رواية راهب ابو غضب الفصل السابع وخمسون 57 - بقلم Zahra_Alhussnawy

حاچيني يعشگ اصباي
هاذا انه الرحت مني
اذا دربك يزت غربه
زواتيتي الصور ذني
انه الناحل
انه المتعوب
انه اليتوسل المكتوب
چتال الشمس الغروب
انه ذاك
العطش چفه اعله چف محبوب
انه المالاگي بيه انسان
جبت انه العمر مصيوب
انه ذاك اليلچمنه
سراگي البوب
غنتلي الصور والناي
وقريت بحسرتي المشطوب

،،،،،،،،

راهب ابو غضب ج2

////بقلم زهراء الحسناوي/////

،،،،،،،
مساءالخير يروحي اشلونجن
طبعا والله مشتاقتلجن بس المرض اسم الله عليجن مايرحم ومااحب اخليكم تنتضرون
حبيت انزل الكم هلبارت عيديه
اهواي اكو متابعات رفضن انو اختصر القصه
لذالك اختصرت بس الاحداث الحزينه ابارتين
ماحبيت يكون البارت طويل وبي ملل فردت يكون البارت عبارة عن احداث مهمه

اطلب منكم طلب تنطوني مجال بين يوم ويوم انزل بارت لان والله كلش مريضه وردت افرحكم والخاطري اصبرو عليه وهي هم كم بارت وتنتهي اريد انطي رويهب حقه بالسرد 😊

،،،،،،،،،

راهب،،احس السكر صعد فول من سمعت كلام امي وي ام قاسم
مالگيت روحي غير سويت الدرج شبختين رغم ألم رجلي حتى نسيت مرضي
جطيت الدشداشه وجريت اسلاحي
نزلت شايط
اتلگتتي امي من شافتني اخترعت
لزمتني تمنعني نترتها وطلعت مااشوف گدامي

امي تركض وراي بدون عبايه صعدت سيارتي مااسمع ولااشوف كل الابالي اموتها ارحملي ولااخليها تصير الواحد ثاني

طلع قاسم من شافني اجه يركض وكف گدام السيارة مخترع من شاف الوضع وامي كاعدة بالباب تلطم

اشرلي انتظر اول ماصعد شخطت السيارة بحيث سويت طريق بغداد ساعتين
طاير امشي مرتين ردت انگلب اسمع بس فشاير قاسم يريد يسوق بمكاني بس جنت فاصل اريد بس اوصلها

ماصدكت وصلت البيتهم اخذت اسلاحي ونزلت ارمي

،،،،،،،،

لارا،،ضجت اصوات الزلم بالاستقبال كلها تصيح الله الله شنو هلرمي
اباوع اخواني طلعو يركضون يردون يعرفون شكو بعدها لحگهم همام وكم واحد من الحاضرين

النسوان ضلن يبسبسن مايعرفن شكو وامي اتكلهن خاف يم الجوارين الرمي تريد تضيع عليهن السالفه وهي مثل حلاتي وجها انخطف لونه من شافت راهب

رجعت اباوع عليهم رجليه مايشيلني كل جسمي يختض
همام اتقدم علئ راهب يريد يتعارك وياه
بس قاسم خامله وسحب منه السلاح خاف يفقد اعصابه يرمي ويكتل همام

اتلازمو وراهب اضخم من همام ضربه كله براسه اتراجع ولزم خشمه بس بسرعه عدل وكفته ورجع ضرب راهب
ام همام خبصت البيت خبص بالصايح والحجي واختها وبتها لازماتها لان الزلم كلها طلعت تركض
صرنه ماانشوف غير واحد يضرب الثاني
لان اولاد عم همام واخوانه يردون يهدون علئ راهب يضربو بس ابو همام وعمامه ضربو اولادهم حتئ ماتكبر العركه
وگف شيخ علي گدام راهب وسحب همام
مااسمع كلامهم بس نشوف العركه
الضاهر هدئو والشيخ طلب من راهب يدخلون حتئ يفتهموم السالفه

شيخ علي يدفع بهمام الي كل شويه يريد يرجع يتمالخ ويه راهب
اشوف واحمس بروحي حمس لوماغبائي ماجان وصلنه الهيج شي
اااني كله مني ردت اصلح غلطي بغلطه اكبر منها
رددت اتناسه راهب بزواجي من همام
نسيت شنو راح يصير بي من يكتشف اني مااحبه وزواجي منه مجرد انهزام مني بسبب حبي الراهب

اتعالت اصوات الزلم بالاستقبال
وام همام وامي والنسوان الباقيه وكفن فوگ راسي يم الباب يتصنتن يردن يسمعن الحجي
وهمه صوتهم واصل السابع جار بالصايح

حجه واحد منهم سمعت ام همام اتگول البتها اسكتي خل نسمع ابوج شيحجي
عرفته من خلال كلامها هذا شيخ علي

شيخ علي،،هماااام اكعد خل نفهم حجييي الزلمه
احجي بويه شنهي هي سالفتك ?

راهب،،اسال ابنك حجي نننهيته لومانهيته?

الاصوات عاليه عبالك يتمالخون مويحجون
وهمام وراهب يفرفحون بالحجي
والبقيه ناس ترفع وناس تكبس

حجه راهب بصوت عالي

راهب،،شييخ الحرمه بنت عمي وطليقتي وابنك اهوواي اتجاوز حدودة انته شيخ وتعرف الحگ واني اطالبك اگعد ابنك للحگ
اكيد انته تعرف الاعراف العشائريه والتقاليد فمايحتاج احجيلك بيهن

منا واتوكلو حجي مرة مالكم يمي والمرة حرمتي ورايد ارجعها علئ ذمتي

شيخ علي،،هذا هو بعد عمك الحگ وياك وشتفصل احنه نلبس لان ابني المتجاوز

لارا،،همام فقد صار يصيح بصوت عالي رج البيت يريد يضرب راهب
بس اولاد عمامه طلعو خارج البيت يدفعون بي
اسمع امه ماخلت كلمه ماحجتها واني بس ارجف وابجي من الموقف الحقير الي خليت نفسي بي

ام همام ،،هي هاي الردتنها?

كله من ابني ذبح روحه عليييج
اگله ولك يمه ذني ابنيات عمامك يخبلن دارسات ومثقفات يگلي لا اله هي
اگله حوراء بنت خالك شحلاتها وتتمنئ اضفرك
وهو ولاااجن داگ رجله عليج تالي خووش سويتي بوليدي الله لاينطييج

لارا،،اسمع وماعندي جواب غير دموعي استاهل كل اليحجو عني اني السبب بالجاي يصير ويه همام لومبتعدة عنه كان اتفهم وضعي وسحب نفسه بس اني الانطيته مجال

بقت الهوسه ساعه بس تسمع صوت التهديد بين همام وراهب وابو همام يفرفح
تالي اخذ ابنه والعالم الجابهم وطلع

شفت راهب يمشي وراهم بكل ثگل وهدوئ ولاجن هاي الهوسه والطلابه هوه سواها

اخوتي ماحجو اي شي احتارو بفشلتهم من الشيخ علي والعالم الوياه
اما راهب من شاف المشيه اتفلشت اخذة قاسم وراح

دخلو اخوتي الوجوه سود من الفشله تمنيت ميته ولااشوفهم بهذا الوضع
رافد من الباب باوعلي بنظره قهر وطلع ومحمد
ماعندة كلام ينفس بي عن غضبه غير بغلطه علئ راهب

سعاد،،ااالله لايوفقك ولايهنيك ياابن امل ام السحورررة الله لايهنيك بشبابك وعافيتكككك
شترريد بعد من عدنه شتررريد

فلوسك ورجعن وفوكهن بنتي الكسرتها
شناووي تاخذ اكثرررر من هجام بيتي شتررريد

لارا،،امي ضلت ادگ وتلطم تالي تعبت ودخلت الغرفتها اسمع بس صوت دعاويها علئ راهب وعمتي امل
واني علئ گعدتي احس رجليه مايشيلني منظر همام وحرگة گلبه مجاي تطلع من بالي

گوة سحلت روحي صعدت للغرفه شمرت نفسي بالفراش غصيت بالبجي
لان هسه ياالله وعيت علئ غلطي
شفت نفسي شكد كنت انانيه بتفكيري
كل فكري اخلص نفسي مايهمني منو الراح يدمر بسببي المهم عندي روحي وبس

گمت نزعت البدلة وشمرتها ماناويه يوم تفرحني من البسها
لليل واني بفراشي حتئ امي ومحمد محد صعدلي منهم

الساعه ب 10بليل نزلت روحي ذايبه
اريد اسبح وارتاح بلكي يخف الخنگه بصدري

سبحت وطلعت للمطبخ لكيت لفات جاهزة اكيد محمد رايح جايب عشه جاهز من شافنه اني وامي كل وحدة خاتله بغرفتها
مالي نفس الكلشي اخذت بطل ماي بارد وصعدت

ب 11ونص تقريبا دگ الموبايل انخمش گلبي من شفته رقم همام

بيا وجه اجاوبه ?
فتحت خط گتله الو

من سمع صوتي جر حسرة طويله

همام،،لارا

لارا،،ن نعم

همام،،خو ماضايجه لومقهورة?

لارا،،رغم كلشي صار بي بسببي يسال علئ وضعي
كتله انته اشلونك?

همام،،اني?
شنو رايج انتي?

لارا،،كمل الكلمه واختنك مثل الخانگته العبرة مايكدر يحجي مااتحملت بجيت

همام،،هسه عليمن تبجين يابويه?
لاتشليني لارا كافي اسكتي

لارا،،ك كله مني

همام،،كلشي بالقسمه وانتي مامقسومتلي الضاهر
بس ملچوم منج الحد گطع النفس

لارا،،بلعت الغصه سالته ل ليش?

همام،،عبالج مااعرف شنو بداخلج??

لارا،،شتقصد?

همام،،ادري بعدج تحبي

لارا،،سكتت مااعرف شجاوب لو شريد ابرر

همام،،ماذابحني غير من اول ماحبيتج عرفت بيج ماتحبيني بس حسيتي بيه ملجاة امانج
شفتيني القشايه الي تنقذج من الغرق واتمسكتي بيه
ولج من البدايه متاكد بروحي مجرد لاصق لجروحج شوكت متشفين راح تشمريني ورغم معرفتي بكلشي بقيت متمسك بيج ل اخر لحظة
شنو السر البيج وماموجود بغيررج?
فهميني راح اتخبل والله
ولج سنين ساد گلبي مااريد احب تالي من شفتج تيهت روحي وحبيتج واتعلقت بيج الدرجه تركت كل ماضيج ورة ظهري وشتريتج بس للاسف من البدايه بايعتني

لارا،،بس ابجي ضاع مني الحجي

همام،،من اليوم وعد واخذيها مني كلام ارجال ماتشوفيني ابد
بس بداعة گلبي عندج ديري بالج علئ نفسج

لارا،،اسمع وازيد قهر فوگ قهري كل اليجراله اني السبب بي
انتهت المكالمه گعدت بالكاع الطم علئ وجهي بحرگه لان ماجاي اعرف شنوو اريد

بسبب حقارتي وعنادي ضيعت همام وياي
مختنگه ولازمه صدري احس ضاگت عليه الوسعه
مالگيت روحي غير جريت الموبايل دخلت علئ حسابه ايدي ترجف كتبله

ارتااااحيت هسسسسسه?
لمن اتمووووتني ياالله ترررتاح?

بسرعه جاوبني

راهب،،اي والله توني ارتاحيت
لا بت عمي ليش اموتج?

لارا،،مبين اعصابه باردة ثواني واتصل
جاوبت بحركه اريد ابرد نار گلبي بي

راهب،،اشرقت وانورت ست لارا
لوتحبين اگلج يالعروسه??

اگفي خل اغنيلج
لابسه اسود يالعروسه وبالجمال مسويه هوسه
ههههههاي
اي والله سويتي هوسه لان ماتسمعين الحجايه
گتلج الف مرة انتي الي وحدي
گتلج مليوون مرة عندي احط چيله براسج وماانطيج
انتي الجبتيها النفسج شسويلج?

لارا،،ذبحني بكلامه وبرودة  وفوكها يستفزني  مبين فرحان بالصار
ردت اخلي ينقهر مثل ماقهرني گتله

اموووت منك تعرف شكد اكرهك?

اكرهك الدرجه عنددي اصيرر بنت شاارع ولاارجعللككك

راهب،،بنننت الكلللب عيديهااا وشووفي اشلوون ادوس علئ راسج بالبسطاال بنت النعااال
عباالج كااتل روحي علليج?
ولج اشمرر حذائي يوگع علئ الف وحدة مثلج ااادبسزز
لاعبالج نهوتي عليج الخاطر عيوونج لوحبا بيج?
تررة كل السويته حتئ اكسررر خشمج وبس
حتئ اذذذلج مثل ماذليتيني ياحقيررة

لارا،،لوووشتسوي ماتكسر خشمي خللي هلشي برراسك
ويجي يووم اتخلص منك وارجع حررة مثل قبل يووم الاكشر الشفتك وعرفتك بي
ريييتني متت ولاحبيتك

راهب،،ليش تجبريني اسب الوالد?
ترة توني خليته يرتاح لان مستلمه اكس ومربع من االظهر لسسه ليش تخليني ادزله تحيه خاصه بنص الليل?

لارا،،بسبب ضرربك وعدم احتراامك خسرتني
واذا افكر مجرد تفكير ارجعلللك اكوون اكبر غبيه

سديته بوجها قبل مايحجي
شويه ودز رساله

راهب،،ووالعباس علئ سدة ااالخط بوجهي كووون يمج هسه اله اسحلج سحل من كفشششتج

لارا،،غلقت الجهاز ونمت روحي شايطه مكوك ع التهديد

الليل كله كاعدة ماگدرة انام وخاصتا من اذكر كلام همام امووت قهر لان جرحته بهاي الطريقه

ماادري شوكت غفيت گعدت الصبح كوة شلت راسي
اتمنيت اغيب بس ردت اروح حتئ. اشوف همام ردت اعتذر منه
وفعلا لمن رحت ماشفته لان ماجاي للجامعه
من رجعت للبيت اتصلت بي مغلق
اهواي حاولت اتصل بي بس كان حاضرني من كلشي

ماكو اصعب من شعورك بالذنب
تحس ذنبك ياكل ويشرب وياك
مرات نسوي الغلط بس بوقته نشوفه شي عادي
لكن من يمر عليه فترة راح تحس بغلطك
وتبقئ عايش ويه تانيب الضمير راح اتگل الروحك وين كان عقلي من اتصرفت هيج تصرف?

ثاني يوم اخواني راحو البيت شيخ علي يعتذرون منه
بس ماشايفين همام بس ابو واخوانه
الشيخ گالهم السالفه انسدت واختكم طليقها رايدها وابني الغلطان

بدة الايام والاشهر اتمر وماشفت لاراهب ولاهمام
عرفت همام طلعني من حياته نهائيا
اما راهب صرت مااحزر تصرفاته ابد

بيوم حفلة التخرج ردت مااروح لان مالي خلگ ولاالي نفس بس امي ومحمد اصرو اروح
اشترتلي امي فستان محجبات علئ قياسي
لبسته ومكياجي خفيف مرتب
اخذنه محمد واني اتصلت برافد وسجئ يحضرون للحفله

الميز مالتنه بصف ميز رافد وزوجته بس امي عبالك ناس غربه حتئ ماسلمت عليهم لو عبرتهم اباوع الرافد وجها انطعن صعبه تشوف امك تتجاهلك
اباوع بالوجوه مااعرف علئ منو ادور

روحي مقبوضه ماصدگت تنتهي الحفله ونرجع للبيت
بمجرد ماوصلنه اجتني رساله ع الماسنجر
فتحتها انصدمت من شفتها رساله من همام
دازلي
مبروك التخرج وياها صورتي اني والطلاب جماعيه
انهضمت لان حسيت بوجودة بس ماشفته

ردت اجاوب رجع حضرني
احسه تعب نفسيتي بسبب تصرفه لوبس يخليني احجي وابررله جان ارتاح ضميري

بدت الايام والاشهر تمر كلها نفس الشي
صرنه بشهر 4/ 2019 واني
حتئ طلعه خارج البيت مااطلع
شگد امي تحاول بس كنت ارفض

بليل توني غفيت الساعه ب 2بليل تقريبا
فزيت علئ صوت موبايلي
طفرت مرعوبه من شفته رقم ندئ زوجة اخوي مهند

بسرعه فتحت خط وجاوبتها
ثگلن رجليه وجسمي باد من سمعت صوت صرختها وبواجيها
احس افترت الگاع بيه من گالت

ندئ،،لارااا مهنددد مااات

يتتبع،،قرائه ممتعه