رواية على الهادي يا زبادي الفصل الأول 1 - بقلم اوليفيا

بقولك أي يا زبادي. رديت عليه وأنا بجز على سناني بغيظ منه: زينب، اسمي زينب. تؤتؤ، زباااااادي. يا مصبر الوحش على الجحش يا ربي. مش هرد عليكي عشان أنا متربي. بالله ولا شميت ريحة التربية يابن سوسن. طب تيجي أجيبلك بيتزا؟ إيدا إيدا بجد؟ بجد، هو أنا عندي كام زبادي يعني. روح منك لله. طب استني، خدي يا بت. سابتني ودخلت شقتهم وكالعادة قفلت الباب في وشي. روح منك لله يابن سوسون وتتكاد زي ما أنت كايدني كده.

بت يا زينب، مالك داخلة تكلمي نفسك كده ليه؟ قولي للمحروس ابن عمي إن اسمي زينبببببب، مش زبادي. يوه، جاتك نيلة. الواد بيحبك وبيدلعك يا موكوسة. بيحبني إيه يا ماما، ده مجنون. هاار أبوكي أسود! إيه، في إيه؟ إيه اللي أنتِ مهبباه في نفسك ده وإيه القرف اللي أنتِ لابساه ده؟ بصيت لنفسي بتعجب. إيه ماله اللي أنا لابساه؟ روحي امسحي القرف اللي على وشك ده وغيري الدريس ده عشان ضيق. أفندم، وأنت مين بقى عشان تتحكم فيا؟

أنا أبويا عايش يا حبيبي، لسه ماماتش فوق. قسماً بالله قدامك 10 دقايق، لو ما طلعتي عملتي اللي أنا قولته ما في خروج، أنتِ سامعة؟ يااااابن الـ... الابن إيه؟ يابن سوسن. وطبعاً كان لازم أنفذ كلامه عشان أخرج، ما هو مينفعش مش أروح فرح البيست بتاعتي. وكالعادة عامل فيها فرقع لوز ولازقلي بحجة إن الفرح بالليل، ومينفعش أرجع لوحدي متأخر. ولابلابلاب. مين الواد اللي كان بيبص عليكي في الفرح؟ معرفش. إزاي متعرفيش؟

معرفش يا هادي، في إيه؟ أنا رايحة فرح صاحبتي، ولا رايحة أشوف مين هيبصلي. طب غوري وأنتِ زي القمر كده. هااااااااااادي. قلب هادي وعيون هادي. ما تتلم يابني بقى. خلاص هتجوزك ولميني براحتك. بعينك أنت وأمك سوسن. يخربيتك دبش، بس زبادي بالفراولة وإيه. وإيه يا قلب أمك؟ لا، ولا أي حاجة. اتفضلي يا هانم. زبادي، زبادي، قومي يابت بسرعة. أوف، يخربيتك يا هادي الزفت. لبيت أم ده اسم خير يختي، بتصحي خروف. الحق هادي. ماله سي بتاع...

بما إنك عمي وأنا ابن أخوك وجحا أولى بلحم طوره، فأنا يا عمي متطَر ومتنازل إني أطلب إيد اللي ما تتسماش بنتك زبادي، ربة الصون والعفاف. مع إني معرفش ربتهم إمتى، بس ما علينا. والله يا هادي، أنا ما هلاقي أسوأ منك تكون زوج لبنتي. فأنا معنديش اعتراض، أنت للأسف برضو ابن أخويا. بس أنا مش موافقة. زينب، أنتِ بتقولي إيه؟ بقول إن أنا مش موافقة يا بابا. طب عن إذنكوا. استنى يا هادي. متضغطش عليها يا عمي.

هادي خرج وبابا بصلي نظرة لوم وعتاب، بس أنا معرفش عملت كده ليه، بس أنا مش قادرة أتخيل إن هادي ابن عمي اللي عايشة حياتي كلها معاه ومعتبره أخويا، فجأة كده يكون جوزي. لالا، مش متخيلة الوضع. بعد أسبوع سمعت زغاريط في شقة عمي. في إيه يا نانسي؟ إيه الزغاريط اللي تحت دي؟ هادي ابن عمك خطب، والشبكة بعد بكرة. نعم! إيدا إزاي يخطب يعني؟ هو إيه اللي إزاي يخطب، أومال عايزاه يفضل منتظر جنابك طول العمر؟

لا، مقصدش، بس مش عارفة ليه قلبي وجعني مرة واحدة كده. هو بجد هيخطب يعني؟ هيكون في واحدة غيري تهتم بيها؟ يعني معدش هيرخم عليا ولا نسهر أنا وهو طول الليل في البلكونة؟ ولا هيجيبلي البيتزا اللي بحبها؟ يعني خلاص كده مش هيكون موجود في حياتي تاني؟ إيدا، مجرد التخيل في كل ده حسيت فعلاً إن أنا بحب هادي ومش متخيلة حياتي من غيره. طب ليه محاولش تاني؟ محاولش تاني إيه؟

أنتِ بتستعبطي يا زينب. الواد مقضي حياته كلها وهو بيقولك إنه بيحبك. دي العيلة كلها عارفة، حتى عمي عبده البواب عارف إنه بيحبك. دخلت أوضتي وأنا تايهة وبفتكر كل الذكريات اللي كانت بينه وبيني، وفجأة كل ده مش هيكون موجود. حسيت فعلاً قد إيه إني غبية وضيعته من إيدي. جه يوم الشبكة، لبست وجهزنا كلنا ونزلنا عشان نروح بيت العروسة. لمحته وهو لابس البدلة، مقدرتش أسيب دموعي وأنا بقوله: لا يا هادي، بلاش تعمل كده. قرب مني.

بلاش أعمل إيه يا زينب؟ بلاش تخطب. نعم! هو أنا لعبة في إيدك؟ أتقدم ترفضيني وكمان عايزاني أوقف حياتي عليكي؟ بس أنا بحبك. ياااااه، أخيراً يا شيخة. تعبتنا. فجأة لقيت بابا وعمو وماما ونانسي وطنط سوسن كلهم واقفين وأنا واقفة مش فاهمة حاجة. إيه، مستغربة ليه؟ دي كلها كانت خطة عشان أنا عارف ومتأكد إنك بتحبيني ومش هتسبيني لغيري أبداً. يعني انتوا ضحكتوا عليا.

مش تفهميها كده، بس مكنش في طريقة تانية. أنا فعلاً كنت فقدت الأمل منك، بس لما نانسي جت قالتلي إنك عيطتي يوم ما رفضتيني. وقتها اتأكدت فعلاً إنك بتحبيني، وكان لازم أخليكي تعترفي وتجيلي راكعة يا زبادي. وحياة أمك يابن سوسن، ما هسيبك النهارده. هتموت شهيد الحب يا روح أمك. طب يعني يرضيك تموتيني يوم كتب كتابي؟ كتب كتاب مين يا عنيا؟ اتفضل يا سيدنا، اكتب الكتاب بسرعة، أصلها مجنونة وممكن تغير رأيها.

بارك الله لكما وبارك عليكما وجمع بينكما في خير. هااااا، إيه اللي بيحصل؟ معلش أنا مش فاهمة حاجة. أنا هفهم يا زبادي. أنتِ دلوقتي بقيتي حرم الظابط هادي عبد الستار الجوهري. بالله أنتوا عيلة مجنونة. بحبك يا زبادي. وأنا كمان يا هادي. يا دين النبي، اعترفت يا جدعان. اعترفت يا عم. اعترفت يا بابا. اعترف يا عم عبده. اعترفت يا ناس. خلاص بقى يابني فضحتنا. ااااااااااااااه، الحقني. ع الهادي يا زبادي. ع الهادي إيه يابن المجنونة؟

أنا بولد. روح منك لله يا هادي يابن سوسن، أنت السبب. طب معلش، حقك عليا، أنا متربتش. طلقناااااااي. حاضر، لما تولدي هطلقك. آه، ما أنت ما صدقت بقى وعايز تخلص مني. لا يا حبيبتي، أنا مقدرش أستغنى عنك. وأنا مش عايزاك يا اللي معندكش كرامة. طلقني. حاضر يا حبيبتي، هطلقك. روح منك لله يابن سوسن. يا شيخة اتهدي بقى، أنتِ ولا كده عاجبك ولا كده عاجبك. خدها يا دكتور، ياللله.