رواية وحش بابل الفصل الحادي عشر 11 - بقلم ايات محمد

مـرحباا..

لا تنسون الـ تصويت، تعليق، متابعة الحسابي 🖤🦋.

روايـة: وحش بابل

________________

طلعت من الـ حـمام وانصدم ابـ أسرافيل أول مشافني تقـدم علي بهمـجية للزمني من زندي رادف بتعب

أسرافيل: عبالي شردتي
- من زرف الحايط اشرد مثلاً؟؟

چـانوو عيونة حادة شرانيـة ستغربت ؏ شنو ڪل ههل نظرات ويعتصر أيدي بقبضة أيـدة

أسرافيل: لا تفڪرين تشردين ألڪاج لو جنتي بسابع سمة وأرض

باوعت الـ ملامح وجـهة دمعت عيوني وأڪابر ما أنزل دمعتي ڪلماتة حزت بخاطري شسموية حتى هيج يعاملني؟؟

دفعني ؏ حايط بقوة اصطدم ضهري حسيت عمودي الفقري انڪسر أمتلئت عيوني بدموع وهوة مرڪز بملامح وجهي بدقة وڪأنة منتظر دمعة من عيوني توڪع دخلت للغرفة افرك بزندي بوجع ورغم عيوني متروسة بدموع بس جانت رافضة نزول

دخل للغرفة نزع حذائة وشنو يشوف گبالة يشمرة
للزم المزهرية ورڪعهة بل حايـط شهكت بفزع شبي هذا موو طبيعي!!

ما خلاة شي صاحي بل غرفة يڪسر بعدم مبالاة ڪال
بعيطة

أسرافيل: جـووعان وحظريلييي ملابسييي

وحتى اتخلص منة رڪضت للكنتور طلعت ملابس وطلعت من الغرفة دخلت للحمام علڪت الـ ملابس ودخلت للمطبخ اسويلة سم الهاري

ما ألحك شنو اسـويلة وهوة يريدهاا هسه فتحت الثلاجة لڪيت ڪباب عروك عجين طلعت وضليت أگلي بي

عبالي ميت وراح ارتـاح منة طلع عايش وڪلشي مبي
عرج ميطڪة هذا رتبت الـ طاولة

غسلت ادية وهوة دخل ڪعد باوع للأڪل دقايق يباوع للأڪل وجڪارة مثبتة بين اسنونة رفع عيونة يباوعلي

أسرافيل: شنو هذا؟
- أڪل؟!
ابتسم بسخرية حك طرف حاجبة وعاط بصوت عالي

أسرافيل: وهذا هم أڪل حقج انتِ وحدة وين تعرفين بهاي سوالف انتِ شغلج ترڪصين بين الزلم وڪاضيتة من حضن الـ حضن موووو!!

انصدمت بقساوة ڪلامة ومن صدمة ضليت ساڪتة اباوع علية.

أسرافيل: مااا عندجج جواب لأن ڪلامي صحيحح

دفر طاولة برجلة وڪع ڪل لأڪل والمواعين تڪسرت
انسـان غريب لأطوار مرعـب ورطتت نفسي بـي جنت واڪفة بأحد زاوية المطبخ اشاهدة بعيوني تحمل ألف ڪلمة واڪفة وأني

يـتيمة، مڪسورة الخاطر

طلع من المطبخ نزلت عيوني ؏ المواعين المڪسرة الأشلاء صغيره جداً تنهدت والغصة واڪفة بلعومي ودموعي رافضة النزول.

لملمت الڪزاز قطعة قطعة وشمرتهم بل زبالةة ولأڪل لزمتة وشمرتة بـ زبالة واني جنت واڪفة ؏ طباخ أگلي وحدة وحدة وبحذر

نضفت المطبخ وهوة راحح للف راسة ونـام من خلصت من المطبخ رحت للغرفة واباوع علية شلون مگلوبة گلاب وهوة يتوسط الـ سرير

ضليت انضف بية ساعة ڪاملة وصلت للميز لزمت ساعتة حتى ارتب الميز وبل غلط وڪعت من أيدي حسيت ابـ مخدة ضربت ضهري شهڪت بصدمة التفت
وچـان هوة ڪال وعيونة ناعسة طالعني

أسرافيل: اريد انطمر طلعي برا

شڪد مڪروهة أومأت براسي طفيت الگلوب وطلعت من الغرفة سادا الباب فتحت باب ثلاجة طلعت موزة
شامرة نفسي ؏ ڪرويتة ڪلش استفزني بتصرفاتة
للزمت الريمونت وعليت تلفزيون صار صوتة شعلوا

انسـان مريض چان يسوي ڪل هذا في سبيل يشوفني
واني أبجي وأتوسلة ميسوي هيج ويـاي حقير عديم احساس

••

اباوع الـ ملامح وجهة اريد احضنة اريد اطبع بوساتي ؏ جميع ملامح وجهة الوسمية

عيوني ممتلئة بدمـو؏ اردف وهوة يتنهد للمرة الألف

صاحب: يموت أسر يلة اني اموت

بچيت تغيرت ملامح وجهة 180 درجة من سخرية للـ قلق والخوف

صاحب: ڪافي حبيبي شبيج

انفجرت بل بڪاء وهوة حتار خطيه ميڪدر يحضني لأن يستحرم ولا أني اڪدر اتوقف عن البڪاء فڪرة موتة تڪتلني بل للحظتة تمنيت بس اسمع صوتة حتى يطمن گلبي وهوة چان غالق مبـايلة عـام.

رهف: خـفف عليك
- ڪلشي ماا بية هاي اني ڪدامج
رهف: خفت صاحب تمنيت اموت قبل لا أعيش هل شعور

صاحب: يـومي قبل يـومج معلڪة بروحي انتِ

ابتسمت رغـم عني مسحت دموعي بس شهكة بعدهي ملازمتني

رهف: وأسرافيل وباقي اصدقائك طلعو سالمين؟
- عارات ما عليهم شي

ضحڪت وهوة ابتسم ضحڪتي ضلينة نسوالف بأمور عشوائية ڪاال بتنهيدة

صاحب: علعلتي گلبي شوڪت نزوج؟
- حبيبي والله بس اخلص جامعة ماما متقبل
صاحب: ليش مـا تقبل؟؟

رهف: ما أعرف دكول ڪملي جامعة يـالله وهم دڪول شلون ابوج يوافق وانتَ شيعي واني سنية

صاحب: والله ماڪو فرق إذا جنتي سنية لو شيعية والله ماڪوو فررق

- اعرف بس انتَ تعرف بابا شلون يفڪرر
صاحب: ستغفرالله ستغفرالله

عـرفت انزعج من هل موضوع غيرت الـ موضوع ڪايلة ببتسامة هادئة

رهف: وأسرافيل ترڪهة للبنية الحابسة؟؟
- لاء اذا ما ؏ يوم شڪيتة شك اني ما أسمي صاحب هل عار هذا

رهف: انتَ أنصحة مو دڪول هوة أبني؟!
- عـار بعد ما تفيد وياة النصايح نحول ؏ ضرب

ابتسمت ؏ حرڪة گلبة ڪلش يحب أسرافيل يحبة حب مو طبيعي بحيث جـاهز يشمر نفسـة بنار بس ڪون هوة يضل بخير وميتأذة 

الـة الحق بس هوة يضربة ويعيط علية ويسبة وأسرافيل يتقبل ڪل هذول برحب صدر وما يرفع صوتة علية ويڪلة انتَ معليك بيـة.

احب علاقتـهم احب صداقتهم الغريبة نوعاً مـا

صاحب: ڪومي خل افرفرج
- بس هل مرة اريد اشم هوا نقي
صاحب: من عـيوني الأثنين انتِ طلبي واني أنفذ

ابتسمت بڪل حب وعيوني حرفياً تحولت قلووب صعدت سيـارة ما طـولنة وقف سيارة بمڪان هادء وڪلش حلوو بخضارة وطبيعتة چان خالي مبي أي بشر

نزلت من سيارة بحمااس وهوة مبتسم ؏ حماسي المبالغ بي ڪلش طفرت ؏ وردة بلون لأبيض قلعتة من مڪانهة نزلت ؏ رڪباتي ڪدامة وهوة مصدوم

رهف: تقبل تزوجني؟

اخذ وضعية الـ أنثى خلاة ايدة ؏ حلڪة ولابتسامة شاڪة حلڪهة عود مصدوم

صاحب: استحييي شنو هاي عفيه

ڪعدت بلڪاع من ضحك وهوة أخذهاا مني فطست من ضحك ؏ ردة فعلة

وچـان موجود بحيرة صغيرونة بس خلصت من فترة ضحڪي رڪضت ڪعدت ومديت رجلية بل مي بارد يخبل صحت بصووت عالي

رهف: صـووووبيي تعال
- نوب صـووبي
رهف: فووك ما أدلعك يـا بذات

ڪعد قريب مني ونزل رجلية بل مـي صدر صوت يدل ؏ استمتاعة بل مي ابتسمت بڪل للطافة

رهف: شڪد للطيف
- بعد روحي ؏ راسـي
رهف: تعرف اني احبك وأمـوت عليك
- ؏ راسي ؏ راسي

رهف: ؏ راسي شنو مو أڪلك احبك!!
- اي واني شڪلت
رهف: لا لا شقصدك؟؟
- والله ما أقصد شي
رهف: ڪووول ڪوول شنو قصدك؟؟

صاحب: ما اقصد شجلبتيي
- والله بديت تمل مني والله

انصدم يباوعلي واني عيوني متلئت بدمـو؏ فتح حلڪة يحجي واني فتحت حلڪي أبجي بصوت عالي
زادتت صدمتة ڪايل

صاحب: اشاقة حبيبتي صدك تحجين
- مليييييت منيييييي

ڪلتهة بجررة وبڪااء: وللعباس اشاقة وياج انتِ غير معلڪة بروحي

رهف: چـذااااب
- وداعت عيونج ساحلتني سحل

مسحت دموعي مبتسمة: يلة عادي سامحتك

ضحك بصوت عالي يباوعلي ڪال من بين وسط ضحڪاتهة

صاحب: صايرة طڪة ونص

أبتسمت ؏ ڪلامة تنهدت وفراشات داخل بطني تطاير
اعيش أجـمل للحظات مع أجمل أنسان دائماً اشڪر رب العالمين لأن رزقني هيج شخص

دقايق طويلة وڪمت من مڪاني نشفت رجلية وهوة يحجي ؏ أسرافيل وشڪد هوة راسة يابس وعنيد

صعدت سيـارة وهوة حرڪهة منطلق نزلني قرب جامعة طبعاً فوتت المحاظرات ڪلهة صارت بوجهي صديقتي نور ڪايلة

نور: يمعودة الـ متى هيج تبقين؟؟
- دزيلي المحاظرات فـدوة

تأفأفـت بتملل رادفة: والله ميفيدج هذا رجال ترا مبين واحد للعوب وأبو نسوان يضحك عليج يل عووبة

رهف: شبيج شنو يضحك علي!!
- ترا دتخربين مستقبلج بيدج علمود واحد يضحك عليج بڪم ڪلمة حلوة

باوعتلة ومزاجي حرفياً تعڪرر والقلق مصاحب گلبي
- عفيه ڪافي تمسلتين وحتى المحاظرات بعد ما اريدهم

نور: اسمعي مني وعوفيي هل چـذااب
- ڪافيييي معليج بيـهة
نور: المصلحتج احجي وذا ما عافج اسمي مو علية

گلبت عيوني بتمـلل وطلعت من جامعة اصلاً خلص وقت دوام القلق والخوف مبين ؏ ملامح وجهي اڪيد ڪلامهة غلط ابـ غلط صاحب مستحيل يضحك علي

رجعت للبيت وعقلي مو براسي حرفياً امشي عبالك وحدة سڪرانة صعدت الغرفتي شمرت نفسي ؏ چرباية ودموعي انهمرت ؏ خدودي.

••
دخلت بستعجال للجامعة اخخ يـا أيهم ؏ يوم يجلطني شرط يجلطني لا لا حـالف يجلطني اخاف أرڪض وعيب مشيت بستعجال فحطتت بسرعه بوجهي للقاعة ڪعدت أللهث من المشي سريع

للزمت الـ قلم وتوتري يغلبني دائماً بس ادعي رب العالمين يخلص لأمتحان ؏ خير ويعدي بلعت ريك بتوتر من صارت لأسئلة گبالي صارلي سبوع ادك بهل مادة

بحيث طـاحح حظي بديت أحل الأعرفلة واني دأحل صار ضل طويل فوك راسي وأصابيع أيدة ينقر بيهم ؏ طاولة دأڪتب علية

زااد توتري اڪثر والموقف انعـاد بلعت ريك للمرة لألف
مڪملة حل وهوة يـا رايح يـا جاي

وڪأن منتظرني ؏ أحر من جمر انو اخلص ححل واخيراً خلصت وڪمت اسلمة ورقة لأمتحان باوع الـ ملامح وجهي بدقة رادف بصوت خافت

بنيامين: بـناتي روحي للڪوفي احاجيج

تجاهلت طلبة وطلعت من الـ قـاعة چانت نيتي من لأول اروح للڪوفي بس من ڪال هوة هيج غيرت رئي
ورحت للحديقة ڪعدت ؏ مقعد اراجع المحاظرة جاية

واني دأراجـع المحاظرة حسيت بضل اسود فوك راسي حاجب عني ضوء شمس ساطع عرفتة هوة اجيت أڪوم بس ڪال بصوت حاد

بنيامين: خمس دقايق وألڪاج بمڪتي اذا ما اجيتي اطلعلي سالفة عليج بل ڪلية

باوعتلة بصدمة وللساني عجز عن النطق رجفت أدي بخووف ودموعي انهمرت ؏ خدودي ضليت اروح وارجع بتوتر وخووف شسوي

صدك هذا خبل ويسـوية بلعت ريك بخوف وقررت أروحح الـ مڪتبة مسحت دموعي وحرڪت رجلية رايحة بتجاة مڪتبة

وڪفت مقابيل باب مڪتبة والخوف تربع بگلبي مسحت وجهي وبڪل خووف وقلق من الراحح يصير
طرقت الباب طرقات خفيفة

سمعت صـوتة يحثني ؏ دخول دخلت ماأن شافنيي
ڪام من الڪرسي متجة نحوي بخطوات ثابتة سد الباب قافلة گلبي وڪع بين رجلي من الخوف وعيونة زايغة مسلطة ؏ ملامح وجهي ڪلت بنبرة خايفة وتلعثم رهيب

خديجه: الله يخليك لتسويلي شي خليني اروح ابوس ايدك

ڪال يباوع الـ ملامح وجهي: ما أسويلج شي بس اريد اوضحلج شـغلة

أومأت راسي ماسحة دموعي بأيادي ترتعش ڪال بحذر وڪأن خايف من ردة  فعلي

بنيامين: قبل أسبوعين موو قصدي اشوفج بهيج منضر
بس اجيت احجي ويـاج واعترفلج

سڪتت بالع ريك نطق وعيونة بعيوني

بنيامين: احبج خديجه والله ورايدج بل حلال

ابتسمت بسخرية أڪيد حالة حال غيرة من لأساتذة يضحڪون ؏ طلابهم ومچنت احبة ولا عندي أي ذرة مشاعر أتجـاهة

خديجه: تمام واني ما احبك ولا أريدك

ما انصدم ولا أنطة أي ردة فعل تقرب مني طابع بوسة
؏ خدي وشواربـة ثخينة طخت بخدي سرت قشعريرة
داخل جسدي وجسمي ڪلهة جمد من صدمة

ارتعش جسدي بخووف وصدمة ابتعد ماسح دموعي بطرف اصبعة الڪبير ڪال ببتسامة مرسومة ؏ ثغررة

بنيامين اطلعي برا يابة لا يصير بيج سڪر وحتى جهال بعد ما جيبين

فتحت الباب وطلعت رڪض من المڪتب وجسمي ڪلهة يرجف من هل مووقف المرعب بنسبة ألـي

من صدمة وهول الموقف رجعت للبيت مشي هل أنسان ناوي نـاوي يطلعني من ديني

دخلت للبيت واحتاريت ألمن اشڪي واڪول رقـية الـ بڪلبهة ؏ أللسانة وتحجي ماما أڪيد لاء أيهم فضيحة شرقية نيوز

قبل لا أصعد غرفتي ماما ڪالت بستغراب وتساؤول

رحمة: من جـابج يمة؟
- ماما اني اجيت مشي
رحمة: ما دڪليلي شعندج جاية مشي وين هذا العار أيهم

- عادي ماما وذاا
رحمة: ولكك أيـهموووووو

طلع ايهم من المطبخ ويطك بعلجة ستغفرالله

رحمة: باعي موو أبني هذا ابن الملاهي باعي الحرڪات

ضحڪت واني بأشد حزني وحيرتي وهوة گلب ملامح وجهة ويعلج ويتموع بحرڪاتة

رحمة: جـنة وحدة ڪ**

ضحڪت بصوت عالي وهووة ڪاال بصوت مايع

أيهم: أووي ههاي شبيج؟؟

صعدت الـ غرفتي بس صليت وسبحت نمت نومة أهل الڪهف للحد مسمعت صووت عالي وصوت ضحك وسوالف

أڪيد ضرغـام وأسرافيل وصاحب هناا باوعت للساعة وانصدم بيـهة بـ 10:9 شڪد ناايمة اني!!

صليت بسرعه ونزلت جوا وصدك لڪيتهم مجتمعين يسولفون ؏ شلون چـان ألتحاقهم وشڪد عانو وبشنو مرو أسرافيل ميسوالف هذا ضرغام الـ يضربة سوالف وطبعاً لازم يضيف بهارات

خديجه: الحمدلله ؏ سلامة

ضرغام: هلة هـلة بخدو حوزة باع باع شلون متغيرة

ضحڪت ڪاعدة بصف ماما ڪال

ضرغام: ههاي غيابي هيج مضعفج؟

أسرافيل: بيش الڪيلو انتَ؟؟

ضرغام: هسه خلينة نمضرط
- مضررط براحتك حبيبي

ضرغام: أي وچـان ورا هذا الأنفجار طفل هل ڪدوتة

صاحب: ياا طفل يمعود عمرة 15 سـنة
- موو بشرفك علية أفشار لا ألة ألا الله يفووق أسر بل فشاير يفوقة
صاحب: اي والله لازم أي ڪلمة يڪولة وياة تفشورة

أسرافيل: بس مو طفل الڪو** ذڪي
- خطيه وهسه هووة وين؟
أسرافيل: سلماناا للقضاء وسجنو يمڪن بعد ما أدري

ضرغام: ولڪم اني امشي ولڪيت عبووة ڪتلهم ڪلڪم وخروو واني اضحي بنفسي

صاحب: طـاارر الفيل ڪضوو

متتت من ضحك عليـهم ڪال: لا بداعت رهف خليني احجي

صاحب: اڪل نعل ادبسزز لا أڪوملك حضك اطيحة

أسرافيل: ول يـاابة الفرخة خط احمرر عندة

صاحب: انتَ همم انچب لا حلڪك اشڪهة والله

ضحڪت ؏ ردة فعلة المبالغ بي حرفياً يعشق تراب تمشي عليـهة ويغار علية من نسمة الهواا التهب

أسرافيل: اهووو ضل يمضررط
صاحب: موو أڪووم تعرف شسووي
أسرافيل: عوود تخوفنيي؟؟

صاحب: يعني اڪووم؟؟
أسرافيل: لا يـابة اشاقة والله

رمقة بنظرة حادة اتوقع مزاعلين هيج شي لأن مبين ؏ وجوهم ڪل ما يجيـنة صاحب أسرافيل يڪعد بحضنة

ضلوو شويـة ڪاعدين وبعدين ڪامو وضرغام دك ألة أمي تزوجـة صاحتتت امي

رحمة: يييييوي شلووون بلة اصنعلك بـنية
أسرافيل: والخلقج ميت ؏ زواج بغير شي..

غمز الـ ضرغام بعينة اليمنى وصاحب ضل يستغفر اعتقد فهم قصدهم عڪسي ضليت احلل شنو قصدة وما وصلت الـ نتيجة.

••

انفتح بـاب الـ غـرفة التفت بعيونة علي شعرة مخربط وعيونة ناعسة ڪال بصووت نـاعس

أسرافيل: بيش سـاعة؟؟
- 5:50 دقيقه

هـمهم بتفهم دخل للحمام غسل وطلع رجع للغرفة غير ملابسة ڪال

أسرافيل: لا تسوين أڪل اشتري من برا

هـمهمت بتفهم رجعت نظري للتلفزيون طلع قافل باب شقة وراا ضليت اباوع ؏ تلفزيون للحد مغفيت ؏ ڪرويتة

فزيت باوعت للساعة وقت متأخر سمعت باب شقة ينفتح سويت نفسي بسابع نومة خلة مدري شنو ؏ طاولة ودخل غير ملابس وسبح طلع ينشف بشعرة

ڪعد ؏ طرف الڪرويتة وخر شعري عن وجهي وبأصابع أيـدة يتلمس شفايفي نزل الـ مستواي حسيت بشفايفة قريبة ؏ شفايفي

اعتصرت للحاف بيدي حاولت أبين اني ما ڪاعدة وصدك نايـمة.

بس انصـدمت صـدمة عمري مـن...

يتبع..

احم بـارت بوقت متأخر تقريباً ساعة بل ثنتين ألة ربع

فضولي وقلقي ؏ طفل ابو العبوة ناسفة خلاني أسأل وين صـفة بي الوقت ونزلت الـ محادثة بيني وبين أسرافيل ؏ انستغرام وتلڪرام الـ يحب يعرف وين صفة بي الوقت.