رواية وقار إلمياس الفصل السابع 7 - بقلم الكاتبة نور المنتهى

باهر : بصوت عالي! ههههههههه حشاشة

زُها : ليش تضحك ؟

باهر : بكيفي

زُها : درت وجهي عنا! اي بكيفك تفضل أعبر

أنغام: طلعت أني وشهاب حتة يوصلني وشفت زُها واكفه منتضرتني وباهر واكف يمها رحت ركض !

عزااااا باهررر هلااااا بيككك

باهر : حضنتها ! فدوة روحلج شلونج

أنغام : بدموع واشتياق! طك گلبييي عليكمم ولله

باهر : احنة هم شلونك بكوع

شهاب : رجاً بدون حضن وبوس تلعب نفسي

باهر : هههههههههه سويلي فضل ولله

زُها : اباوع شلون أنغام تحضن بي وتتلمس بوجه وشلون لهفان گلبها على اخوها شكد اتمنى أعيش شعور الإخوان بس الحمد لله على كل حال

ءحم يله أنغام راح نتأخر وضروري هاي آخر مرحلة ولازم منفوت امتحان

باهر : يلة خوية توكلي على الله من ترجعين اشوفج

أنغام : بست ايدا ! صار يروح اختك

يله زُها تعاي

زُها : صعدنا بسيارة وي شهاب وإني وأنغام كعدنة ورا !!

اكولج

أنغام : كولي حبيبتي

زُها : صدك هذا الون نشاز ومو حلو ؟

أنغام: منو كلج هل كلام بلعكس يخبل طالع عليج وأبد مو نشاز بس ليش هيج كلتي

زُها : صفنت شوية! اخوج يكول نشاز ومو حلو

أنغام : باهر ؟؟

زُها : اي

أنغام : صدمتيني صراحة لئن باهر ولا مرة ركز بلبسنة لو انتقد لون لو لبس خاف يشاقة

زُها : هففف اسكتي ولله ما يشاقة يحجي صدك

شهاب : خاف غيران

زُها : شلت راسي بصدمة ؟؟ يغار بربك أسكت شنو يغار ناصبين علية اليوم

أنغام : هههههههههه صدك ولج خاف يغار

زِها : منا اخوج لازم احترمج فا سكتي أحسن

وصلنة نزلنة عفتها تحجي وي شهاب ورحت بقهر أمشي بساع دخلت للمحاضرة

جعفر: تاخرتي

زُها : مارديت علي

جعفر : شبيج ضايجة ؟

زُها : التفتت إله! لون ملابسي مو حلو ؟

جعفر : ههههه لا أنتي كلج تخبلين

زُها : أني مسألتك علييه سئلتك على لووون

جعفر : اي حلو شبيج كابه اليوم

زِها : دخلت أنغام وباوع لمرام كاعدة تخزرني

__________________________________

فردوس: كاعدة واجة عماد ! هلا يمة كواك الله

عماد : فدوة اروحلج يلغالية ! باهر اجه مو

فردوس: اي عمت عيني اجة شصاير بحاله تعبان كعد يمنىَ وراح سبح ونام شنو شلونك انتَ يمة جنك عندك حچي

عماد : مسحت على وجهي ! هههه تحسين بيهَ عندي كلام وياج ورئيج مهم خاف متقبلين يمة

بس أهم شي أريدج تكونين هادئ

فردوس : يمة صخام صخمج فردوس احجي ولك شصاير

عماد : لا يمة شسالفة على كيفج ! شوفي يمة

أني مو شغلي بشمال هناك تعرفت على وحده وحبيتها

فردوس : اي يمة ؟

عماد : اي وصالي ٦ أشهر من زوجتها وما أعرف شلون افاتحكم بلموضوع

فردوس: ولككك وشلوووون ما دكلي هااا بعدني عايشة ماميتة تررة

ماودلي بزر بطني يزوجون ويستقرون بلعكس يا يمة

افرح

عماد : وهسة زعلانة مني لئن ماكتلج ؟

فردوس: أي

عماد : شسوي وترضين عليه

فردوس : تجيبها للبيت وتستقر وياها هنا لو مالي حق اشوف چنايني وشوف احفادي

عماد : بفرحة ! صدك ؟ يعني اجيبها للبيت

فردوس: اي چا ليش ماجيبها بس أول شي غرفتك بدلها اشتريلك غرفة جديدة وإني هم أشتري نيشان للعروس اجهزه بلغرفة خل تحس عدك أهل وهيا عروس . هم نسيت أعلمك الأصول

عماد : تقربت يمها بست راسها ؛ فدوة اروحلج لاتحجين هيج ولله مو موضوع أصول بس خاف متقبلين والبنية بعيدة

فردوس: چا شعلية يمة أني أهم شي انتم مرتاحين وتختارون إلي يسعدكم الاريدة منكم تشاركوني فرحتكم

عماد : الله يحفظج ويخليج خيمة النه

فردوس: فدوة غديلك بس لا دكول لحبوبتك مزوج

كتلك نجهز كلشي ونسوي عرس بسيط الكم

عماد : صار

______________________

مصعب : طلعت من المعهد وبدون تفكير رحت للكلية إلي داوم بيها طيبة بقيت منتضرها برا !

طيبة : طلعت من دوام لكيت مصعب كاعد بلحديقة مال الكلية!!

مصعب ؟ هاي شسوي هنا

مصعب : شسوي مثلاً هههههه تعاي اكعدي بصفي

طيبة : ضليت اباوع يمين ويسار! مصعب شدا تحجي لا تخبلني لا أحد يشوفنه شيكول

مصعب : اليشوفنه يكول ثنين عشاك

طيبة: شنو عشاك ؟ استغفررر الله مصعببببب

مصعب : يروح مصعب ههههههههه شو بلا عيديها شحلاتهه بحلكج

طيبة: باوعتله بصفنة! حباب روح أريد أرجع

مصعب : ترجعين وياي

طيبة: لاااا شنوو ارجع وياك ولك شو ماخذ راحتك فد مرة

مصعب : اهووو صحلهه رجل كالت أعور

طيبة: شنوووو عيد عيد كلامك

مصعب : هههههههههههه أكول صحلهه مصعب كالت أريد مهند شعايزني وماتحبيني

طيبة: عايزك أخلاق وتربية

مصعب : طيبو ! صفنت بعيونها من اباوع إلهه أروح لغير عالم أحس نفسي أغرك بعيونها

طيبة: لاتصففن شبيكك ترة افكس عيونك

مصعب : يلة ثيمالا

طيبة : عزااا عافني وراح ؟ هذا شبيي

براء : منو هذا ؟

طيبة : شبيججج طفرتيني من عابت لهل حلك

براء : ههههههه عليج الله منو هذا

طيبة: أخوي

براء : يخببببل شخصية ميدور بتت حلال

طيبة : ماعرف ليش حسيت دمي فار من كالت هيج !

لاااا يدورر بت نعال ديربااالج تحاولين تتقربين منا سمعتي لولا

براء : لاتجاوزين شبيج كبيتي شحجيت أني لو صايرة متتفاهمين امداج اي والله

عفتها ومشيت

طيبة : أستغفر الله هسسة أني شبيا خل تحبه يطبهم طوب

_____________________________

باهر : كعدت جسمي مكسر تكسر ، بقيت متمدد اتصلت على ٱلحسن

ٱلحسن : ها

باهر : شلونك شنو الأوضاع

ٱلحسن : زفرت بتعب! الحمد لله أحسن بهواي بس سجاد اصوب وهل يما أني

باهر : كعدت على حيلي ! بس لا حالته خطرة

ٱلحسن : لا يمعود لو حالتة خطرة جان اتصلت عليك وكتلك

باهر : الحمد لله وفهد شلون. صار خذتني نومة ماتصلت علي

ٱلحسن : ورا ما نزلت انتَ هوا هم نزل لبغداد

باهر : وانتَ شوكت تنزل ؟

ٱلحسن : هههههههه كون عندي مريةَ من أرجع انام على گلبها جان نزلت وياك

باهر: دوخت راس هههههههههه شلك بيها

ٱلحسن : لا ليش دوخة اذا تحبها وهيا تحبك حياتك أصير كلها وردية وتفاهم وحُب وما ودلك تفاركها

باهر : ما مرتاحلك أحسك تحب ؟ طلعت جكارة سحبت نفس !! اي أعترف بلهَ ؟

ٱلحسن : ضحكت بصوت عالي! هههههههههه احب وحدة بعدين أكلك عليها

باهر : وهيا تحبك ؟

ٱلحسن : ماعرف وحتىَ اذا ماتحبني غصباً عليها تحبني

باهر : كافي أعقل انتَ كلتها أهم شي تفاهم وحُب يعني مو إجباري تخلي المقابل يحبك

ٱلحسن : تحبني تحبني يلة أني حروح وي أبو كوثر بعدين أشوف شوكت أنزل

باهر : ماشي ! سديته منا وكمت من الفراش مشطت شعري ونزلت جوا

فردوس : توة نور البيت تعال ابوسك بعدني ما شابعه منك

باهر : ههههههه ولله أنتي النور افيشش حبوبتي كاعدة

فردوس: لا يمة نايمة عندي سويلفات وياك ؟

باهر : رفعت حواجبي صافن بيها!! ولله يمة شو چني مامرتاح لهاي سوالف

فردوس : هههههههه لا يمة سويلفاتي ماتخوف بعد شوي اكعد أني وياك ونسولف

باهر : هاي هيا تدللين يلة طالع شوي اكعد بلباب

خذيت كرسي وكعدت برا نص ساعة واجة شهاب ويا البنات نزلن كمت يمهم

هلا أنغام

أنغام : ولك فدوة لطولك أن شاء الله دوم ترحب بيا

زُها : يلة معه السلامة حبيبتي

باهر : تفضلي يمنا ام الأحمر

أنغام : يوووو باهرر صدك شنو دكول هل لون مو حلو

زُها : اشرتلها تسكت ما سكتت فضحتني !!

باهر : معليج فوتي جوا

زُها : مرت للخ لا تنطيني رئيك بشي البسهَ لئن طلعت ماعندك ذوق

باهر : تقدمت يمها أشرت على وجها!! شنو هذا الدود إلي بوجهج ؟

زُها : مثل المخبلة بقيت اتلمس وجهي ! وينننن دودددد ؟؟

باهر : ههههههههه وداعتج وجهج كله دود

زُها : من كلي هيج كبل طخت براسي يقصد النمش الي بوجهي ضليت ابجي ودخلت لبيتهم بساع وهوا بقة برا

خااااله

فردوس: يمة هلااا بعد خالتج شبيجج تبجين ولججج شصاير وياججج بسس لا امج بيها شيي

زُها : بدموع ! لاخالة اسم الله ماما مابيها شي بس باهر ! احجي واناشغ من البجي

فردوس: صخام بوجها شسواااا

أنغام : جاي ابدل وركضت على صوت زُها تبجي !! شبيججج زوزااايه

زُها : خالة الصبح يعيب على ملابسي وهسة يتنمر على وجهي يكول كلة دوددد

فردوس : يا يا يا طاح حضك بهير يروحلج سبع فدوات يغار منج ولله منين اجة دود وجهج شحلاته جنج العافية وهذا نمش حتة بحياتي ما شفت وحدة هيج حلو عليها نمش فدوة روحلج لاتبجين

وإني بس يجي ولله اصخم وجها هل ساقط

أنغام : هاج شربي ماي سودا عليه ولله اجوز يحشش عليج يشاقة وللعلم هوا مو طبعة يشاقة وهيج يسولف حبابة اعذرينة

زُها : لا عادي آسفة ولله بس نهاريت من تنمر عليهَ هيج ماحسيت نفسي إلى بجيت وطبيت ليكم أنتم الاعذروني يلة معة السلامة

فردوس: عمت عين روحي اطلعي وياها أنغام

زُها : لا يروحي انتي بسرعة طالعة ؛ بست خاله من راسها وبوست أنغام وطلعت بساع طلع بوجهي بلباب باهر

باهر : لزمتها من ايدها شبيج تبجين ؟

زُها : دفعت ايدا بحركةَ ! وخررر ديربالك تمد إيدك

عفتا ومشيت للبيت أركض دموعي ما نشفت

باهر : صدك شبيها شنو حجيت وزعلت ترة صدك وجها كلهَ دود !! رحت دخلت للبيت تلكتني أمي عبالك كاتل واحد من خواني

فردوس : ساااقط شلون تتنمر على البتتت هااا هيج أني مربيتكم ومن شوكت انتَ تتنمر وهيج تجرح مشاعر ناسس

باهر : شسالفة لاصيحين وبعدين ماتنمرت عليها كتلها ليش وجهج بي دود

فردوس : غميت كصتي ؛ ولككك ودكول مامتنمر هذا شيسموو رتاحيت من البت ضلت تبجي

باهر : خل تبجي شنو زغيرة هيا الحمد لله على نعمة العقل

فردوس: أمشي كدامي للغرفة

باهر : مشيت وياها لغرفتها طبيت وقفلت الباب

ها يلغالية كولي

فردوس : شوف أخوك عماد طلع مزوج صاله 6 أشهر

وكافي أريد أشوف ولدي مستقرين أريد غرفتة نجهزها نشتري جديدة

باهر : اي سهلة فرحت إله حتلو بسر مزوج هسة اني شنو المطلوب مني ؟

فردوس: تزوج هم

باهر : فتحت عيوني على وسعهن !! نعممم نعممم شنو كلتي

فردوس : تنهدت! أي تزوج شمنتظر اريد ازوجكم واحد ورا ثاني اذا ضل عليكم مابيكم خير

باهر : يمة تعرفين كلمتج عندي على راسي اخليها بس ماريد ازوج اني أصلاً ما مفكر ولا حاط النسوان بالي وأنتي تعرفين هل شي

أني تجيني فترات ازهك حتة من نفسي ترضيها اضلم بت العالم وياي يا يمة چا هيا مو هيج كالوها

فردوس : يمة وداعتك بت الحلال تغيرك للأحسن تشوف حياة غير إلي عايشها انتَ شوف دنيا حلوا

ترة انتَ مرض نفسك بهل وحدة وسكتة لاتحجي ولا تكابل أحد ماضل هيج تزوج يعني تزوج

باهر : كعدت جوا رجليها وهيا كاعدة على جرباية!

هففف يمة افهميني أني مو زغير اني رجال وهم إلي كلمتي وحياتي الحر بيها

من أريد ازوج اكلج

جاي احجي عافتني وطلعت من الغرفة زعلانة بدون مترد عليه . مسحت على وجهي حسيت نفسي اشتعلت نار ماعرف شسوي ولا مرة اتخيلت نفسي ازوج وبوقت أني ما أحب ازوج

أنغام : دخلت للمطبخ أمي تشتغل وتركع تركع بجدورة هههههه اسم الله يمة شبيج ضايجة ؟

فردوس : مابيه شي

أنغام : ماعرف بعد الله اعلم بحالج جنت احجي وي منال رادت تجي اليوم واباذر تمرض عدها كالت بلكت باجر يصير زين وتجي تشوف باهر

فردوس: لا رد

أنغام : شفتها ماجاوبت رحت يم حبوبتي احسلي

الحجية سدرة: حبوبة شو بلا افتري كدامي

أنغام : فتحت حلكي بصدمة ليشش؟

الحجية سدرة: شو صايرة ترادديني ولجج

أنغام : هههههههه شفتها خزرتني وكمت افتريت كدامها

الحجية سدرة: سمنانه حبوبة ط**** صاير شكبرا هم
الحمد لله يعني مدارية نفسج

أنغام : حبببببوبة صدككك تحجييين منين سمننن حته مجاي أكل حته أنتي صرتي مثل مصعب ناصبين عليهَ

الحجية سدرة: يا شبيج ن**** غير أحسن صير بيج لحيمه حتة من تزوجين يتلمس بلحم مو بعضام

أنغام : هفففف يعنيييي أنتي كل همج الرجال شنوو يريددد واهم شي عندج يحصلهَ لحمة يتلمس بيها

الحجية سدرة: اي حبوبة

أنغام : أستغفر الله ماعرفت اضحك ابجي ههههههه
حتة بعد ما ازوج من وراها!! حبوبة أمي صيحلي شوية وجيج

عفتها وطلعت كله جذب ماصيحلي بس شردت لئن دكلي هيج

____________________________

مرام : رجعت للبيت كاعدة أدرس وراسلني رقم

مسج : شلونها الوكحه

مرام : انصدمت منوووو ؟ جاوبت احترم نفسك منو انتَ

منتظر : أني منتظر

مرام : ومنين جبت رقمييييي

منتظر : اخوج حسن جان يمي بلمحل بدون ميدري خذيت رقمج

مرام : ومنووو سمحلكك منتظر فكني عاد شتريد مني انتَ

منتظر : خاب ولي ماميت عليج بس ردت اكلج شي

مرام : كول شرايد

منتظر : ليش طلعتي زعلانه بيوم الاجيتي ترة أني مو قصدي أخاف أحد يستخدم المكياج أني الغثني شنو مصعب يخليلج حمرا

ترة الموضوع واكف عن حدا شلون تقبليها

مرام : ليش شكو بيها ؟ وبعدين هوا صديقك لو عادي عندك تنطي بي كدامي

منتظر : مرااام انجبي اكلجج شلووون هوا يحطلج حمرا عندج أدين وحطي وجربي وأصلاً فدوة الج بس مو رجال يحطلج كافي افهمي

مرام : هههههههههه كول تشعر بلغيرة ليش تحجي على مصعب

منتظر : اغار منج ؟ شكو خوماكو شي وبعدين وبيوم الاجيتي هذا صدرج لو سفنجة ؟

مرام : نصددددمت من رسالته هذااا صدككك يحجي

منتظررررر احترممم نفسككك شنو هل ألفاظ اشو انتَ بايعهه فد مره لاعبالك ساكتتلك

منتظر : احسابج بعدين يلة ولي

مرام : جان متصل بلفايبر كلي ولي وراح !! بسيطة أنا أعلمك الأمهات شجيب

_____________________________

باهر : بقيت كاعد وافكر أخر شي رحت وراها

افه أني اضوج نبع الحنان صار تردي يصير

حجيت وياها بس تشتغل ولا چنها تسمعني
تقربت يمها لزمت أيدها ونتچيت على الكاونتر

يمة خلص لاضوجين مو كتلج تردي يصير ولله واجوز فعلاً حياتي تتغير فا أنتي اي شي تردي حاضر زواج هاي هيا زواج

فردوس: بدموع! يمة هوا أني شريد ولله ميهون علية هيج اشوفكم وماصدك فرحتي من كلي عماد مزوج من عبن كل همي تستقرون

باهر : مسحت دموعها! فدوة باهر يروح لدموعج ميكون خاطرج إلى طيب

بس منو تعيست الحض

فردوس: أحترم نفسك شنو تعيست الحض شنو قصدك تمرمرها؟

باهر : ههههههههه لا يمة اشاقة شسالفة مو ثوبي هذا

فردوس: اي عبالي أريد اخطبلك زُها

باهر : ******

يتبع !!!!!

للكاتبة نور المنتهى 💕🦋

لاتنسون التصويت ورداتي