رواية راقت لي الفصل الأول
-أجبهالها ازاي أني عايز أفركش الخطوبه
=عادي قولها انك مابقتش مرتاح معاها
-بحبها ياجدع ومش عارف أبعد ، بس انا عملت كل حاجه عشان تحبني وماحبتنيش
=اومال وافقت عليك ليه
-مش عارف...ممكن تكون مغصوبه عليا مثلا ، انا كل ما اسألها تقولي انت انسان محترم عشان كدا وافقت
=طب وانت عايز ايه أكتر من كدا
-مابتبصليش وانا بتكلم ، الفون بينا محدود أوي ، تخيل أني عمري ما سمعت منها كلمه بحبك حتي
=دي ضوابط الخطوبه...عارف لما تتجوزها مش هتلاقي حد يحبك قدها وهيا اكيد بتحبك بس مش عايزه تغضب ربنا
-بس أنا خطيبها ، تبل ريقي بكلمه حتي
=انت لسه غريب عنها بردو...المهم لسه مصمم تفركش
-هو لو الموضوع كدا انا همسك فيها بإيدي وسناني بس ماتحسسنيش اني كيس جوافه في حياتها
=كفايه أنها محسساك بأنك حاجه
-عندك حق ، أما اروح اكلمها وأحاول اغلس عليها
=والله هيا الي هتفكرشها مش انت
بضحك: هروح اغلس بردو
كل مايعجبني بوست أعملها فيه منشن فترد عليا بأيموشن ورد ، حتي مابتردش بقلب أحمر حتي ، أنزلها بوستس تروح معدلالي الأخطاء الاملائيه وتسيب المضمون ، دا ايه جلد الذات دا ، بس عمري ماكنت مضايق الا ووقفت جنبي وساعات بحس بخوفها عليا بس مش دايما
-عمال أرن عليك من امبارح مابتردش ليه
=يعني ارد وانا مع خطيبتي يا أسلام
-طب ما انا ببقي مع خطيبتي وبرد عليك عادي
=كنا بنتفسح وكدا ومكناش فاضيين
بضحك: ليه كنتو بتعملو ايه
-الجو الرومانسي كان واخدنا حبتين
=ياسيدي ياسيدي
-ياعم ما انت خاطب ، إحنا هنعملهم ع بعض
=وحياتك انا بنسي اني خاطب ساعات
-يابختي بخطيبتي بقي
=اه والله يابختك
أنا من حقي اكون ذي صاحبي دا ، ما الدنيا حلوه أهي ، امال هيا مقفلاها عليا ليه ، ما انا الي أخترتها ، بس مكنتش اعرف انها بالتقيد دا ، هتعمل ايه يا اسلام ، بس انا بحبها ومن حقي أتحب واحس بالحب دا ، أووف
-عايز أقولك حاجه
=اتفضل
سكت شويه '
-نورهان أنا مش قادر أكمل معاكي
=ليه.. انا عملت ايه
-ماعملتيش بس انتي مش بتحبيني ، دا احنا حتي مبنتخانقش الا كل فين وفين
بحزن: أنا مرتحالك ، وانت ماتعرفش الي في قلبي عشان تحكم عليا
-بس في حاجات كتير ناقصه في علاقتنا ، انتي حتي مش مدياني فرصه اقرب منك للدرجه الي هيا ، أنا بحبك بس انا محتاج اعيش الأيام دي كأنها اجمل ايام حياتي
=في الحلال هنعيشها...لو غضبت ربنا ممكن يحرمك مني أو انا أتحرم منك
-مابقتش قادر أستحمل برود ردك وقله لهفتك واختصارك لكل شئ ، أنا هاجي أخد حاجتي في الوقت الي هتحدديه
سكتت ييجي دقيقه
بتنهيده: ماشي ، انا متاكده أن ربنا هيعوضني خير ، تعالي خد حاجتك بكرا
-أنا اسف
=لا عادي ، انت كنت محترم معايا طول الوقت وعمرك مازعلتني وعارفه انك استحملت ، وانا هجيب الموضوع من ناحيتي قدام أهلي
-اسف للمره التانيه ، سلام
=أستني !
-إيه
=خلاص سلام ، ماعرفش ليه قولتلك استني ، انا أسفه سلام
وهيا بتقفل الفون حسيت بصوت عياطها ، اديلنا مع بعض اكتر من ٣ شهور بضغط ع نفسي ومستحمل بعدها وكلامها المحدود وكسوفها الدايم وحاجات كتير ، أتشيكت ولبست وجه تاني يوم ، من كتر خنقتي وحزني كان باين ع وشي ، أنا مش عايز اسيبها بس مش عارف ايه الي بعمله دا !
وصلت لبيتها !..ابوها الي فتحلي
اتكلمت معاه شويه وهيا كانت في اوضتها ، خليت أبوها يدخل يجيبها ، فطلعت وهيا معاها كل حاجتي الي جبتهالها ، لما شوفت الحاجه من بعيد لقيت جوابات كنت ببعتهالها وماكنتش بترد عليها وفكرتها رمتها ، دي حتي محتفظه بمحفظتي القديمه الي نسيتها هنا قبل كدا وقولتلها انا اساسا هشتري واحده غيرها !..
-أدخلي يا نورهان عشان ننهي الموضوع
بحزن: حاضر يابابا
قعدت ع كرسي الانتريه الي جنبي من غير ماتبص حواليها وكان باين عليها الكسره وحطت رأسها في الارض
-ارفعي وشك
=حاجتك كلها أهي ، مافيش حاجه ناقصه
-بقولك أرفعي وشك
=أنا مرتاحه كدا
-طب ارفعيه عشاني وأعتبريه اخر طلب
=بقولك مرتاحه كدا
جيت اقرب إيدي لدقنها من تحت عشان ارفع وشها فرفعته هيا قبل ما ألمسه ، ف وشها جه في وش المأذون الي قاعد قصادها وبيبتسم
-انا اسف اني كنت هلمسك بس كلها نص ساعه وهتكوني مراتي
=........
-مش وقت صدمه ، انا مش جاي اطلقكك ، بصي انا عايز اقولك كلام كتير فخلي المأذون يكتب بسرعه
مردتش عليا باين عليها عاشت أسوأ ليله في حياتها امبارح فمش مصدقه ان كل حاجه أتقلبت للعكس ، اصحابي كانو مستنيين تحت فاتصلت عليهم عشان يطلعو وكنت متفق مع والداها وانا جاي في الطريق ، وخليت المأذون يكتب بسرعه وحطيت ايدي في ايد ابوها وانا قلبي هيفرقع من الفرحه !..
خلصنا كتب الكتاب مع اخر جمله "بارك الله لكم وبارك عليكم وجمعكم في الخير" وقومت حضنتها وتبت فيها جامد وغرزت راسي ع كتفها وعيني دمعت
-أحم..اسلام أصحابك واقفين
=أنتي تسكتي خالص ، متتكلميش
فضلت ساكته وتقريبا كل الي في الأوضه خرج
-انتي بتعيطي ليه
=حسيت اني هخسرك بس مكنش في أيدي حاجه أعملها
-كنت هبقي اكبر غبي لو خسرتك
=إيه الي خلاك تغير رأيك
-وانا جاي أتصل عليا صاحبي وبيقولي أنه فركش الخطوبه مع اني كنت لسه مكلمه من يومين وقالي أنه مع خطيبته بيتفسح ، عرفت فعلا أن انا لسه غريب عنك وممكن في اي لحظه مكنش موجود...وان انا ماليش اي حق منك غير لما تبقي مراتي وحلالي ، انتي كنتي صح لأكبر حد
=بس !
-ولما جيت اقارنك بكل البنات لقيت أن المعادله ماتنفعش ، أنتي ماتتقارنيش ولا ينفع تتحطي في مقارنه
-أنا بحبك
=وحاجه كمان ، ماكنش ينفع تقولي الكلمه دي لحد غيري ،مجرد ما اتخيلت قلبي اتنفض م الغيره
" كانت تَليق بي ، وانا خُلقت خصيصآ لأليق بها "
فهنيئاً لك بها
" ومن يتق الله يجعل له مخرجا ويرزقه من حيث لايحتسب "
اللهم أغننا بحلالك عن حرامك وارزقنا أزواج صالحين مصلحين