لارا،،ظهر عندي مرئي
قره كلامي وماجاوب شمرت الموبايل
اجاني اتصال عبالي هو جريته واني متململه شفته رقم غريب
عبالي محمد لورافد جاوبت
وجان اسمع صوت النفس مالتي ساندرا
گمزت من مكاني حتئ الم رجلي نسيته
ساندرراااا
ساندرا،،اشلونج يروحي مشتاقتللللج
لارا،،ماگدرت اتحمل بجيت اريد احجي مااگدر
دنگت ودموعي تجري ايدي على عيوني مامصدكه
ساندرا،، اعذريني صدگي جهازي وگع بالمي وعطل وراحت الارقام وجوليان غيرت خطها هي وماما لان اهنا اكثر شي يستخدمون خطوط الاسيا
انتي اشلونج مشتاقتلج اهواي اهواي
لارا،،خانگتني العبرة احجي والغصه منجمعه بحنجرتي كانه توها ردتلي عافيتي
گتلها ليش هيج والله كلبي طاگ عليج
بقينه وحدة تسال عن احوال الثانيه صار تقريب عشر ايام من انتقلو ولسه ماسمعت صوتها تالي جوليان متصله ب محمد منطيها رقمي
حجيتلها كلشي صار وياي هاي نصي الثاني محتاجه احجيلها وافضفضلها البداخلي
من تسمعني احس الحمل يخف عن كلبي
ساندرا،،لج هااي شصاير ويااج معقولة هذا الانسان هيج يسوي بيج؟؟
لارا،،هاي قسمتي بعد
ساندرا،صدمتيني وخاصتا من عرفت هو ابن عمج
لارا،،ياريت ماعرفته ساندرا ياريت ماشفته ولاحبيته
دمرني ساندرا دمر كل جزء بروحي
ويه الناس شهم بس يمي ذيب كل ماتجيله فرصه يحاول يلتهمني بااسنانه
ساندرا،،مااعرف شحجي فاجئتيني حتى حسستيني بالذنب لأن اني لحيت عليج تاخذين الرقم
لارا،، لا يروحي لتهتمين هو جان ناوي يدمر اهلي بيه يعني حتى لو ماانتي جان لگه الف طريقة حتى يوصلني بيها
صار يومين من دخلت الهذا البيت بس عبالك سنه من هسه صارت تنحاك المؤمرات ويدسدسن عليه
اني اشوف انهزم واجي يمج واليصير يصير
ساندرا،،اهدي يروحي ولو اتمنئ تجين يمي واتركينه وشيريد يسوي خل يسوي بس اخاف ياذيج اكثر وينفذ تهديدة وياذي عائلتج
لارا،،لعد شمصبرني غير عائلتي
جنت احجي اجتني مكالمه ثانيه شفت رقم راهب مااهتميت وكملت حجي ويه ساندرا
الساعه تقريبا صارت 12واني وساندرا صار ساعه ونص نحجي نسينه حتئ الوقت
انفتح الباب فجاة واجه بدون مقدمات سحب الموبايل من اذني يسمع صوت الطرف الثاني
رفعت راسي باوعتله انسان شكاك تحسه مريض نفسي
من اتاكد من صوت ساندرا باوعلي رفع حاجبه وانطاني الموبايل
بقه واكف وادي بجيوبه
طلبت من ساندرا كتلها انوب يوميه تتصلين بيه
نهيت الاتصال وباوعتله بنفس نظرته
ممكن اعرف شنو هلتصرفات?
دنگ المستواي وعيوني بعيونه حجه بصوت ناصي
راهب،،مرتي ونص الليل خطها مشغول شتردين اسوي??
لارا،ابتسمت بااستهزاء
مرتك?
نهضت من مكاني وكفت كدامة عيني بعينه
والله عايش الدور زيادة
تدري شنو اتمنى؟؟
اتمنى انتحر حتى احرگ گلبك واخليك عايش بشعور الذنب طول عمرك
اخليك تتمنى يرجع الزمن حتى ماتخسرني ولاتخسر حبي الك
حب حولته بافعالك لكره عظيم
سحبني من ايدي صار مايفصلنه شي
سند جبينه على جبيني كانه كلماتي ضوجته
راهب.. حسبالج من تموتين تخلصين مني بسهوله؟؟
لارا.. يحجي بكل هدوء مغمض عيونه أنفاسه قريبه
دمعتي بعيني تعبني بتصرفاته المتناقضه ساعه يتفنن بتعذيبي وساعه التمس بي راهب الحبيته
كانه شخصين بجسد واحد عبالك راهب الحبيته موجود بداخل هذا الشخص سجين خلف قناع القسوة والحقد والانتقام
همس بصوت يرجف
راهب،، اي مرتي شئتي ام ابيتي
لارا،،ابتعد عني
راهب،،ليش ترجفين?
لارا،،مجاي ارجف ابتعد عني
حكم قبضته علئ خصري
راهب،،ليش تبعديني?
لارا،،لان اكرهك
راهب،،متاكدة?
لارا،،همست اي
حاوط رقبتي بيدة وقربني منه بدون وعي غمضت من حسيت انفاسه الحارة قريبه مني
حسيت بدفو وحرارة شفايفه علئ شفايفي
رغم كل السواه مازلت اضعف بين ادي
بدون وعي وادراك مني بادلته
ابتعد عني وهمس يم اذني بكلمة خلتني ارجع العقلي وادفعه بسرعه عني
راهب،،شفتي منو الجذاب?
تحبيني لتنكرين هذا الشي
لارا،،تركني وطلع گعدت بالكاع كارها روحي
ضربت علئ وجهي لان اخذ الجواب مني بسهوله ليشششش ماجاي اكدر ابعدك عني لليششش ?
بقيت كاعدة وابجي علئ روحي وعلئ كلبي المايعرف يصدة لويكرها
بقيت اتگلب بفراشي من اذكر الصار اعصر اعيوني حيل واتمنئ يطلع حلم لوماصاير هيج شي
اليوم ضربني الصبح وفشلني كدامهن المفروض احمل حقد علئ راهب
ليش ماجاي اكدر اشيلة من گلبي ليش؟؟
ثاني يوم الصبح نزلت ماشفته موجود وسمعت من اخواته يكولن خطيه راح للدوام من الفجر بدون ريوگ غسلت وصبيتلي كوب جاي اخذته ورحت يم الحجيه
ام احلام،،هله بهل صباح بنيتي
لارا،،صباح الخير
ام احلام،،اشلون صارت رجلج خو مااتاذيج?
لارا،،لا عمه زينه صارت احسن والحرگ موجبير كلش
ام احلام، ،انتظرتج اتكعدين حتئ نروح نشتري غراض الج ماضل يومين ويرجع راهب
لارا،،عمه گتلكم الزواج شكلي يعني ماكو داعي كل هلخساير
ام احلام،،ميخالف عمه تبقه شرهة عروس لازم جهاز
لارا،،اعذريني والله مااريد شي فدوة لتجبروني
جرت نفس وگالت هذا هو بكيفج محد يجبرج
شويه وراحت اخذها ضرغام اجرلها تكسي
مارجعت غير بعد كم ساعه وجانت جايبه اشكال والوان حتئ فرشه مال عرس
تنحثل هي وضرغام بالعلاليگ گالت جبت نص الغراض لان تعبت
ضحكت كتلها ليش عمه انتي شمبقيه?
احلام،،والله انتي متعبه نفسج وصارفه وخاسرة الخاطر هاي بنت الفگر
ام احلام،،اااحلام
احلام،،ماكفرنه يمه
ام احلام،،چا اسكتي لان فشله اسمعج چلمة جدام ولدج وهمه بطولج
لارا،،ماباوعت عليها بقيت منتبه ع الحجيه بس بالي يم احلام وزهرة هم ضلت تبسبس بس فاطمه هاي دومها بس العيون تتحرك ماتحجي ولاتشارك بالحديث
فتحت العلاليگ اتفاجئت بذوقها للملابس عبالك تعرف ذوقي باللبس
حتئ قياسي كتلها عمه جايبتهن فيت نفس مقاسي
ام احلام،،الي نظرة وحدة للبشر اعرف بيها شگد قياس لبسه 35سنه خياطه ماراحن عن عبث
لارا،،ابتسمت الها انطتني الملابس صعدتهن الغرفتي
ونزلت يمها ليكيتها حاطه ورقه وقلم كعدت يمها خلتهن بحضني سالتها شسوي بيهن
ام احلام،،سجلي يمه كيلو نومي بصرة وكارتون معجون وجيس شكر و و و
لارا،،قائمه شكدها شكبرها
كتلها حيللل شنو ذني?
ام احلام،،غير تحضيرات العشه مال الزفه
لارا،،بقيت صافنه عليها مصدگه راح ننجمع اني وابنها كتلها عمه عليش هيج تخسرون ترة مالها داعي
ام احلام، ،بنيتي انتي موفصليه حتئ عرسج نسوي سكته بسكته انتي بنت عمه وحالج حال البنات
اسويلج عرس حتئ لو مجرد عرس نسد بي حلوگ الناس بس المهم اكون بريت صحيفتي جدام ربج
ييمه خل نفرح يبست گلوبنه من الحزن والوقهر
لارا،،سكتت ماجادلتها هي بنفسها هذا الشي خليها تفرح
عكس كلبي الينزف دم جنت بااول ايام الخطوبه انزل مقاطع اعراس ع اليوتيوب مال حنه
جنت اتخيل نفسي واني لابسه بدلتي بالقاعه واسوي حركات من الشفتهن جنت مااصدگ يجي هذا اليوم
عكس هسه اتمنئ لايجي ولااشوفه
للعصر اتصل راهب گال خل ضرغام وحسين ابن احلام الوسطاني
يطلعون الغراض البغرفتي حتئ الصبح يجيبون غرفة الاخشاب الجديدة ينصبوها
وفعلا ضرغام وحسين وفاطمه يشيلون ويطلعون بالغراض وملابس راهب نقلوهن كلهن بغرفتي
للوحدة بليل همه ينضفون بالغرفه حتئ غسل غسلوها
بس اني ماادنيت بقيت كاعدة بالغرفه مالتي
كل شويه واسمع احلام اتگول لولدها كافي انكسرت ضهوركم لخاطر المسعدة عسنه عرس الاگشر علئ راسها
سكتت مااريد اتصادم وياها لان ادري حتئ لوهي غلطانه راهب راح يحملني الغلط ويضربني كدامهن
لذالك سكتت مااعرف شگد لازم اتحمل واسكت الخاطر اهلي الي حتئ ماكلفت نفسها امي واتصلت بيه
اله اني اتصل بيها واطمن علئ صحة ابوي
الصبح اجه ضرغام گال النجار جاب الخشاب فوتن جوة لطلعن لان وياه عمال ينقلون الغراض فوك يصعدوها
وفعلا صعدو الغراض سوولهم غدة اتغدو فوگ لان اتاخرو يشدون بالخشاب
للثنتين الظهر ياالله راحو
صعدن كلهن يشوفنها واني صعدت بس مو الخاطر اشوفها لا صعدت تعبانه اريد انام بغرفتي
اتعديت من يمهم سمعت زهرة تحجي ويه امها
زهرة،،باالله المن هيج خسران وانتي سمعتيها اتگول ابقئ بغرفتي يعني ماكو داعي هيج يخسر ويكلف نفسه والله اخوي بطران عاف البنات كلها وراح البنت جلال الچلب
ام احلام،،هاي عود انتي الاگول عنج عاقله طلعتي نفس حقد اختج خافن الله يمه ترة عدجن بنات احديثات علئ وجه زواج
والله خايفه اموت وتغمض عيني وتتولن الابنيه وليه وساعتها انه الاتعاقب بسببجن
احلام،،والله يمكن ساحرتلج ومخليتج اتحبيها بنت سعاد ام البيبان.
ام احلام،،استغفر الله من كل ذنب عظيم ماتجوزن
ابد
لارا،،كملت طريقي للغرفه بس الدمعه بعيني هسه منو طلب منه اريد عرس وخشاب شو وحدة مصدگ روحه عريس
دخلت للغرفه شفته داز رساله
راهب،،عجبتج الغرفه?
لارا،،مو اني الراح انام بيها
راهب،،منو يگول??
لارا،،اني
راهب،،حچي يفيدج
لارا،،بقيت ساكته ماجاوبت رجع دز
راهب،،هم رجعتي للخنسه?
لارا،،تذكرت حجايته جريت نفس واني استرجع ذكريات هاي الكلمه هم ماجاوبت بس اقرة
راهب،،ابقي ساكته الخميس اطلعهن من خشمج
لارا،،نجوم السما اقربلك
راهب،،انشوف
لارا،،شمرت الجهاز واني افكر بكلامه والله صدگ مستحيل اخلي يسوي البراسه لو اعرف احرگ روحي مستحيل ننجمع اني وهو بغرفة وحدة
مرن يومين والبيت هوسه الحجيه كل شويه وجايبه شغله ضجت عليها وحدها تركض منا وترد منا وهي مرة جبيرة وبناتها شايلات اديهن من كلشي
والله لومافشله اخاف يسمني بحجاية جان ساعدتها
العصر گاعدة يمها بالحديقه وبناتها راحن للسوگ يشترن ملابس
انفتح الباب دخل بالزي العسكري لابس النظارات وبيدة موبايلاته والسويج
راهب،،السلام عليكم
ام احلام،،هله يمه
لارا،،باوعلي مااهتميت اخذت الكوب وگمت دخلت للبيت
غسلت الكوب وخليته بالسله وغسلت السنكي التفتت شفته واگف وراي منتچي ع الكاونتر ومجتف. ادي
ردت اعبر اتحرك من مكانه صار كدامي
راهب،،نجوم السما اقربلي مو?
لارا،باوعتله ودرت وجهي عنه احاول ابتعد وهو ساد عليه الطريق
اخر شي حط ادي اثنينهن فوگ متوني ثبتني ودفعني ع الباب
دنگ المستواي
راهب،،باجر اخذج للصالون حتئ ترتبيلي روحج للخميس
لارا،،فتحت عيوني علئ كلامه
گتله انته مصدگ روحك?
راهب،،اي والله مصدگ
لارا،،مومشكلتي هاي مشكلتك ولتنسه كلامي
راهب،،خل يفيدج اعنادج
لارا،،تركني وصعد وهو يغني بصوت مسموع
اريد اتزوج وافرح
واودع هلعزوبية
واسوي عرس لاماصار
لخاطر هاي الابنية
شگد مستفز بعد كل الصار مصدگ بروحه راح اخلي يلمسني
صعدت لفوگ التفتت شفت باب غرفته مفتوح وجاي ينزع بالملابس العسكريه
باوعلي وغمز وهو مبتسم
درت وجهي ودخلت للغرفه اخذت ملابس ونزلت اسبح من كملت وطلعت شفت ام قاسم وسارة جايات سارة شافتني وضحكت سلمت عليهن گتلها دقايق مااتاخر بس امشط وانزل
وصدك بسرعه مشطت وحطيت حجاب علئ راسي ونزلت جنت لابسه اتراك احمر مخصر بس موكلش حصر
سارة،،اووو شنو هلجمال بويه صاكه صكوك
لارا،، شكرا عيونج الحلوات
ام قاسم،،بصلاتك يامحمد عين الماصلت علئ محمد بنيتي الله يتمم علئ خير
لارا،،ابتسمت ودنگت جرتني سارة
سارة،،باااركيلي
لارا،،هههه مبروك بس علئ شنو
سارة، ،غير الشكرلمه مالتي وافق گال ل امة بس يرجع خالي انفاتحه بالموضوع يااااي لارا مامصدگه واخيرا حصير اله
لارا،،صدگ فرحتلج والله الله يسعدج حبيبتي تستاهلين
سارة،،اوووف گلبي ماجاي يتحمل خاف اصخم وجهي واروح اله قبل العرس لان منظرة يجلط وخاصتا بالعسكري يخليني ابلع بريگي ابن ام قاسم مصعد الضغط عندي ههههه
لارا،،ابتسمت هنياله وين لاگي وحدة تحبه بكدج
سارة، ،اي والله فديته الراح يصير ختيبي
لارا،،صدك ضحكت من هسه بدينه بختيبي بعدنه بسم الله
سارة،،ههههه نفسي اجربها اسمع البنات المخطوبات يحجنها
لارا،،بقينه نسولف ونضحك وام احلام وام قاسم وزهرة واحلام گاعدات علئ صفحه يسولفن
بس اني وسارة ضاربات ركن وحدنه نحجي
ام احلام هم سمعت الخبر مال خطوبة قاسم وفرحت گالت ام قاسم بس يجي اخوي من ايران نفاتحه بالموضوع وهم شهر ياالله ناخذها منا الذاك الوكت امها صحتها زينه لان عمليتها مال الغدد سهله وناجحه عليش التاخير
لارا،،جابتلهن فاطمه چاي شربن وبعدها شويه وراحن
رحت للحمام شفت الباب مسدود بس اسمع صوت همس خفيف
بقيت واگفه علئ صفحه بين مايطلع الشخص الموجود
انفتح الباب وطلعت ريحانه تعدل بصدر ثوبها من شافتني بين عليها الارتباك بس بسرعه مشت من يمي ودخلت للبيت
امرها عجيب هاي الابنيه وتصرفاتها تثير الشك بس هم مالي شغل بيها قابل اني شعليه
كملت وطلعت اريد ادخل للصاله اتلگاني نازل من الدرج لابس بس بجامه سودة وفالينه سودة
باوعتله ودنگت
كملت طريقي رحت يم الحجيه اتذكرت بيوم الگتله علئ عضلاته من ضرب امير بيومها ضحك علئ كلامي وگالي. اذااضربج اسوي خسفه بوجهج
گعد بالصاله وصاح چاي
جنت احجي ويه الحجيه اتعمد مااباوعله بس احس نظرة مسلطه عليه
سمعت حسين كاله
حسين،،خااالو فدوة شسوي وتصير عندي مثل عضلاتك بيا نادي سجلت?
راهب،،موبنادي بعد خالك هذا الجيش يطلعهن غصب عنك
حسين،،هههه خالو التضربه الله يرحمه
راهب،،والله يابعد شيب خالك مشتهي اسويلي خسفه بوجه واحد
لارا،،التفتتله لكيته مبتسم باوعلي وغمز
صارت تستفزني حركاته الباردة اتحسه موهامه شي
رجعت كملت كلامي ويه الحجيه اسولف واضحك وياها مومهتمه بوجودة اسمعه ينافخ ويستغفر
وحسين يساله شبيك خالي?
راهب،،مابيه بعد خالك
لارا،،دخل للحمام سبح وطلع وهو ينشف بشعرة
نزل الخاولي عن وجها طلعت احلام من المطبخ بيدها ماعون كيك كالها
راهب،،ام ضرغام ماكو هوسه منا منا لخوج العريس
لارا،،عرفته متقصد ينرفزني لويغثني
وهي هم بدت اللواگه مالتها لازمه ماعون بيدها والايد الثانيه رافعتها تهوس بيها
احلام،،اخوونه خوش اخوو يستاهل الهوسه
لارا،،الجهال ماصدگو علئ حس الطبل خفن يرجليه وراهب بنصهم لازم الخاولي ويهوس وعينه مني
بدون ماينتبهون سوة حركه بشفايفه مال بوسه بدون محد يشوفه
خزرته ودرت وجهي تالي امه طلعت منتبها كالتله
ام احلام،،بطلهن سويلفاتك يبعد امك لايروح بالك لبعيد كلش
لارا،،طگها ضحكه گالها
راهب،،شجاج وياي حجيه ??
صيري واسطة خير وهدي النفوس
ام احلام،،التجي من ايده عسا بابو زايد يبعد امك
لارا،الحجيه ولاتگعد راحه تنطيهن بالصميم وهو خربان ضحك اول مرة اشوفه هيج يضحك ومنطلق
الثلاثاء الصبح گالت الحجيه اخذج للصالون اتفقت ويه الابنيه اخذج الها العصر تصبغ شعرج وتحفلج حتئ وجهج يرتاح ماتشلع گلبج بيوم الزفه
گتلها عمه بس اطلب طلب
ام احلام،،اطلبي بنيتي
لارا،،ياريت تسوونه بيوم واحد حنه وزفه
احلام،،وليش عيني ليكون حضرت جنابج ماقابله?
زهرة، ،عوفيها يمكن من الفرحه مامصدكه تريد اتعرس بسرعه
ام احلام،،وحگ محمد هسه اخابر زلمجن يجون ياخذوجن وحتئ عرس ماتحضرن كافي ترة مصختنها
لارا،،التفتتلي وكملت كلامها
ام احلام،،ماعليج بيهن يمه هنه الخطار اهنا هذا بيتج واجبج تستحملين خطارج منا لمن يرد المچانه
لارا،،خلتهن عطبن بمكانهن بس ماحجن ضلن بس يتنافخن
للعصر لبست بنطرون اسود وقميص نيلي اردانه كلوش بي خرز ابيض مرتب
لفيت حجابي واخذت الجبه بيدي نزلت يمهم لكيت الحجيه لابسه عبايتها وكاعدة منتظرتني
شويه ونزل لابس دشاشه بيضه لابس الساعه والمحبس ولازم السبحه بيدة والعطر سبحان بي ونازل
طفرت ريحانه من مكانها لزمت ايدة وتتمضحك
ريحانه،،فدوة خالو الله يخليك والله عطرك يخبل انطيني الشيشه مالته لو اسمه واني اشتري
راهب،،فدوتج العطر وصاحبة يابعد گلب خالج
بوية اسمة Boss وحلال عليج اخذي تلكي ع الميز
لارا،،گمزت فرحانه صعدت تركض عبالك انطاها سبيكه ذهب موعطر
بس صدگ عجبتني ريحته وحفظت اسمه گلت بس تروح الحجيه للسوگ انطيها افلوس تجيبه الي
راهب،،ياالله يابه مالجن نيه تمشن?
لارا،،عدلت الجبه ولبستها اجه يمشي بااتجاهي وكف كدامي گال
راهب،،بس لانيتج تمشين هيج وياي?
لارا،،لابسه جبه مابيها شي
راهب،،هي شنهي المابيها شي احنه نجف موبغداد
روحي البسي عباية وتعاي
ام احلام،،علئ،كيفك ويه البت يعني ماتعرف تفهمها بالهداوه لازم تزمخ وتنتر?
روحي ريحانه جيبي عباتج المرت خالج لان عباية فاطمه طويله عليها
راهب،،ليش ماشتريتيلها عبايه?
ام احلام،،جبتها وعد الخياطه
ياالله بنيتي هم ياالله نلحگ
لارا،،لبستها مااعرف البسها علمتني الحجيه الطريق للسيارة خطوتين عثرت مية مرة بالخطوتين ذني
صعدت امه بالسدر واني بالكشن الورة
عدل الجامه عليه ولبس نظارته
درت وجهي للجامه بس النطارة مالته جامتها شفافه تبين عيونه منهن
كل مااريد احجي ويه الحجيه من تسالني تصير عيوني بعيونه اشوفه يباوعلي اغلس عنه
تالي شغل اغنية غزلان
اوصيك بيه لومتت بين الضلوع ادفني
طول مالاغنيه مشتغله هو يجر حسرات
وصلنه للصالون التفتلي گال من اتخلصن اتصلن بيه
جاوبته بدون مالتفت
الموبايل بالبيت عفته ع الشحن
وفعلا تركته بالغرفه ع الشحن
نزلت وهو گال لمه ادخلي للصالون اتاكدي من المرة شوكت اتكملن خل تنطيجن وقت محدد حتئ اجي اخذجن
دخلنه اني والحجيه استقبلتنه مرة جبيرة وياها اثنين شابات العرفته ذني بناتها
من سالتها عمتي كالتلها ساعتين واتكملن
طلعت الحجيه ترجعله خبر واني بقيت گاعدة گدامي بنيه يشتغلن كرياتين بشعرها
كملنها وگمت گعدت بمكانها شعري لونه عسلي گالت راح اقصرة الج واسويلج خصل بلاتيني بيجي
قبل لتبدي بالقصر گالت اطرافه تعبانه راح اگصه الج مدرج
كتلها شتسوين سوي
گالت اول مرة تجيني عروس ماتشلع كلبي بطلباتها
ردت اگلها ليش اني هم محسوبه عروس?
سبقتني الحجيه كالتلها الحلو حلو بدون زرق ورق
هي چنها جمارة
خجلتني الحجيه بقيت مبتسمه رغم الحزن المخيم بداخلي
بدت المرة تشتغل حفتلي وشمرت حواجبي بس قصرتهن من الاطراف
وشعري هم صبغته اجذب اذا اگول انتبهت الروحي الله شاهد عبالك مويمي العرس اصلا
المرة سالتني من كملت. شنو رأيج بالشغل جاوبتها حلو عاشت ايدج ماتدري اني حتئ لو اصفن بالمرايه بالي مويمها
كملنه لبست حجابي والحجيه اتفقت وياها باجر اتجيبني لان ماقبلن بناتها مااسوي حنه يردن يطربگن ويركصن واني گلبي خلصان اتمنئ اغمض افتح الگه كلشي منتهي
طلعت عمتي اتشوف ابنها العكرة
دخلت گالت يالله عمه اجه
لبست العبايه وطلعت صارت عيني بعينه كاعد بالسيارة ينتظرنه
صعدت امه يمه واني بمكاني بالورة
ام احلام،،يمه خل انمر بدربنه ع الگصاب اتفق وياه مويخلينه ننتظر وتالي كلشي ماكو
راهب،،انجيب عجل نذبحه بالبيت
ام احلام،،لايمه شلك بالتعب ودوخة الراس تعال اگصب واذبح وگطع
خو الگصاب من يمه يجيبه مگطع وجاهز
راهب،،هذا هو التشوفي حجيه
لارا،،طول ماجان يحجي ويه امه عينه مني
مد ايدة شغل اغنيه
جنت احبها واسمعها لهيثم يوسف
اضعف كدامك بس انت
واتمالك نفسي بهلسكته
اسمعه يدندن وياها
وصلنه للسوگ نزل يم الگصاب اتعامل وياه ورجع
بعدها رجعنه للبيت وهو كل ماارفع راسي اشوفه يباوعلي بالمرايه
دخلنه بقن اخواته يباوعن عليه ويعوجن بحلوگهن
كلشي حز بخاطري اني سامعه بالعروس من ترجع من الصالون يتلگنها حبايبها بالهلاهل
شو اني البيت كله محد يحجي وياي بس الحجيه
رجعت العباية لريحانه شو هاي اخذتها بطرف اصابيعها عبالك منگستها للعبايه
اتعجبت عليها بعدها طفله وتقلد تصرفات امها بخبث
اخذت العبايه وركضت للحمام تشطفها
ضحكت بگلبي علئ عقولهن الناقصه
صعدت للغرفه وامهن بقت تحجي وياهن ع التجهيزات
نزعت ملابسي اختنگت اريد بس اسبح حارة الدنيه
انتبهت الموبايلي مفصول عن الشحن
مااهتميت كلت يمكن اني ناسبه وفاصلته
اخذت ملابس ونزلت سبحت وارتاحيت ورجعت للغرفه دنيه ليل وكت عشه حتئ مابيه حيل انزل يمهم
بقيت بغرفتي گاعدة وهم مااريد اشوفه گدامي
جريت الموبايل اريد اتصل علئ محمد اطمن علئ صحة ابوي واني اعرف اخوي بهيج وقت يطلع من البيت يعني ماعندة نت ولازم اتصل ع الخط
طلعت رقمه واتصلت اتفاجئت ماعندي رصيد
يگلي رصيدك غير كافي لإجراء المكالمه
اني حاطه رصيد ومتاكدة بي كم دولار
لعد وين راحن?
بقيت محتارة اخر شي صعدتلي الحجيه خطيه گوة تصعد الدرج بس ماعدها احد حتئ يصعدلي لان الكل عبالك عدوهم بنصهم گاعد
ام احلام،،بنيتي انزلي اتعشي ليش تبقين كاعدة وحدج
لارا،،خليني عمه اهنا احسن
ام احلام،،ادري واعرف انتي ليش ماتنزلين
بنيتي قبلج عمتج شبعت ضيم وضلايم وكرهتها الوادم ولعب بيها الوكت شاطي باطي
تالي اتحملت وربج يگول ماضاقت الافرجت
ويجي يوم يفرجها عليج مثل مافرجها علئ عمتج قبل
گومي يمه مالج غرض بواحد انه صرت مااعرف اكعد اذا ماانتي يمي
لارا،،استحيت منها حطيت حجابي علئ راسي ونزلت جنت لابسه دشداشه وردي نص ردن
نزلت وياها لكيتهم ينقلون ب الاكل
گعدت بصفها كملو والكل انجمع ع السفرة
بس راهب گاعد وراهم منتچي ع الحايط ومرجع راسه لورة يباوعلي
ربكتني نظراته حتئ ماعرفت اكل
ام احلام،،ليش ماتدنئ تتعشه
راهب،،ماكل العصر وشبعان
لارا،،مااكلت كم لكمه ماصدكت يكملون حتئ ارجع للغرفه احسها مكاني الامين اختل بي منهن ومن التبسبس مالتهن يزرف الگلب
صعدت للغرفه شفت مكالمه
رفعت الموبايل رقم غريب
شنو السالفه ومنو يتصل?
اني مخليه صورتي بالحجاب ع الفايبر
محيطي موواسع يعني بس اهلي وساندرا ماعندي اهواي ارقام
فتحت خط اجاني صوت رجال
المتصل،،طلع موبس شكلج حلو حتئ صوتج ايخبل
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!