رواية #وكر الأشتر الفصل الثاني وخمسون 52 - بقلم الكاتبه سمو العراق

تنويه احبتني ... احب اعلن عن انتهاء الجزء الاول من روايتي وكر الاشتر وذلك لاسباب خاصه وشخصيه

وأيضًا لان الرواية كبيره وتحتاج عدة بارتات للوصول لنهاية الاحداث قاطبا  ان شاء الله ما اتاخر بالجزء الثاني وارجع باسرع وقت ممكن

البارت الاخير من الجزء الاول
رواية .. وكر الاشتر
بقلمي .. نور سمو العراق

💔💔💔💔💔💔💔💔💔💔💔💔

أتعرف تلك اللحظة التي يحدق فيها شخص إلى عينيك وتشعر بأنه يحدق إلى قلبك فيتوقف العالم في لحظة ..

.....................................

سولين

ظليت متوتره ومحتاره شنو الي اسوي شلون اواسي انسان مجروح وديذكر الماضي  وهو عبالك لكة مني استجابه احتضني بسرعه وعبالك اني دوه لجروحة عبالك اني خياط  اخيط كل جرح بيه

جنت متردده احتضنه جنت خايفه وما اريد انطي امل بشي بس اني اتعاطفت ويه حالته شديت على حضنته وهمست بهدوء .. الله كريم ان شاء الله كل شخص راح ياخذ جزاءة انت خلي املك بالله كبير وان شاء الله ما يقصر وياك

ابتعدت عنه وكعدت وهو حط وجهه بين كفوف اديه وصمت دقايق جنت منتظرته يحجي منتظره يكول اي شي بس هو جان صامت ويحاول يلملم شتاته

حجيت بتمتمه .. كول يا الله الحمدلله على كل حال وان شاء الله مصطفى يرجع العقله ويعوف تحسين وساهر والله ما ينساك على السوو بيك

تنهد وجر نفس عميق وزفره كال بحسره ..بعديش يا سوليين بعديش بعد ما ماتت امي بعد ما انقتلت اختي وشوهه بسمعة الانتحار بعد شنو ؟ وجع بصدري ضامة من سنين .. سنين طويله يا سوليين

مرات احجي ويه نفسي اني شلون عايش شلون امشي واتنفس وين الهدف بحياتي بس بعدها اتذكر ان اني انسان مثابر وصلت بظل اصعب الظروف وصرت محقق جنائي سري ومشيات بحقائق واكتشفت هوايه اشياء اصلا لازم افتخر بنفسي

بس تدرين شنو ترجع الحقيقه المره وتضربني بالارض بقسوه وارجع النقطة الصفر اني ما حققت شي لامي ولا لاخواني واخواتي وكل هذا اختي توأمي تقاسمنه اني وياها ضلمة الرحم سوه

احنه ارواح معلگة ببعض جنت احبها اعشقها احس بيها من تتوجع احسبكل شي صار وياها من تختنك اختنك وياها هي ماتت واني ظليت مثل المقسوم نصين نص وياها ونص وياي

اختي ماتت موته بشعه ولحد الان اني بداخلي كسره وجرح ما يشفى ولا طيب الا اذا اخذت بثارها وطلعت حقها من عيونهم

بس لحد الان اني ممسوي شي اريد اطيح حضهم اشتت عوائلهم وادمرهم اذا ما بهذلتهم ما اطلع الاشتر

تدرين شنو اني جنت ضعيف جنت طفل ما اكدر اسوي شي ما كدرت اسند امي واخواني ضاعوا بلمح البصر وصار كل شي الوجيهه وابنها السكط

وكل عذابنه منهم حتى الي صار ويانه اني وياج باخر ليلة صار بسببهم

نزلت عيوني خجلانه من كلامه مكدرت احجي شي واتغاضيت عن الموضوع الي حجه بيه

تقرب مني وهو يكول .. اني لو اعتذر الج عن الي صار منا لبعد مية سنه مراح اكدر اوفي حقج ولا اكدر اصلح الضرر الي صار

بس خلي يكون عندج علم .. صديقاتج اخواتج اهلج ناس يجوز من يشوفوج يفرحون بس اني تلقائيا من اشوفج اتنهد وانتي الوحيده الي صوتج بنص كلبي

احتضنت اديه واجنت ارجف حييل صار فتره عندي هاي الحاله تقرب مني احتضن اديه جانت اديه ثلج وبارده حييل وهو اديه حاره

سحبت اديه بسرعه وهو صفن برجهي وعقد حواجبه كال .. هاي انتي اديج ليش هيج بارده وصايره ثلج انتي من تمشين هم تفحطين اخاف عندج خفقان

هزيت راسي باي.. اي اعاني من خفقان لان ذاك اليوم من اخذني الطبيب الاسنان صفاء هبط ضغطي والدكتور كال عندج خفقان

سكت وهو يتنهد وكأنه مجروح على حالي بعدها باوعلي وهو يكول .. اني احس الدنيا حييل انسدت بوجهي حييل ما اعرف ارضي منو وارجع منو واخذ حق منو احس كل شي صار على كاهلي وانفذت سيطرتي

هزيت راسي بنفي .. لا تشيل همي خليك بهمك

عقد حواجبه وهو يكول .. شلون ما اشيل همج يا سولين انتي تهمين اكثر من همي بس اني محتاج توكفين وياي

جاوبته بعبره .. اني منوو ؟

حط ايده على گلبه وهو يكول .. انتي طيفي

رديت عليه بحزن ودمعه .. تعبانه اني هم تعبانه كل شي يوجعني كل شي بيه مكسور احس نفسي مثل تحفيه مكسره حتى لو تتلزك تظل مشوهه مو حلوه

تقرب مني اكثر وباس ايدي كال .. والله كل شي يتصلح والكسر يلتام حاولي انتي وساعدي نفسج خليج وياي وما تخسرين

رمشت بعيوني بالم.. انت كلت اطلكج ليش غيرت رأيك ولو انت ما عندك كلمة صدك

تنهد وهو ينفخ بضجر كال .. اني مدمن ومحد يكدر يتخلى عن ادمانه حتى لو حاول واصر بس راح يرجع لنقطة الصفر

جاوبته بحسره .. بس اني دا اتعذب دا اموت احس حتى اخواتي احسن مني عايشات حياتهن مجنت هيج اني ابد ما جنت هيج جنت اعارك لساني طويل هسه حتى ما الي خلك اسولف

رد عليه.. اتفق وياج تحسين نفسج انغدرتي وبعد حادث رجلج والي سمعتي انطفيتي كلش وحقج اني ابد ما الومج

شهكت من بين دموعي .. تدري اني ما لحيت عليك بموضوع امي وما كتلك شنو الي صار شلون سلمتها لابوي رغم سمعت اكثر من سيناريو من سالي ومن تحسين ومن الكل وكلهم جذبتهم وجنت اريد الحقيقه منك جنت اخاف اسالك اخاف يطلع كلامهم صحيح والأوهام تكون حقيقه

اني ادور امل ادور امل ان تكون انت مو مذنب بموت امي واخاف اسالك وانصدم بالحقيقه وجنت دا اعيش على عمه عيوني بس جرحتني باخر ليله وقضيت على كل شي

تنهد وهو يكول .. موضوع امج اسولفه الج وهسه ولا عبالج اني ساكت منه لا بالله دا احقق بيه و وصلت الخيط من الحقيقه

ركزت بعيونه واني استمع الكلامة كال .. بيوم من الايام بوحده اليالي الي جانت معتمه ومضلمة مثل كل مره اجه بلاغ عن وجود بيت دعاره وبغاء وهذا البيت متنكر بحيث يعني كل الموجودين بيه يدعون ان هم اطباء وطبيبات والبيت هي عياده بس جان المكان مشبوه ومشكوك بامره

تقدم بلاغ وجان البلاغ السالي وطبعا سالي تعرف امج وتعرف ابوج وتعرف كل شي عنكم بحكم شغلها وبحكم سجن ابوج كم مره وقتل واحد بالسجن والتهمه الي تلبست بابوج واني طبعا ساعدته بعدم التحقيقات الجنائية

وترا لا عبالج سالي ما تعرف شي تعرف كل شي وحتى امج جانت مراقبتها بعد ما دخل ابوج للسجن لان اكثر الي يتهمون بتهمة المخدرات هم خلايا وتتكون من عوائل

وبعدها سالي اعترفت بأن أمج مالها شغل بزوجها وتشتغل اداريه بأحد المستشفيات وعائلتكم صغيره تلث بنات و ولد واحد طفل ما يعرف لهاي السوالف

وبعد ما اخذت مثل كامل اجاها بلاغ من واحد من المجندين الي هي وياهم واخذت كافة المعلومات وصار عليهم القاء القبض ومن بعد ما اجو جابوهم للسجن اجو من ثمانيه باليل لحد قبل الفجر

خابرتني سالي وكالت .. ان زوجة عامر المسجون سابقا وحده من الموجودات بالدعاره والي يسوون عمليات ترقيع وهاي السوالف التعبانه

اني اجيت بسرعه وشفتها جانت من دون الموجودات تبجي بجي وتلطم ومنهاره وتحلف ان هي مالها شغل وانضحك عليها وجانت تكول .. اني ما الي شغل والله طلعوني من المستشفى امر كالو حالة طارئة واني ما ادري شنو الي صار اجيت ويه الممرضات حتى اجينه بالاسعاف والله اجيت بالاسعاف دخلت وانحصرت هنا

والله عندي بنات وحده منهن مريضه وبحاجتي والله زوجي يطلكني يموتني عوفوني اروح

جانت تتوسل بالرايح والجاي وتبوس بالادين وتحاول بكل طاقتها بس جان محد يسمع الها وجانت تلطم على وجهها وتصيح .. والله مالي شغل هو علاء امنيه هو السبب اعرفه هو يريد يورطني لان اشتكيت عليه بالصحة وهيج صار بيه هو هيج سوه بيه حتى ينتقم مني ويشوه سمعتي ويشوه صورتي

يمه بناتي يمه شلون بيه فدوه شتردون انطيكم شتردون اني حاضره بس عوفوني

جنت اني اباوع الها صح امج صغيره بس اتذكرت بيها امي تذكرت امي شلون جانت تتوسل باهل ابوي من طردوها وتهموها بشرفها وهي جانت تتوسل يعوفوها بس الخاطر اخواتي

بسرعه اني شديت العزم واتقربت منها بعد ما شفت انهيارها وجنونها همست الها بهدوء.. هدي نفسج وروحي وياهم لا تنفعلين وبعدين اني ادز عليج

باوعتلي وهي تبجي لزمت ايدي وباستها سحبتها منها بسرعه ... فدوه خويه والله عندي بنات شابات و وحده منهن مريضه احرص على روحي واجمع فلوس عمليتها والله ما عندي شي اروح بطريقي واجي بطريقي اني عبد الامامور مثل ما امروني رحت و وجانت وياي ممرضات ثنين معرف حتى وين صارن اني انغدرت والله

جاوبتها .. روحي وان شاء الله محلوله

جنها عيونج من تباوع من تبجي حيل بيها شبه منج ما ادري نفس دمج كالت ..اخاف تجذب عليه اني ما اريد انسجن والله تصير عليه سمعه وابو البنات يموتهن انت ما تعرفه

ابتسمت على كلامها جاوبتها .. روحي مالج شغل

جانت متردده وشاكه بيه اضحك عليها وانطيها جرعة امل حتى اخلص الضباط والضابطات منها لان جانت بس واحد يتقرب منها وظلت تعيط وتصيح وتبجي وتلطم وتحاول بكل طاقتها تخلص نفسها بس ما تكدر ولا تعرف شلون

مشت وهي عينها عليه نظراتها بريئة مثل عيونج تترجاني بعيونها صفنت شلون هاي الانسانه منطيها العامر الخسيس النذل والقذر تسوف الف رجال معتمده على روحها وتدافع على شرفها وعزتها وكرامتها وما ترضا بالعار

حسيتها مثل موقف امي بالضبط امي ما كدرت اوكف الها بس قررت اوكف لهاي الانسانه

حجيت ويه الضباط والرائد ومبدئيا كالو ما عندها شي وخابرنه صدك طالعه سياره اسعاف من المستشفى وهي تشتغل عندهم

اتفقت اني والرائد بعد ما اخذت موافقه مبدئية ببرائتها وتكفلتها من حجينه وياها هي انطتني رقم عامر كالت .. هذا رقم زوجي اتصل بيه وروح اسال عني بمنطقتنا راح يكلولك ام امين منو

اني اعرفه اصلا بس عادي اخذت الرقم منها واتصلت بيه وفهمته بهدوء وكتله كل شي احتمال تكون مغدوره بس هو عبالك حاقد عليها ظل يزاكط مثل الحصان ويغلط عليها واليوم اذبحها واليوم اموتها عبالك ما صدك لكة زله عليها

المهم اني اخذتها بمكان واسلمتها اله ومن ركب السياره شفتها جانت تصرخ وتدك على الجام  جانت مرعوبه اكثر شفتها تموووت

جنت اني بس ساكته واستمع اله ودموعي تنزل بصمت على حال امي واني اتخيلها اتخيل شلون تبجي شلون تتوسل شلون تذكرنه وتذل روحها الخاطرنه

كمل كلامه وهو يكول .. خفت حييل ظليت اربط مصيرها بمصير اختي رحيق شلون عفتها وراحت من ايدي ركبت سيارتي ولحكته ردت اوصل بيه ما لحكت عليه جان خبل ويسوق بجنون بحيث ما مهتم لاي شي يسوي حادث يسوي صخان عادي عنده المهم يوصل بيها

هو وصل قبلي بدقايق واني وصلت وراه دخلت للبيت وشفته واكف وسلاحة بيده وهي تتوسل بيه وتكله الخاطر بناتي عامر طلكني شتسوي سوي بس لا تكتلني والله اخاف اخاف من الضلمة اخاف من الموت

صرخت اني بصوت عالي و وكفت بعد ما نعاد عليه موقف مقتل امي على ايد عامر الكلب

تشنج جسمي واصرخ بصوت عالي ... للااا لاااااا يمه يرووووحي لا تموتين اني هم اخاااف اخاااف من بعدج اني احبج تدرين شكد احبببج

حسيت بيه احتضني وشالني وهو يضمني الصدره كال .. كافي سوليين اششش لا تعبين نفسج اني ليش ما اريد احجيلج لان اعرفج تنهارين اعرف هيج يصير بيج ليش تخليني اتندم احجيلج

صرخت بوجهه بعصبيه ... هي ماتت ماتت بعد شنو الفايده شنو الفليده امي ماتت راحت بعد ما ترجع ما ترجع انتظرتها اكثر منه سنه وماكو ما ترجع

تنهد وحضني حييل ومسح دموعي كال .. والله ترتاحين بس اصبري راح كل شي ينحل كل شي يصير تمام

رديت عليه بعنف وعناد .. هو يكول امج مو شريفه امج زانيا امج قتلها حلال انت محقق وتحقق اريد تطلع جثة امي وتحقق بيها تطلعها من كبرها وتثبت برائتها

رد عليه بحب ولهفه وهو يكول .. تتدللين كل شي اسوي الخاطرج كل شي اسوي تردين نرجعها تعيش نرجعها

باوعتله بحسره .. لا تلعب بجرحي ولا تستهزء بيه اني دا احجي صدك اريد امي تثبت برائتها كدام الكل

احتضن وجهي بثنين اديه وهو يكول ... والله ما العب بجرحج ولا مستهزء بيج يا سولين بس انتي خليها عليه واشوفج ام اشتر شتجيب

شهكت بوجع وشتت نظري كال .. يله روحي نامي روحي ارتاحي وان شاء الله كل شي ينحل وعد اخليج اسعد الناس

جاوبته بحزن ... ما اصير سعيده الا اذا رجعت امي من موتها وهالشي مستحيل

رد عليه بغموض .. ثقي بيه

رجع عادها مره ثانيه من شاف ماكو استجابه مني كال .. ثقي بيه ومتندمين لان فاتح قضية امج صدكيني

هزيت راسي بقبول اخذني للغرفه غطاني وباس راسي كال .. احسج عائلة كاملة مو انثى وحده انتي عائلتي

رفعت راسي وصديت بعيونه

ابتسم وهمس باذاني ... عيونج تقنع الملحد يسولف بابداع الخالق

غطاني وهو يكول .. دفي روحج يروحي لا عبالج اني عايفج الوحدج البيت كله محاوطه حماية لخاطر عيونج

هزيت راسي بقبول ولحد الان بداخلي احساس خجل ما اعرف خوف منه ما اعرف اوصفه احتضنت بطني احسها توجعني يمكن استبردت

............................

جيهان

جنه كاعدين اني وافيان هي تگلب بتليفونها كالت .. اكلج شوفي مو عبالج عمج كريم خطبج هذا هو الحياة صارت سعيده وكلها فرح وسرور لا عيني لا امي باجر تطلعلج ام حسن الكرطه وترجع تكملها عليج كويثر العوبه على بشنو اني دارسه وانتي ما دارسه واني افتهم وانتي لا وحنينه ام عطوب ام شعفة الصفره هم تفتر عليج جنها نعال معاد

فانتي يا امي ياعمري شنو لازم تسوين مو كبل انزفيتي رحت كثرتي فروخ وسطرتي احميد وفطيم وزهيره لا عمري شوفي مستقبلج كليله يقدملج خارجي وامتحني سادس حتى محد يظل يتعيقل فوك راسج اوك مامي

رديت عليها بفهاوه .. دخلي اتزوج هسه وعود بعدين افتح موضوع الدراسه

غمتني بثنين اديها .. شكد فكر شكد ططوه لج امي لج عيني هسه الرجال حابج وطلابتج اوامر يعني شنو يعني شردين حاضر انتي وزارة التخطيط وهو التنفيذ هو ينفذ وانتي تخططين استغلي الفرص يا عيني

رديت بانزعاج .. اكلج هو اني ادرس سادس شحستفاد عو آني ابتدائيه قابل اصير دكتوره

جاوبت .. تصيرين ثوره يالبعيره لج باعي من راح تمتحنين راح ترحين ثالث متوسط وادرسي وكملي احس هو مهندس وانتي لا علم ولا فهم باجر يعيرج وسوي روحة بس هو وبس براسج

رديت عليها .. تمام وره الخطوبه عود اكله

كالت بحماس .. لج ما تدرين غير سولين اشتر نسيبي جابلها موبايل لج خليني اخابرها وانصب عليعد اكلها اني زوجة الاشتر بالسر واني خمس جهال ههههع خلي اخبلها

ضربتها .. انجبي لج عابت ما احب هاي السوالف عوفي البنيه مرتاحة ويه الرجال بس فدوه صدك خابريها وكليلها فرحيها كليله عمو خطبني

غمت كصتها بقهر .. خرب حظي ولج عمو شنووو كولي حبيبي زوجي كرمي كرمرم الحب العشق بعد عمو شنو خاف جدو احسن

ضحكت ... هههههه خايبه نسيت كرومي الروح النفس الشريان الي يضخ دم احبه

شويه ودخل عامر وهو متخبل يحك بجسمه بمشط مدري منين جايب المشط ويحك بيه بضهره كال .. وينجن بنات الجلب تعالن بسرعه

خلينه ورحنه كعدنه يمه كال ... عمي كهلان خابرني ويريد جيهان الكريم والله ما صدكت كررريم يتزوج هاي المشوهه عجيب والله خايف منجن طاكاته بسحر الله اعلم جا النهار كله دايحات اكيد تفترن بالسحارات

الا زلمة مثل كريم مشورب والكل تتمناه ونجومة على جتافه يناسبنا احنه ويختار هاي المشوهه

وياشر عليه بطرف اصبعه .. شلون قهرني واذاني بكلامه وخلاني استنقص من نفسي واكره روحي

افيان ردت ... والله يا عيني انت لو كاعد بالبيت ومحافظ على عائلتك جان عرفت وين نروح و وين نجي بس اذا انحرف الراعي انحرف القطيع

هو شمر المشط عليها وهو يكول ..ادبسز عار مثل امج نعال عليج

وهي تفادته من دون احساس ورجعت كالت .. اي هسه عوفنه من هالكلام وبعدين شتفقتوا

رد عليها بتنهيده .. كتله موافقين قابل الكة احسن منهم هو انتن منو مكلبجن وبعد عملة امجن ما جنت اتوقع واحد يخطبجن جنت اضن تظلن على كلبي

بس الله الحمدلله والشكر ما يظلم عبدالله وما راد يظلمني ويهليجن علة على كلبي فحب يريحني ومشاجن وخلصني من شرجن الحمدلله الله دائما ينصف المظلوم

عقدت حواجبي باستغراب .. هذا يحجي صدك لو يجذب شنو سالفته اشو يجذب الجذبه ويصدكها مخبل رسمي صاير يحجي بالدين

كمل كلامة وهو يكول .. اني كتله اخذها بثوبها لان الاقربون وليون المعروف ( اولى بالمعروف )  هيج حق الله يكول الكرابه اهم

حتى ما يعرف الايه شنو گلبها گلاب وكلامه يدگ بالعظم شلون يجرح بكلامه

بعدها كمل ... كالو بس نعقد عقد عادي وبعدين عود ان شاء الله نسوي حفله المهر يعني محد راح يجي بس كريم وام حسن وعمي كهلان

عمي اني ما صدكت هسه حتى لو يتزوج بدون مهر هم ميخالف بس خلي ياخذها ويفكني

حله وطلع احس راسي صدع ياربي شوكت نخلص من عامر ومو حتى  احنه خلصنه وهو بعده يتصرف تصرفات تشكك الواحد بروحه شلون بيه ياربي شلون يرخص بيه ويتنمر عليه بعد شلون الرجال يحترمني شلون يقدرني اذا ابوي هيج  انوب منعجب خاطبني كريم

........................

صفاء

جنه كاعدين اني وسولين نشرب جاي سولفتلي اختها حتنخطب باركت الها وفرحت الها تستاهل خوش بنيه وفقيره واصلا شلتها من بالي وجان مجرد أعجاب

كالت خابرتني اختي وفرحانه وسولفت الي كل شي عن اختها شلون احتركت وشلون هي تحبه وتوج حبهم بالزواج ان شاء الله

جنت احب اكعد يم سولين احسها اخت اليه تسولف وياي واني اسولف الها

كالت .. سولفلي عن طفولتك صفاء وانت ليش ما اخذنك عماتي

تنهد وجاوبني كال .. اني بصراحة محد رادني من عماتي ومن اشتر اختفى وبعد ما رجع بعد ما ماتت امي وتوزعن اخواتي وتحسين وساهر و وجيهه طردوا الاشتر وما قبلو يدخل بيتهم هو جان صغير وضرب تحسين برجله طلقه من بعدها صار مطلوب الهم وانهزم فترع طويله

بعدين اني ظليت عند وجيهه شوفتني نجوم الضهر جانت حقيره وياي حييل تحبسني بالحمام وتطردني بالشتا بالبرد فوك السطح جنت طفل وفقير ومتحمل كل سوالفها

ومن يجون الجيران لو واحد من كرابتها تسوي روحها حنينه وتكول هذا يتيم ادخل من وره الجنه لان اني مربيته ومكبرته

اتذكر مره من المرات جنت طفل وهم عزموا والكل جان كاعد وياكل جنت اشوف اخوي مصطفى مدلل وكاعد ياكل ويزعبل بالنعمه واني محروم منها

واجت عمتي وجمعت المواعين الفضايل وهي تكول .. هذا نظيف اذا تريد اكله

جاوبتها .. لا اكلت رغم اني مماكل بس جانت تعز عليه نفسي وجنت انقهر على روحي وصح طفل بس كرامتي ما تسمح اكل من فضايلهم ولو هي نعمة الله

جنت تايهه ضايع وحيد ومكسور بينهم محد يقبل اكعد يمهم وانطرد دائما جنت ادور رضاهم

ابتسمت بحزن على كلامي وعيوني تلالي بالدموع كالت .. ليش ما اخذتك وحده من عماتك مثل اخوانك

تنهدت ورديت عليها.. اني عايش بكلية وحده يعني الناس عندهم كليات ثنين واني وحده هيج الله خلقتي والحمدالله بصحة وعافية ما بيه شي بس هن جانن يحسني مريض وما افيدهن انوب يرحن يصرفن عليه وعلى الاطباء فجنت منبوذ منهن واصلا اني ما اريد اعيش وياهن

كملت كلامي بتنهيدة .. بعد ما كبرت رحت للاشتر والتجئت الضلعه والحمدلله كلش مرتاح ويه اخوي وما ظل شي احنه نكعد بالبيت ونطرد وجيهه وابنها من البيت

عقدت حواجبها وهي تسأل... شلون

ابتسمت .. رفعنه عليهم دعوة قضائية وازالة شيوع واذا وراح نحصرهم بالزاوية وبعدها راح نكعد احنه بالبيت لان احنه مسجلين باسم جدي 

مثل ما جنه كاعدين ونسولف الباب تهطر تهطر ركضت فتحت الباب ودخل ساهر وتحسين من دون سابق انذار وهم يصيحون ويغلطون و وجيهه وياهم

كال تحسين بغضب .. وييينه وييين الاشتر سواها سواها النذل واشتكى على ولدي وسجنهم انوب ودوهم اربعه ارهاب

جاوبته بقلق .. شكووو شنو السالفه ما اعرف انتم على شنو دتحجون اصلا الاشتر مموجود احنه شلنه شغل

وجيهه نطت من مكانها وهي تكول .. ولك صفيه ولك اني ربيتك وكبرتك وانت بكليه وحده وسويتك رجال وما خليت طبيب يعتب عليه ما راجعت بيه الك تاليها هيج تصف ويه اخوك ضدي صدك انتم ما يجي بعينكم شي

ضحكت بسخرية .. انتيييي ؟ تذكرين من جنتي تضربيني وتحبسيني بالحمام بالصيف تخلين حليب امي يطلع من خشمي تذكرين من جان شتا وتطرديني فوك بالشتا تذكرين

زين تذكرين من تحسين ضربني براسي بالنفاضه وخله دمي بطولي تذكرين وانتي السبب بكل شي من حرضتي عليه وزرعتوا الخوف بداخلي

علكت بينا بالكلام وبعدها سكتت اندك الباب و واحد من ربع الاشتر يكول ... صفااااء صاير شي كول لمدام الاشتر تدخل جوه حتى نتدخل

جاوبته .. لا ماكو شي لا تخاف

................

سولين

من بعد ما عرفت بخبر خطوبة جيجي من عمو كريم حسيت الدنيا رجعت ضحكتلي مره ثانيه وفرحت حييل وبحب لهذا الخبر الحلو

كالت راح اسوي بس عقد مراح اسوي خطوبه ولا شي بعدين نسوي حفلة المهر لان البيت صغير اني كيفت وكلتلها راح اجي انتظرت اشتر يجيبني

واجه صفاء دنسولف وهجموا عليه تحسين وساهر وهاي الطركاعه وجيهه

ظلوا يصيحون ويلعلعون ويحجون وهي مسويه روحها الحنينه الطيبه مع العلم مبين شكلها ابد ما بي رحمة ولرحمة مطرودة من وجهها

جنت اني بس واكفه ومصدومة بيهم هاي المره شلون تكدر تظلم طفل بريئ بس الحمدلله صفاء ابد ما مزروع الحقد بداخله بالعكس كله حنية وطيبه

دخل الاشتر. ببرود باوع عليهم وهو يضحك .. ما شاء الله الزعيم وعصابته اليوم مشرفينا خير يا طير

ردت عليه وجيهه .. اشتررر لك انت شنو من مله ما تكول اني مرت جدك ولك انت ليش ما تحترم وليش مقدم بلاغ ضد ولد اخوي زيودي وجياد

رفع حاجب وهو يباوعلها بعدم رضا كلها .. اول شي احترك جدي على ساعة السودة الجابج بيها ثاني شي اني شدخلني وشنو شوكت مقدم بلاغ بيهم اعرفهم يعرفوني

رد عليه ساهر وهو يكول .. شوف ترا ولدنا اذا اغبياء سكان ودوش مو اغبياء انت جنت ملثم ودوش عرفك من عيونك ومن طبرة حاجبك وكال جنت ويه الاستخبارات الي لزمتهم

ضحك اشتر ... ههههههه يابه انتم كوه تردون تلزكون سوالفكم براسي وبعدين ترا حتى لو اني جنت وياهم هذا وسام شرف اعلكة بصدري كوني لزمت زمره مدمره للشعب من تهريب اسلحة وبانزين وكذلك تجاره بالمخدرات

فتح عيونه تحسين بغضب وشد على شفايفه كله بتهديد .. والله اذا تطلع انت ورا سجن ولدي ما تلوم الا نفسك  اخليك تتذكرني سنين

ابتسم بسخريه وعدم اهتمام ورد عليه ..هااا ونسيت من بين التهم قتل سوادي مع سبق الاصرار والترصد وتقديم  شهادة كاذبه وتشريح يبين المرحوم مغدور يا عيله منسيه ههه

هم جانوا صافنين ومصدومين من بعد ما كشف اوراق جانت مخفيه كدامهم اشر للباب وهو يكول .. يله يابه تفضلوا برا وبعد لا تعيدوها وتجون هنا عيب كبرتوا وانتي عجوز النار ما تستحين جايه مناك لهنا جنج بطريق

صرخت بوجهه وهي تعوج بوجهها .. انت الماتستحي ولك والله اذا ما سويتها معارك فلا اطلع وجيهه ولك انت شني ما تگلي شنييي شايف روحك على شنييي متخبل تتذكر شجنت وهسه شصرت

هز راسه بغرور وهو يرد عليها ... اييي اتذكر شجنت وشصرت الحمدلله الله رفعني ليفوك وانتي نزلج اسفل السافلين وها حظري نفسج وفرفي نص البيت راح نجي نكعد بيه

هي لطمت ... لاااا مستحييل مستحييل ما تكعد بيه لو تموت ما تكعد بيه هذا بيتي اني وابني بيت ابو انت ابوك مات وما عنده ورث

ضحك وهو يرد ببرود .. والله جان حاجيتي زوجج سجلنه باسمه وخلانه نستارثه وغصبا عنج وعن ابنج

ساهر وهو يتعدد ولازمة تحسين .. ما تكعد ويانه بالبيت البيت بيتنا انت ما تكعد والله اذا اجت الشرطه الزم رشاشتي واخرطهم خرط واريد واحد يتقرب

جاوبه بنفس البرود.. وشدخلني تلزم رشاشتك تلزم  البيكيسي مالتك اني شلي غرض تكتل الشرطة تنسجن ونخلص منك بعد احسن تسوي فضل

طلعوا من البيت وهم يصيحون ويغلطون وكالبين الدنيا كلاب متخبلين

اني صفنت عود معقوله ... اشتر يريد يكعدنه وياهم بس مستحيل ما اكعد وياهم اني ذول مو امان مو مال اكعد وياهم

راحوا وهو ضحك بخبث كال .. وهسه بده اللعب الزين خلصنه من اولاد تحسين وراح اكعد عله على كلب وجيهه وابنها وتحسين راح يفصل بيت سوادي صارت الهم بالتفك خلي يبيع بيتا ويكعد بالشارع طبه مرض

رحت للمطبخ واني صافنه افكر بكلامه شديخطط الاشتر شنو الي ديصير

بعدها عو اجه ودخل للمطبخ ابتسم وهو يكول .. ها الملك اخواتج خابرني يريدنج تجين علمود خطوبه اختج وكريم تمشين ؟

هزيت راسي بقبول وبدلت ورحت وصلني لبيت اخواتي بس اني من دخلوا خفت حييل وانهبطت من اجو ما اعرف ليش احس  خفت يمكن من كثر ما سمعت عنهم كلام معقولة اكدر اواجهم

بس خلي يولون اطيح حظهم ونشوف منو الشيخة اني لو وجيهه

........................

افيان

مصطفى كل شويه واتصل عليه يريد يفهم شنو الي صار بيني وبين اخو عشتوو حييل هامة اخو ابو فشخة

واني مغلسه ما ارد عليه اريد اجزعه وابزعه حتى شنو من كل شي  يجي بالساهل مراح يحس بطعمه

لذلك لازم الرضا بينهم يكون صعب وحتى صافي فشخة بعد ما يعيدها

بعد اسبوع يالله رديت عليه كتله بثقل .. هااا خويه مصطفى محتاج شي

جاوبني بغضب .. خويه شنو منين اجيت اخوج اني  على العموم شلونج احوالج امورج

جاوبته بسرعه .. زينه زينه الحمدلله كل شي ما بيه عايشه والحمدلله هسه كول شرايد

رد عليه.. شبيج اليوم تلطمين صاير شي

ضحكت وكتبت .. لا والله خويه ما بيه شي بس بصراحة نسيبي كال اكطعي علاقتج بيه لان هذا مو خوش ادمي وكال اذا حجيتي وياه اطلك اختج وانت ما ترضاها على اختي مطلكة

كتبت ... لج ليش ميقبل عود صدك يعني انتي حاجيتي على موضوعي وياه

رديت عليه ...حاجيته وكلب الدنيا هيج ظليت ارجف من الخوف بذاك الغلط والفشار حتى غطيت وجهي بشالي من الخجل الضاهر انت جارحة جرح عميق وجرحة لحد الان ينزف متعيني عليه

جنت اضحك واني منتظره ردة فعله رد عليه بصوتيه كال .. اي صح حقه ينجرح مني بس جان كلتيله مو قصده مجان يقصد وانغدر وتقشمر

جاوبته .. كتله وتوسلت بيه بس هو يكول ما دام مرافك تحسين وساهر يحلم اكون اخو وخلي ينساني وهذا اخر كلام توسلت ردت ماكو قافل قفله مو طبيعية

هااا وحتى كتله انت خطبتني ظل يلطم كال تقبلين بيه اطلك اختج واختي متعيني عليها تبجي بجي ما صاير تكول يمه اتطلك شلون غير اموت اني ما عولت اتزوج انوب الاشتر يطلكني اطك واموت انتحر ما اظل

انت تقبلها اختي تنتحر تقبلها غير اموت وراها هاي العزيزه ترا ما اكدر اني لازم ابتعد عنك واخذ كلام نسيبي فدوه مصطفى لا تجبرني

جاوبني ... زين عفيه شلون هسه يعني اني ما اكدر اكطع علاقتي ولا اكدر اسوي شي فهميني عاد احس نفسي مقيد والله

رديت عليه .. انت حاول تتقرب منه واعتذر منه وحاول تصلح موقفك انت تقرب منه خوما تريده هو يتقرب منك بعد عملتك السوده الي سويتها

كتبت ... تمام راح احاول وياه ولو هي عالكة الامور وياه بين بيت جدي وهو انوب يريد يكعد بييتهم ورفع عليهم دعوه

جاوبته ... طبهم مرض يستاهلون هذا حقه بعد شنو صارلهم سنين كاعدين بالبيت هسه حتى يكدر ياخذ منهم ايجار من وقت ما طلع منهم لحد الان ترا هم نعرف بالقضايا لا عبالك ههههه

ضحكت .. هههههه عمي كل شي تعرفين انتي داهيه يله راح احاول اصلح انوري وياه

عفته ورحت ونسيبي جاب اختي واجه يمه وجهه يلطم دومها  كراطة الحجار

شفتها ضايجه كلت بس لا سالي السنكوحة مضوجتها لو مغازله نسيبي بعد الله اعلم

...........................

جيهان

چنت گاعدة اعصر بأصابعي مرة ومرة اگرض بيهن،  متوترة حييل وبنفس الوقت ممصدگة راح اصير اله واتسجل بأسمه وانكتب اله مرة هاي جانت بس الاحلام اشوفها

واني گاعدة جتي افيان سحبت اديه من حلگي كالت شخليتي لصبغ الاظافر مو مردتي اضافرج مرد

كعدت سولين يمي من الجهة الثانية كالت بتعب
جيهان عفية اليوم يومج عيشي بكل تفاصيله تركي كل شعور سلبي وبدلي بمشاعر فرح

خليت راسي علئ كتفها كتلها مادري سولين مادري شبيه واحس خطية كريم خاف انظلم ويايه

صاحت افيان خايبة ماتسكتين ، مدت ايدها سولين ودفعتها من كتفها بقصد تسكتها وحضنتني لزمتني من حنجي تباوعلي، تنهدت كالت شنو هالحجي جيجي هو اصلا محظوظ بيج وين يلگئ مثلچ هيچ وحدة حبابة وحلوة وتحبه

جاوبت افنان بسخرية وهي تمد بحروف كلماتها
وتسويله شوربة بعد شيريد كرومي افندي

ضحكت ومسحت دموعي وكلت بغصة والدموع تجمعت بعيني مرة ثانية
بس ماسمعتوا عامر كل شوي وكال مشو وهم جنت اتمنى امي موجوده ويايه بهذ اليوم اكيد تفرح الي مثل ما انتم فرحانين

سدت حلكي سولين وكالت اششش لا تسمعيله يمعودة من يمتئ يحجي حجي بي خير حتئ انت تتأثرين بي واكيد هسه امي فرحانه الج هوايه وفخوره بيج

اني دموعي تصب واهز براسي وامسح بدموعي،  سحبتني سولين وكومتني
كالت يله كومي يله فافي خلي نعدلها نطلعها عروسة اليوم يومها

اجتي يمي افيان لزمتني من اصابعي ورفعت ايدي وتفر بيه عود ترگصني واني اضحك واشهگ بنفس الوقت
والدموع بوري ويصب
وافيان تركص بيه واني مااشوف من الدموع
اخر شي كالت شكد تبجين دادة شبيج شادة تانكي شبيج ضحكي ضحكي دبجي عبري عن فرحتج اليوم عمج حبيبج صار الج بعد شتردين من الله بعد وين الله وكالي عمو مثلج حتى لو شوكر دادي

كتلتها سولين وهي تكلها .. انتي منين تجيبين هاي السوالف شكر دادي شنو ايع بطلي سوالفج

حمدت الله وشكرته اردد الحمدلله الحمدلله

اخذوني للغرفة سولين جايبتلي فستان اوف وايت بسيط ونازك بس كولش حلوو انتبهت علئ رقبته مفتوحة بس اني ما اللبس هيج

فكرت اخلي شال ماريده يشوف رقبتي ونوب حجاية عامر من يكول مشوهه تدور وترن براسي وحيل تهبط معنوياتي

افيان ماقصرت خلتلي مكياج حيل حلو ومناسب وي لون بشرتي وفستاني وسوت شعري ويڤي وشويه بف من گدام

وسولين ساعدتها وصبغت اظافري رغم تعبها بس هواي ساندتني بكلامها وانطتني طاقة ايجابية .واستغربت من وجهها اصفر وتعبانه حييل

بقيت كاعدة انتظرهم علئ نار وايدي علئ قلبي خايفة بأي لحظة يصير شي ويخربها ظليت اقرا ايات وادعي الله كون يمررها علئ خير وسلامة

كاعدة بالصالة وافيان تصفگ وترگص وتغني وسولين تصفن هناك وتبتسم

واني علئ هالگعدة سمعت صوت الهورن وكفت لا اراديا وكعدت لفيت الشال علئ رقبتي بتوتر ورجعت فتحته ورجعت لفيته بدقايق اديه  وگلبي متعاونين عليه اثنينهم يرجفون

كعدت يمي سولين كالت بهدوء وايدها علئ كتفي همست تنفسي تنفسي

باوعتله بابتسامة وعيوني مدمعة وتنفست بهدوء وايدي علئ بطني وهي ابتسمت تشجعني

فاتت ام حسن اول وحدة كالت فوتوا بالغرفة والسيد والشيخ  يكعدون بالهول

احنه كلنا رحنا للغرفة ودخلت ويانا ام حسن وكف السيد يم باب الغرفة وصار يقرا اية الزواج

وَمِنْ آيَاتِهِ أَنْ خَلَقَ لَكُمْ مِنْ أَنفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً

وبعدها صار يعقد النا واني اسمع صوت كريم يكح
ويكول نعم وانت وكيلي

وبعدها طلب مني اكول واني بسرعة كلت ها بكيفك
بلحظتها الشيخ كال خلي اكمل وكولي
اني طبيت بنص هدومي من الفشلة مو قصدي او متسرعة بس مااعرف شبيه لا والله ليش مااعرف اعرف وطايرة من الفرح واحبه واستعجل اللحظات واصير ملكه وهو ملكي

خلصنا العقد وارتفعت اصوات الهلاهل بلحظتها اريد احد يلزمني احس،راح اوكع وحتئ عرگ جسمي هو محد يهلهل بس فافي

تنفست حيييل وبراحة عبالك شفطت اوكسجين العالم كله بسبب شعور الارتياح وعبالك تحررت من كووومة مشاعر توتر وسلبية وصرت احلق بالهوا ونبتتلي اجنحة صرت احس نفسي خفيفة حييل

وراها كعدت علئ الكرسي واجو يباركولي خواتي حضنني حييل ومن كل گلبهن فرحانات
بس ام حسن مباركتها ضعيفة عبالك ثگيلة گوة عليها،  مهتميت لان كافي فرحة خواتي وفرحتي بكريم

وراها سمعت صوته من بين كل الحچي صار كلبي يدفعني باتجاه وبقوة صرت احس بي اكثر من قبل،  قلبي هالمسجون بين ظلوعي صار يرفرف عليه اريد اشوفه وهو ملكي وزوجي اريد اعرف عيوني شلون تشوفه وهو الي

دخل واحتل مكانه بالغرفة وبگلبي وبروحي وهي نظرتي اله ماتغيرت بعد امتلاكه

اباوعله  وعيوني مفتوحة واني احاول احفظ تفاصيله الحلوة واشبع شوف منه كلمة احبه ماجاي توفيلي حقي بالتعبير عن هالحب

وهو يضحك كاللهم من رخصتكم ورافع ايده
وكمل كلامه اريد اكعد يم مرتي

شحلاها كلمة مرتي بلسانه وخاصة من يقصدني بيها تخليني احس الدنيا ما سايعتني من الفرحة

اجه وكعد يمي  والباب انسدت علينا
جر راسي وباسه دنكت واعصر باديه

لزم اديه وهم باسهم ابتسمت
كال شو باعيني
رفعت راسي ومبتسمة

لازم اديه قوي ويسحبني اله يقربني منه اكثر واني جسمي،كله متصلب

قرب وجهه وهمس يم اذني فرحانة خجلانة شبيج

هزيت راسي وميلته حوط اكتافي وحضني باس راسي
خليت راسي علئ صدره لا ارادي حسيت هنا راحتي هنا ملجئي هنا طمئنينتي وسكوني وسندي

حوط كل جسمي باديه ورجع باس جبيني
حضني قوووي وحييل وخله شفافه علئ خدي وباسني
خجلت وارتجفت وضميت روحي بحضنه

كال اخخخ شكد ترفة

ضحكت وخرني منه وبعد شعري عني
كال  شنو كل النسوان هيج ترفات مثلج

كتله وشعور الغيرة سيطر عليه خليت عيوني بعيونه  وخزرته لاارادي
لا بس اني
‏
ضحك وكال هنيالي لعد

دنكت وهو ظل يحوس طلع من جيبه علبة لبسني حلقة بس خجلت حيل ممشتريتله حلقة اني

ورجع طلع عقد حيل حلو جان علئ شكل سنابل القمح

هنا تبدلت مشاعري ظليت متمسكة بالشال الي لافة بي رقبتي اكثر وغابت ضحكتي ووياها جزء من فرحتي

يريد يلبسني العقد كتله لااا اني البسه
حجيت واني معبسة

رفع حنجي لفوك باوع بوجهي جنت عاكدة حواجبي،
كال شبيج وعيونه علئ شفتي والعقد بيده

هزيت راسي بمعنئ ماكو شي وابتسمت
قرب مني متردد وتلامست شفايفي ويه شفايفه
ببوسه مباغته مامخطط الها وصار بيها صوت

من رفع راسه كلت مصدومة عزااا بيهااا صوووت لايسمعون

طكاهه ضحكة بصووت عالي وكال بيهاا صوت
ورجع ضحك ......

صان بوجهي وهو يكول .. ليش ما تردين البسج العقد

جاوبته بفشلة واسف .. لا عادي اني البسه فد شويه

تنهد وهو يكول .. ما اريدج تستحين وتتحسسين مني رجلج سترج وغطاج وكل شي الج هو الي وانتي كذلك زين فلا تستحين ولا تتحسسين واريدج تفهمين مقصد كلامي

هزيت راسي بقبول

تقرب مني وباسني برگبتي بس من وره الشال واني جنت حيل متوتره وخايفه وارجف خايفه لا يسحب الشال ويشوف الحرگ واني ما اريد انزعج اليوم ابد

ابتعدت عنه ورجع لزم ايدي وباسها كال .. جيجي بويه اني حييل فرحان اليوم يمكن ابات يمكم واخيرا صرت ابوس وانلمس براحتي وبالحلال

ضحكت بخجل .. هذا الهامك

رد عليه بحب ... كل شي بيج يهمني

خطف بوسه من شفايفي بسرعه واني بسرعه عفته ورحت اركض خجلانه منه ومن جرائته شو ميستحي

حطيت ايدي على شفايفي وكلبي يرجف حييل

عندما قبلتني للمرة الأولى، أخذت شهيقًا دون زفير، لقد حبست أنفاسي وركضت إلى نهاية الممر وأغمضت عيناي، كدت أموت حُبًا."

...........................

سولين

بعد مرور ايام على خطوبة اختي اني بسرعه رجعت ما اريد موقف اليه ويه ابويه من بعد الي صار

فبسرعه رجعت الحمدلله جنت طايره من الفرح ونسيت همي وحزني بعد خطوبة جيجي وعمو كريم

طلعت برا دا اشوف الاشتر وين شفته بغرفته والكلوب مشتغل خليت ورجعت نمت وسديت الباب بدبة المي ارو

اخذتلي ساعتين وفزيت من حلم مرعب تحلمت بسوادي باوعلي واديه جانت مكطومة والثانيه سوده حييل ما اعرف شبيها جنها محتركة و وحده مكطومه ويمشي تحت المطر وحاط على جتافه قمصله ويبجي

فزيت من حلمي مرعوبه اني ما اتفائل من احلم بسوادي ابد ما اتفائل طلعت برا دا اشتم هوا شفتها تمطر بغزاره تمطر حييل وترعد رجعت دخلت جوه وظليت للفجر كاعده

استغربت هذا الحلم بس بصراحة اني فسرته بموبايلي مو صار عندي موبايل وصايره افيك بيه

فسرته وطلع العيد المقطوعه للميت ان هو جان يسرق وديتعاقب شكد خفت خطيه هم عائله شويه منحطه وضايعه وفعلا عندهم هاي الشغلات مال السرقه والشغل الحرام الله يرحمه كون اهله يدفعون عنه صوم وصلاة وردود مظللم

اذن المؤذن كلت خليني اروح اصلي بس حسيت بشي نزل عليه خليت ورحت للحمام غسلت شفته دم

تنهدت كلت اي واخيرا نزلت عليه الشهريه بعد ما اكدر اصلي خلي اروح اخذ احتياطاتي

جانت ما تمطر وساكته بعد ما دكتها مطره قويه باليل شفت الغرفة مالته طافي الضوء وصافي كذلك وهذا الشي يدل على ان هم نايمين

مشيت بحذر من المي الجاي بالكاع وامشي اعرج برجلي كوه امشي بيها

حاولت اسند نفسي  مكدرت ارتجيت على التيل واني احس الكهرباءدخلت بجسمي ظليت ارعص بمكاني ما اعرف شنو الي صار بيه احس شي لزك بيه ما كدرت اخلص نفسي منه

ظليت اصرخ بصوت ما ادري هو صوتي طالع لو لا بس اريد شخص ينقذني احس يبست بمكاني

وبعدها ما حسيت اله انشمر بمكان بحيث طرت من مكاني وما حسيت على شي

..........................

صفاء

جنه نايميين ونسمع صوت مثل الصريخ ومثل الونه بس بصوت عالي طلعت اركض بسرعه وشفت الاشتر طلع قبلي وهو يلبس بقميصه

شفتها لازكة على التيل والكهرباء تدك بيها ماكو ثواني يمكن هواي وطلعنه بس سمعنه صوتها

ركض عليها الاشتر ورفسها برجله رفسه بحيث حسيتها طارت من مكانها و وكعت بمكان بعيد واغمى عليها

والله و رحمة امي مو رفسها الاشتر و وكعت بمكان بعيد ومن قوه الصعقة الاشتر كذلك انشمر بمكان ثاني و وكع على ايده وانكسرت بالصبه

ركضت عليها خطيه جانت ترجف من البرد ومن الوجع صرخت بصوت عالي واني الطم كلت ماتت ما بيها مجال اتكهربت بالعمود الكهربائي ومستحيل تكون عايشه بس اذا الله كاتب الها عمر جديد

ركض الاشتر عليها بسرعه واني اول ما لزمتها صعقتني جانت تكهرب وروح امي جانت تكهرب

هذا الموقف لو اعيش عمرين واموت ما راح انساه موقف حيل صعب وانت تشوف انسانه عزيزه عليك تنازع بروحها

جانت كوه تتنفس تقرب منها الاشتر وهو يحجي وياها ويحاول يصحيها وهي جانت تشهك وفاتحه عيونها بقوه ومثل الوغف يطلع من حلكها

صرخ الاشتر بقوه وشالها ... صفااااء ماتت ماتتت سولييين

ركض بيها واني فتحت اله السياره وركبنه بيها جان الفجر هسه طالع وصوت الاذان بعده

كتله .. خليني اني اسوق انت ما تكدر ايدك

رد عليه وهو يرجف ... لا لا اخاف ما توصل اخاف تموت وما توصل بيها اني اني امشي سريع هسه بسرعه نوصل ما اخليها تموت والله ما تموت

جان يمشي باقسى سرعه وهي جانت تنازع بروحها وكل شويه وعاط بيه .. بعدها عايشه عليك الله احجي صفاء كلي بيها نفس

رديت عليه .. والله بيها نفس لا تخاف ان شاء الله نوصل وما يصير بيها شي

وصلنه للمستشفى بسرعه واخذوها بالطوارئ اول ما لزمتها الدكتوره كمزت بسرعه كالت ... هاي البنيه متكهربه كهربتني

جاوبها الاشتر وهو يرجف ... اي تكهربت شوفولي جاره كليلي ما بيها شي

باوعتله باسف واخذوها وهم يفحصون بيها ويحاولون وياها

ظلت لليل كالو ... انتظروا يمر عليها يومين اذا عدت مرحلة الخطر الحمدلله واذا ما عدت بس احنه الي علينه سويناه والحمدلله على كل حال

هو جان روحة ترجف ويروح ويجي ويعصر باديه بخوف وقلق اجو كل اصدقائة وحجي اديب اجه وحتى سالي من سمعت بالخبر

كتله .. خلينه نجبس ايدك لان صارت زركة

رد عليه.. اني بيا حال صفاء صدك تحجي وين وين ايدي مرتي تريد تموت وانت بطران

يعني بوقت الي قررت ارجع املاكي واكعد ببيتي هيج يصير وياي اني ليش هيج دوم الحظ معاكسني والدنيا ما تضحك بوجهي بس اريد اعرف ليش

تنهدت بحيره ورديت عليه.. هذا قضاء وقدر وان شاء الله تصير زينه يارب

كتله بذهول .. بس اريد اعرف انت ليش ضربتها من شفتها لازمتها الكهرباء

رد عليه .. مو اذا لزمتها مراح انقذها بالعكس راح ادمرها وثنينه نلزك بالتيل فلازم اضربها حتى اشلعها من الكهرباء

همزين هو تصرف هاي لو اني جان لزكنه ويبسنه اني وياها على التيل

عافني وراح وهو روحه رايحه عليها ومنتظر اي خبر منها

رحت جبت اله باندج لف ايده بيها لان ايده حيل متاذيه

ودزوا عليه يم الدكتور رحت وياه دخلنه جوه وكعدنه الدكتور جان يباوع الاوراقها ويتنهد رد عليه الاشتر بقلق .. دكتور احجي بيها شي زوجتي

رد عليه .. زوجتك حامل الطفل مهدد بالاسقاط وكذلك كليتها اتضررت اثر ضربه

وكف مصدوم من كلام الدكتور وهو يبلع بريكه من كلامه تضررت اعرف من اثر ضربته بس حامل شلون خطيه وينها وين الحمل

نهاية الجزء الاول 💔

يتبع

كونوا انتم كونوا بخير .. احبكم 💔

لا تنسوا التصويت وان شاء الله راجعين قريبا نبحر من جديد ونرسوا على بر الامان❤️🌸