رواية رماني ... و قال : ما ابيها الفصل السادس 6 - بقلم 🎶أميرة ابوي🎶

البارت السادس

أحب الليل ,,
أحب أسهر وأشوف الغيم ,,
أحب أكتب ,,
أحب أرسم ,,
أحب أطرب وأقول الويل ,,
أحب أصرخ حبيبي وين ,,
أحب أعتب ,,
واساري الزين ,,
أحب أبكي ,,
أحب أضحك ,,
أحب الحب !!
لــكـــــــن ويـــــــــــــــن؟؟؟؟

أبو محمد : ووشو حلك الأفضل
فهد : نحطها بدار الأيتام
أنصدموا من قراره ماتوقعوا أبد يكون تفكيره كذا
واللي صدمهم زياده إن فهد عمره ماكان كذا
أبو محمد : إنت تتكلم صدق
فهد ( بعدم إهتمام ) : إيه وش فيها ؟؟
أبو محمد ( بقهر ) : شووووووف ولدك ياأبو فهد وش قاعد يقووول ؟؟
أبو فهد مسك يد أبوه : هدي يايبه هدي موب زينه لك العصبيه
أبو محمد ( يتنهد ) : لا إله ألا الله
أبو فهد : فهد الكلام اللي قلته مايصير
فهد : وليه ؟؟
أبو فهد : هذي وصيه تعرف وش معناة وصيــــه
فهد : أدري وش معناتها وأدري إني لازم أنفذها
أبو محمد : دامك تدري ليه تقوول إنك بتوديها لدار الأيتام
فهد : أنتوا مافهمتوني ومافهمتم ليه أنا بسووي كذا
أبو فهد : طيب حنا نسألك الحين ليه بتوديها دار الأيتام ؟؟
فهد : يايبه وشلوون نخلي البنت عندنا وهي ماتعرفنا
أبو محمد : الحرمه وش قالت لك
فهد : قالت بنتي أمانه عندك
أبو محمد : ياولدي هذي أمانه وأنت بتحطها بدار الأيتام وأنت المسؤؤل عنها الحين أمام ربك
فهد : أنا ماأبي أوديها أصلاً لدار الأيتام بس مثل ماقلت لكم حنا أغراب عنها
أبو فهد : البنت مو غريبه عندنا وحنا موجودين
أبو محمد : هاه وش قلت ؟؟
فهد : حياها الله ببيتنا

من بكره الصبح الساعه سبع
( الكل عرف بسالفة غلا وجدتها وأعرفوا بالوصيه الجد هو اللي خبرهم )

في بيت أبو سلطان على الفطوور
سلطان قام من الفطوور : الحمدالله
أم سلطان : ووين يايمه ماأكلت شي
سلطان : لا يايمه خلاص أكلت وشبعت بعد .. يبه أنا قبل ماأروح للشركه عندي مشوار ضروري
أبو سلطان : طيب بحفظ الله ( طلع سلطان للبيت متوجه لشركة فهد يبيه بموضووع ضروري )
أم سلطان : أقوول ياأبو سلطان
أبو سلطان : نعم
أم سلطان : البنت اللي قالك عمي عنها صدق سالفتها ولا لا
أبو سلطان : يعني بتكذبين أبووي مثلاً
أم سلطان : هاه لا والله حشى
أبو سلطان : إيه صدق السالفه
سمر : بابي طيب كم عمرها وش أسمها ووين كانت ساكنه ووشلـــ
أبو سلطان : بس بس يابنت ياكثر أسألتك أنا طالع لشركه الظاهر لو أجلس عندكم مانيب طالع من عندكم ألا العصر من كثر سواليفكم وأسألتكم
أم سلطان : بحفظ الله .. طلع أبو سلطان للشركته
أم سلطان : الحين أختك وراء ماقامت
سمر : والله ماأدري عنها
أم سلطان : متى نامت أمس
سمر : وش دراني يمه
أم سلطان : يابنت تكلمي زين أنا أمك
سمر : حاضر من عيوووني
أم سلطان : إيه وبعدين تعااالي أمس وين كنتي رايحه مع العقرب مرة أخووك
سمر : طلعنا للسووق
أم سلطان تطالعها بشك : بس للسووق
سمر : يايمه يعني بكذب عليك
بطلع لغرفتي باااااااي

في جناح عادل وريم
كانوا غرقاااااااااانين بالنوووم وهم بأحضان بعض
دق جوال عادل وصحاه من نووومه
مد يده وأخذ الجوال
عادل بصووت كله نوووم : خييير
عبدالله : نايم بالعسسل قووم ياأخي ولا نسيت اليوم في أوراق مهمه تنتظر توقيعك
عادل : اممممم طيب طيب ( وقفل بوجهه )

عبدالله بعد ماقفل بوجهه عادل : والله إنك قليل خاتمه ياعويدل أنا عبدالله الــ.... تقفل بووجهي لكن بووريك من عبوود
عبدالله : اووووف بس متى ننتهي من هالشغل اللي مايخلص

عند عادل وريم
كان يطالع فيها وهي نايمه وخااااااق معها وملامحها المبتسمه كأنها تشووف حلم حلوو
مد يده وعفس شعرها يبيها تقوووم
تحولت ملامحها المبتسمه ألى ملامح وااضح أنها منزعجه
ريم : همممممم
قرب منها وهمس بأذنها : ريوومتي
ريم : هممم
عادل : قوومي ياقلبي
تحركت ريم من السرير وقامت وسندت نفسها على المخده
عادل : ياصبآآح الياسمين والفل وآلورد وكل شي حلووو بهالدنيا
ريم بإبتسامه خجوووله : صبآح النوور
عادل : فديتك ( قرب منها بس هي بعدته عنها شوووي )
عادل : ليه
ريم : بتتأخر عن دوامك يالله قووم أخذ شاور وأطلع
عادل : بعديها لك هالمره بس مره ثانيه ياويلك
ريم : هههههه طيب
عادل : لاتضكين ولا ...
ريم قاطعته : لالالا خلاص
عادل : حريم مايجون ألا بالعين الحمراء
وقام يأخذ له شاوور

في شركة فهد
سلطان : اهااا هذي كل السالفه يعني
فهد : إيه وجدي وأبووي يبوني أخذها للبيت عندنا
سلطان : وأنت رافض
فهد : لا مو رافض بس هي ماتعرفنا بيكوون صعبه عيشتها معانا
سلطان : لا إن شاء الله مايكوون فيها صعووبه أو شي
فهد : إن شاء الله
سلطان : المهم سمعت إنها مادرت عن جدتها
فهد : يوووووه ذكرتني شلوون نسييت هالشي
سلطان : وش بتسووي
فهد : الحين بتعرف بس لازم أرووح لريم الحين
سلطان : وش تبي منها
فهد : ريم أختي بتحل كل شي
سلطان : طيب أنا بروح الحين أجل
فهد : على وين
سلطان : بروح لبيتي ثم بطلع لشركه
فهد : طيب بحفظ الله .... وطلع سلطان من عنده
بعد ماطلع سلطان أخذ جواله وأتصصل على ريم

عند ريم
كانت بالمطبخ تسووي لها كووفي من بعد ماطلع من عندها عادل
دق جوالها وطلعته من جيب بنطلونها وردت من دون ماتطالع الرقم
ريم : ألوو
فهد : هلا ريووومه
ريم بفرحه : فهد .. هلا فيك كيفك ؟؟
فهد : أنا تمام المهم ريم بقوول لك شي وأبيك تسمعيني للنهايه
ريم : فهد صاير شي لا يكون أمي وأبوي فيهم شي
فهد : لا لاتخافين بس أنتي أسمعيني
ريم : طيب هذاني أسمعك تفضل قوول اللي عندك

في المستشفى
صحت من نوومها
رفعت نفسها من على السرير بصعووبه وتسندت على المخده
غلا وهي تطالع المكان بإستغراب : أنا ووين ... ( تذكرت كلام الممرضه ) : اهاا أنا بالمستشفى
آآآآآآآآخ ياراسي ( مسكت راسها وضغطت عليه بقوووه عشان يخف ألمه شوووي )

غلا وفجآه أستوعبت كل شي قاعد يصير : جدتي والحريقه
قامت بسسرعه من فراشها
بس وقفتها الممرضه اللي دخلت عليها
الممرضه : وين أنتي لساتك مريضه
غلا ( بدموع ) : أنا أبي أمي
الممرضه : ها لاتخافين أمك مافيها شي إن شاء الله
غلا : بس ..
الممرضه قاطعتها : أرتاحي وبعد شووي بخليك تروحين لها
أستسلمت غلا وجلست على سريرها وهي تدعي إن جدتها مافيها شي
بس ماتدري ليه قلبها ناغزها ويحسسها إنها بتفقد جدتها
نزلت دموعها وهي تحاول تبعد هالأحساس عنها

في بيت سلطان
دخل للبيته وألتفت يدورها راح لصاله ومالقاها
راح لغرفة النووم وشافها منسدحه على الكنبه
قرب منها وأبتسامته ماتفارق شفته وواضح من عيوونه أنه مشتاق لها
جنى صدت بعيونها عنه بسسرعه
سلطان : افا افا الحلوو زعلان ( وجلس على الكنبه نفسها )
جنى : .......صمت
سلطان : جنوو حبيبي ليه الزعل
جنى : لأني من أمس أتصل عليك ولا ترد علي
سلطان : كنت حاطه على الصامت ومادريت ألا اليووم الصبح عن مكالماتك
جنى : إيه بس كنت خايفـــ ......
قاطعها سلطان ببوسه على شفتها
جلسوا ثلاث دقايق وهم متعانقين
بعد عنها شوووي وشاف وجها أحمممر
سلطان : هههههه لمتى هالحياء صار لنا ست شهوور متزوجين
جنى بإبتسامه خجوووله وبهمس ذووب سلطان : ماأدري
سلطان : آآآآآهـ بس وش رايك أكنسل الشركه والشغل وكل شي عشانك
جنى : وأبوووك وجدك مابتقـ......
قاطعها ببوسه ثانيه وبعد عنها شووي
سلطان : يالله عاد خلي عنك السوالبف وتعالي مشتااااااااااااااااااااااق لك ( وغمز لها )
جنى أستحتت حييل

عند فهد
فهد : فهمتـي كل شي
ريم : إيه
فهد : يالله الحين ألبسي عباتك وبجي لك الحين
ريم : طيب بس لازم أقول لعادل إني بطلع معآك
فهد : اووكي مو مشكله أنا بجي لك الحين
ريم : اوووكي
فهد : ريم أستعجلي أقل من عشر دقايق وأنا عندك
ريم : طيب
عند وسن
كانت واقفه برا الصاله تتسمع لكلام أمها وأبوها
أم وسن : أبوي قالك هالكلام
أبو وسن : إيه .. والبنت بالمستشفى الحين
أم وسن : الله يرحم جدتها
أبو وسن : الله يرحمها

عند وسن
وسن بنفسها منهي هذي ووش دخل فهد فيها
أنا لازم أقول لهنادي كل شي مايصير أخبي عنها شي
وراحت بسرعه لجناحها بتدق على هنادي
وسن : ألوو
هنادي بصووت كله نووم : نعم
وسن : أنتي نايمه وماتدرين عن اللي قاعد يصير
فزت هنادي من سريرها بسسرعه : وش فيه خوفتيني
وسن : قوولي وش اللي مافيه
هنادي : وسينوه خوفتيني قووولي بسرعه
وسن قالت لها كل شي مع شويت بهارات من مخ وسن
هنادي ( شهقت ) : ومنهي هاذي
وسن : ماأدري بس أنا قلت لك كل شي
هنادي : وفهد وش دخله فيها
وسن : خلصنا هنادي لا تكبرين السالفه
هنادي : وشلون ماأكبرها وهذا فهد تعرفين وش معناة إن فهد له دخل بالسالفه
وسن : أنتي وش تبين منه ياأخي الرجال مايحبك أفهمي
هنادي : أنا أدري ليه تقولين كذا
وسن : ليه
هنادي : عشان حنين
وسن بدمووع : هنادي بلاش هالكلام
هنادي : وسون خلاص قلبي أختك الله يرحمها .. وخلينا أصحاب أحسن وماعليك من اللي أحبه واللي ماأحبه
وسن : إن شاء الله

( طبعآ وسن تخاف من هنادي شووي لأن أسرارها كلها عند هنادي وتخاف إن هنادي تعلم بكل شي عنها وتعلم أنها تكلم شباب وعندها هالسوالف عشان كذا دآيم تساير هنادي )

عند ريم بعد ماأتصلت على عادل وأستئذنت منها ووافق على روحتها مع فهد
تجهزت وبدلت ملابسها وأخذت عبايتها ..... !
أتصل عليها فهد
ريم : ألوو
فهد : يالله أنزلي تحت أنتظرك
ريم : طيب تعال للمجلس نضيفك على الأقل
فهد : ريم أنا مو فاضي بسسرعه أنزلي أنتظرك
ريم : اووكي اووكي بس لا تعصب
فهد : يالله بسرعه أنتظرك وصكر الخط بوجهها
ريم تطالع جوالها بعد ماصكر الخط بوجهها : اووف هذا ماينقرب الله يعين زوجته اللي بتتزوجه
لبست عباتها ونزلت تحت بسرعه قبل ماتتأخر عن فهد عاد هو مايحب أحد يتأخر عنه

عند سلطان وجنى
سلطان طالع ساعته : اوووووف تأخرت بالحيل عن الشركه
جنى وهي طالعه من المطبخ ومعاها صينيه فيها العصير: بس أجلس حبيبي عندي الله يخليك
سلطان : مو قبل شوي ماتبيني هاه
نزلت الصينيه على الطآوله : ألا وربي أبيك الحين
سلطان : حبيبي عندي شغل لفوق راسي
جنى بوزت : طيب
سلطان : خلصنا وبلاش مدت هالبوز وإذا قدرت شوي جيت لمك
جنى : مشغول اليوم يعني
سلطان : إيه ولا نسيتي البنت اللي خبرتك عنها هي وسالفتها بشوف فهد وش يسووي
جنى : اهاا الله يعينهآ
سلطان وهي يشرب من عصير المانجا ونزله بطاوله : رووووعه العصير تسلم يدك قلبي ( مسك يدها وباسها )

عند فهد وريم
طوول الطريق وهم ساكتين
ريم بنفسها امممم أسأل فهد ولا ماأسأله ..... ياااااربي بس خايفه يعصب وهو خلقه دايم معصب
ريم : احم فهد
فهد : هلا
ريم : وش قلت عن البنت اللي أخطبتها لك أمي بالحفله اللي رحنا لها آخر مره
فهد طالع فيها مستغرب : ماقالت لك أمي
ريم : ألا بس حبيت أسألك أنت
فهد : مو فاضين الحين خلينا نخلص من سالفة غلا وبس
ريم : اووكي ليتنا ماقلنا شي

وصلوا للمستشفى
فهد : أنزلي وسوي نفس ماقلت لك
ريم : اووكي بس فهد أنزل معاي وأنتظرني
فهد : أكيد بنزل معآك وأنتظرك يعني وين بروووح .... يالله أنزلي
نزلوا ريم وفهد ... طبعا ريم راحت متوجهه لغرفة غلا وفهد جلس ينتظرهآ برا

عند غلا
جات الممرضه ونزلت الأكل عندها وجت بتطلع بس وقفها صووت غلا
غلا بصرآخ : ماأبي أكل تفهمووووون أنا أبي أمي
الممرضه : إن شاء الله بقول لدكتور بعد ماتأكلين
غلا بدمووع : كذابه أنتي قلتي كذا اليوم بس ماأخذتيني لهآ
الممرضه قربت منها : أهدي ياحبيبتــ
قاطعتها غلا
غلا بعصبيه وقهر : رووووووحي عن وجهي اووووووف
طعلت الممرضه من عندها وهي ماتقدر تسوي لها شي من يوم صحت وهي على هالحال
وماتقدر تقولها عن جدتها لأن فهد محذرهم

عند ريم وفهد
فهد وهو يأشر على غرفة غلا : رووحي هذيك غرفتها
ريم : حآضر
وراحت متوجهه عند غلا

فتحت الباب ودخلت
غلا كانت منزله رأسها وتبكي
غلا : أنتي ماتفهمين طلعي برا ماأبي شي
ريم : غــلا
غلا أستغربت الصوت هاذي مو الممرضه ورفعت رأسها بشويش : مين أنتي ؟؟
ريم : هلا حبيبتي ماعليك مني أنتي كيفك
غلا تمسكت بسرير بخوف : أنا زينه
قربت من غلا وجلست على الكرسي بجانب السرير

ريم : طيب ليه قاعده تبكين
غلا نزلت دموعها من جديد : أنا بس كنت أبي أمي وهم مو راضين يخلــ ..... أنقطع صوتها من شدة بكائها تحس فيه شي يخنقها وكاتم على أنفاسها تحس إنها ماراح تشوف جدتها من جديد تحس ضايعه تحس إنها أنتهت وماتدري ليه كل هالأحاسيس تراودهآ
ريم رحمتها حييل قربت منها وحضنتها وغلا بادلتها الحضن لأنها كانت محتاجه صدر حنون تبكي عليه
ويحن لها حتى لوكان هالصدر الحنون غريب عنها
ريم : خلاص بس ياقلبي
غلا أستوعبت وبعدت عنهآ بسسرعه
ريم : حبيبتي آسفه نسيت أعرفك على نفسي أنا ريم أخت فهد
غلا بدون شعور وبدون قصد : وووع
ريم بإستغراب : لي أنا
غلا : لالالا للمغرور أخوك
ريم : ههههههه ليه
غلا : اممم ماتزعلين
ريم : لا عادي قولي
غلا : مغرور وشايف نفسه وأخذ مزرعتنا
ريم : بس جدتك هي اللي وافقت
غلا تذكرت جدتها بعد مانستها ريم من السوالف .. بدموووع : ريم أنا أبي أمي
ريم تذكرت هي ليش جايه وبنفسها تقول أنا لازم أخبرها مثل ماقال لي فهد
مدت يدهآ ومسكت يد غلا
ريم : غلا أنتي مؤمنه بقضاء الله وقدره صح
غلا قبضها قلبها وخافت : إيه بس ليش تقولين كذا
ريم : حبيبتي جدتك عطتك عمرها وأنتـــ .....
قاطعتها غلا بصراخها : لالالالالالالالالالا أنتي كذابه
ليــــه ليه ياربي ليه وكااااااانت تبكي وتصارخ
ريم مسكتها : أهدي ياغلا
غلا بعدت ريم عنها : رووووووووووحي عني ماأبي أحد ( بدموع وبكاء وصرآخ كانت منهاره حيل )

ريم ماقدرت تحمل وطلعت بسسرعه لفهد
فهد شاف ريم جايه له تركض : وش فيـــك ؟؟
ريم : فهد بسرعه نادي الدكتوور البنت بترووح فيها
فهد على طوووول راح لدكتوور وناداه لغلا

في بيت أبو نواف
ماسكه الصينيه اللي فيها العصير والشوكولاتات وطالعها لغرفتها
مرت من عند الصاله وقفها صوت أمها
أم نواف : دانا وش اللي معك وليه ماخليتي الخدامه توديه لك فووق
دانا كانت معطيه أمها ظهرها ماتبي أمها تشوف اللي معاها : هاه لالا ولا شي
أم نواف : ألتفتي وليه معطيتني ظهرك
دانا أستسلمت ولفت على أمها : اممم هذا اللي معاي
أم نواف : دانا أنتي مجنونه أنتي مريضه مايصلح لك هالأكل ( وأخذت الصينيه منها )
دانا بدموع : كل شي مايصلح لي كل شي اوووووف وربي شي يقههر
صعدت لغرفتها وهي تبكي مقهوووره من كل شي
عند أم نواف بعد ماراحت دانا من عندها
أم نواف بدمووع : يارب إنك تشفي بنتي وتخليها لي ياارب مالي غير هالبنت
عبدالله : آمين
أم نواف وهي تمسح دموعها : متى جيت يايمه
عبدالله : من يوم مادعيتي يالغاليه ..( قرب منها وبآس راسها ) : يمه ترى دانا صغيره وماتفهم شي
المفروض تعلمينها بأسلوب حلو مو تصرخين عليها وتقولين أنتي مريضه
أم نواف : ياولدي وش أسووي عجزت وأنا أفهمها هي ماسوت كذا ألا لأنها معصبه وإن نواف مو جاي الحين وأنت تعرف وش كثر هي متعلقه بنواف
عبدالله بنفسه قريب بتشوف نواف وترتاح : إن شاء الله نواف يعجل بدراسته ويجي
أم نواف : الله يسمع منك يايمه

في المستشفى
فهد وريم كانوا ينتظرون الدكتوور يطلع من غرفة غلا ويبشرهم
فهد : المفروض إنك تعلمين البنت بأسلوب زين
ريم : وش سويت وربي علمتها كل شي و...
قاطعها الدكتور وهو طالع من غرفة غلا
فهد : هاه بشر يادكتور
د. مشعل : أنهيار عصبي وأحنا عطيناها أبره مهديه وهي نايمه الحين
فهد : يعني متى تصحى
د. مشعل : مو مطوله إن شاء الله تصحى بعد كم ساعه
فهد : إن شاء الله
د. مشعل : عن إذنكم
فهد : إذنك معاك
بعد ماراح الدكتوور
ريم : فهد لاتطالعيني كذا وربي ماسويت شي
فهد : أخلصي علي وأمشي بس
ريم : ووين ؟؟
فهد : وين يعني بأخذك للمريخ مثلاً يالله أمشي بوديك بيتكم
ريم : طيب بس نسيت شنطتي عند غلا لأني طلعت بسرعه لك
فهد : روحي خذيها بسرعه وراي شغل أنا
ريم : اوكي ثواني بس
فهد : أنتظرك بسرعه
دخلت ريم عند غلا وألتفت لها كانت بسابع نومه
ومن حول عيونها هالات السوداء
ريم : مسكينه ياغلا والله ماألومك
أخذت شنطتها وطلعت لفهد
( فهد كان يبي ريم تعلم غلا عن جدتها وأختار ريم لأنها فاهمه وعاقله
بس شكل طلع أختياره خطأ ههههههه )

عند دانا بغرفتها كااااانت تصيح من اللي صار قبل شووي مع أمها
دانا : شي يقهر وربي قهر
طق الباب عليها
دانا : مين
عبدالله : أنا دندونه ماودك تفتحين لي
دانا : دقيقه أنا الحين بالحمام ( أكرمكم الله )
قامت بسرعه وراحت للحمام ( أكرمكم الله ) وغسلت وجهها وطالعت بنفسها بالمرايا
كان واضح أنها تصيح من عيونها الحمراء وخشمها الأحمر
وطلعت تفتح له الباب
دانا وهي منزله راسها : هلا عبدالله
قرب منها وباس راسها : أرفعي راسك
رفعت راسها له : نعم
عبدالله : ليه يادندونه كل هالصيآح
أنفجرت دانا من البكاء : ماعاد أبي شي ولا عاد أبي أبكي خلالالاص
عبدالله ضمها لصدره : خلاص دندون يكفي
بعد جهد جهيد من عبدالله هدت دانا شووي من البكاء
عبدالله : أرتحتي الحين
دانا : شووي
عبدالله : كل هذا عشان نواف بتأخر بسفرته
دانا : هذا واحد من الأسباب
عبدالله : ماودك تقولين لي وش الأسباب الثانيه
دانا : لأني مريضــ .......
عبدالله قاطعها : دانا أنتي مخليه نفسك مريضه غصب أحمدي ربك تأكلين وتمشين وتشوفين وتتحركين
دانا : الحمدالله
عبدالله : يالله أمسحي دمووعك وألبسي بنروح لبيت جدي
دانا : والله
عبدالله : إيه يقوول يبينا بموضوع ضروري احنا وعماني وعمتي شيخه ( أم وسن ) بتجي بعد
دانا : اووكي بغسل وأبدل وأجي معاكم

عند فهد
فهد يكلم أبووه بالجوال
فهد طالع ساعته : الحين
أبو فهد : إيه الحين تعال
فهد : اوووكي جااي فمان الله
وصكر الخط أبوو فهد
ريم : امممممم وش يبي أبوي
فهد : جدي اللي يبينا مو أبووي
ريم : طيب نزلني بالبيت وروح لهم على راحتك
فهد : جدي يبي العايله كلها
ريم : امممممم فهد
فهد : هلا
ريم : اليوم غلا قالت عنك ووع ههههههههههه
فهد : بزر
ريم : حرام عليك
فهد : ألا بزر ونص بعد وش هالكلام والخرابيط
ريم : تقول لأنك مغرور
فهد طالع ريم بنظره خوفتها
ريم : مو أنا هي اللي قالت
فهد : أسكتــــــي
ريم : حاضر

عند أم فهد وأبو فهد
أم فهد : أيش ماسمعت عيد اللي قلته
أبو فهد : البنت بتجي عندنا هنا
أم فهد : لا والله لايكون حنا فاتحين ملجئ أيتام هنا وأنا مادريت
أبو فهد ( بعصبيه ) : أم فهد خلصنا البنت الحين أمانه برقبتنا
أم فهد : وش علي أنا منكم
أبو فهد : أبوي يبي هالشي
أم فهد : إيه بس ....
أبو فهد قاطعها : الحرمه موصيه فهد على بنتها وفهد هو المسؤؤل عنها الحين
وأبوي قاله تعيش البنت عندكم
أم فهد سكتت ماقدرت تقول شي
أبو فهد : يالله الحين ألبسي بنروح لأبوي يبينا
أم فهد صعدت لغرفتها بتبدل وتلبس عبايتها عشان يروحون لبيت الجد
عند سلطان
سلطان وهو يسووق السياره متوجه لبيت جده
دق جوواله
سلطان : ألوو
جنى : ووووينك
سلطان : بسم الله طيب سلمي باأول
جنى : السلام عليكم ووينك
سلطان : مشغووووول
جنى : لا والله مو تقول بجيك اليووووم
سلطان : جدي يبيني ياجنى خلصنا
جنى : مع السلآآمه .. وصكرت الخط
سلطان : اووف شكلها زعلت

في بيت الجد
كانوا كلهم مجتمعين
في مجلس الرجآل
أبو محمد : مثل ماقلت لك يافهد البنت عندكم
أبو فهد : يبه جامعنا عشان كذا حنا عارفين السآلفه
أبو محمد : أنا أدري أنكم تدروون بس أنا فكرت بكلام فهد عن أنها ماتتأقلم معاكم اللي بقووله لكم مثلكم مثلها
وكأنها بنتنا بتستغربوون إني مهتم فيهآ بس هذي أمآنه وبنسأل عنها يوم القيامه
أبو محمد : فهـد
فهد : سم
أبو محمد : بكره بروح لها المستشفى وأبيك توديني أبتطمن عليها
فهد : على أمرك

عند البنات
سمر : الحين بفهم جمعة رجال وأحنا وش جابنا
خزامى : اممممم يمكن منظر
البنات : هههههه
سمر : ياسخفك
خزامى : ههههه تلايطي بس
سمر : أنـ ......
قاطعتها رؤى : خلاص أنتي وياهاا اووووف
سمر : وش فيك رؤى
رؤى : ولا شي
ريم : نسيت أقولكم شفت غلا اليووم
دانا : منهي غلا ؟؟
هنادي : لا تكون البنت الفقيره هاذي العله على قلوبنا
ريم : أنتي ماشفتيها عشان تقولين عله على قلوبنا
هنادي : ولو أحسها بنت فقر وماتفهم شي
سمر : لا أنتي تفهمين كل شي
وسن : هنادي صادقه ماأدري وش يبون فيها أو ليه بجبونها هنا
رؤى : خلاص أسكتوا لاتتكلمون فيها وأنتوا حتى ماشفتوها
وسن : أتوقــ .....
ريم : خـــــلاص ليتني ماقلت شي ولا علمتكم إني شفتها
هنآدي : وسن أمشي بس نطلع من هنا أختنقت
وسن : صادقه هنوو ( وطلعت هي وهنادي برا للحديقه )
سمر : مآلت عليك أنتي ويآها
خزامى : ماعلينا المهم ريووومه امممممم وش قلتي لها وش قالت لك
دانا : أحس ونآسه بتجي عندنا بنت جديده
خلود : ههههههههه حلووه بنت جديده
دانا : وش أسوي مبسووطه
ريم : أنا رحمت البنت من الحين
خلود : ليه
ريم : بسبب رؤى وسمر بيجننوها من السوالف والخرابيط
البنات ماعدا سمر رؤى : ههههههههههه
سمر رؤى مع بعض : لا والله
ريم : إيه أنا صادقه

أهديتك قلبي وروحي
وبين ظلوعي اسكنتك
ورسمت معك احلامي
و وعــــــودي

عند هنادي ووسن
جلسوا على كراسي بالحديقه
وسن : ليه معصبه ومالك خلق من يوم جينا هنا
هنادي : لا والله تبيني أستانس وأنبسط وهالعله تعرف فهد
وسن بقهر : إلى هالدرجه تغارين عليه ؟؟ << بتعرفون بعدين ليه وسن مقهووره من حب هنادي لفهد
هنادي : وأكثر بس هين ياأنا ياهي
وسن : هنادي حرام عليك أنتي ماشفتي البنت أصلاً
هنادي : أيش ؟؟
وسن : أنتي ماتدرين عن البنت آي شي ولا تفكرين تسوين لها شي وأنتي ماتعرفينها
هنادي : تبيني أخليها تأخذ فهد قدام عيوني وأنا أتفرج << طبعا مثل ماقلت لكم كانت وسن لاعبه بعقلها ومكذبه عليها بأشياء مالها داعي
وسن بنفسها ليتني ماكذبت عليها ( بتغير السالفه ) : تصدقين عزام صار له يومين ماأتصل
هنادي : وليه ؟؟
وسن : ماأدري قلقانه عليه تصدقين هنو على كثر اللي كلمتهم إلا إنه هو الوحيد اللي حبيته
هنادي : وهو يحبك ؟؟
وسن : يقووول بس ماأدري عنه بس وربي أنا أحس أنه يحبني

عند غلا

خايف عليها من الثرى غطاها والاالحصى حافي اخاف اذاها
اكرم عليها بالكفن يامطوع بالبيت ضل فراشها وغطاها
اكرم عليه بالكفن هذي امي وشهد عليهافي ماعطت يمناها
هذي الضحى واليل يتحرونه هذي السماءونجومه تنعاها
هذي السوالف مثلنا تبكيها والارض تنشد عن اثر لخطاها
هذي الكبيره كبر هذي الدنيا هذي العظيمه جل من سواها
ابكي عليها مونهار وليله ولاسنه تمشي وعد قضاها
ابكي عليهاكثر ماشالتني وكثر الحنين الي اختلط بغناها
وكثرالاسامي وكثر من سموها وكثرالنجوم وكثرمن يرعاها
ابكي عليهامن القهر يادنيا من لي انا من لي عقب فرقاها
من فتحت عيني ولاخلتني وشوفو ولدها بالقبرخلاها
هل التراب بوجها ماقصر شفتو ولدها كيف هو جازاها
لوانهامكاني ماسوتها لاكن اعز عيالها سواها
يادود شفهاذابله جنبها اناولدهاوحاضر وافداها
قطعني هاك الي تبي من جسمي بس الكريمه لاتجي بحذاها
ووصيك امانه قل لهاتعذرني وتكفى تروح تحب لي ماطاها
ابيهاتغفر لي مثل ماكانت كل خمله مني بطيبها ترفاها
يالله عساها بنعيم الخالد وعساها في جنة عدن سكناها
يافضو هاذا الكون ياهو خالي ياضيق هذي الدنيا يامقساها
يامر طعم فراقها يامره ماني مصدق ارجع ومالقاها
وشلون اجي غرفتها ماهي فيها وش عذري لسبحتهاومصلاها
وش اقول انا لدولابها ومصحفها واذاسالني مشطها وحناها
وعباتها والمبخره ومي زمزم ورشوشها ودواها
الكل في غرفتها متفقدها حتى الجدار متفطر ويرجاها
الكل يبكيها مهو ناسيها يالله صبرني وشلون انساها
ياليتها ياليتها مارحت وخلتني او وسعتلي بالقبر وياها

قامت من نومها غلا
من يوم قامت وهي تبكي ماجف لها دمع
غلا : وينك يايمه ليه رحتي عني ليه آآآآهـ بس
أحس الدنيا سوداء من دونك أحس بشي يخنقني
أحس الروح تنتزع مني ليتني كنت مكانك يايمه ولا رحتي عني

عند أبو سعود

أبو سعود : يابنت الحلال اليوم عمي فهد ماشفناه بالشركه أبد
أم سعود : ماجاء اليوم وأنا وش يصبرني لبكره لازم أعرف عنها شي
أبو سعود : والله إني تعبان ومالي خلق شي خليني أنام أحسن لك ولي

في غرفة رنآ
رنا : يارب مايكون في غلا وجدتها شي يااااارب إنك تساعدهم يارب
وربي لو صار في غلا شي يمكن أنجن
يارب طمن قلبي عليهم وأحميهم

عند عبدالله أتصل على أمه
عبدالله : هلا يمه
أم نواف : إيه يمه وش تبي
عبدالله : أبي أسلم على جدتي وأطلع .. قبل شوي الشباب سلمو وهي بالمجلس عندنا وأنا ماكنت موجود
أم نواف : طيب يمه أدخل بقول للبنات يتغطوون
دخل عبدالله عند الحريم بعد ماخبرتهم أم نواف والحريم تغطوا
عبدالله : السلام
الجميع : وعليكم السلام
أم محمد : هلا يمه تعال
قرب من جدته وباس رأسها
عبدالله : وش أخبارك يالغاليه
أم محمد : زينه وأنا أمك ألا أنت وين كنت قبل شووي
عبدالله : نواف كلمني وطلعت أكلمه برا المجلس
أم محمد : إلا متى يجي نواف ياولدي
عبدالله : ماأدري يايمه بس أنتي أدعي له
أم محمد : الله يرده بالسلامه لنا

ألتفت لها وسرح بعيونها وفيها
أما هي أستغربت من نظراته لها ماتدري ليش يناظرها كذا
عبدالله بنفسه الله لايحرمني طلتك ياقلبي

أم نواف : عبدالله وش فيك جدتك لها ساعه تناديك
عبدالله : هاه أمري يالغاليه
أم محمد : وش قالك نواف ؟؟
نواف : ولا شي بس يسأل عنكم ويسلم عليكم
أم محمد : الله يسلمه
عبدالله :يالله أنا طالع تبين شي يمه
أم محمد : لا سلامتك ياولدي
عبدالله : فمان الله
وطلع من الصاله وراح لمجلس الرجآل
جلس بجنب عادل
عادل : وين كنت
عبدالله : داخل أسلم على أمي
عادل : اهاا
عبدالله بنفسه متى تحس بس علي ودي أقولها بس خايف ماتتقبل حبي لهآ
وأتحطم بعدين آآآآآآهـ بس الله لايحرمني شوفتها يارب

عجزت احكي لك احساس واترجم لهفتي بالبوح !..
ماهز القلب وحتله ياكود انسان يسكني...

قسم باللي خلق ذاتي وخلى في الجسد هالروح..
قسم باللي ليامن مت وصرت عظام يجمعني

احبك والغلا صادق وماهو لعب وسلا ومزوح
نزل دمعي نزف جرحي وذاك الشوق عذبني

على الساعه عشر بالليل أرجعوا كل العائلات لبيووتهم
عند فارس وخلوود
خلود : حبيبي
فارس : عيون حبيبك
خلود : ودي أقولك شي بس خايفه
فارس : مني
خلود : لا ماأبيك تعصب
فارس : قوولي
خلود : أخاف إذا حملت وولدت أموت
فارس : أنتي أحملي الحين وبعدين فكري بهالأشياء
خلود : فارس وربي خآيفه تتذكر وش صآر فيني لما جبت سارا وربي بغيت أموووت
فارس : حبيبي إن شاء الله مو صاير فيك شي يالله نامي الحين ( تغطى بفراشه وتركهآ )
خلود : اووووووف
فارس رفع الفراش عنه : بدال هالأفأفه روحي شوفي بنتك نامت ولا لسى .. ماأسمع صوت لها
خلود : نايمه قبل ماأجي عندك شفتها ..

في بيت أبو فهد
أم فهد : صدق اللي قاعده أسمعه يافهد
فهد : كل اللي صار اليوم ومو مصدقه
أم فهد : أنتوا بتجيبون بنت لا نعرفها ولا تعرفنا بالبيت
فهد : يمه إذا أنتي فاهمه كل شي وش تبين
أم فهد : ماتدخل بيتي
فهد : أنا بنآم الحين رأسي مصصصدع وبكره نتفاهم
طلعت من عنده أم فهد وهي مقهووووووووره

عند سيف ونور كانوا طالعين يتعشون برا وبيسهروون
نور : امممممم سيوفي
سيف : هلا
نور : بقولك شي
سيف بإستغراب : قوولي
نور : بخطب لك
سيف : نواره بلاش هالكلام
نور : طيب ليـ .......
قاطعها سيف : نوور خلصنآ
نور زعلت منه ومدت بوزها
سيف ماهان عليه أخته ودلوعته تزعل منه : آآآآآه بس .. نوارتي أنا مو متزوج الحين
نور : طيب متى ؟؟
سيف : متى ما الله كتب .. ويالله تعشي قبل مايبرد الأكل
مدت يدها وبدت تتعشى مع أخوهآ

عند سلطآن يكلم جنى
جنى : طيب تعآل عندي
سلطان : لا ياحلوووه ماأقدر
جنى : ليه مشتآقه لك
سلطان : حبيبي خليها بكره بنآم الحين مع السلآآمه
صكر الخط وراح بسآبع نومهـ

عند غلا بعد ماتعبت من البكآء ناااامت

أنتهت ليلتهم على خير ماعدا ليلة بطلتنا اللي أنتهت ببكائها وحزنها وقهرها على جدتهآ

من بكره الصبح عند فهد بالشركه
جالس يشتغل بالأوراق اللي فاتته أمس ومشغول فيهآ
طق الباب عليه
فهد : تفضل
أبو سعود : صبآح الخير طال عمركـ
فهد رفع راسه من الأوراق : هلا أبو سعود تبي شي
أبو سعود : طال عمركـ بسألك عن أم إبراهيم وبنتهآ وش صار عليهم
فهد : أم إبراهيم عطتك عمرهآ وبنتها بخير
أبو سعود : الله يرحمهآ وغلا وين بتروح هالمسكينه
فهد : أبو سعود هذي أنا أحلها تفضل أنا عندي شغل الحين
أبو سعود : طيب .. فمان الله ( وطلع من مكتبه )

أخذ فهد جواله وأتصل على عمر
عمر : هلا أستاذ فهد
فهد : هلا فيك وينك
عمر : بمكتبي
فهد : الحين تروح للمزرعه مع العمآل وتكملون شغلكم فيهآ
عمر : إن شاء الله
فهد : يالله مع السلآآمه

صكر منه ومايمديه يرجع لشغله ألا أتصل جواله مره ثانيه
فهد : ألوو
أبو محمد : وينك منت ماخذني للمستشفى
فهد : حاضر يبه نص ساعه وأنا جآي لكـ
أبو محمد : أنتظرك ياولدي لا تتأخر
فهد : تأمر أمر فمآن الله

عند غلا
الممرضه : من أمس ماأكلتي شي حبيبتي على الأقل أشربي العصير
غلا : ....... صمت
الممرضه راحت تنادي الدكتور لهآ
جاء الدكتور وكشف عليهآ من جديد
الدكتور : لا إن شاء الله مافيها شي بس منصدمه البنت
الممرضه : من أمس ماأكلت شي
الدكتور : أنتي لا تضغطين عليهآ بشي وهي بتأكل بنفسها
غلا : ....... صمت + دموع تنزل بهدوء
طلع الدكتور من عندهآ هو والممرضه وتركوها براحتهآ
طلعت سلسال أمهآ من صدرهآ وباسته
غلا بدموع وشهاق : يمه أنا خلاص صرت وحيده راحت الغاليه ماأبي أعيش الحين ودي أمووت
يمه ليه قاعد يصير فيني كذا ليه ليه ؟؟؟؟؟

بعد ماخلص فهد شغله
رآح لجده بياخذه للمستشفى عند غلآ
فهد حب رأسها : هلا بالغاليه
أم محمد : هلا يمه
فهد : وين أبووي
أبو محمد : هلا ياولدي جيتك
فهد قام ومسك يد جده : يالله يايبه نمشي
أبو محمد : إيه وأنا أبوك مشينا
طلعوا من فلتهم متوجهين للمستشفى

عند هنآدي
هنآدي بنفسها والله ماأسكت عن اللي قاعد يصير والله << لاعبه بعقلها وسن خخخ
اووووووف شي يقهر أحس إني بتجنن
سمر : بووو
هنادي : بطلي هالحركآت وقوومي أنقلعي عني
سمر : الشرهه مو عليك علي أنا كنت بقولك بنطلع نتغدا أنا ويآك برا بس ماتستاهلين
هنآدي : سميروه طسسي مو رآيقه لك
سمر : اووووووف كلش مو رآيقه أنتي

أبيك ( " حب " ) ماينتهي عشقه أبد ,,, وأبيك ( " قلب " ) مايسكنه غيري أبد

بالمستشفى
أبو محمد بعد ماسمع كلآآم الدكتور : لا إن شاء الله تقوم بالسلآمه
الدكتور : إن شاء الله
فهد : يالله يبه نمشي
أبو محمد : لحظه ياولدي عطني أسمهآ بشوف هي من وين وبنت من
مد له الدكتر أوراق غلا وقرأ أسمها كامل مره ومرتين وثلاث والصدمه تعلوا وجهه
فهد : يبه وش فيك ؟؟
رفع راسه الجد وقال بصدمه وإندهاش : ماأصدق .....؟؟؟؟؟؟

أنتهـــــــى البآرت

صدمة أبو محمد من أسم غلا الكامل ؟؟ << أترك لكم التعليق

هنآدي وتخطيطها ووسن اللي لاعبه عقلها ؟؟؟

حبيبة عبدالله مازالت مجهووله ؟؟ ممكن يعترف لهآ ؟؟