها غمز لها نزلت عينها منحرجه منه وودعت أبوها وسكرت الخط
أسيل : يمه عمه نسيت أبشركم عيوش جابت ولد البارحه
أم حمد : والله ألف مبروك
أمينه : منتي صاحيه لك ساعه تهذرين بالتلفون توك تقولين
روابي (تغمز لها) : اللي ماخذ عقلها يمه
حمد(يبتسم) : يتهنى فيه يارب
كات : مدام غدا خلاس
أم حمد : يله حياكم
أسيل : طيب بجيب ملاك وأجي
حمد : سيرينا عندها وأكيد اكلت تعالي كلي
أسيل(أبتسمت غصب عنها) : معليه بطلع أشوفها وأجي عن أذنكم
حمد شك أنها ماراح تنزل لأن طبعها أذا متنرفزه تأثر على أكلها وشهيتها وفعلا خلص الغدا وأهي مانزلت دخل عليها واهي تتابع التلفزيون وتدندن على أغنيه وحاطه رجل على رجل وسانده ظهرها على الكرسي
أسيل : أبعد وخليني ...... مافيني يكفيني
حل عن سماي وروح ......... مالك شغل فيني
حمد جلس جنبها وأخذ الريموت منها وأبتعدت عنه لين لزقت بمسند الكرسي وأهو يعاند ويقرب لين لزق فيها وكاتم الضحكه وأهي مقهوره وتتأفف واهو مطنش
حمد : آآآآآه يا هيفا يازينك
أسيل : ووووووووع مافيها حلى
حمد(فرح في حوار بينهم) : تهبل شوفيها جسم وشعر أموووووووت فيهاااااااا
أسيل(بعصبيه) : ياجعلك للموت أنت وياها <<< غارت ^_*
حمد : ليك الواوا بوس الواوا خل الواوا يصح
لما بست الواوا صار الواوا بح
أسيل دفته(دزته) وطلعت لغرفة روابي تتأفف وحمد ميت ضحك عليها

روابي(نقزت من دخلت أسيل) : بسم الله علامك
أسيل(تجلس على الكرسي ومبوزه) : أخوك خلاااااااااص بيذبحني
روابي(تبتسم وبخبث) : حب ولا شوق ولا(ماانتبهت إلا والمخده على وجها) أأأأأأأأي وجع
أسيل : روابي بديت أكرهك الله يعين اخوي عليك
روابي(تعدل بلوزتها) : أحم احم الله يهنيه
أسيل(تضمها وتبتسم) : والله امزح الله ياقلبي
حمد(عند الباب) : وانا تمزحين معي ولا لا ياقلبي
أسيل(في نفسها) : ياربي ياربي تصبرني بذبحه

حمد جلس يطالع لها وغمز لروابي<< ملاحظه الأغنيه(أبي شورك) لعبدالكريم عبدالقادر وراشد الماجد بس لعب بالأسماء^_^
حمد :
أبي شورك دخيل الله يا أم خالد
ترى هالدنيا ضاقت بي وأنا مليت
بلاني حب من خلا الفكر شارد
زعل مني وإذا مارد لي جنيـت

روابي(تبتسم) :
على هونك وقول شفيك يا حمد
عيوني لك وعنك عيوني ما رديـت
صديقك عدني أو حسبـة الوالـد
من اللي صد عنك وأنت ما صديت

حمد :
أنا حبيتـه والله عالـم وشاهـد
ويمكن دون ما أقصد عليه أخطيت
تعذرت وتعبت أقول مو قاصـد
ولا عبرني ما تسوى علي حبيت

روابي :
إذا أخطيت أكيد إن الخطا وارد
وإذا صدك لأنه يحبك وزليـت
هي فتره ومهما يروح ويباعد
بيرجع مثل ما يرجع حمام البيت

حمد :
ياشين الوقت من دونه وأنا قاعـد
ذبحني الشوق له من كثر ما حنيت
أنا الغلطان وما أنكر ولا أعانـد
وأظن يكفيهم اني بغلطتي حسيت

روابي :
تزاعلتو ولـو كـان الزعـل كايـد
يضل ملح الهوى ويا الـذي أغليـت
بدونه تشعر إن الحـب شـي بـارد
وش أحلى من الزعل لو بعده تراضيت

تركتهم اسيل وطلعت بدون لا تعبرهم وحمد باين منقهر وبدا يفقد أعصابه
روابي : هههههههههههه لا تقطع لسانك
حمد : تعبت تعبت
روابي (تحط يدها على كتفه) : لا تيأس ياخوي أسيل حساسه وأحلى مافيها قلبها وانا ياما نصحتك تذكر وألحين الدين قاعده ترده لك بس بالهداوه وصدقني المر للي تمر فيه بتلقى بعده حلاوه ولا تنسى مابعد العداوه إلا حب
حمد : الله يعين يله بروح أنام شوي قبل صلاة العصر
روابي : باي
حمد(بيدخل غرفته وفقه صوتها) :نعم
أسيل : لو سمحت بزور عايشه العصر قبل أروح لبيت جدتي
حمد : طيب تجهزي الساعه 4 خليك جاهزه أوديك
أسيل : أممممممممم عادي أروح مع عبدالله
حمد : لا أنا المسؤول عنك أنا اوديك
أسيل : طيب ليه معصب
حمد (يصر على ضروسه) : أقول روحي لا أعلمك العصبيه على أصولها
أسيل : يامامي زين
حمد (أبتسم وبهمس) : أموت عليك وعلى دلعك آآآآآآآآآآآآه منك يا أسيل
أسيل سمعته بس ماعبرته ودخلت غرفتها تحاول تاخذ نفس بسرعه ركضت الحمام(وانتو بكرامه) تغسل وجها رفعت نظرها للمرايه تستوعب الكلام اللي سمعته
أموت عليك وعلى دلعك أأأأأأأأأأأأأأأه منك يا اسيل
حستها تطلع من قلبه آآآآآآآآه أبتسمت وخلاص مستعده تسلم صروحها ضمنته وضمنت حبه قدرت له وأنتهى
غيرت لبسها بعد ماصلت عشان يطلعون المستشفى ويباركون لعايشه ومناك يروحون لبيت الجده كان اليوم حلو للكل ولادت محسن الصغير والتخطيط للملكه باليوم الثاني قضوه بالتأكيد على الحجوزات والكماليات للحفله

يوم الملكه .................

الكل يتجهز ويساعد باللي يقدر عليه الكل حضر ماغير عايشه وأمها اللي أتصلن وباركن لهم على الساعه 5 كانت اسيل مخلصه المكياج وتسريحتها راحت تغير وتلبس ثوبها كان أخضر حرير قصير للركبه وعلاق من الصدر وعليه خيوط كرستال وشعرها ملفلف على الاطراف لفت انتباها علبه من المخمل على سريرها وجنبها ورده جوري حمراء فتحتها وكان طقم ألماس بأحجار خضراء يناسب الثوب ومعاه كارت فتحته

(( ألى زوجتي العزيزه أسيل ألبسيه يحلى على رقبتك ملاحظه .. هذي حقيقه وليس حلم ولا أقصد أقهر أو أغيض طيف هاهاها من زوجك حمد))

أبتسمت أسيل ولبست العقد وطلعت بعد ماتاكدت أن كل شيء مضبوط

فجأه ......

تسمع تصفير لفت شافت حمد جالس بالصاله ويبتسم

أسيل(أستحت) : أنت هنا مارحت للمجلس
حمد(يوقف ويقرب لها) : لا وأفوت على نفسي شوفه كل هذا الجمال
أسيل(أرتبكت من قربه) : خلاص شفت باي
حمد(قبل تطلع مسك يدها وقربها منه) : على كيفك باي
أسيل(تبتسم) : أيه كيفي ممكن تهدني
حمد(أبتسم وقرب أكثر عناد) : وأن ما هديتك
أسيل : ما أحب وراي شغل حمد
حمد : ماهمني تحبين ولا لا المهم شنو احب انا
أسيل (قدرت تفك نفسها منه) : ماهمني انا بعد اللي تحبه
حمد (رفع حاجبه) : اللي أحبه من حلالي ولي
أسيل(حست بالأحراج منه ) : على ما أذكر ياحمد انك تنازلت عن حقوقك فيني
حمد : أمممممممم متى ما أذكر
أسيل : أذا ناسي أذكرك ليلة عرسنا
حمد(خبث) : أهاااااااااا ليلة عرسنا
أسيل (زاد احراجها من نظراته وعصبت) : أنا مورايقه لك خل الهبال عنك بروح أشوف البنات
حمد(مسك يدها قبل تطلع ) : ماخلصنا كلامنا بتركك ألحين بس لنا جلسه ياحلو
أسيل (بأستهزاء) : ههه هذا أذا جلسنا مع بعض

سحبت يدها وطلعت واهو يضحك عليها ومن أحراجها له وهي تبي تخفي أبتسامتها وأحاسيسها اللي بدت تتشكل وتتخذ موقعها بقلبها من ناحيته

ماحطيت أسأله حبيت تتوقعون عني << يالتعيجز^_*
لا والله بس شنو تتوقعون
الملكه
حمد أسيل
طيف
الكل الكل الكل
وقولو لي رايكم بالأحداث شنو كرهتم شنو عجبكم شنو فرحكم وشنو حزنكم

لا تحرموني يالغالين

دمــــــــــــــــــــــــــ بحب ـــــــــــــــــــــــــتــــــــــــــــــــــــ ـــــــــم