رواية و الله أحبك يشهد الله علي الفصل التاسع والعشرون 29 - بقلم HaboOoshy

حركوا السيارة فيها حمد وأهله والسياره اللي وراهم جيب أسود فيه أثنين من حرس حمد ودادا حليمه وكات وسيرينا الخادمات مع الأغراض
حمد طوال الوقت يطالع لأسيل اللي سانده راسها على الكرسي ومغمضه عيونها تدعي النوم وهي كاشفه نظرات حمد لها بس ما تبي تبين له أنها شايفته أسيل تأكدت ألحين أن حمد ألحين مختلف عن حمد قبل زواجهم بس هذا مو معناه تخضع له وتنسى جروحها عشان تغيضه زياده لفت لسلوى اللي بالكرسي الأخير

أسيل : سوسو
سلوى : هلا
أسيل : أممممممم بدليني بالمكان بنام تعبانه
سلوى : لا
أسيل : طلبتك والله تعبانه
سلوى : طيب بس نوقف
أسيل : وين نوقف
سلوى : عند البانزين نعبي السياره
أسيل : طيب
بعد ربع ساعه وقفوا يعبون فتح حمد شباك السياره لواحد من حراسه
حمد (لف) : شنو تبون
الأم : أبي حليب يكفيني
أمينه : وأنا مثل أمك
روابي : أبي بيبسي وشبس
سلوى : وأنا عصير وبس
مناير : و أنا بعد عصير
حمد : وملاك وأسيل
سلوى : ملاك وأسيل نامن
حمد (لف للكرسي اللي وراه شاف سلوى عقد حواجبه) : متى بدلتن الأماكن
روابي : من وقفنا (غمزت له) الأماكن كلها مشتاقه لك
أسيل تسمع لهم وأهي مغمضه عيونها وكاتمه ضحكتها عرفت ألحين أن حمد سلم الرايه فعلا أمامها بس لا توها على ماتسلم رايتها لين تاخذ حقها منه عن الفتره اللي سبقت زواجها وتخليه يندم على كل حرف كل كلمه غلط بحقها فيه من تعبها وفرحتها بالانتصار أخيرا نامت ولا حست لين وصلوا للمزرعه وصحتها روابي
على الساعه 8 ونص الصبح وصلوا للمزرعه عائلة حمد أول شيء
أم حمد : حليمه هالله هالله بالغدا ترى على الساعه 1 الكل موجود خليه جاهز
حليمه : حاضر
روابي : كات سيرينا جيبن الشنط للغرف فوق
أسيل (تشيل شنطتها) : روابي خدمي نفسك شوفي سلوى ومنوره
روابي : مالي خلق أصعد وأتعب لا لا
أسيل تلفتت حولها تشوف حمد لأن من صحت ونزلت ما شافته
روابي(تغمز لها) : أسوله ماهو هنا دخل البيت
أسيل (أبتسمت) : طيب بسلامته
روابي (تقرب منها وبهمس) : إلا وين راح تنامين في جناحكم أو عندنا
أسيل : مدري بس ما اضنه يبيني بجناحه خلينا كذا أحسن
روابي : ياربي بياكلونك ماصار لكم أسبوعين متزوجين خصوصا طيف
أسيل (تغمز ) : أفاااااا عليك أصرفها طيف تبي جنازه وتشبع فيها لطم تووووووووووولي
روابي : تعالي بناخذ غرفه ماتكون فيها
أسيل : أوكيه يكون أحسن
وتجري الرياح بما لا تشتهي السفن طيف وروابي وأسيل وبشاير وهيام وعايشه بغرفه ومناير وشهد ووجدان ونجد ونجود ورنا وسلوى بغرفه وأوراد وعيالها وسعاد وعيالها بغرفه
بعد الغدا راحن البنات يرتاحن بغرفهن
طيف (تدخل ملابسها للدولاب(كبت) ) : أووووه العروس هنا
أسيل(تبتسم) : شفتي حبيت أسوي لكم مفاجئه
طيف (تجلس وتحط رجل على رجل) : لهذي الدرجه يبي الفكه منك
أسيل (ترفع حاجبها ) : الفكه
طيف : حمد ماصار لكم أسبوعين الصراحه أنا ضنيت أنه ماراح يخليك تطلعين لنا
أسيل : أطلع ليه تقصدين يحبسني هههههههههههه لا انا طلبت منه يسمح لي أبات مع البنات مشتاقه لهن
بشاير (منسدحه على ظهرها) : طيف بلاش نغزات أوكيه
طيف :أيش دخلك أنا أسولف مع العروس
أسيل : يوووه أستحي من كلمه العروس عقبالك طيف
طيف : أنا أذا تزوجت أبي واحد يدللني مو يصدق يفارقني مثل بعض الناس
أسيل : هههههههههههههههههههههه أسمحي لي هذا أذا تزوجتي
البنات انصدمن من رد أسيل لطيف حتى طيف سكتت
أسيل(ماتركت لها مجال ترد عليها) : يله بنزل أشوف أمي يوه لا أنسى جوالي أخاف حبيبي يتصل وما يحصلني بااااااااااااي

نزلت وجلست على عتبات الدرج تفكر بكلام طيف كانت تتوقع كلامها بس ماضنيت أنه يهزني أو يأثر فيني نزلت دمعه كيف تتجرأ وتقول كذا ياربي لهذي الدرجه واضحين أنا وحمد
: أسيل ليه جالسه هنا
أسيل(عرفته حمد نزلت راسها خافت يشوف دمعتها وهزت راسها بلا ) : ..................
حمد : طيب لا تجلسين هنا كأنك من الطرارين عند المساجد
أسيل لما صعد حمد لفت لفتها عدل وطلعت برا البيت كان الظهر والأغلب نايم طلعت تركض وتركض وتركض لين وصلت عند الوضحه وبسرعه أسرجتها وركبتها مادخلت حظيرة الخيل طلعت تلف المزرعه فيها تركض وتنط حواجز وصخور بس أغلبها مو عاليه كانت تبي تفرغ طاقه مكبوته من الألم والقهر ولكن
فـــــــــــــــــجــــــــــــــــأه
ما أنتبهت واهي تمسح دموعها لصخره وحاولت توقف الوضحه فأختل توازنها وطاحت وضربت بصخره براسها وبلا حراك على الأرض والوضحه براسها تحركها وصوت صهيل الخيل بس ولا أستجابه من أسيل

بعد صلاة العصر نزلن للصاله بعد مالفن لفاتهن تحسبا لوجود الشباب

البنات : السلام عليكم
الحريم : وعليكم السلام
بشاير: أسيل وين
الجده : اسيل مو معكن
عايشه : لا قالت من ساعتين بتنزل تشوف أمي
الأم : والله ماشفتها من بعد ما صعدتن
هيام : غريبه يمكن مع حمد
روابي : حمد (طلعت جوالها تتصل عليه) مايرد
أم حمد : يمه يمكن نايمين خليهم الله يهنيهم
الكل : أمين
روابي (في نفسها) : لو تعرفون أن حمد ما يتقبل وجودها جنبه كان ماقلتوا هذا الكلام
هيام(تمد لها فنجان القهوه) : خذي لي ساعه أمدها لك
روابي : طيب مشكوره
بشاير (تهمس لها) : فيك شيء
روابي (تحط فنجان القهوه ترد تتصل) : لا مو متطمنه
أم روابي : علامك يمه
روابي : أحاتي أسيل
الجده : علامك مع رجلها لا تزعجينها
روابي : بتصل عليها أهي نومها خفيف أذا ردت خير
سعاد : روابي علامك خليهم عرسان جدد
روابي (تتصل ) : ماترد ماترد
بشاير : أهدي شفيك اليوم
روابي (تتصل بحمد ) : وهذا الثاني ما يعرف يرد بعد
الجده : يا بنت خلاص
روابي ماردت على أحد وصعدت لجناح حمد وطقت الباب لين فتح
روابي : حمد
حمد (بفرك عيونه) : خير فيكم شيء
روابي : حمد أسيل عندك
حمد : لا شنو يجيبها عندي آخر مره شفتها (يطالع ساعته) من ساعتين وربع
روابي : وين راحت لها ساعتين
حمد : تلاقينها عند حبيبة قلبها الوضحه أو سرجتها وتركض فيها معها تنسى الدنيا والوقت
روابي : طيب بروح أشوفها
حمد : لا انتظري بتصل على مدحت يقول هي فين (يرد وأخذ جواله ) ألو...
مدحت : هلا سيد حمد
حمد : بسألك الوضحه بالإسطبلات
مدحت : لا مدام أسيل أخذتها
حمد : طيب (يلف لروابي) شفتي مع الوضحه
روابي : طيب قله وينها خاطري أروح لها
حمد : مدحت أهي بالحظيرة
مدحت : لا دخلت المزرعه بيها
حمد : يقولك دخلت المزرعه فيها
مدحت (يقطع كلامه ) : من ساعتين ولا خرغت مره تانيه
حمد (بصوت عالي) : شنووووووووووووووووووووو
مدحت (بخوف ) : أيوه كانت بحاله مش طبيعيه زي اللي يبكي ويمسح دموعه وما شفتها تاني
حمد(بعصبيه) : يا ثووووووور ليه ماقلت لي يوم ما رجعت يا حيواااااااان بس معليه أنا بوريك
مدحت : أسـ..
حمد(ماعطاه مجال وسكر التلفون بوجهه) : الحيوان يقول لها ساعتين ما طلعت
روابي (بخوف) : حمد أحنا داخلين على المغرب
حمد بسرعه بدل البيجامه وحط كاب (كبوس _ طربوش) ونزل مسرع ويدق عليها ماترد دق على فراس
حمد : ألو فراس أسمع أسيل دخلت المزرعه لها ساعتين على الوضحه ولا طلعت ........ أيه .... مدري ياولد بسرعه أنا عند الإسطبل ... باي
الجده : حمد علامك
حمد (طلع يركض ) : ولاشيء ولاشيء
روابي ركضت نازله معه بس الجده وقفتها واهي تلف اللفه
روابي : هلا جده
الجده : علامه حمد
أم أسيل : روابي وين أسيل
روابي : أسيل دخلت المزرعه مع الوضحه لها ساعتين ولا ردت حتى جوالها ماترد عليه
أم أسيل (حطت يدها على قلبها) : ياويلي بنتي
هيام : أهدي ياخاله أن شاء الله بخير
الجده : طيب وين رايحه انتي
روابي : بروح أدور عليها
سعاد : روابي خلي الشباب يدورون عليها
نجد : خذيني معك
عايشه (ترد على جوالها ) : ألو ... هلا عبدالله ... مدري لها ساعتين ... طمنونا باي
أم روابي : خلونا نجلس برا نجود حبيبتي جيبي لأمك ماي
نجود : حاضر ياعمه
طلعن وجلسن برا والكل يدعي الله يستر ولا يكون شر صابها حمد ركب فرسه وفراس على البرنسيسه وروابي ونجد على الدباب (بغي^_^) ومشعل وراشد على واحد وفهد على دباب وعبدالله على دباب ودخلوا المزرعه ولأنها كبيره وأشجار كثيفه وبدت تظلم الدنيا تفرقوا

نجد (شوي وتصيح لهم نص ساعه ولا حصلوها ) : روابي
روابي (تحاول تطمنها واهي مو متطمنه ) : لا تحاتين بأذن الله بنلقاها
نجد (كأنها تذكرت شيء) : التصفير
روابي (توقف الدباب) : تصفير شنووو قصدك
نجد : عطيني جوالك (أخذته ودقت على عبدالله ) ألووو عبود
عبدالله : هاه بشري
نجد : لا ما حصلناها عبود صفر مثل أسيل بقوه بقوه
عبدالله : أيه صح أنتظري
وقف عبدالله على الدباب وبدأ يصفر ويصفر ولا سمعوا صوت
عبدالله (بحزن) : مافيه أمل
روابي : وااااااااااااو نجد هذي أهي صوتها قريب
نجد (بفرح) : عبدالله صوت الوضحه قريب بس مانشوفها
عبدالله : بأي قسم أنتو
نجد : الشمالي عبود لا تتأخر
عبدالله : ثواني
عبدالله بلغ الشباب والكل أتجه للشمال ونجد وروابي نزلن يمشن وينادن على أسيل اللي ماترد ودقايق شافن الوضحه بس لأسيل مو موجوده
روابي : تعالي الوضحه ما تبعد عن أسيل
نجد قربت يوم شافت منظر أسيل طايحه بلا حرام والدم مغطي راسها ما تمالكت نفسها
نجد (صرخت صرخه يسمعها آخر من بالمزرعه) : أسييييييييييييييييييييييييييييييييييل لاااااااااااااااااااااااا
الأم أول ما سمعت الصراخ دارت بها الدنيا وأغمى عليها ومسكوها قبل تطيح ويحاولن يصحونها
روابي تمسك اسيل اللي راسها مليان دم نست أنها لازم ماتحركها
روابي (صرخت حستها جثه بين أيديها) : أسيل أسيييييييييييل لااااااااااااا لا لا
حـــــــــــــــــــــمــــــــــــــــــــــد حمد آآآآآآآآآآآآآآه لا لا أسيييييييل
حمد من سمع الصراخ كل نبض وقف فيه يركض بين الشجر والنخل هو فراس بس يبون يوصلون ويوم وصلوا أنصدموا راسها دم ووجها بعد قربوا منها وحمد يحس بخطوته ثقيله وأخذها من روابي وقربها له

حمد (بهمس) : أسيل أسيل (ضمها لصدره بقوه وبدون ما يحس صرخ ) أسيييييييييييييييييييييل
حمد بهذي اللحظه تذكر حلمه كيف فقدها وماتت بين أيديه خاف يتحقق الحلم ألحين كان يرجف من الرعب
فراس (خايف على أخته بس خاف من شكل حمد قرب) : بسم الله عليك حمد هد أسيل مافيها إلا العافيه
حمد (لف لروابي اللي تبكي) : ر ر ر ر وا..... روابي
روابي مسحت دموعها وتمالكت نفسها وتدعي ربها أنهم ما ضروها بحركتهم لها وماصابها أرتجاج بالمخ
روابي (بعد ثواني أبتسمت) : حيه حيه حمد تطمن حيه
حمد ضمها بفرح وشالها ركب الدباب وحطها قدامه ومسكها بأيد وأيد على المقود وقال لهم بسبقكم
روابي ركبت فرس حمد ونجد مع فراس وأتجهوا للبيت وأتصلوا وبلغوهم أنها بخير
عايشه (بفرح) : يمه يمه أسيل بخير
الأم (تمسح دموعها) : والله وينها
الجده : حمد جايبها الحمد لله هي بخير
وصل حمد وبنفس اللحظه وصل فراس والشباب نزل حمد شايلها
الجده : حمد علامها
حمد : مافيها شيء طاحت من الوضحه سلوى سلوى
سلوى : لبيه
حمد : خذي من جيبي مفتاح جناحي بسرعه (لف لروابي ) روابي
روابي : أسبقني بجيب شنطتي وأجي
صعد وحطها على السرير بهدوء ودخلت روابي والجده وأم أسيل
الجده : روابي ملابسها كلها ماء ودم
الأم : ليه مهي صاحيه
روابي : بتصحى ألحين ياخاله (تلف لحمد) خلن البنات يجيبن غيارات لها
حمد : أن شاء الله أنا بنتظركم برا طمنيني
روابي : أتصل على زياد للحين ما جاء خله يمر المستشفى ويجيب مغذي
حمد : يعرفه
روابي : قله شنو صار وأهو بيعرف وقله من متى مفقوده طيب
حمد : طيب بس راسها
روابي : ما صار له شيء جرح بسيط لا تحاتي حتى ما يحتاج خياط بس غيار
حمد : أنا بره
حمد وروابي تناوبوا على السهر على أسيل اللي بعد ساعتين أرتفعت درجة حرارتها كثير وكانوا يحطون لها الكمادات و أنخفضت الحرارة وحمد قال لروابي تروح تنام لأنها تعبت واهو بيسهر معها بس شوي من التعب غفى على الكرسي اللي جنبها
بدت تصحا بعد فتره وطالعت للمكان تستكشفه كان المكان غريب راقي الأثاث عنابي بذهبي ألتفتت على الكرسي جنبها كان حمد نايم
أسيل (في نفسها) : أنا أحلم ولا أنا بغرفه معه (طالعت نفسها) بس هذي مو ملابسي شنو حصل ماأذكر شيء غير الوضحه وبعدها ما أذكر(شافت يدها مغذي ولمست راسها الملفوف وتألمت) أنا ليه هنا أول مره أشوف هذي الغرفه حنا وين
نزعت المغذي بما أنها سستر تعرف له ووخرت اللحاف تبي تطلع من المكان قبل يصحا
حمد (حس فيها وفتح عيونه) : أسيل وين
أسيل (حست برجفه ولفت له) : بروح للبنات
حمد (أبتسم) : أي بنات الناس نايمين
أسيل : نايمين ليه كم الساعه
حمد : الساعه 2 الفجر
أسيل (شهقت ) : أهئئئئئئئئ شنو كم نمت أنا
حمد : أظن 12 ساعه يعني شبعانه نوم
أسيل : لا بنام
حمد : أحد ماسكك نامي مع أني ما أعتقد تنامين
أسيل : بنام عند البنات بسرير عندهن حمد
حمد(يهز راسه بلا) : نامي هنا
أسيل : ما أبي بنام هناك حمد بطلع
حمد (يحط رجل على رجل ) : طلعي أحد ماسكك
أسيل عصبت من بروده وقفت لكن داخت وكانت بتطيح بس حمد مسكها وساعدها لين جلست مره ثانيه على السرير
حمد : قعدي أسيل أنتي دايخه للحين من الضربه
أسيل : طيب ساعدني لين أروح للفراش
حمد : أسيل خلاص أنتي مو عند غريب عند زوجك

أسيل (في نفسها) : ياربي شنو هالورطه بطلع مو متحمله وجوده وبعدين شنو زوجك عفيه نسى شسوي شسوي أيييييييه لقيتها (لفت له) حمد جوعانه باكل
حمد (أبتسم ) : طيب بروح أجيب لك شيء تاكلينه لا تتحركين
أسيل (أبتسمت) : طيب
نزل حمد و لقى عشى حطه بالميكروويف وصب قلاص لبن بحليب وصعد
حمد : أحلى عشـ... (يتلفت) هذي وين (حط الصينيه على الطاوله وأخذ الورقه المحطوطه )... حمد أنا رحت أنام عند البنات تصبح على خير يا زوجي
حمد حس انها تستهزئ خصوصا بكلمة زوجي عفس الورقه ورماها بعصبيه
حمد : هين يا أسيل هين أنام وبكره لي تصرف ثاني معك سويتيني مثل البزر ضحكتي علي أففففففففففففففف
نزع البلوزه ورمى بنفسه على السرير ونام من التعب والسهر والخوف عليها

على الساعه 9 رن المنبه اللي موقته حمد صحا وأخذ دش وصلى ونزل للصاله تنحنح ودخل

حمد : السلام عليكم
الكل : وعليكم السلام
حمد طالع لأسيل اللي جالسه عند جدته وعض على شفايفه وكانه يتوعد فيها وأسيل فهمته ونزلت رسها وأهي تبتسم قرر يجلس جنبها
حمد (بهمس لها) : كيفك
أسيل (منحرجه منه ومن نظرات الكل) : بخير
حمد : كذا تقصين علي مو حرام عليك
أسيل : قلت لك ما طعتني
طيف (بلقافه) : علامكم تتهامسون خير
أسيل (أففففففففففففف أبتسمت) : أبدا (طالعت لحمد ) بس أقوله

سلام ياكاسب غلا كـل مغليـك
يامالك زمان المراجـل بيمانـك
الطيب ساسك والعرب عزها فيك
لا ضاعت علوم الرجاجيل تنصاك
ربعك تفاخر وتفتخـر بطاريـك
لاهان ذاك اللي على الطيب رباك

أسيل (تبتسم) : وسلامتكم
الكل : صح لسانك
الجده (تبتسم) : حمد شنو بترد عليها يله
حمد (أبتسم) : تستاهل اللي يرد عليها (لف ومسك يديها الثنتين بأيديه ) أقو لها

حي الصباح اللي يساوي ملايين

واللي بدونك مالقى الصبح لونه

يسعد صباحك ياصباح المحبين

انا اشهد ان الورد بك يوصفونة

أسيل أنحرجت وسط تصفيق الكل وتصفير البنات إلا بدخلة أحمد وفهد وفراس وراشد ومشعل توهم صاحين تنحنحوا ودخلوا
الشباب : السلام عليكم
الكل : وعليكم السلام
أحمد : علامكم خير فيه مباراة للمنتخب
بشاير : لا والله ياخوي مباراة للشعر والغزل بين عرسانا الجدد
الكل : هههههههههههههههههههههههههههههههههه
مشعل : أووووه أجل جالسين
فهد (يجلس ) : أول الحمد لله على سلامتك أسيل
أسيل : الله يسلمك ياخوي
راشد : خوفتينا عليك يالغاليه
أسيل (تبتسم) : بسم الله على قلبك
فراس(بخبث) : أما الحبيب اللي جنبك بقى يموت (يقلد صوته) أسيييييييييييييييييييييييييييل
حمد (أخذ كوشيه ورماها عليه ) : جـــــــــــــب
الكل : هههههههههههههههههههههههههههههههههههههههههه
حمد (يهمس لها ) : تضحكين علي وأنا كنت خايف عليك
أسيل (أبتسمت ) : ................................
مشعل : شنو بعد قلت لها شعر سمعنا
حمد (أبتسم) : أقول لها

سيد الإحساس من بإحساسه يجاريـك
من قال انـه وصـل للشعـور كـذاب
تطري علي يا كثر ما سـرح بطاريـك
وارسم خيالك واحبسه بيـن الأهـداب
و أغمض عيوني بالأجفان و أغطيـك
وافتـح أناظـر مـن زود الإعجـاب
اعجاب خلاني اعشقك وامـوت فيـك
ولولا الحقيقة كنـت ظنيتـك سـراب
ايه احبك يا منـى الـروح و أغليـك
لو شاب راسي منك القلـب مـا تـاب
لو قلت احبك ما وفيت إحساسي فيـك
و لو قلت أعشقك أكون مغالط بالحساب
انت حب لـو فقدتـه العيـن تبكيـك
بعـدك حياتـي عـذاب فـي عـذاب

حمد : وسلامتكم
الكل : صح لسانك
روابي : الله لا يجيب فراق ياخوي (طالعت لأسيل اللي نظرتها حزن وغمزت لها) يالله أسوله أغلبيه
أسيل (في نفسها) : مشاعري مشتته كيف أردها لك ومدري صادق ولا لابس القناع (طالعت لحمد تتأمل عيونه) مدري شنو هاللي في عيونك نظره غير عن اللي كنت أشوفها تحدي جديد ولا قدام الناس ولا من صدق مو قادره أحدد بس لازم أرد ولا مجبوره الله يهداك ياحمد لازم
الجده : هاه أسيل شنو تردين عليه
أسيل (بحرج) :
محد يغلب سيد الأحساس بس بقول له
العشق من غير قربك سايرا كنـه هـلاك
والعمر لي وش يساوي دام اني ماني معاك
لو ادور الكون كله ماملا عينـي سـواك
ساحرا قلبي وعقلي والبلا بسمـة شفـاك
إن بعدت ازداد شوقي وكل يوما في طراك
وإن قربت اشعلـت نـاري فـي هـواك
كل يوم وكل ساعه انتظـر لحظـة لقـاك
واتذكر كيف نجلس وكيف كنـا يـوم ذاك
يوم اقلك يا حبيبي تردلي يا نعم لبيك جاك
وقتها الدنيا با اكملها ما تسع مشيت خطاك
وانا اقول اكثر تدلل واطلب اعيوني وهاك
يكفي اشوفك وسط قلبي زيدا والله غـلاك

فراس : يسلم فمك ولسانك (لف لبشاير) ماتتعلمين غزل ومدح
بشاير : لا أحلف ياقيس بن الملوح كل يوم وأنت تصحيني على قصيده وتنيمني على قصيده
فراس (غمز لها) : والله اللي يكون معك ينسى نفسه كيف عاد قصيده
الكل ضحك وبشاير أنحرجت وسكتت
راشد : أقول فطرونا خواتي ياخواتي
عايشه : لعيونك أحلى فطور ثواني بس
أحمد (يمسك يدها ويردها تجلس) : وين قعدي يالله يالله تشيلين بطنك خلي الخادمات يسون له
راشد : أهب ياشينك أنا مسكين أمي وأبوي راحوا لمكه إهئ أهئ أهئ جوووووووووعااااااااااااااااااان أهئ أهئ
نجد ورنا وسلوى : السلام عليكم
الكل : وعليكم السلام
نجد : من اللي يبكي
راشد (يرفع يده بأدب ويقلد الطفل ويبوز) : أنا أنا أهئ أهئ ما يعطوني فطور أمي وأبوي راحو وأحمد البطه عيا يخلي عيوش تجيب أهئ أهئ
رنا (في نفسها ) : بمووووووووووووووووووووووت يهبل يا ناس يهبل فديتك يا لبى قلبك
نجد (تنغزها حست انها سرحت ومسكت يدها معها) : أفاااااااااااا مايصير لؤلؤ ينزل من هالعيون رشود ثواني يالغالي أحلى فطور عندك
راحت نجد وسحبت رنا وسلوى كاتمه ضحكتها على شكل رنا دخلن المطبخ
سلوى ونجد : ههههههههههههههههههههههههههههههههههههههههه
رنا (تحط يدها على صدها ) : فديته يهبل يهبل يلبى قلبه صغنوني
نجد : هههههههههههههههههههههههه رنا خلاص وربي شكلك كأنك غبيه يوم تطالعين
رنا : أطالع أهو بروحه يلفت أذا موجود
سلوى : الحمد لله أقول عقلي لا يكتشفون اللي أكتشفناه يا عاشقة بصمت
رنا (حمرت خدودها) : لولا عيوني ما كان أنفضحت قدامك عاد أنتي ما تسكتين خلقه
سلوى : يالبى قلبه هاه
رنا : بسسسسسسسسسسسسسسس
نجد وسلوى : هههههههههههههههههههههههههههههههههههههههههههههههههه ه
نعود للصاله ......
أسيل (رن جوالها) : ألو ........ صباح النور يالغالي ........ بخير ياقلبي ........ أمممممممم ثواني بس ...... أوكيه باي
حمد (يهمس لها) : وين
أسيل : عبود يبيني ثواني بس
حمد : طيب بس لاتقولين لأحد غالي أو قلبي أو كلام حلو فاهمه ياويلك بذبحك
أسيل (أبتسمت) : تغير
حمد : أغير لا تضحكيني وبعدين اللي أقوله يتنفذ بدون نقاش فاهمه
أسيل طالعت له بنظرت حزينه كانت تجس نبضه بتعرف تصرفاته صادقه اليوم ولا لا و(همست له بأذنه):

تجرح وتنساني ولا اقدر اسألك
من يسأل الجراح عن جور الجروح

واذا سألتك قلت لي وش مزعلك ؟
واذا سكت القهر فـ قلبي ينوح

ترمي الكلام تظن قلبي بيجهلك
اصعب كلام اللي جروحه ماتروح

دايم افكر كيف اقدر اوصلك
وانت تفكر كيف تهديني الجروح

تركته أسيل وهي تتمنى تخنقه من الغيض بس ما تقدر مالها حكم على مشاعره كل ماتحاول تغفر له يزيد بالذنب من ناحيتها خلاص كفايه تبرر له أذا قلبه حجر قلبها فولاذ
أما حمد تركته بدوامه يسترجع الكلمات
تجرح ...... جروح ........ قلبي ينوح .... تهديني الجرح
شنو زعلها ماقلت شيء شفيها
روابي (تمد نسكافيه ) : حمد حمد حمودي
حمد (اللي سرحان توه ينتبه ) : هاه هلا
روابي : تفضل يا خوي
أحمد : راحوا الحبايب
حمد (أبتسم وأخذ النسكافيه): راجعين يابو محسن بأذن الله بروح للمجلس روابي عطيني كوب ثاني عبدالله
روابي (أستحت وحمر وجها ونزلته ومدت لأخوها قلاص ثاني ) : تفضل
نجد والبنات شايلات الفطور وحطنه قدام الشباب اللي ما صدقوا أكل قدامهم
سعاد : علامكم بشويش مفاجيع
الجده : ذكري الله لا يغصون
أمينه : يا حليلهم عرسانا ونسونا بالأشعار
أم حمد : الله يهنيهم
الجده : أيه والله يرزقهم بالخير
مشعل : جده شنو رأيك في بيت شعر
أم أحمد : مشعل شاعر من متى
مشعل : يايمه الظروف تجبر نشعر
الجده : سمعني يا ولد محسن
مشعل : طيب أبي أحد يرد علي بشعر<< عارف أن نجد تحب الشعر وتحفظه
نجود (تعمدت) : نجد تعرف شعر
نجد : لا ما أعرف
رنا (فهمت نجود) : لا والله والقصايد اللي تقولينها لنا بين فتره وفتره
الجده : يله مشعل
مشعل (نزل راسه للأكل عشان عيونه ما تفضحه ) : يقولون

ياشوق أنا ماقوى الجفا من عيونك
ماأقوى يطول الصد بينك وبيني
ولا أتصور يوم عمري بدونك
أنت الهوى واللي بقى من سنيني
مشتاق لك ولنظره من عيونك
رغم أن طيفك ساكن وسط عيني
ودي أكون بوسط قلبك وكونك
ودي أحس بغيرتي ياظنيني
أهواك انا رغم انهم يعشقونك
غيري يحبك وانت مالك سنيني
اللي يحبك ياحياتي يصونك
وحبك تمكن في خفوقي وفيني

الكل يصفق له ونجد بصدمه تعرفه يقصدها بالكلام بس وقح كيف يعلن حبه لي وأهو بيخطب بنت خالته صدق راحمتها ياقلبي عنها لو تعرف عن غدرك ما تقبل فيك هييييييييييييييين والله لأردها لك
راشد (همس له ) : لو من بحسبت اخوي كان وطيت ببطنك تتغزل باختي قدامي
مشعل (يبتسم ويهمس له ) جننتني أعلنها قدام الكل أحبهاااااااااااا وربي عقبالك ياراشد
راشد (ابتسم وفي نفسه ) : بلاك ماتعرفني يا مشعل قلبي ما يحب قلبي غارق في حبها وينبض لها وبس يارب تحس فيني ويجمعنا
الجده : هاه يا بنت عبدالوهاب علامك صخيتي ردي علي
نجد : لا ياجده برد عليه
الجده : يله خلينا نسمع
نجد (باستهزاء ) : خذ ياولد عمي أحم أحم يقولون

ما ني من اللي يقضي العمر باوْهام
ولا ني من اللي يتبعون السرابي ...

ولا أتـبع المقفي ولو عمري حْطَام
أدوس قلبي لو شـــقيت بغــيابي...

لي عـــزةٍ واشيلها بصــدري وسام
واصبر على جور الزمن والعــذابي ...

يكفي أمـــاني مالـــها حد واحــلام
ما ارضــي بها لو راح فيها شبابي...

أنا بشر لي قلب واحساس والْهام
لكن في الحزَّاتْ أعـــــــرف صوابي ...

ملّـــيت من صــــبري وباكــر وقدَّام
يا رب صــــبِّرني وخـــفف مصابي...

بين الرجــا والــياس ســاهر ولا انام
تَعَـــبتْ اردد صرخــتي في عتابي ...

خــلاص انا ملَـــيت من تبع لَوهَـــام
ولا أتبع اللي في حـياتي سرابي ...

مشعل وقف عن الأكل من صدمته يعني سراب حبه مهي مصدقه أنه من قلبه وتعلن صراحه أنها ما تبيه ليه يا نجد ليه سمعي اللي قلته شوفيه كله ينبض لك ولخاطر
مشعل (وقف) : أسمحولي
راشد (وقف معه) : مشعل مشعل أنتظر (لف لنجد بنظرت عتاب) مشعل
نجد صعدت غرفتهن تخفي دمعتها
نجد (في نفسها) : كيف يحبني وأهو يبي ياخذ بنت خالته هذي خيانه ما أقدر أعلق قلبي بقلب ماهو ملكي ما أقدر الله يسهل لك دروبك
نجود وسلوى ورنا لحقنها وعاتبنها بس نجد ماردت عليهن ودخلت الحمام (وانتو بكرامه) تخفي دموعها عنهن

أما عند أسيل وحمد وعبدالله فله (^_^)
أسيل : خلاص أنتو
عبدالله : أراهنك تحبني أنا
حمد : هااااااياااتي زمان ألحين أنا وبس
عبدالله(يحاوطها بايديه ويبوس خدها) : فديتك مو أنا بس
حمد(غار منه سحبها وضمها وباس خدها) : لا أنا
وأسيل بينهم تحس ذابت من الأحراج اهي عارفه أنهم يتعمدون بس رافضين يتركونها
عبدالله وحمد : هاه من تحبين أكثر
أسيل (شافت ملاك تدخل أبتسمت) : أحب ملااااااااااااااك أكثررررررررررررر
ملاك (تركض لها وتضمها) : وانا بعد أحبك مووووووووووت
حمد(غمز لها) : لا مو جواب
أسيل(قدرت تفك نفسها وتمسك يد ملاك) : تعالي نلعب وخليهم عنا
ملاك(تمد لسانها لهم) : تحبني انا بس
حمد وعبدالله : ههههههههههههههههههههههههههههه
ما صدقت تطلع عنهم تحس مولعه نار من الأحراج وتحمد ربها دخلت ملاك أنقذتها منهم أبتسمت على شكلهم يوم يتحدونها وركضت مع ملاك للمراجيح يلعبون

أما عند البنات......

سلوى : خلاص اللي صار صار
نجد(تمسح دموعها) : خلاص تكفن أنا مو قصدي أجرحه بس ما أبيه يتعلق فيني أنا قلبي مو للحب أرحموني
رنا : كان عطيتيه فرصه
نجد : وليه ما عطيتي يوسف فرصه
رنا : ........................
نجد : آسفه مو قصدي والله رنا آسفه
رنا : عادي يا قلبي
نجود : خلنا ننزل تحت نتمشى ونغير جو
نجد : مالي خلق أنزلن انتن
نجود (في نفسها) : ياليتني أقدر أقول لك الحقيقه أنتي تضنين مشعل بياخذ بنت خالته لو أقولك أنها خطه بيعرفون مشاعرك ناحيته وانا ساعدتهم بس ألحين متندمه كثير بصارحك بس عارفه ماراح تغفرين لي (لفت للبنات): خلنها على راحتها يله ننزل
قامن يتمشن والمناظر والجو حلو كثير
رنا (ترد على جوالها) : ألو هلا بدنونه
: أنا مو دانه أنا يوسف
رنا(تجمدت) : يوسف
نجود وسلوى : يوسف
رنا : ليه داق علي
يوسف : كيفك يابنت محمد سلطان يالفقيره
رنا(ماحبت طريقته ) : خير أيه أنا بنت محمد سلطان
يوسف : ليه كذبتي علي ليه خليتيني مغفل
رنا : محد طقك على أيديك قلت لك من الأول ما أبيك ليه ما تفهم
يوسف : بس أنتي دخلتي مزاجي
رنا : مثل ما دخلت أطلع
يوسف (بحده) : لا يا رنا بعدك ماعرفتي يوسف أنا اللي يدخل مزاجي ما يطلع
رنا : يعني شنو
يوسف : تصدقين أنا ما كنت عارف أنك بهذا الجمال تفاجئت يوم شفتك
رنا (بصدمه) : شفتني
يوسف : أيه شفتك عليك شعر وقوام والتنوره الوردي بأسود تهبل عليك جسمك روعه
رنا (بلعت ريقها وغمضت عيونها) : يوسف انت شفتني ببيت أهلك صح
يوسف : أيه ههههههههههههههههههههه يوم جيتي مع بنات خوالك تباركون لدانه على الملكه تصدقين ما قدرت أطلع لين أملي عيني منك ومن شوفتك (وبخبث) وعشان ما أنساك صورتك بجوالي
سلوى ونجود يسمعن الحوار وقلوبهن طبول من الخوف
رنا(بصدمه) : لا لا لا لا حقيررررررررررررر لييييييييييييه
يوسف : هههههههههههههههههه دقي علي تعرفين رقمي أذا تبينا نتفاهم يا حلوه ههههههههههههههههه
رنا : يوسف يوسف أنتظر خلنا نتفاهم يوسف
ما عطاها مجال وسكر بوجها رنا حست دمعتها بتنزل بس الصدمه وقفت دمعتها بصرخته آخر شخص تتمنى يسمع اللي أنقال
راشد : رنااااااااااااااااااااااااااااااااااااااااااا
البنات ألتفتن لراشد اللي باين عيونه تتضرب شرار معناها سمع
رنا(ترجف) : ر ر رر ر راشد
نجود(خافت ) : راشد أسمع
راشد(بعصبيه) : جب جب ولا كلمه (لف لرنا) من يوسف
سلوى : راشد أنت فاهم الموضوع غلط
راشد (زادت عصبيته) : قلت جب جـــــــــــــــب جب ولا صوت
رنا : مالك دخل
راشد (مسك يدها بعصبيه) : مالي دخل يالحيوانه من يوسف تكلمي
رنا (بعصبيه) : ماني حيوانه واحفظ لسانك ومالك دخل فاهم وخررررررررر عني
راشد(يشد على يدها ويصر على ضروسه) : رنووووووووووووه تلمي لا أدفنك هنا تكلمي أحسن لك من يوووووووووووووووووسف
رنا (بعصبيه تخفي خوفها منه) : تخسي
راشد فقد اعصابه ورفع يده عطاها كف نزل مثل الصاعقه على خدها وسلوى ونجود شهقن
طراااااااااااااااااااااااااااااااااااخ
رنا (تجمعت دموعها من الصدمه والألم) : تضربني أنا رنا أنضرب
راشد(بعصبيه) : أيه تنضربين وأكسر راسك فاهمه
رنا (مسكت نفسها عن الصياح وبتحدي) : ماعاش ولا كان اللي يكسر راسي فاهم وأنت ورحمة أمي يا راشد لتندم على الكف قد شعر راسك
راشد (بتحدي وعصبيه) : تخسين ما جابتها أمها اللي تندم راشد بن عبدالوهاب ويوسف هذا راح أعرفه وأوصل له وساعتها ياويلك وياويله
تركهن راشد ورنا واقفه بشموخ لين غاب عن نظرهن انهارت ومسكتها سلوى ونجود قبل تطيح
نجود : رنا رنا
رنا (تبكي) : صدمتين بيوم واحد ضربتين بالراس توجع يوسف الحقير مصورني وراشد يضربني راشد يجرحني كنت أضنه لي الدواء صار الجراح
أسيل لمحت اللي صار وجت لهم ركض
أسيل : رنا فيك شيء شنو صار
رنا ونجود وسلوى شافنها ودخلن بدوامة بكي وأسيل مو فاهمه شيء
ملاك : ليه يصيحن
أسيل : يوووووه ملوكه تحبيني صح
ملاك : أيه
أسيل : لا تقولين لأحد شيء يالشاطره وروحي لعبي عند المراجيح زين
ملاك : حاضر
أسيل(تسند رنا) : يله خلنا ندخل ونتكلم داخل
حمدن ربهن أن االوقت وقت صلاه محد موجود بالصاله وصعدن بشويش لين غرفهن
نجد (بخوف) : رنا علامك طايحه
رنا (تهز راسها بلا) : ..............
أسيل(بعد ما جلسن) : قولن لي شنو اللي حصل
البنات يتبادلن النظرات وخايفات من الجاي ونجد مو فاهمه شيء
نجد : علامكن في شيء حصل
نجود (بهمس) : يوسف
أسيل : يوسف من يوسف
نجد : لا تقولين رجع يتصل
رنا : أيه (وحطت وجها بين أيديها تصيح) الحقير مصورني يوم كنا عندهم نزور دانه ونبارك لها
أسيل (بعصبيه) : صورك كيف ومن قال لك أهو
رنا : قالي بكل حقاره وجرأه أنا ما ضنيت أنك حلوه لهذي الدرجه شعر وقوام والتنوره الورديه بالأسود حلوه على جسـ...
البنات لفن لنجد اللي شهقت وحطت يدها على فمها لا تصرخ
أسيل(بخوف) : علامك تكلمي
نجد : لا لا لا مو معقوله أنا اللي صورها أنا ظن أني رنا
أسيل (زاد صدمتها) : شنوووووووو متأكده

نجد : أيه أنا لحظه لحظه رنا أنا أخذت جوالك بتصل بأمي وطلعت للحديقه ولما خلصت المكالمه دق يوسف وقلت لك صح
رنا : صح وقلت لك طنشيه وطنشناه بس والله ما كنت أعرف أنه موجود أو يعرف من أنا
نجد : أذا نشرها بتكون نهايتي أسيل كيف بتصرف
أسيل : نجد تطمني بنلقى حل ولو مالقينى بنقول لأهلي وهم بيتصرفون بس ألحين قولن لي سالفة يوسف كلها ولا تنسن شيء
رنا : طيب بقول لك كل شيء من أول ما عرفته لآخر مكالمه

.................................................. ..........................

مشعل يحاول يهدي راشد الثاير

مشعل : ياراشد أهدي
راشد (بعصبيه) : شنو اهدى أقولك تكلم واحد أسمه يوسف
مشعل : لاحول ولا قوة إلا بالله يمكن غلطان أو متصل غلط
راشد : موصاحي أنت أقولك سمعتها تقوله يوسف أنتظر خلنا نتفاهم عاااااااااااااااااارفته مو غلطان
مشعل : طيب هذا ما يعطيك الحق تمد يدك عليها عندها أبوها وأخوانها
راشد(قرب منه لدرجه مشعل خاف من نظراته) : هي لي لي فاهم
مشعل (أنصدم) : أنت أنت أنت تحب رنا
راشد (يقعد جنبه وبحزن مكبوت) : أنا أعشق رنا هي سري اللي أعيشه من زمن
مشعل : لا لا لا ما أصدق ههههههههههههههههههههههههههههههههه راشد يحب ومن هههههههههههههههههههههههه رنا اللي دوم يقول عنها دلوعه
راشد (أبتسم رغم صدمته فيها) : هي دلوعتي وطفلتي هي قلبي وروحي بس خساره (طق على قلبه بقوه تعكس الألم فيه) خساره هذا القلب فيها
مشعل : أهدى أهدى لنا كلام ثاني جراح ومحمد جايين

.................................................. ...................................

أما بالمطبخ الثلاثي المرح ^_^.......

وجدان (تصب لها قهوه) : لا والله
مناير(تاخذ قطعت حلى) : هذا اللي صار خالتي قبل تروح الحج كلمت أمي بالموضوع
شهد(تمد الفنجان لوجدان تصب لها) : طبعا بترفضينه
مناير : ليه سلمان ماعليه غبار
شهد (شهمقت) : أهئئئئئئئئئئئئ وجراح
مناير (بحزن) : هذا أحنا قدام بعض ماتقدم ولا خطى ولا أعطى أمل أنه يبيني معناه حب من طرف واحد
وجدان : بهذي معاك حق
شهد : وتنسين الحب كله
وجدان(تمد لها الفنجان) : ياقلبي يا شهد موكل حب ينتهي بالزواج هذا أنا أكبر مثال حبيت محمد أخوك سنين وسنين من وعيت على الدنيا وأنتظره وبالنهايه أنصدمت يحب أختي بس الله عوضني بسعود عرفت الفرق بين حب المراهقه والحب الحقيقي مع سعود
مناير : وبعدين جراح عنده فرصه أسبوع أذا يبيني يتدخل واذا سكت النهايه الفاصله بينا
شهد : مدري أنا أعتبر الحب أهو أساس الزواج
وجدان : مو أهلنا ماتزوجوا عن حب وعايشين
شهد : زمنا غير زمنهم
مناير : بس يبقى الرجل الشرقي هو الرجل
وجدان : شهد أنتي ليه رافضه عمر أسمحيلي من زمان أبي أسألك
مناير : حتى انا ودي أعرف
شهد (تحرك فنجانها بأيدها وببرود ) : لأني ما أحبه
مناير : ومن اللي كانت ماتصدق تقول لها بشاير بنروح بيت خوالي إلا أول وحده تركب و مرتزه
شهد : ههههههههههههههههههه موقلنا حب مراهقه
كانت متسنده على الطوفه الخارجيه وقريبه من الباب مكتفه أيديها وتسمع بهدوء لهن
بشاير (تبتسم) : آآآآآه ياشهد وآآآآآآآه منك تحبين وتكابرين ذكرتيني بنفسي بس ما يهون علي تمرين باللي مريت فيه طول 3 سنوات أحب وكاتمته (طلعت جوالها)
بشاير : ألووو
عمر : هلا وغلا بالزين
بشاير : هلا فيك شخبارك عموري شخبارك
عمر : تمام وأنت
بشاير : بخير عمر أسمع بقولك شيء
عمر : خير
بشاير : أنت تبي شهد للحين
عمر : آآآآآآآآه من شهد عذبتني برفضها
بشاير : لا تتنازل عن شهد أبدا
عمر (بحزن) : رافضه يا بشاير مر أسبوعين من خطبت وأنا ما أبي أجبرها
بشاير : خالي والله شهد تحبك تحبك لا ومن زمان بعد
عمر : ما أظن اللي يحب يعذب حبيبه ليه رافضه
بشاير : مدري يمكن خوف أو تردد بس لا تتنازل
عمر : شنو تبيني أسوي أمسكها بشعرها وأقول تزوجيني غصب لاني ولد عمها ولا ولد خالها وأجبرها
بشاير : طيب وألحين
عمر : مدري أذا عايفتني خلاص ما بجبرها بشوف دربي بتزوج
بشاير : لا عمر لا تيأس دخل جدتي سلمى تدري جدتي عايشه ماترفض طلب لها تكفه خالي شهد تحبك والله تكابر بس
عمر : خير خير تبين شيء
بشاير : لا باي
عمر : باي

.................................................. ...............................

نعود للبنات ........

نجد : أسيل لك ربع ساعه ساكته
أسيل (تطل من الشباك) : صعب نتصرف يبيله تفكير
رنا : والتصوير
نجد : هذا الشيء يبيله رجال يتصرفون هذي عرضنا
أسيل : صدقتي بس خليني بالأول أشوف هالمتهور راشد يله أنا رايحه
نزلت أسيل للصاله كان البنات جالسات الكبار .......
روابي : وينك أسوله
أسيل (تبتسم) : موجوده آمري
روابي : بغير للجرح وتاخذين الدواء ياربي كأنك بزر ندورك عشان الدواء
أسيل : ههههههههه لا بس أنشغلت مولازم ألحين شوفي مافيه شيء
حمد (توه داخل وسمعها) : لالازم السلام عليكم
الكل : وعليكم السلام
حمد : روابي غيري لها على الجرح
أسيل : بعد الغدا روابي
روابي : الغدا توه
أسيل : والله مشغوله حمد
حمد : هلا
أسيل : راشد موجود بالخيمه
حمد : أيه خير
أسيل : سلامتك يله باي
عايشه : هذي علامها
طيف : يمكن الطقه أثرت على مخها ههههههههه
حمد (بحده) : طيف حدك
روابي : حمد الله يهداك طيف تمزح
طيف : أيه أمزح
حمد : أنا بغرفتي أذا حطيتوا الغدا خبروني
روابي : تامر ياخوي
حمد اللي صعد ويشوف أسيل من الشباك شنو تسوي
أسيل (تمسك يده) : تعال راشد
راشد : يا أسيل ما أبي أسمع شيء
أسيل : راشد حرام عليك رنا والله شريفه ليه تقول كذا
راشد : ويوسف اللي تكلمه وتقول أنتظر خلنا نتفاهم
أسيل : أسمع السالفه من الأول يا خوي
خبرته أسيل بكل شيء عن يوسف من الأول بس ماقالت له عن التصوير وعلل عصبيتها أنه عرفها ويبي يخطبها وهو عارف أبوها مايرده لأنه ولد عز
أسيل : وأنت بدل لا تحل الموضوع طينته
راشد : الله يلعن الشيطان اللي خلاني أشك فيها
أسيل : تعترف انك غلطت عليها صح
راشد : أعترف بس ماراح تسامحني
أسيل (توقف وتغمز له) : أنت وشطارتك يله باي
راشد(يبتسم) : باي
مشعل(أول ماشاف أسيل تبعد راح لراشد) : بشر عرفت السالفه
راشد : أيه كنت غلطان
مشعل : مو دوم أنت عصبي شفت قلت لك في شيء غلط مهما تكون هذي تربية جدتي عايشه
راشد : طيب ألحين شنو راح أسوي ودي أعتذر منها
مشعل : صعب ترضى بسهوله
راشد : صدقت هذي (أبتسم) دلوعتي
مشعل : أخاف تحاول ترضيها تزيدها أقول خل الأمور ماشيه كذا
راشد : شايف كذا
مشعل : أيه خلها تجي بروحها ونشوف
راشد : طيب

أما أسيل اللي تتمشى صوب الحظيرة رن جوالها....

أسيل : ألوووو
عايشه : أسوله حطينا الغدا وينك
أسيل : مو مشتهيه بروح للوضحه
عايشه : لا تركبينها مثل أمس
أسيل : لا ماأبي أركبها بشوفها بس
عايشه : نشيل لك أكل
أسيل : لا ما أبي باي عيوش
عايشه : باي
أسيل دخلت الحضيره وتفحصتها خافت اللي صار أمس أثر عليها بس أرتاحت يوم عرفت ما صابها شيء سحبت حزمة تبن وحطتها قدامها وقعدت مقابل للوضحه اللي تنزل راسها لأسيل تمسح عليها بحب وسرور
أسيل : آآآآآآآآه يالغلا كيف أتصرف محتاجه لسند محد حولي أبي أرسى على أرض شنو أسوي ووين الحقيقه مو قادره أحدد مشاعري (أبتسمت ) زمان قالت طيف شيء لو قالت ألحين قلت صح لسانك صدق تقصديني بهذي

""أبيه و ما أبيه! و لا يغيب بكل حزاتي""
""احبه و أكرهه مدري! أحبه و ألعن أوقاته""
""ليا من غاب عن عيني افكر فيه و أحاتي""
""و إذا عندي يضايقني كلامه و اكره سكاته""

هههههههههههههههههههههههههههههههههههههههههههههههههه ه صدق زمان وألحين زمان (قطع سرحانها صوت جواله يرن مره ومرتين وثلاث واللي يتصل ماتعرفه وشكله ملزم ) أرد أحسن (بعصبيه) ألووو خير
: خير بوجهك علامك معصبه
أسيل(عصبت) : شنو دخلك وليه متصل علي
(عصب من أسلوبها) :منتي صاحيه أسيلوووووه ووووووجع تكلمي عدل
أسيل (أنصدمت) : حمد آسفه ماكنت أدري انه انت
حمد : ليه ماتعرفين رقم رجلك
أسيل : لا لأني (بأستهزاء) زوجي ماعطاني الرقم أبدا شنو أغصبه
حمد : زين ليه ماتعرفين تطلبينه
أسيل : صعب
حمد : صعب تطلبين من زوجك
أسيل : بلاش هالكلام ألحين تبي شيء
حمد : أبي افهم بالأول ليه صعب أنا مو غريب
أسيل : بسألك أول عندك أحد
حمد(تعجب) : أحد ليه
أسيل(بأستهزاء) : لأنك تتكلم عدل بدون صراخ معناها لابس القناع
حمد(حزن وأهو عارف صعب تصدقه وتغفر له) : ليه لهذي الدرجه صعب تصدقين
أسيل : ترمي الكلام تظن قلبي بيجهلك أصعب الكلام اللي جروحه ماتروح
سكرت الجوال ماتبيه يسمع بكاها قامت تفكر بكلامه
هههههههههههههههههههههههههه كيف ينسى بسهوله الكلام اللي قاله كيف ينسى الجررح فأول الفرحه كيف ينسى التنازل وراجع يقول زوجك

مسحت دمعتها وسرجت الوضحه ضاربه لكل تحذيراتهم لها بانها ماتركبها عرض الحائط دخلت الحلبه تركض فيها تتمنى لو تطير معها لمكان مافيه بشر ولا جروح حست بضغط براسها وتعب نفسي هدت سرعتها ماكانت للحظه تظن أنه ممكن يجي بس تفاجئت يوم شافته واقف بهيبته وكشخته المعتاده أشرلها تقرب ماكانت تبي تقرب بس مجبوره تلتزم للأوامر قربت بالوضحه لين وصلت له بس مانزلت عنها

أسيل : هلا
حمد : أنزلي عن الوضحه يا أسيل
أسيل : حمد
حمد(أبتسم يخفي عصبيته الواضحه لها) : أقول نزلي وماراح أكرر كلامي
أسيل (نزلت بس وقفت بعيد عنه شوي) : هلا
حمد(أشر بأيده) : مدحت مدحت
أسيل : مدحت ليه تبيه
مدحت : أيوه يابيه
حمد : خذها
أسيل وأهي تشوف مدحت ياخذها ويبعد فيها
أسيل : حمد وين ماخذها
حمد : أنا والكل مو قايلين لك لا تركبينها بعد اللي صار أمس ليه ماتسمعين الكلام بطلعها من المزرعه
أسيل : لا حمد أسمع بس خلها تكفه لا تبعدها
حمد : أنتي تنسين العالم لما تكونين معها
أسيل(بحزن) : لأن العالم نساني خلها حمد صدقني ما أركبها
حمد : طيب بنشوف وألحين ليه ما غيرتي على الجرح وماتغديتي
أسيل : مو مشتهيه شيء وجرحي مافيه شيء
حمد : والدم هذا شنو
أسيل (تلمس جبينها) : دم عادي حمد الوضحه
حمد : طيب بشوف هذي المره يا أسيل آخر مره والله والله لأطلعها من المزرعه فاهمه
أسيل : فاهمه
حمد : يله قدامي خلينا نروح لدارنا ويغيرون لجرحك وترتاحين
أسيل : وين لا بجلس هنا
حمد : شنو تجلسين هنا الجو بارد وغيمت يمكن تمطر
أسيل : ......................
حمد(بخبث) : أذا مامشيتي قدامي بشيلك
أسيل (فتحت عيونها تعرفه متهور) : لا لا لا أقدر أمشي الحمد لله
حمد(أبتسم) : طيب يله قدامي
أسيل : لا مايصير الرجال قوامون على النساء حضرتك قدامي
حمد(مسك يدها) : مع بعض
أسيل حست بكهرباء تسري بجسمها من لمسته لها حست قلبها طبول رجفت من لمسته وقربه أول مره يكون بينهم تلامس
حمد(حس أنها وقفت ألتفت لها) : علامك
اسيل(سحب يدها وضمتها بأيدها الثانيه) : ولا شيء يله خلنا نروح
حمد : أسيل فيك شيء
أسيل (هزت راسها بلا) : أنا بسبقك باي
حمد : أنتظري أسيل أسيل
أسيل تركض رغم أحساس الضغط بس تبي تبعد وأهي تهمس
أسيل(تخفي دمعها) : كيف ياحمد تطلب أنتظر وأنت ما انتظرت ذبحتني لا تتأمل ولا أتأمل أصلا ماعدت أفهمك أو أفهم شيء منك

دخلت غرفة البنات ولقت روابي اللي هزئتها وعايشه اللي كملت عليها لأن الجرح ينزف غيرت لها الشاش وأضطرت تعطيها أبره عشان تنام لها كم يوم ما تنام وخافت يلتهب الجرح وأسيل ماصدقت تحط راسها تنام أعتقدته من التعب ما ضنت للحظه أنه من الأبره المخدره اللي عطتها روابي بدون علمها (بتعرفون ليه ^_^)

.................................................. ...

أما بغرفة الجده.....

الجده (تسمع طق) : أدخل جراح
جراح (دخل وأهو يبتسم) : كيف عرفتي أنه أنا
الجده : لأنك مميز بطقك أجلس حبيبي
جراح(يحب راسها ويجلس) : آمري أحمد قال لي أنك تبيني
الجده : أول شيء أبوك وخالتك متى بيجون
جراح : بكره الظهر هنا بأذن الله
الجده : أن شاء الله
سكتت وجراح يطالع لها تسبح بأيديها وباين تبي تقول بس مو عارفه كيف
جراح : جده خير
الجده : خير بأذن الله مناير بنت عمك جوها خطابيه
جراح (أنصدم وتوه بيتكلم بس زادت صدمته يوم عرف من خطبها) : ..............
الجده : سلمان ولد خالتها خطبها
جراح (في نفسه) : سلمااااااااااااااااااان لا مو معقوله سلمان أغلى ناسي لو يطلب عيوني ماوفيته حقه بس هذي مناير حبك وهذا سلمان أخو دنيه أخوي اللي ماجابته أمي خوي درب رفيق سفر ودراسه لا لا كيف ألحين آآآآآآآآآآآآآآآآآآه مالي قدر فيك يامناير لو غيره كان رفضت ووقفت وقلت تحملي عقدتي لين تفك بس سلمااااان(لف لجدته بفرح) صدق نذل ماقال لي ألف مبروك خلني بس أشوفه
الجده : فرحان أنها بتروح منك
جراح (رفع حاجبه) : تروح
الجده : مو انت تبيها
جراح : جده مناير حسبت أختي وما فيه غير كذا وسلمان ونعم الرجال يستاهل والنعم فيه وكلن ياخذ نصيبه
الجده : يعني ماتبيها سامح
جراح : مناير بنت عمي وسلمان صاحبي وأتمنى لهم السعاده والزواج ما أفكر فيه لا من مناير ولا من غيرها خلها تشوف نصيبها
الجده : على راحتك
جراح(يوقف) : تامرين على شيء
الجده : وين أجلس معي
جراح(يحب راسها) : الشباب ينتظروني مع السلامه
الجده : مع السلامه

.................................................. ...............

بعد صلاة العصر ......
جلسن الحريم الكبار برا البيت لأن الجو حلو حبن يجتمعن مع الجده ومحسن اللي حب يجلس معهم

محسن : يمه للحين يعورك رجولك
الجده : خابر البرد وش يسوي
محسن : الله يخليك لنا تدفي
أم أحمد : ترى يا أبو احمد الجماعه ردوا علينا
محسن : خير شنو قالوا
أم أحمد : موافقين وقالوا وين راح نلقى نسب أحسن منا
أم خالد : والله سوسن زينت البنات يتهنون يارب
الجده : خلاص الله يهنيهم يمه عجلوا بالعرس لا تأخرونه
محسن : لا يمه أذا ملكنا مايصير شهر إلا معرس ليه ننتظر كل شيء جاهز
الجده : زين والثانيين
البنات : السلام عليكم
الكل : وعليكم السلام
محسن : من قصدك يمه
الجده (تناظر شهد اللي تصب القهوه) : شهيدوه
شهد(تاخذ قطعة حلى) : علامها شهيدوه يا قلب شهد
الجده : ماتبين تنزلين الجنون اللي براسك وتاحذين عمر
شهد (وأهي تشرب القهوه شرقت) : كح كح كح والله ما آخذه أبو العصاقل
محسن(بعصبيه) : شهد وووجع أسمه عمر ماتستحين
شهد : أهو السبب ما يستحي قلت له مابيه غصب
أم أحمد : وعلامك رافضته عمر زينة الشباب
شهد : يمه ما بيه كيفي
الجده : بلا عياره محسن أم عمر دقت اليوم طلبتها من ثاني وكلها أمل توافق يمه لا تردها طلبتك
محسن(يبوس راس أمه) : ماعاش من يردك ويردها قولي لها متى تبي الملكه
شهد (مصدومه) : يبه
محسن(خزها) : ولا كلمه قلت شيء ما أثنيه
شهد (وقفت واهي تصيح دخلت البيت) : ظلم ظلم أكرهههههه
محسن : روابي كيف اسيل ألحين
روابي : بخير ياخال بنفسي غيرت لها الجرح ونامت
الجده : إلا وينها ألحين
بشاير(تطالع البنات وأبتسمت) : جده نايمه
الجده : عساه نوم العوافي يارب
أم أحمد : إلا عويش وينها
هيام : نايمه يا خاله تقول الوقفه تتعبها
سعاد : عاد أنا موصيتها ماتولد قبل العيد
هيام : شكلها بتولد قريب
أم أسيل : لا هذي فروع ماصار لها أسبوع داخله شهرها تو الناس

.................................................. ..........

أما أسيل اللي توها تصحي طالعت ساعتها

أسيل : أووووووه نمت للساعه 6 ليه ما صحنـ......(لفت حولها) أنا وين
حمد (أبتسم ما أنتبهت له) : عندي أنا
أسيل لفت للجهه الثانيه من السرير كان جالس وماد رجوله ويقرا بملفات موزعهن قدامه على السرير تعدلت بسرعه
أسيل : حمد
حمد (يبتسم) : عيونه
أسيل(عقدت حواجبها) : أنا أذكر كنت نايمه عند البنات كيف جيت هنا
حمد (بخبث) : شلتك وأنتي نايمه
أسيل (كتفت أيديها) : شنووووووووووو شنووووووو أحلف
حمد(يدعي البراءه ) : والله
أسيل : ومن قالك
حمد (رجع يطالع الملف اللي بأيده وببرود) : كيفي زوجتي
أسيل(بدت تعصب) : بس أنا ما أبي أنام هنا وبعدين أنت كل مانمت جبتني لغرفتك
حمد (رفع حاجبه) : نامي هنا ولا أجيبك
أسيل : لا لا لا
حمد : أجل مافيه طلعه من هنا
أسيل(بعند) : لا بطلع وبطلع وبعد بطلع
حمد : هههههههههههههه هذا أذا حصلتي المفتاح
أسيل : طيب بروح أجيب لي ملابس وأجي
حمد : ههههههههههههههههههههههههههههههه مو نقلت أغراضك هنا بالدولاب
أسيل (شهقت) : أهئئئئئئئئئئئئ متى وكيف
حمد : و أنتي نايمه خلاص مالك عذر تباتين هنا
أسيل (تحط يدها على خصرها): لا والله أيش الله تغير خلاك تصر أني أبات هنا
حمد : أبدا كذا
أسيل (توقف و تطلع من الغرفه لغرفة الجلوس و تتربع):أففففففففففففففف
حمد (يجلس و يحط رجل على رجل و بإستهزاء): علامك تتأفأفين
أسيل (بعناد): كيفي و بعدين شنو شاذي حابسني خليني أطلع حمد
حمد : هههههههههههههههههه حلو شاذي ذي
أسيل : حمد جوعانه باكل
حمد (يطالع لها بنص عين): أيه مثل البارح صح
أسيل (ترفرف بعيونها ببراءه): حرام عليك والله جوعانه ما أكلت من أمس
حمد : ثواني بتأكلين
أسيل : طيب
حمد : روحي صلي فاتك العصر والمغرب ما صار وقت وأذن
أسيل : طيب

توضت أسيل و رجعت لقت حمد على مكانه والأكل قدامه
أسيل : متى جبته
حمد : جابته دادا لك
أسيل (لفت على الباب):........................
حمد (يبتسم): لا تخافين المفتاح معي
أسيل (تخبط برجلها بالأرض بعصبيه):أكــرهــك أكــرهـــك بطلع بطلع
حمد : طيب كلي و بعدين طلعي
أسيل : مــا أبــي
حمد : أسيل أنتي من أمس ما أكلتي علامك ما تخافين على نفسك
أسيل (بعصبيه): لا لا لا ما تهمني نفسي
حمد (يمسك يدها بعصبيه): علامك منتي صاحيه مجنونه الظاهر الضربه أثرت على مخك مثل ما تقول طيف
أسيل (تحاول تفك يدها و تضربه على صدره بعصبيه): المجنون أنت و طيف أتركني أتركني
حمد (يمسك أيدها الثنتين بعصبيه): أسيل ترى طولت بالي عليك لا تختبرين صبري كلي و أنتي هاديه (بصوت عالي) فـــــــــاهـــــــمــــــــــه
أسيل : زين هدني
حمد : يله قعدي و أكلي
أسيل (تطالع الأكل و تطالعه)أمممممم حمد
حمد(بدى يفقد صبره ) : خير
أسيل : سوري ما أحب الرز
حمد : طيب كلي سلطه ودجاج
أسيل : حمد عفيه والله ما أبي خلني على راحتي
حمد : أنا بسألك كيف عايشه
أسيل(بهبال) : عايشه بخير تلقاها بره
حمد(خزها وبعصبيه) : أسييييييييييييييييييييييل
أسيل(كتمت ضحكتها وخافت تزودها يضربها) : .....................
حمد : تاكلين ولاأأكلك أخلصي أختاري
أسيل : لا أنا آكل (أخذت شويت خياره ودجاجه قطعه) الحمد لله خلصنا خلنا نطلع عاد
حمد(يطالع الأكل مستغرب) : لا والله أحلفي هذا أكلك يعني
أسيل : طيب باكل مع البنات على حزت العشاء موحابه أفقد شهيتي قبل العشاء
حمد : لناساعه أحايل فيك مثل البزر وهذا أكلك
أسيل (أبتسمت) : عاد شنو تشوي أخذت زوجه أكلها أكل عصافير
حمد (غمز لها) : وأحلى زوجه
أسيل (ماأرتاحت لنظراته ووقفت) : يله عاد أنت قلت أذا أكلت نطلع
حمد : مستعجله لهذي الدرجه
أسيل : لا مو قصدي بس جمعت بنات ماتتعوض
حمد (يوقف) : طيب بس أذا جيتي تنامين نامي هنا
أسيل : أوكيه