تحميل رواية رحيل الزين بقلم جيجي pdf

بدون لينكات.. غلطت معاه يا رحيل.... هو وعدني ...قالى انه هيتجوزني وشكلو خلع الواطي ....

دى سلوى بنت فى ال١٨ .... كانت بتبكى وبتقول كده لبنت عمتها رحيل....... اللى عندها ٢٥ سنه..... رحيل كانت بتسمعها بذهول وقالت........

... كيف تعملي كده انتى اتجنيتى...... انتى سامعه روحك يا بت

سلوى... ضعفت يا رحيل ضعفت ..... قالى انو بيحبني هياخدني على بيته ونعيش سوا .... بنالى قصور فى خيالى وخلانى ملكه فيهم.

رحيل ... ولما هو قالك..... انه هيتجوزك وهياخدك على قصور خيالك...... لازمته ايه الاستعجال.... ده عاجبك حالك دلوك يا غبيه.

سلوى بخوف........ مش دى المشكله يا رحيل.

رحيل بتوتر........ هو في مشكله اكبر من دي.

سلوى.... اه المشكله ان انا حبله...... وابوى لو عرف هيموتى.

رحيل بقت تلطم وتقول.....

يامرى.. يا مري... اتفضحنا خلاص

سولى ببكى... اش وطى صوتك..... لجل خاطر النبي..... انى بقولك عشان تساعديني.

رحيل... انا اساعدك كيف بس واعمل ايه.... اه انا هخليه ياجي يتجوزك.... انتى ما قلتلهوش يعني انك حبله.

سلوى... قلتلو يا رحيل.

رحيل... وقالك ايه.

سلوى بحرج..... قالي ايش ضمني انو ولدى انى.

رحيل باندفاع ..... ما لازم يقول كده حقه.... ما هى اللى تسلم نفسها لواحد، تسلم نفسها ل 10.

سلوى بندم.... انا مش كده يا رحيل.، انى حبيته، حبيتو لدرجه ، اني كان نفسي اديله كل حاجه ب املكها

رحيل... يا خايبه مش حاجه تملكيها بالمعنى الحرفي، يعني مش كل حاجه يعنى كل حاجه..، في حاجات ما ينفعش تتقدم...... خلاص انا هروحلو واشوف اعمل ايه

سلوى بخوف.... لاه طبعا ، انتى ما تروحيش عندو ده ولد عزيز الضبع.

رحيل... ما لكيش صالح بيا انى هشوف كيف يلعب ب بنات الناس كده.

واخدت الطرحه بتاعتها ونزلت وراحت على سرايا كبيره فى الصعيد ،، وكان فيه فى جنينه السرايا ، مجلس وكانوا الرجاله كلهم مجتمعين فيه ، وفى شاب فى ال ٣٠ بطله قويه جدا وعيون حاده ده زين عمدتهم ، كان قاعد على الكرسى ، وفى راجلين فى الخمسين بيتخانقو ، زين قال.

طب يا جماعه استهدوا بالله .

الرجاله.. لا اله الا الله

زين.... انت يا عم محمود مأجرلو البيت ايجار قديم تمام والعقد مفتوح لانه الايجار قديم صوح ، ليه عايز تاخد منه البيت دلوك .

محمود.... عشان الايجار اللي كان بيدفعوا ايامها ما بقاش يجيب حاجه دلوك.

عم حسين..... ما ليش دعوه انا كنت قاطعها من عيالي وبدفعلو الايجار القديم ، ايام ما كنت ادفع زمان كان اغلى من الناس التانيه مرتين ، لاكن كنت بقول معلش اهو هيبقى ايجار مفتوح ، ما هديهوش البيت والا عاد هروح اوديله الفلوس في المحكمه وشحططو وراها .

زين... بس انتوا هتتعاركوا وانا قاعد ولا ايه ، انت تمن الشقه يا عم محمود بيع وشرا ... وحقها انا هدفع نصه وعم حسين هيدفع نصو

حسين.... ما يصحش يا عمده.

زين... لاه يصح يا جماعه احنا ناس بلد واحده ما ينفعش ، اللى بتعملوه ده .

بس شاف رحيل واقفه وسط الرجاله زين بصلها وقال.

ازاي تدخلوا حريم في المجلس مش ده للرجاله ولا ايه؟

رحيل... لقينا الرجاله زي قلتها ... جبنا الحريم تحلها

زين بضيق... انتى مين يا بت انتى ؟

رحيل.... رحيل يا سين الهواري.

زين... اه انتى بت اخت الشيخ سالم نسامحوكى عشان خالك.

رحيل.... عايزه اتكلم وياك.

زين... تمام يا رجاله المجلس خلص .

وبص لرحيل وقال.

اتفضلي على السرايا ، مع ان كان ممكن تتكلمي باسلوب احسن من كده شويه راعى طولك حتى.

رحيل بصتلو ومردتش لانها قصيره شويه ودخلت معاه جوه وقالت بغضب.

.. هتتجوزها ورجلك فوق رقبتك

زين.... مين دي اللي هتجوزها معلش

رحيل... سلوى بت خالي سليم ، انت غلطت معاها وهي دلوك حبله ، تقدر تقولي بتوعظ ليه ، وانت واخد بنات الناس لعبه ، لما انت مش في نيتك جواز ، بتقعد معاها ليه ؟

زين بعدم فهم... انتى مش عارفه نفسك بتتكلمي مع مين ، انتى جيتى عنوان غلط يا شاطره .،. روحي شوفي بتدوري على مين.

رحيل.... تصدق انك اوسخ حد قابلتو..

زين بضيق... بقولك ايه يا حرمه انتى ، انا ساكتلك عشان انتى حرمه .

رحيل... لا و انت عارفه الحرمه قوي يا واد ، امال بتلعبوا ب بنات الناس ليه

زين.... بنات الناس ما بتديش نفسها لواحد من غير جواز ماشي ، خلي بالك وانتى بتكلمينى ، شوفي بتدوري على مين وروحيلو ، بلاش تلقيح جتت .

رحيل.... بدور عليك ، يمين بالله واللي خلق الخلق ان ما مشيت معايا دلوك ،، وجيت تخطبها من خالى ، لارقع بالصوت في نص الشارع واخلى اللى ما يشرى يتفرج عليك.

زين.... يا بنت الناس بلاش فضايح ،، اخطب مين ،، انتى بتتكلمي على مين اصلا ،، مش انى انتى غلطانه

رحيل.... مش انت ولد عزيز الضبع؟

زين.... ان تمام تمام ،، تعالي وريني فين اللي انتى عايزاني اتجوزها دي ،، وانا هحل معاها الموضوع ،، اصلا انتى شكلك عيله ومش عارفه نفسك بتتكلم على ايه اصلا ،، بس انى ما ينفعش اروحلها .

رحيل.... انى هجيبها هي هنه تواجهك.

زين... ماشي هاتيها بس بسرعه عشان ورايا دايره رايحها.

رحيل... يا برودك والله عندك برود اعصاب تتحسد عليه تلاجه ماشيه على الارض.

زين نفخ بغيظ وما ردش عليها....... ورحيل طلعت الفون واتصلت على سلوى وقالت..

الو تعالي هو عايز يواجهك دلوك.... ايوه طبعا هيتجوزك ورجله فوق رقبته ،، هو فاكر نفسه ايه ،، لو عمده فاحنا اللي انتخبناه ،، ولو نايب فاحنا اللي صوتنالو يعني احنا اللي عملناه ،، يعني كيف ما علمناه نقدر نخسف بيه الارض ،، يلا تعالي مستنياكى .

زين... والله انا نفسي اعرف انتى جايبه الثقه دي كلها من فين ،، بس عجبتنى ،، تشربي ايه.

رحيل...... ما عايزاش اشرب حاجه الجو ساقع اصلا. ،، كفايه عليه برودك .

زين.. ،، يا مصبر ايوب.

بس شاف سلوى داخله عليهم بصلها شويه وقال.

هي دي

سلوى بصتله بخوف وقالت بهمس لرحيل.

يخرب بيتك انتى بتعملي ايه ؟

رحيل بثقه..... انتى ما تخافيش بيتهزء عادى.

سلوى.. معلش يا حضرت ،، حقك علينا والله.

رحيل.... انتى خايفه منه ليه ،، ما تخافيش انا معاكي.

زين.. انتى فاهمه الموضوع غلط ،، ما فيش حاجه من اللى انت بتقوليه ده اصلا اهو هى بتقول مش انا ،، وانا بقول مش انا.

رحيل.... انت اللى غلطت معاها.

سلوى... مش ده يا بقره .

رحيل... مش انتى قولتى ولد عزيز الضبع .

سلوى.... ايوه ولد عزيز الطبع ،، بس مش ده.

رحيل بحرج...... يخرب بيتك ركزي تاني يمكن يكون هو ،،

ده انى بقالي ساعه نحلت وبر اللي جابوه.

الفصل الثاني من هنا

٢....رحيل بحرج...... يخرب بيتك ركزي تاني يمكن يكون هو ،،

ده انى بقالي ساعه نحلت وبر اللي جابوه.

سلوى.... ما انا عارفاكى عشان كده قلتلك ما تروحيش يا بت ،، مين ده .

رحيل.... طب ركزي شويه يمكن يكون هو ،، وانتى ما خدتيش بالك

سلوى... يعني لما اقعد ابص فيه هيتغير ،، مش هو يا رحيل.

رحيل... شوف حصل سوء تفاهم

بس زين قال بمقاطعه.... مش هقبل اقل من اعتذار على المرمطه دى من ساعه ما جيتى ،، والاهانه الا هنتيهالى في مجلسى ،، ويا قبلتها يا لا .

رحيل...... ان شاء الله عنك ما قبلت ،، لو انت ما غلطتش ده معناه في واحد تاني غلط ،، راجل يعنى من صنفكم.

زين... انتى هتلومينى على اي حاجه هيعملها راجل ،، ما تروحي تحاسبي دى اولى ،، هو قعد معاها مغتصبهاش يعني كان برضاها ،، ربى عيالك قبل ما تربي عيال الناس.

رحيل بذهول .... عيالى ،، هو الدحش اعمى دى بنت خالى انا على فكره 25 سنه بس ،، قال على رأى المثل

حلوه وصبيه...... ويقولى كبيره ونكديه .

زين بضيق.... من أى عربيت رش جايبه مثلك ده

رحيل لسه هتتكلم ،، بس دخل شاب فى العشرين ده حسن اخو زين وقال بخوف....

زين زين الحقنى عملت حادثه وكسرت العربيه ،، وامك لما تشوفها هتولع فيا.

سلوى... هو ده يا رحيل.

رحيل مسكته من جلابيتو وقالت...

انت مين ياض ،، متأكده .. انتى انو هو.

سلوى... ايوه والله العظيم هو ده ،، ضحك عليا وقالي انه هيتجوزني ،، واما قولتلو انى حبله ،، ما رضاش يعبرني وعمل كانه ما شافنيش ،،

حسن بتوتر..... روحي من هنه ،، روحي ارمي بلاكى على حد تاني ،، انا ولد عزيز الضبع واقدر اخفس بيكى الارض.

زين بغضب. . انت مش عارف ان انا داخل على انتخابات دلوك ،، ومش حمل البهدله اللي انت بتعملها دي.

رحيل... هى المشكله بس ان حضرتك داخل على انتخابات يعني ،، والله العظيم لو ما تعدلتو لنفضحكم معانا.

زين.... قلبك جامد قوي يا بنت الهوارى ،، خلي لسانك جوه حنك لا اقصه .

وبص لاخوه وقال بغضب....

هتاجى معايا نتقدمولها

حسن... هتجوزني واحده كانت معايا ومع غيري كمان.

زين.... ولما انت عارف انها كانت مع غيرك ،، اتنيلت معاها ليه ،، هتتجوزها لحد ما يتولد الولد ،، ولما يتولد هنعملو التحليل ،، ولو طلع ولدك هتكتبه زي الجزمه ،، ولو مش ولدك براحتك .

حسن... انا هتجوز دي

رحيل.... مالها دي ،، مش دى اللى كنت هتموت عليها وقعدت معاها ،، يا بواقي الرجاله ،، يا حبه لمامه ،، يا صفيحة زباله يا..

بس زين قال بمقاطعه.....

روحو على بيتكم واحنا هناجي بالليل ،، عشان ابوها بس ،، اصل خلفه البنات ما بتجيبيش غير العار ،، كان رافع راسه في البلد ويقول الشيخ سالم ،، ومش ذمبو انك حطيتى راسه فى الوحل ،، كيف تعملي كده في ابوكى .

رحيل.... لو خالى حط راسو في الارض ،، انتوا كمان هتخطوا راسكم في الارض ،، ماشى خليك فاكر ده وعد من رحيل الهوارى .

وسابته ومشيت هى وسلوى.......

الفصل الثالث من هنا

٣....رحيل.... لو خالى حط راسو في الارض ،، انتوا كمان هتخطوا راسكم في الارض ،، ماشى خليك فاكر ده وعد من رحيل الهوارى .

وسابته ومشيت هى وسلوى....... وزين بص لاخوه وقال.....

انت بالليل هتاجى وياى نروحو نخطبو البت والا قسما برب الكعبه ،، كيف ما بجيب حق الناس من الغريب ،، هجيب حقهم من اخويا ،، تمام غور من وشى.

بالليل كانوا في بيت سالم ابو سلوى اللى كان بيرحب بيهم وبيقول..

والله ده شرف كبير قوي لينا ياعمده ما عارفش اقولك ايه والله

زين... عايزينك توافق على الجوازه بس يا عمى

سالم..... يا ولدي انا كان على عيني اجوزهالو ،، والله بس ،، رحيل بت اختى عايشه معايا من ساعت ما امها ماتت ،، وانا مخليها كيف سلوى بتى ،، وما اقدرش اجوز الكبيره قبل الصغيره ،، انت عارف انه دي عوايدنا هنه وانى ما عاوزهاش تاخد على خاطرها ،،

حسن بهمس ..... الحمد لله ابوها ما وافقش يلا بينا

زين برقلو بضيق وبص لسالم وقال....

طيب معلش اطلب منك يعني كمان ،، يد رحيل بت اختك او بتك الكبيره كيف ما بتسميها.

سالم.... هتاخدوا البتين ،، والله دى شرف كبير قوي لينا ،، احنا نطول نتشرف طبعا .

زين.. انت يا شيخ سالم على راسنا من فوق ،، انت صاحب المرحوم ابوي ،، والله كان بيعزك كيف معزه الاخ لأخوه ،، يلا احنا هنكتب الكتاب الخميس الجاى باذن الله انت طبعا مش محتاج تشاور حد ،،

سالم.... يا ولدي انا بناتي ما بيقولوليش لاه .

زين... تمام واحنا على تلفون بردك

ومشى مع اخوه ....... وسالم دخل عند البنات وقال....

افرحوا يا بنات جايبلكم احلى خبرين هتسمعوهم ،، حسن ولد الضبع طالب يدك يا سلوى ،، بس طبعا انتى الكبيره يا رحيل وهي ما ينفعش تتجوز قبليكى .

رحيل.... لا لا ،، اني اصلا ما ناوياش اتجوز الصراحه يا خال ،، انت عارف اني عندي عقده من الرجاله ،، وما بحبهمش.

سالم.... ده انا جايبلك عريس لقطه ،، زين الضبع طلب يدك وانى وافقت..

رحيل بذهول... من غير ما تسألنى.

سالم.... العمده زين ده شاب مفيش منه كده اموت وانا مرتاح .

رحيل بتوهان... طلب يدي اني ليه ،، ويد سلوى لأخوه وانت وافقت .

سالم... ايه يا بت احنا هنشاوره على العمده ولا ايه ،، ده ارجل واحد في الدنيا ،، الخميس الجاي كتب الكتاب والدخله يا بنات ،، والله لو بعرف ازغرت كنت زغردتلكم.

وسابهم ومشى

سلوى...... شفتى الفرحه اللي ابوي فيها ،، خايفه قوي لا يعرف يا رحيل والله يروح فيها،

رحيل... والله نفسى اقولك كنتى فكرتى فيه قبل ما تعملي عملتك ،، وازعقلك بس يلا اللى حصل ،، ما عوزاش ازيدها عليكى ،، بس يطلب يدى ليه ،، طب ويمين الله لأخرب بيته بس يصبر عليا.

تانى يوم الصبح زين كان واقف مع العمال فى الارض وبيقول..

.

الله يبارك فيكم ،، تمام كده عايزين نخلص الارض كلها قبل يوم الخميس ،، ها يا رجاله.

بس شاف رحيل وسط الرجاله اتنهد بضيق وقال.... استغفرك يا رب واتوب اليك ،،

وراح عندها وقال...

خير يا رحيل ،، انتى جايه الارض ليه ،، انتى مش عارفه ان هنه شغل رجاله.

رحيل... انت من اشباه الرجال ما فيكمش رجل واحد.

زين... يا امى قصى نص متر من لسانك ،، عشان طالع لبره وانا بتخنق.

رحيل... انت كيف تطلبني من خالى كيف تطلب يدي ها.

زين ... تعالى نقعد هناك على البحر عشان الناس وراحو قعدو وزين قال...

اعملك ايه الراجل قالي ما هجوزش الصغيره قبل الكبيره قال عاملك بتو ،، وطبعا ما ينفعش اقولو انت لازم تجوز الصغيره عشان الصغيره هتجيلك بفضيحه ،، قبل ما تكبر وتبان ،، يا ريت تقولى لاه ونخلص ،، واهدى كده قال يعنى انا ميت فيكى ده انتى الناس كلها بتقول عليكى بايره ،،

رحيل بغضب... انا بايره ... يا ابره مصديه ،، يا طوبه مرميه ،، يا عصاية غليه ،، انا 25 سنه بس لم لسانك.

زين... جد والله الغو الفرح وندفعلك اللى انتو عاوزينو.

رحيل قربت منو بغضب وبصت لعيونو وقالت بتحدى....

.... ابلع الكلمه دي دلوك

زين.... كلمه ايه اللى ابلعها

رحيل... الكلمه اللي قلتها دلوك دى اديكى فلوس دي ابلعها تاني يلاااا.

زين... بلعتها وطعمها عسل تمام.

رحيل.... انا عارفه على فكره انها غلطت ،، وغلط كبير قوي وانا قلتلها قبل ما اجيلك ،، بس غلطت هنموتوها خالي هيتفضح في البلد ،، وهيقولوا موت بته عشان خطيت ،، وليه الفضيحه دي وربنا ستار حليم ،، وبعدين اخوك كمان غلط ،، ربنا لما حرمو ، حرموا للاتنين ،، للولد والبت مش عشان هى بت نقتلوها وهو عشان ولد عادي.

زين..... انا ما قلتش ان اخويا ما غلطش انا عارف انه غلطان والا ما كنتش جيت عندكم امبارح ودبست روحى فى جوازه .

رحيل.. هو انت تطول...

زين.. هو من ناحيه الطول اطول ،، واطول اطول من كده بكتير ولا ايه .

رحيل ابتسمت وقالت....... مش قوي يعني

زين ... طب ما ضحكتك حلوه اهى امال ليه مكشره.

رحيل... احنا لحم غالى ومرغوب فينا وان ما صناش اللحم داد يابا...... تاكله الديابا ،، بعدين مراعاه لشعوركم بس ،، ضحكه مني ...كفيله بتيتكم تحت بيتى.

زين.... يا جامد طب . اشوفك بكره هنروح نجيب الدبل ،، المفروض ان المراسم تبقى طبيعيه ،، عشان ما حدش يشك اهو ، يوم نجيبو الدهب ويوم نكتب الكتاب ،، ويوم تجيبوا هدومكم حدانا كده يعني

رحيل... بكره نجيب الدهب وبعد بكره نجيب الهدوم عندكم ،، بس ما تفتحش دولابى لحد اما اجي عشان ما احبش حد يمسك هدومى .

زين.... لا لما توحشك هروح امسك الهدوم واشمها ،، اهو نشمو ريحتك يا غاليه.

رحيل... انت ما تعرفش تقول حاضر.

زين... تؤ

رحيل... نعلموهالك دى سهله يا عمده.

وسابته ومشيت..... زين بص لطيفها وقال.....

استغفر الله العظيم بلوه متنقله ماشيه على الارض

وتانى يوم كانو زين وحسن لابسين ورايحين للبنات

زين..... هنروح نجيب الدبل تقعد عاقل مش انت كنت بتحبها

حسن... صوح كنت بحبها ،، كنت فاكر انها غير بس طلعت زيها زي اي واحده ،، ما فيهاش حاجه مميزه يعني .

زين... مش لازم تبقى مميزه في شكلها ممكن تكون مميزه في روحها ،، حاول تكفر على البلاوي سودا اللي عملتها ،، انت هياجيلك عيل حاول تستحمل عشان الواد ،، والبت حبتك وامنتك على روحها ،، يعني هتبقى معفن وخاين كمان ،، عزبل من شيطانك وافرح ها يلا.

وبعد شويه كانو فى محل الصاغه والصايغ قال.......

ادي الخواتم يا عرسان.

رحيل... ايه ده سلكه عدايه يا عم انت ده عمده.

الراجل.... حاضر تحبي التصميم ايه بالظبط،

رحيل... اي حاجه تقيله كده ،، اللى ياجي منه احسن منه ،، تطلع من الجوازه بحاجه ،، بص الخواتم التقيله اللي هناك ديت ،، هاتهالي ولو في حاجه اتقل هاتها.

وبصت لزين وقالت.....

بقولك احنا هنجيبو قد ايه

زين.... جيبى اللي عايزاه

رحيل... لا مش ليا ده لسلوى حق ربنا ،، انا عارفه اننا متجوزين عشان خالى بس ،، ما هجيبش حاجه ليا.

زين.... هتوفريلي ،، لاه جيبى اللي عاوزاه انتى برضك هيبقى اسمك قدام الناس مرت العمده ،، عيشيلك يومين بالاسم .

رحيل.. هيئ قال راي المثل ،، حسدوني على بختي وقالوا يامه ،، وانا فى نص البحر وما عيش اجيب عوامه.

زين.... ارحمى امى من امثالك ،، اللي عماله تخبطينى بيها من ساعت ما شفتك.

رحيل... لايقه عليكم ،، انى مش واقفه اتحكى معاك من العجب اخوك راح يتكلم مع سلوى ،، بس قلت اركن شويه يمكن ربنا يهديه يقول كلمه زينه يصلح العك اللى عكو.

زين.... طب خدى الخاتم ،، وانا هخليهم يتكلملو طلعتى زوق كمان .

رحيل.. امال ايه لو ما كنتش زوق لسلوى ،، هكون زوق لمين ليك انت يا بواقى....... المجتمع الراقي.

زين...... استغفرك يا رب روحي يا رحيل ، خدى الخاتم الثقيل ده وخدي انتى واحد وروحى .

وادي للراجل الحساب وراحو على المطعم وقال.....

حسن انت اقعدعلى الترابيزه دى ،، وانا هقعد على ترابيزه تانيه مع رحيل عشان عاوزها في كلمتين.

رحيل.... ايوه صح انا عايزه العمده في كلمتين ،، هو دايما بيعوزنى كده في كلمتين.

زين شدها وقعد معاها على طاوله وقال.....

ايه نازله رغى رغى من ساعت ما دخلنا ،، بالعه راديو.

رحيل.... بنسلي الهم

زين.. وتسليه ليه ما تسيبي الهم ،، يمكن يزهق وياخد بعضو ويمشي منك وما يجيش تانى.

رحيل بحزن... لاه ما هيمشيش ده صاحبى ، كان نصيبي من زمان ، من وقت امي ما ماتت ،، واتتمرمطت مع مرت ابوي ،، كمان لما ابوي مات لقيت نفسي لحالي.

زين..... ابوكى عايش .

رحيل..... صوح بس بالنسبالي مات لا يسال عليا ولا يجيبلي اكل ولا يجيبلي حاجه ... بيجيب لاخواتي اللي من مرت ابوى ،، كنت اعمل حاجه في البيت مره خالي جي لقاني عماله انضف البيت وهم قاعدين على السفره بياكلو ،، قال عليا الطلاق ما اسيبهالك ما دام انت ما عايزهاش ،، ابوى سكت ومرت ابوى قالتلو خدها ،، ما عرفش بتكرهني ليه قلبها اسود.... من ساعت ما رميتلها بتها من فوق السلم كرهانى.

زين... وانتى رماتيلها بنتها من على السلم ليه ?

رحيل.... خنقتني بتقول قال ايه ، انا بغير منها ،، هيئ على راي المثل ،، قال خلصوا البنات ،، عشان اغير من صراصير البلاعات ،، وحدفتها من فوق هي قاعده شايله الموضوع في قلبها ،، وقالت انا غلطانه ،، حكم هى اما وقعت من على السلم راسها اتفتحت.

زين... لا حاجه بسيطه ما لهاش حق تزعل.

رحيل.. ايوه بس عايزه اسالك سؤال يا عمده ،، واحد زيك يعني في السن ده ما اتجوزتش ليه ؟

زين... والله انا كنت عايز اسالك السؤال ده ،، بس هجاوبك بصى ،، كل اللى هتقدملها هتوافق عشان انا العمده ،، اناعايز واحده ترضى ب زين .. شخصي انا ،، تحبنى.

رحيل..... صعبه ، انتوا الرجاله صعب حد يحبكم اصلا .

زين... ليه انتم الرجاله ،، وصنفكم على طول بتقوليها انا كمان هسالك ما اتجوزتيش ليه ؟

رحيل... انا كنت عاشقه واحد في زمناتي ،، شكيت فيه كلمت مروه ،، مروه دي كانت صاحبتى في المدرسه ،، بعتله من الاكونت بتاعها على الفيسبوك قولتلها تكتب ،، انها بتحبه وان هى عايزه ترتبط بيه ،، بس صادقت كام واحده كمان عشان ايه ما ياخدش باله ان الاكونت فاضى.

زين... امم

رحيل.... بعتتلو ان هي بتحبه ،، الواطى كتبلها انو بيحبها وانه عاشقها ،، وانه ما فيش واحده في حياته ،، وبعتلها صور وطلب منها تبعتله صور ،، خدت بقى الصور بتاعته وحطيتها في وشه ،، قولتلو لما انت ما فيش في قلبك حد بتقول بتحبني ليه ،، اعتزر وقال انا بحبك قمت شايله الحجر وفاتحه دماغه.

زين...... ليه ليه العنف ده كل ما حد كلمك تخبطيه في دماغه اهدي شويه.

زين..... يستاهل برده ،، قالها نفس الكلام خاين وقديم ، الحق سلوى وحسن ،، اتكلموا سوا وبيضحكوا ،، ولا وان انا لو منها ما سامحهوش بس يلا.

زين....انا هخربها بصى عليا ،، حسن يلا نجيبوفساتين الفرح.

حسن.... يلا.

وراحو سوا وكانو فى محل لبيع الفساتين.

سلوى... انا عايزه اشتري الفستان ده انتى يا رحيل هتاخدي ايه ؟

رحيل.... اي حاجه مش هتفرق.

زين اختار فستان جميل وقال...

اختارلك ده .

رحيل ..... ماشي هاته.

زين... يلا ادخلى قيسي.

رحيل.... لا مش قبل الفرح كده تتحرق المفاجاه.

زين..... تمام براحتك.

بعد وقت كانوا رجعوا البيت فى اوضت البنات

رحيل.... قالك ايه لما قعدتو تتكلمو سوا ؟

سلوى.... قال انو خاف لما قلتله ،، عشان كده قال الكلام ده قال خاف من اخوه ،، خاف من كل حاجه وانا قولت اسامحو ونكفر ،، يمكن ربنا يسامحنا.

رحيل... ما كان من الاول ،، لازم يبهدلنا معاه يعني ،، رجاله ما تجيش غير بالسك .

سلوى...... حقك عليا يعني لطيتك معايا بجوازه

رحيل... يمكن دى حاجه حلوه ربنا شايلهالي.

سلوى.... ان شاء الله عشان انتى عملتى كده علشاني ،، ربنا هيديكى خير كتير ،، وانا لو جبت بت هسميها رحيل.

رحيل... لا يا اختي اعملي معروف ،، هي رحيل واحده كفايه قوي على الكوكب.

بعد وقت كان جيه ميعاد الفرح وزين وحسن تحت كتبو الكتاب والبنات فوق بيرقصو .... وكان في اطلاق نار تحت محتفلين بالعمده واخوه وكانوا بيرقصوا سوا العصايه ،، بعد شويه كانوا وصلوا البيت... واستقبلتهم ست فى الخمسين دى عيشه ام زين وقالت....

..مرحبا يا عرايس نورتوا داركم

رحيل..... اهلا يا حماتي

وهمست لزين وقالت...

امك فرحانه ليه هى ما هتستقبلناش بالوش المعقود ،، والشر الموعود

زين... تزعل ليه انى اتجوزت وهى فرحانه.

رحيل... ايه ده وشغل الحموات فين.

زين... لا ما هيحصلش الكلام ده.

رحيل... يعني هي ما هتقولش... بابور مش عارفه تولعيه ... بتدلعى يا بت على ايه

زين.... تؤ

رحيل... ولا انا هقولك... ،، ولع البابور يا حزين على امك.... دخلت البوليس ولا دخلت امك.

زين... لاه ما فيش حاجه من ده كلو امى اصلا طيبه ومالهاش دعوه بحد.

رحيل.. كده بسرعه تطلقنى ما اقدرش اعيش حياه هاديه خاليه من المشاكل ،، لازم انكش حد ،، متعوده لازم حاجه تنكد عليا.

جات بنت فى العشرين وقالت بقرف....

هي دي العروسه

رحيل... هي دي المشاكل ؟

زين... مشاكل ايه بس دى مريم بت عمي ساكنين معانا في الدار.

رحيل... عينها منك ؟

مريم.... ايه اللي عجبك فيها دى اقل من العادي بنات كتير احلى منيها انا حتى سامعه انها بايره.

رحيل بردح... انا بايره يا بواقي ،، النسوان يا اللي نصك دهان ،، يا ميه بصل محطوطه في علبه برفان ،،

يا حربايه ومتلونه بكل الالوان...

بس زين حط ايده على بقها وقال....

ايه الكلام ده كده تدى الناس قيمه زياده على قيمتها .

وبص لمريم وقال...

عاديه بس قلبي اختارها ،، عادي يعني حبيتها ،، عشان بسيطه مش متكلفه ،، جميله رباني اللى انتى شيفاها عيوب ،، انا شايفها مزايا.

وبص لرحيل وقال...

حبيبتي يلا ادخلي على الاوضه.

ودخلو اوضتهم .

رحيل... هو انت ليه ،، هزئتها فكرت هتقف معاها ،، وتقلب عليا.

زين... مش هقلب عليكى طول ما انتى مرتي.

رحيل... طب خليك فاكر ها .. يلا انت هتنام على الكنبه اللي هناك دي .

زين قرب وقال.... خايفه مني ....

الفصل الرابع من هنا

الاخير....زين قرب... خايفه مني

رحيل... لا خايفه عليك ليدك تاجى عليا وانت نايم ،، تصحى ما تلاقيهاش ،، اصل انا عندي عاده وحشه قوي ، اول ما يد تاجى عليا اشقها ،، مره كنت واقفه في المطبخ وجات سلوى خطت يدها على وسطى تقولي بخ ،، شقيتها اتعورت بسيط.

زين... امم على فكره ما بخافش ،، بس هنام بس علشان انتى مش حابه الموضوع.

رحيل... انا ما تفرقش معايا.

واخدت شور ونامت في صباح يوم جديد كانو قاعدين كلهم بيفطروا على السفره ورحيل وقالت...

جميل بيتك على فكره حلو قوي.

زين..... انا اللي مختار كل حاجه البراويز السجاد انا اخترت كل حاجه فيه.

رحيل.... طب امك ما اخترتش حاجه.

زين..... لا انا ما بحبش اتعبها في حاجه جبت انا كل حاجه ،، هما اختاروا حاجات المطبخ عشان هم هيوقفوا فيه بس اختاروا الحاجات اللي تريحهم .

رحيل... مين هما.

زين.... امى ومريم.

رحيل.. مريم امم .

زين.. طب يلا يا جماعه هروح اشق على العمال وهاجي على طول .

عيشه... هتنزل الشغل يوم صباحيتك يا ولدي.

رحيل... لا لا الست دي فيها حاجه غلط.

زين بضحك... اش بق .. هاجي على طول يا اما.

عيشه... ده اول يوم ليكم سوا عيب تسيبها وتنزل يا ولدي الشغل ما هيطيرش.

رحيل.... الحموات عندهم علم بالوليه دي ؟

زين... اش خليكى فى نفسك واقعدى ساكته ملكيش دعوه بحد ها سلام .

ومشى وعيشه بقت تكمل يومها عادى بس لاحظت بصات رحيل اللى ما فهمتهاش قالت بستغراب ..

مالك يا مرت ولدى بتبصيلى كده ليه ؟

رحيل.... ما هتيجيش تاخدي مني التليفون ،، وتقوليلي قومي اعمليلك حاجه بدال ما انتى ،، حاطه عينيك في التليفون ،، وتقلبي عليا.. بعد ما يمشي زين ويبقى في الوش سلايه..... وفي القفا حدايه .

عيشه.... ايه يا بت اللي انتى بتقوليه ده حركات الحموات دي طلعت علينا سمعه وحشه ،، انا عاوزه ولدي مبسوط وطالما ولدي مبسوط معاكي خلاص ،، ربنا يهنى سعيد بسعيده .

رحيل... طيب هو مش عم زين متجوز خالتو ،، يعني ام مريم دي تبقى اختك ،، ومريم بت خالتو.

عيشه... اه مريم بت اختي.

رحيل... طب وانتى مش زعلانه عشان زين ساب بت اختك وخدني اني ؟

عيشه... خالص ده نصيب.

وسابتها ومشيت... رحيل قالت...

معقول كده ما فيش حد يضايقني واضايقو ،، معقوله اكمل حياتي وانا قاعده هاديه كده ،، لاه انا ما اقدرش على العيشه دى ،، اني اطق .. لو ما نكشتش حد ، اه هروح لسلوى واطلعها من اوضتها

وطلعت حسن من اوضتو وقعدت مع سلوى.

سلوى.. فى حاجه

رحيل.... لا بس ما عرفتش اسعد نفسي ف بعكر مزاج الاخرين. اهه.. جوزي جي هروح اشوفو افراج انتى .

ونزلت بس شافت مريم عامله نفسها خبطت في زين وهي معديه وزين سندها من وسطها وقال ....

حصلك حاجه

مريم.. اني دوخت شويه وانا ماشيه حاسه اني دايخه قوي الفتره دي وتعبانه معلش توصلني اوضتي.

رحيل... يا كبدي عايزه حد يوصلك تعالى اما اوصلك اني.

وسحبتها وراها وبقت تطلع بيها بسرعه لفوق وماسكها من شعرها

زين... يا بت بالراحه عليها بتقولك دايخه

رحيل.. اش انت

وزقتها فى الاوضه وقالت بغضب....

ايه لازمه التلزيق ده ،، ده حتى الجو حر ،، انتى ،، ليه بتروحى لزين ليه ،، يامين بالله لو شفتك مره تانيه قريبه من جوزي انتى الحره هزعلك جامد ،، اللهم بلغت اللهم فاشهد .

وسابتها و احت اوضتها زين قال.....

ليه كده اتجنيتى.

رحيل بغضب... بص عاد طالما اني لسه مرتك ما طلقتنيش تحفظ كرامتي لو لقيتك بتتسنكح مع واحده كده هموتك سمعت.

زين... انا متى اتسنكحت ولا عملت حاجه ،، انا كنت جاي من الشغل بس.

رحيل... انت خطيت يدك على وسطها .

زين... دي غيره ؟

رحيل بغضب... انا اغير من دي وعلى مين عليك انت ليه ناقصني ايه اني عشان اغير منها ، احلى مني ولا احلى مني ،، عشان اغير منها ،، اطول مني ولا تكونش احلى مني رد ؟

زين... لا مش احلى منك انتى احلى

رحيل... طيب يبقى هغير ليه انا ،، يمكن هغير عليك حبيبي ولا عشيقى ،، عشان اغير عليك ،، على راي المثل.. تهمونى وقالو عشقاه .... وانا اصلا ولا شايفاه.

زين... عشان انتى اقصر مني اطولى شويه عشان تشوفيني ،، تعرفي تروحي تعمليلي حاجه اكلها ولا هروح انا.

رحيل... تؤ هغور انا

راحت على المطبخ وبقت تعمله اكل وزين خد شور وكان بينشف شعره بس دخلت مريم وقالت......

هونت عليك تتجوز غيري ما خدتش بالك واصل ان انا عشقاك؟

زين.. شوفي يا مريم انا عارف الكلام اللي انتى بتقوليه ده ... بس انتى بت عمي مش اكثر ،، تمام احنا ما فيش حاجه بينا ،، انتى كيف اختي... وانا متجوز وبصراحه كده بحب مرتي ،، كل حاجه قسمه ونصيب .

رحيل جات من وراهم ومسكت مريم من شعرها وقالت.....

جايه ليه تدلعي عليه في اوضتي ،، يا بنت هو انا ما نبهتكيش ولا ما فهمتيش .

زين... بس سيبيها.

رحيل... اش انت حسابك اصلا لسه بعدين عشان انا لسه قيلالك الكلام ده دلوك .

وبصت لمريم وقالت..... في ايه يا بت جايه تغريه وهو في اوضتي بجحه قوى.. هو ما بصلكيش وهو عازب وحداني... هيبصلك وهو معاه واحده زي اني.

ومسكتها من شعرها وطلعتها ورمتها بره الاوضه وقالت.....

قسما بيمين الله لو عتبتى اوضتنا مره تانيه ،، راح ارقع بالصوت والم عليكى البيت والبلد كلها ،، واقول انك جايه تاخدى جوزى .

ودخلت وقفلت الباب.....

واقف معاها ليه وبتحاميلها كمان جايه اوضتى وبتلاغيك عيني عينك كده قدامي .

زين... انا ما عملتش حاجه .

رحيل.. امم عشان كده شديتها من شعرها ورميتها ،، انت ما عملتش معاك حاجه ،، انت حقى وانا بعرف احافظ على حقي كويس ،، اسيبها تاخد جوزي وانا لا مؤاخذه قاعده ليه مختومه على ففايا انا ،، بص كده لو في ختم قولي

زين... تمام اهدى خلاص حصل خير ،، مش انتى ما كنتيش عايزه الحياه الهاديه ،، وحابه يكون في مشاكل في الحياه ،، اهو انا قلتلك اصبرى على رزقك.

رحيل.... انت جوزي ،، الموضوع ده تحطو حلقه فى ودنك لحد ما تطلقني تمام.

زين حاوط وسطها بأديها وقال....

طب طالما اتجوزنا وبدينا ما نكمل يمكن تظبط معانا.

رحيل بتوتر من قربو..... انت قصدك ايه.

زين... نكمل يمكن تحبيني انا عجبك قوي.

رحيل... افكر .

زين... فكري بس بسرعه

رحيل... لاه انا افكر على مهلي.

بعد ٨ شهور كانو واقفين في المستشفى قدام اوضه العمليات..

زين... انا بقول نبعد من هنه عشان انتى حامل مش هتستحملي الضغط ده.

رحيل... انت عايزني اهمل سلوى في الحاله دي وامشي تؤ انا قاعده جارها والله قبل ما تولد وتجيب العيل ما امشى .

زين... يا بت انتى فاضلك شهر واحد وتولدى عفشه قوي الوقفه دى بلاش يجيك الطلق دلوك .

رحيل... انت خايف عليا.

زين... قوى

بس طلعت الممرضه وقالت..... ولد يا جماعه كيف القمر .

رحيل... تسلمى

واخدت الولد وراحت عند حسن وقالت...

ولدك روح اعمل التحليل براحتك.

حسن... خلاص عاد ما يبقاش قلبك اسود.. انا اعتذرت من يومها على فكره.

رحيل... على فكره هو ما محتاجش اصلا طالع لطخ زيكم ،، قصدي يعني طالع شبهكم.

عيشه... هو انتو تطولو يطلع شبهنا ولدي كيف القمر.

رحيل... امر بالستر يا حماتى .

زين... فى ايه يا اما.

رحيل.... سيبها براحتها انا ما صدقت تنكشنى.

زين... بس يا فيروس اسكتى دي كانت غلبانه دي ما كانتش بتكلم حد .

زين.. ايوه ما انا لقيت الحياه هاديه كده وما فيهاش ايه ، اه ما فيهاش مشاكل كتير ما فيهاش توابل الحياه الخناقات يعنى حطيتلها بس.

زين... انتى حلتيها اصلا من ساعه ما دخلتى فيها.

رحيل.. ايوه قولي انك ما كنتش عايش قبل اما انا اجي

وان حياتك ما كانتش حلوه قبل ما ادخل فيها وكده يعني

زين... هو انا كنت عايش ،، بس كنت عايش وخلاص ،، ما فيش حب ،، ما فيش اهتمام ،، مفيش غيره ،، مفيش عشق ،، ما فيش جنان.

رحيل... جنان انا حساك بتغلط .

زين.. ده احلى ما فى الحب جنانه لو تساليني ايه اللي خلاني عشقتك ،، اقولك جنانك .

رحيل.. ما انتم كده الرجاله بتحبوا السك كل ما تاخدوا على قفاكم ،، كل ما تحبونا.

زين.. مش راضيه تغيرى المبدا ده ؟

رحيل.. انت غيرتو على فكره انا كنت قايله انى عمرى ما هتجوز ،، وقبلت كتير ،، بس ما فيش واحد فيهم قلبى دقلو،، او عشقتو ،، بس انت خليت قلبى تقسم نصين ،، نص يقولى بعدى منيه ،، ونص يقول ده اللي العين عليه.

زين.... ومين اللي كسب؟

رحيل... الكفه اللي انت فيها تكسب لو كان ايه قصادها .

زين.. ربنا يخليني دايما في الكفه دي.

رحيل... اه ما تنزلش منها عشان انت لو نزلت مش هنطلعوك تاني.

زين... انا ما اقدرش .

رحيل.. عقبال ولدنا .

زين.. لاه نا عايز وعد.. وعد رحيل الزين...