الفصل الرابع

رواية ورقة نعناع الجزء الرابع 4 بقلم روان محمد ورقة نعناعرواية ورقة نعناع الحلقة الرابعة يالهواايي “اتخضينا من الصوت و جرينا بسرعه نشوف ايه لقيت أمي قاعدة على الأرض و بتحاول تفوق الجدة أسمى و الكل اتخض سما بقلق” ~ في ايه يا عمتو زينب مالها الجدة بدموع : معرفش كان وشها مصفر و وقعت قدامي “بص زينهم بقلق لأيمن”

أيمن بضيق: ايه هتفضلوا واقفين كدا و الجدة مغمى عليها يلا يا يوسف ساعدني علشان نوديها المستشفى بسرعة و انت يا زينهم روح جيب عربية ” سندها يوسف و أيمن و شوية وقفت عربية و ركبوا كلهم بس سابوني أنا و سما و داليدا في البيت ” سما بحزن ~ أنا خايفه على الجدة أسمى “طبطبنا عليها و راحوا هما الأوضة إنما أنا روحت عند النعناع ارويه و قعدت جنبه على طوبة شويه معرفش قد ايه بس وقت طويل” _يلا ” رفعت راسي علشان اشوف مين ”

_هتقعدي تتنحيلي كتير خلصي بضيق و خفوت: عايز ايه _هتخلصي ولا ايه مش هتروحي تطمني على الجدة بسرعة: هي فاقت _اه فاقت الحمدلله لحقناها بدري كان من الممكن تخش غيبوبة سكر : هتقعد كام يوم هي في المستشفى _امم مش عارف بس احتمال كام يوم: و كتب الكتاب هيتلغي؟!! بابتسامة _اععع ممكن بفرحة: الله أكبر !! _متفرحيش اوي كدا بعد ما تخف بتحدي : أنا مش هسمح بالجوازة دي تتم بفضول _بتفكري في ايه : بعدين هتعرف وديني دلوقتي عند الجدة

_بصي هي بتحب اللي يتكلم معاها يتكلم أمازيغي: تمام _اول ما تدخلي تقوليلها ماتا تيليت أ جدة عقدت حواجبي و أنا مش فاهمه : يعني ايه؟ _يعني عاملة ايه يا جدة : اه تمام _هروح انادي سما و داليدا اركبي العربية “ركبت العربية و شوية دخلت سما و داليدا العربية و سما بتعيط و داليدا بتطبطب عليها و تعيط يعني يالا ” _انزلوا

“قالها أيمن لما وقف عند المستشفى و طلعنا للأوضة كانت الجدة نايمة و خوات امي كلهم محاوطينها و بيتكلموا أمازيغي مع بعض ” ” وقفت في آخر الأوضة ببص على الجدة لحد ما فتحت عينها و شاورتلي و روحتلها بسرعة ” بقلق : مَاتا تيلِيت أ جدة “قولتها و أنا أمازيغي مكسر و ابتسمت ابتسامه صغيرة و هي بتمسك ايدي ” _تِلها أ تاسْلَت ور تَخْمييم ابتسمت و كلهم كانوا بيبصولي و بعدها بمدة خرجت من الأوضة بفكر و باصه قدامي على الشجر بتركيز

_بتدرسي الشجر ولا ايه بصيتله ببرود من فوق لتحت : لا ظريف و كمان ما تكح تعمل اي حاجه مش كدا _ان شاء الله ان شاء الله :هي الجدة قالت ايه لما قولتلها عامله ايه؟ _قالتلك كويسة الحمدلله يا عروسه : يحرق العروسه _تؤ تؤ تؤ تؤ كدا هتتحرقي : برود! _أنا مش برود أنا مهندس : طب اركن طيب _نينينيني : يابني هو انت طفل أنا حاسه أنه عندك أربع سنين مش اربعة و عشرين سنه؟! _طفل؟! على فكرة أنا راجل اوي ايه طفل دي يا هانم!!

: اه طفل و ابعد عني الساعادي _أنا أصلا كنت جايلك اقولك حاجه: قول _كتب الكتاب هيتأجل أو بالأصح هيتلغي : و انت هتعملها ازاي ياعم الحلو _زي الناس أنا همشي و أنا بضيق عيني : هتروح فين؟ _امم ممكن اسافر اسكندرية أو القاهرة: بس كدا هتبقى فضيحة بجلاجل _عارف و ممكن تحط راسنا في الوحل: بس انتوا اهم حاجه عندكوا هنا في سيوة الطاعة _هو اه بس احنا مش في الصعيد : و خالي ؟

_ابويا مش مهتم أصلا هو مش موجود هو و أمي في البيت بيسافروا كل شوية يروحوا القاهرة عندنا بيت هناك بس أنا و سما قررنا نقعد مع الجدة: بس أنا في بيت الجدة مشوفتش غيركم اومال فين خوالي و خالاتي التانيين مشوفتهمش غير في المستشفى _حوار طويل : احكي بس كل ما أسأل بيستأذنوا و يمشوا _بصي يا ستي داليدا و يوسف امهم ماتت و ابوهم اتجوز واحده تانيه: كمل بس _أما زينهم دا بقا ابن خالتك نهاد أمه سابته للجدة من نفسها بس بتيجي

كل فترة تسلم عليه و تمشي : فهمت يعني هتسافر بجد _اه : امتى _قبل يوم كتب الكتاب بيوم هسافر: هروح معاك _مينفعش بإصرار : هروح معاك ! _يابنتي أنا اجنبي عنك هنروح ازاي مع بعض و كمان مش طايقك معرفش ايه اللي خلاني اقف معاكي أصلا: أنا هروح لوحدي _انت حره _هنروح فندق عادي : انتي بتضيفي نون ليه لأ برضوا _ماشي خلاص “بصلي ببرود و مشي دا المعتاد بتاعه و وقفت شوية مع نفسي و حبه لقيت العيلة بتطلع علشان وقت الزيارة خلص و روحنا”

“””””””””””””””””””””””””””””””””””””””””””” [استغفر الله العظيم و أتوب إليه] “كنت قاعدة في الأوضة ماسكة الفون و بلعب” : حورية! ببرود و أنا بحط الفون جنبي _نعم يا أمي بزعيق: ايه اللي انت عملتيه دا هو أنا كل شوية اقولك ايه اللي عملتيه؟!! _عملت ايه مش روحت و اتكلمت لغتك؟! : اه اتكلمتي لغتي و روحتي بضيق _اومال ايه بقا عايزة ايه اكتر من كدا! : مسلمتيش على خواتي ليه؟! _و فيها ايه هو وقت تعارف يعني! : برضوا مينفعش!

_يا أمي بالله عليكي مش وقت خناقة احنا من ساعة ما جينا و متكلمناش طبيعي ليه؟! : انتي عارفة ليه و هتلاقي نفسك بتجاوبي _طيب دلوقتي عرفيني : اعرفك ايه _ليه؟ ليه هربنا من اسكندرية ليه هربنا من عيلة ابويا و مشمعنا أيمن اتجوزه هااا؟! كنت بتكلم بإنفعال بس صوتي واطي و معاه حدة بسيطه : مش وقته _لأ وقته أنا كبيرة دلوقتي مش طفلة بتعامليني معاملة الأطفال!!

: هربنا من اسكندرية علشان عيلة ابوكي كانوا طمعانين لأنك البنت الوحيدة لأبوكي و هما عارفين أنه هيموت ففكروا هيورثوا دا كله بس ابوكي كان عنده رأي تاني و كتب كل حاجه بإسمك و هما لما عرفوا اتجننوا حتى احنا نقلنا من شقة لشقة كذا مرة علشان ميلاقوناش _ولو كملت بعصبية مكتومة _ولو لاقوني هيعملوا ايه يعني! : ممكن يجوزوكي ابنهم و غصب يعني أيمن أفضل بكتير حركت دماغي بضيق _تمام : على فكره أنا فاهمه دماغك _يعني ايه؟!

“قولتها بسرعه ” : يعني بقولك بس علشان تكوني عارفة أنا هروح المستشفى دلوقتي أبات مع جدتك “خرجت امي من الأوضة و بفتكر كلامها أنها فاهمه دماغي و مفهمتش المعنى بس كانت دماغي بتجيب في أسئلة زي هما عايزين ورثي ليه بما انهم معاهم فلوس و متيسرة وليه مكنوش بيحبوا بابا ولا أنا و أمي أسئلة كتير و حاجات كتير لحد ما قررت اسافر ..! …..