وقار إلمياس الفصل السابع وثلاثون 37 - بقلم نور المنتهى

"لا تضيعي وقتكِ مع محمود درويش وبابلو نيرودا فهما يصلحان لكل شيء.

‏اعطفي علي واقرئيني أنا

‏أنا الذي لا أصلح لأي شيء من دونك!

لاتنسون التصويت والتعليق بين الفقرات

الكاتبة نور المنتهى

" " " " " " " " " " " "

زُها : راسلت باهر قبل لأ يوصل فهد ،

بلبيت انتَ ؟

بعد 6 دقائق

باهر : أي

زُها : تكدر تطلع برة ؟

باهر : برة وين ؟ بقيت مستغرب ، وين قصدج ابابنة ؟

زُها : اي وذا ما تكدر عادي مو مشكلة

باهر : لالا هسة طالع

زُها : تمام ، لفيت شال عدل وجيت أطلع طلعت بوجهي مرام

مرام : ويننن وصل فهد ؟

زُها : بعدة قبل لأ يوصل أريد أشوف باهر باييي انتبهي لنفسج

مرام : ديربالج على نفسج أمانة

زُها : من عيوني ، طلعت وأحس گلبي كلة يخفق حيصير سنتين مشايفني ولا حاط عينة بعيني

مشيت وصلت قربت ألهم وشفتة مدنك يباوع بجهاز

السلام عليكم

باهر : حسيت مثل ضربة اجت على راسي صوت وهم لو صوتهة ؟ رفعت راسي

زُها ؟ أنتِ هنا. هنا

زُها : اي يعني من طلعت مثل شكو طالع اشوف شبح

باهر : بلعت ريگي والكلمة كوى تطلع ، ع عبالي

أكو شي برة وترديني أشوفة ما أعرف أنتِ هنا

زُها : صافنة بعيونة بدون ما ارمش وبگلبي انخة أم البنين كون ماتنزل دمعتي كدامة ،

احم اي شلون صرت بعدك تعبان ؟

باهر : بستغراب وين تدرين بيه ؟ يعني تعرفين مسوي حادث لو شنو ؟

زُها : اي جنت موجودة بلمستشفى يمك بس من رجعت ما لكيتك إلى أن خابرني فهد قبل كم ساعة وكلي

باهر : شكوووو مخابررج

زُها : أشوفة صار يحجي بعصبية وطبعاً أعرف شنو السبب لهذا ما تغابيت وحاولت أهدي بمكان ما اصخم وجهة

حتى يجي ياخذني لبغداد لأن اجيت علمودك

باهر : بغداد أنتِ موجودة ؟

زُها : لا ألمانيا أنا قبل سنة وأكثر طلبت منا يساعدني حتى أطلع برة العراق

المهم الحمد لله على سلامتك - معة السلامة

درت وجهي ورئساً دمعة هبطت مشيت أول خطوة اوكفني صوتة

باهر : تذكرين من كتلج راح أبقى انتظرج بدون ما أمل لأخر يوم ؟

زُها : بدون رد

باهر : الله وياج - بس بقي هذا الشي ابالج

زُها : عفتَ ومشيت وكفت اباب بيت مرام انتظر فهد

كتلني البرد يلة وصل صعدت ورا بدون كلام وسلام

فهد : باهر هم شفتي

زُها : بقيت اباوع على طريق من كدام ومخوزرة بدون رد

فهد : تمام براحتج

" " " " " " " " " " " " " " "

طيبة : شمسين نايمة وأني وحوراء ودُنيا كاعدات كلمن لازمة جهازهة

بقيت اگلب بصفحة مصعب على الفيس ودمعتي تحرگ بخدي

شوكت أكون مستقلة وأشوفك ؟

دُنيا : بعلامة استفهام ، جاي تبجين طيبو ؟

حوراء : شلت عيني من جهاز باوعت آلهة صدك تبجي ،

شبيج طيبة ؟ شنو صاير وياج

طيبة : دفنت وجهي بأدية ونهاريت ،

مابية شي مابية تعبانة نفسيتي بس

دُنيا : كعدت يمها وخرت اديهة مسحت دموعها ،

سودا عليه يروحي شنو متعبج شنو اسويلج ؟

طيبة : بدموع ، تعبانة محد راح تفهمني انيي أحب مصعب

أحبة كوى جاي أكابر وسكت حتى حوراءءءءء

هايييي كدامج شووووفيهة اكبررررر جذاااااااااااابة

دكوللل عادي تنسي عادي تتعودييين

مستحيل لاتفكرين بولد فردوس شوفيهة أكبر جذابة

مجرددد تكابررر وتكتم بداخلة بيش أقسم هسة أكثر من ليلة أشوفها نايمة على صورة حسسسسن

حوراء : شمرت المخدة من حضني بقهر ،

كافيييييي كافيييي شنو استفاد من أكول

لو أضل اتبجبج كدام رايح وجاي

دُنيا : صلـن على محمد حبيباتي ولله انتن مكبرات الموضوع

طيبة : حوراء خلت وراحت للغرفة ركعت الباب وقفلته بقيت ابجي وحدي ،

ولله مجاي أبالغ دُنيا أني صدك تعبانة محد يحس بية

دُنيا : اخ اخ شبيدي عليج ولله حاسة بيج بس مابيدي شي

فدوة لعيونج أروح لاتبجين دموعج غالية

طيبة : أنسي عمري الله يشوف يلة راح انام أني أنتِ هم لاتبقين

دُنيا : نوم العافيه يروحي - شوي بس أسوي ممة لشمسين ونام

طيبة : تمام

" " " " " " " " " " "

زُها : غفيت بطريق فزيت على علو سيارة باوعت وصلنة بقيت اثاوب وصفن وين أني ؟

بعدين أذكرت أني زُها

فهد : يلة نزلي

زُها : ادخل جيبلي مفتاح بيتنة راح أبقى منتظرة برة

فهد : ما دخلين النة ؟

زُها : توووو

نزلت من سيارة صفاهة وبعدين نزل شفتة حلكة كلة دمة قميصة مشكوگ من جنت بسيارة ضلمة ما شفتة

لحظظظةةة فهددد

فهد : ها

زُها : فتحت عيوني على وسعهـن بصدمة ،

هاييي باهرررر ضاربككك صدرككك شبيي

فهد : مابي شي

زُها : عزااااا لبسني ودخل للبيت ما جاوب حسيت گلبي انطر تمنيت بنعال { تكرمون } ودك گلبيي

فهد : هذا المفتاح

زُها : امشييي ويايييي

فهد : وين ؟

زُها : للبيت شغل الكهرباء أخاف

بدون ما يجاوب هز راسة ومشى وياي للبيت كبل سديت الباب وخليت القفل

فهد : ليش قفلتي ؟

زُها : شفت كلشي من كل عقلك خايفة من كهرباء

فتحت باب صالة ، يلة أدخل خل اجيب معقم وشاش

فهد : ميحتاج زها

زُها : ماكتلك توافق لولا جاي أكلك أدخل يلة هل مرة اؤامري تمشي

دخل كعد جبت صندوق الطوارئ وكعدت كبالة ضيقت عيوني ،

تعرف شنو صح انكسر گلبي عليك بس تستاهل عاشت أيدة

عزاااااااااا هاييي هم هوى چاويككككك

فهد : هههههههههههه أي خلاهه على گلبي يكلي هيج جان گلبي يحترك بدون زها

زُها : اباوعلة طگاهة ضحكة شعلوهة برغم موجوع أني هم ما تحملت حصرتني الضحكة

، هههههههههه اي صدكتك

فهد : هههههههههه وداعت أمي مجاي اجذب طفى الجكارة بگلبي علمود هل شي

زُها : باوعت إلى بقهر ، فهد ليش هيج سويت

فهد : بدون مجادلة دخلت بلموضوع رئساً حتى ما أعيد سالفة على أحد بعد

أهم شي همه يعرفون بقت مصدومه رادت تبجي عطت بيها ،

وعليييي اذا تبجيننن كافيييي شنيييي متنسيااات على دموع

زُها : الله ياخذك طارت عبرتي هههههههههه

فهد : اي اضحكي يحضي شبيج - هم ترجعين للخارج ؟

زُها : اي باجر أن شاء الله طگاني إفلاس من ورا السفر وتَكاسي

يلة وسخ دنيا

فهد : مغيرتي رايج ؟

زُها : لا ، غيرت الموضوع كبل - يلة هسة تكدر تروح

فهد : تصبحين على خير

زُها : أجمعين ، طلعت ورة سديت الباب راسلت دُنيا بلكت كاعدة الحگ عليهة

رئساً فصلتة وتصلت علية بكامرة

دُنيا : بصوت ناصي ، لجج هلاووو ههههههه اجيتي بوقتج سويت ممة واجيت يمهة خاف تكعد

زُها : خلت الكامرة عليهة شنوفة حتى وهيا نايمة مسويتهة وعادة بيها تخلي أيد وحدة على عينهة لو وجهة وتنام

هاي حركة باهر ،

هههههههههههه سبع فدوات امج اتروحلج لجج دُنياااا ما مصدكة باجر شوكت اجي مشتااااقتلهةةةة

دُنيا : ولله زها حتى احنة مشتاقيلج مكانج بينه فارغ الله شاهد

زُها : يروحي أنهم أحس بفراغ بدونجن تعودت عليج هواي هم

دُنيا أحبج هواي

دُنيا : يگلببيييي أني هماتين شكد ما اوصف حبي الج
قليل

يروحي وبالي بقى يمج رحتي وما نعرف فهد شجان رايد

زُها : سالفة طويلة فايت علية اليوم تعب وبچي شكد خل نام وذا الله كاتبلنة عمر نصبح

اطلع واجيكم ساعتهة اسولف براحتي

طيبة : تمام عمري - تغطي زين

زُها : أن شاء الله

" " " " " " " " " " " "
صباحاً

باهر : نزلت دخلت للمطبخ أشرب ماي لكيت ماري أسوي چاي حضنتهة وبوست شعرها ،

، بوية النادررةة

ماري : ههههه صباح الخير - مسوية ريوك تتريگ

باهر : بعد انتِ نادرة مالتنة ماضل شي وتزوج أنغام

بيج الكفاية أدري

ماري : بقت تعدد بصابيعهة وتحجي بفخر ،

اييي شعبالك أعرف اطبخ تمن وأعرف فاصوليا واعرف اشوي دجاج واسوي چاي وكنس وانتظر حبوبتي من تنحصر

باهر : ههههههههههههههههههه خرب يومج الا تچفصين بلأخير عفية عفية

كد هل مسؤولية أنتِ بس اهم شي مو بعدين دكولين أهلي ضلموني وتحملت مسؤلية مو كدها ؟

ماري : لا أصلاً فرحانة راح أصير رئيست البيت

باهر : بعد أخوج شنهي عصابة حتى رئيستهة

ماري : لا شوف اقصد يعني اصير كدها ولله ما يجي يوم وكول أهلي ضلموني

بلعكس شايففف بالمدرسة شلون البنات شي يشكن من اهلهن من يسولفن شي من خوانهن

بس انيي فرحانة عندي مثلك ومثل حسن ومصعب

كلكم حبابين وياي

باهر : حسيت كلامها أكبر مني مو بس أكبر منها للحظات صفنت بيها ،

الله لا يحرمني منج حبيبتي النادرة راح أطلع اجيبلج شي وياي ؟

ماري : اندووووووميييي

باهر : من هاي العين كبل هاي

" " " " " " " " " " " " "
ليلاً - ألمانيا ،

زُها : طلعت الصبح من العراق وصلت بليل بقيت بلمطار حجزت سفرة للعراق إلي ولشمسين

بعدين اتوجهت للبيت البنات كاعدات يتعشن

وينننننن شمااااميسيييي

حوراء : غصصتينيييي دكول حراميي داهمنه

طيبة : بدون مباوس فدوة قبل كم يوم شايفج ما مشتاقيلج

دُنيا : ههههههههه هله بيج يعمري بوجهج تعاي تعشي شمسين نايمة

زُها : ما أكدر راح ابوسهة واجي صبلي ،

طيبة : مفلحطه على بتهة شعور الأم غريب

دُنيا : خانتني الدمعة ونزلت ، اي سبحان الخالق الف لحمد الله

شوي وجت كعدت

اي شلونة العراق

طيبة : شخبارة العراق ؟

زُها : مصخن سودا عليه

آسل : هسة أطلع الخارطة اسويلهة كمادات بارده

زُها : هههههههه بمممممممم

دُنيا : هههههههههه وحدة أفلت من ثانية صدك شكو ماكو

زُها : أكل وحجي ، باجر أن شاء الله راجعة للعراق أني وشمسين

البنات بصدمة : شنوووووو

زُها : وحمس طفرتنييي أروح علمود شغل ورجع

طيبة : شغليششش

زُها : علمود اغير جنسية شمسين أخلي الأب باهر

أكبر غلط باقية بإسم فهد

حوراء : اييي ولعباس وأنتِ مامحلفتنيييي.

دُنيا : خطوة موفقة

زُها : صدك ؟

دُنيا : ولله أحسن شي ممكن اتسوي شكو باقية هل وقت بإسم فهد زين على عيني وراسي

بس مو يعني البت تبقى باسمة

زُها : چا خل اسولفلجن شنو صار وليش رحت للعراق

" " " " " " " " " " " "

باهر يتصل بك...

فهد : فتحت عيوني بصدمه ، تفضل أكو واجب ؟

باهر : أكل خ**** بكوع سرسري

العرس حضرت لولا ؟ شوكت موعد مظبوط كبل لا اغير رايي وافسخ الخطوبة

فهد : صدك يحجي هذا ؟

بقيت ساكت اريد استوعب شلون مادري

باهر : جايييي احاجيككك لولاااا

فهد : اهوووو اي اي جاي اجهز كلشي فترة قليلة وأخذ اختك

باهر : كول مرتي مو أختك لا ادوس ابطنك

فهد : هههههه اي أخذ مرتي شلون صرت انتَ

سألت سؤال واول مره يعرگ جبيني من الخجل

باهر : بنعمة -

فهد : عساك أن شاء الله

باهر : يلة تصبح على خير أهم شي المعلومة ضلت يمك

فهد : اي وصلت ،

زُها يتصل بك...

فهد : يلجوااااادد الحكنيييي شنووو ذولة واحد ورة ثاني طكت فيوزاتهمممم

هااا الووو ست الحِسن

زُها : وسم وزقنبوت. باجر أني وشمسين بلعراق فرغلي نفسك

مثل ما بيوم واحد خليتهة بإسم باجر بساعات قليلة خليهة بإسم باهر

فهد : اي صار كلششش سبتي فد مرة

زُها : اي بهذلتوني الله يبهذلكم

فهد : الحگ ينكال الله يساعدج تعبتي حيل

زُها : هفففف حيل حيل

فصلته ورحت نمت حتى اكعد من صبح نطلع واجة الصبح والحمد لله الله كتبلي عمر صبحت ببنيتي

اخذتها وطلعت بيها للعراق فهد فرح بيها حيلل وهيا هم عبالك تعرفة بقت تحجي ويا

للعصر يلة خلصنة الإجراءات حسيت روحي طلعت برغم ضابظ وآله شخصيتة وبسرعة عود مشو

صدك بوقتهة بقيت أفكر الله يساعد الفقير والما عندة واسطة حياة بذل ماتنراد

رجعت لبيت خالة ام فهد فرحتهة بينة متنوصففف شكدد بچيتتت حضنهة حضن أمي وحنانهة رحت للبيتنه

أني وشمسين شوي وندك الباب

فتحت الباب طلع فهد

فهد : ببتسامة ، مدام باجر راجعة هم الله اعلم شوكت نشوفج عازم ست شمسين على العشة وذا الأم تجي وياها ماكو مشكلة

زُها : هههههه تمام اني هم اريد اتسوق بس البسهة

بقى واكف على المراية يمشط

دخلت للبيت

كاعدة ألبس شمسين حتَ نطلع نسَوق واجتني رسالة مقطع فيديو شغلتَ

حبيبي بعيني ألك دمعه كلام بگلبي متسمعه
أريد احجيلك وارتاح تعال لخاطري بسرعه
حبيبي الشوك أذاني دخيلك راح أموت انه
لو تلحك عَلي لو راح ميت انتَ تلكاني

__ رفعت راسي يباوعلي

فهد : مضيق عيونه ويحجي ! منو دزها باهر ؟

زُها : ههه شجاب باهر بنص فيديو طلعتَ وجاي اباوع

فهد : نريد نطلع بس أنتِ وقت طلعتج تشغلين أغاني حب حزينه وفوكهاااا دمعتج بعينجج

زُها : انتفضت بعصبية !

لااااصيحححح سمعت لولا بكيفي شوكتتت ماريد وحتَ طلعه ماريد اطلععع بعددد

خذيت شمسين شلتها دخلنه للغرفة قفلت الباب وبقيت ابجي معقولة هوى غثاني لو أني صايرة حساسة

شمسين : به بابه

فهد : أستغفر الله ياللهي زها عوفي هاي سوالف ولله مو قصدي بس من شفتج تبجين

حجيت هيج اريد طلعين تتونسين

زُها : حاجيته من ورة الباب ، فهد فدوة روح معليك بشي بس أني نفعلت وخلگي ضاك مالي نفس بعد اطلع

فهد : تمام لاطلعين معة السلامة

زُها : الله وياك - خليتة يطلع يلة فتحت الباب كعدت شمسين خليت بحضنهة

لعابة تعض بيهة وشغلت اغنية الدزاها باهر بدون ما ارد علي وشديت حزامي

شغلت الماطور بقيت أغسل بلبيت ونظف

مسحت الاخشاب بانواعها وعطرت البيت

صار يلمع صلاوات - رجع اندك الباب

فهد : فتحي الخوثه جبت عشة أخذي حتى أروح

زُها : ههههه شكراً فهود

فهد : بلخدمة

زُها : أخذت العشة حتى شوربة جايب علمود شمسين تعشينة

ونمنة طلع الصبح كل عادة نطير بطيارة هههههههههههه ولله أبقى اضحك على نفسي رايحه رادة

وصلت والبنات أصلاً ولا چني رحت ورجعت تعودن

احم عندي موضوع

دُنيا : گلبي موجعني

زُها : عمت عيني گلبج نظيف وحسسس

دُنيا : لاتخوفينيييي شكوووو

زُها : دنيتي حيل تعودت عليج الله يعرف شكد معزتج بگلبي وروحي

هيج بغلات أنغام مرام چنتي اخت وصديقة وحرفياً حتى البنات تعودن عليج

بس أني والبنات باجر أن شاء الله راجعين للعراق

البنات : شنووووو ؟

زُها : اباوع لدُنيا خلت اديهة على وجهة بواجييي مثل

الصدمة واجتهةة ، عزاااااااااا لااااااا بربججج

لاتبجيننن

حوراء : لججججج دُنيا كافيييي ولله ما أعرف ابجي كدام أحد جاي تخليني ابجي

طيبة : بيننن الطرررت من الفرح بداخلي وبين دُنيا

يمة موقف فجع گلبنة ملتمين عليهة حاضنيهة وهيا بس تشهگ ماسكتت ولا لحضة

زُها : ماروووح بطلت بس أسكتي دمرتييي گلبييي دنيتي

دُنيا : ما كدرت اتنفس أثناء الموقف حسيت نفسي انهاريت ،

لالا زها أني مو دموع القهر هاي ولله من فرحتي أتمنى لو ترجعين وتلمين شمل بنيتج وأبوها خواتج ذني إلي كل وحدة قصة بداخلها

مو هينة اشوفجن هيج عبالج ما أحس بيجن ولله ميتة قهر بس أريد براحتجن

زُها : وعد دُنيا ما انساج وكل فترة اجي لهنا يمج فترة

انام على گلبج وأنتِ هم تجين

آسل : أول مره أشوف محتوى حساس بلعين المجردة

دُنيا : بلعين المجردة خرببب هههههههههههه

زُها : هههههههههههه فدوة لچفصاتججج

حرفياً ما نمنة جهزنة كلشي طيبة كاعدة بصفي من الفرحة كلساع بايستني

بقينة كاعدين للصبح مكابلين دُنيا وسوالف وضحك

لحد ما طلع الصبح قبل لأ أطلع من البيت

راسلت باهر

. تكدر بـ3 العصر تكون موجود بمطار بغداد ؟

باهر : بقيت مصدوم معقولة رجعت لو عدها شي ؟

اي عادي قبل الوقت أنا هناك

زُها : تمام شكراً ،

ودعتنة دُنيا بلمطار وطارت الطيارة وربك يستر

وصلنة الساعة ٤ العصر خفت بس لا باهر ائيس وراح

أتصلت علي جاوب نفس صوت المطار اليمي يتردد بلأتصال فرحت يعني هنآ بعدة

وينك انتَ

باهر : بلمطار غير

زُها : تمام أبقى موجود ، مشيت خطوات البنات طايرات من الفرح شفت باهر وحسيت رجلية كوى واكفة عليهن

بناااات

طيبة : هااا

زُها : ابقن هنآ كون باهر مايشوفجن وبقن شمسين يمجن

من تشوفلي اشرللهةة خلنهة بلكاع وكللهة ذيج ماما روحيلهة

وخلنهة هيا تمشي ماشي

حوراء : وعليييي گلبيييي راح يطير من الحماسسسس

زُها : يارب امتد القوى منك ساعدني ،

مشيت عن المكان البي بنات مشيت مشيت

إلى أن شافني باهر

أي شي من لحظات ما ينسي بعد كل هل غياب وتعب ولا مرة فكرت اصفن بي
واركز

وكفت وهوى باقي واكف بمكانة لابسة زي أسود كامل

وعينة علية كأنو منتظر شي بس هوى بحد ذات نفسة ميعرف شنو

تقربت منا أمشي بقلة صبر إلى أن صار بيني وبينة ٣ اشبار

وركضت إلى

ركضت للمكان الجان لازم اركضلة

ماعرف شلون أوصل شعوري بقى مصدوم حضنته كدام كل العالم

حاوطت ركبته بثنين اديةَ وهوى منزل ادي مصدوم

باهرررر شتااااااقييتلكككك بكد ما بهل دنيا رحمة من رب العالمين

باهر : يا زلمة السبع كدامج ، وخرتهة شوي عني لزمت وجهة بثنين اديةَ مامصدك ،

زها ؟ رجعتي إلي ؟

زُها : مو كلت انتظرج لأخر نفس ماريد تنتظر بعد اجيتكككك

من الفرررحة شااالني وفرني كدام كل العالم حسيت بعضامي رادت تتكسر ويصيح

بصوت من علوى انبح ونجرح

باهر : اخخخخخخخخخخخ ولججججج لوعتتتت چبديييييييي أنتِ

يتبع...

ما أكتب لاتنسون التصويت لأن دموعي عشرة عشرة 💔✨ تصبحون على خير