رواية عهد الملك الفصل الخامس 5 - بقلم مجهولة

شهادة وفا.. تي ازاي!! طب ازاي وانا عايشة؟ ايه الملف ده؟ بتفتحوا وبتشهق بصدمة من محتواه. أنا لازم أطلع من هنا بسرعة!!! بتحاول تفتح الباب أكتر من مرة بس ما يتفتحش، بتشد مقبض الباب بقوة فتتخلع في إيدها. عهد بصدمة: المقبض انكسر، كده أنا اتحبست ومش هطلع إلا حد من بره يفتح لي الباب!! أعمل إيه؟ قام رشيد من النوم على صوت الأذان، صلى وراح عشان يصحي بنته كالعادة. طرق على الباب عدة مرات فما سمعش الرد، فقلق وفتح الباب.

عهد بنتـ... إيه ده هي مش موجودة!!! راحت فين؟ معقول تكون!! لا لا مستحيل!!! وبيروح جري على المخزن. بتسمع عهد صوت خطواته فبتروح تتخبى جوه الدولاب. رشيد بيفتح الباب وبيبص على المقبض اللي اتكسر، فتأكد إنها جوة. رشيد بعصبية: اطلعي يا عهد من مكانك، أنا عرفت خلاص إنك جوة!!! كانت سامعة صوت زعيقه وهي حاطة إيدها في بوقها بخوف عشان تكتم صوت شهقاتها. رشيد بتعب بعد تفتيش طويل: يعني هتكوني روحتي فين؟ معقول تكون هربت!!!

كان لسه هيطلع بس سمع صوت كحة من الدولاب. عهد بتتصدم والدولاب بيتفتح عليها. رشيد بابتسامة نصر: عهد كويس إني لقيتك قبل ما تهربي!! بيكhevik وهو بيجز على سنانه: هاتي اللي في إيدك أحسن لك!!! عهد بخوف: مستحيل!!! وبتزقه وبتطلع من الدولاب جري. رشيد بخوف وهو بيبص عليها: عهد متجريش، الأرض هنا مش ثابتة وهتـ... أععععععععععععععع كان ده آخر صوت سمعه منها قبل الأرض ما تقع بيها لأنها كانت من خشب قديم. بنتييييييييييييييييييي!!!

الحمدلله قدرنا ننقذه في آخر لحظة، بس أنا مضطر أعمل بلاغ لأنه واضح إنه بيتعرض للعنـ*ـف!! مالك وهو بيمسكه من جاكيته: الله، قلت لي اسمك إيه؟ الدكتور بخوف: حضرتك مينفعش اللي بتعمله ده!!! مالك بحدة: اسمك!! نهى بعصبية: وهو انت فاكر إنك لو خوفته وما عملش بلاغ كده عدت خلاص؟ أنا هعمل فيك بلاغ!!! مالك بعصبية: انتي مين مسلطك عليا يا وش النحس؟ انتي عايزة تتخانقي وخلاص؟ اتكتمي أحسن لك!!! الممرضة بتوتر

وهي شايفة مالك ماسكه: دكتور محتاجينك في غرفة العمليات بسرعة!!! مالك للممرضة: دكتور البهايم ده اسمه إيه؟ الممرضة بخوف من نبرته: يا.. سييـ.. ن اسمه دكتور ياسين. مالك وهو بيجز على سنانه: لو عايز باقي حياتك يبقى ما أشوفش وشك في حتة تاني!!! ياسين بهروب: حا... ضر حا... ضر. وبيجري من قدامه بسرعة والممرضة معاه. نهى بزعيق: هي بلطـ*ـجة وخلاص؟ انت ماشي تمو... ت في خلق الله؟

وتمسك التلفون: وربنا لأبلغ عليك وأعمل عليك تلاتة محاضر!!! مالك ببرود: اللي عندك اعمليه!!! شيريهان بعصبية وهي بتسحب التلفون: مش هتعملي أي بلاغ أو محضر!!! نهى بعصبية وزعيق وهي بتخبط في الحيطة: إيه الكلام ده يا ماما؟ إزاي ما أعملش محضر؟ ده كان عايز يموت*ه المرادي!!! موظفة الاستقبال: معلش يا جماعة بس صوتكم عالي وفي مرضى ممكن تخر... نهى بعصبية لدرجة عيونها بقوا حمر: اخفي من وشي دلوقتي!!!

الموظفة أول ما شافت كده انسحبت على طول وهي بتجري. مالك بعصبية: ما كنتش في وعيي!! كنت سكر*ان!!! نهى بسخرية واستفزاز: بجد كنت سكر*ان؟ لا إذا كده خلاص انت مظلوم حقك عليا ظلمتك!! نستناك المرة الجاية لما تسكـ... ر وتموت*ه!!! مالك بعصبية وهو بيرفع إيده عشان يضرب*ها بالقلم: انتي إنسانة مستـ... نهى بتمسك إيده وبتكمل بعصبية: إيدك!!! أنا نهى مش ملك عشان أخليك تمد إيدك، فاهم؟ شيريهان بعصبية: بس انتو الاتنين خلاص خلاص!!

نهى: يا ماما بس... شيريهان: انتي اخرسي خالص!! عايزة تدخلي الراجل السجن ويبقى الولد ملوش أم ولا أب؟ مالك بشماتة: أنا بقول كده برضه!!! نهى بغيظ وضحكة سخرية: مش لما يكون راجل الأول؟ اتعصب مالك جامد وكان لسه هيرد عليها بس قاطعه كلام أمه اللي خلاه يتعصب أكتر!! علشان كده أنا وشيريهان قررنا نجوزكوا لبعض!!! نهى بسخرية: ههههههه بقيتي تخرفي يا مرا يا عجوز على آخر أيامك، بس أنا مش حمل شيخوختك دلوقتي!!

بتلاقي أمه وأمها بيبصولها بجدية فبتكمل بعصبية. مستحيل أتجوزه!!! ده عند أمه!!! مالك بعصبية: بس بقى انتي غلطتي في أمي كتير!!! وأنا ساكتلك من بدري عشان معترف بغلطي!!! بس تتمادي هنا مش هسمحلك!!! بعدين مش انتي اللي ترفضيني أنا اللي رافضك!!! امشي شوفي خلقتك في المرايا ده انتي شبه واحد صاحبي!!! ولسانك عامل زي سواقين التكاتك!!! علياء: مالك لو متجوزتهاش هسيبهم ياخدوا عمر!!

مش لآني كل مرة بخرجك واسطات عشان ابني إني هسكت عن حق عمر!! عمر يبقى حفيدي برضه!! ونهى هتعرف تاخد بالها منه وهتعامله كويس!!! مالك بيخبط إيده في الحيطة بغضب وبيسيب المستشفى كلها. نهى بعصبية: وأنا استحالة أوافق أتجوزه!!! شيريهان: وصاية عمر عنده عشان كده لازم تتجوزيه !!! لو متجوزتيهوش ولا انتي بنتي ولا أعرفك!! ننهى وهي بتربع إيديها وبتلف وشها الناحية التانية: رضو مش هتجوزه!!

الميكب تحفة أوي بس ابتسمي عشان آخد لكم صورة، مالك مكشرة كده! نهى بعصبية: غوري من وشي عشان ما أطلعش فيكي عفار... يتي!! مالك وهو بيجز على سنانه: اكتب الكتاب بسرعة يا شيخنا!!! الماذون بيعمل كل الإجراءات وجاء عشان يقول جملته الشهيرة. بارك الله لكما وبارك عليكما وجمع بينكما في خيـ... وقفوا الجوازة دي باطلة، مينفعش واحدة تتجوز جوز أختها وهي عايشة!!!