وحش بابل الفصل التاسع وثلاثون 39 - بقلم ايات محمد

ســــــــلام عليڪم

لا تنسون التصويت، تعليق، متابعة الحسابي ♥🎉

" وراء ڪل انثى عظيمة نفسها ثُم نفسها "

ــــــــــــــــــــــــــــــــــــــــــــــــــــ

أخترقت أجفان عيوني ضوء الشمس الساطعة، مسببة الي الأنزعاج، نڪمشت ؏ نفسي أتأفأف من قوة الشمس المزعجة، وبعد معاناة دامت دقائق طويلة ألتفت براسي، وأيدي تتصفحص مڪانة

توقفت أيدي من سمعت أصوات قطرات الماء تابعة للحمام، ديسبح طبعاً، ڪمت من فراشي غسلت وجهي وغيرت ملابسي ونزلت،

أمشي ؏ بايات الدرج، بتملل صبحت عليهم ڪاعدين بعدني واقفة ؏ أخر بايـة، وأشوف أيهم يدعس الأڪل بحلڪة ما اعرف ؏ شنو مستعجل، غمزلي بعينة ابتسمت ، عاطتت بي خالة رحمة ضاربتة ؏ ڪتفة

-رحمة: ولڪف شني ما شايف؟؟

اردف وفمة مملوء بل اڪل، زين ما اختنك وهوة يڪول ڪلامة الما مفهوم

-ايهم: جوعان يوم جوعان حلمت ما ماڪل اسبوع وانتِ مشترية هايشة ورابطتني بصف الهايشة

ضحڪت بصوت عالي، اباوعلة وهوة ممهتم يجيب ويدعس بحلڪة، رقية تضحك بهدوء واني ضحكتي رنانة، كالت خالة عاضة شفتهة سفلية من صوت ضحكتي العالية

-رحمة: ولج ينزلج ينعنع ضلوعج

رفعت اڪتافي بعدم مبالاة، ألتزمت الصمت ثواني وحسيت بخطوات وراي، التفت اشوف اسرافيل ينزل من أعلى درج، بينماا قطرات من الماء تنزل من شعرة الغرابي مروراً الرقبتة لابس برمودة وفالينة نص ردان

رجعت انظاري ألـ أيهم ڪام من سفرة يشيل روحهة ويركعهاا بل كاع، ويعيط بصووت عالي

-ايهم: زوجونيييي زوجونييي مالي علاقة هسه اريد مرة هسه تجيبولي حتى نصعدد اني وياهة نسبح وننزل

ارتفعت زاوية فمة الأسرافيل ببتسامة ساخرة، واني اضحك علي حرفياً ملح البيت أيهم، اردفت خالة بهمة

-رحمة: امشي كدامي اجلفك بليفة وصابونة ركي اطلعك زبد

متت من ضحك علي، وهوة أللتزم الصمت يباوع الخالة بنظرات عدم أعجاب، رجع ڪعد ياڪل وكال

-ايهم: شنو هية يمة اريد اعرس يومية انزل احك براسي

-رحمة: يجوز بيك گمل يمة تعال احط نفط شعرك

باوعلهة بطرف عينة وأني اضحك سينماا بلاش، اردف أسرافيل مقاطع صوت ضحكتي الخافت ههل مرة لأن هوة موجود

-أسرافيل: بطتي سويلي چاي گهوة اي شي راسي يوجعني

أومأت راسي ببتسامة خفيفة گايلة:- اكل لگمة وراح اصبلك چاي

هز راسة بـ أيجاب، ورقية ڪالت:- حبيبتي حرري چاي بارد

أومأت براسي خليت چاي ؏ نار، انتظرة يحمة، دقايق وطفيت طباخ، صبيت بڪوب واخذت صمونة تحركت رايحة بتجاة، خليتهم گبالة، ابتسم أبتسامة شڪر،

من خلص صعد غير ملابسة وطلع، مررت ساعة تقريباً وأني ڪاعدة ؏ كرويتة بملل حرفياً، ومخلية ايدي ؏ خدي، ڪالت رقية كاعدة بصفي

-رقية: شسوين؟؟

-جوارح: وعلي فد ضووجة ملل وين اروح

هززت راسهة توافقني الرأي، ڪالت

-اي والله امس اختي حوراء كالتلي ؏ تطبيق مال قصص تنزلينة تقرين بي انتِ فارغة؟

-شنو من تطبيق

-ما اعرف هسه اخلية دزلي الرابط ودزة الج

همهمت بتفهم، ضلينة نشتغل حرفياً شغل البيت ميخلص ابداً، لازم يومية ڪنس ومسح وبيتنة ماشاءالله ڪبير فـ يتعب بل شغل، سوينة غدة بس كملنة لڪل رجع من شغلة ملتمين ؏ سفرة بـ ستثناء اسرافيل ماڪو

-آدم: اسرافيل خابرج؟

-لا والله من طلع من صبح الي هسه

أومأ براسة رادف:- تمام

رجعت أڪل، شي طبيعي دائماً يتأخر بل شغل ومرات يجي ؏ غدا ومرات ميجي، من خلصنة غسلت المواعين
بين ما اغسل المواعين دخلت رقية گايلة

-دزيتلج الرابط

ابتسمت بـ أيماء، خلصت غسل المواعين وصعدت للغرفة بحماس اشوف شنو موضوع ههل تطبيق دخلت علي بعد ما نزلتة برنامج بلون البرتقالي، ربطتة ؏ أميل
طلعتلي اشڪال القصص وأني ما اعرف من ادخل ومن اطلع

نزلت استعان بصديق، ڪعدت ڪدام رقية جاهلة استخدامة، وهيه هم ضلت اتصفن ما تعرف شنو سوي
اتصلت ؏ أختهاا حوراء، وهيه علمتني علي،

رجعت للغرفة اقرا، بـ أحداى القصص وچانت مال مافيا
اندمجت للدرجة محسيت شوڪت صار دنياا اليل، أجة ثاني يوم ونفس الروتين ماڪو شي يستحق الذكر

دنيا ليل، وأني ممطولة وعيوني متوجهة للتليفون اقرا بنفس القصة بـ أندماج، وأسرافيل ڪاعد يشتغل ؏ المكتب،

قاطع أندماجي صوتة المتسائل وعيونة متمرڪزة نحوي

-شسوين انتِ صارلج ساعة؟؟

جاوبت بعدم مبالاة:- ما أسوي اقرا قصة

-قصة شنو؟

رجعت خصلة شعري ورا أذني بتوتر، وهوة لاحظ توتري
ألـ مالة فائدة، اردفت

-هاة هذا برنامج مال قصص

نفث دخان جڪارة المتوسطة شفايفة الوردية، مد أيدة گايل

-جيبي

بلعت ريكِ رغم ممسوية شي غلط، بس اتوتر أذا حقق وياي، ڪمت من مكاني اقتربت منة مخلية جهاز بيدة
ضل يگلب بي واني واڪفة مثل طفلة مرتكبة خطأ وتنتظر عقابهة الصارم، ما أعرف شديسوي بل جهاز دقايق ورفع راسة گايل

-منو ڪال ؏ ههل تطبيق؟؟

من شدة توتري المبالغ بي اردفت بصووت مسترع

-أيهم أيهم ڪال

همهم بتفهم مرجع المبايل بيدي تنفست براحة ڪال

-ماشي كملي بس دير بالج ؏ عيونج

أومأت براسي، راجعة المڪاني وهوة كذالك تمدد مخلي الابتوب بحضنة، مد أيدة ابتسمت بتساع مخلية
راسي ؏ ايدة وهوة ضل يشتغل بيد وحدة بينماا اني اقرا بأستمتاع،

فترة طويلة وأني اقرا، برنامج حلوو صراحة طفيت المبايل مخليتة فوك راسي، تثاوبت بنعاس نايمة، بتعب عبالك چنت أحش، ڪعدت ؏ صوتة وهوة يگول

-عيارة نسوان انوب ڪامت تقرا قصص مافيا

فتحت عيوني بنعاس، اباوعلة بأنزعاج، قاطبة حواجبي
رجعت راسي ؏ صدرة العاري، استمع الدقات گلبة، حاولت ارجع أنام بس فشلت، ڪعدت بحضنة، محركة أنفي ؏ صدرة العاري اجتني رغبة أسوي هيج

-احرك عشيرتج واخلي صياحج الوادي سلام هسه اذا تعيدينة

ضحڪت اباوع ألـ ملامح وجهة الوسيمة، اردفت من بين ضحڪاتي

-ههههه صباح الخير حبيبي العنيف

-صباح النور المتحرشة من صبح

رفعت حاجبي لأيمن بعدم أعجاب الڪلماتة، بحركة سريعة مني طبعت بوسة ؏ رقبتة، وشردتت من حضنة قبل لا يلزمني، دخلت للحمام اتكئ علي واسمع صوتة يعيط ويفشر، ضحڪت استمع للفشار مالة

سبحت وفرشت أسناني، بعد ما خلصت للفيت منشفة ؏ جسمي وطلعت من الحمام داعية بگلبي يڪون ما موجود، وفعلاً ما لڪيتة، للبست ملابس ونزلت جوا نفس الروتين المملل

بينماا أني نايمة أگلب بل مبايل وتحديداً بل وتباد، طخت سالفة بالي اعرف سالفة مستعصية بس أن شاءلله تتحقق،

دخلت للحمام سبحت ونشفت شعري، فتحت الڪنتور وطلعت سيت نوم بلون الأسود، كعدت ڪدام المراية ارسم مڪياج خفيف ؏ وجهي، باوعت ألـ نفسي بأعجاب، رشيت عطرر هادئ

مرتبة شعري ألـ نازل ؏ أڪتافي، انفتح الباب رفعت راسي وچان هوة سد الباب رادف ببتسامة

-هلاا بالخميس

ضحڪت گايلة بدون خجل:- هوة ڪل يوم عدنة خميس اني وياك

اقترب ڪايل وخطوات تتجهة نحوي:- لا اليوم غير حبيبي طالع عسل بل أسود

ابتسمت اراقب تحرڪاتة، احتضن خصري من ورا طابع بوسة خفيفة ؏ رقبتي مع استنشاقة العطري بهوس، دارني ألة اخذ شفايفي بوسة طويلة شالني مخلينيي اطوق خصرة بأرجلي، متجهة بية ناحية ألـ چرباية

رجعت خصلة شعري ورا أذني، رادفة بأنزعاج بعد ما شفتة سحب جڪارة مثبتة بين اسنونة،

-لا دخنن

-بعد ههل تعب ينراد ألهة جڪارة

-أمممم أسر

-هدب عيونة

-اريد أڪلك شي

-بي ضوجة وبسطة الج لا دكولينة وذا بخصوص الحمل
لا دڪولين فلانة كالت روحي الشيخ نعال وشيخ طرڪاعة اخنك هنا

نفيت براسي، نفث دخان السيڪارة، يباوعلي بعيونة سوداوية ضميت شفتي داخل حلڪي بتوتر، رجعت خصلة شعري ورا أذني مرطبة شفايفي بل للساني كال

-لا لا ابد مجرد موضوع اطرحة عليك

-اذا هيج ڪولي

-أحمم هوة شوف اني راسلت بنية علمود نڪتب قصتنة اني وياك

راسة ؏ مخدة وجڪارة مثبتة بين أصابعة، بينماا نظراتة تارة تتوجهة نحوي وتارة ناحية السقف، لڪن عندما اردفت ڪلماتي، صار فوڪاي يباوعلي قاطب حواجبة بعصبية نوعاً ما اردف بصوت حاد متسأل

-شسويتي؟؟

بلعت ريكِ متوترة واردفت احاول اتفادى نظراتة الحادة

-عادي شبيك ليش هيج يعني اذا متقبل أڪولهة ميقبل

-تراسلين البنية مدري مرة وتحذفين كلشي مفهوم

بصق ڪلماتة وهوة يضغط ؏ خصري، هزيت راسي بمعنى"مفهوم " أومأ براسة مبتعد عني، ڪمت من مكاني بعد ما أللقيت علي نظرة زعل،

حتى ما تسواا للبستي للسيت الأسود،
سبحت واني أدردم معاجبني يعني وذا ڪتبتهة شراحح يصير مثلاً تنگلب الدنياا والله يالله،

نشفت جسمي وشعري للبست ملابسي ونمت مبتعدة عنة، ڪعدت الصبح ؏ صوت خديجة، بس شافتني فتحت عيوني صرخت

-يمـااااا صباح العافية الصديقتيي الداافية

بل للحظتة ضايجة بوستة طابعة بوستين ؏ خدهاا، ورحت غسلت وجهي وفرشت اسناني نزلت جواا ڪاعدة گبالهة ورقية وخالتي كاعدات همم

-شخبارج بعد عمري؟؟

-خديجه: زوينة وانتِ

-الحمدلله وزعاطيطج وين؟؟

-موجودين حبيبتي شنو اخبار السيد أسر

گلبت عيوني بتملل من اذڪرت البارحه ما يسوا السيت الأسود والمڪياج استغفرالله ياربي، لويت حلڪي رادفة بعدم أعجاب

-زيين

ڪالت رقية، بينماا خدو كاعدة تباوعلي والأبتسامة ممفارڪة شفايفهة

-هاا مبينة من لويت حلڪج اكو شي

-هفففف بنات كتلة خل نكتب قصتنة ما رضة فوڪاها يكرصنيي

فتحنن افوهاً بصدمة، ڪل وحدة منهن دمغت ڪصتة منعت صدور ضحكتي واني اشاهدهن، ڪالت خدو مرة للخ مضاهرة عدم السمع

-شسوين؟؟

-شبيج عادي نڪتب قصتنة اني وياج وهوة وحتى ايهم ونبث حنان خالتيي

رفعت راسي ناحية خالة ببتسامة ماڪرة هزت راسهاا بنفيي ڪونهاا عرفت شنو ألي باليي عطتت

-خاااالة ساعديينة

-عفيه اعفينييي هل مرة

اقتربت ڪاعدة ابصفهاا اتوسلهة بنظراتي ونبرة صوتي

-عفية خاالة فدوة أدخليي

-ولججج شدخلل

-اقنعييي

اردفتت ڪلماتي بتوسل مفرط، وعيون بريئة باوعتلي متنهدة بصوت عالي، ڪالت

-خديجه: صراحة عجبني الموضوع راح اكول الزوزي علي

-رقية: أحاول اقنع آدم وذا كال لاء ما الح علي

-جوارح: غاسلة ايدي منج أنتِ رقية

-خديجه: عوفج من ههل موضوع شنو أخر التطورات

-جوارح: ماڪو كل تطورات

-رقية: هية تطلعع تمشيي احسدهاا ؏ صبرهاا

چانت تقصدني بحجيهاا، ڪالت خالة مأيديهاا بل موضوع

-رحمة: اي والله يمة مال هسه واحد يمشي للزيارة

-جوارح: هسه اقنعي ابنج وبعدين عادي نمشي

عاطتت خالة وخدو بصوت عالي:- أنحاااووول

ابتسمت بأنتصار، وحرفياً اسبوع ڪامل احنة نقنع بي وهوة قافل لاء يعني لاء، طگت روحي درجة ڪرهت القصة ڪلهة بس ما استسلمت طبعاً،

نزلت جواا، مغندبة بعبوس، ڪعدت ؏ ڪرويتة وادم موجود باوعلي يعرف شنو سبب للعبوس الـ محتل ملامح وجهي

-آدم: تنحل

-شلوون؟؟

ابتسم بمڪر، مطلع تليفونة من جيب البجامة وڪال

-هسه اتصلج بـ ضرغام يفرلج راسة فرر

أبتسمت بحمااس عاضة شفتي سفلية، اتصل علي فاتح سبيڪر، فاتحة بل موضوع وضرغام متحمس حتى اڪثر مني، يطك اصبعتين ويصيح

-ضرغام: راح ننشهر راح انصير مشهورين راح يطش العرض

-آدم: دبرهاا وي صاحبك المتعجرف وتصير مشهور

دك ضرغام صدرة متڪفل بأقناعة، وادم يباوعلي وڪأن يكولي "هاة وهسه رضيتي؟" ضحڪت بصوت عالي وهوة ابتسم للضحكتي،

مرر يومين بل فعل، وأحنة ملتمين بـ صالة نسولف بنفس الموضوع أقناع أسرافيل حتى انشر القصة، نزل أسرافيل من أعلى درج مرر عيونة علينة مستغرب ڪمية الأنظار المتوجهة نحوة، سرعان ما استوعب زافر
انفاسة

-رحمة: بشر يمة النواب صوت ؏ قرارك لو لاء؟؟

باوعلهة أسرافيل بنظرة خاطفة داعس أدية بجيوب البجامة، فغرر شفايفة رادف بعجرفة

-موافق بس بشروط

-رحمة: عاد شروطك انتَ ما تخلص

-ماڪو صور والا أسماء حقيقة ماڪو هوية وهل سوالف ماڪو عنوان

-جوارح: ڪلهن اكولهن للبنية والله بس انطينة موافقتك

وجهة نظراتة ألي رامقني بنظرة حادة وڪال:-
-حسابج بعدين

ابتسمت بتساع ضاربة ايدي بأيد أيهم ألـ هلهل بصوت عالي، ومن حماسي راسلت الڪاتبة اخرط الهة الأول وتالي وهوة رجع صعد،

بليل دنعشة وأني فد فرحانة لأن وافق انشر قصتنة طبعاً الفضل ڪلهة ألـ خالة رحمة، وادم، وأيهم وضرغام
وأليي

رفعت راسي وشفت شهد والحشد مالهة والله عجيبة ههل مرة ڪل راس سنة تجيب طفل، سلمت ولڪل رد عليهة بستثناء أسرافيل الي تجاهل وجودهاا اصلاً

صارت ههوسة وأطفالهة يتعارڪون هذا يجر بشعر للخ وهيه ولا همهاا كاعدة وتوزع نظراتهاا علينة، شلنة السفرة

بقيت اغسل بل مواعين، وهيه تشتم الخبر شم والله ما أعرف شلون تعرف بلي يصير بل بيت وشلون توصلهة الأخبار رغم محد يحجي ألهة صرت أشك مخلية ڪامرا
تراقبنة شنسوي ما نسوي

-شهد: والله ناس سمعنة يردون ينشرون قصتهم انشهرنة صرنة بحلك ڪل واحد الـ يسوا ولما يسواا

-خديجه: شعليج محد جايب طاريج محد ينشرلج شي

-شهد: ؏ اساس تڪدر حتى اشك حلڪهة

أسرافيل صعد للغرفة بس شافهة اجت هيه وزعاطيهاا
ابتسمت بسخرية استمع ألـ ڪلماتهة تحولت ابتسامتي للضحكات ساخرة، وهيه انطعن وجهة طعن، التفت براسي اباوع للرقية وهيه تعضلي شفتها سفلية بمعنى اسڪتي

ألتزمت الصمت، تعلمت ؏ أسلوب التجاهل لأن ماڪو أحلى منة حرفياً، خلصت غسل المواعين رتبت المطبخ وصعدت للغرفة،

دخلت للحمام سبحت وللبست ملابس نوم، طلعت من الحمام انشف بشعرة، مشطت شعري وتوجهت للچرباية التفت يباوعلي واردف ببتسامة ماڪرة ساحبني للحضنة

-عقابك يحلوو

باوعتلة بنظرات بريئة عساا ولعل يتأثر بنظراتي، شفت خيال أسود ورا الباب، طبعت بوسة ؏ طرف شفتة، مأشرة بأصبعي ناحية الباب، وقبل لا يڪوم سمعنة صوت بت شهد دڪول "نزعيني اروح للحمام"

سحبتة من ڪتفة وهمست من بين شفايفي بصوت خافت:-

-لا تروح

-استقري

ضحڪت اباوع ألـ ملامح وجهة چان يقصد البوسة سحبتة من فالينتة، وڪع فوڪي، اني جبتة الـ نفسي وجهي ضل ينطي ألوان، اباوعلة بغباء، بلعت ريكِ بتوتر

مرر عيونة ؏ ملامح وجهي وضحك بصوت عالي بينماا تفاحة آدم تتحرك صعوداً ونزولاً، اجتي رغبة اطبع بوسة عليهة وطبعاً ما خليتهة بنفسي بست تفاحة آدم وعطرة تسلسل الـ أنفي

للعبت نفسي من عطرة، والقيء وصل الحلڪي ابتعدت عنة ارڪض للحمام، تقيئت كلشي أكلتة لليوم، أحس راح استفرغ أمعائي، سمعت نبرة صوتة القلقة

-شبيج يـابة هدب عيني

أشرتلة بأيدي يطلع اڪره يشوفني واني استفرغ، رفض مقترب مني حاول يمسد ؏ ضهري ابتعدت اغسل وجهي وحلكي، رجع سأل

-شبيج؟؟

رفعت اڪتافي بعدم معرفة رادفة بصراحة امسح أدية
بل منشفة المعلڪة بدهاليز حديدية

-ما اعرف والله بس شميت عطرك تقيئت

-جوارح خاف حامل؟؟

باوعتلة بعدم تصديق أني حامل؟؟
لا صح دورة شهرية متأخرة وصار ألها فترة مجاية بس ممعقولة حامل، لاحظ شرودي اتحرك طالع من الحمام لحڪتة رادفة

-وين وين رايح؟؟

-اجيبلج تحليل واجي

للبس ملابسة عبست ملامح وجهي رادفة بحزن

-اسرر وذا مو حامل

-ألـ علينة نتأڪد

طلع من الغرفة تارك الباب مفتوح، ڪعدت ؏ طرف چرباية أحس ممصدكة اطلع حامل ممعقولة حرفياً، رفعت عيوني من شفت شهد مرت من الباب هزت أيدها وغمتني

تجاهلتة مرجعة عيوني للنقطة الفراغ بترڪيز، دخلت خالة رحمة ڪالت

-شبيج يمة شبي رجلج طلع مستعجل وانتِ وجهج اصفر

-مادري خالة بس تقيئت شك اني حامل وراح يجيب تحليل حمل

-يالله رحمتك الواسعة وانت الرزاق أن شاءلله

بقت يمي واني اهزز رجلي بتوتر مرت ربع ساعة تقريباً ودخل اسرافيل بيدة علاڪة، اردف

-ڪومي

اخذتهم من أيدة بتوتر، دخلت للحمام حللت أول واحد طلع أيجابي والثاني همات أيجابي وثالث ورابع أيجابي
عضيت شفتي سفلية بفرح، سالت دموعي ؏ خدودي بعدم تصديق، طلعت من الحمام وصار بوجهي اسرافيل

-اسرافيل حاااامل

اتسعت أبتسامتة ضامني صدرة، وطبع بوسة ؏ جبهتي
ابتعد عني يباوع للدموعي تتساقط ؏ خدودي

-عليمن تبچين

-رحمة: باجر روحي وتأڪدي

أومأت براسي وهوة محتضني ألصدرة، طلعت خالة وهوة دخل يسبح من العطر، أخذني بحضنة يطبع بوسات متفرقة ؏ وجهي

رحنة ثاني يـوم للدڪتورة، وفعلاً حللت وطلعت
حامل، تأكدنة من الحمل وصارلي شهر ونص تقريباً

-دكتورة: بس أكلي عندج فقر دم

-جوارح: أن شاءلله اڪيد

-دكتورة: ألف مبروك

تشڪرت منهاا وطلعت من العيادة، اخذنة علاج ورجعنة للبيت، وحرفياً لڪل فرح بل خبر

مخلية راسي ؏ صدرة أرسم دوائر وهمية، بينماا هوة يدخن وبل أيدة الثانية يمسد ؏ خصلات شعري

-راح تلتحق ومنو ياخذني مرة ثانية للدكتورة

-عادي عمري ارجعع اذا ما التحقت

-حسبت تلتحق

-أمي آدم ايهم ڪلهم هناا

أومأت براسي ببتسامة رادفة:- صح ما يقصرون

مر شهر ؏ خير وأني حرفياً مدللة، ورقية متخليني اشتغل، گوة اشتغل وياهة وأسوي اشياء بسيطة جداً
ألتحق اسرافيل وهوة يوصي علية،

رحنة للدڪتورة اني وخالة وأيهم، الي كضاهاا تصنيف علي واني اضحك، وصلنة وأجة دوري دخلت ومچانت نفس دڪتورة مغيرينهة، فحصتني وكتبت الي علاج ثاني

رجعنة للبيت وأسرافيل مسوي مؤقت للوقت العلاج ويتصل بية حتى أشربة، وهڪذا مرت أيامنة، مر تقريباً
3 أيـام، وحسيت بشي ساخن ينزل من بين رجلية وجع داخل بطني

گلت ألـ خالتي وهية ڪالت:- ما عليج دم ثبات هذا

رغم ڪلامهة بس ضل گلبي يوجعني، رجعت صاعدة للغرفة والمبايل بيدي اقرا بقصة، حسيت بدفعة وشي ساخن ينزل من بين رجلي، وخرت للحاف وعيوني جحضت من المنظر

الدم يملئ الچرباية، وجع بطني مو طبيعي احس أمعائي تڪطعت، صرخت بصوت عالي

-خااااالة رقييية فدوة

بچيت وفڪرة اخسر أبني الي بداخل احشائي ترعبني
دقايق وصعدت رقية تلهث عطتت بصوت باڪي

-الحكي الحكي فدوة ابني راح يروح

چنت مرعوبة بهل فڪرة نزلت انظاري، وشفت قطعة حمررة مثل الڪبد بل ضبط، اكيد هذا أبني صرخت للدرجة احبالي صوتية تقطعت، ورقية شالتة ملفلفتة بل للحاف،

خذوني للمستشفى وطلعت دڪتورة منطتي علاج مال جرثومة بل رحم، أسرافيل تخبل ورفع دعوة قضائية عليهة ما اعرف بعد بشنو يفيد بعد ما خسرت أبني چنت منتظرتة ؏ أحرر من الجمر والأمل الي بداخلي نعدم

ضل يمي طول الوقت يحاول يواسيني ويطلعني من الجوا الڪئيب ألـ أني بي، وڪان يگولي اني ماريد أطفال وههل شي ڪذب يريد بس ميريد يقهرنيي

مررت الأيـام والأسابيع والأشهرر، ما نسيت الموضوع بس تناسيت، والحمدالله

أجة محرم الحرام واني حالياً واڪفة اخوط بل هريسة
وأيهم لازك نفسة ألة يريد يخوط، جرتة خالتي منيي وهوة يعطيط ألة اخووط غميتة بل هواء

ورجعت لازمة چفچير ڪبير الحجم، اخوط بل هريسة
وخالتي ڪل ساع وڪالت

-ينطيج مرادج أن شاءلله ويترس حضنج اطفال

ابتسم بتساع ؏ دعوتة الحلوة وأن شأءالله يتحقق دعائهاا، والحمدالله

نـــــــــهايـة...

انتهت رحلتنة وي قصة " وحش بابل"

إن شاءلله نالت اعجابڪم لأن هذا اهم شي عندي
ورغم ههواي ڪلام جارح يخص القصة بس هذا شي ميهمني😩🤌 حرفياً اهم شي متابعيني يحبوهة، وأڪرر واعيد القصة حقيقية مليون بل مية 😍🤍

لا تنسون تابعون قـصة " بين طيغات الدنُياا"

تابعو حسابي ؏ انستغرام:- uo.ya

انتهت يـوم الأثنين: 2023/8/7

ثيمالا♥..