رواية وحش بابل الفصل الثامن عشر 18 - بقلم ايات محمد

مرحبا گليباتي

لا تنسون الـ تصويت، تعليق، متابعه الحسابي 🦋🖤.

#وحش_بابل

ــــــــــــــــــــــــــــــــــــــــــــــ

ڪال شي صدمني مسحت حلڪي وهوة يضرب ؏ ضهري بخفة

- حقج تلعب نفسج لو بيدج حتى اني تاڪليني

- دوخر مني وخر

ڪمت من مكاني فتحت الحنفية غسلت وجهي وحلكي
وهوة طلع من الحمام

كعدت ؏ ڪرويتة بلعت ريك اشو جعتت حمحمت كايلة بصوت عالي لأن كاعد بل مطبخ يشتغل بل لابتوب

- أسررررفيل

- وجع شبيج صيحين

- اريد تفاح اخضر من هذا الصغارر

جاوب بعدم مبالاة: اي عود من أطلع

- لا أريد هسه هسه

غلس ؏ كلامي كمت من مكاني ودخلت للمطبخ اردفت بنبرة اصرار

- هسه اريد عفيه عفيه عفيه حباب حباب حباب

رفع راسة اتنهد بأنزعاج من ملحتي ضليت ألح الح لحد ما ڪام وعاط بوجهي

- ڪافيييي خرب يومج شكد تلحين

سكتت طلع من المطبخ أبتسمت بنتصار رجعت كعدت بمكاني وهوة طلع يشتريلي تفاح أخضر

ضليت اباوع ؏ تلفزيون ادري تلفزيون شكبرة وشڪدة كلشي مبي غير أفلام ڪارتون وقنوات أباحية

باوعت ؏ سبونج بوب دقايق طويلة وانفتح باب شقة دخل  نزع حذائة وبيدة علاڪة ابتسمت بتساع

أخذت العلاكة منة غسلت وحدة وخليت فوكاها ملح
عضيتة بشهية وضليت أمطك شڪد طيبة يألهي

- رهيبة رهيبة

باوعلي ومرڪز ناحية شفايفي رفعت راسي اباوعلة مدري شنو همس بينة وبين نفسة يمكن فشرر اخذ لابتوب والأوراق وطلع

رفعت اكتافي بعدم مبالاة أڪلت منة أثنين وضميت الباقي شربت مي وطلعت وشفتة حيل مركز كاعد بلكاع وفارش الأوراق بل كاع والابتوب

ويمة الأسلڪي استغربت حالتة هذا شديسوي؟!

- چاي چاي بطة

سويتلة چـاي وخليتة گبالة هوة مدري شيسوي واني كعدت اباوع للتلفزيون

مرت فترة اني ڪلش سمنت من الأكل بحيث بأسبوع
سمنت 3 ڪيلوات وصارلتي خدود

أنفتح بـاب شقة واني كلعادة لو اباوع ؏ تلفزيون لو اشتغل انحنى بجسدة العلوي طابع بوسة سطحية ؏ شفتي توترت مبتعدة

للزم خدودي ڪايل: تفاح أحمر مو خدود

عض خدي صرخت ضاربتة ؏ صدرة وهوة مبتسم أبتسامة خفيفة ويباوعلي بنظرات عجزت أفهمهاا

- اوي شڪد مليق

ضحك بصوت عالي ويكرصني من خدودي حيل فرفحت روحي من الوجع طفرت وعضيت ايدة حيلللل
ضليت صاڪة ؏ سنوني حسيت جلدة صار بحلكي

- چلبة بت چلببببب

ابتعدت الهث وهوة يمشي ويمسح ؏ ايدة مفرفح حيل
طبة عـمة

- أنچلبتي خوما أنچلبتي بت چلب

- حتى بعد متعضني

الوقت متأخر خليت ورحت للفيت راسي اريد أنام حسيت بيدة طوق خصري وبوساتة يوزعهم ؏ ركبتي
غمضت عيوني ونمتت

للساعة 3:20 الفجرر

ڪعدت جوعاااانة فركت عيوني ألتفت أشوفة نايـم بعمق صارت صورة مكبوس دجاج ڪدام عيوني حيل اشتهيتة واني اذا اطبخة تلعب نفسي واضل أتقيء

ندغتة بصبعي رادفة بصوت ناصي

- أسرافيل أسرافيل

تحولت ملامحة للأنزعاج ملتفت الغير جـهة ڪرصتهة
ماڪو نايم نومة اهل الكهف ميحس هذا؟

- اكعد يمعوود اسرررررررفيل

- وجععععع شتردين؟؟

عدلت نبرة صوتة وهوة فتح عيونة بنعاس طاغي

- جوعانة اريد مكبوس دجاج

- اي الصبح هسه منين أجيبلج؟

- دأڪولك هسه هسه أريدددة

- نامي بابـة

- ما ما جوعانة عفيه ڪوم جيبلي

رجع لفلف راسة والتفت الغير جـهة ندغتة بكتفة

- اريد هسه هسه

- نامي ڪتلج هسه وين اكو مطعم مفتح؟

- اريد هسه هسه هسه يلة كوووم

- بس اڪوم ارتكب بيج جريمة بهل ليالي يا بطة

- ميخالف خل اڪل وارتكب جريمة

- دنعل ابوج بت*** الـ ڪ*** منين اجيبلج سم الهاري بهل ليالي؟؟؟؟

- لتفشر علي ترا افشر عليك

- يلة فشري يلة

- لا خلية للصبح هسه جوعانة

رفع أدية للسما ڪايل بصووت عاالي

- ربي اني عبدك الك*** الساقط المن*** وأبتلك الي بوحدة كح*** صعب ياا ربييي

ضل يفشر هيج منج وهيج من أهلج وافشار من العيار الثقيل للبس فالينتة وطلع راكع الباب ورا

شبي هذا ميتحمل هسه اني شڪتلهة؟

طلعت كاعدة بل صالة وشغلت السبلت نص ساعة مدري شڪد تأخرر واني نعست بس قاومت اهم شي أڪل انفتح باب شقة

ضليت اباوع لأدية اشوو فارغة حصرتني البچية

- وين المكبوس؟؟

نزع فالينتة وشمرة بأهمال وحذائة هماتين ڪال

- فرريت المطاعم فرر ما لكيت

بچيت بصووت عالي ڪايلة بصوت باڪي

- هسه هسه اريدددددد

- منييبيين اجيبلججج؟

- انتَ اطبخلي

فتح حلكة بصدمة يباوعلي مسح وجهة يصبر نفسة بكلمات وڪال

- اي عود باجر ادللي هسه كومي نامي

- لا ألة انتَ تطبخلي يـلة يلة

تقدم مني رفعني من طرف فالينتي عبالك بزون ويمشي بية واني ابجي اريد مڪبوس دجاج شمرني ؏ جرباية وشمر علي الغطة

- باجر هسه خل انام وراي شغل شغل

اخذني بحضنة واني مستمرة أبچي مسد ؏ شعري رفعت راسي اباوعلة وڪايلة

- والله انتَ واحد مليق وسفية

أومأ براسة مرجع راسي ؏ صدرة همس بصوت

- ألك ارادة بية ربي

بچيت بوقتة بچي مصاير علمود مكبوس دجاج وهوة يواسي بـية ويڪول

- اويلي عليج يـمة يا مكبوس يا يمة

ضربتة ؏ صدرة بقبضة ايدي وهوة يضحك بصوت عالي ويڪرص بية

- عفية نسووان شكد عيارات هسة هذا هم سبب تبچين علي؟

- متنااام مو خبصتني اريد انام واريد انام

- وانتِ تخلين واحد ينام تبچين عباالك مات رجلج وضالة بضيمم وعندج سبع جهال ومحتارة بعيشتهم

- اهو دڪافي يلة نام

- هي يالله تدرين شڪول شاعر؟

- شيڪول؟

- ياا مكبوس يا يمة احو حو

ضحكت غصب عني حضني حيل ونام واني هماتين نمت ودمعة يابسة ؏ خدي

••

ڪعدت بل ڪافتريا اشرب عصير برتقال وناهدة گبالي
تعرف اخبار جامعة ڪلهة وتعرفهم كلهم ولد وبنات أصلهم وفصلهم

ناهدة: ولج وللعباس ودكلي اني گلبي يريدة

خديجة: منية هاي؟
- عمة عمة رڪزي وياي فاطمة هاي

- اها لعد منو هجران؟

- هجران الخانهة حبيبة ابو راس المربع الدائماً يلبس قميص اصفر

- أهااا اي اي

- اي يل فاهية كرت عين أمها ذلت نفسة ذل هيه تسولف واني لعبت نفسي لعبت

- اعوذ بالله

- اي بلعباس يمعودة ساحلة نفسة سحل اليڪول النبي يوسف مو جعفر ابو شوارب ألازكة

- عزا حرام هههههههههههه

- لابس قميص اخضر چنة بيرغ  للعبان نفس وربچ

- دڪافي شنو هاي والله حرام حرام دتاخذين غيبتة

- عفية انچبي هذا اذا أخذ غيبتة الي حسنة يم الله

- أستغفرالله ربيي

شربت عصيرهاا وحولت ؏ عصيري شربتة ڪلهة ما خلت واحد ما حجت علي وڪصتة وعجيبة تعرفهم كلهم ڪلهمم

دخلت للمحاظرة ڪعدت ؏ الستيج مالتي وچنت منزلة نظري اعدل بل دفتر مال ملاحظات وأڪتب بي عبارات تشجيعية 

بس رفعت أعيوني صارت عيني بعينة اوترت وأوضاعي تخربطت بسرعه فصلت نظراتنة وهوة نظراتة چانت ڪلهة حُب ولهفة بينما اني توتر وخوف

بـدا يشرح المحاضرة وأني منتبة للشرح واني دأڪتب وكع قلمي دنكت اجيبة وسمعت اسمي بس رفعت راسي أنضربت ضربة شااغت روحي

خديجة: اوووي

فرڪت راسي بألم وعيوني دمعت من الألم لاحظت عيون الاڪل علي فوك ما أني متوترة خوفتني نظراتهم وهوة چان يخزر بية يا ڪاع انشكي وبلعيني شمسوية؟

شبي هذا يخوزر؟؟

بنيامين: ڪومي اشرحي

اردفت بفهاوة: هااة؟

عاط بصوت عالي فززني: ڪومييي اشرحي شبيج بابة؟

اومأت براسي وڪمت شرحت ڪل شرحة فحطت ساعة اني اشرح واعيد بل شرح هاي ثاني مرة عدتة اجيت اعيدة مرة ثالثة ڪال

بنيامين: ڪافي ستريحي

ڪعدت رجع يشرح وكصتة عركت يمسح بل كلكنس ويرجع الي ورا وضعة غريب وعيوني ڪلساع علي ودقايق يضل يباوع علي يفصل عن الڪل وبعدين يحس ؏ نفسة ويرجع يڪمل شررح

واخيراً خلصتت محاظرتة لڪل طلع وهوة باقي واكف
للميت غراضي وكمت اطلع وصار بصفي همس بصوت خافت ڪدرت اسمة لان چان بصفي

بنيامين: شسويتي بـية ولج
- شسويت؟

بنيامين: لعبتي طووبة بگلبي

باوعتلة شلون ينظرلي بنظرات ڪلهة حُب استحيت من جرئتة بل ڪلام فلتتت بريشاتي وصارت بوجهي ناهدة اول ما شافتني طڪتهة بضحكة.

- هاي شبيج؟

- يمة يمة بطنييي لج انتِ ڪارثة

- شنو شڪو؟

- عزاا ودڪول شكو ههههههه

- غير تحجين حتى افهم ؏ شنو ضحڪين

- تعالِ ڪعدي وافهمج

سحبتني من أيدي وڪعدتني ؏ مبسطة وڪالت بصوت خافت

- لج مو عيب دڪولين اوووي بل قاعة؟

- عزاا والله منتبهتت

- أي والله لو شوفين نظراتهم

- شڪد ادبسززية

- حقهم ؏ هل اووي مالتج

- استغفرالله ربي العظيم واتوب إليه استغفرالله

- بعديش تستغفرين يمعودة

- والله حرااام وعيببب

- تڪبرين وتنسين

راحت ترڪض تشتري متعرف تكعد بدون متاڪل شي
حتى لو شبعانة تشرب عصير لو شي ثاني بس اهم شي لازم بيدة شي

استغفرالله ربي شڪد عيب هسه شعبالهم؟؟

ربي سامحني والله طلعت بدون قصد والله

التفت وأشوف هاندة لازمة بنية ودك سوالف وياهة هاندة حتى وي الحارس ذاك اليوم شفتة داڪة فج وياة وسولف وهوة متونس علية يشڪيلهة همة

ڪمت من مكاني ارجع للقاعة وصار كدام عيوني هوة
ديريد يدخل حتى يشتري من الكافترياا باوعلي للحظات ودخل للڪافترياا

والله انحرج منة ومن نظراتة ڪعدت ؏ ستيج ومحاظرة جرر محاظرة للحد مهلڪت.

••

- باعلي بس باعلي

صاحب: باوعت باوعت

- تعرف أني احبك موو

- اي اعرف

- شنو تعرف اشو انتَ مستهتر هذا اڪيد أسرافيل خرب اخلاقك

- استغفرالله اقصد اني هم احبج واموت عليج

- اي عفية هسه تمام

أومأ براسة براقبني اڪمل حجي اردفتت

- ماما كالت احسن قرار اعوفك وڪلمن يمشي بطريقة

بهت وجهة وعيونة يباوعلي ممصدك الـ دأحجي بلع ريك ڪايل

- وعلي روحي تموت بلياج

- بعد روحي وأبو حنيفة اموت عليك

- ابو حنيفة؟

- انتَ تحلف بلأمام علي واني احلف بأبو حنيفة ( رض)

- اي صحيح بدون طائفيّة

- اي حبيبي

- دير بالج تفڪرين مرة ثانية بهذا شي ودكولينة هيج بوجهي وأبو فاضل اموت وراج

- غير اموت عليك اني

ابتسمت متنهدة بصوت عالي وعيوني طالعة بحب كبير
ڪاال

- باچر ادز الـ والدة ووالدي وعمامي

- لا عفية لا تجي

سڪت يباوعلي بنظرات وڪأن يڪولي صدك تحجين؟؟

- أخاف بابا يأذيك

- يأذي منو؟

- يأذيك والله اخاف عليك

- استغفرالله أبوج الطائفي يأذني؟

- لتحجي هيج ؏ بابا صاحب

باوعلي ڪايل: وربج شعراية وحدة ما يڪدر يسمهة مني

- اعرف أعرف

- چا هذا هووة

سڪتت وألف فڪرة بالي بابا حيتخبل من أيشوفة متقدملي مرة لخ، ما أڪول الله ڪريم

••

أول مڪعدت طفرت أتقيء ڪعدت بل حمام وجهي
بين أديـة والحيرة مرسومة ؏ ملامح وجهي

شلون يربي رجعت شعري لليورا ودموعي وڪعت ابچي بصمت وشهكة ملازمتني

تناقض بين عقلي وگلبي، عقلي رافضة رافض فڪرة
أصير أم ومنين من أسرافيل من سابع المستحيلات اخلي شي يربطني بي.

وگلبي، حابة وشعور الأمومة حلوو ويصير عندي طفل
وأبدلوو ويڪولي ماما

بس ماريد ماريد شي يربطني بي وخاصة طفل من عندة صعبة ڪولش، صعبة

اخذت قراري وحسمت أمري غسلت جسمي وجهي
وطلعت للبست ملابس طلعت من الغرفة

وأنفتح بـاب الشقة سد الباب وضم المفتاح بجيب بنطرونة شفت لازم بيدة جدر ڪال

- تعالِ البارحة هرجتيني هرج ؏ مڪبوس دجاج

ابتسمت من تذڪرت قدملي جدر وقبل لا أخذة كرصني من خدودي طابع عليهم بوسة اخذت جدر أول ما فتحتة ريحتة تجنن

- اووف شنو هاي ريحة اجنن

خليت جدرية بل ڪاع ورحت جبت خاشوكة ورجعت
ڪعدت بلڪاع أڪل ڪال 

-  خلي بصحن وأڪلي

- أمممم

ضليت أڪل يڪول مشايفة اڪل من قبل بس طعمة يجنن يـجنن أڪلت كلش ههواي وغثيت نفسي

ضرب طرف جڪارة موكع بقاية التبغ

- للعبت نفسي

التفت الي براسة ڪاايل

- ادري شبييييج؟؟؟

- مادري جيبلي مشروب غازي اي شي

- لا والله

- والله شبيك انزل أشترلي

- استغفراالله ربي والله ؏ هل استغفر من وراج يمڪن ادخل الجنة جفتت

طلع يشترلي مشروب غاازي دقايق ورجع بيدة بطل ببسي قدمة الي

- ماريدة جيبلي غيرة

- دروحي ولا أنزل مره ثانية

- ماريدة ماريدة جيبلي غيرة حباب حباب حباب

عـااط بوجهي فززني

- دشربيييي وفضيهةة

ڪلت بعناد: ماريدة يعني ماريدة

- بت الم*** عايقة ع*** بعمج الك***

ضل يفشر شڪد ونزل يجيبلي غيرة والله دقايق وصعد بيدة بطل سفن

- هذا تلعب نفسي منة عفية ماريدة

- تردين تڪفريني انتِ؟

- دأڪولك تلعب نفسي واني منا لاعبانة نفسي

- والله انتِ عمج واحد كو** وانتِ ڪح** وعايقة
وبـر*** وهسه لو ألزمج *** اشڪة شك لان طلعين ألواحد من طوورة

فتحت حلڪي بصدمة ؏ الفشاير اليفشرهة رجع كال

- مخلين فلفل ابـ *** بايرة عايقة

طلع وضرب الباب بقوة نزل يجيبلي غيره شبي هذا هسه اني شطلبت منة؟؟

دقايق ورجع بيدة علاڪة مال مشروبات غازية وڪل الأنواع حرفياً جميع أنواع المشروبات الغازية

- همم ڪولي يلعب ط*** و*** منهن

- لا

ڪعد ؏ ڪرويتة يشتغل بهل لابتوب اخذت صودا وشربتة صدك ارتاحيت

ضميت الباقي مال مڪبوس الدجاج نضفت المطبخ وشلت طااولة وغيرت مڪانهة

مسحت الڪاع ونظفت الطباخ ومسحت رخامي
من خلصت ڪعدت ؏ طاولة

حسيت نفسي جووعانة كلش هسه بس أڪولهة يعيط ويڪول ههااي شبييييج

حمحمت ومشيت ڪايلة بصوت ناصيي

- جوعاانة

رفع راسة باوعلي ورجع باوع للابتوب يڪتب بي

- شتردين؟

- اريد سمج وفوكااا سماك وياة طرشي حامض ڪون

أومأ براسة ورفع تليفون يطلب بودي اهجم علي وأبوسة اشو هذا صاير للطيف.

ضليت اروح هيج وأجي هيج بين ميوصل طلب شربت عصير تأخرر اجيت اروحلة اڪولة اتصل عليهم تأخرو
بس ررن جرس شقة

ڪام فتح باب شقة اخذ الطلب وسلمهم أفلوس دخل المطبخ وخلاة ؏ طاولة ڪعد گباالي يفتح بل سيلفون

ضليت أڪل بشهية وطررشي حامض يضرب بل نوخاع

- أمممم

- بس أڪلي بدون أمم لا تهيجينة

مفهمت قصدة بس ضحڪت بغباء وهوة أبتسم بجانبية

ضليت أڪل وأسولفلة ؏ صديقاتي وأيام المدرسة شڪد اشتاقيت ألهم هسه همة وين صارو وهوة يستمع الي

- فشنو هاي المدرسه دڪولي انتيي اطلعي برا اني ڪتلة ست اني ڪالت ايي انتي انتي لو تشوفة فد وحدة حقيرة

بلعت الـ للڪمة مكملة كلاميي

- عبالهة إني فقيرة واسڪت ألهة ڪتلة ما أطلع واني شنو مسوية حتى طردني ڪالت للمراقبة اخذيهة للمديرة ڪلتهة لا ست للعباس عليج والله اشاقة

- بس تهوبزين

- لا المديرة وحدة عصبية وتخوف والله

سڪت رجعت ترڪيزي ؏ أڪل حسيت بنظراتة تتوجهلي وعجزت أفهمهة بس چان مضيق عيونة ويباوعلي ڪأني مرتڪبة جريمة

ڪال بصوت بارد ونبرة شك ممتلڪة حنجرتة.

- طلباتج هاي مو شغلة جوع

يتبع...