رواية علا وعز الفصل السادس عشر 16 - بقلم وهج ابراهيم

كانت بالمطبخ بتحضر الأكل، حست بيده بتبعد شعرها ودفن وشه برقبتها وهمسلها: "مساء الجمال." علا بابتسامة: "مساء الخير يا حبيبي." عز بيشدها ليه: "وحشتيني." علا لفت ليه وحاوطت رقبته: "وأنت أكتر." عز بغمزة: "طب ما تيجي." علا بضحكة وتحذير: "عززز، عايزة أخلص اللي بإيدي، وأنت روح اقعد مع عمتووو." عز: "ما عمتك عايزة كده." علا بصت ليه بصدمة، وهو كمل: "عمتك عايزانا نفرحها ببيبي." علا اتكسفت وبصت الأرض. عز قربها ليه وهمس:

"أموت بالفرولة." علا: "بس بقى وسيبني أشوف شغلي." عز: "بس أول ما تخلصي تتحججي بأي حاجة وتحصليني الأوضة." علا: "مش هتتعشى؟ عز بغمزة: "هاتعشى حاجة تانية، ما تتأخريش." قال كده وباسها ومشي. عند دعاء: دعاء: "مش هصحيه أنا يا ماما، أنتي صحيه." أمها: "ليه يا بنتي؟ دعاء: "عشان ابن أختك بيقل أدبه كل أما أروح أصحيه." جاها صوت يزن: "مين اللي بيقل أدبه ده؟ دعاء بخجل: "يزن." يزن: "لا خياله." دعاء بهروب: "طب هروح أنا أجهز الفطار."

يزن: "استني هنا." وشدها ليه وهي اتكسفت من أمها. يزن بجراءة: "بصي يا خالتي، أنا خلاص ما عدتش أستنى الفرح بعد أسبوع." أمها: "بس يا ابني مش هنلحق." يزن: "ماليش دعوة، أنا جبت آخري من بنتك، هي لو تطول تأجلنا سنة كمان هتأجله. قولتي إيه؟ دعاء: "طبعًا لا." بص ليها بابتسامة وقال: "وأنتي مين خد رأيك؟ دعاء بغيظ: "ما تنساش إن ده فرحي كمان." يزن ببرود: "والله أنا قلت اللي فيها، إيه رأيك يا خالتي؟ أم دعاء: "اللي تشوفه يا ابني."

دعاء بضيق: "يا ماما." أمها: "ما هو كده كده هتعملوا الفرح، فرقت بإيه يا بنتي؟ يزن بص ليها بانتصار: "خالتي حبيبتي قلبي." وباس جبينها. عند علا: شدها من دراعها وزقها جوه الشقة بغضب. علا بدموع: "يا عمتو." عز بغضب: "عمتووو عمتوو هتخلصك من بين إيديا يعني؟ علا بخوف: "والله يا عز، والله استأذنت عمتو قبل ما أنزل." عز بغضب: "وأنا إيه؟ أنا إيه هنا؟ مش جوزك؟ ولسه هيقرب منها، هربت منه وجريت تدور على عمتها وهو لحقها.

جريت ورى عمتها بخوف. علا: "عمتووو، بصي ابنك عاوز يضربني." عمتها بانفعال: "في إيه يا عز مالك؟ عايز إيه من مراتك؟ عز بغضب: "الست هانم نازلة من غير ما أعرف، لو ما كنت جيت صدفة وشفتها بتتصرمح من صاحبتها كنت فضلت على عماي. بتستغفلني يا ماما." وبص لعلا وقال بغضب: "تعالي هناا." علا بخوف: "والله قلت لعمتي والله." أم عز: "يا ابني هي اتصلت بيك كتير وأنت مش بترد." عز بغضب: "بتترزع لحد ما جاوب. وإلا لا هي تعمل اللي بدماغها."

أم عز: "بس هي استأذنتني." عز: "يا ماما أنتي بتعصيها عليا؟ أم عز بغضب: "عز إيه أعصيها عليك دي؟ عز مسح وشه بضيق وقال: "طيب طيب تعالي هنا مش هعملك حاجة." علا بخوف: "لا يا عمتو قوليله. خلاص والله آخر مرة." عززز: "علاااااا تعالي هنا." أم عز بغضب: "والله يا عز لو كلمتها أو زعلتها مش هكلمك تاني." عز: "يا ماما." أم عز: "وأديني حلفت، وأنا هروح أوضتي أصلي، أرجع ألاقيكم متصالحين، لا أقسم بالله مش هتبقى ابني ولا أعرفك. تزعل علا؟

علا دي بنتي." علا دموعها بتجري وهو مسح وشه بغيظ وأمه راحت أوضتها.