رواية عناق سام الفصل الثالث عشر 13 - بقلم فاطمة ابراهيم

أحنا متجوزين من زمان من قبل ما نيجي هنا. ازاي عرف إني ملمستكيش يا سندرا؟ بلعت ريقها بصعوبة. وأنا هعرف منين يعني؟ شدها ناحيته ومسك وشها بإيده.

خلي عينيكي اللي بتهرب منه في عينيه. أنا ظابط شرطة يا سندرا. اتعلمت كتير وعملت تحقيقات مع أخطر ناس ممكن تتخيليها. كنت بطلعها منهم المعلومات بطرق متتخيليهاش. والنظرة اللي شايفها في عينيكي دي نظرة واحدة مخبية حاجة. وأنا خايف عليكي من نفسي. لأن لو اكتشفت الحاجة دي بعدين، يا عالم هيبقى تصرفي إيه معاكي ولا ردة فعلي هتبقى إيه. مشي ناحية الباب. فراغت عيونها بالدموع. سام استنى. حطت إيديها على بؤقها وهي بتشهق وبتعيط بقوة.

فلتفت لها بنظرة شك. قرب منها. سندرا أنتي... رفعت رأسها وهي بتبعد عنه وصوت عياطها بيعلى.

أيوا يا سليم. أنا خاينة اللي وسطكم. أنا أعرفهم بس والله مش زي ما أنت فاهم. أنا آه أعرف سمير وعز العربي اللي عاوزين يقتلوك. أنا اللي اتفقت معاهم عشان أنقلهم كل أسرار شغلك وأعرف عنك معلومات هما عاوزينها. بس والله أنا معملتش حاجة من اللي طلبوها مني. ولا كنت أعرف إنهم هيجيبونا هنا. ولا كنت أعرف إنهم عاوزين يقتلوك. صدقني يا سليم والله أنا بحبك وعملت كل ده عشان... قاطعها سام بـ... على وشها.

وقعها في الأرض وهي بتصرخ من قوته وصوت عياطها زاد. مشيت على ركبتها ناحيته وهي بتترجاه بخوف. والله أنا مكنتش هأذيك. أنا عملت دا بس عشان أبقى قريبة منك وتح... مسكها من شعرها وقومها. بنظرة مشاعر متلخبطة عيونه دمعت غصب عنه ووشه أحمر من كتر صدمته.

انتي عملتي اللي محدش قدر يعملوا معايا طول السنين اللي فاتت دي كلها. بس عارفة انتي فعلاً تستحقي المكافأة. برافو عليكي. لأنك في اللحظة دي نفذتي المطلوب منك وقدرتي تقت ليني بحاجة أقوى من ألف رصاصة يا سندرا. بس اللي متعرفيهوش انتي ولا هما إن شبحي عمره ما هيسيبكم غير بعد ما كل واحد فيكم يدفع الثمن اللي يستحقه ويبرد النار اللي ولعتوها جوايا. شهقت بعياط وهي ماسكة إيده اللي في شعرها.

أبوس إيدك سامحني. والله كان غصب عني. أنا لما شوفتهم تحت بيتك بيراقبوك. قربت منهم وسمعتهم وعرفت إنهم عاوزين يغتالوك. خوفت وجريت عشان أجي وأقولك. بس هما شافوني وخدوني معاهم. هددوني يا أما أساعدهم وأبقى معاهم. يا أما يقت لونى ويقتلوك. زقها في الأرض فوقعت التربيزة بالكوباية اللي عليها فتكسرت. رفعت سندرا إيديها بوجع لقت قطعة قزاز في معصم إيديها وبتنزف دم بشكل كبير وهي بترشف بعياط. في الوقت دا الباب كان بيخبط بشكل متتالي.

ساام افتح الباب. إيه الصوت ده؟ أنتم كويسين! بصتله سندرا بعياط ووشها كله متبهدل وعيونها كأنها بتترجاه بس يديه فرصة يفهمه. الباب اتفتح في الوقت دا ودخل جين والشيخ نعمان. مسك جين سام وبصله بستغراب. إيه ده يا سام؟ إيه صوت الكسر ده والزعيق اللي كان طالع من أوضتكم ده!!!؟ سام كان باصص في الأرض وساكت. قرب الشيخ نعمان من سندرا. قومها وهو بيشوف إيديها. وه دا انتي إيدك بتنزف يا بنيتي؟ إيه اللي حصل؟ شيطان ودخل بيناتكم.

جين وهو بيحرك سام بقلق. سام رد عليااا. مالك!!!؟ شال سام إيد جين وخرج. فمسكه جين بستغراب. رايح فين؟!! بهدوء غريب. أوعى يا جين. سيبني. لأ طبعاً مش هسيبك. فهم... قاطعه سام بـ... في وشه. بعده عنه وخرج بسرعة. حطت سندرا إيديها على بؤقها وصوت عياطها زاد. ساااام لاااا. متسبنيش أرجوك اسمعني. أهدي يا بنتي وفهمينا إيه اللي حصل. وأنت يابني روح وراه. رجعله بسرعة. الجو برا مش أمان. خرج جين بسرعة وراه.

ولسه بيلتفت الشيخ نعمان ل سندرا لقاها بتتشنج بطريقة غريبة وعيونها بدأت تقفل وهي بتمتم بكلام مش مفهوم لحد ما غابت عن الوعي. وه مالك يا بنيتي؟ فتحي عيونك. ي بنااات ي خديجة ي رحمة حد ينجدنا يا عااالم. دخلت زينة وهي ماسكة بطنها بوجع وبتفرك في عينيها. ف أيي... سندراا!!!!! جريت عليها بخوف ونزلت ع ركبتها وهي بتخبط ع وشها. سندرااا ردي عليا. هو حصل إيه يا شيخ نعمان؟ مالها! دخلت رحمة وخديجة بسرعة وراها ع صوت أبوهم.

هي مالها ي بابا؟ حصلها إيه!!؟ هاتوا ميه ي بنات بسرعة وشوية بن أكتم بيهم الجرح ده. خرج سام بسرعة ومشي في الغابة كأنه مغيب عن الوعي. فضل ماشي وهو بيفتكر أول لقاء بينهم. بيفتكر شكلها وهي بتبسم في وشه وكل لحظة كان بيقرب منها فيها وهي مخبية وراها أبشع وش مكنش يتخيله. بيفتكر كل مرة قالتله فيها بحبك وكان فرحان من جواه ومصدقها. قبض إيده بقوة وهو بيفتكر طفولته ومعاملة خاله ليه وكلام الناس إن أمه خاينة وإن أبوه طلقها بسبب كدا.

تحررت دمعة من وسط سيل دموع متراكم في جفونه الحمرة. وبكل قوته صرخ بقوة. لااااااااااااا. هبت نسمة هوا عنيفة وورق الشجر الناشف بيقع حوليه كأن الأشجار بتشاركه كل مشاعره. ولسه هيقع في الأرض كان جين وصل وسنده بسرعة وبصدمة من حالته. سليم إيه! نزل سام ع الأرض ع ركبته وكأنه بيعلن للعالم كله هزيمته. وأنها المرة الوحيدة اللي يعترف فيها بجد باللي حاسس بيه وميكابرش ع وجعه. نزل جين جمبه وهو بيهزه جامد وبخضة.

سليييم رد عليااااا. فيك إيه ي صاحبي. كانوا قدام البحر في الوقت دا. وفجأة طلع قدامهم اتنين ماسكين خشب زي العكاز بس اتخن وأقوى. شو.مة. والله ووقعتم ومحدش سم عليكم. جين وهو بيشد سام معاه. سام قوم معايا بسرعة. اتحرك. قرب منه واحد وهو بيرفع عليه الخشبة دي. فمسكها جين بإيده وزقه لبعيد. وبدأوا يضربوا في بعض. قرب التاني من سام اللي كان بيبصله بستسلام تام لدرجة خوفت الشخص دا كأنه عامل فخ. فخاف يقرب منه لثواني.

جين وهو بيبصله وبيزعق. سااام قوووم. فضرب الشخص دا سام بقوة ع جسمه بالخشبة فتشنج سام بألم بس متحركش. ضربه تاني وتالت بدون أي مقاومة من سام. إلا وقع في الأرض ووشه بينزف. وببطء قفل عيونه معلنا ترحيبه للم.وت. لحد ما خبط جين الشخص اللي كان معاه بسرعة وهو بيبص ع سام بخوف. وجري ع الشخص اللي بيضرب في سام وضربه في رجله وقعه في الأرض ومسك منه الخشبة. فضل يضرب فيه بقوة ع دماغه لحد ما أغمي عليه في الحال.

جه صالح وهو بيجري من بعيد وبصدمة. إيه اللي حصل؟ أنا جيت أرمح أول ما بلغني الشيخ نعمان من قلقي عليكم. جين بتأثر وهو بيقطع في التيشيرت بتاعه وبيربط بيه جروح سام اللي بتنزف وبصوت مرتجف. ش شيل معايا ي صالح. عنك أنت ي ولد عمي. شاله صالح ومشيوا بسرعة ع بيت الشيخ نعمان. وجين مش مصدق اللي بيحصل. دي أول مرة يشوف فيها صاحبه في الحالة دي. وأول مرة يعرف برضه إنه ضعيف أوي كدا قصاد ضعفه كمان. كأنه هو اللي بيستمد قوته منه.

في بيت الشيخ نعمان. دخل صالح وهو شايل سام مغمي عليه وبينزف كتيرر من أماكن متفرقة في جسمه. فتحت الباب زينة اللي أول ما شافتهم شهقت بصدمة. ي لهوووي سام ماله ي جين؟ حصل اييه؟ اتكلم!! مردش عليها. سابها ودخله هو وصالح ع أوضته. نيمه ع السرير. وجه الشيخ نعمان بقلق. لا حول ولا قوة إلا بالله. إيه اللي حصلك ي ولدي أنت كمان؟ عين مين اللي أندست في حياتكم دي؟ الله أكبر. جين بخوف. شيخ نعمان لو سمحت عاوزين دكتور بسرعة.

متقلقش ي ولدي. أنا كنت تمرجي من زمن فات. والشافي هو الله. نده الشيخ نعمان ع بناته فطلعوا بالنقابات وفي إيديهم أدوات الاسعافات وميه سخنة وقطعة قماش نضيفة. بدأ ينضف جروحه ويطهر كل جرح والتاني. وهو بيقرأ عليه بعد آيات القرآن وبيرقيه. خلص وضممله كل جروحه. فقال جين بحزن. هيفوق أمتي؟ سيبه دلوقتي ي ولدي ينام ويرتاح. وبكرا هيبقي زين. بص جين حوليه ملقاش سندرا. فقال بغضب. هي فين؟! أهدي ي ولدي مش أكده. ردوا عليا هي فين!!!؟

لازم تجاوبني وتقولي عملت إيه في سام علشان توصله للحالة دي؟ أنا عمري ما شفته مكسور بالشكل ده. الله أعلم ي ولدي باللي دار بيناتهم. بس اللي أعرفه إن اللي بين الراجل ومراته كيف القبر تمام ميطلعش حاجة براه. بص جين ل زينة وبغضب كامن. هي فين ي زينة كمان؟ مهنش عليها تيجي تشوفه بعد اللي حصلها بسببه! رد عليه الشيخ نعمان بهدوء.

البنية راقدة هي التانية في السرير بعد ما اتقطع وريد إيديها من القزاز اللي كان في الأرض. خيطت ليها الجرح والحمد لله أنه مكنش واعر. ولحد دلوقتي مفقتش هي كمان. هنقعد أحنا أكده نفضل نظن ونتهم فيهم بالباطل واحنا منعرفش حاجة؟ ولا ندعي ربنا يشفيهم التنين ويخرج الشيطان اللي دخل بيناتهم؟ أدخل ي ولدي مع مراتك. ربنا يكفيك شر نفسك وبكرا ربك يعمل اللي فيه الخير. لأ أنا هبات مع سام النهاردة. عن إذنكم. زينة بحزن ع حالته.

جين بس استنى أس... دخل جين أوضة سام وقفل الباب بدفعه. بتنهيدة. متزعليش ي بنيتي. سيبيه معاه الليلة دي. يظهر بيحبه كيف أخوه تمام. ومفيش حاجة تغم الواحد قد كسرت خيه قدامه. خشي انتي أوضتك وافضلي جار سندرا يمكن تفوق وتحتاج شئ. ولو احتاجتوني أندهي عليا بس هكون عندكوا طوالي. متشكرة أوي يا شيخ نعمان. بجد مش عارفة أقولك إيه. ومعلشي من أسلوب جين. أنا بجد أول مرة أشوفه في الحالة دي.

ولا يهمك ي بنيتي. الأيام بتنسي والجروح بتلم. بس جروح القلب هي اللي مش بالساهل تلم وتشفي. ربنا يكفيكم شرها ويهدي سركم. يالا بالإذن. دخلت زينة الأوضة عند سندرا. لقتها لسه نايمة. قعدت جمبها ع السرير ومسكت إيديها بحزن. ألف سلامة عليكي ي حببتي. أنا بجد مش قادرة أصدق إن دا كله يحصل بينكم. معقولة سام اللي شوفت اللهفة في عينيه وقت ما وقعتي في السفينة وكان هيتجنن عليكي. هو نفس الشخص اللي يوصلك للحالة اللي انتي فيها دي؟!

دا أول ما شاف حقنة المخدر ع الأرض وقتها كان عاوز يخرج ويخلص عليهم كلهم علشان خاطرك. لولا إننا أقنعناه يهدي وعملنا خطة إنهم يفرغوا كل أسلحتهم وينزلوا ع الجزيرة قبل المعاد اللي متفقين عليه بساعة علشان يبوظولهم أي ترتيب عاملينه ويقلبوا عليهم لعبتهم وياخدلك حقك منهم. بس اللي حص... قاطع شرودها صوت خبط الباب. فقالت بحزن. ادخل.

فتحت رحمة ودخلت هي وخديجة وقفلوا الباب. بس مكنوش بالنقابات. كانوا بهدوم البيت بناطيل واسعة ومن فوق زي جلباب واسع أوي وبشعرهم. كانوا بشكلهم الطبيعي. أطفال. الإبتسامة منهم تبهج المكان. بصتلهم زينة بحزن. فقالت خديجة. ممكن متزعليش مننا. إحنا كويسين والله مش وحشين. نزلت دموع زينة من برائتهم. فكملت رحمة.

إحنا جسمنا صغير علشان لسه صغيرين زي ما بابا قالنا. وبكرا نكبر وجسمنا هيكبر معانا. إحنا مبناخدش دوا زي اللي البنات بياخدوه في الجزيرة. علشان بابا قال إنه غلط وحرام. بس كان لازم نتجوز ونحمل زي البنات. علشان كانوا هيعملوا كدا فينا غصب عننا. عيطت زينة أكتر وهي مش قادرة تصدق اللي بتسمعه. إزاي أطفال زيكم تنت.هك طفولتهم بالشكل دا؟ دول مجر.مين.

بصت رحمة وخديجة لبعض. وبعدها رفعوا هما الاتنين الجلباب عن بطنهم. إلا أول ما شافته زينة حطت إيديها ع بؤقها وشهقت بخوف. في مجلس جابر. عز بعصبية. هه يعني إيه تلات رجالة من عندك اختفوا يا جابر؟ أنا جاي أتفق مع حرامي غسيل ولا زعيم قراصنة البحر المالح كله! جابر بضيق. هيجيبهم. ولو بين السمك في البحر هجيبهم. وهخليهم يركعوا تحت رجلي طالبين بس رصاصة ترحمهم من العذاب اللي هيشوفوه ع إيدي. ضحك عز بسخرية.

تبقي منعرفهمش يا جابر. دول مش خوجات جايين يقضوا يومين ع مركب ولا عيال شما.مة طرية تقدر تسيطر عليهم. أنت اللي مخليك لحد دلوقتي واقف محلك سر هو إنك متعرفش قيمة وقوة خصمك. العيال دي ظباط قوات خاصة. شغلهم كله مبني ع عقلهم قبل دراعاتهم. مش زيك. علشان كدا دايما سابقينك بخطوة. بغضب. قصدك إيه يعني إني مبفهمش ولا إيه! ببرود.

أيوا ما بتفهمش. لما عيلين وبنتين يدوقوكم وهما في مكانك ومحاصرين في جزيرتك. ولحد دلوقتي مش عارف تجيبهم. يبقي مبتفهمش. ورجالتك دي مفيش أهيف منهم. كأنك عامل لنفسك هيبة وتمثال كبير بس من قش. شوية هوا هيعروك وتبان ملطشة للكل. علشان كدا مش هضيع فلوسي في الأرض. تجيب العيال دي. تاخد اتنين مليون. غير كده صدقني هدفعك تمن تضييع وقتي ده. وهخليك مسخ.رة قدام شوية العراجيز بتوعك دول. قام جابر وبعصبية.

لأااا. مش الريس جابر اللي يتقاله كدا. أنت عديت حدود معايا و....