وقار إلمياس الفصل التاسع وثلاثون 39 - بقلم نور المنتهى

- لم يَعد لـدي الرغـبه

في وصف مَـا بداخِلي لأحـد.

لاتنسون التصويت والتعليق بين الفقرات 💕🦋

الكاتبة نور المنتهى

" " " " " " " " " " " " " " "

زُها : مو كلت انتظرج لأخر نفس ماريد تنتظر بعد اجيتكككك

من الفرررحة شااالني وفرني كدام كل العالم حسيت بعضامي رادت تتكسر ويصيح

بصوت من علوى انبح ونجرح

باهر : اخخخخخخخخخخخ ولججججج لوعتتتت چبديييييييي أنتِ

زُها : احبببببكككك

بعد وجهة عني بعد مجان حاضني بقوة وخلة عيونة بعيوني

باهر : كوليهة بعد وأنتِ تباوعين بعيوني خل اصدك واقع هذا

زُها : اخذتلي صفنة بعيونة بس مو عبالك عيون عبالك بحر وبحرت بيهن ،

بصوت منخفض ، أحبك بريري - مامصدك أول مره بحياتي أشوف باهر بهل حالة حالة محد يكدر يشرحهة خذة ثنين اديةَ باسهن

ولا كأنو عالم موجودة حسيتَ فصل عن كل البشر

باهر : رجعتي للأبد يعني هاي هيا ؟ راح أشوفج يومية وكل لحظة وكل ثانية

زُها : باهر أريد أكولك شي قبل لانطلع من المطار حتى أعرف نفسي أكمل طريقي وياك لو أرجع من هل خطوات

وردت فعلك وجوابك هوى الراح يحدد هذا الشي

باهر : ببتسامة تارسة دنيا ، كولي كولي ولج

ومستحيل جوابِ يخليج ترجعين من هل خطوات

زُها : أصعب شعور جربته بقيت لازمته أيد بأيد ودرت وجهي للبنات رفعت أيد ثانية وأشرت بمعنى تعاي

نزلـن شمسين بلكاع اجت تدحرب مثل البطريقة

تمشي على كيف وباهر يباوع ومبستم ماشافهة أصلاً

باهر : ههههه لمنو أشرتي .

زُها : مارديت لحد ما شمسين صارت قريبة مني رئساً

حضنتني ورفعت اديهة بمعنى شيليني

باهر : بستغراب ، هههه منو هاي الحلوة

زُها : حسيت گلبي انقبض ماعرفت شلون أكلة وشلون اجاوبة بس سبحان الله

شمسين أشرت علي وتضحك

شمسين : بابه به

زُها : للحظة انصدمتتتتت معقولةةةة لأن شايفتة بلموبايل وعلمتهة علي تعرفة ،

شيلهة خطية تريدك

باهر : هههه تعاي شهجمال

زُها : تركت أيدة ورجعت لورة وبقى شايلهة ،

أبقى شايلهة لحد ما أكمل كلامي

باهر : اي عادي - كولي

زُها : أني ماريد أرجع الماضي ولا أريد أذكرك بشي أو اذلك على شي

لا الشهادة لله مو هذا قصدي بس المقصد من إلي راح اكولة راح تعرفة بأخر الحديث

باهر انتَ غلطت وياي أكبر غلط وبدون ما صدكني وبدون ما تفهمني

طلعت من بيتكم وأني لاحول ولاقوة طلعت وأني مضلومة من عدكم

وهذا الشي تعرفة انتَ وتعرف شكد حسيت نفسي مكسورة بذاك الوقت

رحت من بيتكم وهم نفس الشي خسرت اعز ناسي خسرت أمي بسبب أمك هم

اتبهذلت وفقدت هواي أشياء تحملت شي بوقتهة ما كنت كد هذا التحمل بس تحملت

غصباً علية أخذت دور الأم الحنونة والتخاف والعليهة مسؤلية علمود خواتِ

حتى ما يحسن بنقص حنان الأم والأب بنفس الوقت

بس انتَ ماتحملت بكد ما أني تحملت وتعذبت

طلعت من عدكم وأني ماخذة روح منك وياي

حملت هل روح وأني الف دمعة تنزل مني شلون راح اربيهة

شلون اذا قصرت وياها ؟

طلعت وأني كنت متأكدة مراح يجي يوم واتندم لأن ضميت عليك بنتك

لأن بوقتهة مثل ماطلعتني من حياتك طلعت أي شي يخصك وهاي الشايلهة

هسة هيا بنتك وقبل لاتحجي اي شي حرمتهة منك

مثل ما حرمتني منك . ومثل ما حرمتني من أمي وراحتي وكلشي حلو كنت أحس بي.

قبل لاتحاول تحاسبني غياب بنتك عنك هوى عقاب ألك على كلشي

وهسة أكدر أكول هذا العقاب خلص باهر ؟

أني وخواتِ هنا بعدنة بلمطار ردت فعلك هيا الراح

تقرر لو نرجع ؟ لو نبقى هنا ؟

نزل شمسين من بعد مجان صافن بيهة طول ما اني احجي ودموعة تارسة وجهة وهيا مخليهة أيدها على حلگة

نزلهة بدون مايرفع راسة دار وجهة وصوتة مجرح

باهر : بهدوء ، برة بسيارة انتظركم صيحي خواتج

زُها : ما كدرت أرد علي ماعرف شنو من شعور حاوطني من دار وجهة وراح

التفتت على البنات وأشرت الهن يجن

حوراء : فووووكاااااهة يروححح أصلاً صوج اليحن گلبة علي

زُها : طيبة رجلية ماتن شيلي شمسين وتعالن وراي باهر منتظرنة

حوراء : بقيت فاتحة حلگي ، واتتتتت هههههه أني اشيلهة

طيبة : هاچ - رحت أني واسل وحوراء وراها طلعنة شفنة باهر بسيارة مشغلهة ومنتظرنة .

زُها : فتحت باب سيارة خليت شمسين بلكدام ،

أبقي عاقلة ماما لاتهمشين شي

شمسين : مامااا

زُها : لاصيحين صوتج أني راح اكعد ورة

آسل : اصعدين زها لو أني أصعد أول شي

زُها : بقلة صبر ، فضيها صعدي أني أريد بنص أكعد

طيبة : سلام عليكم شلونك خوية

باهر : وعليكم السلام

حوراء : عاش من شافك

باهر : شلونجن

آسل : كلحنة زينين

زُها : اباوعلة ملامح وجهة انبهتت وذبل كل الطريق ما حچة حرف واحد

شمسين : به

آسل : هيا هاي تعرفيها به ياريت لو بابا

زُها : أشوف شمسين صافنة على باهر تصيح علّي بعصبية بس هوى ما مهتم .

طيبة : شمسين جوعانة ؟

باهر : التفتت عليهة ، إسمها شمسين ؟

زُها : ببتسامة خفيفة ، أي شمسين

" " " " " " " " " " " "

أنغام : شغلت قرآن وخليتَ يم أمي بقيت كاعدة يمهة .

غمضي عيونج وستجابي وي تلاوة القرآن .

اشرتلي بعيونهة وغمضت

عسى ولعل أن شاء الله ترجع معة الأيام وتكدر تحجي

انتچيت على الميز خليت راسي وصافنة عليهة

دخل مصعب

مصعب : ها ماكو شي.

أنغام : لا شغلت قرآن بلكت الله ترجع

وين جنت انتَ

مصعب : برة

أنغام : ضايج ؟

مصعب : ههه ليش اضوج

أنغام : يعني أكو غير طي..

مصعب : مقاطع كلامها ، عوفيي طيبببة ماعايش علمود طيبة بس كافي

أنغام : يا هذا شبي ؟ . تعال ولك

عافني وصعد هففف هسة أني بية حيل صاعدة نازلة

طلعت ورديت الباب على أمي حتى تنام صعدت فوك دكيت الباب

مصعب : أنغام عوفيني

أنغام : معليك بس كلي أدخل ؟ .

مصعب : تعالي

أنغام : دخلت لام شعرة بثنين ادي من توتر. ،

أكعد أهدى

كافي قاهر نفسك

مصعب : أنغام ما تفهميني تعبت بسبب طيبة تعبت

أنا مجاي أعرف نفسي منو

أنغام : انتَ مصعب الطيب اليضحك دوم

مصعب : ههه هاي گبل

أنغام : وشنو الاختلف هسة ترة طيبة هم مو بيدها

هم تعبت منا

مصعب : بصياح ، انااااااا شكووووو شعلييية متعببببهة

مأذيهةةة بشييييي شوووو حتى صوتهة الجنت قابل أسمعة لو مرة وحدة بلأسبوع هم حرمتني منااا

تررة هيا التعبتني وهيا الأذتني

أنغام : شطالع بيدها قابل

مصعب : لا طااالع بيدها تكدر ادكول أكو چلببب يحبني أكو شخص يحبني شلون هيج أسوي بي

أنغام : حشاك

مصعب : ما باقي عليهة ولا ضلين كلساع عايدتهة علية طيبة وطيبة چنچ راديو

أنغام : لاسوي زين شر ما يجيك

الله يهديك ويصلح حالك

مصعب : نترت أيدها بقوى ، شنووو قصدج ؟ مخبل أنا مثلاً ؟

لو ظالمهة ؟

أنغام : ياااا شبيك ترة كلحنة نحتاج الهداية والصلاح
مو بس المخبل وظالم

امداكم

خليت وطلعت

مصعب : امداكم وياي ؟

أنغام : جاي أنزل من درج وصحت ، اي وياك

الحمد لله كلهة تخبلت بهذا البيت ضليت بس أني صاحية

" " " " " " " " "

طيبة : وصلنة ؟

زُها : شفت المكان اي ، باهر يم ذاك البيت نزلنة

صف سيارة بلباب نزلـن البنات بقت بس شمسين وباهر بسيارة

نزلـت أفتح الباب دخلـن البنات ونزلن جنط بقى باهر وشمسين بسيارة

رحت يمهم كتر باهر مديت راسي من چامة

ماتنزل ؟

باهر : عدم الرد

زُها : بقى صافن بعيوني بدون كلام ،

حسيت هل مرة أني إلي ملازم اخسرة وادري بي داخل بصدمة لهذا السبب ساكت فتحت السيارة ولزمت أيدة ،

تعال أنزل يلة

باهر : وبنتج أضل بسيارة ؟

زُها : بلعت ريگي وجريت نفس حتى أكون صبورة ،

اح لا أنزل وأني انزلهة .

وخر أيدة ونزل للبيت نزلت شمسين ورحت ورة

طيبة : البيتت مغسول

زُها : أي أني غسلتة قبل لأ اجيكم

آسل : أبو سمسين شنو شعورك ابنتك

زُها : خزرتهة ، انطمي

كعد باهر على التخم وشمسين راحت يما بيدها لعابة خذتهة وراحت انتچت على باهر

باهر : انتچت علية وتلعب بلعابة ولا عبالك مستغربة لزمتهة من ظهرها ودرت وجهة إلي ،

ماخذة خاوة ؟ شنو هذا تجاوز

زُها : ههههههههه

شمسين : نننه

باهر : التفتت لزُها ، شجاي ادكول ؟

زُها : تعيب. عليك ههههه اباوعلة أبتسم بس بعدة تعبان ،

جوعانين

باهر : شجيبلكم ؟

زُها : أكل جاهز بس أخذ شمسين وياك

باهر : وياي ؟

زُها : اي وياك لو تضوجك ؟ !

باهر : لا .

زُها : تعاي ماما مو سوين وكاحة وتبجين

أخذها وراح كعدت ابجي البنات أجن

حوراء : يللةةةةة سولفييي شنوووو شعورة من عرف شكاللل

طيبة : دموع الفرح هاي ؟

زُها : منهااررة بناااات منهارة ماعرررف شنو شعورة هسة ما أعرف بشنو جاي يحس

الاعرفة بس ساكت ومصدوم

أتمنى أعرف هوى مقهور هوى فرحان هوى شنووووو هسةة يحسسس

طلعت شمسين ويا بحچت العشة

أريد بس كون يصحى ويوصل لشعورة

طيبة : حقة زُها شمنتظرة منا مثلاً يكول اي والله هاي بنتي خل احضنهة وعاشت ايدج

آسل : أحسن شي تعوفي براحته لحد ما يتقبل الموضوع وتطلع مشاعرة

ولا تحاولين اضغطين علّي ويتعب بزايد لأن مبين ميريد يرجع يخسرج

حوراء : بقيت اصفگ ، عاشت ايدج عاشت ايدج صايرة متكلمة

طيبة : اي زُها آسل صح كلامها ترة

" " " " " " " "

باهر : اكسروا قيود الخصام

الموت يأخذ في غفلة

طلعت لازم أيدها وهيا مخلية اصبعهة بحلگهة وتباوعلي ،

نصعد بسيارة لو نروح مشي ؟

شمسين : أوتو

باهر : بستغراب ، شنو ؟ تقصدين مشي !

سحبتني من أيدي للسيارة وصيح

شمسين : اووتوووو

باهر : معقولة تقصد سيارة ؟ ، امشي منا اصعدج

صعدتهة بسيارة وصعدت تصفگ حسيت نرسمت بسمة على وجهي شعورها مختلف

ماتحسى وي أي احد ،

أنا ابوج يعني أنتِ بنيتي ؟

رحت لمطعم طلبت يجهزون عشة منوع من مشاوي

حضرهن شوي وراجع

تعالي نروح نشتري ؟

شمسين : مممممم اح

باهر : هاي بوسة ؟ تعالي

شو بوسيني هنآ ؟

شمسين : اححح

باهر : ههههههههههه لوتية - تخلي حلكهة على خدي بدون متبوس دكول احح

يلة نعمة الله عليج

" " " " " "

طيبة : دخلت لزها لكيتهة تلبس بدشداشة .

آسفة

زُها : لا عادي تعالي

طيبة : زُها شوكت أشوف مصعب ؟

زُها : مانكدر نروح هنآك يكدر يجي هنآ ؟

طيبة : بقهر ، ماعرف ماعندي عين اطلب منا يجي

بكل مرة أرفض حتى تواصلة وياي وهسة اجي أكلة تعال

زُها : معليج أني أحاجي أصبري

طلعت جهات الاتصال بلواتساب دكيت علّي

مصعب : منو !

زُها : شنو ما مسجل رقمي ؟

مصعب : ها زها

زُها : شلونك مصاعب

مصعب : الحمد لله شخبارج انتِ

زُها : الحمد لله - تكدر تجيني باجر ضروري

مصعب : بستغراب ، بيچ شي ؟

زُها : من تجي أكلك

مصعب : وين اجي - أنتِ وين ؟

زُها : تعرف بيت الخالة أم فهـد ؟

مصعب : أي اعرفة

زُها : هوى قريب علّي من توصل أتصل علية واوصفلك

مصعب : أن شاء الله

زُها : يلة الله وياك

مصعب : معة السلامة

طيبة : ها ضايج لو حسيتي طبيعي ؟

زُها : ماعرف يمكن ضايج ولله ماعرف خايبة مشاعري دايحة ماعرف

بعد فرحي من حزني

طيبة : حقج ما تنلامين

زُها : سمعت صوت باب اندك أكيد اجة باهر ،

لحدد تفتح الباب أني أفتحَ

حوراء : اي ركضي ركضي بساع ههههههههه

زُها : فتحت الباب بخوف باهر شايل شمسين ولازم بيد الثانية علاليگ ،

انطيني عنگ العلاليگ

باهر : محتاجين شي قبل لأ أروح ؟

زُها : باوعت إلى ابرود من كال هيج حسيت نفسي انجرحت لأن راح يروح

بدون ماعرف شنو شعورة اتجاهي وشنو

يحس نظرت إلى بحدة وعصبية وسحبت شمسين منا ،

لا شكراً مامحتاجين شي

ركعت الباب بوجهة وهوى بعدة موجود دخلت للبيت

طيبة تعاي أخذي شمسين تعشن وعشنهة وياجن تعبانة أريد أنام

طيبة : باهر چا ما يتعشى ؟ !

زُها : ياكل حريشي -

دخلت للغرفة حسيت نفسي اريد اشگ هدومي من حرگة گلبي

انتَ باهر ابن فردوس وأني زُها بت جميلة أشوف منو يكسر خشم منو

" " " " " "

باهر : وكفت كبال بيت امي دكيتَ ،

فهد : باهر ؟

باهر : دفعتَ من صدرة ودخلت ، يمة

أم فهـد : كامت من مكانهة فاتحة اديهة ،

يمة هلا بيك يابعد عمري

باهر : مشتاقلج الحنينة

أم فهـد : تشتاقلك العافية بعد گلبي تعال أكعد

فهد : شبيك ما تتحاجى

باهر : يمة عادي تجين نحجي وحدنة

فهد : ميحتاج أنا طالع -

باهر : أسوي فضل

أم فهـد : يا يمة ليش ولك بس لا متعاركين

باهر : هههه لا يمة ميانة

أم فهـد : اي يمة أسمعك شبيك مصوفر

باهر : أنا حاير وتعبان

أم فهـد : لطمت على رجلهة ، متعيني يمة شجاك شبيك تعيبان

باهر : جنتي تدرين بزها حامل ؟ أكيد يعني تعرفين جانت يمج

أم فهـد : بدموع ، يمة شكلگ أدري بس مو بيدي ياريت لو أكدر أكلك

البت شافت الويل اليوم اليمر عليهة بطلاع روح تعذبت

باهر : مقهور يمة مقهور

أم فهـد : بس يمة البت حقة تره تاخذ بنيتهة

شافته مو شويونة ولا هين

باهر : هذا القاهرني أنا بنفسي حرمت بنيتي مني

نحرمت منها وهيا زغيرة لا حضرت بيامهة ولا بأي لحظة من الفات

أم فهـد : تذكر يمة بيوم الاجيت انتَ وفهيدان
تعبانين من الواجب

ولكيت بنية أهنأ ؟

باهر : بصدمة فتحت عيوني ، هاي شمسين ؟

أم فهـد : اي يمة وزها هيا الكلتلي خلي يشيلهة

من هيچ كتلك شيلهة وخليهة على گلبك

باهر : والله شميييت بيها ريحة زُها يمة شميت ريحتهة ولله وحسيت روحي طلعت بساعتهة

ولله حسيت بهذا الشعور من شلتهة حسيتهة تختلف عن أي طفل

أم فهـد : يمة شبيدي أني متمنية تلتمون عويل واحد

وبنيتك بحضنك ومريتك يمك

باهر : أجن اليوم وشفت شمسين

ساعديني ولله تعبان أحس النفس كوى يصعد

أم فهـد : نصيحة يمة انتَ تكدر تمحي كلشي وتبني كلشي حلو من جديد وأيام بنيتك جاية تعوضك

عن كلشي

باهر : بست أيدها ، فدوة اروحلج راح أسبح ونام

أم فهـد : خوش يمة نشف شعرك لاتبرد وتتمرض .

باهر : صار

" " " " " "

اليوم التالي

مصعب يتصل بك...

زُها : أهلاً اجيت ؟

مصعب : اي اجيت مثل ماكتيلي

زُها : أبقى بمكانك راح أطلع أني

مصعب : انتظرج

زُها : طيببببة

طيبة : مصعب ؟

زُها : اي يروحي - أبقي هنا حتى شوفي وتحجون

طيبة : بسسس خايفة ولله بطلت ماريد أشوفة

زُها : انجبي كبد -

طلعت نازل عن رصيف أشوفة أوي سودا عليه لحيتة

تارسة وجهة وشعرة طولان حيل تعبان

مصعبببببب

مصعب : ببتسامة ، اجيت

زُها : أشوفة يبتسم واشرلي جاي

مصعب : بست راسهة ، شلونج الغالية

زُها : الغالي شكد حنين بگلبي ألك مفتقدة وجودك حيل

مصعب : لاتتعايرين اليحبك يندل خدك لو صدك مشتاقة چا من زمان خليتينة نشوفج

زُها : الفات مات تعال اتفضل

مصعب : هذا بيتج ؟

زُها : اي

مصعب : يا لله اللهم صلِ على محمد وآل محمد

زُها : صليت على نبيك اتفضل هنا هسة جاية -

جذب منو يجيك بعد أريد يشوف طيبة

طيبة : أشلع بظافري بحلگي من توتر ودخل مصعب ،

مصعب .

مصعب : طيبة ؟

طيبة : دار وجهة وراد يروح لزمت أيدة ،

وينننن رايييححح شنو شايف

مصعب : لو شايف چني ولا شايفج

يتبع....

لاتنسون التصويت