رواية راهب ابو غضب الفصل الثالث والعشرون 23 - بقلم Zahra_Alhussnawy

لارا،،ثاني يوم كعدت من وكت لان العرفته اخوات راهب جايات هنه واولادهن

كلت خل اساعد ام راهب وفاطمة بالطبخ

عدلت فراشي واخذت ملابس اتراك بيجي وحجاب ونزلت لگيت بس ام راهب وفاطمه صبحت عليهن ودخلت للحمام اسبح محترة

كملت وفرشت اسناني ذبيت ملابسي بالغساله بين ماكملت تمشيط واني واگفه بالحمام
لفيت شعري وخليت حجابي علئ راسي وطلعت رحت للمطبخ گعدت يمهن

ام احلام،،بنيتي الجاي بعدة حار ويمج صمون وكيمر جيبيهن وتعاي اكعدي اتريگي

لارا،،اخذت شويه كيمر خليته بالصمونه وصبيتلي كوب جاي وكعدت يمها اتريگ

ام احلام،،بنيتي لاتستحين يبعد عمتج ترة صار بيتج هذا والعصر هم يجن اخياتج احلام وزهرة
اريد الاكل من ايدج وايد فطيم

لارا،،حلو اسلوبها يحسسني بالامان وخاصتا اجواء جديدة وحياة جديدة اسلوبها يخليني اتصرف علئ طبيعتي عبالك صار سنين عايشه يمها

كتلها يعني يجن ع الغدة لو ع العشه?

ام احلام،،لابنيتي يادوب يوصلن العصر بالبصرة وبعيدات كل كم شهر يجن كم يوم ويرحن

لارا،،كنه نحجي دخل وهو محمل بالمسواگ

راهب،،اشلونهم

لارا،،اني وامه ماجاوبنه بس فاطمه ردت بصوت ناصي وعينها علينه لان ماجاوبنا

راهب،،ضلي يمه لاتحجين وياي عود الطمي زين من يجيبوني ملفوف بالعلم

ام احلام،،لااول الماتو ولااخرهم بالعافيه عليك اتموت شهيد قابل مثلنه مانعرف اذا انموت نندفن لوتاكلنه الجلاب ومحد يدفنه

راهب،،والله گلبج اسود حجيه بالجذب گولي عمرك طويل

ام احلام،،شگد نريد انعيش تالي نموت وكلنه نروح الذيج الحفرة الضلمه الي ماينفعنه بيها لاولد ولاتلد

راهب،،شسالفه حجيه كالبه الموجه اليوم بس گولي اشلون ترضين حتئ تنفض الطلابه

ام احلام،،شوكت ماتسوي العرس وتستعجل ذيج السااعه ارضه عنك

راهب،،والله دريت ورحت للنجار اشتريت غرفه عارضها للبيع وباجر يجيبوها
والتجهيزات الباقيه يوم واحد يخلصن

لارا،،مابگلبي اي مشاعر عبالك يحجون علئ عرس واحد غريب موعرسنه اني وياه

بقيت مدنكه واكل ماباوعتله ولاحتئ بنظرة وحدة

اسمعه يدردم بصوت ناصي بس ماافتهمت شي

للضهر سوينه نواشف وام راهب ماتاكل دهن اكو مرگه مجمدة گالت احمنها الي واثردنها

گعدنه نتغدة وهو منطلق ويضحك واني مويمه
وحتئ امه تحجي بس وياي

تالي عافنه وطلع للعصر اندگ الباب راح ضرغام يفتحه

سمعت صوت هوسه مال سلام
شويه ودخلن نسوان ثلاثه وحدة شابه واثنين اكبار

سلمن علئ امهن وعينهن مني جنت واگفه علئ صفحه

سلمن عليه من بعيد سلام عادي

رحت للمطبخ حتئ اجيبلهن ماي بارد
سمعت وحدة منهن عاطت

احلام،،منوووو

ام احلام،،مرت اخوج واسكتي لاتسويلج سالفه

احلام،،يمه لاتخبليني شوكت عرس راهب ومعقوله سوة عرسه بدون مايحضرن اخواته?

ام احلام،،يمه توج دخلتي اخذي نفس جايه من طريج بعيد بليل نتعشه واحجيلج

لارا،،اخذت الماي الهن قدمته واثنينهن يباوعلي من فوك لجوة شكيت بروحي لبسي بي شي من نضراتهن

بعدها گامن اجن للمطبخ بس امهن يمنه گعدت ماانطتهن مجال يستجوبني وفعلا شكلهن مثل المحققات يضيكن عيونهن مثل اخوهن اتحس نضراتهن يدرسن بيها الشخص الگدامهن

اني روحي خلصانة احس امشي بدون روح مامفتهمة راسي من رجلية وضعي وحالي كله مخربط
ماخلتني فاطمة كلشي اسوي بس ساعدتها بالزلاطه

كملت وفاطمه رادت اتسوي محلبي گتلها جيببها اني اسويها اريد بس شي التهي بي مااريد اكعد يم احد مهزومة من كلشي

خليت الحليب بالجدر وفوگا النشا وشكر ماكثرت
اجه ضرغام حجيت ويه فاطمه لان فشله اطلب منه كتلها خلي يجيب علبة نيوتلا بالككو ونكها الچكليت

راحت فاطمه حجت وياه وفعلا جابهم واجه انتظرته لمن جابهن اخذتهن من ايدة خليت ربع النيوتلا فوگ الحليب وخاشوكه مال اكل نكها
وخليت ماي خبطت المواد كلهن وخليتهن ع النار بس بقيت واكفه احرك بالجدر وفاطمه يمي
راسي دايخ  اتمنى افتح الباب وانهزم
شنو جاي اسوي؟؟
وشنو مسكتني على هذا وضعي؟؟
خوفي على اهلي خلاني قابله بكلشي يصير وياي
اهلي المحد فكر يجي ويسأل عني

راحت  فاطمةحضرت مواعين صغار بين ماربطت المحلبيه وثخنت صبيتها
ضرغام مااتحمل ايگول الريحه اتخبل اخذ ماعون وهو حار ياكل بي

ضرغام،،يمه بس ضوگي الطعم غير فد شي
قابل مثل محلبيتج امفصفصه ماتعرفها حلقوم لومحلبي لوريحة عطاب طالع منها لاجعه

احلام،،اكل واسكت لاتضل اتعيب

لارا،،ابتسمت علئ سوالفه كملت وخليتهن علئ صفحه وفاطمه طبخت تمن ومرك باميه
وضرغام اخذ اللبن وزعه بالدوالك

بعدها الكل كلمن راح اتوضه حتئ يصلي بس هو ماشفته من الظهر

خفتا وراحه حتئ احس روحي مامتقيدة اتصرف علئ طبيعتي

التمينه كلنه ع العشه وهو بعدة ماجاي

اباوع بوجهن مبينه بيهن سالفه من ملامحهن
يردن يعرفن سالفتي فضولهن واضح مثل عين الشمس

اخر شي كملنه وضرغام واخته ريحانه نقلو المواعين
فاطمه جابت الجاي وزعته

جان هذا حد وحدة منهن للصبر نفذ صبرها

احلام،،عشه واتعشينه جاي وشربنه
ياالله يمه احجيلي شنو سالفة عرس راهب

لارا،،تركتهن وكمت ردت اعوفهن ياخذن راحتهن بس الحجيه ماقبلت كالت موغريبه حتئ اتكومين ابقي بمكانج

زهرة،،يمي ترة فتت مرارتي احجي

احلام،،السالفه مبينه جبيرة هل امج ماتكدر تحجي

لارا،،التفتتلي وكالت

احلام،،احجي خيه اشلون عرستو وشوكت شوسالفتكم ماجاي ادش ابعقلي

لارا،،قاطعنه صوت ام احلام وحجتلهن كلشي
بحيث من صدمتهن مارمشت عيونهن
احس گلبي انقبض واني اشوفهن هادئات يستمعن الحجي الحجيه خفت ليكون هذا الهدوئ اليسبق العاصفه وفعلا انتفضت الاسمها احلام گامت وگفت گدامي بقيت علئ گعدتي وهي واگفه فوگ راسي تحجي ويه امها واتاشر عليه

احلام،،يعني هااااي بنت جلاالل?

ام احلام،،عيب يمه تبقئ بنت عمج

احلام،، عمه العماها وعمه ابوهااا
منين طلعتيلنه بسالفة عمج ماعمج ماعدنه عم مابي حض وعاار مثل جلال

زهرة،،صدگ تحجيين يممه ?
وراهب عاااف بنات الدنياا كلها وراح علئ بت الي طشر عائلتنه وبسببه مات ابووونه

ام احلام،،والله لو ادري ماخابرت عليجن ترة ضغطي صاعد مابيه حيل للحجي وحرگان الروح

احلام،،يمممه لاتخبليني شنو مرت راهب شنو بنت جلال ?
زين وين لكاها ومنين جابهاا ?

لارا،،ردت اجاوبها لان فار دمي وهي تحجي علئ ابوي صح غلطانين بس يبقون اهلي ومااسمح الشخص يتجاوز عليهم
باوعت للحجيه اشرتلي بمعنئ اسكتي واتجفي شرها امها وتعرفها شرانيه

صارن مثل المخابيل الاسمها احلام اتحوم تروح منا وترجع منا مبينه تريد تتعارك بس الحجيه تسكت بيها
والثانيه علئ كعدتها خازرتني اجذب اذا اكول ماخفت لاوالله خفت لان عمري مامريت بهيج مواقف جنت من اروح المكان اتعجب علئ معاملة الناس الطيبه يعني اتعلمت ع الاسلوب المحترم وهاي اول مرة اشوف واحد يتجاوز عليه غير راهب

ضرغام،،يمه گولي ياالله هسه انتي شعرفتي وهيج حارگه روحج يجي خالي وافتهمي السالفه

احلام،،شفتتتهم ?
اكثر من الحجته بيبيتك شفتهممممم?

ابوهاااا باگنه وباگ حلالنه وانهزززم مافكر بااخو ولابعائلته المهم عندة الفلوس اخذهن وانهزم

بسببه كل واحد بينه شااااف الويل بسببب ابوهااا النذل لاكملت دراستي ولاحضيت بمستقبل بي حض
وزهرة نفس الحال وفاطمه هم اخذت نصيبها من الضيم الدرجة مرااات احسها خررررسه بسبب الاذيه الشافتهااا بحياتها

لارا،،تحجي وتبجي واني مثلها مدنكه وبگلبي اكول واني شلي غرض وشنو ذنبي بالعشتو بسبب ابوي
موذنبي اصير قربان الهم بسبب اعمالهم

الاسمها احلام ماسكتت احتارت شتحجي وشتغلط واني صرت مثل فاطمه خرسه اسمع وساكته مدنكه وادموعي توكع بحضني

ام احلام،،ااااملخ روووحي الطمممم بنص اللليل
ولجن هي شنو ذنبهااا
ولجن كااافي خلص گلبي الله ياخذذذني وارتاح منكم

لارا،،بالله العظيم ماقهرتني غير الحجيه من طاحت الوجها لطم معشت الشيله ذبتها فارگه من النص شعرها ومسويه گصيبتين اتگول كطن من بياض الشيب التارس راسها

ضرغام لزم اديها يمنعها كطعت شعرها

وبناتها گعدن يمها يتباجن واني اهنااااك گاعدة غريبه عنهم رغم يربطنه نفس الدم كلنه

ام احلام،،وخر عني حبوبه ولك وخر خليني اموت روحي وخلص
ابتلت علئ عمرها الابنيه خو ماابتلت?

اخووج متوليها من صفحه مصخم عيشتها وياخذ بنات الليل وامهات الزلم يخطبن بنت عمه الي هي عرضه
وانتن ماخليتن سالفه تعتب عليجن

ارحموها كلكم حادين اسنونكم عليها وهي مالها ذنب

ولكم ارحمووو من في الارض يرحمكم من في السماء
انتممم بزررر بطني ?
اهووو امدة البطن النگلت هيج ناااس حاقدة مابكلبهم رحمممه

لارا،،،ماكدرت اتحمل طفرت من مكاني وصعدت الدرج اركض وابجي مهضومه هضمه بس الله يعلم بيها مالگيت روحي غير فتحت باب السطح وصعت فوگ واني رافعه راسي لله عز وجل

حجيت وياه حجي مااعرف منين طلع حتئ استغربت روحي منين جبت هذا الكلام
اتذكرت الحسين بيوم الطف من مات الرضيع واخذ دمه شمرة للسمه

مالگيت روحي غير مسحت دمعتي وشمرتها للسما
كتله يااارب انهضمت بدون سبب وبدون ذنب وانته رؤؤف بعبادك ماترضه بالضلم واني نضلمت بدون مااضلم احد

گعدت بالكاع بس ابجي بصوت ونحيب عالي ويين جنت اويين صرت جنت مدلله وهسه ذليله
ماادري شكد بقيت بس موااهواي لان صعدت بنت احلام گالت بيبي اتكول اذا مانزلت اني اصعدلها

نزلت الابنيه مسحت دموعي وعيني للسمه مثل الخايف يروح المكان خطر وهو واكف ابر الامان ويمه شخص هو ملجا امانه بقيت مكسورة رگبتي اباوع للسما بقهر خايفه انزل ماعندي غير الله ملجا الخائفين يكون ملجئي واماني
مسحت دموعي ونزلت ليكتهن كاعدات علئ صفحه والوجوه مگلوبه
الحجيه مبين وجها كله ماي ويمها علاجها
خطيه كل شويه وفرفحت بسبب واحد من ولدها

ام احلام،،تعاي يمه اكعدي يمي
وهاي جدامهن احجي وداعت الحليب الرضعتنه اذا سمعت وحدة منجن مضيكة خلگ بت عمها
لاهي بنتي ولااعرفها ولاحتئ اريدها ادش حوشي مرة ثانيه

الله ويغفر منووو احنه حتئ مانغفررر??
كافي مللينه سالفه صارلها اسنين والشيطان وسوس بااذن النبي ادم ونزله من الجنه الخاطر تفاحه
ماتردن يوسوس بااذن ابنادم عادي لجل وصخ دنيه وافلوس مايشترن راحة بال صاحبهن?

گولن ياالله الوادم وين وصلت اوين صارت واحنه بعدنه اندور حقد

من اجيتن لسه نزلتن دوسه ونص علئ اهلها وهي سويكته لاحجت ولافكت حلكها عبنها خوش مرة

اني نبهتجن وخل اسمع وحدة منجن مسمعتها حجاية احلف عليها ماارضه عنها طول عمري

لارا،،اترخصت من الحجيه وصعدت الغرفتي مانزلت بعد

بقيت حاضنه مخدتي وابجي اااخ ياراهب من يوم الحبيتك ماشفت وياك غير القهر والدموع
اتمنيت لاشايفتك ولااعرفك

شخص تحبه حد الجنون الدرجه لويطلب روحك تنطيها اله بدون تردد
حبي اله مومجرد حب مشاعر فقط
لاحبيته بروحي والارواح من تحب صعب تنسه
كل جرح منه الي جان سجينه حارة يغرزها بنص الروح الي حبته وهامت بي

دائما جنت اگول زرعت حبه بگلبي مثل بذرة نمت وكبرت واتشبثت جذورها بااجزاء روحي
صعب اقتلعها
احس نفسي مريضه بس مابيه شي مثل مايگولون متمارضه مومريضه

المريض اليشكي من عله بداخله
والمتمارض المريض المايعرف شنو علته الي يحس نفسه تعبان من كلشي حتئ نفسه

حب راهب بداخلي مثل السرطان الي صعب تتخلص منه
لويكتلك لوينهيك وياخذ صحتك وعافيتك
وتبقئ بقايا انسان

اني جنت هذا حالي اتمنئ اكرها رغم اذيته وجرحه والذل وكلشي صار اجذب اذا اكول كرهته

كل مااكرها الگه روحي راجعه النقطه البدايه وكل كره ماكو بگلبي جنت ادور بي علئ الانسان الطيب الضيع طريقه بسبب الحقد جنت ادور بي على راهب الحبيته

متمددة والمخدة اتبللت بدموعي غصب عني ينزلن
گعدت علئ حيلي كتلهن كاافي كااافي دخيل ربجن ماشبعتن من النوح والبجي?

رجعت اتمددت وليليه ماانام اذا مااذكر كل كلمه حلوة حجاها الي وابقئ استذكر حقيقيه مشاعرة لوجانت فعلا مجرد تمثيل??

كانه راح راهب وحل محلة انسان ثاني ماعندة گلب بدون رحمه

شلت المخدة غطيت بيها راسي والافكار بعدها مهاجمتني من كل صوب
صرت اضرب بيها علئ راسي اريد انام اتمنيت من صدگ انام واكعد الكه روحي فاقدة الذاكرة وناسيته نهائيا

بقيت گاعدة لل2بليل وجهي احترگ من كثر البجي.
ردت بس انام ماگدرت
تالي اخذت دشداشه قصيرة
ونزلت للحمام

مليت الحوض ماي قفلت الباب واتمددت بالحوض
احس جسمي واعصابي ارتخت
واشويه وجهي برد

كملت نشفت روحي ولبست لفيت شعري بالخاولي
فتحت الباب صار بوجهي
ارتعد جسمي من الخوف مامتوقعه اشوفه فجأه

باوعلي من فوگ لجوة دنكت وردت اعبر
بلحظه سحبني من ايدي ودخلني للحمام ودخل وياي

دفعني ع الباب ماكدرت احجي البيت صنته اي صوت ينسمع

همست وصوتي يرجف
ع عوفني ا اطلع

راهب،،شگلت اني?

لارا،،مافهمت كلامه

رجع كال

راهب،،ليش تتعمدين اتخليني ااذيج?
موگلت ماتنزلين بهيج لبس?

لارا،،يحجي يم اذني بصوت ناصي
مجرد وجودة قريب مني لااراديا دمعت عيوني

والغصه لزمتني احس روحي اختنكت گتله ماانزل هيج بعد بس وخر

رفع وجهي. باصابيعه

شفت بعيونه راهب الحبيته اتمنيت احضنه واشكيله منه علي
غمض عيونه بتعب وقرب شفايفه مني

اتذكرت من گال كلشي تمثيل صحيت علئ نفسي ودرت وجهي امنعه يقترب اكثر

مااگدر اصدگك بعد

ابتعد مني مسح وجهه بثنين ادي وسحب نفس قوي

راهب،،اطلعي

لارا،،ماصدكت يبتعد مااريد اضعف اكره ضعفي بيدة

قبل مااطلع كال

راهب،،اخر انذار الج هذا ماتنزلين بهيج لبس مفهوم?

لارا،،هزيت راسي بمعنئ مفهوم تركته وصعدت
واني گوة اخطي الخطوة تتخربط احوالي من يقترب مني

مدري اشلون مشطت وماحسيت من غفيت كعدت الصبح

صادف اليوم خميس نزلت لگيت الحجيه لابسه جواريبها وعباتها مبينه عدها طلعه

ام احلام،،يمه لارا. اني ماشيه ويه خالتج ام قاسم نروح نزور الامام الحسين عليه السلام
اذا تمشين ويانه حتئ انتظرج

لارا،، گتلها لاعمه روحي زوري واندعيلي

طلعت للصاله يم بناتها اسمعها تسولف وياهن بس مافهمت كلامها لان بعيدة انتبهت الهن امهن تحجي وهنه يتخازرن وياي

مااهتميتلهن ومبينه اتحذرهن حتئ مايتلاغن وياي

سمعنه هورن بالباب دخل ضرغام گالها بيبي قاسم وامه ينتظروج برة

طلعت الحجيه واني حميت الجاي

صبيت كوب جاي حار وخليته يمي ع الكاونتر بين ما ارجع القوري

ماحسيت غير ايد طخت الكوب وگع علئ رجلي شاغت روحي السابع سمه من الحرارة

احلام،،وعمه حتئ عمه زيين ماجويتيني

لارا،،عيوني غوشت كعدت بالگاع لازمه رجلي بسرعه صارت حمرة دم تسعر سعير الجاي حار توني صبيته
گتلها انتي الطخيتي الكوب

احلام،،انجبي لج فوكاها جذابه بنت الحرامي
اذا ابوج حرامي ونصاب ونذل
شراح اطلعين مثلا?
بروفسورة?

اكيد جذابه وحراميه مثل الوالد

لارا،،اهنا انتفضت هم رجلي انحرگت وهم جفصت بمصراني واني ساكته الها اگول فشلة من امها وهي هم موصغيرة مرة جبيرة موطفله

گتلها عيب عليج هذا الحجي مااتجاوزت عليج وانتي من البارحه نازله دوسه ونص عليه بالاهانه

احلام،،اوي عيني جرحت مشاعرها بنت جلال الحرامي

لارا،،هذا حدج مااسمحلج تتجاوزين اكثر لذالك من الافضل تحترمين كبرتج وتحترمين نفسج

راهب،،منو هاي التحترم نفسها??