رواية رغد ورائد 💕 الفصل الثامن والعشرون 28 - بقلم ~

Part 28

انصدم ومسك راسه ويناظر في رغد
تجمد مكانه يبي يروح لها يقولها انا اخوك يارغد
انتي اختي يارغد بس رجوله خانته ولسانه خانه من قوة الصدمه ماكان متوقع تطلع له بهالسرعه هذي وهو الى كان مخطط يدور عنها كانت قريبه من عنده سحبو دمها وخلصت الاجرات
مشت بتعب الى عبد الله ومستغربه فيه كيف يطالعها خافت يكون صار شي لرائد او احد من اهله 

رغد : عبد الله وش فيه
عبد الله استيقظ من صدمته وحضنها بقوه وهو يبتسم ويشهق بفرحه
رغد مستغربه منه وخايفه منه
دفته : وش تسوي انت خير ان شاء الله
عبد الله ببتسامه اكبر : رغد انتي اختي انا اخوك رغد انتي رغد بنت محمد لقب عائلتك ال عبد الله
انتي اختي الى اختفت انتي هي
رغد انصدمت تصلبت مكانها كان شخص غريب وفجاه صار اخوها وهي كانت دايخه بسبب سحب الدم وماكانت ماكله شي وزادت دوختها من هول هالصدمه الكبيره

داخت وسندها

وجلسها وجاب لها عصير وماء تشربه

رغد صحت من الصدمه تذكرت معنتها لحالها بدون اهل بدون احد بدون عزوه لها وحيده ربتها جدران الدار وتتذكر تعذيبهم لها بكت وهي نفسها تشوف اهلها وتسالهم سوال الى ببالها وش سويت عشان تتخلون عني ؟
كان عبد الله يبي يسندها دفت يده

رغد بخنقه: لوسمحت رجعني البيت
عبد الله تفهم موقفها : اوكي مشينا

************
عند شجون 

تتمشى بالسوبر ماركت وتاخذ غراض
شجون : استغفر الله بس وش بكنج بودر وين احصله هذا
وتتمشى وتفحط بالعربيه وصدمت بنت دبه دبه حيييل
لفت عليها متلثمه ومعصبه ومركبه رموش وشكلها يضحك
شجون ماتت ضحك والناس تطالعها بستغراب
وهي تضحك على لاشي
البنت عصبت زياده : قلة ادب وعباطه
شجون سمعت صوتها زادت ضحك :  صوتها صغيير مره عكس حجمها

البنت عصبت بزياده : انتي هيه

شجون دمعت من الضحك : ارحميني تكفين واسكتي

البنت بصوت عالي ومعصبه : نعم وش تقولين 

شجون ماتت ضحك زياده صوتها يضحكها

البنت عصبت وضربت شجون مع كتفها وراحت 
شجون وهي تضحك : اووه ياربي وش هالصوت عكس الحجم وكلمت تتمشى بالعربيه وتصدم خلق الله وتلعب وفلتها تاخذ ايسكريمات ونست اغراض روز

***************
نتركها تتمشى شوجي على رحتها ماعندها سالفه😂
*****************************
عند روز
*********

روز برجفه وهو حاط السكين على رقبتها : اتركني ياحقير

ابتسم اكثر بشيطانيه مخيفه : ابي اثبت لك كلامك وبصير حقير وهو يناظرها من فوق لتحت مسحها مسح بنظراته

فجاه صوت بكى اطفال

روز بلعة ريقها وغمضت بقوه وهي تتذكر كلام رغد لها 

ميل راسه وهو يناظر فيهم ويصفر : واو طلع عندك اطفال وابتسم امشي نشوف البيبي حرام وقفت قدام الباب

روز بتحدي وبالمعه شجاعه بعيونها : تخسي تلمس شعره منهم دام راسي يشم الهوا ياحقير

ابتسم بسخريه : انا نواف توقف قدام طريقي جاريه مثلك ومسويه دور الشجاعه و الام الصالحه هههههههههه  وتغيرت نظراته الى نظرات تحدي
ومشى لعندها
وسحبها بقوه مع شعرها وهمس بذنها : انتي لعبتي مع الشخص الغلط ياكلبتي
روز غمضت عيونها بالم 
سحبها للغرفه وهو ينزل ملابسه وروز تبكي وتصارخ وتترجه يبعد عنها

******************
وصل ماجد بيت روز وشاف الباب مفتوح

وهو يدخل سمع صوت صراخها دخل بسرعه
وهو يصعد الدرج الدرجه ثنين

فتح الباب

شافه واقف وهي متكوره على نفسها بطريقه تقطع القلب وتبكي وتترجه يتركها

هنا ركبت ماجد جنون الارض والشياطين كلها راح الى نواف بسرعه

نواف بسخريه : جاء الفارس الابيض

وتجيه لكمه قويه على خده

وصار ماجد يضرب فيه ودمه كله على ماجد وروز من المنظر المخيف اغمى عليها وهي تبكي
ماجد نواف ماقدر يقاوم اكثر الالم ودف ماجد بعد ماشاف ماجد يناظر فيها طلع بسرعه وانحاش

ماجد ركض عندها وضمها وهو يصحيها : روز روز قومي روز

روز قامت وبكت بكاء يقطع القلب وهي تشد ماجد لصدرها بقوه وتبكي حيل ماقدر ماجد يبعد عنها كسرت خاطره وضمها لحضنه وضلت تبكي وتتكلم : وش هالحياه اه قلبي يعورني اه ابي رغد ابي رغد وين رغد جيبو لي رغد وتبكي حيل بطريقه هستيرياه وتشهق 
ماجد قلبه انعصر بقوه عليها : حبيبتي روز اهدي اهدي
روز تبكي وتدفه وتضرب نفسها وتشهق : يارب اموت يارب خذني اه قلبي اه قلبي

ماحست الا بكف قوي على وجهها خلها تصحي من نوبتها

مسكت مكان الضربه وعيونها ملاينه دموع

ماجد ندم انه ضربها وضمها : اسف ماكان قصدي بس كنت مجبور

روز : لا عادي وفجاه فزت من مكانها وراحت لعزوز ووليد شافتهم نايمين تنهدت نست انها تاركه ماجد لحاله
اطلعت له بسرعه : شكرا ماجد على الى سويته

ماجد ابتسم: مافيه داعي بكره بيجون ثنين يحرسونك واحد يضل بالبيت والثاني يروح معك كل مكان تروحينه
روز شكرا
وانتبه ماجد على حاله وطلع برا البيت
و روز  ضربت جبهتها وهي تشوف شكلها وش لابسه راحت للحمام وجلست بالبانيو وشغلت على نفسها الماء البارد يطفي النار الى بداخلها 

************
وصلت رغد البيت راحت غرفة بدلت وشافت عيالها وتدور روز راحت غرفتها لقتها متغطيه وتشاهق واضح تحاول تخفي شهقاتها ركضت لها رغد وضمتها على طول بدون ماتسالها تبي تريحها وبكت روز بحضنها وهي تمسح على ظهرها وروز بضحنها وتبكي زياده وتضم رغد ورغد ماسكه دمعتها بالغصب وتسمح على روز مثل ام تطفي جرح بنتها روز : كنت راح افقد اعز شي لي يارغد اه يارغد اه قلبي يعورني ليش مكتوب علينا الشقاء ليش ليش يارغد
دخلت عليهم شجون كانت تو جايه من السوق وركضت لهم : وش فيه
محد رد عليها
بكت على بكاء روز وجت بحضن رغد ونامو مع بعض بدون مايحسون

الصباح
4:29 فجر

‏تَدْعِي اُلْقُلوبُ بِمَا تَشْتَهي 
فَيُجِيبُ الله بِمَا هُوَ خَيْرٌ لهَا 
❤

صحت رغد وهي تشوف شجون و روز بحضنها ابتسمت بحب لهم وتدعي الله يحفظهم

راحت تشوف عيالها حصلتهم نايمين

راحت تتوضى للصلاه الفجر

وصحت روز تصلي وشجون وراحت تصلي
وتدعي رب الكون لحبيب قلبها وخواتها وقطعت قلبها ومستقبلها وايامها الجايه

جلست ترتل بصوتها النقي المريح الايات

وقرت اذاكرها

ورتبت غرفتها
ولبسة لبسها جامبسوت برقبه مرتفعه وفتحة صدر كبيره شوي لونه رمادي ولبست صندل جميل بسيط رمادي بعد ولبست ساعه واسواره بسيطه ودبله حقتها  وسوت شعرها خصلات كيرلي وحطت مكيب خفيف مبين ملامح وجها حيل 
وطلع شكلها حيل انثوي وجميل مره

نزلت وخلت الخدامه تحط الفطور بالحديقه اخذت عيالها وهي تناظر فيهم :حبياب ماما انتم صباح الخير ياعيوني ونبضي
شجون تناظر فيهم : وحنا لنا الله 
رغد ضحكت : خالتهم وتاج راسهم
شجون ابتسمت : احم احم سمعت يابزر انت وياه
دخلت روز : صباح الخير
ثنينهم : صباح النور
رغد بحنان : حبيبي انتي روزي وش صار معك امس ؟
روز كانت راح تبكي مسكت نفسها وبصوت مبحوح وواضح الالم فيه : ماصار شي
رغد مسكت يدها وتطالع بعيون روز نقطة ضعف روز عيون رغد وهي تتكلم معها ماتقدر تخبي عنها شي وقالت كل شي
حزة بخاطر رغد على الى صار بختها
ولطفة الجو كالعاده
شجون ضربت جبهتها : نسيت بكنج بودرر
مدري بدورم
رغد : بكنج بودر تقصدين
شجون : اييي هذا هو
روز تكشر : لعنك الله ارسلتك امس للهياته انا ؟
شجون تلعب بشعرها : نسيت بعد الواحد ماينسى
روز تقلدها : نسيت بعد الواحد ماينسى وجع يوجع هالحلق
رغد : بس انتي وهي جهزت كل شي اصلن

روز وشجون : متى ؟

رغد : كلمت جراح وماقصر سوا كل شي

شجون : اها

**********************
ماجد جالس يفكر فيها وكيف ضمته وقلبه يعوره عليها حييل

سعود : هييييه خييييو
معاذ : هاه ياكلب
سعود ضربه باعلبة الببسي : مافي احترام الى اخوك الكبير
معاذ مفهي ويلعب : على تراب بس
تركي : اص خل نتفرج على الفيلم بس وجع اسكتو
بدر : منجد سدو حلوقكم
سعود : يخرب بيت الطفش
معاذ ترك الجوال : ترا فيه حفله اليوم
سعود ضرب معاذ بيده : توك تتكلم ياحمار
معاذ يمسك راسه : احح وجع يوجعك ياكلب يازبال ياحيوان
تركي بملل : اخلص ليش الحفله
معاذ : مدري جراح اتصل وعزمنا ا
بدر بغباء : اي صح مرسل لنا راسايل ترا تو اتذكر
تركي : وين طيب ؟
بدر : باستراحه

وصل الخبر للجميع عن الحفله 

وتجهزو مع بعض وخلصو مع بعض عند البنات

البس :

رغد  فستان احمر فكت شعرها الطويل عليه وغطى ظهرها ولبسة قعد فضي على شكل نبضات قلب طلع حيل يجنن عليها وعلى بشرتها ولبسة ساعه فضيه جمييله وحطت ميكب سموكي احمر جميل كانت حييل جميله

روز لبسة فستان اسود مع البندري وشجون تركت شعرها ناعم بدون اضافات ومكياج غامق جمييل بالون العنابي

شجون نفس روز تقريبا بس الون كان مختلف لحمي ولبسة اكسسورات بسيطه اعطتها لوك كثيير حلو

البندري غيرت المودل وخلته استايل نساء انجلترا زمان وسوت شعرها خصلات كريلي ورفعته ذيل حصان وحطت مكيب لحمي مدموج بالوردي وكانت حلوه مره

خلود ثبتت شعرها على ورا وحطت مكيب عنابي خفيف ورايق وكانت مركزه على الاكسسورات زينة فستانها ببروش شانيل ذهبي ولبسة ساعه ذهبيه من شانيل واكسسوار وخاتم ومالبسة عقد لان البروش كان معطي منظر جميل لو حطت عقد كان خربت الستايل كان حيل هادي وناعم وحلو

انفال سوت شعرها كيرلي وحطت مكيب احمر ناعم وانيق حيل ولبسة ساعه واسواره وخاتم ولبسة فضي خلاخل على شكل قلب مقفل وجميل بالون الفضي

رزان سوت شعرها تسريحه بسيطه وحطت مكياج عادي وهادي مبرز ملامحها حييل موكثير يعني لانها كانت تعبانه وسوت كل شي بسرعه

رغد اتصل جوالها طلعت برا عن ازعاج الاغاني ردت

الو

: امشي خطوتين قدام

رغد: مين معي

؛ اسمعي كلامي بسرعه فيه لك مفاجاه روحي للفيله الى بالاستراحه خلف الفيله حديقه

راحت رغد وهي تمشي تشوف الورد وتتبعه

: فيه غرفه خشبيه روحي لها

رغد : طيب اسمع

قفل

مشت رغد ووصلت للمكان

حطت يدها على فمها

شافته واقف برزته وهيبته المعتاده وشموخه وابتسم ابتسامت شوق وحب وفتح يدينه على طول طارت يمه وضمته بقوه كانها تقول بدخلك داخل ضلوعي واخبيك واحميك مسكها بحنان مثل الطفله ويمسح عليها ويضمها وقرب لذنها وهمس فيها هالكلمه : أحبك اشتقت لك

رغد بحب كببير وشوق : وانا اعشقك ومشتاقه لك كثير يالكذاب
رائد ابتسم
رغد تطالع بعيونه : ليش كذبت علي وقلت
ماامدها تكمل كلامها الا هو ضم شفتها
وخر عنها : اسف ماقدرت اقاوم نظرات عيونك وشكل شفايفك جذبني
رغد تطالع فيه وتضمه حييل  مشتاقه له كثييير ماتعرف كيف تعبر عن هالشعور شخص تحبه ويغيب ويرجع وتشوفه قدامك وتضمه شعوور ماينوصف ابد  الا اذا جربته بتحس فيه تحس بلذته تكون وقتها اسعد شخص بالدنيا ولاشي يساوم مع هالشعور الغالي والجميل

النهايه 
اتمنى نال على اعجابكم هالبارت وقولو لي اذا اعبجكم او لا وش عشان احسن من نفسي