رواية عقارب بيت العيله الفصل الثالث عشر 13 - بقلم نور رمضان

الجد: يبقي انتي يا سعاد. سعاد بغضب وغل: ده بيتي أنا، وهي اللي تغور في داهية. بس ده بيتي أنا. الجد بغضب: سعاد، احترمي نفسك. ده بيت ابني. نوح بعصبية قام من على الأكل: يلا يا زهرة، اطلعي هاتي حاجتك. هنمشي من البيت ده. سعاد بغضب: تمشي تروح فين هي؟ نوح بعصبية: ماما دي مراتي، وكرامتها من كرامتي. طالما انتي مش متقبلها، هاخدها وأغور من هنا. أخد زهرة من إيدها وطلعوا.

فوزية بشماتة: أحسن يا سعاد. هتفضلي كدا تضيعي كل اللي حواليكي لغاية ما تموتي لوحدك. ضيعتي جوزك وليث، وادي نوح كمان هيمشي. سعاد بغضب سابتهم وطلعت. الجد بغضب: أعوذ بالله من دي ست. أتفو. عند نوح وزهرة. زهرة: إحنا هنمشي بجد؟ نوح: أيوه. زهرة: بس يا نوح، مش هينفع نسبها لوحدها. نوح: بعد كل اللي عملته فيكي، مش هينفع يا زهرة. أنا مش هطمن عليكي وانتي هنا. كمان لو بقيتي حامل، أخاف تعمل فيكي حاجة. زهرة بكسوف: ماشي.

نوح ضحك عليها: اتكسفي، اتكسفي. بكرة نجيب دسته عيالك يطلعوا عينك. زهرة بضحك: لا يا خويا، صحتي أخاف عليها. نوح بغمزة وخبث: وأنا أخاف على صحتك يا جميل. يلا هاتي الحاجة، هنروح شقتي. زهرة: حاضر. الجد بحزن: هتمشي يا زهرة؟ زهرة بحب: هكلمك علطول يا جدي. هتوحشني جدا. ثم سلمت أيضاً على فوزية بحب: حبيتك جدا يا جدتي. إن شاء الله تيجي تزوريني في بيتي. فوزية بحب: ماشي يا حبيبتي. ربنا معاكي يارب. بعد وقت، كانوا وصلوا شقتهم.

نوح بحب: ده بقا بيتك، اعملي فيه اللي يريحك. مش عايز أشوف دموعك تاني. عايز أشوف ضحكتك وبس. زهرة بحب: طول ما أنا معاك، دموعي مش بتنزل يا نوح. طول ما أنا معاك مطمئنة. نوح بعشق وحب أخدها في حضنه: بحبك يا زهرة. بعد عدت أعوام، أنجبت زهرة يونس ويزن وفرح. وكانوا مبسوطين أوي. وزهرة أخيرا بقى ليها عائلة. كان دافئ وحنين. كان مليان حب.