رواية وحش بابل الفصل الثالث 3 - بقلم ايات محمد

سـلام عليـڪم
..

لا تنسـون النجمة تعليق متابعة الحسابـي 🖤🦋.

روايـة: وحـش بـابـل،

بڪٌيت حتى شعٍرت ان المـوَت ينبض من عَيني

ـــــــــــــــــــــــــــــــ

اصطدمـت بشخص ڪبير البـنية رجع جسمي لليورا
جسمي يرتعش بخووف مبالغ بـي ودموعي تجري ؏ خدي مثل شلال اباوع ؏ رجال چان يباوعلي بنظرات تقزز

فـترة مـن زمـن اني اباوعلة وهوة يباوعـلي بلعت ما بجوفيي حرڪت رجلية بنـية اروحح من ڪدامة بس صووتة وقفني وهوة يڪوول

أسـرافيل: شبيـج؟!

انفاسي الـ لاهثـة وقميصي المشكوك چانت ڪفيلة بشرح معاناتي

جوارح: م. مبـية شيي

نظرة اصرار بعـيونة وجسمة المخيف مدري ليش بس خفت مـنة وهـوة مو لازم اطلب مساعدة؟

أسـرافيل: شبـيج؟؟

شرحت الة صـار بصوت باڪي وڪلمات متقطعة رفع حاجبة لأيسرر بشـرتة سمراء جسمة ضخم ملامح وجهة المرعبة احسة مجـرم بسبب ملامح وجهة المخيفة ملابسة عبارة عن اسود غمووض

ڪال بصووت بارد مدموجة بنبرة حاادة: وين صايرة المـدرسة؟

جوارح: هنا م. مو بعيدة

اومأ براسة يمشي واني أمـشي ورا بخووف مقابلني اڪتاف ضهرة العريضة مشـة مسافة قليلة اتوقف نزع سترتة جلدية سوداء وشمرة علـي بدون لا يحجي بلعت ريڪي بصعوبة اباوع ؏ سـترتة جلدية ألبسهة؟
نزلت نظري القميصي المشكوك وهسه يلة انتبهت مبين حمالة صدري

بـدون تفڪير للبستة شڪبرهاا هذا شڪد قياسة؟؟
بـوت اسود وبنطرون اسود فالينة نص رد بلون لأسود
قاطع تفڪيري بڪبر سترتة دخولة للمدرسة

حاوط معصمي بقبضـة أيـدة وسحبني وراا يمشي المڪتب المديرة وانظار جميع علي واسمع همسات وتشوية سمعـي حرفياً بهل اثناء سمعت انواع الڪلام علي وهاي دڪول الصفيرة من الأول عرفتة ڪح** وهاي دڪوول عمهة شريب عرك شتتوقعين منهة يعني والقسـم الثاني يتغزلن بـ رجال

نزلت دموعي ؏ خـدي وهذا يجرجر بيـة وبلگوة ڪاعد اتبع خطواتة الڪبيرة اقتحم غرفة المديرة واشوف المديرة وڪفت بتوتر تباوع علي وتباوعلي عااط عيطة

أسـرافيل: فاتحتلج مدرسة لو دعارة ڪواو**

مديرة: احترام استاذ شهل الأفاظ

دفعني بـيدة ڪايل بنبرة حادة وعيونة الفحمية تطالع المديرة بعيوون بـزونية تملئهة الشرارة

أسرافيل: شتفسرين هذا؟

باوعتلي المديرة من فووك اليجواا ورجعت نظرها الـ رجال نفس نظراتة ممتغيرة ڪالت بتوتر

مديرة: شبيـج ماما؟؟

اردف بسخرية: سلامتج بس 3 اڪح** اعتدنن عليها

مديرة: أن شاءلله ميتكرر هل شي

ارتفعت زاوية فمة ببتسامة جانبية ساخرة واني ڪل هل وقت بس ساڪتة ودموعي تجري ؏ خدي حرفياً احس المديرة خافت من عندة حقهة إني من يمي خفت

مديرة: تعرفين البنات؟

جوارح: نعم ست اعرفهم بس بشڪل

طلع من المڪتب راڪع الباب اقسم علي انڪسرر زفرت المديرة انفاسهة براحة باوعتلي وڪالت

مديرة: شيصير منج؟

مجـاووبت بس بقيت ساڪتة من أيست مراح افتح حلڪي أمرتني أطلع طلعت من المڪتب وياا ريتني ما طلعت سمعت انوااع الڪلام حرفياً تشوية سمعتي وطعن بشرفي اجتـيي حوراء ترڪض والابتسامة الخبيثة مرسومة ؏ شفتة بينماا دنيـا وجـهة اصفرر

حضنتنـي زافرة انفاسهة القلقة بادلتة ودموعي تأب توقف ابتعدت عني مطوقة وجـهي بأديـهة ڪالت بقلق

دنيـا: تأذيـتيي؟

نفيت براسي بمعنى لا رجعت حضنتني طابعة بوسة ؏ جبهتي دفعـتهة حوراء ڪايلة

حوراء: الصفيـرة منو هذا؟

زميت شفتي سفلية بعدم معرفة وهية ترقص حواجبهة
گلبت عيوني بتمـلل عارفة قصدهاا مشيت للصف اخذت جنطتي اريد ارجع للبيت

جوارح: بـاي حرجع للبيت

دنيـا: اي روحي للبيت ارتاحي

طلعت من المدرسة راجعه للبيت ومن هذا اليوم البنات فصلووهن والرجـال بعد ما شـفتة أبـداً

••

مسحت وجـهي بتعب اباوع للڪتب شڪد صعب
ڪلت بتووسل

خديجه: يااارب ساعدنيي

خلصت مـن المدرسة اجتي جـامعة عبالي سهلة وبس ونسة وضحك طلعت اخس من المدرسة ولله راح ابچي
لا لا خل ارجع اقرا

أڪعد ابچـي لوو أقراا؟؟

انطرق الباب طرقات خفيفة وقبل لا اڪول تفضل انفتح الباب باوعت للسواا مداهمات ؏ غرفة وچـان أيهم

خديجه: هاه سالمين؟

ايهم: نلعب بـلي؟

خديجة: تروح منـاا لا اڪوم البلي اڪسرة ؏ راسك.

اشـر ؏ نفسة بصدمة وڪال: اني تڪسرين البلي ؏ راسي

اومأت براسي بمعنى أي اباوعلة اتقـرب مـني واني طفرت ؏ چربـاية وهوة يحاوول يلزمـني ضحڪت بصوت عالي ڪايلة بعيطة

خديجة: ايـهمممممم توخررر لا اشك حلكك

شهڪت بصدمة من سحبنيي من رجلي وڪعني سحبني من أذني ڪايل

أيهم: تڪسرينة ؏ راسمـنن

خديجه: يـمههههههة

سـد حلڪي ڪايل بصوت خافت: اشاقة وللعباس شبيج

وخررت ايدة عن حلڪي ڪايلة: دوخر مني

رفع اديـة بـ ستسلام يبتعد بخطواتة فتح حلڪهة يحجي ڪلت بصوت عالي

خديجه: يـمهههة

طلـع وسـد الباب وراا ادبـسزز مسحت حلڪي ورجعت الـ مڪاني ادرس صـعبهة عـااااا!!

رفعت شعري ڪعكة مبعثرة ڪلت: يااا أم البنين سهله عليي

انطرق الـ بـاب غمضت عيوني زافرة انفاسي محاولة أهدء من نفـسي

خديجه: تفضلل

دخـلت زوجـة آدم رقـية ڪالت: عفية خـدو درسي جـود

خديجه: لا تخليني انتحر هوة بروضة شدرسـهة؟

رقيه: شـبيجج هسه أني شڪلتلج؟

ابتسمت ڪايلة: حبيبتي رقيـة اني عندي امتحان والله مڪدر ادرسة اعذريني ڪلش ڪلش

هزتت راسهـة وطلعت سادة الباب وراهـاا خطيه بس لا زعلت؟ بس اني مڪلت شي ولا عيطت بوجهة ڪلت بنبرة هادئة يـلة بعدين اراضيهة

درست المادة من صـبح للحد ما أذن المغـرب رجعت جسمي لليورا بتعب مغمضة عيوني

خديجه: اخخخ يـمة الله لا يوفقك استاذ بنيامين

نزلت جـواا بعد ما صليت لڪيت ماما دتقرا قـرأن وأدم بعدة بـدوام بيـنماا أيـهم مرڪب ألـ بلي ؏ شاشة ويلعب وابن أدم يبجي يريد يلعب ويـاا ولوتي مرڪبة ألة بچـذب

شمررت نفسي ؏ ڪرويتة ڪلت من شفت ماما مسحت وجـهة بل قـرأن

خديجه: أميي ويـن أسـرافيل؟؟.

بعـدهي مفاتحهة حلڪهة وسمعت صوت ضرغـام ڪمزت من مڪاني صعدتت درج رڪض للبست شالي
ونزلت لڪيتة ڪاعد گبال أمي

خديجه: هلو ضرغام شلونك

باوعلي وڪاال: يـمهة هلة بخـدو حوزة

ضربـتهة أمي ڪايلة: وين أسـرافيل ولك؟

ضرغام: وين يوليي بل حديقة العار

رحت للمطبخ صبيت بڪلاص مـي وخليتة بصينية رحت اقـدمة ألة ولڪيت أسرافيل يفلتت بل بـلي من شاشة وأيـهم يباوعلة بصدمة ممزوجة بأنزعـاج بس مفتح حلڪهة وحـجة خطـيهة

انطيـت الـ مي الضرغام چان يڪوول: يروحلج فدوة أيهم

ابتـسمت ڪايلة: همم انعم الله

ضرغام: شوو ما راضـيهة

ضحڪتت راجعة للمطبخ اجيب ڪلاص مي الـ أسـرافيل مسحته من الجوانب وقدمتة الة اخذة بدون ميڪول شي شرب منة شوي وخلاه ؏ طاولة

ضرغام: زوجـيني

ڪال أسـرافيل بسخرية: يـومية وي وحـدة ويريد يزوج

امي چانت تباوع الـ أسرافيل من يحجي ڪال ضرغام وبطراف اصابعة دار وجـهة امي حتى تباوعلهـة

ضرغام: يـچذب اريد وحدة ؏ عرفتجج

رحـمة: منيلي أنـي هيـة بس ام عباس وانت شايف بنتة

ضرغام: بس لا سـدينهة علي فرد سـدة رحوومة

رحمة: يـاا للعبة وياك دعبل قبل ودڪلي رحـومة!!

ضرغام: هووة هيج تقريباً

ضحڪت بصوت عالي اضرب ؏ فخذي وامي ضحڪت وغمـتة طبعاً ضرغام صديق أسرافيل الروح بـ روح اصدقاء طفوولة ومن قبل يدخل علينة ومرات حتى يبـات عـدنة وميـانة هوة ومـاما

رحمة: يـمة شلون ص..

بعدهـيي ممڪملة ڪلامهة وصاح ضرغام: زين زين مابي شـي يسلم عليج حتى يڪول بوسلي راسهة

چـانت ماما تقصد صـاحب صديق أسـرافيل وضرغـام تحبـهة لأن أنسـان مؤدب وخلووق كلش درجـهة أولى

رحمة: تغـاار مـنهة؟

ضرغام: لا طبعاً طبعاً لا

أسـرافيل: اي يـغاار مـن عنـدة

ضيق ضرغام عـيونة يباوع الـ أسـرافيل بنظرات عجزت افهممهاا نزل نظرة الـ حذائة مروراً الـ وجهـة ڪال بسخرية تـامة

أسـرافيل: هاه عاجبك تريد احطـة ابـ **

حبست ضحڪتي اذا اضحك يڪولون مو مؤدبة وفهمت شيقصد چاان يڪول

ضرغام: سمعت نصيحة عبس يڪول اذا تريد تشكك واحد بـنفسهة باوع الحذائة بعدين الوجهة شو صار العڪس

ضحڪت ممتحملة وأيـهم وماما ڪلهمم ضحڪوو ما عدا أسـرافيل الأبتسم بـجانبية.

••

رفعت شعري ؏ شڪل ڪعكة مبعثرة واڪعة خصلات
شعري منـا ومـنا مسحت المراية والميز نظفت ڪل الغرفة بختصار ونزلت نضفت البيت هـماات ومن خلصت ڪعدت ادرس ونمـت

ثـاني يـوم صبح سبحت ونفس ڪل يوم أتأخـر يلة انزل مشـينة وڪلعادة نفس روتين ممتغير منة أي شي
رجعـنهة من المدرسة هلڪانين وحوراء تحشش ؏ هذا وذاك دخلناا للمحل نشتري وابو المحل ڪلش حبـاب

ڪال ببتسامة للطيفة: شـلونهن البـنات؟

دنيا: الحمدلله عـمو

رجال: أم للسان ساڪتهة

ضحڪت اباوع الـ حوراء چان يقصدهاا بڪلامهة اختفت ابتسامتي تدريجياً من شفت عـمو جليل يباوع مڪتف ادية صدرة وعيونة تتوعد الي قبل لا يدخل للمحل ويسويناا مشڪلة ودعتهم وطلعت وحوراء ودنيـا يسألنن علي بس طلعت بدون ما اجاوبهم سحبني من أيـدي بقووة ويجرجر بـيهة

ڪلت بنبرة متألمة: عموو أيديي

ضغـط عليـهة أڪثرر ويسحب بـيهة اضافر ايدة نبتت
بـجلد زنـدي وصلناا للبيت دفر الباب برجلة وشمرني بقوة ؏ ڪاع بچيت بصوت عالي رڪبتي انشكت من قوة الضـربهة ودم غزير يجري مـنهة تقرب علي بهمجية وضربني راشدي

ما ڪتفة براشدي واحد اثـنين وتلاثة واربعة الخ..
شـعري ڪطعهة بأيـدة وهوة يعيط

جليل: ڪح** ضحڪين بل شاارع وترڪضين وكل مرة الكج لا ضحكين لا ترڪضيين

أنفـاسي حتتوقف من قوة ضرب وخدودي ما دأحس بيـهم غير جسمي اليدفر بي ودم يخرج من حلڪي

نايـمة بلڪاع وهوة يضرب بـية راح اموت بأدية احس وڪأن ملك الموت واڪف بزاوية الصالة منتظر عمو يخلص حتى يقبض ؏ روحـي.

ابتعد دافرني ؏ رجلي سحب جنطتي واني اراقبة بعيون باڪية صوتي اختفة بس دموعي توڪع مروراً بطرف عيني واڪعة ؏ أرض مڪونة بقعة من دمـوع جسمي الدامي مڪدر احرڪهة أبداً

طشـر الڪتب نجحت للصف الثالث متوسط ڪتبي شخط عود الشخاطة وشمرهمم ؏ الڪومة من الڪتب خليت ايدي ؏ عيوني ممتحملة ڪمية المنظر المؤذي

اڪدر اشم ريحة الدخان التسلسلت دخل أنفي ملائـة رئتـيي بچيـت بهذا اليـوم وڪأن مـات شخص عزيز علي ڪلش بچيـت وڪأنهاا اخر مـرة
بچـيت وڪأن هل بڪاء حبل نجاتي من هل ضـلم
بچـيت بتعب، بخذلان، بذل، بضلم، بڪتئاب، بحزن،

سـاعات طـويلة اني ممطولة ؏ أراضي الباردة بدون احساس فقـدت جميع احاسيسي بعد هل يـوم المشؤوم
بعيـوني البحريـة صافية مررتهم ؏ شباك واشوف دنيـة ليل ضوء القمر يضرب بوجهي منير الصالة العتمـة

ڪمت من مڪاني وڪعت بلڪاع رفعت جسمي المرتعش مرة ثانية ومشيت استند بل حـايط صعدت الـ
غرفتـي دخلت للحمـام

فتحت دوش وڪعدت بلڪاع اتمنى قطرات المي تزيل البعض مـن حزني طوقت وجـهي بأدية باڪية بصوت عالي وحرڪهة گلب

لـو ميـتة وي أمـي بل حـادث ولا ههل ذل العايشـة بي
لوو بـابا قتلنـي قبل لا يقتل نـفسة بذاك اليـوم ومصار أنـاني وقتل بس نفـسهة

جوارح: يـارب بس انت سـندي ومعوضي احميني منـن ڪل بشر يـاا ألهـي ساعدني يـاا ألهـي أنت الواحد الأحـد لا شريك ولا بديل لك تصعب عليك حـماية عبدتك الذليلة؟؟

بعد بڪاء دام سـاعة ڪمت نشفت جسمي وطلعت قفلت بـاب الغرفة غيرت ملابـسي ونمـت مڪسورة الخاطـر ولا حول ولاقوة الي

السـاعة 7:44 دقـيقة سمعت صوت عـمو من شباك يحجي سحبت البردة اباوع وچان يحجي وي دنيا وحوراء اڪيد يڪلهم بطلت مـن المدرسة ابتسمت بحزن وعيوني متلئت بدموع رافضة سقوط رفعت دنيـا راسهة باوعتلي اومأت براسي أأڪد صحة ڪلام عـموو جليل

شفـتهمم راحوو مسحت دمعتي قبل لا توڪع ورجعت نمت بمڪاني

مـرر اڪثر من اسبوع واني بس نـايمة وأڪل حتى ما أموت وبيـوم!!

نزلت بڪل ڪسل وجسـم متألم والباب نطرق فتحت الباب فتحت حلڪي بصدمة وشمررت نفسي عليهمم حاضنتهمم بڪل اشتياق وحـب

ڪعدوو بصالة سديت الباب ورحت صبيت بڪلاصات مـي وفرحتيي ما واسعتنيي
ڪعدت ؏ طاوولة اباوع لوجوهمم

حوراء: للعباس عليج اني مو حليانة؟

ضحڪت ڪايلة: تخبلييين

دنيـا: شلونج حبيبتي مشتاقتلج ڪلش هواي

ڪمت من مڪاني ڪعدت بصفهة وحضنتهة احبـهة هل البـنية غاارت حوراء وحضـنتهة همم بقيـنة نسولف بأمور عشوائية والحبيت بيهن ما فتحنن موضوع دراسة ابداً

مـن أجـة عموو جـليل هـنة راحـنن يڪرهنة أني اڪرة امووت مـنهة چاان وضعـهة ميطمـن يمشي ويسحب بشعرة واقسم علي شعرة وڪع بيدة

دفـر الـ ميـز شهڪت بصدمة شنو يشوف گبالة يڪسرة واني ڪاعدة بعيدة ڪل البعد عـنة واباوع علية بخوف
مـن خلص تڪسر الغراض دخل غرفتة وسد الباب بقوة
نضفت الـبيت

وبـقة أيـاام هـيج يتصررف يجي للبيت يعيط ويشلع بشعرة يڪسرر ڪلشي يشوفة ويدخل غرفتة لو ايام ميبات بل بيت يجي ساعة 3 اربـعة الفجرر

ڪلشش تعبت من ههل وضـع ويجي يتعارك وياي ؏ اتفهة الأشـياء الناس تڪرهنة بسـببة حتى لو احترك البيت علينة محد يدخل بـسببة خسرت مدرستي وصديقاتي

ڪلشي يـهون بس أبـداً ما هـاان عليـهة هذا اليوم أبداً
وعرفت اني صاحـبة الحظ التعيس المريرر الـ ما يتعدل حظي ابـداً وراح ابقـة أعاني حياتي ڪلهة!!

ڪلعادة بل بيت لو صـافنة لو انضف اجـة دفـر الباب بهمجيـهة وأبتسامة خبث، نصر، فرح مرسومة ؏ شفتة ڪاال بنبرة حنـونة

جليل: بـت اخووي انروح مشوار؟

عقدت حواجبي بـعدم فـهم ڪايلة: مشـوار؟

اومأ براسة بمعنى أي زاد استغرابي معقوولة يريد ياخذني مشوار ؏ ڪولتة لو يچـذب بس نبرتة حنونة اڪيد تغير وحس بتأنيب ضميـر ابتسمت

جوارح: ابدل وأجـي

جليل: انتـضرج جـواا

هزيت راسي بمعنى أي طلع من الغرفه وسد الباب فتحت بـاب الڪنتور طلعت قميص عـادي بلون لأبيض وبنطرون اسود رفعت شعري طويل ذيل حصان ونزلت خصل عشتوو بس هاي التسريحة الأڪدر اسوية رشيت عطرر وخليت مرطب شـفهة ونزلت جواا لڪيتة
منتظرني صدوك

ابـتسم وڪال بنفس نبرتة الحنونة: تخبلين ؏ امـج

ابتسمت ؏ مجـاملة طلع واني هـمم امشي ورا فتح باب سيارة وصعد صعدت وهوة حرك سيـارة انطلق بسرعة البرق

دقايق طويـلة وهوة يسوق ڪلت بتساؤول: عموو وين ماخذنيي؟!

جليل: مڪان ڪلش حلوو راح يعجبج

يمڪن حياخذني الڪبر مـاما لو بـابا لووو ڪلش يمكن يشمـرني بدار الأيـتام!!

ڪل ما أسألة يڪوول مڪان تحبينة صفنت ؏ طرقات
شلون نـاس تمشي وقسمـهم يبـيع حتى يحصل لڪمة العيش ويوڪل عائلتة چذب أنتـباهي طفل يـبيع ڪلڪنس ويـا سيارة تمر لو تتوقف يعرض عليهم الـ ڪلڪنس بس محد يشتري مـنة

توقفت أحـد سيارات بسبب الازدحام وسيارة عمو هم متوقفة ضرب ؏ جـام مال احد سـيارات وعرض عليهم الڪلڪنس مسمعت ؏ شنو يدور ڪلامهم شوي وطفل انضرب وڪع بلڪاع

انقبض گلـبي علي وتخيلت نفسي بمڪانة شهل ذل؟؟

مسح طفل ؏ خـدة وعيـونة جانت ڪفيلة بڪسرة خاطرة حصرتني البچـية علية تمنيـت عندي فلوس بهل للحظة حرك عـموو سيارة منطلق

واني ڪل تفڪيري يـم طفل ابو الڪلڪنس!!
بعـد مدة طويلة مـن سياقة دخلنا بمڪان غريب أول مرة اشووفة وجوهـة غريبة ڪلش معقولة هذا موجـود

ابـ بـابـل؟؟

توقفت سـيارة ڪدام مڪان بابـة غريب نزل واشرلي انزل نزلت وسديت الباب وراي واحس بعيونهم تاڪلني أڪلل فتح الباب ويـاا رتيـتهة ما فتحـهة جمعت دموع بعيوني وجسمي ارتعش لا أرادي بيـنما للعبان نفس وصلت حـدهااا بس احد يتقرب مني اتقيء بوجـهة

بـس طلعت ههل ڪلمة من بـين شفايفـي!!

جوارح: مـستحـيلل!!

يـــــــــــــــــــــتبع..

توقعاتڪم ورئيڪم يهمنـي!!