رواية عندما يعشق الجاسر الفصل الرابع عشر 14 - بقلم ريم محمد

جاسر: مليكة أنا نازل أروح الاجتماع وهتغدي بره ومش فاضي وهرجع بليل متأخر فاطلبي أكل على الأوضة. مليكة: ماشي يا جاسر هبقى أكلم مايا شوية تيجي تقعد معايا. جاسر: اعملي اللي أنتي عايزاه أنا ماشي. مليكة: ماشي مع السلامة. جاسر: هاي يا جاك. جاك: هاي مستر جاسر كيف أخبارك. جاسر: أنا كويس بس يلا نبدأ الاجتماع لأن ورايا حاجات كثير. جاك: أكيد ممكن نبدأ حالا. جاسر: تمام. بعد ساعتين.

جاك: كده اتفقنا في بكرة مراجعة نهائية وبعده توقيع العقد. جاسر: تمام وفي حفلة أنا هعملها هنا في باريس بعد توقيع العقد بمناسبة التوقيع. جاك: أكيد مسيو جاسر. محمد: خلاص مستر جاك اتفقنا بس هو حضرتك من هنا ولا لأ. جاك: لأ أنا لبناني ومسلم كمان اسمي مش جاك دا لقب أنا خدته وأنا هنا اسمي جمال. محمد: أتشرفنا بحضرتك عن إذنك. جاك: اتفضل. محمد: جاسر الساعة بقت سبعة مش هتروح.

جاسر: لأ ورايا حاجة كارمن جت النهاردة وهروح أحبها من المطار. محمد: يا بني هنا حتى ومراتك معاك عيب يا جاسر. جاسر: أعمل إيه هي قالت لي جاية ولو قلت حاجة هتقعد تدوش دماغي وتقول أنت بتحب مليكة وبتضحك عليّا وإني مبحبهاش وأنا مش ناقص. محمد: جاسر برضو راعي شعور مراتك فاهم حاول متجرحهاش. جاسر: هي فاهمة علاقتنا وأنا في كل الأحوال هتجوز كارمن لأني بحب كارمن. في المطار. جاسر: كارمن.

كارمن: حبيبي عامل إيه وحشتني أوي حاسة كأني بقالي كثير مش شفتكش يا روحي. وراحت باسته وحضنته. جاسر: كارمن أنتي عارفة أنا مبحبش الأسلوب ده أنا مش بحب المس أي ست غير لما تكون حلالي. كارمن: جاسر الحاجات دي بقت قديمة أوي مينفعش كده يا حبيبي خليك أوبن مايند شوية. جاسر: الحاجات القديمة دي مبدأ عندي أنا مبغيرش مبدأي أبدا وأنتي المفروض تكوني أدرى حد بكده.

كارمن: خلاص يا جاسر مكنتش بوسة المهم نودي الشنط الأوتيل وبعد كده نخرج نتقش أنا عارفة أماكن هنا تحفة بجد شكلها روعة حلوة جدا. جاسر: أنا من رأي ترتاحي أنتي لسه جاية من السفر. كارمن: لأ أنا كويسة عايزة أخرج معاك يا حبيبي بقالنا كثير مخرجناش وأنا عايزة أخرج شوية لأني زهقت. جاسر: خلاص يا كارمن يلا بينا. مليكة: الو يا ماما عاملة إيه يا روحي. عزة: أنا كويسة أنتي أخبارك إيه باريس حلوة. مليكة كانت بتكح: حلوة أوي يا ماما.

عزة: مالك يا مليكة صوتك تعبانة. مليكة: مش عارفة يا هي يا ماما بس أول ما جيت مكنتش جايبة جاكيت وكان في ثلج والدنيا بتشتي فشكلي خدت برد بصي هنام شوية وبعد كده هبقى تمام متخافيش. عزة: ماشي يا حبيبتي وخلي بالك من نفسك اتفقنا. مليكة: حاضر يا ماما متخافيش. مايا نزلت تتسوق وكانت عايزة تتغدي. محمد: إيه ده مايا أنتي رايحة فين. مايا: محمد أزيك أنا جبت شوية حاجات وهروح أتغدي. محمد: خلاص احنا ممكن نتغدي مع بعض لو ممكن.

مايا: أه طبعا يلا بينا. في المطعم. محمد: مايا تطلبي إيه. مايا: ثواني مليكة بتتصل. مليكة في حاجة يا حبيبتي. مليكة: لأ مفيش بس هو أنتي في الأوتيل. مايا: لأ أنا بتغدي بره والهي أنتي عايزة حاجة. مليكة: لأ مش مهم خلاص باي يا حبيبتي. مليكة: أنا مش قادرة بجد ممكن أنا حاسة بدوخة أعمل إيه أه أنا هرن على جاسر. مليكة قعدت ترن على جاسر بس هو بيكنسل عليها كل شوية بيكنسل عليها.

مليكة: أنا هنزل أشوف أي دكتور بس أنا معرفش حاجة هنا هسأل في الأوتيل. مليكة بدوخة: لو سمحت منين أعرف مكان دكتور يكون حلو. الاستقبال: أه في كده بس حضرتك كويسة. مليكة: أه أنا كويسة مفيش حاجة يعني الدكتور بعد شارعين من هنا شكرا ليك. الاستقبال: العفو يا هانم. كارمن: جاسر المطعم ده حلو جدا يلا بينا. جاسر: تمام يلا. كارمن: أنت كل شوية تيلفونك بيرن اقفله بقى وريحنا. جاسر: تمام هقفله يلا بينا. كارمن: جاسر نطلب أكل لأني جعانة.

جاسر: أوكي أنا هطلب استيك لحمة. كارمن: أنا زيه بس مع سلطة وكمان هطلب عصير ليمون. الجرسون: حاضر يا هانم. كارمن: جاسر يلا نرقص شوية. جاسر: أنا مش عايز أرقص. كارمن: أنت خارج معايا غصب عنك لو عايز ترجع ارجع أنت معتش بتحبني صح يا جاسر. جاسر: مش كده يا كارمن خلاص يلا نرقص. كارمن: أوكي يا حبيبي. كارمن وجاسر قعدوا يرقصوا وياكلوا في جو رومانسي وجاسر مش حاسس بإن ناساها في الأوتيل هناك.

مليكة كانت ماشية في الشارع ومش حاسة بنفسها من التعب حاسة إنها مش قادرة خالص ودايخة ومكلتش أي حاجة من الصبح وحست إنها خلاص هتقع ومفيش حد هيلحقها أبدا. كانت في عربية معدية. جاك: أنسة أنسة لو سمحتي فوقي. جاك خد مليكة بسرعة المستشفى. جاك: لو سمحتم دكتور. بعد ساعتين. الدكتور: هي بتاعتي من هبوط ومكلتش وعندها حمى وبرد جامد جدا ولازم تفضل في المستشفى لبكرة أنا أدتها منوم مش هتصحى غير بكرة. في الأوتيل.

جاسر: مليكة مليكة أنتي فين. جاسر قعد يدور عليها وملقاهاش خالص. جاسر: الو مايا مليكة عندك. مايا: لأ يا جاسر هي كلمتني وأنا كنت بره بس. جاسر: طيب أنا نازل أسأل في الاستقبال. جاسر: لو سمحت ممكن أعرف مراتي في الأوضة اللي جت معايا الصبح فين. الاستقبال: هي كانت بتسأل على دكتور واحنا قلناها مكانه. جاسر: شكرا ليك. جاسر فجأة لقى تيلفونه بيرن. جاسر: الو مليكة.

جاك: الو حضرتك صاحبة التيلفون ده أغمى عليها في الشارع وهي دلوقتي في المستشفى وده آخر رقم كلمته. جاسر: طيب خليك حضرتك معاها أنا ثواني وأكون عندك.