رواية عمياء قلبي الفصل السابع عشر 17 - بقلم ميرا ابوالخير

قصي دخل لاقها منهارة في العياط. قرب بغضب جحيمي: حامل إزاي؟ من مين؟ ردي عليا! عشان كده مش عايزاني أقربلك؟ ردي! سيلا بدموع: غصب عني، هو اللي... قصي طلع مسدسه: خاينة! هقتلك لازم تموتي! سيلا بصويت: لأ يا قصي لأ! بيضرب بالنار و... سيلا بتقوم مفزوعة: لأأأأأأ! قصي بلهفة شدها لحضنه: بسس، اهدي. مالك في إيه؟ سيلا بتترعش: أنت قتلتني يا قصي! أنا والله مش حامل. قصي باستغراب: قتلتك إزاي؟ مش فاهم.

سيلا بتحسس بتعرف إنها كانت على السرير وبتحلم. حضنت قصي تاني: إيه اللي حصل؟ قصي بهدوء: ولا حاجة. اغمي عليكي من قلة الأكل، والدادة نادت عليا وجت، وفضلت سهران معاكي. سيلا مسكت فيه جامد: متسبنيش يا قصي. قصي بهدوء حسس على دماغها: مش هسيبك يا قلب قصي. المهم قومي يلا عشان ننزل نفطر. سيلا: طيب. قام وباس دماغها بحنان. ابتسمت. بعد شوية كانت سوزي على آخرها إنه مش بيقرب منها ومع سيلا. سوزي بغيظ: قصي يا حبيبي، مش هنروح الشركة؟

قصي: تمام. سيلا بغيرة: ها... قصي مقاطعاً: لأ يا سيلا، كفاية اللي حصل. سيلا باقتضاب: طيب. سوزي ابتسمت بتوعد: صبرك عليا بس. عند حازم. أم حازم: أصله مش هيسيب بنات الناس ويروح لبنات الليل، وكانت في حضن الرجالة قبل كده. هو اللي قالنا كل ده. نهال بذهول وصدمة: مستحيل حازم يعمل كده. أم حازم بخبث: لأ عمل. أنا حبيت أوعيكي مش أكتر. نستأذن إحنا بقى. جنة: يلا يا طنط. قاموا خرجوا ونهال دموعها نزلت. بعد شوية حازم بيجي:

نهال، أنا جيت يا حبيبي. نهال بجمود: أنت قلت لأهلك إيه عني؟ حازم بهدوء: إنك بنت... نهال مقاطعة: ليل؟ مش كده؟ بنت ليل و"بتاعت رجالة" صح؟ حازم بعدم فهم: إنتي بتقولي إيه؟ مستحيل أقول كده. نهال بهدوء: حازم، أمك قالت... قصت ما حدث. حازم بعصبية: بقى هي كده؟ تمام، أنا هتصرف. نهال بحزن: تمام، أنا هنام عشان تعبانة. قرب وباس إيديها: أنا مقدرش أجرحك، صدقيني. نهال بهدوء:

وأنا واثقة فيك، عشان كده قلتلك. لولا كده كان زماني سبت الـ... حازم حط إيده على شفايفها: متكملهاش يا نهال، أنا بحبك. نهال بابتسامة: وأنا يا قلب نهال. شدها لحضنه وهو بيفكر في حاجة. في الجامعة. البنت بصويت: الحقوووووووني! بيتحرش بيا! الدكتور بيتحرش بيا! افتحووووولي! طه مصدوم. العميد جاه والطلاب والباب اتكسر. البنت بتمثيل:

كان ديما بيقرب مني بطريقة وحشة. ولو قلت مكانش حد صدقني، عشان كده طلبت من الآنسة رهف تصور اللي بيحصل. رهف جت بابتسامة: حصل، وأنا صورت كل اللي حصل. طه فهم إنها خطة منها: محصلش، د... طلعت الفون وورّتهم اللي حصل، ما عدا مشهد إنها هي اللي قطعت هدومها. العميد لطه: أنت مطرود ومحول للتحقيق. طه بص بغضب لرهف وهي ابتسمت بقوة وهمست له: كده نتفقنا؟ خدت حقي تالت ومتلت منك. طه بنفس الهمس: وأنا هوريكي هعمل فيكي إيه. رهف ببرود:

هههع، شوف نفسك الأول. طه راح مع المعيد وكله غضب... في الشركة. ضرب بإيده المكتب. الكل خاف: يعني إيه الأوراق اختفتتت؟ السكرتيرة: يا باشا، لاقنها مسروقة. قصي بغضب: وحياة أمكم، كنتوا فين؟ نايمين على ودانكم؟ السكرتيرة: الأمن بيراجع الكاميرات وهنعرف مين عمل كده. قصي قعد وبص للموظفين ببرود مخيف: طبعاً مش محتاج أقول إنه لو فيه خاين بينكم هيحصله إيه. الموظفين بخوف: عارفين. قصي ببرود: كل واحد على شغله. خرجوا وتنهدوا بخوف منه.

قصي بيجيله اتصال. قصي بغضب: إيهههه؟ هرب إزاي؟ الضابط: كان فيه هجوم على السجن امبارح وقدر يهرب. قصي بغضب قفل في وش الضابط: يبقى بنت الكلب ده اللي عملها عشان الصفقة. حدف فونه كسره بغضب... عند سيلا. سيلا كانت بتسمع أغاني، لاقت اللي شدت الهاند وقعدت قدامها. سيلا بغضب: مينننن؟ سوزي بخبث: أنا يا عامية. سيلا بغيظ: عايزة إيه يا سلعوة إنتي؟ سوزي ببرود: قلت أجي أطمن على ضرتي، وآكل مانجا أصلي نفسي فيها أوي. يمكن حامل ولا حاجة.

سيلا بضحك ساخر: حامل؟ من يومين؟ هههه. أه صح، مانتي "بتاعت رجالة" وبتخطفيهم، مش بعيدة عليكي يا سلعوة. عن إذنك. سوزي بغضب مسكتها من دراعها: كنتي بتقولي إيههه يا حيوانة إنتي؟ سيلا شدت إيديها: بقول حقيقتك القذرة. سوزي بغضب رفعت إيديها ولسه هتضرب سيلا بالكف، إيد مسكتها... عند نهال كانت بتكلم رهف فون. رهف: هقفل معاكي دلوقتي. أطلع السطح أجيب نعناع يظبط الدماغ. نهال بابتسامة: ماشي يا روحي.

قفلت معاها وقفلت باب الشقة وطلعت. لاقت اللي قاعد وبيشرب قهوة. رهف في نفسها: دا نفسه اللي قابلته، كان اسمه إيه؟ أيوا، مصطفى. مصطفى كان سرحان وقاعد على السور وبيكتب رواية. رهف حمحمت. لف ليها: هو إنتي. رهف بابتسامة: مش خايف تقع؟ مصطفى بابتسامة: لأ، مبخافش. بحب أقعد أكتب وأنا كده. رهف راحت عنده: تكتب إيه بقا؟ وريني. مصطفى: بكتب رواية رعب، بحب النوع ده أوي. رهف بانبهار: بجد؟ وأنا كمان أوي. احكيلي واحدة.

مصطفى بدأ يحكي ليها رواية، وهي كانت مستمتعة لحد ما خلص. رهف بتصفيق: لأ، جميل أوي أوي. مصطفى: عارف عارف 😌. رهف ابتسمت وفضلوا يتكلموا شوية وسرقهم الوقت. رهف بضحك: أشطا يا برنس، كده أصحاب. مصطفى بمرح: أينعم. رهف بصت للساعة: يالهوووي! كل دا؟ عن إذنك بقا يا حج، هنزل عندي مذاكرة أد كده. مصطفى: ماشي يا جميل. رهف ابتسمت وهو ابتسم ونزلت. رهف داخلت الشقة ولسه هتقفل الباب، لاقت رجل منعتها: مش بسهولة كده يا حلوة. رهف بصدمة: ا...

أنت. : جايبلك معايا مفاجأة. هتعبك، إزازة مياه نا*ر تشو*ه وشك على اللي عملتيه معايا. رهف بلعت ريقها بخوف و... عند أم حازم. جنى بغيظ: هنعـمل إيه يا طنط؟ أنا بحب حازم أوي. أم حازم: صبرك عليا، هعلمهالك الأدب. جنى بعدم فهم: إزاي؟ : هقولك أنا إزاي. بصوا لمصدر الصوت بصدمة: حازم. عند سيلا. سوزي بتشد إيديها من إيد قصي بخوف: ق... قصي. قصي ببرود: أنا حذرتك كام مرة، أيلا سيلا. سوزي بتوتر: هي اللي هزقتني الأول. قصي لسيلا:

اطلعي فوق دلوقتي. سوزي بخبث: وأنت هتيجي معايا صح؟ قصي ببرود: تؤ، مش فاضي لك. طلع ورا سيلا وسوزي على آخرها. سيلا راحت قدم المرايا وقصي بيفك الجاكيت. بص لاقها هتسرح. ابتسم، راح ومسك المشط ومسك إيديها بهدوء: تعالي. سيلا ابتسمت وهو قاعدها على رجليه وبدأ يسرح شعرها وهي ابتسمت. بتدخل بغضب الأوضة. سوزي بغضب: بقـا مش فاضي دلوقتي؟ حتى مش فاضي تشوف ابنكككك؟ سيلا بصدمة: ابنه؟ قصي بغضب: سووووزي! سوزي بغضب:

أه ابنه. عايش، ممتش. ابن قصي وابني عايش واسمه مراد كمان. سيلا بصدمة: .........