اني ذاك الگاعد
متانيلة صدفه تلمه بيك
اني ذاك الشاف كومه وجوه حلوه
وگلبه مارف بس عليك 💔
،،،،،،،،،،،،،
راهب ابو غضب ج2
///////بقلم زهراء الحسناوي//////
تدرون شنو اتمنئ ?😍
اتمنئ اتكون التصويتات بهذا البارت علئ عدد المشاهدات
يمممه يمممه اهريكم هري بارتات 😂😂
ياحلمي المشكك 😂😂
،،،،،،
لارا،،گلبي دكاته تركض ركض من سرعتها
ارجف بمكاني
يسوق سريع اتحسه طاير بين السما والگاع
لازم الستيرن بقوة وشراينه بارزة تحسه علئ ساعة ينفجر
همست بصوت يرجف
ن نزلني
التفتلي خزرني ورجع يباوع للطريق ولاكنه سمع
عرفت بهاي اللحظة لواموت من البجي ماراح ينزلني
يسوق بسرعه موطبيعيه
احس روحي طلعت وغصة صارت بگلبي عيوني غوشن من كثر البجي
اتمنيت لاشفته ولاعرفته لان اللحظات الحلوة الي صارت بينه قليله كلش مقارنتا بلحظات الحزن العيشني بيها
بس رغم كل الحزن العشته گلبي بعدة ينبض بااسمه اتمنيت اقتلعه من جذورة حتئ ارتاح
وگفنه كدام الشقه نزل التف الجهتي فتح الباب
راهب،،انززلي
لارا،،بقيت بمكاني معاندة مد ايدة جر ايدي بقوة احسها انخلعت
لازمني حيل مد ايدة. الثانيه بجيبه طلع المفتاح فتح الباب سحبني بخفه دفعني گدامه
دخلني للبيت يدفع كل مااحاول اطلع يدفعني
دخلنه للصاله شال الطبله رگعها بلگاع وزمخ بصوت رج البيت
راهب،،واللللج اررركدي خل احجي وياااج
لارا،،ج جايبني تسحول ب بيه و واتكول ا اريد احجي وياج
و وخر ا اريد اطلع
كاافي رااهب اررحمني يووميه تجي للكليه تسحولني كدام الطلاااب ماايست ?
وخر اريد اطلللع
حط ايدة گدامي سندها ع الحايط يمنعني
راهب،،موقبل متسمعيني
لارا،،نترت بي بقوة
شتررريد مني فهمنييي شتريد تااخذ بعد
اول مادخلنه حط المسدس ع الميز ماحسيت غير ركضت جريته واني مجرد شوفة السلاح ترعبني
بس حسيت خلص وصلت حدها وياه
خليته المسدس بصدري
اتسعت عيونه وبهتت ملامحه
مد ايدة يحجي بصوت ناصي
راهب،ل لتتخبلين جيبي
لارا،، ليش ا انته خليت بيه ع عقل?
راهب،،عبالج اذا كتلتي روحج مالحگج ?
والله بنفس اللحظه اكتل روحي وراج
اني اصلا ميت بدونج ليش مجاي تحسين?
لارا،،ايدي ترجف مامسيطرة ع السلاح يختض بيدي
گتله افتح الباب
باوع للجها الوراي عبالي اكو واحد ورة ظهري
صاح
راهب،،قاااسسم اخذذذذة منهااا
لارا،،التفتت لورة من كل عقلي مصدكه قاسم وراي ماحسيت غير انسحب المسدس من ايدي بقوة
رفع ايدة ضربني راشدي احس وجهي افتر
وبنفس اللحظه لمني لحضنه يبجي بصوت عالي
وگفت جامدة مامستوعبه شي الخوف مسيطر عليه اختض مثل السعفه ريگي يبس والساني ثگل كل ضني رميت علئ نفسي
وعيت اني بحضنه دافن وجهي بصدرة لحظات صرت هادئه استجمع بيها قوتي
بعدني عن حضنه وصار يوزع بوساته علئ كل وجهي مثل المامصدگ
راهب،،ولج ل ليش هيج تسوين بيه ليش ?
والله مااستاهل هلتعب
لارا،،ا انته الوصلتنه الهاذا الشي اانته
ااكرهك واكره اليوم الشفتك بي
راهب،،لتحجيها تذبحيني بيهاا
لارا،،ماادري ليش گلبي مايحن بالعكس اتمنئ اقسئ علي اكثر اريد ادمرة مثل مادمرني
دفعته حيل ردت اطلع جرني
راهب،،كل ضنج اخليج اطلعين ?
لارا،،شي بدخلي يدفعني حتئ اخلي يثور ويفقد اعصابه اكثر اريد اذله
گتله ماطايقه انجمع وياك بمكان واحد وخر عني
راهب،،لتخبليني قسما بمحمد اشوفج راهب القديم وساعتها خل يفيدج الحجي
لارا،،ضحكت بااستهزاء والدموع بعيني
مااخااف منك قبل جنت اهابك بس هسه انقهر علئ حالك مسكين انته
راهب ،،تتشمتين مو ?
صوجي كبرت راسج صار اشهر ابجي وراج ومتعب گلبي وصحتي بفراگج اگول استاهل اني الضلمتها خليني اعاقب نفسيي تالي طلعتي ماتستاااهلين
لارا،،اذا تعرف مااستاهل شكووو جايبني لهنااا
راهب،،جبتج اخذ تعبي منج
اخذ تعب شهووور اعاقب نفسي لخاطرج بيهننن
تاااالي كل هذا التعببب دفرتي برجلج
عبااالج اعوفج ?
لا والكعبه والبناهااا مايفركنه غير الموووت
ولللج لسه معتبرررج مرررتي االلي وحددي طلگتتلج بس للسه ااانتي مااالتي
لارا،،مافهمت كلامه لمن لزمني من راسي اختنگت بالحجاب وهو مامهتم جرني للغرفه دفر الباب برجله وايدة مثبتها براسي
اتخبلت وانعاد عليه ذاك اليوم المشؤوم صررت اهمش مثل الغرگان بس جان فاصل
دفعني وسد الباب بقوة
وگعت بالگاع رفعت راسي اشوفه يفتح بالنطاق شمرة وفتح دگم بدلته العسكريه طفرت من مكاني ركضت للباب سحلني
دفعني صار ظهري ع الحايط حط ايدة علئ كصتي
ثبت راسي للحايط
والايد الثانيه خانگني بيها من رگبتي احس روحي طلعت
اقترب مني باسني بقوة صرت ادفع بي ماينزاح
اختنگت اريد بس اتنفس ابتعد عني عيونه بعيوني يتنفس سريع
راهب،،غصب عنننج اخذج ماتجين بالعيني واغاااتي ?
غصبا ع الخلفوج ترجعييين
لارا،،ررراهب كاااافي وخرررررر
راهب،،وولليش اوخرررر ليششششش
لارا،فقدت بيدة احس دخلت بنهيار عصبي اسناني تصتك ابتعد عني اسمع بس صوت صريرهم
الرجفه لزمتني
بهتت ملامحه وبان علي القلق
اول ماابتعد عني خارت قواي وردت اوگع بس لزمني وبلحظة شالني جنت مثل الميته اشوفه واسمعه بس الساني ثگيل مااگدر احجي
حطني ع الجربايه لازم ايدي يفرك بيها ويلعن ويسب بحضه گعد وراي جرني الحضنه يضرب علئ وجهي بگفه ايدة بخفه
همس بصوت ناصي
راهب،،اهدئي يروحي اسف والله اسف
لارا،،احتضن راسي الصدرة اشهگ بدون دموع وارجف ارجف عضامي من الخوف كلهن يختضن
همس بخوف
راهب،،شصار بيج يبت گلبي ليش هيج كارهتني?
لارا،،همست بصوت واهن خل خليني اطلع
راهب،،كافي خوف يروحي ذبحتيني برجفتج ولج والله من حبي فاقد عليج
صار شهور عطشان علئ شوفتج
عبالج تاركج?
يوميه الصبح قبل مااروح للدوام اوگف براس الشارع اشوفج من بعيد اكحل عيوني بشوفتج
وحتئ بالكليه اوگف بالباب بس خاطر المحج وافرح عيوني
تعبت الدرجة عايش ومالي واهس بكلشي
لارا،،خ خلصنه ع عوفني اطلع
باوعلي جر نفس نهض مسح وجها بدي اثنينهن رجع شعرة لورة
بقه واگف يباوعلي
انحنئ المستواي ثبت ادي علئ جوانبي منا ومنا وجها بوجهي يحجي بصوت ناصي
راهب،،شنو من گلب شايله?
تدرين ?
طلعتي اقسئ مني بقاطات
،بس خل اگلج شي
اليوم باجر عگبه بعد سنتين لوعشرة مردج الي
لان طول مااني عايش ماتصيرين غير الي وبس
لان من انولدتي صرتي مالتي كلج الي
من جدمج الراسج
كل جزء بيج ملك راهب وبسس
لارا،،سديت اذني عنه بقوة مااريد اسمع كلامه واضعف
سحب ايدي باسها دفو انفاسه ونغزة شواربه الي لامسة بشرتي خلتني مستحيل اسيطر علئ دگات گلبي ردت اضعف واشمر روحي بحضنه
اشكيله منه اله
بس دعيت الله ينطيني القوة
بلعت ريگ ودفعته من صدرة اعتدل بوگفته
گتله لارا القديمه ماتت واليوم اني انسانه جديدة بفضلك لان انخلقت من قسوتك
ردت اطلع جرني
راهب،،اكمل كلامي وبيدي ارجعج
لارا،،راهب اقتنع من سابع المستحيلات ارجعلك
راهب،،وداعتج اذا بقيتي معاندة اسهل شي اسوي اخطفج اخذج واهج
لارا،،وخر اريد اطلع
راهب،،اباوع الوجها وعيونها الوارمه من البجي اتمنيت افتح ضلوعي وانيمها بصدري ادفنها يم گلبي
جريتها الصدري ماجاي اشبع منها
گلبي خلصان عليها وگلبها اقسئ من الصخر
دفنت خشمي بشعرها اسحب نفس ترس روحي لو عندي شك واحد بالميه تكرهني ماجان ذليت روحي الخاطر اتسامحني بس ادري بيها تحبني
ضامها الصدري قهرتني بدموعها
وذبحتني برجفتها
اتمنيت تحضني ونبجي سوة
واحد يعاتب الثاني واحد يشكي للثاني الفراگ شسوة بي بفراگ محبوبه
بعدتها عن صدري تناشغ مثل الطفل
يربي طفله انتي شسويتي بحالي?
زلمه شگدني شكبرني خليتيني مثل الطفل ابجي واتراجف عليج
ولج دموعي طول عمرهن عزيزات بس من رحتي صارن ونيساتي بوحشت افراگج
لارا،،گتله طول عمري گلبي ماانطاني ااذيك لو اجرحك بس انته محيتني جرحي غميج. الدرجة مايشفه واحس كل لحظة تقرب نهايتي
لزم ايدي گعدني وگعد بصفي
راهب،،وعد اصلح كلشي بس گولي اي
لارا،،سحبت ايدي منه گتله ليش هو اكو شي بقه حتئ يتصلح
سكت واني سكتت ماينسمع غير صوت حسراته
سمعت صوت رنة موبايلي بس بعيدة لان الجنطه وگعت مني بالصاله ردت اگوم گال اني رايح اجيبها
ماادري ليش خفت لحظات رجع بيدة الموبايل
يباوع ع الرقم ومضيگ عيونه
سالني بشك
راهب،،همام?
هذا مونفسه زميلج ?
وليش حتئ. يتصل بيج 15مرة?
هاي الاغنية هديه من احدئ المتابعات الراهب
اتگول حسيتها تشرح حالته
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!