رواية وما ذنبي انا الفصل السابع 7 - بقلم Noorzakaraia

أربيل الساعه11:30 بليل

شهزنان/ اتصلت ع افيان ضلينا نسولف ونضحك الا

الساعه 1:00بعدها وقتت المنبهه ونمت كعدت الساعه

سته الصبح غسلت ونزلت تريكت شويه وجت افيان

ورحنا للمدرسه درس ورا درس الا ان خلص الدوام طلعنا

جان اشوف سيارة السودة هم موجودة ما هتميتلها 

ودعت افيان وكملت طريقي وصلت الفرع مالنا جان

اشوف كومه زلم  ومنضمنهم شهم ومصطفى ب الباب

مالنا وسيارات سود خفت كلشش شهم من شافني بساع اجا عليا وكال

شهم بعصبيه/فوتي ع البيت بساااااع
شهزنان بخوف /شهم شكوو وشصاير

مارد عليا فتت ع البيت شفت ماما داتبجي وتعيطط
ركضت عليها وكلت

شهزنان بخووف /ماما شكوووو ليش داتبجين 

الام/يمههه وليدي راح منيييي ولج شهزنان اخوج سجاد

تصاوب واهسا هوا بالمستشفى وحالته خطررة

شهزنان/ كمت ابجي مع ماما شويه وكمت ردت اطلع جان يلزمني شهم وميخليني

شهم/لجججج وين طالعه دخليي جووووا
شهزنان بجي /شهم فدوووة اخذني ع سجاد بس خليني
اشوفه
شهم/مابي شي لاتخافين يلا دخلي
شهزنان/كمت ابجي  اعيط عليهه

شووووون مابي شي وماما تكول حالته خطره هااا 
فدووووه اخذني عليهه

مسك وجهي بثنين ادي وكال بحنيه 
شهم / وداعت عيونج مابي شي وهسا هوا جاي بطريق يلا دخلي جوا وغسلي وجهج

اطمنت شويه عليهه ودخلت جوا بساعه 2:00ضبط

همت طبو البيت شفت سجاد بساع ركضت عليهه وشبكته وكمت ابجي
شهزنان /الحمدلله ع السلامه
شبكني وكال

سجاد/الله يسلمج خويه لاتبجين مابيه شيي والله

سكتت وجت ماما حضنته وكامت تبوس بي وتبجي

فوتنا ع الاستقبال ماما سألته شون تصاوب  حجه كلشي

والفتهمته  منه  انو هوا جان طالع من الجامعه واجت

سيارة نزلو منها 3زلم وصوبو وشردو  شويه

كامت ناس تجي عليه وتتحمدله بسلامه مافرغ البيت الا

بساعه 11  خبرت افيان تطمن ع سجاد بعدها قفلت المبايل ونمت

شاهر/كاعد ب المكتب مالي و افكررر فزيت ع صوت الباب
شاهر/تفضل
:مرحبا سيدي
شاهر /هلا هاا  بشررر

: سيدي نفذنا مثل ما امرتنا

شاهر/خما كشفوكم

:لا سيدي محد كشفنا
شاهر/خوووش يلا تفضل برا

خلونا نرجع بزمن شويه
جنا كاعدين بغرفتنا ونباوع ع التلفزيون بعدها اندك

الباب  باوعت ع الساعه ففتها 10:44بليل طلع ابويه

واني لحكته  من فتح الباب هجموا عليهه كومه زلم

ملثمين وضلو يضريونه الا ان وكع بالكاع بعدها بشويه

دخل زلمه متوسط بالعمر بس ماجان ملثم نزل لمستوا ابويه وكال

:هذا مصير كلمآ يحاول يدخل بالمحامي يحيى كمل
كلامه وكعد يضحك بصوت عالي وكال

:ههههههههههههههه كتلو  بعدها طلع
شفت ذوله الويه سحبو أقسام وضربو ابويه بصدره
وبراسه زرفو تزرف  وشردو  

  امي طلعت وشافت ابويه الدم محاوطه كامت تعيط

وتبجي ع صوتها اجوي الجيران واخذو ابويه للمستشفى

بس بعد شيفيد  مات كلهذا مريت بي واني بعدني طفل

جان عمري10سنين بعد وفات ابويه الله يرحمه اني

تحملت مسوليه البيت كمت ابيع ماي وكلينكس في

سبيل اجيب مصروف واصرف ع اخواتي وامي  عمامي

ابد ماسعدونا لاهما ولا خوالي امي كامت تشتغل خياطه

وتخيط للناس بعدها امي لحت عليا اني واخواني حتى

نكمل مدرسه والحمدلله كبرنا وصار عدنا خير من الله 

فزيت ع صوت المبايل شفت حسام يتصل مارديت

عليهه وكمت اخذت سويج السيارة وطلعت للبيت دخلت

شفت شهد بالمطبخ سلمت عليا وكالت

شهد/الله يساعدك اخويه يلا اصعد بدل بين ما اصب الغدا

شاهر/صاعد انام ولاتكعدوني الا اني اكعد
شهد/بس خويه ماتتغدا

مارديت عليها دخلت الغرفه ونمت بعد ماحسيت ع نفسي 

أربيل

شهزنان/مر اسبوعين  وسجاد اتحسن شويه 

واليوم الأربعاء الساعه9:30 جنا ملتمين ودأنصحك

ونتكرز اني واهلي فجئا   اندك الباب حيلللل طلع بابا

فتح الباب دخلو زلم هواي مسلحين  يمهه متت خوف
:هذا بيت المحامي يحيئ

الاب /نعم تفضلو شرايدين

:ابنكم ازاد متهم  بتعاطي المخدرات وهسا لازم يجي معانا للمركز نحقق معا

الاب  بعصبيه /شنووو اكيد متوهمين ابني مايسويها

ماردو ع بابا واخذو ازاد معاهم تحت صراخ بابا وماما 

بساع سجاد ركب سيارته ولحكهم هوا وبابا مارجعو الا ساعه 1:00بليل جانو كلششش تعبانين

ماما ضلت تبجي تريد ازاد  بس بابا طمنها وكللها منهين

ليومين اذا مطلع راح يهزمه  فعلن ورا يومين بابا هزم

ازاد من السجن  وماما كالت لسجاد انت هم لين اذا ملكو ازاد حيجون ياخذوك انت

  وفعلن بليل سجاد انهزم ثاني يوم كعدنا ع صوت بابا

وهوا يعيط ولي افتهمته انو مكتب بابا احترك

بابا من سمع الخبر وكع بالكاع  ع صوت  العياط الجوارين

دخلو واخذو بابا للمستشفى جنا كاعدين اني وماما

نبجي وندعي لبابا يكوب بسلامه شويه وطلع الدكتور

وكال  انو ضغطه ارتفع واسا يصير نطلعه

طلعنا للبيت ومرت الايام وبابا من حترك مكتبه هوا 

بدون شغل المهم اليوم باليل افيان اتصلت عليا وكالت

افيان/هلوو شهزنان شلونج عمري

شهزنان/هلا حياتي بخير وانتي شلونج

افيان/بخير الحمدلله اكولج عمري اريد منج بس

تاخذيلي اجازة من الإدارة لين اني  باجر ما اجي  عدنا عزيمه وحضل اساعد ماما

شهزنان بقهر/هففففف يعني باجر اروح بحدي

افيان/ههههههه عمري هوا بس باجر

وضلينا نحجي الاساعه12:30 نمت و وقتت المنبهه الساعه 6:00الصبح ونمت

كعدت ع صوت المنبهه كمت غسلت ونزلت

تريكت وطلعت ع المدرسه اليووم بحدي لين افيان

غايبه المهم وصلت للمدرسه وهم شفت السيارة السودة

الصراحه كلششش خفت منها لين هاي اكثر من مرا 

اشوفها بس جنت اغلس المهم دخلت المدرسه  وفتت

للإدارة آخذة اجازة لفيان وبدأ الدوم درس ورا درس  الا

ان انتها الدوام
وجنت دامشي ابحدي لين اليوم افيان ماجت عدهم عزيمه بالبيت وضلت تساعد امها

امشي واني مخليا اديه بجيوبي من البرد ما اشوف  الا

سيارة سودة عاليا توكف يمي وينزلون منها 5 زلم ضخاام

ولابسين اسوود خفت حيللل  قبل لا اركض مسكني

واحد منهم  من ايدي ودخلني السيارة  كمت اعيططط

عووووووووفوني  انتوووو  منووو  وش••

ماخلاني اكمل لين خلا قطعه قماش على خشمي وبعد ماحسيت بنفسي

يتبعععععع بنات هذا تعويض عن البارت القبلو لان قصير +فدووة كل بنت تقراء هذا البارت تعلق اكثر من تعليق وتصوت للقصه