خلصت كلامها وخرجت برة من غير ما تسمع رد عهد.
كأنها مكانتش بتتكلم من الأساس.
وخرج وراها أحمد وسابوا الباب مفتوح بحيث يشوفوهم.
عهد كانت واقفه مش حاسه بحاجه حواليها.
فاقت علي صوت طرقعه صوابع وده كان غيث.
اللي لاحظت أن موجود معاها ف اوضه الاستقبال.
غيث: ببرود اظن مش من الأصول يا محترمه انك تكلمي جدتي بالشكل ده.
دولت الجبلاوي لما بتقول كلمه مش بترجع فيها فاهمه ولا وكله الا جدتي.
عهد: بعصبيه اولا أنا محترمه غصب عنك فاهم.
وبعدين اظن انك كبير كفايه تاخد قراراتك لوحدك مش حد ياخدها بدالك وسايب جدتك تمشي امورك.
وبعدين من حقي ارفض لاني مش عايزة اتجوز دلوقتي.
وياريت تبلغ جدتك اني مش موافقه.
وإذا كنتوا خايفين منها أنا مش خايفه ومستحيل اوافقك علي الجوازة دي.
غيث فضل يسمعها لغايه ما خلصت كلامها وابتسم.
غيث: خلصتي اظن انه مش من حقك ترفضي.
جدتي مش هتقبل وبعدين أنا مش ماشي وراها.
جدتي ليها كلمتها وهي الآمرة الناهيه ولازم احترمها.
وبعدين نسيت اعرفك عليه.
أنا غيث مهران الجبلاوي 34 سنه وصاحب اكبر سلسله شركات الأجهزة الكهربائية.
ده دوري تعرفيني علي نفسك.
عهد: عهد احمد صفوان الدالي 24 سنه متخرجه من إدارة اعمال وماسكه شركه من مجموعه شركاتنا هنا.
وبعدين تتعرف عليا ليه ما انت هترفض كده كده.
غيث: شكلك عنيدة وانا بحب النوع ده.
أما برة ف الصالون احمد كان قاعد مع دولت وجات الداده ادتهم الضيافه.
الحدادة قدمت الضيافه لدولت بارتباك وخوف كبير.
فاطمه: ضيافتك يا هانم شرفتينا.
اتفضل يا احمد بيه.
احمد: شكرا يا داده حضري غدا يليق بالهانم.
دولت: مفيش داعي للغدا احنا هناخد موافقه البنت ونمشي مفيش وقت.
احمد: لا مش يصح ابدا تبقي ف بيتي ومش اضايفك ضيافه تليق بيكي يا هانم.
روحي يا داده اعملي اللي قولتلك عليه.
دولت: استني عندك بما انك مصر يا ابن الدالي ف موافقه علي الغدا.
طلعت ورقه ونادت علي علي فاطمه.
فاطمه: نعم يا هانم وقربت منها.
دولت اداها ورقه فيها أصناف بيحبها غيث وهي وأمرتها تعملهم.
فاطمه: أوامرك يا هانم عن اذنكم.
الدادة مشيت من قدامهم ودولت قامت لامست ف الفيلا وأحمد قام وراها.
استكشفت الفيلا كلها وابتسمت وبصت ل احمد كلمته.
دولت: بابتسامه اممم الظاهر أن شغل السلاح فرق معاك يا احمد وبقيت من اكتر الناس اللي بيعمل لها حساب صح.
بس ياتري ضميرك سكت ولا لسه واجعك من قتلك لابني ف الليله إياها.
احمد: بصدمه وارتباك سلاح ايه انتي بتتكلمي عن ايه انا مش فاهم وايه علاقتي أنا بموت ابنك.
دولت: لا انت فاهم كويس أنا بتكلم عن ايه ف متعملش نفسك مش فاهم حاجه.
عمليه السلاح اللي حصلت من 20 سنه واللي كنت مع ابني مهران ف الليله دي واللي اكيد اختلفتوا وقتلته وقتها.
بس عايزة اقولك اني مش هسيبك تتهني بحياتك ابدا.
احمد: بارتباك ا انتي عايزة ايه من بنتي يا دولت ها.
دولت بغل جات تتكلم بس الباب اتفتح وخرجت عهد وغيث من الاوضه.
دولت: ها يا حبيبي موافق ولا لا.
عهد جت تتكلم بس غيث سبقها.
غيث: بابتسامه موافق يا جدتي.
دولت: بابتسامه تمام خطوبتكم الاسبوع الجاي يالا بينا.