رواية رغد ورائد 💕 الفصل الثالث والثلاثون بقلم ~

اعتذر عن القطعه ياناس سامحوني 😅
بس لي رجوع قوي بروايه جديده
بااذن الله 👍🏻
ونبدا البارات

الانستقرام حقي : Albndray1

العم : ماعليك زود والنعم فيك ياابو عبد العزيز لاخلا ولا عدم والزواج قسمه ونصيب والله يكتب لهم الى فيه الخير

رائد : امين يارب
العم : وانت تعرف معاذ وسعود زين عشره مع بعض
رائد ابتسم وناظر فيهم على اشكالهم الى مسوين رسميه الى مو راكبه على شخصياتهم : كيف مااعرفهم
ابوسعود : عيالنا يبون يشوفون البنات اذا ماعليك امر نستعجل الوقت
رائد : ابشر ياعمي من حقهم تفضلو معي ياسعود ويامعاذ استاذنك ياابو سعود
ابو سعود : اذنك معك
دخلو داخل بالممر وسعود ومعاذ يمشون ورا رائد وهو يوثقهم بالسناب ويضحك على اشكالهم خايفين
ومعاذ كل شوي يعدل غترته وسعود يلعب بالخاتم مسوي مشغول
ورائد قالبها طقطقه عليهم
وصلو غرف اثنين متقابله
رائد ناظر فيهم : معاذ يسار وسعود يمين
معاذ يقراء المعوذات
رائد يناظر فيه بنص عين : سلامات داخل على جن
معاذ يناظر فيه : يمكن ياحبيبي هنا بشوف حظي وش جايب لي
رائد يناظر سعود وانت مو ناوي تدخل ؟
سعود متوتر : والله خايف اجيب العيد
رائد عطاهم النظره الحاده : من 1 الى 3 اشوفكم قدامي اروح لعمي واقوله انكم ماتبون تتزوجون ومسوين السالفه مقلب
ماامدها يقول 1 الا كل واحد دخل وقفل الباب ورائد ميت ضحك
"""""""""""""""""""""""""""
دخل وهو يناظر لها جالسه بكل خجل ومنزله راسها هيئتها داله على ذوقها المميز وريحة العطر حقها الى تدوخ موزعه بكل مكان طلع
معاذ بخشونه : السلام عليكم
شجون بصوت يالله ينسمع : وعليكم السلام
معاذ بخباثه : ايش ؟ قلتي شي ؟ ماسمعت علي صوتك
شجون استحت زياده : قلت وعليكم السلام
معاذ مبتسم وهو يناظر فيها يبي يشوف وجها : طيب الواحد وهو يرد السلام. يناظر ولا
شجون مستحيه وساكته ~
معاذ نط جمبها وهي خايفه ومستحيه حيل مسك وجها ولفه عليه وقاعد يناظر فيها مصدوم
وهي مستحيه وحاولت تتحاشى النظر له بس ماقدرت لانه ماسك وجها وناظرت فيه وهي خاقه عليه وتتامل فيه بدون ماتحس بنفسها وهو نفس الشي
معاذ بنفسه "الحمد الله ياربي وش هالحظ البطل ياناس ماشاء الله صاروخ جوي ارضي وت از ذس برو ماشاء الله تبارك الله "
شجون"ياربي وش هالعيون تجنن والنظرات هذا بيكون زوجك ياشجون ياربي عليه ياخذ العقل توقعته شيفه من اسمه بس عكس "
معاذ وهو يطالع عيونها : تدرين انك تجننين
شجون بخجل : ها
معاذ ابتسم ووخر عنها وحط رجل على رجل حس انه كسر حاجز الخجل : شوفي ياحبيبتي انا معاذ عندي توام ثاني سعود راح نسكن مع اهلي لان اشوف ماله داعي نسكن لحالنا هو راح يكون لك جناح ملكي خاص فيك بس بتكونين مع اهلي ومع امي حياتك مارح تتغير كثير الا اذا ماعجبتني
شجون رفعت حواجبها : كيف ؟
معاذ ابتسم : الى سمعتيه زياده على كذا بتقولين لي كل شي عنك انا كان عندي خرابيط بالماضي كان عندي حساب بالتويتر وكنت متفاعل فيه فااكيد كنت اكلم بنات فاانا بكون واضح معك وانتي نفس الشي اوكي ياحلوه
شجون ببتسامه من قهر: وانت مين مفكر نفسك تتكلم بتعالي كذا ؟
معاذ ابتسم بغرور : انا معاذ ال****
شجون ناظرت فيه بقهر على غروره وقامت بتطلع وناظرت فيه وقالت : ماني موافقه دور غيري
معاذ نط عندها ومسك يدها وهو بداخله والله امزح يالصاروخ لاتزعل كنت ابي اقلد المسلسلات : لاحبيبتي بتوافقين
شجون مستغربه تناظر فيه : ليه بوافق
معاذ باسها مع رقبتها وخذها وهمس بااذنها : لاني حبيتك
وشجون صارت اشارة مرور من الاحراج وناظرت فيه
وابتسم لها وطلع
"""""""""""""""""""""""""""
"نجي عند سعود "
دخل بثقه وثقل : السلام عليكم
البندري بااحراج : وعليكم السلام
سعود مسوي يطلف الجو جاب العيد : اول مره اشوف احد يرد السلام مستحي
البندري انحرجت ولا قدرت تتكلم ابد وراسها بالارض مو قادره تناظر فيه
سعود اكلها بنظراته لها : ماوده الحلو يلف وجهه علي يوريني جماله ؟
البندري استحت وابتسمت التفتت عليه وهي تلعب بشعرها وتناظر بعيونه ومستحيه بس تحاول تبين انها جريئه
سعود يوم التفتت عليها ماقدر يوخر عينه لحظه خاق عليها وسرحانً بجمالها : ماودك نملك الحين
البندري ابتسمت بضحكه : يلا مشينا
سعود نط وهو يحط يده على راسه
البندري مصدومه خافت : شفيك ؟
سعود يناظر فيها : وش سويتي انتي ها
البندري بعدم فهم : وش وسويت ؟
سعود : يويلي يويلي قلبي قلبي يدق يدق اه على الضحكه الى قبل شوي تكفين تكفين اضحكي مره ثانيه
البندري ضحكت على شكله متحمس وماسك الشماغ بيده
سعود وهو يبتسم لضحكتها الى جابت راسه : اروح دعس ياشيخه على ذا الضحكه
البندري : بسم الله عليك تبي تتركني وانت تو مااحذتني
سعود ابتسم ومسك يدها ومشى
البندري تحاول تترك يده : وش تسوي يااهبل وين على خير فك يدي
سعود لف وناظر فيها : بروح املك عليك
البندري ضحكت وتركت يده وطلعته برا الغرفه غصب

طلعو بنفس الوقت معاذ وسعود
وجاهم رائد حذفو شماغهم فوق
سعود مستنانس ويحضن معاذ
معاذ يضحك لسعود : ها كيف ؟
سعود يضحك ومروق : عشره على عشره شرايك نملك الحين ؟
معاذ يبتسم بهيام : ياليت انا ميه من عشره
رائد يناظر فيهم ويخزهم : صدق ماتستحون قدامي بعد هالكلام
ناظرو فيه وجو عنده يبوسونه شوي الا يشيلونه
رائد تنزفز : ياورع انت وياه اذا مامشيتو قدامي هالحين وتركتوني ان الغي هالزواج
وصارخو مع بعض لا لا تكفى وسعود يعدل شماغ رائد ومعاذ حب راسه
رائد ابتسم بغرور : اي كذا خليكم مادبين عند عمكم رائد
معاذ وسعود يناظرون بعض : بس خل نملك وانت الشيخ حقنا
رائد قاعد يضحك : اي يصير خير يمكن البنات ماانعجبو فيكم
معاذ بغرور : الا خقو
سعود رافع حاجب : منهي عشان ترفضني والله اذبحها
رائد ناظر فيه بنص عين : ليه من انت يااستاذ سعود
سعود بغرور : انا سعود الى كل ام تتمناني لبنتها
رائد راح للزباله <تكرمون سوا حاله يرجع وبعدين ناظر لسعود وقال : يععععععععععع