الفصل الرابع

رواية وهم دافي الجزء الرابع 4 بقلم عهد أشرف وهم دافيرواية وهم دافي الحلقة الرابعة =ماما خرجت الكلمه منه بصراخ ممزوج بـ صدمه وهوا شايف مامته واقعه على الأرض جرى عليها بسرعه وهوا بيحاول يفوقها دموعه نزلت بـ خوف دقات قلبه من كتر سرعتها ممكن تقف قربت منه لُجين بسرعه أول ما وصلت وحاولت تنقذ الوضع اتكلمت بـ هدوء استغربه آسر _نيّمها على الكنبه يا آسر شالها بسرعه وحطها بهدوء على الكنبه مناقض لـ خوفه الداخلي

قربت لُجين منها ولاحظت ان رجليها الشمال فيها كدمه بسيطه من أثر الواقعه شالت الطرحه من حوالين رقبتها وفتحت أول زرارين من العبايه وبصت لـ آسر اللي كان متابعها بـ توتر وخوف حاول التحكم به _هاتلي توم جري آسر وجبهالها قربت لُجين التوم من أنفها وحاولت تخليها تستنشق الريحه عشان تفوق مرت ثواني حتى بدأت ملامح والدته تتحرك بـ انكماش خفيف اقترب آسر منها وهو ينادي عليها بـ ارتباك وخوف =م.. ماماا.. ماما انتي سامعاني

فتحت والدته عينيها بـ تعب وهي تحاول ان تجاوبه -سامعاك يا حبيبي ظلت بعض الوقت حتى استعادت وعيها بـ الكامل توجه نظرها ناحية لُجين بـ استغراب _حمدالله على السلامه يا طنط =دي يا ماما لُجين هزت والدته رأسها بـ ابتسامه خفيفه _هوا حضرتك عندك السكر -ايوه _طيب هات يا آسر شوية مايه بـ سكر او عسل يفوقوها بس ذهب آسر ليأتي بـ ما طلبته حاولت لُجين ان تساعد والدته على ان تعتدل ونجحت فـ ذلك ووضعت مخده خلف ظهرها لترتاح

اعطى آسر الكوبايه لـ والدته وجعلها تشربه ظلّو فـ صمت بضع دقائق حتى قاطعته الأم -انتي دكتوره يا لُجين ابتسمت لُجين وهي تجاوبها _لا ياطنط بس مامتي دكتوره -عندك كام سنه يا حبيبتي وفـ كلية ايه رد آسر بـ ابتسامه ممزوجه بـ حرج خفيف من استجواب والدته لها =ايه يا ماما بتحققي معاها ولا ايه ردت لُجين بـ لطف _طنط تسأل بـ اللي هيا عايزاه انا كمان شهر وهكمل 22 سنه وفـ كلية حقوق -بسم الله ماشاء الله حاول آسر تغيير الموضوع

=ماما انتي وقعتي ازاي -انا كنت بحاول اتمشى فـ الطرقه واتمشيت كذه مرّه عشان اعود رجلي وركبتي تفك بس شكل الواحد عجّز بقاا مازحتها لُجين وهي تقول _عجّز ايه يا طنط دا انتي لسه فـ عز شبابك هيا بس الرجل معرفتش تشيل المقام الكبير ضحكت والدته عليها -يخيّبك بت ضحكتيني والله انتي عسل اوي يا لُجين وضعت لُجين يدها على صدرها وهي تقول بمسرحيه _شكرا شكرا كان آسر يتابعها بـ ابتسامه خفيفه على كلامها وحركاتها المجنونه

نظرت له لُجين وجدته ينظر إليها بـ نظره لم يفهمها لاحظت الأم نظراتهم وابتسمت بخبث انصرف آسر الى البلكونه بعدما رنّ هاتفه بـ اسم خالد =ايه يا خالد _ايه يابني ببعتلك من امبارح بتشوفها مش بترد =معلش أمي تعبانه شويه فـ مش مركز بس _ألف سلامه عليها طب ايه طمني عملت ايه؟ =لا الحمدلله وصلت الفلوس وقبضني _عجبك الشغل صح =هوا مش وحش _يعني أقول للبوص انك هتكمل؟

=لا لا يا صاحبي انا قولت هجربه مره واحده بس عشان أجيب الدوا بتاع أمي مش عايز فلوس حرام تاني _فلوس حرام ايه ياعبيط انت دي مجرد فلوس بننقلها من مكان لـ مكان وبعدين تقدر تقولي هتعمل ايه لما الفلوس اللي معاك تخلص؟ هتتصرف تاني ازاي وهتخلص شقتك ازاي؟ وافرض الدوا بتاع أمك خلص هتعمل ايه؟ شرد آسر قليلا فـ هو معه حق =طيب سيبني دلوقتي بس وهبقى أرد عليك بعدين _ماشي يا صاحبي أغلق الهاتف معه ووقف حوالي خمس دقائق يفكر ماذا يفعل

نفّض أفكاره و دخل إليهم مرّه أخرى وجد والدته تضحك بـ شده ولُجين مستمره فـ الحديث =ما تضحكوني معاكو نظرت إليه لُجين وهي تتحدث بمرح _ادفع =ادفع عشان تضحكيني؟ لا بلاها احسن نظرت والدته إليه بـ ابتسامه -آسر يا حبيبي مش هنعزم لُجين ولا ايه _تعزموا ايه انا يادوبك ألحق أروح عشان تيتا كمان متقلقش عليا -لا والله ماينفع لازم تاكلي حاجه يا إما هزعل منك تحدثت لُجين وهي تحاول اقناعها

_والله تيتا لوحدها هناك انا كنت قايلالها اني هنزل السوبر ماركت وهرجع علطول بس عدّى ساعتين -خلاص كلميها _ياننوسه والله مش هينفع انهارده هبقى أعزم نفسي عندكو يوم تاني =ننوسه كمان دا انتو خدتوا على بعض خالص تحدثت لُجين وهي ترفع حاجبها _مش عاجبك ولا ايه =أيوه _ماعنوا ماعجبك نظر إليها بعصبيه مصطنعه وهو يقول =هقوم أضربك علفكره _دا انت أخدت عليا خالص =اه ان كان عاجبك _لا مش عاجبني رد عليها بـ استفزاز =ماعنوا ماعجبك

نظرت إليه بقرف مصطنع ومن ثم وجهت نظراتها تجاه والدتها _همشي أنا بقاا يا ننوسه عايزه حاجه؟ -هتيجي تاني _حاضر والله يلا مع السلامه -الله يسلمك روح يا آسر وصلها وقبل أن تعترض كان قد سبقها آسر الى الخارج ذهبت خلفه وهي تقول _يابني ارجع انا مش هتوه يعني =مشي وانتي ساكته _لا ان كانت طريقتك معايا كده هجيبك من شعرك المسبسب دا =شعري المسبسب اه أهو ع الأقل أحلى من شعرك الأحمر دا حد يصبغ شعره أحمر..! تحدثت بـ ضيق

_دا برغندي علفكره وانا أصلا مولوده بيه مش صابغاه =مولوده بيه اه _انت عامل زي البغبغاء بتعيد الكلام ليه نظر إليها ولم يجاوبها ولاحظ نظرات بعض الشباب التي كانت تتوجه لـ لُجين فـ أمسك يدها وجعلها تسرع قليلًا لكن أوقفه صوت أحدهم وهو يقول بـ سماجه -واخد القمر ومستعجل ليه يا شبح توقفت لُجين تلقائيًا أما آسر فـ التفت إليهم ببطء =في حاجة؟ ضحك أحدهم وهو يقترب خطوه -اه.. سيب المزه تسلّم علينا الأول

أبعد آسر لُجين خلفه وهو يقول بهدوء أخافهم أكثر من العصبيه =امشوا بدل ما تندموا تحدث آخر بسخريه -ليه بقاا… تخصك يعني؟ رفع آسر عينيه إليه =اه… تخصني نظروا لبعضهم ثم ضحكوا باستهزاء -ومين قالك انها ليك لوحدك؟ وبعدين مش شايف دبل فـ ايديكوا يعني.! اقترب منه آسر خطوه واحده فقط لكن نظرته كانت كافيه تخلي ابتسامتهم تخف =آخر مره هقولها… غوروا دفعه أحدهم من كتفه بـ استفزاز وفي لحظه كانت لكمته استقرت فـ وجهه بعنف

اندفع الباقي نحوه سريعًا لكن الاشتباك لم يدم طويلًا فـ خلال دقائق كانوا يتراجعون وهم يسبّوه بـ غضب بعد أن نالوا منه بعض الضربات أيضًا فـ آسر رياضي قليلا وقف آسر يلتقط أنفاسه بصعوبه ومسح الدم الخفيف من جانب فمه ثم التفت لـ لُجين وهو يقول بضيق =مبسوطة؟ لكنها كانت تضحك… فعلًا تضحك! تحدث بـ عصبيه مضحكه =انتي بتضحكي على ايه انتي كمان مش كفايه خليتيني أتعارك مع شوية عيال ملهاش لازمه _وانا مالي 1 2الصفحة التالية

مدونة كامومنذ 3 أيام 0 5 دقائق