رواية وقار إلمياس الفصل الخامس 5 - بقلم الكاتبة نور المنتهى

منال : خاف جذبين عليه ولج ؟

أنغام :  رجعت يمها  كعدت !! أي ولله شبيج بس باوعيلي منال البارحة ام علي ترة من اجت علمود تخطبج لعلي وامي ما وافقت منا يجون الولد ومن اجو هما كالو أهم شي رضاهه فا أنتي ديربالج تفتحين الموضوع رايحة للدوام اعتبري نفسج متدرين بشي  وهم فكري بلموضوع.      يلة الله وياج

منال :  الله يبشرج بلخير نغمة يلة اني خل كوم اغسل وجهي بلكت.واحد يفتح الموضوع وياي

أنغام : هههههههههه خوش خوش يلة

رحت سبحت بساع وبدلت وطلعت ركض لفوك عندي امتحان لازم الحك علي

مصعب جاهزز ؟

مصعب : اي أي ثواني واطلع نزلي

أنغام : نزلت بساع بوست حبوبتي وامي وطلعت وكفت برا علما اجة مصعب وصلني

مصعب : يلة ديربالج على نفسج ومثل ما اكلج لاتتعمقين وي أحد على كد ذني البنات بس وإذا مالحكت ارجعج شهاب يجي ماشي

أنغام : ماشي يلة معة السلامة !!

دخلت للمحاضرة بساع لئن تأخرت

السلام عليكم أستاذ أعتذر عن تأخير أكدر ادخل ؟

: _ وعليكم السلام تفضلي

أنغام : دخلت بساع كعدت يم مرام !! صحت بصوت ناصي لئن كرصتني !! شبيجج

مرام : بعدين اكلج خل نركز بالامتحان

__________________________________

عماد : صباح الخير

الكل جاي يتريك : صباح النور

فردوس: هله هله يمة كواك الله شلونك

عماد : تقربت يمها بست راسها: كوا الله حيلج يمة

شلونكم شباب

باهر : ٱلحسن : شهاب:  هله هله  تفضل تعال تريك

منال : اكعد خوية راح اصبلك چاي

فردوس: شني يمة شخبار شغلك خو ما تعبت

عماد : اخخ لايمة الحمد لله ما تعبت

فردوس : اسم الله عليك يمة شبيك  ؟

عماد : لا يمة مابيه

منال : هاك چاي

عماد : شنو يمة سمعت منال يردوها

منال : بهل لحضة جاي اشرب چاي حسيت طشارة مآله والي صار من شرگ

فردوس: صحة صحة هاج ماي

اي يمة أكيد سولفلك باهر وهم شور شورك

عماد: باوعت لمنال لئن ذني مو خواتي ذني بناتي !

منال شدكولين إنتي شور وراي الج واحنة ظهر الج ولا تفكرين نمل وحدة منجن بيوم

منال : ءءاا شسمة ماعرف!! حسيت نفسي مدري شبيا ضليت بس اصفن

بكيفك خوية اذا انت وخوتي راضيين اني هم راضية وذا مترضون هم ما أرضى

باهر : أنتي معليج بينا يبة شوفي نفسج أنتي جاهزة تتحملين مسؤلية رجل وبيت زين على زين ماجاهزة

هم هل شي راجع الج ولا تخافين

منال : الله كريم أنطوني مجال أفكر !!

ٱلحسن : يلة من رخصتكم كوم باهر يلة

فردوس : ها يمة وين رايحين

ٱلحسن : يمة عدنة فحوصات نكملهن لازم واختبار ماضل شي ونروح لسليمانية

فردوس: خليت الخبزه من ايدي بصينية وباوعتلهم ! يعني يمة ما غيرتو رئيكم ؟

باهر : هزيت راسي وحواجبي لفوك !! لا يمة يلة معة السلامة

الكل : الله وياكم

عماد : شسالفة يمة شبيج ضجتي هاي هيا راحتهم بعد وهما مو زغار وبلعكس الي جاي يسو شي حلو فا لا ضوجين

فردوس : مو بيدي خايب يمة خايفة عليهم أني هنا ونويمين تحت عيني وگلبي بنار عليكم شحال لو ترحون عن عيني ما أدري بيكم تبردون تعطشون تتأذون تتمرضون چا هيا هينا يمة

عماد: لا يمة مو هينا بس هم على كيفج وي روحج
ولا ضلين تتفائلين بشر شتحصلين

فردوس: زين يمة اسئلك سؤال وفدوا لا ضوج

عماد : أكيد زواج مو ؟

فردوس: يمة فدوة روحلك چا جندوب ضل هيج هم شوفلك بت حلال وخل ناخذها ألك

العمر يمة محد يلحك علي زوج شوف جهالك شوف حياتك جندوب ضل هيج تعبان والحسرة كاتلتك

عماد : الله كريم!  يلة راح انام طول طريق ماكدرت انام !!

فردوس : اشرد يمة اشرد سيرت المرة تـ****

منال : هههههههه أستغفر الله خل كوم أعزل المواعين احسلي

_____________________________

زُها : خلصنة محاضرة وطلعنة كعدنة بلحديقة

مرام : شلونج أنغام شخبارج شنو اليوم أتأخرتي ولج

أنغام : اي والله لهتني أختي!! اباوع لزُها صافنة

بشش شلونج وين صافنة

زُها : حبيبتي يمج الحمد لله أنتي شلونج

أنغام : الحمد لله تدرن ولله حيل حبيتجن وجاي اتعلق بيجن

مرام : أني أصلاً محد شافني اذا مكالي حبيتج انحب غصب

زُها : هههههههه أي ودليل من الابتدائيه لحد الآن نايمة على گلبي

أنغام : صدك بنات سولفلي عنجن شنو حياتجن شنو روتينجن شسون ماسون

مرام : تردين صدك لمن أحد يجيب هاي سيرة انعس

زُها : ههههههههههه ولله صح ليش سوالف الأهل لو تعارف تحسي ينعس

أنغام : جا لو سمعن سوالف حبوبتي تخبل وتندمجين وياها فا كبل ضلين تغفين

زُها : عليججج الله وياكم بلبيت

أنغام : اي والله وأصبح عليها وعلى سوالفهه الحلوا

مرام : صار عندي فضول أشوفها هههههههه

أنغام : سهلة ولله حبابات مدام طريقنة سوا  من نرجع تعالـن وياي شوفنها

زُها : بتردد وخوف !! لالا مانكدر لازم كبل نرجع للبيت غير مرة أن شاء الله

مرام : شعدنة زهيوا حبابة بس نسلم عليها ونطلع كبل

أنغام : اي حبابات

زُها : أن شاء الله

_____________________________

منال : كاعدة أعزل بلبيت وافكر بنهاية قراري أني علي احبة ومدام طلبني هوا هم يحبني ما الكةَ احلى من هل فرصة  ودخل باهر

باهر : شلونج

منال : الحمد لله !! اوكف باهر قبل لاتفوت جوا  أريد احجي وياك

باهر : أي صار اسمعج ؟

منال : باع أني اخذت قراري وعلي خوش ولد يعني ماشفت منا شي فا من بعد رضاك اذا انتَ راضي ؟ فا إني قراري راضية وقابلة لئن فكرت هواي

باهر : ببتسامة خفيفة !! خلص راح طلعين منا عروس

منال : بدمعة ترست عيني !! بس ولله مهاين علية اعوفكم انتم أكثر شي متعودة علي وما اكدر بدونكم

باهر : منال هاي سنة الحياة وبعدين مو بعيدين شوكت متردين تجين تذكري البيت بيتج

وديربالج أحد يأذيج لو يغثج لو حتة يحاول ينزل من كرامتج وتسكتين  بحجت اخاف من خواني يسون مشكلة لو ماعندي ظهر احنة كلشي الج فهمتي لولا ؟؟

منال : ماتحملت كبل بجيت وحضنتا !! بربر اني احبك ولله وياريت اشوفك مرتاح وتضحك ياريت  أشوفك شخص مرتاح بس ماعرف شلون ياريت اعرف شلون ساعدك !!

جاي احجي ويا ودخلت أنغام واثنين بنات

أنغام : السلام عليكم! تفضلن حبيباتي

باهر : رفعت راسي ! وعليكم السلام

منال : وعليكممم السلامم اباوع للبنات خجلانات !!

انتنن صديقات نغمة سولفتلي عليهن ؟

باهر : أهلا تفضلو ! أنغام منو جابج ؟

أنغام : شهاب وصلنة وجاي يصف سيارة بلكراج

يلة تعالن ولجن فوتن لا تستحن

راح باهر طلع والبنات دخلن جوا

ولجن يله شبيجن تعالن منا شوفن حبوبتي

زُها : هههههههه ولجج استحيي

مرام : احم  احم ؛ السلام عليكم

زُها : عزااا فاتتت شهل جرئ

أنغام : دفعتها لئن متقبل تفوت !

زُها : السلام عليكم

فردوس: كاعدة وفاتن ثنين بنات !! وعليكم السلام

أنغام : يمة اعرفج عليهن صديقاتي وياي بدوام وهم جيرانة مثل منكول ذولة سابع جار هههههههههه

زُها : كبل رحبت بينه رحنه اني ومرام سلمنا عليها وبوسناهه شلونج خالة

فردوس: فدوة لوجهج اروح زوينة انتن شلونجن

زُها : بلبداية كنت خايفة اشوف غير تعامل مثلاً ؟ كا تعامل أهل أبوي بس كنت غلطانة تلكتني بوجه بشوش ويضحك وذاك الملگة اليرد روح

منال : جبت ماي صبيتلهن! شلونجن عزااا نغمة شكد سولفت عليجن وعلى تصرفاتجن الحلوا بس ابد ماجابت سيرت جمالجن تخبلن ههههههههه

زُها : بخجل ! ماعرفت شرد ههههههه حبيبتي بس ولله انتن همين حلوات كلش واحلى مني

فردوس : اباوعلهه تسولف ! خالة انتن صدك هنا بيتكم

زُها : أي خالة هنا كبال الفرن

مرام : وين حبوبتج أنغام

منال : نايمة هيج وقت هيا تاخذلهه كسرا

زُها : يله ولله أعتذر بس ملازم أتأخر اني ومرايم أن شاء الله غير مرة نكحل عيونه بشوفتها

فردوس : يا يمة عليجن الحسين ضلن هنا 

مرام : فدوة اروحلج أصل الكرم واصلة ولله

وفرحنا بشوفتجن

معة السلامة

الله وياجن يمة

أنغام : طلعت وياهن اوصلهن

زُها : حديقتكم تخبل مشاء الله راحة نفسية

مرام : اي والله هسة مال انام هنا

أنغام: ههههههههه اي ولله حلوا وبيها هواي ذكريات ومواقف هنا 

خاصة بيام الشتا بنات شعور حلو من نكعد هنا

زُها : اي تخبل ! يلة حبيبتي الله وياج أن شاء الله نشاوف بدوام

أنغام : هلا بيجن نورتن

_______________________________

بعد مرور شهرين

أنغام :  مر شهرين على خطوبة منال وقرب العرس

وٱلحسن وباهر بدت دورتهم بسليمانية صالهم شهرين وبعد 4 اشهر يلة تخلص ويرجعون

أنغام :   شنو يمة وين رايحة مخلية عبايتج على راسج ؟

فردوس : يمة  رايحة لأم زُها اعزمها هيا والبنيات

ع حنت اختج خطية هم يجن وهم يتونسن

أنغام : ايي فدوة يمة وذا رفضت حاولي تقنعيها

فردوس: لا يمة شحدهن يلة روحي يم حبوبتج خاف صيح

أنغام : رحت يم حبوبتي كعدت وتصل عليه حسن !!

ٱلحسن : ها الو

أنغام : هلا بلغالي شلونك باهر شلونه

ٱلحسن : الحمد لله ماكلين تبن بثنين ادينه هوا هذا  بعد التدريب أمي شلونها انطينيها خل أسمع صوتها قبل لا يأخذون اجهزتنه

أنغام : ولله امي توة طلعت لبيت جيرانة تعزمهم على الحنة ماضل شي  

ٱلحسن : حرامات مراح شوفها وأشوف لمت البنات

أنغام: ههههههههههه يعني انتَ ما توب ؟

ٱلحسن : لالا اشاقة صراحة أحس نفسي مالي خلك بنات بعد خاصة بهل فترة الي شفنا وحتة من نريد نام ونرتاح الازعاجات والوجع خلاَني أتأكد حتة تفكيري بزينب تفكير نزوة ومو حب حقيقي

أنغام : اخخ ولله ماودلي بس شسوي انتم هم ماتنكدرون

ٱلحسن : يلة سلميلي على امي ومنال وأكثر شي ماري

أنغام : هههههههه وهيا هم مشتاقتلك الله وياك

مصعب : ويامن جنتي تحجين ؟

أنغام : طفرتنييي شبيكك جنت احجي وي حساني

مصعب : ها عبالي مصاحبة

يتبع ,,,,,,

الكاتبة نور المنتهى 💕🦋