رواية عندما التقينا الفصل الخامس والثلاثون 35 - بقلم هدير أحمد

مراد: نور، نور، ركزي معايا، انتي كويسة صح؟ سليم راح ناحية كارم اللي واقف متنح ومصدوم، وخد منه المسدس. بس في حد من الحراس حط السلاح على دماغ سليم. أمجد: نزل سلاحك يا شاطر. نزل الحارس سلاحه. مراد: ليه عملتي كده يا نور؟ ليه؟ نور بألم وصعوبة: عشان بحبك. ثم فقدت وعيها. أطلق مراد صرخة عالية، صرخة أرعبت كل من في القصر. بينما كان كارم يبكي في صمت. سليم: مراد، نور لسه عايشة، يلا بسرعة على المستشفى. خرج الجميع من القصر.

تبعهم مراد وسليم ونور. كارم ركب عربيته وساق زي المجنون ورا عربية مراد. أمجد خد كارولين وطلعوا ورا عربية مراد. في المستشفى. مراد بصراخ: دكتووووور! خرج ممرضي الاستقبال وخدوا نور من مراد ودخلوا بيها على غرفة العمليات. جلس مراد على الأرض يبكي. نظر لثيابه الملطخة بالدماء، ثم نظر لكارم. هجم عليه كوحش كاسر. أخذ يضربه بقوة دون أدنى مقاومة من كارم. فضل يوجه له اللكمات، لكمة ورا الثانية، لحد ما فقد وعيه. بس مراد ما وقفش برضه.

أمجد وسليم مش قادرين يشيلوه من على كارم. فجه أطباء يساعدوهم وخدوا كارم على غرفة. خرجت ممرضة بتجري من غرفة نور. ومراد بيكلمها، مردتش، وجريت. رجعت ولاحظوا إنها راجعة بكيس دم ومعاها دكتور تاني. دخلوا غرفة العمليات من غير ما يردوا على مراد. بعد مرور ساعتين داخل غرفة العمليات. خرج الدكتور. مراد: طمني يا دكتور، نور عاملة إيه؟ الدكتور: هي كويسة، بس للأسف مش هتقدر تمشي تاني. الجميع في حالة صدمة. الجميع في حالة حزن عارمة.

الكل منصدم ومتنح ومش مستوعبين أصلاً كلام الدكتور. اتنقلت نور لغرفة عادية بعد ما حالتها استقرت. بدأت نور تفتح عينيها ببطء شديد، ثم بدأت الرؤية تتضح لها. نور: أنا فين؟ مراد: إحنا في المستشفى، قوليلي في أي حاجة وجعاكي، حاسة بحاجة؟ نور: لا خالص. ثم حاولت إنها تقوم وتتعدل، بس اتألمت. مراد: متحركيش يا نور، جرحك لسه جديد، ممنوع الحركة. نور: كنت عايزة أقوم أدخل الحمام بس. مراد ساكت مش قادر يتكلم وبيقاوم الدموع علشان متنزلش.

نور: ممكن تسنديني يا كارولين؟ بكت كارولين على حالة نور، وبكى معاها جميع من الغرفة. نور بقلق: في إيه، مالكوا بتعيطوا ليه، مانا كويسة أهو الحمد لله. انفجر مراد من البكاء.