رواية وجع مخفي الفصل الأول 1 - بقلم خديجه احمد

مش فاكرة ازاي وصلت للبيت أصلاً.

كإن جسمي كان بيتحرك لوحده، وروحي في مكان تاني.

ملقتش ماما.

حمدت ربنا إنها مش موجودة.

مش قادرة تشوفني في الحالة المذرية دي!

جسمي سايب، ودماغي بيدور.

طب لو إيجابية&; هعمل إيه؟

ازاي هكسر قلبها بالخبر ده؟

ازاي هقوله إن المستقبل ده ممكن ميكملش؟

ازاي هواجههم وأنا محطمة من جوا؟

ازاي هقولهم الحقيقة؟

ازاي&; هتجوز؟

ازاي هحقق أحلامي؟

نمت هربانة من الأسئلة اللي ملهاش إجابة.

نمت وأنا بدعي ربنا إن كل ده يكون كابوس.

كابوس هصحى منه وألاقي نفسي كويسة.

عارفة إن ده مش كابوس.

ده&; حقيقة.

الأوضة كانت ضلمة، والساعة بتقول 9 مساءً.

جاد.

مش عارفة أواجهه.

مش عارفة أكدب تاني.

__ألو؟

__أمل! صحيتي أخيراً.

قلقتيني، كنت هاجي أطمن عليكي.

__أنا كويسة يا جاد، كنت تعبانة فعلاً.

__صوتك غريب&; إنتي متأكدة إنك كويسة؟

عايزة أقوله.

عايزة أصرخ وأقوله إني مش كويسة.

إني خايفة.

إني محتاجاه.

__آه يا حبيبي، أنا كويسة.

بس عايزة أنام تاني، هكلمك بكرة.

__حبيبتي&; أنا حاسس إنك مش كويسة.

بس مش عايز أضايقك.

نامي وارتاحي، وبكرة نتكلم.

بحبك.

وقولت بابتسامه باهته:

__وأنا&; بحبك.

وانهرت بالعياط.

__يا رب&; خليني أكون بخير.

مش عشاني.

عشان أمي&; اللي مش هتقدر تستحمل.

عشان جاد&; اللي بيحلم بمستقبل معايا.

عشان كل اللي بحبهم وبيحبوني.

__يا رب&; أنا خايفة.

بس واثقة فيك.

مهما كانت النتيجة&; قويني.

ونمت تاني.

أمل إني أصحى على خبر يريح قلبي المقبوض.

أمل إن ربنا يكتبلي الخير.

أمل إن كل ده يعدي بسلام.

&;يا رب&; استرها.&;

استعديت بسرعة وطلعت من البيت بهدوء.

كل خطوة كانت أتقل من اللي قبلها.

ريحة المطهرات&; الهدوء المخيف&; الأصوات البعيدة.

كل حاجة كانت بتقولي: حياتك ممكن تتغير النهاردة.

وقولت:

__صباح الخير.

__صباح النور. اتفضلي اقعدي.

__النهاردة هنعمل فحص نخاع العظم.

الفحص ده هو اللي هيأكدلنا التشخيص بشكل قاطع.

__هيوجع؟

__هنخدرك موضعي، مش هتحسي بحاجة كبيرة.

بس ممكن تحسي بضغط شوية.

__تمام&; يلا نبدأ.

يوم السبت الجاي، الساعة 10 الصبح.

كل ساعة كإنها يوم.

بروح الشغل.

بضحك مع زمايلي.

بكلم جاد كل يوم.

كان بيسألني كتير:

&;إنتي متأكدة إنك كويسة؟&;

&;ليه حاسس إنك بعيدة؟&;

&;أنا كويسة يا حبيبي، بس شوية تعب من الشغل.&;

بس مكنتش عارفة أقوله الحقيقة.

مش قبل ما أعرف أنا نفسي إيه اللي بيحصل.

كانت بتبصلي بقلق.

بس أنا كنت بتجنبها.

بدخل أوضتي وأقفل الباب.

إيه اللي هيحصل؟

هضعف.

هبقى عبء على الكل.

ولا هيسيبني لما يعرف إني مريضة؟

ووشي يصفر.

وأنا شايفة إني على حافة الموت.

__اقعدي يا أمل.

قعدت وإيديا مرتعشة.

__نتيجة فحص نخاع العظم طلعت.

__عندك لوكيميا حادة نخاعية &; AML.

المرحلة المبكرة.

شايفة بس شفايفه بتتحرك:

__نسبة الخلايا السرطانية في النخاع 35%&;

محتاجين نبدأ العلاج الكيماوي فوراً&;

هتحتاجي تدخلي المستشفى الأسبوع الجاي&;

نزلت من غير صوت.

نزلت وأنا حاسة إن حياتي انتهت

__أمل&; أنا عارف إن الخبر صعب.

بس لازم تفهمي حاجة مهمة&;

__المرض ده&; مش نهاية العالم.

إنتي لسه في مرحلة مبكرة.

نسبة الشفاء كويسة جداً لو التزمتي بالعلاج.

هنحارب&; سوا.

__هو&; هو أنا ممكن آخد الكيماوي وأروح البيت؟

وأرجع الصبح؟

مش عايزة حد من أهلي ياخد باله.

__لأ يا أمل&; مش هينفع.

الكيماوي اللي هناخده قوي جداً.

لازم تفضلي في المستشفى تحت الملاحظة.

__ليه؟ أنا مش عايزاهم يعرفوا!

مش عايزة أشوف الخوف في عينيهم!

مش عايزة أبقى عبء عليهم!

__أمل&; اسمعيني.

الكيماوي ده مش زي أي علاج عادي.

هيضعف مناعتك جداً.

أي عدوى بسيطة ممكن تبقى خطيرة على حياتك.

محتاجين نراقبك 24 ساعة.

__وكمان&; مش هتقدري تخبي المرض ده.

التساقط الشعر، الضعف الشديد، الغثيان&;

هيلاحظوا.

وهيكون أصعب عليهم لو عرفوا متأخر.

__أنا&; أنا مش عارفة أقولهم إزاي.

مش عارفة أشوف ماما وهي بتنهار.

مش عارفة أواجه جاد وأقوله إن مستقبلنا&; مش مضمون.

__مش لازم تواجهيهم لوحدك.

أنا ممكن أكون معاكي لما تقوليلهم.

ده جزء من شغلي&; ومن واجبي تجاهك.

__لأ&; أنا هقولهم لوحدي.

دي مسؤوليتي.

__تمام&; إنتي أقوى مما تتخيلي يا أمل.

بس لو احتجتي أي مساعدة، أنا موجود.

__هكتبلك بعض الأدوية دلوقتي.

مقويات ومضادات حيوية وقائية.

ويوم الأربعاء الجاي&; نبدأ العلاج الكيماوي.

لازم تيجي الساعة 8 الصبح، وتكوني جاهزة تفضلي في المستشفى على الأقل شهر.

بعيد عن حياتي.

بعيد عن&; كل حاجة.

__شكراً يا دكتور.

كل خطوة كانت تقيلة.

كل نفس كان صعب.

مش هنهار قدام الناس.

سقت وأنا حاسة إن روحي مش موجودة.

ركنت العربية.

أخدت نفس عميق.

خلاص يا أمل&; إنتي قوية.

امسكي نفسك.

__أمل؟ رجعتي يا حبيبتي؟

__آه يا ماما.

رديت:

__لأ&; مش جعانة.

عايزة أنام شوية.

__إنتي كويسة؟ وشك شاحب.

رديت بنفس الاجابه

اللي بقالي يومين برددها:

__كويسة يا ماما، بس تعبانة شوية.

قفلت الباب ورا ظهري.

بكيت بصوت مكتوم.

بكيت وإيديا على بوقي عشان ماما متسمعنيش.

بكيت كل الخوف والألم والصدمة اللي كنت كاتماها.

عندي سرطان.

أنا&; ممكن أموت.

موتي!

كان جاد!

قلبي اتقطع.

قررت أبعده&; بأي طريقة.

عشان ميتعلقش بيا أكتر.

لأني&; ممكن أروح في أي لحظة!

وبدأت أقرا عن المرض.

الكيماوي ممكن يخليني عقيمة.

يعني مش هقدر أبقى أم.

مش هقدر أحقق الحلم ده.

دي مجرد محاولة إني أخف.

مفيش ضمانات.

مفيش وعود.

وأنا محققتش لسه اللي بتمناه.

ولا بنيت عيلة.

ولا عشت حياتي زي ما كنت عايزة.

وبصيت للسقف.

لسه ماعشتش.

لسه عندي أحلام كتير.

ليه أنا؟&;

عياطي المكتوم

وقلبي المكسور!