رواية عقارب بيت العيله الفصل الخامس 5 - بقلم نور رمضان

الدكتور: المريضة فاقت بس لازم أعمل محضر. الجد: مفيش حاجة يا دكتور، هي وقعت من على السلم. الدكتور بغضب: حضرتك دي آثار اعتداء وعنف، أنا لازم أبلغ. ليث بغضب: مقلنا مش عايزين. الدكتور سابهم ومشي لأن كانت هتحصل مشكلة معاه. كان ليث داخل ليها بس الجد وقفه. الجد بزعيق: أنت رايح فين؟ اقف هنا. أول لما زهرة تشد حيلها هتطلقها، أنت مريض يا ليث فاهم؟ مريض زي أمك. زهرة متستاهلش تعيش مع واحد زيك، مش هتكون أنت وأمها والزمن.

وأكمل بحده: غور من هنا، كتكم القرف، عيلة تقرف. ليث بص له ومشي، وكان جواه ندم كبير لزهرة وكان واثق أنها هتسمحه. الجد دخل لزهرة. كانت زهرة بتعيط من الوجع اللي في جسمها. الجد بحزن على حالتها: زهرة يا بنتي. زهرة بدموع: نعم؟ الجد بحزن: حقك عليا يا بنتي، أنتِ متستاهليش كل ده، بس أوعدك هخلصك منه قريب. زهرة بفرحة: بجد؟ يعني هتخليه يسيبني بجد؟ الجد: طبعًا يا بنتي، هو بنات الناس لعبة. طق طق طق. الجد: ادخل.

نوح بحزن: السلام عليكم ورحمة الله وبركاته. الجد وزهرة: وعليكم السلام ورحمة الله وبركاته. نوح: زهرة حقيقي أنا آسف على اللي أهلي عملوه. زهرة بدموع تأبى على النزول من تاني: متعتذرش خلاص، جدو هيمشيني صح؟ الجد: نوح خد زهرة على الشقة بتاعت المعادي، وأوعى حد يعرف. وأكمل بحده: بذات ليث، الكل ده. نوح: حاضر يا جدي، هروح أسأل الدكتور هتخرج إمتى.

الجد: زهرة اعتبرني زي جدك بالظبط، حقك هجيبه لحد عندك. الشقة هتكون باسمك أنتِ، وكل حاجة هتكون عندك يا بنتي. زهرة بدموع: ربنا يخليك ليا يا جدو، من غيرك كان زمانهم موتوني. بصلها الجد بابتسامة. بعد مرور شهر. ليث هيموت ويعرف مكان زهرة ومش عارف. كاميليا وأمه فرحانين أنها مشيت خلاص. ليث بغضب شديد: يعني إيه؟ طلعت عارف مكانها وسايبني كل ده بتعذب ها؟ الجد ببرود: طلقها، أقولك مكانها. غير كده انسى.

ليث بترجي: يا جدي والله مس هعمل كدا تاني، فيها. الجد بحده: ليث معنديش كلام تاني أقوله، كفر عن ذنبك وطلقها، وأنا أوعدك أخليها تسمحك. أمه بخبث وهي تمثل الحزن: طلقها يا ليث علشان تسامحك وترتاح. ليث بحزن شديد: حاضر يا جدي، حاضر. وبالفعل طلق ليث زهرة. وكان كل فترة نوح بيروح ليها يطمن عليها ويوديلها أكل. نوح وهو قاعد مع زهرة. نوح بحب: عاملة إيه يا زهرة؟ زهرة: الحمد لله يا نوح، أكيد أحسن من الأول بكتير لولا أنت وجدو بجد.

نوح بحب: متقوليش كدا يا زهرة، أنتِ غالية عندنا. زهرة: شكراً. بعد مرور فترة زهرة بقت تشتغل وبقت أقوى من الأول بمساعدة نوح والجد، وبقت كويسة جداً. ليث مبقاش يظهر في البيت غير قليل جداً، وأمه وكاميليا لسه بحقدهم. في منزل العائلة. على الفطار والكل قاعد على السفرة. الجد: نوح تعالى عايزك. نوح: حاضر. الجد بحزم: عايزك تتجوز زهرة يا نوح. قبل ما نوح ينطق بحاجة: أنتتتتتت بتقول إيه يا راجل يا شايب أنتتتتتت.