رواية عهد رحيم "زواج تحت النظر" الفصل الثامن 8 - بقلم ديدا الشهاوي

رحيم: افتحي الرسالة قدامي. ريم: في إيه يا رحيم. رحيم: بقولك افتحي الزفت. فتحت ريم الرسالة، كانت من رقم غريب، وكانت الصدمة ليها هي قبل رحيم. رحيم بغضب: إيه ده يا بنت الكلب. كانت صور ريم على السرير وأخوه واقف فاتح زراير قميصه، ولكن مكنش ظاهر وش أخوه، ومركزش في حاجة من كتر ما كان متعصب. ريم: رحيم أنا معرفش والله الصور إزاي. رحيم: هو إيه اللي إزاي، نزلتي امبارح من ورايا علشان تقبّليه من إمتى يا زبالة وإنتي ومستغفلاني.

ريم: رحيم ابعد عني، وربنا ما هقعدلك فيها، أنا هروح لبابا وورقتي توصلي، أنا مش هقدر استحمل. رحيم شدها من شعرها: قولتي هتروحي فين يا بت، والله لأخلي الباقي من حياتك سواد. ريم: كفاية بقى بجد، أنا مش هقدر استحمل تاني، إنت سلبي في كل حاجة وشكيت فيّا وفي أخلاقي وروحت اتجوزت عليّا وبضربني، إنت إيه إنت، لو فعلا راجل تطلّقني وتسيبني أروح بيت أهلي. رحيم رماها على الأرض وخرج.

واتصل بوالد ريم وحكاله كل حاجة، ووالد ريم مكنش مصدّق أي كلمة على بنته، ولكن لما شاف الصور أخد نفس رد فعل رحيم. رحيم: أنا لو كنت وحش يا عمّي كنت عملت ليها فضيحة وطلّقتها من أول ما عرفت، بس أنا عارف شعورك ومقدره. وترك والد ريم رحيم ومشى من غير حتى ما يسمع ريم ولا حتى رضي يشوفها. ريم جوا بتجهّز شنطتها، فاكرة والدها بره، اتفاجئت إنه مشى وسابها. ريم: إنت قولت إيه لبابا، أكيد كدّبت أو فهمته غلط.

رحيم: ده أبوكي شاكرني إني لسه مخليكي على ذمتي. ريم والدموع: إنت بتقول إيه، إنت بتكدّب، بابا أكيد فاهم حاجة غلط، إنت أكتر حد أنا كرته يا رحيم ومش عايزة أفضل ثانية واحدة على ذمتك. رحيم: لو قولتيلي كل حاجة والحقيقة أنا موافق أسمحلك يا ريم. ريم بخوف: لو حكيتلك هتصدّقني. رحيم بصّلها بصدمة.