رواية اعشقني كما أكون الفصل الثاني 2 - بقلم رندا علي

أكيد يا دكتور. آدم بص له. مازن بتسرع: مش قصدي يا دكتور. طيب هي مش معاها أي إثبات؟ آدم: للأسف مفيش حاجة معاها توصلني لحد يعرفها، حتى اسمها معرفتوش. مازن: أكيد هتفوق وتقول لحضرتك على حد من قرايبها. آدم: إن شاء الله. روح شوف الحال دي مع دكتور عمر. مازن: عن إذنك يا دكتور. ومشي.

آدم واقف بيبصلها وافتكر لما كانت بتعيط ونظرة عيونها اللي مش قادر تطلع من باله. جاب كرسي وقعد قدام السرير وسرح في جمالها، كأنها رسمة من الجمال في برواز. خصلات شعرها بني محروق غزالي نازلة على وشها. لمس خدها وبعد خصلات شعرها وبعد إيده بسرعة. وفضل قاعد سرحان في جمالها. بعد ساعة. وهي نايمة، بعياط ودموع: لاااا لاااا أياد خليك. محتاجك. متسبنيش. لا متسبنيش. مقدرش أعيش من غيرك.

آدم باستغراب: مش عارف مين أياد اللي كل شوية بتنادي عليه. بعدها قال بصوت هادي: آنسة آنسة. بعياط جامد وعيونها مغمضة: مقدرش أسيبك. خليك معايا. آدم بيحاول يفوقها: آنسة آنسة. بعياط هستيري: لااااااا. ومرة واحدة فتحت عيونها السماوي وبصت له وعيونها مليانة دموع: أنا فين؟ آدم وهو سرحان في عيونها: هو انتي بجد؟ بصت له بعيونها اللي مليانة دموع وقالت: نعم. هو إيه اللي بجد؟ آدم فاق من توهانه: أقصد... أقصد عاملة إيه دلوقتي؟

بعياط وبتحاول تقوم: أنا... أنا فين؟ لازم أمشي. آدم بيحاول ينيمها ويهديها: اهدى اهدى. مينفعش تتحركي. بزعيق وعياط: سيبني بقولك. لازم أمشي والحق أياد. آدم: يخربي*ت أياد. عمالة تجيبي في سيرته. مينفعش تتحركي. في خطر عليكي. لو اتفكي تاني. بعياط جامد: عاوزه أمشي. خليني أمشي. آدم مسك إيدها بحنية: اهدى. هتمشي. أوعدك. تمشي بس اهدى. ممكن؟ بدموع وبتهز رأسها. آدم: انتي اسمك إيه؟ مليكة. آدم بتوهان: مليكة. وانتي ملكة فعلاً.

وشها احمر جامد واتكسفت. آدم فاق من توهانه وقال: شكلك صغير أوي. مليكة بدموع: ١٩ سنة. آدم لاحظ إيدها بتترعش فمسكها وبقي ماسك إيدها الاتنين وبيحاول يطمنها. بعدها قال: صغيرة أوي. ١٩. مليكة اطمنت وحست براحة شوية. بعدها بزعل جامد وبراءة قالت: أنا كبيرة. محبش حد يقولي صغيرة. آدم ضحك على برائتها: متزعليش ي ستي. كبيرة وست البنات كلها. مليكة بعياط: عاوزه أمشي. آدم: هششش. ممكن تهدي. مش حافظة رقم باباكي؟

مليكة بحزن جامد ودموع: لا. بابا متوفي. آدم بزعل جامد: الله يرحمه. هو في مكان أحسن. طيب معاكيش رقم مامتك؟ بعياط مليكة: ماما... معنديش غير أخت أصغر مني. آدم مسك إيدها بكل حنية: متزعليش. بطلي عياط. أنا هنا. وجنبك. مليكة أول مرة تسمع الكلمة دي من حد. بصت له بعيونها السماوي بدموع: انت... انت وعدتني همشي. آدم قرب منها ولمس خدها مسح دموعها وبعد. وفاق من توهانه: هتمشي. ممكن أسألك سؤال؟ مليكة بدموع: اتفضل. آدم: مين أياد دا؟

ولا أول مرة كنت بشوفك بتعيطي جامد أوي كدا. مليكة بدموع بصت له.