تحميل رواية «وجع الماضي» PDF

ندهت عليه وانا في المطبخ،

-سليم اعملك معايا عصير موز باللبن؟

رد باختصار ،

-لاء

اتنهد وانا شايفا من المطبخ لانه امريكي ومفتوح علي الصاله انا مزعلا وانا مبعرفش اصالح حد او اقوله متزعلش والكلام ده حقيقي مش بعرف بس معاه هو بالذات بحاول ..لاني عارفه ان طبعي ده غلط ومش صح

قعد جمبه علي الارض وهو بقي بيحب يحط شلت ويقعد ..مديت ايدي بكوبايه الموز باللبن

اتكلم وهو عينه علي الماتش الي شغال،

-مش عايز

حطيتها جمبي باحباط وشربت بتاعي وانا باصه علي الشاشه بس بفكر اصالحه ازاي فوقت لما قام ودخل الاوضه بصيت علي الشاشه لقيت الماتش خلص

كنت لسه هدخل اشوفو بيعمل اي لقيته طالع وهو ماسك الچاكت بتاعه علي ايده

بصتله وانا بسأله باستغراب ،

-انت نازل

-ايوا

-طب انزل معاك

بسخريه وهو بيلبس الكوتش،

-هتقعدي معايا علي القهوه!!

رفعت كتافي وانا عايزه يتعصب ويكلمني بدل طريقته الناشفه دي ،

-ايوا اي المشكله

بصلي باصه خوفتني اتكلمت من تاني ،

-بهزر ياسليم الله

مسكت الباب ،

-بقولك

لفلي وهو عايز يقولي خلصي قولي

-متتأخرش علشان بخاف من الليل

هز راسه اتكلمت من تاني بصوت مضايق علشان هو مضايق مني ،

-في رعايه الله

رد بهمس ،

-في رعايه الله وحفظه

قفلت الباب وقعد في البلاكونه وقرأت الورد بتاعي من القرأن لاني مقرائتش النهارده

<<بعد وقت

اجي ودخل غير هدومه وقفت علي باب الاوضه وقولت

-اعملك اكل؟؟

-لا مش جعان

-انا كنت مستنياك

-كلي انتي

-لا خلاص مش عايزه

طلعت بره الاوضه ورجعت قعد في البلاكونه وحطيت ايدي علي وشي ودموعي نزلت هو عارف اني مبعرفش اعبر ولا اصلح حاجه انا غلط فيها ليه بارد معايا اوي كده

“هو”..

مضايق اني طريقتي بارده معها بس انا برده متعصب من الي عملته وانا عارف هنا لو مزعلتش هتفكر ان عادي بس انا متأكد انها عملت كده وهي عارفه اني هتعصب عليها لانه مينفعش ابداً تعمل كده من ورايا

مسحت علي وشي بضيق وانا ببص في الصاله بس ملاقتهاش فكرت هتنام في اوضه الاطفال اضايقت اكتر

روحت برده ملاقتهاش بصيت علي بلاكونه الصاله الي مفتوحه والستارة بطير من الهوا

دخلت لقيتها قاعده علي الارض وقفت قدامها لما لقتيها حاطه ايديها علي وشها

-هنا ..قاعده كده لي؟!!!

رفعت وشها وكان عنيها مليانه دموع مقدرتش امسك نفسي وهي بالمنظر ده نزلت قصدها وانا بخدها في حضني مسحت شعرها الي لازق علي وشها من دموعها

-بس متعيطيش

اتكلمت بهمس ،

-بس انت زعلان مني

ضحكت علي طفولتها ماهو لو انتي تعترفي بغلطك كنا اتكلمنا في الموضوع بس ازاي عنادك اكبر

-قومي معايا الجو برد

بصتلي ،

-يعني مش زعلان؟؟

-يلا ياهنا ندخل

اتنفست بحزن ودخلت معاه نمت علي السرير وهو غير هدومه ونام

بهمس ،

-سليم

-اممم

قربت عليه وانا بقوله ،

-ممكن تقرء قرأن؟

مردش بس بدء يقرء ونمت في ثواني من صوته

“””””””””””””””””””””””””””””””””””””

[نصل علي النبي]

<<تاني يوم

صحيت وهو نزل الشغل من الصبح قومت صليت وخلصت البيت وعملت غدا كمان طب والله انا شطوره اوي

كنت في المطبخ سمعت صوت الباب بيتفتح بس في حاجه غريبه ان فيه كذا مفتاح بيتحط وكأن حد بيحاول يفتح الباب !!!

طلعت وانا حاطه ايدي علي قلبي من الخوف ومسكت الموبايل وكنت هتصل علي سليم بس لاقيت الباب اتفتح ودخلت منه “واحده “معرفهاش

بصتلي وابتسمت ابتسامه بارده

وانا مرتحتش ابداً واتصدمت كنت لسه هتكلم سابقتني

اتكلمت وهي ماسكه المفاتيح وبترفعهم في الهواء ،

-متقلقيش مستر سليم الي بعتني علشان اخد ورق عايزهم من هنا

عقد حواجبي بدهشه وانا بشاور علي المفاتيح،

-هو الي اداكي المفاتيح !!!!

ابتسمت وقالت وهي بترفع حاجبها،

-بالظبط ممكن بقي تجيبيلي الورق علشان امشي

اتكلمت وانا بحاول اتمالك اعصابي ،

-انتي ازاي اصلاً تفتحي الباب متعرفيش حاجه اسمها احترام !!!

نفخت بضيق وكأني انا الي دخلت عليها بيتها،

-لو سمحت انا مليش دعوه بالكلام ده هاتيلي الورق خليني امشي

شاورلتها بصابعي وانا بتكلم بعصبيه،

-اقفي عندك ومتتحركيش خطوه واحده

سبيتها ودخلت جبت موبايلي من الاوضه واتصلت علي سليم

اول لما فتح اتكلمت بضيق ،

-سليم انت باعت واحده تتدخل عليا البيت ؟!!!

اتكلم بسرعه وكأنه مشغول ،

-ايوا ياهنا اديها الورق الي في درج الكمدينو بسررعه

اتنفست بضيق ،

-بس ازاي يعني متقوليش !!!

-الووو سليم!!

بصيت علي الموبايل لقيته قفل رميته علي السرير بغيظ واخد الورق ده وطلعتلها لقيتها واقفه مكانها قربت منها واديتلها الورق وانا ببصلها بضيق

اخدته مني وكانت هتمشي وقفتها،

-استني هاتي المفاتيح دي

حطيتهم في جيب الچاكت ببرود ،

-دول بتوع مستر سليم

بليت شفايفي بغيظ من طريقتها البارده للاعصاب،

-وانتي عرفتي منين ان شاء الله انها بتاعت سليم جوزي ؟!!!

مش عارفه لي كنت بتكلم كده وكأني بحاول اوصلها انه جوزي انا

-علشان حضرته الي عطيهولي لو سمحت ممكن تسيبني امشي علشان الشفير تحت مستني

خلصت كلامها ومشت وانا قفلت الباب وضربت ايدي في الحيطه بعصبيه

-اعععععع مستفزززززه ماااشي ياسليم بقي بتعملها معايا انا ماااااشي

“”””””””””””””””””””””””””””””””””””””

<<اجي معاد رجوعه وكنت قاعده علي الركنه بهز رجلي بنفاذ صبر وانا مستنيه يغير علشان اطلع غيظي فيه علشان بس ميقولش في الاخر اني نكديه سايبله فرصه اهو يغير وياخذ شاور

سامعه صوت المايه في الحمام ومستنه يطلع بفارغ الصبر واخيراا اجي قعد جمبي وهو لابس فلانه رمادي وبنطلون اسود

-هو مفيش اكل ولا اي ؟!!

-لا فيه بس انت شايف ان واحده تدخل عليا البيت عادي جداً؟!!!

اتنفس بضيق،

-هنا انتي شايفه ان ده حوار كل ده علشان بعت واحده يعني!!!!

رفعت حواجبي باندهاش من كلامه،

-لا والله انت شايف ان واحده تيجي البيت وتدخل من غير استئذان عادي جداً مش كده!! وغير كل ده متعرفنيش انت بتردها فيا يعني !!!

-لا والله انا مش برد حاجه وبعدين الي عملتي انا مكلمتكيش فيه وانتي حتي معانده ومعترفتيش انك غلطانه وبتتعاملي ولا كأنك عملتي حاجه

اتنفست بصوت عالي ،

-سليم سيبك من كل ده دلوقتي وقولي ازاي تدي لواحده المفاتيح وتفتح الباب وداخله عادي ولا أكنه بيتها تقدر تقولي ده معنا اي ان شاء الله ؟!!!

خلصت كلامي بانفعال

بصلي ،

-تتدخل عليكي ازاي يعني هو مش امي طلعت معاها؟!!

باستغراب من كلامه ولكني انفعلت من تاني ،

-سليم انا كنت في المطبخ سمعت صوت الباب بيحاول يتفتح خوفت وكنت هتصل بيك ولكني لقيت واحده داخله البيت بكل ثبات

غمض عينه لثواني ،

-يعني هي فتحت الباب بالمفاتيح وماما مطلعتش معاها ؟!!!

بعصبيه،

-ده علي اساس انت مديها المفاتيح اي ان شاء الله تتفرج عليها

ملامحه اتغيرت للضيق،

-لا علشان تفتح البوابه لانها بتبقي مقفوله وبعدين انا قولتلها تخبط علي امي الاول تحت وتقولها تطلع معاها ليكي علشان عارف انك هتضيقي ومينفعش اصلاً

عقد حواجبي باستغراب ،

-يعني انت عطيتها المفاتيح علشان تفتح البوابه وبس!!!!

هز راسه ،

-ايوا

-وانت مقولتهاش تفتح باب الشقه!!!

-وانا ازاي اقولها يعني كده

اتكلم من تاني بانفعال،”

-هي ازاي اصلاً تتجرء وتفتح باب بيتي ومراتي كمان موجوده!!!

هديت شويه لاني كنت متأكده ان سليم ميعملش كده تصرف اهبل اوي وكمان هو حتي لو زعلان مني مش هيضايقني بالطريقه دي كنت متأكده بس ضحكت جوايا وهو بيقول “مراتي” قلب مراتووو يوغتي

فوقت من تفكيري علي صوته في الموبايل وهو بيتكلم بعصبيه،

“مازن السكرتيره بتاعتك تطردها حالاً ولا اقولك خليها الصبح ليا كلام عايز اقوله قبل لما تمشيها “.

<مازن صاحب سليم في الشغل >

-في اي طيب حصل حاجه؟!!

رجع شعره لورا واتكلم ،

-يابني لما اديتها المفاتيح بتاعتي الصبح علشان تفتح البوابه وبس تخيل عملت اي ؟؟

بهزار وهو بيضحك،

-عملت اي سرقتك ولا اي

-خفه لا فتحت باب بيتي ومراتي جوه هي ازاي اصلاً تفتحه !!!

-ازاي بس تعمل كده انت متأكد

-ايوا يامازن يعني مراتي هتألف!!

-لا مش القصد طب خلاص هكلمها وهقولها كلمتين حالاً

-لا سيبها لبكره علشان انا الي اقول الكلمتين

بمشاكسه ،

-طب قول كلمه وانا كلمه متكنش طماع

-غور من وشي يامازن علي المسا

حطيت الاكل وهو خلص مكالمته وبص للاكل،

-لا خلاص ياهنا مش جعان

بصتله ،

-لي بس كده انت كنت جعان

قعد علي الركنه من تاني ،

-مضايق دلوقتي ومش عايز اكل

قعد جمبه واتكلمت باستفسار،

-هو اشمعنا خليت البنت دي الي تيجي !!

فرد ضهره ورجع راسه لورا واتكلم ،

-مكنش في غيرها في الشغل وكنت عايز الورق ضروري مازن قالي ان السكرتيره بتاعته موجوده خليها تروح تجبهم مكنتش عايز اديها المفاتيح بس علشان عارف ان البوابه بتبقي مقفوله والبواب كمان مش موجود

ابتسمت بهدوء ،

-امم كنت متأكده انك متعملش كده قصد

بصلي وهو علي وضعه ،

-علشان انا مبعملش حاجه من وراكي

بلعت ريقي وانا فاهمه انه بيلمح عليا بس غيرت الموضوع

-بس انت متصلتش وعرفتني برده!!!

-مكنتش عارف اتصل بيكي كان فيه شغل

هزيت راسي وانا مصدقا كنت بس بحاول اغير الموضوع لاني فاشله في المصالحه ولكني بحاول

-ا احم طب يلا ممكن تاكل

رفع راسه وقعد كويس والحمدلله خلصنا اكل قومت شيلته وغسلت ايدي ..وعملت عصير بالموز تاني علشان عارفه انه بيحبه هو بس مشربش امبارح علشان زعلان مني .. اي ده هو انا صالحته اصلاً !!ياربي اعمل اي ارشدني للطريق الصح

وبعد ماخلصت كلام مع نفسي اخد الكوبايتين وطلعت الصالون ملقتهوش بصيت بعيني علي البلاكونه برده مش موجود روحت اوضه النوم

لقيته بيصلي حطيت العصير علي الكمدينو وقعد علي السرير وانا بتفرج عليه

فوقت من شرودي وهو قاعد جمبي يلهوي للدرجه محستش بيه مسكت العصير ومديت ايدي ليه اخده وهو عينه علي الموبايل

-شكراً

مسكت كوبايتي وقربت منه وانا ببص معاه وبعدين دخلت رجلي تحت البطانيه

-سليم اتغطي الجو ساقعه

انتهد واتغطي وهو بيبصلي حسيته عايز يقولي يابنتي انا مبكلمكيش بس علي مين هصالحه والله هتيجي اهي

-سليم افتح دراعك ده

باستغراب وهو بيبصلي ،

-لي !!

ببراءه ،

-هنام في حضنك الجو ساقعه موت

-وامسك الكوبايه ازاي ؟!!

اخدها منه وحطيتها جمبي ورفعت بتاعتي وانا بقول

-مش مهم هشربك من بتاعتي

كنت كل شويه ارفع الكوبايه واشربه من عصيري مفيش مجازفه اكتر من كده بشربه من عصيري طب والله انا زوجه صالحه هو الي تقيل ومش عايز يتصالح كنت بتفرج معاه لغيت ما

اجي فديو وهو بيقلب ان الزوجه مينفعش تخرج من غير اذن زوجها فتحت عيني علي وسعهم وانا برفع راسي ببطئ وببص علي ملامحه

ده الي كان ناقص جاي علي الجرح اوي ياربي والله عرفت اني غلطانه ومكنتش اعرف اصلاً ان مينفعش كنت مفكره ان للضروره عادي بس مطلعش عادي

بصلي ورفع حواجبه وقال،

-اسمعي بقي كويس

نزلت عيني من تاني وانا بتنفس بضيق وبعد عنه بحزن

اتكلم،

-اهربي اهربي

مسكت موبايلي وانا اصلاً مش شايفه انا بعمل اي لان دماغي مش معايا

اتكلم الراجل الي في الفديو وقال “ان الزوجه يجب الاعتراف ان نزولها من وراء زوجها خطأ كي لاتفعل هكذا مره اخري”.

غمض عيوني لي بس كده وكأن سليم راح حكي الموضوع وهو طلع يعمل فديو ويسمعني

اتكلم وكأنه بكده بيكلم نفسه،

-لا ازاي تعترف عندها كبرياء ومتقدرش تكسره

بصتله واتكلمت بهدوء،

-خلاص ياسليم كفايه تلقيح

بصلي واتكلم ببرود،

-هي مش دي الحقيقه!!!

بصيت بعيد ونطقت بهمس،

-انت عارف اني مبعرفش ولكني بحاول اصالحك من امبارح وانت تقلان عليا جامد ياسليم

خلصت كلامي وانا عماله افرك في ايدي علشان دموعي متنزلش

-دلوقتي بقيت انا الوحش !!! وبعدين انتي صالحتيني امتي معلش علشان عملتي عصير الموز ولا اي بالظبط وغير كده انتي بتحاولي تصالحيني علشان عارفه انك غلطانه بس مش عايزه تعترفي وانتي عارفه كويس الي عملتي مش صح نهائي وانا مع كده متكلمتش معاكي

اتكلمت وانا خلاص مدمعه،

-يوووه كل ده في قلبك ناحيتي ؟!!

بصلي بدهشه سكت لوهله وكأنه بيفكر في الكلام الي قاله،

-هو انا قولت اي انتي تعبانه ياهنا ؟!!

اتكلمت وطنشت كلامه،

-علفكره انت بتكذب دلوقتي علشان بتقول انك مكلمتنيش.. ده انت مسكتني من دراعي وجرجتني ودراعي بص وجعني

رفعت الكم في اخر كلامي وانا بوريه دراعي الي مفيهوش خدش

بسخريه ،

-تصدقي محمر علي الاخر … ده انا مسكتك ونزلت ركبتك في العربيه ووصلتك البيت ومتكلمتش معاكي كلمه واحده حتي

-ماشي بس انت تقلان جامد وانت عارف اني بزعل من الطريقه دي

مسح علي وشه بنفاذ صبر ،

-مش من حقي؟!!! نزلتي من ورايا مع إني قولتلك لاء ياهنا وانتي كبيتي كلامي في الزباله وعملتي الي في دماغك ومش عايزاني ازعل ؟!!!

هو عنده حق انا نزلت الشغل الي في نفس مكان شغله والي عرفني من خلاله واجي اتقدم علطول من غير مايوجهلي كلمه واحده ولا يعرفني اكتشفت انه معايا في الشغل اساساً .. وهو قالي لاء اني ارجع تاني الشغل علشان

مش عايزيني اتعب مع إن كنت هبقي السكرتيره بتاعته في الشركه عادي بس ازاي لاء مش موافق وانا بصراحه كنت غيرانه اوي عليه علشان البنات الي معاه في الشغل خصوصاً اني عارفه نظراتهم وكنت عايزه ابقي جمبه مش اكتر

لعبت صوابعي في بعض ونزلت راسي،

-لا من حقك انا الي مكنش المفروض اكسر كلمتك

اتكلمت من تاني بسرعه بغيره ،

-بس انت متعرفش انا عملت كده لي

-لي؟!

بتهرب وندم من تسرعي في الكلام ،

-خلاص

بصتله واتكلمت من تاني ،

-بوعدك اني مش هعمل حاجه زي كده تاني

قولت كلامي وقومت بسرعه علشان كنت عارفه ان دموعي هتنزل دخلت البلاكونه وانا بنف في كمي

مضايقه علشان هو حس باحساس وحش وكأن ملهوش لازمه وكلامه مش بيتسمع انا مكنتش شايفه ده والغيره عمت علي عيني وكأني نسيت الصح من الغلط ومكنتش اعرف ان الي عملته مينفعش ابداً يتعمل

“هو”.

حاسس اني ضغط عليها علشان فاهم انها مش بتعرف تعترف بالغلط وتقول انا اسفه بس ده موقف مش بسيط وانها تبقي عايزه تشتغل خلتني هتجنن من فكره ان في رجاله موجوده وهتبص علي حاجه تخصني انا وانها نزلت من ورايا دي جننتني اكتر

عارف انها كانت بتشتغل بس ترفيهيه مش علشان فلوس و مستغرب دلوقتي لاننا اتفقنا من الاول مفيش شغل وهي وافقت وكمان هي فرهوده وقالت” انا حابه البيت وأهم حاجه تخرجني وانا هبقي تمام كده “.

قومت من علي السرير وانا متأكد دلوقتي انها بتعيط علشان مفكره اني لسه زعلان منها قربت من باب البلاكونه ودخلت قعد جمبها وهي مسحت دموعها بسرعه ده علي اساس اني مش حافظها يعني

حاوط كتفها ودخلتها في حضني لقيتها تبتت علي وسطي وسمعت صوت عياطها ضبطبت علي شعرها

-بس بس انا مش زعلان علفكره

حسيت بنفاسها هديت شويه اتكلمت من تاني ،

-ممكن تهدي خلاص

رفعت عنيها ليا واتكلمت بصوت متحشرج من العياط ،

-انا اسفه ياسليم

ابتسمت بهدوء علشان عارف انها تقول الكلمه دي يبقي مش عايزه تزعلني بوستها من خدها واتكلمت ،

-خلاص مش زعلان بس انتي لي نزلتي ممكن اعرف؟!

خبت راسها في حضني من تاني وردت بهمس او احراج مفهمتش اوي

-خلاص ياسليم مش مهم

باصرار وانا عايز اعرف قولت،

-لا معلش عايز اعرف

وطت صوتها بس انا سمعت ،

-علشان البنات الي معاك في الشغل وانا عارفه نظراتهم كويس وحفظاهم كنت عايزه ابقي جمبك علشان احميك من عنيهم

ضحكت بصوت عالي غصب عني وهي بصتلي بضيق

-بتضحك علي اي كلامي بيضحك اوي كده؟!!

-لا لا طبعاً بس اي احميك دي !!!

اتكلمت بغيره،

-ايوا مش عجبك مانت اكيد عاجبك نظراتهم ليك

-ياستي هيعجبني اي بس وانا معايا الحلويات كلها وبعدين الي متعرفيهوش ان كل البنات الي كانو موجودين مشو من فتره

رفعت حاجبها،

-لا والله يعني بقي في غيرهم اي الفرق بقي؟!!

-ولا غيرهم حتي

-ياسلام والبت الي اخدت الورق دي اي؟؟

-دي سكرتيره مازن بس هو قالي انه هيغيرها من فتره اساساً

اتكلمت وهي مكشره،

-يعني محدش بيبص عليك

ضحك بهدوء علي غيرتها الي بيحبها ،

-لا ابداً ياستي

فكرت شويه وبعدين رفعت صوبعها في وشي ،

-ولا انت بتبص ولا الحركات دي

ضحكت وانا بمسك ايديها ،

-مش لسه قايلك اني معايا الحلويات كلها ابص علي الحادق لي بس

رفعت حاجبها واتكلمت بعصبيه،

-مايمكن عايز تغير وتحدق ياسليممممم

عملت نفسي بفكر علشان اغيظها وقولت ،

-تصدقي عندك حق

قامت قعدت علي ركبتها ومسكت هدومي ،

-كنت عارفه انك خاين بقي تعمل فيا انا كده!!

بصتلها باندهاش وانا بفك ايديها من علي الفلانه الي هتتقطع،

-استهدي بالله ياوليه انا بهزر

اتكلمت بضيق ،

-لا ياسليم انت بتتكلم جد اكيد الفكره عجبتك

-فكره اي بس اقسم بالله انك هبله ياهنا

-شوف شوف عايز تتشاكل معايا وتروح تلبس هدومك وتعمل نفسك هتقعد في حته وانت راحيلها

-هي مين دي؟!!!

-الي بتخوووني معاها ياسليممم

-للدرجه مش واثقه فيا

بصتلي بانتباه ،

-لا ابداً انت عارف كويس اني بثق فيك ثقه عمياء

-عمياء لا واضح ده انتي محصلتيش وانتي مفتحه عينك حتي

اتكلمت ببراءه وكأنها مش البنت المتعصبه من شويه ،

-يوووه لا والله بس انا بصراحه كنت عايزه اتشاكل قولي عجبتك؟

بصتلها وانا بعض علي شفايفي ،

-الصبر يارب علي الهرمونات الي مبخلص منها ابداً دي

قربت مني وهي بتمسك دراعي زي الاطفال،

-اعترف اني عجبتك واضح انك صدقت

ضحكت غصب عني ،

-وربنا قاعد مع طفله

-قولي بقي بتحبني ولا اي الحكايه

قومت قبل لما تقلب من تاني ،

-بمووت فيكي وربنا ياشيخه

ضحكت وانا شايفا طالع من البلاكونه اتكلمت في سري ،

-طب والله انا هايله في التمثيل

-هو انا لو عايزه اقدم علي التمثيل اعمل اي

بصلي وهو بيرمش بعينه ،

-تقدمي علي اي ياختي

رديت تاني،

-التمثيل التمثيل ياسليم

-اسكتي ربنا يشفيكي

-يارب ويشفيك

بصلي الي هو بتقولي اي!! قولت بتمثيل ،

-في اي مش بتدعيلي بالشفا فا انا وانت بقي

الباب خبط وانا عقد حواجبي باستغراب

-انت طالب حاجه ؟!!

هز كتفه وهو بيقوم رايح للباب،

-لا انتي مش طالبه حاجه وعملالي مفجأة زي المره الاخيره

-لا والله ابداً

فتح الباب وطلعت مامته اتكلمت بابتسامه،

-نايمين او حاجه

سليم وهو بيقرب وبيبوسها من ايديها

-لا لا تعالي ادخلي عامله اي ياامي

دخلت خطوه جوه البيت وردت،

-الحمدلله بخير ياحبيبي

قربت عليها وانا بحضنها،

-عامله اي ياسوسو ياحبيبتي

ضبطت علي ضهري وردت بصوت فيه الضحكه،

-بخير والله طول مانتو بخير

شدتها من ايديها وانا بقولها،

-تعالي اقعدي

ردت باحراج،

-لا لا انا بس قولت اشوفكم واطمن عليكو

نفيت براسي ،

-لا والله ما انتي نازله اقعدي معانا شويه وبالمره احكيلك الي حصل معايا انهارده

“خلصت كلامي وانا مديه ريأكشن الدراما ”

“سليم هز راسه يمين وشمال بغلب ”

يسرا حماتي،

-خير اي الي حصل ؟!!

بعد20m

-بس كده وانا بقي كنت عايزه امسكها من شعرها وفكرت سليم قاصد بس طبعاً انا عارفه استحاله يعمل كده يعني