رواية عهد الملك الفصل الثالث 3 - بقلم مجهولة

مالك بتصرخي افتحي البااااااب…..يا بنتي انتي كويسه؟؟؟ عهد وهي بتمسك راسها بألم: كويسه يا بابا. راشد بقلق: افتحي الباب طيب يا بنتي مش هرتاح الا لما اشوفك بعيوني. عهد بتقوم وبتفتح الباب. راشد وهو بيحتضنها بخوف شديد ويتفحصها بعينيه: مالك يا بنتي كنتي بتصرخي؟؟ …..خضيتيني عليكي!!!

عهد وهي ماسكه راسها: مش عارفه يا بابا شوفت راجل ووشه مش باين وطفل صغير ووشه مش واضح وانا معاهم والولد بيستنجد بيا وكان بيقولي يا ماما يا ماما يعني انا ابقى امه وحسيت كاني امه فعلا وهو محتاجني وبينده عليا.!! راشد بتوتر: ده تلاقيه مجرد كابوس يا بنتي ولا فاكره الولد الصغير اللي حكيتي ليه عليه تكوني لسه حاسه بالذنب من ناحيته.

عهد بعدم اقتناع وتفكير: بابا هو انا قبل الحادثه كان عندي طفل ارجوك متخبيش عليا حتى لو جراله حاجه في الحادثيهمني اعرف!!! راشد بتوتر وهو بيحاول يغير مجرى الحديث: لا يا بنتي حاجه زي دي مش بتتخبى يعني وانتي مكنتيش متجوزة اساساً عشان يكون عندك طفل!!! ……. روحي يابنتي نامي ربنا يهديكي متقلقنيش عليكي على اخر ايامي!!! عهد: بعد الشر عليك ربنا يطول في عمرك يا بابا خلاص انا هدخل انام شويه ….. و بتقفل الباب.

راشد بخوف وهو ماسك قلبه: يارب مش عايز اخسرها تاني!! عهد بتفكير من ورا الباب: ياترى ليه بابا اتوتر كده وباين عليه بيكدب؟؟؟ …. معقول اكون متجوزة فعلا وابني وجوزي ماتوا في الحادثه؟؟؟ ….. واكملت بعزم وهي بتضرب يدها: انا لازم ادور في الموضوع واعرف الحقيقة في حاجه مستخبيه ومش صح!!! مالك وهو ماسك صورتها: وحشتيني يا ملك يا حبيبتي ليه سبتيني؟؟؟ ..انا ضعت من بعدك يا ملك!!!

ثم بدا في تذكر ذلك الحادث المؤلم الذي كان سبب في فقدانه لحبيبته !! مالك بغضب وهو بيبص للطفل المسكين اللي نايم على الارض ومتكور على نفسه من البرد: هقتلك يا عمر هقتلك انت السبب!! وبيمسك المخدة من جنبه وبيخنق بيها الطفل المسكين اللي مش حاسس بحاجه حواليه….