رواية رماني ... و قال : ما ابيها الفصل الثامن 8 - بقلم 🎶أميرة ابوي🎶

البارت الثامن

لو نسيت العمر ما انسى دمعتك
صرخة ذابت من عيونك دموع
ترتعش مرتاعة في وجنتك
وانتفض قلبي لها بين الضلوع
أزعجت صمت الليالي عبرتك
بالخفا ثوره وبالظاهر خشوع
تسكب الدمعه وتظمى نظرتك
مشهد دمووعك وهي تظمى يروع
يا ضياع العمر ضيعة بسمتك
ضاع معها خافق مثلك جزوع
ليت من يمتص جارح لحظتك
والفرح يشعل دياجيرك شموع

لبست عباتها وطلعت هي وريم من المستشفى
ركبوا سيارة السايق متووجهين للبيت

عند عبدالله
عبدالله : اووووف بس من هالشغل اللي مايخلص
رفع راسه من اللاب وأنصدم من الشخص اللي دخل عليه

عند أم فهد
أم فهد : يااربي أنا وش أسووي بهالعله اللي جايه بالطريق
رؤى : يمه أنتي ليش كذا بعــ...
أم فهد : أنتي أسكتي ولا كلمه أنتي ماتدرين هذي وش تبي منا
رؤى ببروود : يعني وش تبي بنت مسكيينه
أم فهد بخبث : هذي ياماما مكذبه على جدك وأبووك وجايه عشان تأخذ حلالهم
رؤى : اممممم وليه ؟؟
أم فهد : وليه يعني بالله عليك أكيد عشان تصرفهم لنفسها وأبوك مصدقها هو وجدك
رؤى : بصراحه مامي ماأصدق اللي قاعده تقولينه
أم فهد : مالت عليك طلعتي أهبل من أختك ريم
رؤى : ريم هبله بس عشانها ساعدت البنت ؟؟
أم فهد : هبله ونص
رؤى : أنا برووح لجناحي مامي بااي
بعد ماراحت رؤى
أنقهرت أم فهد لأن مافي أحد واقف معاها
أم فهد : الله رزقني ببنات مدري شلون يفكروون
فهد : يمه وش فيك قاعده تكلمين نفسك
أم فهد : ها هلا متى جيت
فهد : جيت أخذ أوراق من جناحي وأطلع
راح لجناحه فهد

عند رؤى
معقووله تكون أمي صادقه بكلامها وبعدين هي ليش تقوول هالكلام المفروض ماتحكم على البنت من الحين
أحيانا أقوول صادقه بكلامها وأحيانا أقوول أشووف البنت وبعدين أحكم
كل شي جايز بهالدنيا .. بس وربي رحمت غلا من الحين أمي بتوريها نجووم الليل في عز الظهر
آآهـ بس الله يعين
طلعت غرفتها بتنزل تحت
ألتقت مع فهد اللي كان طالع من جناحه بعد ماأخذ أوراقه
أول ماشفته نزلت راسها
أستغرب منها فهد وقرب لها
فهد : وش فيك ؟؟
رؤى : ولا شي
فهد رفع راسها : رؤى شفيك في أحد قالك شي
رؤى ببرائه : يعني لو أحد يقوول لي شي بتدافع عني
فهد : أـكيد أنتي أختي ودلوعتنا بعد
رؤى : أنت ؟؟
فهد : وش فيني أنا
رؤى : نسيت أمس وش قلت لي
فهد تذكر عالطوول أنه أمس كان معصب عليها وضحك فجأه : ههههههههه
رؤى أول مره تشوف فهد يضحك من بعد موت حنين : ههه وش فيك
فهد حط يده على كتفها : حبيبتي أنا أمس كان عندي شغل لفووق راسي وغير سالفة غلا وسالفة المزرعه ووو كثيير وأنتي جيتي بنص أشغالي
رؤى : ههههههه يعني أنا السبب
فهد : إيه أنتي ياقلب أخووك ولا فيه واحد عنده أخت مثل رؤى ويزعلها
رؤى أستحت منه : الله لايحرمني منك
فهد : ولا منك يالله أنا طالع
رؤى : اووكي باي
فهد : باي

عند ريم وغلآ في الطريق
غلا : ريم أنا ..
ريم : وش فيك وش تبين
غلآ : ماأدري بس ودي أصدق وماأقدر
ريم : غلوو عادي ياقلبي أكيد أنتي منصدمه الحين ومو عارفه وشلوون تعبرين أو وشلون تصدقين
إن فجأه طلعتلك عايله وإن جدتك الله يرحمها ماتت
غلا نزلت دمووعها بعد ماذكرت لها ريم جدتها
ريم لمحت الدمع وهو ينزل من دموعها وشافت بعينها إنكسار وضعف و عدم تصديق اللي قاعد يصير لها
كأنها قاعده تشووف كابوس وتنتظر أنها تصحى منه
ريم : أدري باللي قاعده تفكرين فيه
ألتفت لها غلا بصدمه : ماأدري شلوون تعرفين بصراحه خوفتيني
ريم أطلقت ضحكه على براءتها : هههههههههههههه
غلا : لا تضحكين ريمووه
ريم : وش أسووي لك
غلا : امممم شلوون تعرفين لايكوون ساحره وأنا مدري
ريم : درست علم نفس
غلا : اهااا وعلم النفس هذا وش يسووي
ريم أستغربت منها وكأنها ماتعرف شي : اممممم يحلل شخصيات الناس ومشاعرهم
غلا : اممممم نص فهمت ونص الثاني لا
ريم : اممممم اووكي بعدين تفهمين

عند عبدالله
قام من مكانه والصدمه واضحه بوجهه
؟؟؟ : ماودك تسلم
عبدالله راح له بسرعه وحضنــــه فقده من أربع سنين ماشافه
طووول وهو حاضنه والدمع بعينه
نواف بمزح : خلاص فكني خنقتني
عبدالله : ههههه ماتترك أستهبالك
نواف : أتركك أنت وماأتركه
عبدالله : المهم كيفك ؟؟ ووليش ماقلت لي أستقبلك بالمطار
نواف : حبيت تكوون مفاجأه لكم
عبدالله : أنت قلت لي بجي قريب بس مو لهدرجه خخخخخ
نواف : تبيني أرجع
عبدالله : الله يرجك خخخخ
طاحت الصينيه منها وهي تشووفه والصدمه واضحه فيها
ألتفتوا نواف وعبدالله لها
نواف ركض لها وضمها فقد حضنها من أربع سنوات فقد ريحتها كلامها
عطفها حنانها أبتسامتها كل شي فيها فقده
أم نواف بدمووع : يايمه أشتقت لك
نواف وهو يبووس يدها وراسها : وأنا أكثر يالغاليه
أم نواف : ليش ماقلت لي
نواف وهو يمسح دموعها : حبيت تكوون مفاجأه لك
أم نواف : أحلى مفاجأه وأنا أمك
نواف : خلاص يايمه لا تبكين هذاني قدامك مافيني شي جاي وأنا شايل لك أحلى شهاده
وبأعلى المراتب جاي لك مثل ماوعدتك وحققت حلمي إني أكوون دكتوور
أم نواف : الله يهنيك يايمه
عبدالله : خلاص قلبتوها منآحه
نواف : ياشين الغيره
أم نواف : أسكت أنت وياه ماتتركون سوالفك
نواف وعبدالله : هههههههه
عبدالله : زعلتي عالطوول من نواف أزعلي بعدين يمه تراه توه جاي
الجميع : ههههههه
نواف : المهم وين دانا
أم نواف : يووه نسيت بنتي أكيد بتستانس بشووفتك
نواف : فديتها وربي فاقدها
عبدالله : أنت خلك هنا أنا برووح لها
طلع عبدالله من المجلس متوجهه لغرفة دانا

عند دانا
واقفه عند التسريحه وتمشط شعرها
دانا : ميـن ؟؟
عبدالله : أفتحي دندوون
دانا راحت له وأفتحت الباب
عبدالله : غمضي عيوونك وأمشي معااي
دانا : ماأبي لين تقوولي وين
عبدالله : دندونه شي يعجبك ووربي يالله غمضي عيوونك وأمشي معاي
دانا : اممم ماأبي أخاف منك
عبدالله : خلاص بكيفك
دانا : لالا خلاص ههههه
عبدالله : يالله بسرعه غمضي
دانا : طيب وغمضت عيونها عبدالله مسك يدها عشان يمشيها لتحت
عند نواف وأم نواف
نواف : دانا يصير لها كذا وأنا ماأدري
أم نواف : ماكان ودي أقولك وأنت بالغربه
نواف : يايمه هذي أختي لازم أعرف وش يصير لها
أم نواف : آآآهـ أختك تعبتني يانواف
نواف : ماعليه يمه أنا أتصرف لاتخافين عليها

دخل عبدالله عندهم وهو معاه دانا ماسكها ومغمضه عيونها
أشر لنواف يقرب
قرب نواف وجاء قدام وجه دانا
عبدالله : دندوونه يالله أفتحي عيوونك
أفتحت دانا عيونها طالعت اللي قدامها وهي منصدمه رجعت تغمض عينها من جديد
وأفتحتها وتأكدت إني اللي قدامها حقيقه مو خيال وصرخت : نوووووووووووواف
ضمته بقووووه
عبدالله : حسبي الله عليك فجرتي إذني
دانا وهي بحضن نواف : أشتقت لك حيييل ياأخووي
نواف : وأنا بعد يارووح أخووك
بعدها عن حضنه شووي
نواف : كيفك ؟؟
دانا : تمام يوم شفتك
نواف يمسح دموعها : وش فيكم اليوم تصيحوون خلاص رجعت لكم
أم نواف : مستانسه فيك ياقلب أمك
عبدالله بمزح : يمه خلاص بديت أغار
الجميع : هههههههه

وصلوا ريم وغلا لبيت أبو فهد
غلآ تطالع البيت من برا وكانت تقوول بنفسها هذا مو بيت هذا قصر
أعجبها البيت حييل وماتوقعت يكوون كذا ولا قد شافت مثل هالبيووت
بس تحس بخنقه من يووم دخلت له ودهآ ترجع وتترك كل شي وراها
يتلخبط إحساسها بهالوقت مو عارفه وش تسووي أو شلوون تقدر تسيطر على إحساسيها المتعبه
صحت من تفكيرها على صوت ريم
ريم : غلا وش فيك أمشي معاي ندخل للبيت
مشت غلا معاها من دوون آي كلام أو صوت منها كانت هاديه لدرجه إنها تسمع صوت دقات قلبها من الخووف
وتنفسها السريع دليل على توترها ولخبطة تفكيرها
مشوا بالحديقه الواسعه وصولا إلى باب الفله
دخلت ريم ووراها غلآآ ونزلت عبايتها ريم
ريم : غلو نزلي عبايتك مافي أحد
نزلت عبايتها وكانت واضح من حركة إيدينها التوتر

أم فهد كانت تنتظر غلا أو على قولتها العله أو المصيبه اللي جايبتها ريم

أم فهد : هلا يايمه ريم
ريم : هلا يمه
ألتفت لغلا وقالت : من هاذي ياريم ( بخبث ) : لا تكون الشغاله الجديده
رفعت غلا راسها بالصدمه من غير ماتنطق كانت تطالع فيها
ريم كانت عارفه قصد أمها : لالا يمه هذي غلا
أم فهد : يووه عاد كنت أحسب إنها شغاله يعني ماأدري شلوون كأنها شغاله على هاللبس
غلا تطالع أم فهد بنظرات ماحد فسرها ولا حتى رمشت ضآع الكلام منهآ ودها تنطق بس كأن أحد مانعها
ريم ودها تنقذ الموقف : غلا أمشي معاي نرووح فووق عند رؤى أختي اللي كلمتك عنها
مشت غلا ورا ريم وكأنها مسيره مو محيره

بعد ماراحت ريم وغلا
أم فهد : وش فيها هاذي لاتكوون طرماء ماترد علي تحسب إني برحمها يوم إنها مانطقت
اووووف أنا الله وين بلاني بهالأشكال

عند ريم وغلا
ريم : غلو ماعليه أمي طبعها كذا
غلا هدوووء كانت سآكته
ريم : غلا وش فيك
غلا هزت راسها بلا وهي تحاول تمنع الدمع ينزل منها
أخذت ريم بيدها وراحوا لجناح رؤى
طقت الباب ريم
رؤى : لحظــــه
نزلت الكوفي اللي تشربه بصالة جناحها وراحت تفتح الباب
رؤى : هلا ريم ( أنتبهت للي بجنب ريم وألتفتت لها وعالطوول عرفت أنها غلا )
ريم : رورو حبيبتي هذي غلا
رؤى مدت يدها تسلم على غلا : هلا فيك ياغلا
غلا بادرتها السلام وهي بحالة صمت
رؤى أستغربت منها سكوتها وصمتها الغريب منزله راسها وشعرها منتثر حول كتفها بعشوائي بس هذا مايمنع
رؤيته بشكل جذاب ورائع
ريم : غلو أدخلي جناح رؤى وأرتاحي فيه
أخذتها رؤى داخل الجناح وأشرت لها على الكنبات
رؤى : تفضلي
جلست غلا وإلى الآن الصمت متمسك فيها

طلعت ريم من جناحها ولحقتها رؤى وهي تاركها وراها غلا
رؤى : ريم ريم
ريم : نعم
رؤى : وش فيها البنت ساكته لا تكون طرماء
ريم : أمي سمعتها كلام قووي حتى العدو ماينقال له هالكلام
رؤى باللقافه : وشوو الكلام ؟؟
نترك ريم تخبر رؤى ونتجه لبطلتنا الصامته

عند غلا
نقدر نقوول أنها أنصدمت الصدمه الثالثه
أول صدمه وفاة جدتها
ثانيها ظهوور عايلتها
ثالثها تعامل هالعايله معها بشكل سيء دوون سبب يذكر
كانت تقوول بنفسها أنا وش سوويت عشان تقوولي كذا أم ريم
ياربي يمكن أنا ظالمه الحرمه يمكن ماكانت تقصد << يالله على براءتك ياغلا
اووف وأنا وش علي منها
ألتفت لجناح رؤى عجبها الجناح كان ناعم وهادي وكأنه يعبر عن صاحبته : والله إن بيتنا أصغر من الجناح بكثيير
دخلت عليها رؤى وصحتها من أفكارها
رؤى ماتدري وش تقوول لها : امممممم كيفك ؟؟
غلا : تمام
رؤى بعفوويه : وأخيرآ نطقتي
غلا : ليش كنتي تنتظريني أتكلم
رؤى : أكيد يابطه ودي أسمع صووتك
غلآ : هههههه أعجبتك
رؤى أستانست أنها ضحكت يمكن تقدر تنسيها اللي قالته أمها
غلآ : وش فيك تطالعيني كذا
رؤى : ولا شي بس حلووه ضحكتك
غلا : مشكووره
رؤى : العفو ولو تعالي كل يووم وأمدحك
غلآ : ههههه ( أعجبتها خفة دم رؤى وعفويتها وتواضعها معاها )
رؤى بمزح : يالله عاد لا تضحكين ولا ماعاد أمدحك
غلا : تصدقين
رؤى : وشو
غلا : ماكنت متوقعه إنك تعامليني كذا
رؤى : امممم ليه
غلا : أول ماشفتك توقعتك مغروره مثل أمك << قالت أمك من دوون قصد
غلا حطت يدها على فمها بإحراج : أنا آسفه ماكان قصــ ..
رؤى : ههههه لا عادي ياقلبي أنا أعرف أمي
غلا بتردد : يعني مازعلتي
رؤى : هذي أمي أكيد بتضايق بس يحق لك تقوولي كذا ريم خبرتني بكل شي
غلا : اهاا

عند ريم نازله تحت للمطبخ أخذت صينية العصير وطلعت فيها فووق لجناح رؤى
دخلت عليهم ريم وشافتهم يسولفوون
ريم : الله الله تسولفون من دووني
رؤى : وش نبي فيك
ريم : لا والله شفتي ياغلا أكيد طاح كرتي عندها من يوم جيتي
غلا أبتسمت لها
ريم : إيه خليك كذا دايم الأبتسامه على وجهك
غلا : بحاول
رؤى : لالا مافي شي أسمه تحاولين عندي أنا بخليك دايم مبسووطه
غلا : من توفت أمي وأنا يمكن ماأبتسم من قلب
نتركهم يسولفون ونرووح مكان ثاني

في بيت أبو نواف
نواف : يمه أبوي متى يجي من الشركه
أم نواف : كل يوم له وقت
عبدالله : نواف نسيت أقولك عن دانا
ألتفت لدانا وقال : وش فيها
عبدالله : هالأيام رافضه تأخذ أبرتها
دانا : لا تصدق نواف
نواف : ألا بصدق
دانا : بس هو يوجعني
نواف : خلاص من اليوم ورايح أنا بعطيك إبرتك زين
دانا : اووكي بس مو توجعني
نواف : لا أرتاحي مو موجعك
دانا : تيب موافقه
عبدالله : الحين ماعاد أعجبك يادووينوه
دانا تمد لسانها له : لا
نواف مات ضحك عليها

في بيت أبو فهد
ريم وهي تلبس عبايتها : يالله أنا طالعه للبيت
رؤى : ريووم جلسي تكفين
ريم : وربي ماأقدر عادل ماراح الشركه اليوم بروح له
رؤى بطفش : عادل وعادل وكأن مافي أحد بالدنيا متزوج غيرها
غلا : أنتي متزوجه
ريم : إيه حبيبتي
رؤى : تعالي بكرا اووكي
ريم : بشووف يالله بااااي
رؤى : بايات

عند سلطان وجنى
سلطان : لا حول ولا قوة ألا بالله أنتي وش فيك
جنى : شلون وش فيني صار لك يومين مو سائل عني
سلطان حاول يمسك أعصابه لا يسوي شي يندم عليه : شوفي أنا قلت لك من قبل أنا مشغووول تفهمين ولا لا
جنى : إيه بس أنـا ( وماكملت كلامها ونزلت راسها بحضنها )
سلطان : أنتي أيش ؟؟
جنى حاطه راسها بحضنها وساكته
سلطان : جنى أرفعي راسك وكلمني بلاش حركات الأطفال هذي
سلطان سمع صووت منها كأنها قاعده تبكي
سلطان : جنو حبيبي
جنى ماردت عليه
سلطان مسكها مع كتفها ورفعها له
وشاف دموعها
سلطان بحنان : جنوو حبيبي ليه تبكين
جنى وهي تمسح دموعها : ولا شي
سلطان قربها منه : جنو حبيبي قوولي لي وش فيك أنا السبب ولا لا
جنى : أنا تعبانه
سلطان : بسم الله عليك من التعب قوولي وش اللي متعبك
جنى : أنت كل يوم تكذب علي وتقوول بجي اليوم وماتجي
سلطان : قلبي أنا من بدايه زواجنا وأنا أقولك إني مشغوول صح ولا لا
جنى : صح
سلطان : وبعدين زواجنا بالسر ولا أحد يدري عنه أكيد بكوون مشغوول عنك
جنى : طيب أعترف بزواحنا
سلطان : ماأقدر ياقلبي ماأقدر ماودي أخسرك
جنى نزلت راسها وزاد حزنها وبكائها : يعني بنظل كذا
سلطان : لا حبيبي في ألف حلال
جنى : أنت وعدتني صح تعترف فيه
سلطان : صح وأنا عند وعدي
جنى : متأكد
سلطان ضمها لصدره : فديتك أكيد متأكد
جنى : سلطان أنت تحبني
سلطان : أكيد وأمووت عليك بعد
جنى بحياء : وأنا بعد
سلطان : أنتي وشو
جنى : اللي قلته
سلطان بخبث : وأنا وش قلت
جنى أستحت من نظراته : يوووه ماأدري
سلطان مات ضحك عليها

عند ريم وعادل
ريم : مابتروح اليووم
عادل : لا أمي تبيني تحت ماأدري وش تبي
ريم : اووكي روح لها
نزل تحت عادل وترك ريم بالجناح
عادل لقى أمه بالصاله
عادل : سلام
أم سلطان : هلا يمه وعليكم السلآم
عادل وهو يحب رأسها : أمريني
أم سلطان : زوجتك فووق
عادل : إيه ليه
أم سلطان : ووين رايحه من صبآح الله خير
عادل عرف وش قصد أمه : عند أهلها
أم سلطان : إيه بس
عالد قاطعها : يمه قوولي وش كنتي تبين مني
أم سلطان : بصراحه لقيت لك عرووس
عادل قام من الصدمه : عرووس ؟؟
طاح جوال عادل من ريم اللي كانت نازله وراه عشان تعطيه جواله اللي نساه عالتسريحه بس للأسف سمعت كل شي بينهم كانت داخله لصاله بس وقفت برا لأنها سمعت بالصدفه أسمها على لسان أم زوجها وبتعرف وش تقوول أم سلطان عنها
عادل وأم سلطان ألتفتوا لها
عادل بتوتر : هلا قلبي
أم سلطان بحده : لا يكوون قاعده تتسمعين لنا
ريم : لا بس كنت جايبه جوال عـ ..
أم سلطان : ولا كلمه فهمتي
عادل : يمه خلاص أخذ ريم بيدها ورقوا لجناحهم فوووق
ريم كانت تمشي معاه ولا تدري باللي قاعد يصير حولها إلى الأن قاعد يرن بأذنها صووت أم سلطان
دخلوا جناحهم
عادل جلسها على السرير ومسك وجهها بين إيديه
عادل : ريوومه أنتي فهمتي غلط
ريم كانت تهز راسها بلا ودموعها تنزل : أنت قلت لها مو كذا
عادل : ريوومتي لالا أمي تبيني أتزوج عليك بآي طريقه مو أنا أنا لو أبيع الدنيا ماأخذ غيرك
ريم : بس أنا سمعـ ..
قاطعها عادل وهو يضمها لصدره : تأكدي إني إذا كنت بتزوج عليك بيكون آخر يوم بحياتي
ريم زادت ضمتها له وكأنها تحاول تمنعه من قول هالكلام
عادل فهمها وأـبتسم مو هذي ريومته أكيد بيعرف لها وبيفهمها وتفهمه

افهمك لو ما تكلمت افهمك

انت في قلبي حبيبي معظمك

انت في عقلي وروحي والنسم
ارسمك من دون ماأدري ارسمك
ارسمك لو ماتعلمت الرسم
افهمك لو ماتكلمت افهمك

أنظرك وأتخيلك وأستلهمك وأسمعك في كل معزوفه نغم
ان نويت النوم حلمي احلمك
وان صحيت ألقاك همي والالم

لاتصدق من يقول ويوهمك فرق مابين الحقيقه والوهم
انت عندي غير ربي يسلمك عن جميع الناس عندي والنعم

افهمك لو ماتكلمت افهمك.
هنآدي : يايمه داخ رأسي وأنتي تقوولين لي السالفه
أم سلطان : أنا متأكده أنها جايه تتسمع لنا
هنآدي : أنا بطلع أخذ شاور أحسن لي
أم سلطان : إيه رووحي وخليني لحالي أحترق من القهر
هنآدي : يايمه الله يهداك مالي داعي تكبير السآلفه
أم سلطان : كل هذا وماله داعي أكبر السالفه
هنادي صعدت لجناحها وهي تاركها أمها تأكل بنفسها من القهر

عند منال
منال وهي جالسه تتابع التلفزيوون
أم منال كانت بغرفتها : منال يامنال
منال : اووووف لحظه يمه
راحت عند أمها : ها يمه وش تبين
أم منال : وش فيتس تكلمي زي النآس
منال : حاضر يايمه وش تبين
أم منال : أبي منتس فلووس
منال : وليه
أم منال : أنا أمتس المفروض ماتسأليني هالأسئله
طلعت منال من جيبها 200 ريال ومدتها لأمها
أم منال : بس هذي
منال : يايمه الله يهديك أنا وراي شغل ومصاريف << إيه هين
وطلعت من غرفة أمها
مامداها تجلس على التلفزيون ألا دق جوالها
منال بدون نفس : خير
راكان : افا نستك الفلوس اللي بينا
منال : مو قلت لك لا تدق علي أنا بتصل عليك
راكان : تعالي لبيتي وبلاش كثرت حكي
منال : ماأقدر الجامعه ماباقي عليها شي ولازم هاليومين أنزل لسووق
راكان : متى يعني
منال : أصبر علي كم يووم وأنا بنفسي بتصل عليك وصكرت الخط بوجهه

راكان وهو يطالع جواله بعد ماصكرت الخط منال : الله يأخذك
عزام : وش فيك ؟؟
راكان : هالعله منالوه أدق عليها مره ماترد ومره تعطي مشغوول ومره تقفله وآخر شي تصكر الخط بوجهي
عزام : تستاهل
راكان : أنا
عزام : إيه البنت وراها زباين غيرك

عند نواف وعبدالله لحالهم بجناح نواف
نواف : إنت تتكلم جد ولا قاعد تستهبل
عبدالله : باأخي والله ماأكذب كم مره يعني بحلف لك
نواف : أحس سالفه ماتدخل العقل
عبدالله : إذا كنت مو مصدق أتصل على فهد وهو يخبرك كل شي
نواف : طيب البنت وينها الحين
عبدالله : أتوقع راحت اليوم لبيت عمي أبو فهد
دخلت عليهم دانا فجأه : نواف بابا جاء تحت رووح سلم عليه
قام عبدالله وقرب لها وعفس شعرها : مره ثانيه إذا بتدخلين طقي الباب زين ولا لا
دانا : نواف شوفه خرب شعري
نواف : هههههه خلها يابن الحلال يالله أنا بنزل لأبوي تحت
عبدالله : ترى هاذي بدت تتدلع من يوم جيت
نواف قرب لدانا وحط يده على كتفها : خلها تدلع علي

عبدالله : افا يعني ضاع كرتنا يادندوون
دانا : إيه ههههههه
عبدالله : إيه هين
نواف : يووه أنا تأخرت على أبووي وأنتم تسولفوون فوق رأسي
نزل نواف لأوه ولحقووه دانا وعبدالله وهم يتهاوشون بمزح

دخل نواف لصاله
وأبووه أنصدم وقام من الكنبه
أبو نواف : نواف ؟؟
جاء له نواف وباس راسه وباس يده
نواف : هلا فيك يالغالي
أبو نواف : هلا هلا بولدي
جلس وجلس معاه أبووه

أبو نواف : وشلوونك و أنا وأبووك ومتى وصلت
نواف : أنا تمام ,, مالي ألا تقريبا ساعتين واصل
أم نواف : شوف ياأبو نواف مدام نواف جاء بزوجه
الجميع : ههههههههههه
أم نواف : الحين أنا ودي أفرح بولدي ليه تضحكوون
نواف : حرام عليك يايمه ماصار لي أربع وعشرين ساعه عندكم
عبدالله : نواف أمي أستلمتك من هالحين خخخخخ
دانا : إيه نواف تكفى تزووج
نواف : اهاا شكلكم متفقين علي (و طالع لأبووه ) : وأنت يبه
أبو نواف : والله ياأبووك أنا ماعندي مانع الشوور شورك
أم نواف : يايمه لا تحرمني هالفرحه
نواف عشان يفرح أمه : بفكر
أم نواف : أستعجل وأنا أمك عندي لك عروووس تقول للقمر قم بقعد مكانك
نواف : إن شاء الله يمه أنا بطلع لجناحي أرتاح من يوم جيت وأنا ماغفت لي عين
أم نواف : نووم العوافي وأنا أمك
نواف : يعافيك
صعد نواف لجناحه بينااااااام بعد إرهآق السفر
عبدالله بنفسه أمي بتزووج نواف ماشاء الله عليك يانواف
آآآهـ بس وأنا متى يجي اليووم اللي أشوف يدي بيدهآ

أحاول أخفي احساسي ولكن بالعشق مفضوح!!!
تشوف الفرحة في عيني وأحبك بالعقل والروح...
أحبك حب ما أقدر أعاند فيه احساسي!!!
لقيت الحب شي أكبر من اني اخذ انفاسي...
وعمري ما ابتدى قلبك وعيدي في الهوى عيدك...
معاك الدنيا شي ثاني .. معاك الدنيا ذي أحلى!!!
ومهما كانت الدنيا معاك أحلى وأكيد أحلى...
تخيل دنيا من غيرك أو لحظة من غيرك!!!
أنا ما أشوف في الدنيا وفي قلبي أحد غيرك

عند غلا ورؤى
رؤى كانت تكلم سمر : بطلع لسووق معاك بكرا ترى ماباقي شي للجامعه ولازم نتقضى لها
سمر : اووكي بس مو بكرا
رؤى : ليه ؟؟
سمر : مالي خلق وبعدين بنأخذ دانا وخزامى معانا وأكيد بكرا مو رايحين خزامى تقووله
رؤى : اووكي بس هالأسبووع نرووح
وكملوا سواليفهم بالجووال
وغلا تتطالع رؤى وهي تكلم صار لهآ أكثر من نص ساعه والجوال بيدها
طفشت وهي بجناح رؤى
بعد ماصكرت رؤى من الجوال ألتفت لغلا
رؤى : آآووه نسيتك آسفه ياقلبي
غلا : لا عادي
رؤى : اللي أكلمها سمر بنت عموو هالأسبووع متفقين نزل للسووق وأبغاك تروحين معانا
غلا : لا ماله داعي
رؤى : وشو ماله داعي ألا على فكره سمووره مبسوطه إنك معانا
غلا : ماأبي أرووح تعبانه
رؤى عذرتها يكفي إن البنت تعبانه
رؤى : طيب أمشي ننزل الحين بيحطوون الغدا
غلا : ماأبي
رؤى : أنتي كل شي ماأبي
غلا أسكتت وهي مالها خلق لشي
رؤى : غلو لا يكون زعلتي
غلا هزت رأسها بلا
رؤى : امممم طيـ..
قاطعها صوت الباب
رؤى : أدخل
دخلت الشغاله : مدام رؤى بابا كبير يبقى مدام غلا
رؤى : جدي يبي غلا
ألتفت غلا بسرعه : أنا
رؤى : الشغاله تقوول كذا
غلا : لالا
رؤى : وش فيك جدي هو جدك ويالله بنزل معآك
غلآ : بس أنــ
قاطعتها رؤى وهي تمسكها بيدها : أمشي بس
نزلت تحت رؤى ومعاها غلا
أم فهد وهي تطالع غلا : على وين ؟؟
رؤى : ماما جدي يبي غلا
أم فهد سكتت وهي تطالع غلا بنظرات غريبه خلتها تستفز غلا
غلا بنفسها هذي وش فيها علي كأني ذابحه أبووها
قاطع أفكارها صوت رؤى : يالله يمكن جدي يبينا بشي ضروري
مشت معاها غلا للمجلس
ودخلوا وكان أبو محمد موجود فيه
غلا كانت منزله راسها
رؤى : جدي هذي غلا
أبو محمد أبتسم على لقافة رؤى : أنتي وش تبين ؟؟
رؤى : امممم ماأدري
أبو محمد : روحي لغرفتك يالله
رؤى بطفش : طيب
وصعدت لغرفتها
وتركت غلا خلفها
أبو محمد : غلا وأنا أبووك تعالي جنبي
غلا منزله راسها ومو راضيه تتكلم تحس إنه رجآل غريب عنها
أبو محمد : أنا أدري باللي فيك تعالي وأنا أبووك جنبي
أستسلمت غلا وراحت عند أبو محمد وجلست بالكنبه اللي بجنبه
أبو محمد : وشلوونك ؟؟
غلا : تمام
أبو محمد : عظم الله أجرك بجدتك
غلا بحزن : أجرنا وأجرك
أبو محمد : غلا يابنتي أنا جدك أبو محمد أخو سلمان جدك
غلا طالعت فيه وهي ساكته
أبو محمد : أنا مثل أبوك طيب آي شي تحتاجينه قولي لي
تكلم أبو محمد مع غلا كلام كثيير وغلا عرفت من كلامه أنه حنون وطيب ومتواضع وصفاته نفس صفات جدها

عند خلود وفارس

فارس : بتأكلين ولا شلوون
خلود بقهر : أنت مو تقوول إني سمنت
فارس : ياحبيبي كنت أمــزح
خلود : إيه بس رحت وقست بالميزان وطلعت سمنانه كيلوين
فارس : أنا عاجبني
خلود : وأنا مو عاجبني
مسك فارس الملعقه وفيها رز ومدها لخلود : حبيبي يالله أفتحي فمك وأكلي هاللقمه مني عشاني
خلود : اممم ودي بس ماأقدر
فارس : يالله عشان خاطري
أكلت من الملعقه شووي ورجعتها لفارس
فارس : كملي
خلود : مو مشتهيه
فارس : آآآهـ بس اووكي على راحتك
خلود : فارس غلا ماجت للبيت؟؟
فارس : ألا جايه من الصبح
خلود : الله يهديك كان قلت لي
فارس : ليه وش تبين فيها
خلود : فارس البنت تعبانه وبروح أشوفها وأكيد أنها مو مرتاحه بالبيت
فارس : خلاص رووحي بس أنا بنام الحين قوميني بعد ساعتين اووكي
خلود : من عيووني

و نزلت خلوود تحت

عند أبو محمد وغلا
أبو محمد : خلاص وأنا أبووك
غلا : خلاص ياعمي
أبو محمد : أنا وش قلت ماقلت لك لا تناديني ألا يبه
غلا بتردد : طيب يايبــه
أبو محمد : إيه هذي بنتي
أبتسمت على حنانه اللي غمرها بعد مافقدت جدها من 7 سنين
لقت لها الحنان اللي تبحث عنه
أبو محمد : يالله أنا بمشي الحين تبين شي يابنتي
غلا : سلآمتك
أبو محمد وهو يطلع من المجلس : الله يسلمك
طلعت غلا من المجلس وراه
رؤى طلعت لها فجأه وهي جايه تركض : وش يبي منك جدي ؟؟
غلا : يمه خوفتيني
رؤى بلقافه : قووولي وش يبي منك جدي
غلا : طيب ( وحكت لها كل شي )

عند ريم وعآدل
ريم : مو رايح للشركه
عالد : لا حبيبي بجلس عندك
ريم : عادل بطلب منك طلب
عادل : أمريني
ريم : أنا أبي نسكن أنا وياك ببيت بروحنا
عادل : يعني نطلع من بيت أهلي
ريم بتردد : إيه
عادل : ريوومه حتى لو أنا وافقت أهلي مو موافقين
ريم : طيب بس عادل أنـ ..
قاطعها : أدري إنك مو مرتآحه في بيت أهلي
ريم : بصراحه إيه
عادل : ريوومتي تحملي عشآن خاطري
سكتت ريم وهي أصلاً ماتدري وش تقوول بعد كلآم عادل
لأن خاطره يسوى عندها مليوون خاطر

خاطرك عنّدي ترى مو مثل غيرك
خاطرك يسوى ترى مليون خاطر..~

في جناح رؤى
جالسه بغرفة نوم رؤى وطفشت من هالقعده
رؤى مخليتها بالغرفه وعند أمها بصاله الجنااااح
غلا : اووف لمتى بظل كذا وهذا هو أول يووم أجل بعده الله يستر
نزلت دموعها على ذكرى أمها طلعت سلسال أمها وبدت بسرحانها

في صالة جناح رؤى
أم فهد : أنتي ماتفهمين
رؤى : يمه بصراحه مالقيت سبب لكرهك لهالضعيفه
أم فهد : أنتي الظاهر إنك بتجننيني قلت لك لا تمشين معاها ولا حتى تعطينها وجه
رؤى : يايمــ ..
أم فهد : ولا كلمه أشووف هالعله سلبت قلوبكم من أول يوم
مره ريم وبعدين أبوووك وبعدين جدك وآخر شي أنتي اللي توقعتك توقفين مع أمك
رؤى : وش فيك عليها أبي أفهم
أم فهد حاولت تمسك أعصابها شووي : ياماما هذولي الناس أعرفهم زين وأعرف كذبهم وخرابيطهم
رؤى بتساير أمها عشان ماتسمع غلا كلامهم فجأه : اووكي اووكي
أم فهد : المهم أنا وراي شغل الحين بطلع بس ياويلك لو ماسمعتي كلامي
رؤى إلى الأن تحاول تسايرها : طيب طيب

طلعت أم فهد من جناحها ورؤى دخلت لغرفتها
شافت غلا حاطها راسها بحضنها وتبكي
رؤى يووه لا يكون سمعت الكلام
راحت لها تركض
رؤى وهي تهز كتفها : غلا وش فيك
رفعت راسها وهي تمسح دمووعها اللي أنطبعت على خدها تاركه أثر مؤلم لها : مافيني شي
رؤى : كل هالبكاء ومافيك شي ( أنتهبت لسلسال بيدها )
رؤى وهي تأشر عليه : هذا لك
غلا ورجعت الدمووع لها : لا لأمي
رؤى حزنت عليها حييل :الله يرحمها
غلا : آمين

يمه..يمه
يمه وينك,,؟!!
يمه وينك,,؟!!

وينك,,,
أشتقتلك,,,
فقدتك,,,

ماأبي أبقي أبرحل معك,,.؟!!
ليه رحتي وتركتني بدونك..؟!!
ليه يايمه ماأخذتني معك..؟!!
ماأبي أبقى أبرحل معك..؟!!

يمه,,,
والله إشتقتلك,,
نفسي أشوفك وأحضنك,,,

طق الباب عليهم
رؤى : ميـــن ؟؟
خلود وهي تدخل : أنا
رؤى : هلا خلوود .. غلا هذي خلوود مرت أخووي
قامت غلا وسلمت عليها
خلوود : كيفك ؟؟
غلا : تمام
رؤى : تعالي أجلسي خلوود
خلوود : لا بطلع برووح أسبح بنتي يلا سلام
رؤى : اووكي بااي
بعد ماطلعت خلووود

غلا بتردد : هذي زوجت فهد
رؤى : ههههاي
غلا : ليه تضحكين
رؤى : على كلامك
غلا : أحس مافيه شي يضحك
رؤى : هههه اوووكي لا مو زوجت فهد زوجت فارس أخوي الثاني
غلا : اهاا يعني فهد مو متزوج
رؤى : آخر واحد يفكر
رؤى بخبث : ليه تسألين ؟؟
كشررت غلا : ولا شي ولا تفكرين إنه من أفكارك اللي مدري وش تبي
رؤى : هههههه وربي إنك تووحفه تذكريني بسمر بنت عمي
غلا : سمر ؟؟
رؤى : إيه إن شاء الله بكره تتعرفين عليها

عند هنادي كانت رايحه وجايه بجناحها من يوم وصل لها
خبر وصول غلا لبيت عمها وهي مو مرتاحه
هنادي : اووووف ياربي
دقت على وسن
وسن بصوت كله نووووووم : همممم نعم
هنادي : أنتي نايمه
وسن : وش رايك يعني
هنادي : أمشي بنرووح لبيت عمي بو فهد
وسن : مجنوونه أنتي
هنادي : لا مو مجنوونه بس أبي أرووح
وسن : ماله داعي لأن بكرا أو بعده بنرووح
هنادي : وش دراك ؟؟
وسن : سمعت أمي تقوولي كذا
هنادي : مو قادره أنتظر لبكرا

عند نواف
نواف : دروا عماني إني جيت يبه
أبو نواف : توني قايل لهم
أم نواف : رووح سلم عليهم
أبو نواف : أبووي بيسوي عزيمه بمناسبة رجووعك هاليومين
نواف : يايبه أحس مالها داعي
أم نواف : لا وأنا أمك لازم نفرح لك
أبو نواف يطالع ساعته وألتفت لدانا : عبدالله عط دانا أبرتها الحين موعدها
نواف : لا يبه أنا بعطيها
قرب منها وطلع الأبره مسح على يدها ودخل الأبره فيها بشويش
نواف : هاه خلصنا أوجعتك
دانا : لا
نواف طالع نظرة الحزن فيها وهو مو قادر يسوي لها شي
مسح على شعرها بحنان وقام من عندها وهو متضايق على حالها

عند فهد
خلص شغله وهو طالع من الشركه
أبو سعود : طال عمرك
فهد : هلا أبو سعوود
أبو سعوود : طويل العمر البيت عندي قايم ويبون الأهل يتطمنون على غلا بنت المرحومه
فهد : لا تخاف هي عندنا الحين
وطلع من شركته متوجه للسيارته
ركب سيارته وراح للبيت
في بيت أبو سعوود
رنا واقفه عند شباك غرفتها : آآآه ياغلا ووينك أشتقت لك حييل
أحس القريه مالها طعم من دووونك
ودي أتطمن عليك بس
وإذا كنتي بخير صدقيني بكوون بخير وبتطمن عليك
أم سعوود : رنا يارنا
رنا : نعــم يمه
أم سعود : تعالي أبوتس بيجي من الدوام وحنا ماسوينا له أكل رووحي حطي له لقمه بسرعه
رنا : حاضر يمه
دخلت المطبخ وبدت تشتغل تحاول تنسي نفسها اللي صار بأعز صاحبه عندها أو بالأصح أختها

عند غلا كان تفكيرها نفس تفكير رنا
غلا بنفسها يالله يارنا ودي أجلس معاك
وأقوولك وأفضفض لك ودي أرتاح
ودي أتكلم معاك وطالعت جدران الغرفه وعلى كثر ماهي واسع ألا أنها تخنقها
رؤى دخلت وبيدها كوبين كووفي
رؤى : غلوو خوذي
غلا : وش هذا
رؤى : كوفي
غلا : كوفي ؟؟
رؤى : ماتعرفين الكووفي
هزت راسها بلا
رؤى : أجل وش تشربين الصبآح
غلا : قهوه
رؤى : شوفي هذي قهوه بس من نوع ثاني
غلا : امممم مو مشتهيه
رؤى : غلوو يالله ولا ترى بشربك بنفسي راح يعجبك كثيرر
مسكت غلا الكوفي بيدها وشربت شووي منه
رؤى : وش رايك ؟؟
غلا : يعني حليوو
رؤى : مع الأيام بتعودين عليه وحطي ببالك هذا أشربه قبل الفطور وبتشربينه معااي

عساك بخير كثر ما بقلبك الطيب نوايا خير ..

وكثر مالك غلا عندي وذكرى خير ..

عساك بخير كثر ما مالت الأغصان وغرد عليها الطير ..

عساك بخير كثر ماهلت الأمطار ولمع نجم سهيل ..
كثر القلب ودقاته سألت المولى تكون بخير ..

••.•°¯'•.••••.•°¯'•.••••.•°¯'•.••••.•°¯'•.••
أنتهـــى البارت

توقعاتكم

وصول غلا إلى بيت العايله أخذ منحنى أخر بمجرى حياتها ؟؟
أيضا وصول بطل آخر من أبطالنا ( نواف ) وكيف سيكوون دوره بالروايه ؟؟
الصدمات اللتي تتوالى على بطلتنا هل يمكن أن تتوقف أم تستمر باللعب بها ؟؟
وماهي الصدمه الكبرى لها في البارتات القادمه ؟؟
جنى وسلطان ؟؟ << أإترك لكم التعليق عنهم
بعض أبطال الروايه لم نراهم اليووم لكن يوجد لهم الكثير من ما يقدموون بالبارتات القادمه ؟؟
ويصير شيء يحزن عبدالله بس وش هي؟؟