رواية وجه البوم "مكتمله" بقلم M | كاملة
قيّم الرواية:
لا توجد تقييمات بعد
من أحداث الرواية
وجه البوم للكاتبه :- شبيهة امي اليوم الخميس بعد عيد الاضحى بخمس ايام وصلنا من مكة بعد ماحجيت مع جدي واليوم والكل مجتمعين نزلت برقعي على وجهي وتعوذت من الشيطان ودخلت بكل قوة قلب لازم أكون قوية وأطنش كل اللي أسمعه المفروض اني تعودت ماهو شي جديد :السلام عليكم المجلس مليان بحريم عماني وبنات عماني وحريم عيالهم ملياان المجلس لعينه مليان بالزين مليان بالجمال مليان بالرقة والانوثه مليان بالاناقة مليان بكل شي يحرق الاعصاب :هلا وغلا ماتقولها الا زوجة اخوي ام فارس هي اللي فعلا ماقد جرحتني بكلمة تبادلنا السلام بحراره : ياهلا والله اشتقت لس مررره ابتسامتي من اقصى قلبي لها تستاهل هي الوحيده اللي تحبني واحبها هي الوحيده اللي تشوفني انسانه لها مشاعر واحاسيس :يابعد قلبي يا ام فراس انا اللي اشتقت لكم الله لايخليني منكم :كملي سلام وتعالي جنبي لا تطلعين خلي البنات يشتغلن عنس كملت سلامي على باقي المجلس اللي محد كلف نفسه يقوم كلن يمد...
