رواية رغد ورائد 💕 الفصل السادس والعشرون 26 - بقلم ~

بعد اشتبكات
طاحو كل رجال صقر
واصابات لرجال بدر

صقر بجنون وعيون مخيفه : للحين مافزت يابدر كرتي اقوى من كرتك

تركي حط على يده الكلبشات وبسخريه : اي زين ان شاء الله يالمريض

ماجد يناظر بحقد على صقر

بدر يفكر بكلام صقر وتترد براسه كلمة

(كرتي اقوى من كرتك )

بدر مشى بهيبه وجمود قوي خطوات ثقيله وقف قدام رجاله  : سلام يارجال الحمد الله خلصنا المهمه الى لنا سنين عليها و
هذا بفضل الله ثم بفضلكم انتم
ومافيه كلام يوصف فعلكم اليوم وتاكدو انكم مصدر فخر لا مو بس انا فخر العالم فخر كل مواطن الله يقويكم يارب احسن فريق تعملت معه

كلهم صفقو

واخذو المصابين كان عددهم ثلاثه

خلصت اجرات القضيه وتقفلت

الساعه 3 الفجر

تعبانين كلهم

تركي ابتسم : رائد عند وعدك

رائد ابتسم بغموض : يمكن

ماجد : ليه مو صار الى تبيه

رائد : احس مااكتمل

تركي : ارجع ارجع لبيتكم الله يصلحك بس

ماجد : انا برجع بعد تعبان حيل

تركي : اجل يالله مشينا

طلعو من الفله تبعهم

رائد ضل شوي يراجع بالوراق

سند راسه على الكرسي على ورا وغمض عيونه

بيرجع لشغله وادرة اعماله

نام بدون مايحس

رغد طلعت من المستشفى

وضلت عند روز وشجون والبنات يجون يزورونها

رغد عرفت ان المهمه تمت وتحس انه مالها اهميه الحين

رائد تعرف على عبد الله زياده وصار قريب منه مره وعينه مساعد المدير بشركته

وترك شغله القديم

لانه كان مخطط يمسك صقر

وليش يبي يمسك صقر

ابو رائد قبل يموت قال لرائد يقبض على صقر

الصدمه الاكبر ان صقر يكون اخو رائد

ورائد ماعرف الا يوم جلس معه بالتحقيق

رائد احتار باابوه حس انه مايعرفه

ليش ابوه حذف ولده مثل هالحذفه ؟

صقر دخل بشغل المخدرات بسبب جارهم بس تطور وصار احسن منه بالشغل القذر

صقر مل من حياته فتره

وحب وحده وتزوجها وكان بيترك شغله الوصخ
وكل شي

زوجته حملت وكانت مره مبسوطه وهو معها وخطط يترك شغله عشان زوجته

بس الى خرب كل خططه هو موت زوجته

زوجته ماتت وهي تولد بنتها

صقر يحب بنته حب غريب مايبي يشوفها ابد ولا يبي يجلس معها كثير بس يبي يعرف انها بخير

لانه تذكره بموت زوجته وزوجته تشبها حيل

وصار مريض نفسي كان يبيع المخدرات بس

/^  صار يتعطى   /^

رائد كان يبي يشوف رغد بس يطلع له شغل ويسافر لانه اكتشف خيانات وغلطات بشركة ابوه

وصار يزور الفروع ويشيك عليها

ماكان عنده وقت

رزان وامه راحو لندن

لمدة 3 اشهر عشان عملية خالة رزان وصديقة ام رائد ورزان حبت تكون مع امها

مر  شهر كامل  ولا شافو بعض

ورغد مشتاقه لرائد
ورائد نفس الحاله

لبست صندل احمر عالي واكسسوار ابيض وشعرها رفعت اطرافة من قدام وخلت الباقي نازل مثل الحرير تحت خصرها مع طوق ابيض وحطت قلوس وردي و ماسكارا سوداء جالسه على الكنبه تقرا كتاب تحبه مع قهوه السودا المتوسطه

روز : دخلت على رغد حصلتها تقرا
سلام عليكم
رغد رفعة راسها : وعليكم السلام وناظرت رغد من فوق لتحت وتاشر بيدها عليها : وين على الله طالعه !؟
روز : ابد بروح سوبر ماركة ويمكن امر المركز
رغد : اها انتبهي على حالك حبيبتي فمان الله
روز ترسل بوسه بالهوا : فمان الكريم

طلعت من البيت تدن دن اغنيتها

ركبت مع السواق

كريم : وين مدام
روز : روح سوبر ماركة
روز جالسه على الجوال وفاكه الشباك
وقف كريم عند الاشاره
وكان جنبهم سياره التيما 2017 لونها ابيض ومغيمه
انفتح الشباك وطلع واحد منه

: ياحلو انا الى يكلم بجواله
روز لفت وناظرتهم بقرف وكملت على الجوال تسولف بالقروب
الولد ابتسم : مكمل ولا يعطينا وجه الزين
روز خلاااص ارتفع ضغطها
لفت عليه وصورته
روز : اذا مانشرت صورتك يازباله ياحقير ياواطي ياحثاله بسبب اشكالك البنات مايقدرون يطلعون من بيوتهم مدري متى تنقرض هالنوعيه الحقيره تف عليك بس

الولد مصدوم ومفهي

روز معصبه : اقطع الاشاره كريم
كريم بلع ريقه وحرك
وصلت السوبر ماركت تشتري
عند قسم الايسكريمات عشق البنات
وقعد تطلع عليهم وتاخذ

بعيد عن روز شوي

ماجد يكلم : اي حبيبي وش تبي ايسكريم

معاذ يتدلع : مجودي ابغاء توفي وكراميلا
وفجاه تجي صرخه بااذن ماجد سعود يتهاوش مع معاذ يبي الجوال
اخذ سعود الجوال ويسوي صوت بنت : مجودي جيب فانيلا وفراوله

ماجد بقرف : وععع شينتو اسمي وبعدين تعال انت وياه مسوين تغروني يعني انتم واصواتكم تقل بويات

سعود يضحك : ههههههههقهقهههه
ماجد يضحك على ضحكت سعود : تقل حمار ينهق بذني وخر ياثور بجيب تشكيله والى تبون خوذوه

(***)

روز وهي تختار وتاخذ حست بااحد مسك يدها بقوه حست يدها بتنكسر

واقف قدامها وعيونه تتطاير ناار وشرار وبغضب : هاتي التلفون بسرعه

روز بلعة ريقها خافت منه وتتصنع القوه : وخر عني لا افضحك هنا بعد
الولد شد على يد روز اكثر : هاتي لااذبحك الحين

روز تتالم خلااص حست يدها انكسرت

والموقف هذا مر تحت عين ماجد

مشى ماجد عند روز وفلت يد الولد

ماجد يناظره من فوق لتحت : خير وش تبي

الولد : ومن انت ان شاء الله
روز مصدومه وتناظر
ماجد بكذب متقن : زوجها وش تبي تبي موتك اليوم
الولد : اسال زوجتك وش مسويه واذا هي زوجتك تراها حبيبتي
روز شهقت بقوه : كذذذاب

ماجد سحب الولد من ياقته وحطه على باب الفريز وبنظرات تخوف وغامضه : وربي لااجيب يومك اذا مامشيت
الولد  يناظر روز : وربي مااخليك
وراح

روز اقشعر جسمها كله منه
ماجد : اختي وش اسمك
روز : مشكور على الى سويته استاذ ماجد
ماجد ناظر فيها : كيف عرفتي اسمي
روز ضحكت ضحكه تخقق : من صراخ الجوال حبيباتك تهاوشو عليك
ماجد خق على ضحكتها وتخيل ان جد سعود ومعاذ بنات وبسرعه قال : ييعععع لاااا ان شاء الله هذولا مو حبيباتي هذولا اخوياي
روز ضحكت اكثر ضحكه من قلب
ماجد ابتسم على ضحكتها
روز انتبهت على نفسها : اسفه اني ضحكت كذا المفروض اشكرك ضحكت عليك
ماجد ضحك : لا عادي
روز كانت بتمشي بس ماجد مسكها
روز رفعة حاجب : نعم استاذ ماجد
ماجد : انا بوصلك بيتك
روز بصدمه : نعم كيف
ماجد : شوفي وراك بس لا تطالعين بالتحديد
روز مستغربه كلامه وانصدمت حصلت الولد متخبي ومعاه مجموعة عيال واقفين ينتاظرون ماجد يروح لانهم عارفين ان ماجد مو زوج روز

روز بخوف : اوفف ياربي وش هالورطه
ماجد ابتسم : لاتخافين انا معك
روز ارتاحت لماجد مرره
وراحت معه ركبت سيارة ماجد ورا
وطلعت جوالها
اتصلت على كريم وقالت له يمشي ورجع البيت
ماجد : هو وش يبي منك
روز قالت له كل شي
ماجد : اها انتي عندك اخوان
روز بغصه : ماعندي اخوان
ماجد : طيب بلغي ابوك
روز : ماعندي ابو
ماجد : من لك اجل
روز : لي خواتي
ماجد سكت حس انه جرح روز

وصل بيت روز وحس انه مو غريب عليه

نزلت وشكرته وعطها ماجد رقمه اذا احتاجت شي

دخلت روز

وشجون ورغد حاضنينها
انصدمت روز منهم

روز : وشبكم
رغد بخوف : عبالي صار فيك شي يوم شفت كريم جاء لحاله
شجون : وانا بعد يادبه من اليوم رجلي على رجلك

النهايه