الفصل الثاني عشر

رواية رقية الجزء الثاني عشر 12 بقلم أميرة خالد رقيةرواية رقية الحلقة الثانية عشر عدى شهر على رقيه وكانت بين امتحاناتها في الجامعه وشغلها في النصبه ومشاكل البيت واهتمامها باخواتها وكانت مش قادره تاخد نفسها من اللي هي فيه اما عاصي كان بين المعرض والورشه وسهرات ومع رامي وياسين وتفكيره في رقيه اما منه اعترفت لنفسها انها بتحب خالد وبينهم مشاعر بس بتحاول تركز في امتحاناتها وشغلها وخايفه انه ما يحبهاش

اما جابر لسه زي ما هو في الحجز وبتروق عليه وخلاص اتعلم الادب وبيحلف انه اول ما هيطلع هيبعد عن اي حاجه حرام كان بيعملها وهيقرب من عياله ومراته اما خالد فهو حب منه ومستني ان الامتحانات تخلص ويروح يتقدم لها اما رامي لسه علاقته ايات مستمره وقرر انه يروح يخطبها اما ياسين يبعت لنور على فيسبوك وهي عملت له بلوك اما هنا بعد زيارتهم لاهل عاصي وهي كل يومين والتاني عنده في المعرض يا اما بتكلمه في التليفون

اما عز نزل الكليه وبيدي لندى وايات وهم مش عارفينه ولا هو عارفهم ونزل الشغل مع محمد في الشركه اما امل من ساعه ما شافت هنا في العزومه وهي عايزه تجوزها لخالد ابنها وبتكلم مع جوزها في الموضوع وجوزها وافق عشان هنا من عيله محمد الاسيوطي

صحيت الساعه 5:00 رقيه من النوم وجهزت نفسها والحاجات اللي هتحتاجها وحطت في شنطتها هدومها وكارنيه الجامعه والحاجات اللي هتحتاجها ونزلت المخزن اتصلت على ام محمد وقالت لها معلش يا ام محمد انا هروح معاكي واحط الحاجه في النصبه وانتي خليك ساعتين وهاجي لك رده ام محمد عيني يا حبيبتي بس انتي كل يومين والثاني تعملي كده هو انتي بتروحي فين ردت رقيه بعدين يا ام محمد هبقى اقول لك قالت لها طيب

وبدات تخلص الشغل وهي بتراجع الماده ومسكه التليفون واتصلت على نور وقالت لها معلش يا نور انا ابقى اصحيكي بدري بس انت عارفه اللي فيها ضحكه نور وقالت لها بطلي هبل انا اصلا قايمه من بدري وكنت براجع على الماده وهقوم البس اهو وهستناكي على نصيه الصاغه ردت رقيه ربنا يخليك ليا ردت نور طب يا اختي بطلي هبل يلا سلام وقفلت معاها وخلصت اللي وراها

وبصت في الساعه لقيتها الساعه 6:00 وراحت لما الحاجه وحطيتها في التروسيكل وطلعت على النصبه مع ام محمد وجهزه الحاجه وبعد وقت وبصت في الساعه وكانت 7:00 وقالت لها انا همشي انا بقى يا ام محمد وهبقى اجي لك على الساعه 11:00 ردت ام محمد طب يا حبيبتي ما تتاخريش ومشيت رقيه

وخرجت لقت نور مستنياها ركبت معاها العربيه ومعاها حاجتها وقعدت في الكنبه اللي ورا وبدات تغير هدومها وتمسح وشها بالمناديل المبلله ولبست الحجاب وهي بتتكلم مع نور ونور بتراجع معاها الماده وضحكته وقالت لها نفسي افهم انتي بتخافي ليه وانتي بتطلعي الاولى

ردت عليها رقيه مش خوف ولا حاجه انا قلقانه على الشغل والبيت واليومين دولت حاسه اني ما نمتش بقى لي سنين ردت نور خلاص يا حبيبتي النهارده اخر يوم ابقي نامي براحتك بكره ردت رقيه مش هينفع هبقى انام بقى يوم الاحد وامري لله اما في بيت الهلالي صحي خالد من النوم وبس في الساعه لقاها 6:45 دخل الحمام واخذ شاور وخرج لبس هدومه واحضر شنطته ولقى الساعه 7:00 مسك التليفون وطلب اوبر ونزل وركب ومشي على الجامعه

اما في اوضه منه كانت قاعده بتذاكر وبصيت في الساعه لقيتها سبعه قامت دخلت الحمام وغسلت وشها وطلعت هدومها ولبست ومسكت التليفون واتصلت على حياه وقالت لها انا نازله دلوقتي ردت حياه طيب هنستناكي عند المترو قالت لها طيب وقفلت معاها

وخرجت من الاوضه ولقت سلوى بتحضر الفطار وقالت لها بتعملي ايه يا ماما قالت لها بعمل الفطار تعالي كلي ردت منه مش هقدر يا ماما انا متوتره مش هعرف اكل غير لما اخلص الامتحان ردت سلوى ما ينفعش يا بنتي عشان تعرفي تركزي طب خدي الساندوتش ده وانا هعمل لك سندوتشات لك ولاصحابك وابقي كليهم بعد الامتحان ردت منه حاضر يا ماما

وبعد وقت وصلت رقيه مع نور على الجامعه ونزلوا بصه نور في الساعه وقالت لها لسه بدري عن الماده تعالي نشرب حاجه عشان نركز كده ردت رقيه ماشي وروحي الكافتيريا وطلبت رقيه قهوه مظبوطه ونور طلبت نسكافيه وقعدوا على الترابيزه يراجعوا الماده ويشربوا

اما عند منه وصلت المترو وخرجت لاقت حياه ووائل وردت معاهم العربيه وحياه بتراجع مع منه اتكلم وائل يعني نازل الماده اللي قبل الاخيره تكون ماده الدكتور خالد الموضوع صعب قوي وتقيل كان المفروض تبقى اليوم الاخير عشان نبقى احنا دماغنا فاضيه ليها

ردت حياه انت خايف من ايه ده انت بتطلع الثالث قال لها انا مش خايف ولا حاجه بس الموضوع ان الماده دي تقيله عشان كده بقول كانوا خلوها في اليوم الاخير احسن يعني ردت منه مش هتفرق كثير ما دام انت مذاكر اليوم الاول من الاخير وصلوا الجامعه وكانت الساعه 8:00 وراحوا على المدرجات وكان خالد اللي بيراقب عليهم

رقيه دخلت المدرج هي ونور وقعدوا في اماكنهم عشان الامتحان وهنا كانت عينيها على رقيه ومتغاظه منها وكانت نفسها ما تجيش الامتحان عشان تطلع هي الاولى ووالدها ما يزعقلهاش ودخل الدكتور وبدا يفرقوا ايه الاسئله

اما بيت الهلالي صحي عاصي من النوم وكانت الساعه 8:30 ودخل الحمام اخذ شاور وخرج وطلع هدومه اسرح شعري ورشه برفينه وبعد ما اخلص خد مفاتيحه وموبايله وخرج صبح على والدته قال لها ايه اللي مصحيكي بدري يا ماما ردت عليه ما فيش يا حبيبي اصل انا قلقت وافتكرت ان البنت ندى عندها امتحان وطلع النهارده ما عندهاش وامتحانها بكره قال لها طيب انتي مش نازله عند تيته ولا ايه قالت له لا نازله يلا بينا ابوك تحت هو وندى

ونزل تحت وقرب من الرجاله هو قال لجدو صباح الخير يا جدو صباح النور يا حبيبي صحيح يا عاصي الشغل الجديد بتاعك على ايرادات كثير ولسه النهارده هعمل شغل جديد وهنزله على الصفحه بتاعه المعرض رد محمود كويس يا حبيبي بس خلي بالك انا عايزك تروح النهارده تشوف وصلوا ايه في الارض

رد كامل انا كنت هناك امبارح وهم لسه بيحطوا السقف بتاع الدور السادس رد متولي يبقى على شهرين كده وهيخلصوا كل حاجه رد عاصي ما هم اتفقوا معانا على ثلاث شهور والعماره هتخلص واتكلمت عيشه يلا يا جماعه الفطار جهز والكل قاعد

وامل بصت لجوزها عشان نتكلم وهو سكت واتكلمت امل بصراحه كده يا بابا انا كنت عايزه اكلمك في موضوع رد عليا موضوع ايه امل قالت له كنت عايزه اروح اخطب هنا لخالد ابني رد متولي انا كنت لسه بفكر في الموضوع ده وكنت شايفه ان خالد انسب واحد لهنا على خيره الله هتكلمي ابنك امتى ردت عليه ان شاء الله النهارده الكل بارك لها

واتكلمت ايات مش يمكن خالد مش عايزها اسالي الاول يا ماما بدل ما هو يتدبس ردت امل ما لكيش دعوه انا عارفه مصلحته كويس وهو مش هيرفض لي طلب انا عارفاه ردت عيشه بس برده لازم تساليه ردت امل حاضر يا ماما كده كده انا هتكلم مع النهارده وان شاء الله لو وافق نروح يوم الاحد نطلبها رد متولي على خيره الله وفضلوا بيتكلموا في موضوع هنا وخالد

اما عند رقيه كانت في المدرج وبتمتحن وكان في سؤال مش من المنهج وكانت متضايقه وهنا خلصت الامتحان وسلمت ورقتها وبصيت على رقيه ولقيتها لسه قاعده فضحكت وخرجت من المدرج ونور كانت قاعده والمساله وقفت عندها

وبعد وقته صغير ورقيه افتكرت ان المساله دي قريتها في كتاب قديم عندها وحلتها وبصت على نور ولقيتها قاعده محتاسه مش عارفه تساعدها بايه فقررت تقول كلمه تفكر بيها نور بالمساله ديت ندهت على الدكتور وقالت له حضرتك في هنا غلطه انتبهت نور لكلام رقيه رد الدكتور غلطه ايه واتكلمت معاه وفي وسط الكلام قالت له يعني دي بطاطا الدكتور بطاطا ايه يا انسه قالت له اسفه يا دكتور ما كانش قصدي وعامه انا خلصت الامتحان وادته الورقه

ونور افتكرت موقف البطاطا وحلت المساله وهي بتبتسم على صاحبتها الجدعه وبعد وقت صغير خلصت وخرجت واول ما راحت لرقيه حضنتها وقالت لها يا مجنونه حد يقول بطاطا ردت رقيه فكنت عايزاني اعمل لك ايه دي حاجه الوحيده هتفتكري بيها المساله ضحكه نور وقالت لها ايوه كل ما افتكر يوم البطاطا افضل اضحك بس هم ليه حطوا المساله ديت

ردت رقيه ما انتي عارفه الدكتور بيحب اللف والدوران وبصت في الساعه وقالت لها يلا بقى عشان انا اتاخرت وزمان ام محمد خربت الدنيا ضحكت نور وركبه العربيه ورقيه بدات تغير هدومها وهي بتتكلم مع نور وتعمل حواجبها

اما في بيت الهلالي ايات طلعت شقتهم وماسكه التليفون وبعتت رساله لخالد وقالت له على كل اللي حصل واتكلمت ندى ليه عملت كده قالت لها عشان حاسه ان خالد اخويا في حد في حياته وما ينفعش اكسر قلبه ولازم يكون عنده علم عشان يلحق يتصرف رده ندى ربنا يستر وما حدش يعرف ان انتي قلتي له

ردت ايات يعني هيحصل ايه سيبك من الكلام ده تعالي يلا نشوف هنعمل ايه في الامتحان بكره ردت ندى معاكي حق اصل الدكتور رخم قوي ردت ايات يا شيخه حرام عليك ده البنات كلها هتموت عليه غير ان هو كيوت كده ردت ندى خلاص انا هتصل برامي وهقول له وهشوف هيقول ايه ردت عليها والنبي تسكتي مش ناقصه مشاكل معايا قالت لها ايوه كده ناس ما بتجيش غير بالعين الحمراء ضحكه ايات قالت لها طب يلا يا اختي خلينا نذاكر

اما عند خالد وكان عينه على منه وهي بتحل وتليفونه جات له الرساله وفتحها لقاها صوتيه حتى السماعات في ودانه وسمع الرساله وتضايق وقرر انه هيكلم منه بعد الامتحان مش هيستنى عشان يعرف هيعمل ايه وفضل عينيه على الطلبه

اما عند عاصي راح الورشه هو وياسين ونده على الاسطى محمد وقال له دي التصميمات الجديده عايزك تشتغل عليها رد الاسطى محمد الصنايعيه معاه في ايديهم شغل قديم وحضرتك طالب شغل جديد رد عليه خلاص جيب صنايعيه جديده رد محمد ما ينفعش عشان هيبقوا عايزين يتعلموا رد عاصي خلاص عرفهم اللي هيشتغل زياده هياخد فلوس على المرتب بتاعه وشوفهم هيوافقوا ولا لا رد الاسطى محمد حاضر

اما رقيه وصلت لاول الصاغه ونزلت من العربيه وعملت لنور باي باي ودخلت على النصبه واتكلمت ام محمد كويس ان انتي جيتي ردت رقيه معلش انا عارفه ان انا تقلت عليك اليومين دولت ردت ام محمد يا بنت عيب تقولي الكلام ده ردت رقيه طيب وبدات الصنايعيه والبياعين يجولها واشتغلت رقيه

اما عندي منه فخلصوا الامتحان وكانت خارجه من المدرج نده عليها خالد وقالت له ايوه يا دكتور انا عايزك في كلمتين ردت منه حاضر يا دكتور قال لها تعالي لي المكتب قالت له حاضر وخرجت وكلمتها حياه في ايه قالت لها ما اعرفش قال لي انا عايزك في كلمتين ردت حياه ان شاء الله خير

وراحت منه على مكتب خالد وخبطت الباب واتكلم اتفضلي ودخلت منه وخالد قال لها اتفضلي اقعدي وقعدت منه وقالت له في حاجه يا دكتور رد خالد بصراحه كده يا منه انا ما بحبش اللف والدوران وكنت مستني لما تخلصي الامتحانات عشان اقدر اتكلم معاكي بس حصلت ظروف خلتني هتكلم معاكي النهارده

ردت منه في ايه يا دكتور قلقتني قال لها بصراحه كده يا منه انا بحبك وعايزه اتجوزك اتصدمت منه وكانت مبسوطه من جوه بس رجعت حزنت وقالت له بس يا دكتور في حاجات كثيره حضرتك ما تعرفهاش رد خالد مش مهم ردت منه لا مهمه حضرتك فاضي دلوقتي وراك شغل الرد خالد لا انا فاضي

قالت له طيب يلا بينا يا دكتور عشان لازم تشوف الحقيقه الاول بعينيك وبعد كده لو لقيتك لسه مصمم هقول لك على قراري رد خالد طيب يا منه وخد مفاتيحه وموبايله وشنطته وخرجت معاه ومنه طلبت اوبر وركبه وخالد قال لها احنا رايحين فين قالت له دلوقتي هتعرف

وبعد وقت وصلت منه وخالد على الصاغه واستغرب خالد وقال لها انتي جايبانه هنا ليه ردت منه عشان اعرفك على الشخص اللي ضحى بحياته عشاننا صاحب القرار اذا كنت هوافق عليك ولا لا رد خالد انا مش فاهم حاجه قالت له طب ثواني

وراحوا ناحيه النصبه واول ما شافتها رقيه قلقت وقالت لها مالك يا منه اللي جابك هنا ردت منه ده الدكتور خالد وكان عايز يتقدم لي وانا قلت له انه لازم يتعرف عليك الاول يا رقيه اتصدم خالد واتكسفت رقيه وقالت لها عملت كده ليه كان ممكن جه البيت احسن ما تجيبيه النصبه ردت منه وايه اللي يكسف من كده ده شغلك وده اللي بياكلني عيش ودي حاجه ما تعبناش ما دام حاجه حلال وانا مبسوطه ان انتي بتصرفي علينا من النصبه ديت وبصت لخالد

وقالت له ها يا دكتور لسه عند قرارك برده ضحك خالد وقال لها عمر الشغل ما كان عيب وانا احترمتك عشان انتي صارحتيني ودي حاجه ما تعبنيش ولا تعيبك وانا بتشرف بمعرفتك يا رقيه وطالب ايد اختك منه ام محمد كانت مبسوطه ومنه انبسطت وردت رقيه طب يا دكتور الكلام مش هنا خلي الكلام في البيت احسن

رد خالد طب يا رقيه هستنى منك ميعاد عشان اجي لكم فيه رده رقيه طب يا دكتور اقعد بقى عشان نشربك شاي ولا قهوه رد خالد انا بحب القهوه وهو قاعد بس ناحيه الورشه ما لقاش حد فيهم واقف ورامي كان جاي بالعربيه وشاف خالد واقف وجنبيه بنت وبيتكلموا مع رقيه ودخل الورشه ولقى ياسين وعاصي وقال لهم الحقوا خالد بره عند نصبه رقيه رد عاصي بيعمل ايه وخرج هو وياسين وشافوه واقف بيضحك مع رقيه والبنت

وراح ياسين هو ورامي عند خالد وقال له ايه خالد بتعمل ايه هنا رد خالد اعرفكم الدكتوره منه اخت ورقيه وكنت جاي عشان اطلب ايديها من رقيه اتصدم ياسين ورامي ونزل عليهم سهم الله …..