رواية راهب ابو غضب الفصل الرابع عشر 14 - بقلم Zahra_Alhussnawy

لارا،،ابوي گعد ع القنفه مامصدگ الجاي يسمعه وامي شهگت ولطمت علئ صدرها

سعاد،،گتلي منوو??

رافد،،مرتي يمه

ام رافد،،وووغمه الغمتك وغمتهاااا وبكل عييين صلفه جااايبها وجاااي وللك من شوكت ماخذهاااا?

لارا،،اباوع للبنيه بصدمة مامصدكه اخوي متزوج بدون علم اهلي البنيه من شافت امي وصريخها ختلت من خوفها بظهر رافد لازمته من قميصه ومبينه ترجف بصورة موطبيعيه

رافد،،ااانتم الوصلتوني الهاااي المرحله سننتين واني اتوسل بيكم واگول اهلي رضاهم من رضااا الله
كااافي شنوو من بشرر انتو همكم المصالح والفلوووس وبس عدكم الفقير تتنگسون منه
اللله خلقه فقيررر الله سواه فقير كفرررر خوماااكفر

من زغرري واني اشوف جشعكم وطمعكم اشلون عاميكم دمرتو عااائله كامله بسبب عينكم الفارغه

لارا،،فتح ادي اثنينهن واشرلهم ع البيت

رافد،،كلللل هذااا الخير المن??
بفضللل منوووو?

احجووو ليش ساكتين
عششت عمري واني يوميه اذكر اشلون نصبتو علئ عمي وخذتو افلوسه وانهزمتو
جنت طفل بس كارهكم ومابيدي شي
يووميه اريد انهزم واهج من الحرام الوكلتو النه الترس ابطونه ترس لمن شبعنه من الحرام شبعنه بااموال يتامه ااانتم السبب بيتمهم

لهنااا وبس مااجيت اخذ رايكم بزواجي لان موافقتكم وعدمها ماتفرق عندي
حاولت وياكم سنتين ومااقتنعتو لذالك بعد محد اله عتب يمي

كافي لعبت نفسي من الحرام اريد اوكل عائلتي لگمه حلال من تعبي

ام رافد،،وللللك ليش هيييج يمه لييسش خذت هاي الحقيرررة اكيد
اكيييد مسوايتلك سحر عمياتك بسحرهن

رافد،،هذذااا حدج يمه مامسموحلج تتجاوزين عليها اكثر حتئ لو جنتي امي
التحجين عليها هي الجابتني لهنا يوميه تتوسل اجيبها تبوس ايدج وتخدمج

جبتها اليوم ردتها اتشوف بعينها اهلي شنو نوعهم من البشر

لارا،،ابوي جان كاعد ع القنفه ويباوع بنظرات مااعرف شنو هنه
نهض من مكانه وتوجه الرافد
كل ضني راح يسامحه ويتقبل زوجته وابنه بس للاسف صار العكس صحيت من تفكيري علئ صوت الراجدي النزل علئ خد رافد من ابوي

اخوي دنگ ودموعه يتسابقن بالنزول علئ شواربه ولحيته

جلال،،اخذها هاي الجايبها مدري منين ملفيها هي والنغل الوياها ضحكت عليك وكربسته براسك
من اليوم تحرم عليه عيشتي اذا خليتك تفوت الهذا البيت اخذذذها واطلع بررررة

لارا،،اني واگفه علئ صفحه وبس دموعي تجري خفت احجي لو ادافع عن اخوي حتئ لو تصرفه غلط بس امي وابوي اتفننو بااهانته هو ومرته
كل هلشي مادصدمني بگد كلام رافد عن عمي وانو ابوي كان السبب بدمار عائلته ماصدگت هلشي لان احب ابوي وبنظري احسن واحد بالدنيه مستحيل يستغل اخو واني اشوفه اشلون يبجي من يذكرة وكل مرة يسويله ثواب

فجأة طلعت الابنيه من وراه وگفت بصف رافد مدنگه وتبجي بدون صوت صدمني كلامها

سجئ،،ماردت شي منكم بس ردت عائله تلمني واعيش حدر اجناحها لان اني يتيمه لاام ولا اب ولااخ عندي امي وابوي ماتو بحادث وعشت متهجوله بين العمام والخوال الله استجاب دعائي ودزلي رافد يعوضني خسارة اهلي

عمامي انطوني بدون مايسالو وين اهلك وليش خطبت وحدك وليش محد جاي وياك
رادو بس يخلصون من عبئ حملي علئ اكتافهم

ام رافد،،ويطبببج مرررض انتي وياهم ونعااال علئ گبورهمممم ماعرفو يربوج

سجئ،،ليش تشتميهم علئ بختج شنو سوولج ?

لارا،،حجت حجايه طول عمري ماانساها ومحفورة براسي ويمكن الصار بسبب حوبتها ودمعتها لان دمعة يتيم

سجئ،،اني موبس يتيمه انه اهلي سادة من اهل رسول الله وذا صدگ عدهم حوبه يم الله راح تطلع حوبتهم بيكم لان شتمتو اهلي بدون ذنب

لارا،،،ركضت ل امي لزمتها تريد تضرب الابنيه رافد بلحظه سحبها رجعها ورة ظهرة يحميها وامي تهادد تريد تسحلها

ام رافد،،ااام السحااارة الله لايرضه عليججج
بري منكم الرسول تضحكون ع الناس شمرتي روحج علئ ابني وقبلتي بي بدون مانروح نخطططبج

جلال،،اخذهااا واطلع بررة طلقه احط براسك اذا عتبت باب البيت انته وياها

رافد،،رايح يابه وداعت ابني ونظر عيني ماافوت البيتكم ولااخذ منكم درهم لوااعرف اجدي بالشارع

جلال،،من اليوم مااعندي ابن اسمه رافد اني ابووو مهند ومحمد وبس وانته ميت لاتراويني وجهك ابد

لارا،،اخوي طلع واخذ بيدة مرته وابنه ابوي گعد ع الكرسي لازم صدرة هو عندة ذبحه من زمان ركضت جبتله علاجه اخذ حبايه جوه اللسان
وامي گعدت تلطم واتملخ بروحها  وطول ماجانت تحجي وتعيط اسمعها اتگول فلانه شراح تحجي عليه وعلانه شراح اتگول عني
بهاي الحاله وامي همها كلام فلانه وعلانه

اجه محمد وسمع بالصار مااهتم بالعكس ايد قرار رافد

محمد،،انتو جبتوها النفسكم سنتين وهو يتوسل بيكم تالي بزعت روحه وراح اخذها بدون علمكم
انتو هم حاسبين نفسكم حالكم حال اي اب وام عاديين?

بسببكم احس روحي عندي توحد رغم مااني معلم والي حياتي بس نتيجة افعالكم انعكست علئ تربيتنه من الزغر مهند انهزم منكم ورافد اختار حياته بعيد عنكم واني لو مامخافة الله واخاف يحاسبني لان عفتكم بهذا العمر جان هجيت من زمان

لارا،،محمد انهد فرد هدة بيهم تالي عافنه وطلع
بقينه علئ وضعنه البيت عبارة عن نار من المشاكل والمصيبه امي وابوي واحد يحمل الثاني السبب بتفكك عائلتنه

وفوگ كلشي ماضل شي علئ زواجي والوضع بالبيت متوتر حتئ مالي نفس اجهز شي

اتصلت براهب بس ماحجيتله عن زواج رافد ماردت ياخذ نظرة موزينه عن اهلي قبل ماحتئ ياخذني

راهب،،هله برويحتي مشتاقلج

لارا،،واني هم والله بس

راهب،،بس شنو بويه?
عايفتني وماتسالين اله اني اتصل

لارا،،اعذرني موبيدي وانته تعرف تجهيزات مال العرس

راهب،،اذا محتاجه بعد افلوس احجي لاتسكتين

لارا،،لااا لا مامحتاجه اصلن اهواي كلش وزايدات

بس ماگتلي شوكت نروح نعقد محكمه?

راهب،،عگب باجر يروحي بس خل اضبط الموعد حتئ مااشلع گلبج ساعه نروح نعقد ونرجع

لارا،،احس التعب والقلق يختفي من اسمع صوته
گتله واني مختنگه بحسرتي

تعال تعال اخذني منا اختنگت

راهب،،حظري نفسج بين مااوصل يگلبي قلقتيني ترة

لارا،،سديته منه لبست جبه فوگ ملابسي مال البيت مالي خلگ البس للطلعه ابد بس الجبه مرتبه لفيت حجابي ونزلت ابوي نايم
لگيت بس امي لافه راسها وتبجي وتغلط علئ مرة رافد لان محملتها الذنب

كتلها حيجي راهب اريد اطلع وياه راح اموت من البيت
هزت راسها بمعنئ روحي
طلعت للباب شفته براس الفرع دخل بسيارته وصل يمي فتحت الباب وصعدت باوعلي بهدوئ وحرك السيارة

راهب،،شمسويه بعيونج ماردتهن من البجي

لارا،،مختنگه حيل

راهب،،شبيج يبيتي?

لارا،،بسرعه بجيت عبالك منتظره منه هاي الكلمة حتئ اطلع القهر الكاتمته بداخلي وكف السيارة علئ صفحه جر راسي باسه وضمه الصدرة

راهب،،ولج شبيج ترة راح تجلطينيي

لارا،،ماكو شي ليضل بالك بس امي ورافد شوي صايرة سالفه بينهم وامي زعلت ورافد ترك البيت

راهب،،متاكدة هذا السبب?

لارا،،هزيت راسي بمعنئ اي

راهب،،لتضوجين يبقئ گلب والدة يومين ويتصالحون

لارا،،ردت احجيله السبب وسكتت
بقيت حاطه راسي علئ متنه رفع وجهي بااصبعه

باوعلي غمض عيونه بهدوئ وفتحهن ادوخ بحركته.
وعيونه مركزهن علئ شفايفي اتقرب مني وباسني بادلته وشفايفي يرجفن

راهب،،رجفت شفايفج بين شفايفي ورعشة جسمج وانتي بين اديه تقضي علئ اخر نقطه تعقل عندي

لارا،،راهب تحبني?

راهب،، ماتتخيلين شگد يمكن اكثر من روحي

لارا،،رجعت خليت راسي علئ متنه گتله خاف يجي يوم تكرهني وتعوفني

راهب،،اكو واحد يكره روحه?
امني مااعوفج للوحه مايطلگنه غير الموت

لارا،،رفعت راسي والضحكه شاكه حلگي نسيت قبل شويه گالبتها مناحه

گتله خاف فد يوم اذا تزوجنه والگفك عندك وحدة مصادقها ترة اموووتك

راهب،،ليش هسه اني ماميت بعيونج?

لارا،،خجلت ودنكت رجع رفع وجهي

راهب،،ماگتيلي اشلون اتموتيني?

لارا،،حراره انفاسه التضرب بوجهي. عيوني الي مركزهن بعيوني ماعرف شنو احجي

راهب،،احجي ليش تخنسين
اشلون تموتيني?

لارا،،بقيت ساكته وايده لازمه ايدي بقوة انفاسي تخربط حتى النفس ماعدت اتحكم بي

راهب،،جاوبي

لارا،،يحجي بصوت گوة ينسمع همساته يم اذني كفيلة تخليني اغمض واسافر العالمنة الخاص
جنت مندمجه وياه وبدون شعور اهمس بااسمه حتئ يسكت مايحجي فزيت من حسيت لمساته بدت تتجرأ اكثر
فتحت عيوني علئ وسعهن  لازم خصري  احس نفسي اتشنجت خليت ايدي فوگ ايدة اريد اوخورها
بس بلحظه لزم المكان حيل حسيت اصابعه انغرزن بخاصرتني

راهب،،بوسيني واعوفج

لارا،،ر راهب

راهب،،بوسيني

لارا،،غمضت واتقربت منه بسته بكل هدوئ بس ماگدرت امنع نفسي وامنع جسمي من الرجفه
حسيته ماعاد يسيطر على مشاعرة وتصرفاته
دفعته بسرعه اتفاجئ بردة فعلي

جان شبه فاقد حتئ انفاسه تحسها ترجف

راهب،،ليش وخرتيني?

لارا،،لتخليني ادندم لان اجيت

راهب،،مامسوين شي حرام گدام الله انتي مرتي وحلالي ومرة الثاني اذا دفعتيني عنج ايدج اكسرها

لارا،،رجعنه اثنينه زعلانين عافني وراح

ثاني يوم اتصلت بساندرا حتئ تجي يمي
وفعلا نص ساعه واجت
گعدت احجيلها كلشي صار لان مااگدر اضم عنها شي احسها مرايتي الاحجيلها اسراري بدون خوف وتردد

بس صدمتني من گالت

ساندرا،،لارا حبيبتي تدرين صارلنه فترة نبني ابيتنه الي موجود بااربيل والبيت انتهئ ولازم نرجع نعيش قريب عن بيت جدي ابوي يحب العيشه يم اهله وعمامه

لارا،،بسرعه نزلت دموعي مامصدگه ساندرا تتركني. وتروح هاي نصي الثاني مااگدر اتخيل حياتي بعيد عنها

واني اشلون بيه ? منو الي

ساندرا،،يروحي انتي والله ليلي مانايمه افكر اشلون اتركج واروح لتزيديني فوگ قهري

تدرين هذا حلم ابوي من زمان وبس هو من اهله عايش ابغداد
وكل كم يوم يتعنئ المسافه ويروح يشوف اهله ل اربيل ايگول تعبت واني بعيد عنهم وبعدين جدي مريض وطالب ابوي يكون يمه

لارا،،احس روحي مااعرف شنو احجي مامتوقعه يجي يوم وتتركني ساندرا وتروح بعيد عني مااصدك مااشوفها كل يوم

بيومها بقينه لليل ساعه نذكر ايام قبل ونضحك وساعه نذكر مفارگنه ونبجي

گتلها شوكت ترحون
گالت بعد يومين نطلع الفجر

گتلها اجيكم قبل ماترحون اودعكم

شويه واتصل اخوها گالها جايج

قبل ماتروح حضنتها بكل قوتي واثنينه نبجي لان بعد مااگدر اشوفها راح تنقل كليتها

نزلت حجيت ال امي حتئ تروح تودعهم جيرانه وعشرة عمر صعب علينه افراكهم

الساعه ب12 اتصل راهب گال حضري نفسج اجيج ب 8ونص. الصبح نروح للمحكمه

گمت حضرت ملابسي الي اروح بيهن بس مالي خلگ حتئ الروحي وعكس قبل جنت فرحانه هسه احس فرحتي مالها طعم
هواي مشاكل صارت ماجنت اشوفها اشارة من رب العالمين حتى انهي الزواج جنت معمية بحب راهب

الصبح گعدت رحت لهلي انطيتهم خبر علمود العقد وراهب من البارحه گال ماكو داعي تجيبين ولي امرج لان بالغه السن القانوني موقاصر بدلت لبست فستان بنفسجي ورهمت حجاب ويا  خليت كحله ومرطب شفايف

شفته رمشلي بمعنئ اجيت لبست حذائي وطلعت طلعت امي ورانه ذبت ماي

رحنه للمحكمه واحد من الضباط گاله روح هسه كمل اجرائات المستشفئ والتحاليل حتئ ماتتعطلون وتكملون كلشي اليوم

وفعلا رحنه حللنه طلع اثنينه دمنه متطابق
بعدها رجعنه للمحكمه وصار وقت ندخل للقاضي
ولاعبالك قاضي عبالك قباض الارواح
جسمي عرگ وگمت اختض خايفه ادخل

راهب،،لارتي اشبيج ترجفين??

لارا،،اخاف من القاضي

راهب،، اي مو هو وحش فوتي بابا هو بشر حاله حالنه عليش خايفه

لارا،،فخامة الاسم تكفي هو بس كلمة قاضي تخووف

راهب،،يالله بويه اتاخرنه

لارا،،دخلنه للغرفه جان مدنگ من شافنه نهض من مكانه سلم علئ راهب
والعجيب يضحك ويتشاقه
ويگل الراهب عليش ورطت روحك لوباقي اعزب احسن الك من دوخة الراس
اني بس مبتسمه وهمه يتشاقون خلاني اغير نظرتي
لانه انسان بسيط ومرح لابعد الحدود

سالني موافقه وشگد الغايب والحاضر جاوبت واني مدنگه
كملنه وگال مبروك بعدها سلم علئ راهب وطلعنه

راهب،،مبروك لارتي هسه صرتي مرتي بالشرع والقانون
كم يوم ويصير اسمج بظهر الجنسيه گول وفعل

لارا،،اخذنه المطعم اتغدينه وبعدها رجعنه للبيت هو ماقبل يفوت گال اتاخرت ع الدوام غير مرة اجي
واني امي اتلگتني بالهلاهل والجكليت غديت ماي من الفشله گدام ابوي

اتصلت بساندرا تجي يمي اكيد بيتهم هسه هوسه لان باجر ينتقلوون
شويه واجت بس العيون دم من كثر البجي
اهلي درو بنقلتهم لذالك راحو حتئ يودعوهم

واني وساندرا وحدة حاضنه الثانيه ونتباجئ
اخر شي خلت راسها علئ رجلي واني العب بشعرها وهي تناشغ مثل الطفله ماتريد اتروح

بقت يمي للعشه اثنينه مااكلنه مالنه نفس
بعدها اجه اخوها اخذها

راحت ساندرا وهدمت روحي هدم اشلون اگدر افارگها?
بيومها مانمت للصبح خاف تاخذني النومه ومااگدر اروح اودعها
صاررت الساعه ب 6لبست بنطرون عادي وابلوز وحجابي شمرته علئ راسي
شفت محمد يصلي بالصاله وگفت كدامه واني ابلع بالغصه الواگفه ابلعومي

محمد،،صباح الخير شبيج لارا?

لارا،،محمد وديني البيت ساندرا حيرحون لربيل فدوة راح الوكت

محمد،،انتظري بين مااجيب السويج

لارا،،بسرعه جاب السويج صعدت يمه وصلني البيت ساندرا واگفات سيارتين كبار حمل محمليهن اغراضهم وسيارتين صغار مالاتهم يرحوون بيهن

محمد، ،نزل سلم ع الولد سيران واسماعيل واني دخلت لكيت ساندرا گاعدة علئ الدچه مال الحديقه وتبجي مدنكه
ويه ماشافتني گامت اجت بااتجاهي فتحت اديها وضمت راسها برگبتي تبجي

ساندرا،،ل لاراا

لارا،،بقينه نبجي كانه نعبر عن لحظات عمرنه العشانها سوه من زغرنه الهذا اليوم
جنه اخوات بكل معنئ الكلمه ومتاكدة لو عندي اخت ماراح تحبني مثلها
اجت امها وجوليان هم خطيه يبجن شويه واجت الجيران تسلم عليهم ويحضنن بام اسماعيل
مامسويه اذيه علئ احد لاهي ولاعائلتها لذالك شيلتهم خلت الكل يتاذة عليهم لان خوش ناس وجيران ذهب صافي

صعدت ساندرا بالسيارة واني واكفه اودعها رفعت ايدي سلمت عليها
وهي احس علئ ساعه يوگف گلبها من البجي

اتحركت سيارات البيها اغراضهم وابوهم سلم علينه وع الجيران وصعد بالسيارة اتحركو واحس روحي حمامه تريد تتبعهم وتتبع اثر خطواتهم

كل ماتبتعد سيارتها عن عيني كل مااحس جاي افقد جزء من روحي
حسيت ب ايد اتربت علئ متني التفتت بقهر شفت محمد حضنته وبجيت بصوت عالي بنص الشارع

محمد،،شنو السالفه لارتي گولي ياالله وبعدين الله شاهد شوكت ماتردين اخذج الها وهي هم ابوها من يجي البغداد يجيبها يمج وبعدين شو النت الله موجدة واتگدرن كلساع تتصلن اوحدة تشوف الثانيه صوت وصورة

لارا،،رجعنه للبيت بس حالتي مدمرة علئ اختي وصديقتي

من البجي والقهر غفيت ماادري بروحي

فزيت علئ صوت ابوي جوة بالبيت يغلط علئ واحد بصوت عالي

گوة نهضت احس راسي منفوخ وعيوني مااشوف بيهن

نزلت شفت ابوي يتصل بواحد وامي واگفه يمه تاشرله بمعنئ شكو?

سدة وجاوبها

جلال،،ماكو شي اكيد سوء تفاهم بخصوص المطعم هسه اتصل براهب اخلي يتصرف

لارا،،سمعته اتصل والعرفته راهب راح يتصل ويفهم السالفه
نص ساعه ورجع اتصل گاله عمي ماكو شي اطمئن لتخاف لان المطعم بااسمك وانته مشتري ودافع افلوس عليش خايف

ابوي رد الماي بوجها وصار يضحك ويه راهب اخر شي سمعته گاله صار تدلل
نهئ المكالمه ابوي والتفتلي

جلال،،بابا حضري نفسج خطيبج امه عازمتج ع الغدة گال ساعه واجي اخذها

لارا،،اكيد متصل بيه واني نايمه ماانتبهت لان صامت
گتله بابا مالي خلگ راسي يريد ينفجر هسه اتصل بي واعتذر منه مااگدر اروح خلي ياجل العزيمه غير يوم

ام رافد،،فشله يمه من الرجال وامه شراح اتگول وهي مكلفه نفسها المرة وتعبانه بالطبخ

لارا،،امي ضلت اتلح فشله وفشله اخر شي اقتنعت
دخلت سبحت وصعدت الغرفتي بدلت لبست بنطرون نيلي وقميص ابيض وفوگاه ستره كابوي قصيرة رسمت عيوني بالكحله حتئ يخف النفخ الجواهن
ماجنت اضن كاشخه ومرتبه نفسي
ورايحه برجليه للجحيم
وباقي ساعه. وحدة وتنتهي لارا

لاتقل تبآ للحب،،تبآ لمن اخترته حبيبا لايحب