رواية عندما يعشق القلب الفصل الأول 1 - بقلم فرحة محمود

فهد بطل قصتنا عنده 28 سنة، متخرج من كلية الشرطة وبيشتغل في شركة باباه. بيشتغل في مهمات سرية وعصبي جداً، وهو شخص رياضي. مؤيد أخو فهد عنده 30 سنة وماسك الشركة مع أخوه. متزوج من بنت اسمها ريم عندها 26 سنة وعندهم 3 أطفال: يزن 6 سنين، مازن 4 سنين، زينة سنتين. ملك أخت فهد ومؤيد عندها 25 سنة ومتخرجة من كلية الهندسة وشغالة مهندسة ديكور. كريم خطيب ملك عنده 27 سنة وعنده شركة خاصة بيه.

الأب محمد رجل يبان عليه الهيبة والوقار عنده 56 سنة وبيحب أولاده جداً. الأم فاطمة عندها 55 سنة، ست جميلة قوي وحنينة. نتعرف على ملكة قصتنا. حور بنوتة جميلة ومشغبة، بتحب الهزار وعفوية، عندها 26 سنة متخرجة من كلية تجارة. ياسمين أخت حور عندها 23 سنة في كلية طب أسنان. ياسين أخو حور وياسمين عنده 27 سنة، خريج كلية حقوق. الأم سميرة عندها 56 سنة، ربة منزل. الأب مختفي وهنعرف حكايته مع الأجزاء. وباقي الشخصيات هنعرفها مع الأحداث.

يلا نبدأ. في القاهرة تحديداً في فيلا الصناوي، في إحدى الغرف كان يجلس يباشر عمله على اللاب توب. تدخل عليه أخته. ملك: إيه يا أبه، أنت حياتك كلها شغل، مفيش وقت لأختك خالص؟ فهد: أنتي عارفة إني أنا وأخوكي اللي ماسكين الشركة. ملك: تصدق ما في حد غير خطيبي اللي بيتكلم معايا طول اليوم وبيمدح فيا. فهد: ما أنا عارف. ربنا معاه على الابتلاء اللي هو فيه. ملك: أنت مفيش عندك دم. فهد: طب يلا يا أم دم برة.

ملك: اوكي، أنا هروح أكلم حبيبيييييييييي. فهد: يلا يا كلبة من هنا. ملك: خلاص أنا ماشية، هدي أعصابك بس. سلام. فهد: مجنونة. في بيت جميل في حي شعبي، تصحى بطلتنا من النوم. ياسمين: الحقي يا حور، في حريقة في البيت. أععععععععح. حور وهي مخضوضة وشعرها منكوش: أعععع، حريقة يا ماما الحقيني. الأم سميرة جت جري: جرا إيه يا بنت الهبلة منك ليها، والله لأوريكي يا ياسمين. ياسمين مش قادرة من الضحك: أهه، بطني مش قادرة.

حور: بقا كدا، والله ما هسيبك. خدي هنا ياللي ما عندك دم. ياسمين وهي بتجري: خلاص بقا، قلبك أبيض. سميرة: بسسسس أنت وهي، يلا يا حور ادخلي خدي شور واتوضي وصلي وتعالي افطري. حور: حاضر يا ماما، وانت حسابك معايا بعدين يا كلبة البحر. ياسين: صباح الخير يا ماما. سميرة: صباح الخير يا ابني، يلا عشان تفطر يا حبيب قلبي. ياسمين والأكل في فمها: طبعاً حبيب قلبك، ما هو ابن البطة البيضة واحنا بنات البطة السوداء.

ياسين: وانتي مالك يرخمة، كولي وانتي ساكتة. سميرة وهي بتنادي على حور: صليتي. حور: آه يا ماما، الحمد لله. تجمعوا كلهم عشان يفطروا. وبعد الفطار. ياسين: الحمد لله شبعت، هروح بقا المكتب. حور: وأنا كمان شبعت، هروح بقا أقدم في الشركة. سميرة: ربنا معاكم يا رب يا حبايبي. ياسين: يلا يا بنات، هوصلكو بالعربية.

حور: قدام الشركة اللي هي شركة الصناوي، يارب أنا غلبانة ومليش في المشاكل، يارب أتقبل. دي رابع شركة أقدم فيها، هو لساني اللي موديني في داهية. يلا مش مشكلة. دخلت حور الشركة وهي بتدعي إنها تتقبل. دخلت للسكرتيرة. حور: كنت جاية أقدم، أنتو كنتوا عاملين إعلان إنكم محتاجين موظفين.

السكرتيرة: تمام، اطلعي الدور الـ 3، المكتب اللي على اليمين لأستاذ مؤيد هو اللي هيعمل المقابلة. أوعي تدخلي المكتب اللي على الشمال لأنه المكتب اللي على الشمال لأستاذ فهد وهو مدير الشركة ومبيحبش حد يزعجه وهو بيشتغل، فـ أوعي تتلخبطي. حور: تمام. طلعت حور الدور الـ 3. حور: هي قالت اللي على الشمال ولا اليمين؟ آه، هي قالت اللي على اليمين. دخلت حور وفجأة...