رواية عميلة سرية الفصل العاشر 10 - بقلم جنات بدر

بلعت ريقها بخوف وبعدين قالت: مين ياترى ده؟ ده يستحق القتل. سراج بنفس النظرة الحادة: فعلاً، هو هيخد عقاب يستحقه عشان يبطل يلعب مع سراج الديب. سليم: انطق وقول مين، بلاش جو الأفلام ده. سراج: تمام، اللي بيتجسس عليا هي الانسة المحترمة. أسيا بصت بخوف. سراج كمل كلامه: هي سوزان. الكل اتصدم. سليم: إيه؟ سراج بص على أسيا وقال: مالك وشك اصفر ومخطوف ليه؟ أسيا بلعت ريقها بتوتر وقالت: لا مفيش، بس ممكن أعرف عرفت إزاي إنها سوزان؟

سراج ابتسم: ده شي بعيد عن شغلك. سليم: بس إحنا لازم نفهم. سراج: مفيش. أنا شكيت فيها وبعدين بعت حد يراقبها، وفعلاً طلعت بتتعاون مع المرحوم خالد وكانت بتوصل له كل تحركاتي. ميدو: هتعمل إيه دلوقتي معاها؟ سراج: هعمل إيه؟ لسه مقررتش. سليم: طيب، استأذن أنا عندي عمل. ميدو: وأنا كمان رايح الشركة. ماندو خدني معاك. وقفوا أسيا وسراج. وبعدين قالت أسيا: أنا هجبلك الغدا عشان تاخد العلاج. جابت أسيا الأكل لسراج. سراج:

اقعدي كلي، مانا مش هاكل لوحدي. أسيا قعدت تاكل. أسيا قالت بحزن: ليه؟ سراج بدون ما يبص عليها: ليه إيه؟ أسيا: ليه الشغل ده؟ ده مش لايق عليك. سراج عقد بين حواجبه وقال بتريقة: ضيق ولا واسع؟ أسيا اتنهدت وقالت: أنا بكلمك بجد. أنا قاعدة معاكم بقالي فترة كويسة واللي شفته فيك إن الشغل ده مش ليك. سراج بدون ما يبص عليها: وشفتي إيه كمان يا حضرت المحللة؟ أسيا قامت بزعل: أنت واحد مستفز. أنا بكلمك بجد. وراحت ماشية.

سراج مسك إيدها وقال: أنتي اخترتي الوضع اللي انتي فيه. أنتي اخترتي الشغل في النايت كلوب واختارتي إن الشباب السكرانة تضايقك. اخترتي تعيشي كده. أسيا بصت عليه وشافت نظرة الحزن في عيونه وشافت أسرار كتير. وبعدين قالت بحزن: كان لازم أعمل كده عشان نعيش ونكمل. الدنيا بقت غابة، القوي بياكل الضعيف ومحدش بينجد حد. كلها بقى مصالح. كان لازم أشتغل في النايت كلوب عشان أمي كانت محتاجة لعلاج. سراج قال:

طيب، بعد عميلة سرية، متسألنيش إن الشغل مش شبهي عشان انتي كمان الديسكو مش شبهك وانتي كنتي محتاجة لشغل. وبعدين اتنهد بحزن وقال: أسيا، إحنا مش بنختار. ساعات لازم نكون مغصوبين نعمل كده. وبعدين ابتسم بحزن وماشي. أسيا جريت وراه: طيب، أنت رايح فين؟ سراج: هقعد في الحديقة مخنوق شوية وهقعد لوحدي، مش عايز إزعاج. أسيا: يعني كده بتطردني؟ سراج ابتسم وقال: أيوه. أسيا: بكرة هتجري ورايا عشان أكلمك وأنا هرفض... في المستشفى.

دخلت الممرضة: دكتور سليم، المدربة الجديدة برا. سليم اتنهد بتعب وقال: خليها تدخل. الممرضة: حاضر يا دكتور. دخلت المتدربة. المتدربة: السلام عليكم. سليم: وعليكم السلام. حضرتك اسمك إيه؟ المتدربة: اسمي سدرا. سليم رفع وشه ليه وبعدين قال: طيب، الحنية والرقة دي كلها إيه يرميها على الجراحة؟ سيدرا بغضب: ...