رواية اعشقني كما أكون الفصل الثاني 2 - بقلم راندا علي

مازن: أكيد يا دكتور. آدم، ما كان ينفع تتبرع؟ أو الدكتور اللي عملت عنده مش شاطر؟ آدم: أيوه، شكلها حزين أوي. مازن وهو بيبصلها: بس حلوة أوي بطريقة غريبة. آدم بصله. مازن: مش قصدي يا دكتور. طيب، هي معاها أي إثبات؟ آدم: للأسف مفيش حاجة معاها توصلني لحد يعرفها. حتى اسمها معرفهوش. مازن: أكيد هتفوق وتقول لحضرتك على حد من قرايبها. آدم: إن شاء الله. روح شوف الحالة دي مع دكتور عمر. مازن: عن إذنك يا دكتور. ومشي.

آدم واقف بيبصلها وافتكر لما كانت بتعيط ونظرة عيونها اللي مش قادر تطلع من باله. جاب كرسي وقعد قدام السرير وسرح في جمالها. كأنها رسمة من الجمال في برواز. خصلات شعرها بني محروق غزالي نازل على وشها. لمس خدها وبعد خصلات شعرها وبعد إيده بسرعة. وفضل قاعد سرحان في جمالها. بعد ساعة. وهي نايمة: لاااا لاااا أياد. خليك. محتاجك. متسبنيش. لاا متسبنيش. مقدرش أعيش من غيرك. آدم مش عارف أياد مين اللي كل شوية تنادي عليه: آنسة. آنسة.

وهي بتعيط جامد: مقدرش أسيبك. خليك معايا. آدم بيحاول يفوقها: آنسة. آنسة. وهي بتعيط هستيري: لااااااا. ومرة واحدة فتحت عيونها السماوي وبصتله وعيونها مليانة دموع: أنا فين؟ آدم وهو سرحان في عيونها: هو إنتي بجد؟ : نعم؟ هو إيه اللي بجد؟ آدم فاق من توهانه: أقصد، عاملة إيه دلوقتي؟ بعياط وبتحاول تقوم: أنا. أنا فين؟ لازم أمشي. آدم بيحاول ينيمها ويهديها: اهدي. اهدي. مينفعش تتحركي. بزعيق وعياط: سيبني بقولك. لازم أمشي وألحق أياد.

آدم: يخربي*ت. أياد؟ عمالة تجيبي في سيرته. مينفعش. إنتي في خطر عليكي. لو اتفك تاني. بعياط جامد: عايزة أمشي. خليني أمشي. آدم مسك إيدها بحنية: اهدي. هتمشي. أوعدك تمشي. بس اهدي. ممكن؟ بدموع وبتهز رأسها. آدم: إنتي اسمك إيه؟ : مليكة. آدم بتوهان: مليكة. وإنتي ملكة فعلاً. وشها حمر جامد واتكسفت. آدم فاق من توهانه: شكلك صغيرة أوي. مليكة بدموع: ١٩ سنة. آدم لاحظ إيدها بتترعش. فمسكها وبقي ماسك إيدها

الاتنين وبيحاول يمكنها: صغيرة أوي. ١٩. مليكة اطمنت وحست براحة شوية. بعدها بزعل جامد وبراءة: أنا كبيرة. محبش حد يقولي صغيرة. آدم ضحك على براءتها: متزعليش ي ستي. كبيرة وست البنات كلها. مليكة بعياط: عايزة أمشي. آدم: هش. ممكن تهدي؟ مش حافظة رقم باباكي؟ مليكة بحزن جامد ودموع: لا. بابا متوفي. آدم بزعل جامد: الله يرحمه. هو في مكان أحسن. طيب، معاكيش رقم مامتك؟ بعياط مليكة: ماما. معنديش غير أخت أصغر مني.

آدم مسك إيدها بكل حنية: متزعليش. بطلي عياط. أنا هنا وجنبك. مليكة أول مرة تسمع الكلمة دي من حد. بصتله بعيونها السماوي بدموع: إنت. إنت وعدتني همشي. آدم قرب منها ولمس خدها. مسح دموعها وبعد. وفاق من توهانه: هتمشي. ممكن أسألك سؤال؟ مليكة بدموع: اتفضل. آدم: مين أياد ده؟ ولا أول مرة كنت شفتك بتعيطي جامد أوي كده؟ مليكة بدموع بصتله.