رواية عنيدة ولكن الفصل الثامن والثلاثون بقلم اسو احمد

المقدم محمد حطيتو للكينج حراسه كتير على الباب وفى المستشفى كله علشان مايعرفش يهرب من هنا. معتز: حصل يا فندم. ووزعنا الحراسه على كل المداخل والمخارج للمستشفى، وكمان حطينا حرس عند روتيلا وابوها. كمان هنا مراد جنب قدر وكمان هنجبلها حراسه هنا للحمايه، لازم نسلمها. مازن: الكينج جبناله احسن ظباط فى الداخليه كلها، وانا ومعتز هنعمل ورديات حراسه عليه لحد ماتنتهي فترت علاجه هنا.

المقدم محمد: برافو عليكم يا ولاد، ثقتي فيكم كانت في محلها. وبالأخص انت يا مازن، كان دورك في المهمة دي انت وساره اكتر من رائع، وخصوصا انكم كنتوا متقنين ادواركم جدا والكل صدق الرسالة. ساره: هههههههه ماتفكرنيش، ده كان يوم أسود ساعتها. (وتنظر إلى مازن) بس انت كنت أوفر أوي ساعتها يا مازن. مازن: معلش ياروحى، بس مش انتي إللي قولتيلي أعمل كدا. أسماء ومعتز: إحنا مش فاهمين حاجة. أحمد: ولا أنا. (ضحك)

مازن: هههههههه أنا هفهمكم كل حاجة، بس تعالوا اقعدوا الأول. (ليذهبوا ويجلسوا جميعا، لينظر مازن إلى الجميع) مازن: لما ظهرت تيلا أنا فعلا مكنتش أعرف إنها أختي، وده كان رد فعل طبيعي. بس لما ساره عطتني الرسالة وقريتها ونفذتها بالحرف الواحد و.. (فلاش باك) في المستشفى

كان مازن مصدوم حتى أعطته ساره الرسالة ونظر لهو نظرة فهمها هو، ليفتح ينظر لها ليجد عليها "اقلب الورقة". لينظر لها ومن ثم ينظر للورقة التي أعطته إياها ساره ويفتحها ويقرأ ما بها. كانت كالتالي: "مازن، العميد محمد كلفنا بمهمة ولازم نبين قدامهم إنك بتكرهني، حتى إنك ممكن تتبرأ مني علشان يصدقوا. ولو شوفتني بعيط أو بموت، اياك ترجع في كلامك، لازم الكل يصدق. وبعد ما تتخانق معايا قول:

(أنتي أختي ولا أعرفك، ومالكيش أخ اسمه مازن من النهارده) . ولما تخرج من المستشفى أكيد هيكونوا مرقبينك، فتصرف بحذر شديد، وأياك يشكوا فيك. فاهم؟ اعمل أي حاجة تخليهم يصدقوا إنك فعلا بتكرهني وبتكره بابا وماما، حتى تيلا عايزاك تعاملها وحش جدا لحد ما يقتنعوا بكده. والباقي هتعرفه من العميد محمد." (باك)

مازن: واللي حصل بعد كده انتوا عرفتوا. بس كده، أدى كل إللي حصل. ولما طلعت من المستشفى لقيتهم فعلا بيرقبوني، علشان كده روحت على البحر و… (فلاش باك) على البحر جلس مازن وهو يبكي بشدة من الذي عرفه للتو، لينظر للورقة التي تركها له والده بغضب وحزن شديد. مازن (بصراخ لكي يسمعوه) : ليه عملت فيا كده هااا؟ ليه؟

ده أنا رغم كل إللي عملته معايا سمحتك وقلت معذور، بس توصل ليك الجرأة ** إنك تعمل كل ده وفي الآخر تقول لي سامحني. ينعل *** يا شيخ. (ويضرب بيده على الحجر الذي يجلس عليه بقوة) روح يا شيخ ربنا ينتقم منك على إللي عملته فيا أنا وأخواتي، حتى وانت ميت مش عاتقنا *** يا ***. (لينظر للورقة مرة أخرى ويدعس بيده عليها لتصبح كتلة صغيرة جدا، ليقف ويذم يده عليها أكثر ويقول بغضب)

عمري ما هسامحك على ظلمك ليا أنا وأخواتي، وما بئاش مازن لو ما جبتش حقهم يا **. (ويرمي الورقة بقوة في البحر لتسبح بعيدا جدا من شدت قوة التيار المائي، لينظر لها قليلا ويذهب إلى سيارته ويركبها ويذهب) (باك) المقدم محمد: لا وكمان قبضنا على واحد من أكبر عصابة تجار الأعضاء في مصر وأنقذنا حياة بنتنا. مازن: دي كانت صدفة والله يا جماعة. (ههههههههه) (ويقول بهمس) بس أحلى صدفة. ساره (بهامس)

: أعرف مين البت دي بس لما نخلص من كل ده ونرتاح. (وتعلي صوتها) وطبعًا مازن كتب رسالة غير إللي أدتهاله إن أبوه ظالم وعمره ما حبه، وإني مش أخته، وتيلا أحم… علشان يصدقوا. ولما رمى الورقة في البحر كان حاطتها في ظرف عازل للماء علشان لما ياخدوه يقروا الكلام ده. حصل فعلا أول ما مشي راحوا وخدوها بسرعة ووصلوها للكينج.

مازن: والكينج بقى قام مغير فيها وكتب كلام زيادة عن إللي أنا كنت كاتبه وعطها ل مروان. ومروان أول ما قرأ اتعصب، والكينج فضل يوز فيه إنه يقتلنا. وفعلا راح ل ساره وحاول يقتلها. ساره: ساعتها أنا قولتلُه الحقيقة كاملة وهو ندم. (وتنظر لهم) بس ساعتها كنت حاسة إني مش هشوفكم تاني يا بنات. (وتنظر لهم وتنزل دموعها لتحضنها أسماء) أسماء: ماتقوليش كده تاني، بعد الشر عليكي يا قلبي.

معتز: يعني دلوقتي لما أجي أطلب إيدها أروح ل مروان ولا ليك يا مازن ولا لمين؟ ساره (بصدمة) : هاااا؟ لينظر لها معتز بكل حب: بحبك يا ساره، ومش من النهارده، من أول مرة شوفتك فيها في الفندق وانتي مش عارفه تتكلمي مع الرسبشن كويس. ولما اتعكبلتي ووقعتي في حضني كنت عايز الوقت يقف في وقتها ونفضل كده. لتصبغ وجه ساره باللون الأحمر من شدة الخجل وتخبئ وجهها في أسماء. مازن: هووووو حيلك حيلك يا كابتن، إيه كيس جوافة أنا قدامك؟

بص لي هنا يااض وأنا بكلمك. معتز (بغيظ) : يخربيت أم فصلانك يا شيخ، هو الواحد مايعرفش يقول الكلمتين دول على بعض؟ يا ساتر عليك. مازن: طب مافيش جواز هااا؟ (وينهض من مكانه) معتز: وأنا مش هديك المعلومات إللي طلبتها بتاعت سندس ها؟ لتقف ساره: وأنا هنط من فوق الترابيزة. أسماء: اسمها من فوق برج إيفل يا غبية. ساره: هااا علشان أموت صح؟ لا ياختي أنا لسه عايزة أعيش شبابي وأتجوز الواد المز إللي هناك ده. هههه معتز: مز؟

مازن أنا بستأذنك، أرجع في كلامي. مازن: خمس دقايق والمأذون يكون هنا. ليجلس معتز ويضع يده على خده: يعني أنا خلاص كده اتدبست في واحدة هبلة. ساره (وهي بتردح بطريقة كوميدية) : مالها الهبلة دي يا عمرررررر هاااا؟ معتز: زي العسل ومجننة أمي معاها، وليل ونهار بفكر فيها وبحبها و… (ويجلس على ركبته) تقبلي تكون نصي التاني يا ساره؟ ووعد مني هعيشك طول عمرك سعيدة وعمري في يوم ما هزعلك.

لتمد يدها وتمسك يدها: أكيد موافقة طبعًا، ده أنا ماصدقت. لينهض معتز ويقترب ليحضنها. ليمسك مازن من هدومه. مازن: لا يابا، إحنا ماعندناش كده، الكلام ده بعد كتب الكتاب. معتز: خلاص أروح أجيب المأذون بسرعة بقى. مازن: مافيش جواز غير لما أتنهل أنا الأول. (وينظر إلى ساره) ولا إيه رأيك يا ساره؟ ساره (بفرحها) : أكيد طبعًا يا ميزو، وهيبقى في يوم واحد كمان، وقدر وروتيلا وتيلا معانا كمان. معتز (بغيظ)

: ربنا على المفتري والظالم، ااااه ياني ياماااالي. ليخرج مراد إليهم: يا بنات قدر فاقت، تعالوا. ليدخلوا جميعا إليها وتجري ساره وأسماء إليها ويحضنوها ويوسوها، حتى إنهم نجحوا في إرجاع الضحكة والبسمة لها. *** أمام المستشفى يقف تاكسي وتنزل منه فتاة ترتدي سلوبيت حمرا وعليها سويت شيرت أبيض وشعرها كرلي، لتنظر إلى الورقة واسم المشفى وتتأكد من الاسم وتنظر للسائق. = شكرا جدا ياعمو، معلش تعبتك معايا.

السائق: العفو على إيه يا سندس يا بنتي، ده انتي زيي زي نهى وأكتر والله. لتبتسم سندس: الله يخليك يا عم إبراهيم، مش عارفة من غيرك كنت هاجي إزاي بس. عم إبراهيم: المهم عندي إنكم تكونوا كلكم بخير يا بنتي، ويبقي سلميلي على روتيلا ومراد وقوليلهم ياخدوا بالهم من نفسهم شوية، مش كل يوم في مستشفى شكل. هههههههه لتفتح سندس باب العربية

الخلفي لتأخذ حقائبها: أنا آخر ما أزهق منهم هخليهم يعيشوا فيها أحسن بدل المشورة والخضة عليهم كل شوية كده. عم إبراهيم: روحي انتي يابنتي شوفييهم وأنا هنزلهم وهحطهملك عند الاستقبال، ويبقي لما تخلصي خديهم. سندس: هنزلهم أنا، مش عايزة أتعبك يا عم إبراهيم، كفاية تعبك معايا كل ده. ليقطعها إبراهيم بقليل من الحدة: اسمعي الكلام وبلاش غلبه كتير، ويلا روحي عند أخوكي وأنا هنزلهم وأدخلهملك. تبتسم سندس: ماشي يا عم إبراهيم.

(وتذهب إلى المستشفى وتدخل وتسأل الاستقبال عن الغرفة، وعندما استدارت لتذهب خبطت في شخص ما وانسكبت القهوة عليها لتنظر لهو بغضب) مش تفتح يا…. (وتنظر بصدمة) مازن (بصدمة وفرحة) : هو انتي؟ سندس: لا مش أنا. (وتجري بسرعة ليذهب ورائها حتى دخلت عند غرفة قدر ومراد) لينظر لها بدهشة لتجري عليه بسرعة وتحضنه: انت كويس يا روحي؟ قدر (بغيرة) : ودي مين دي كمان؟ كانت ناقصة هي صح؟ ساره: هههههههههههههه عشنا وشوفناكي غيرانة يا قدر. قدر

(بغيرة) : البت دي مش هتجيبها لبره غير لما أقوم أجيبها من شعرها. ليقترب مازن من قدر: قدر، قولي لمراد يبعد عنها بدل ما ألبسهم قضية تحرش. قدر (بغيظ) : ألبسهم وأنا أشهد على كلامك، بص بنت المنكوبة لازقة فيه إزاي. مازن (وهو ما صدق) : الزفت ده ولا لازق فيه. أسماء (بهامس) : اهدى شوية يا ولعة منك ليها شوية، كده هيسمعوكم. قدر: اطلعي منها والنبي يا أسماء أحسن أقوم أجيبها من شعرها بت الورمة دي.

لينظر مراد إلى قدر ليجد وجهها مثل الطماطم من كثر الغيرة والغضب ليبتسم: أيوة كويس يا قلبي. (ويخرجها من حضنه) بس إزاي جيتي هنا بالسرعة دي؟ إزاي مش المفروض كنتي تيجي بكرة؟ سندس: لا ما أنا لما عرفت باللي حصل ماقدرتش ما أجيش الصراحة وأشوفك وأطمن عليكي يا قلبي انت وروتي، وكمان لقيت عم إبراهيم الله يستره دنيا وآخرة يارب وجابني بسرعة على هنا، بس قولي صحيح هي فين؟ هااا؟ هههههههه مراد (بهامس)

: إللي هناك دي اللي هتنط في كرشك كمان شوية دي. لتنظر لها سندس: هههههههههههههه دي شكلها من النوع الغيور. (لتطبطب على كتفه) ربنا معاك يا والدي. (وتذهب ناحيتها وتبتسم) انتي قدر صح؟ قدر (بغيظ) : لا واقع. هيهيهيهي. لتضحك سندس كثيرا وتمد يدها: أنا سندس أخت مراد. قدر (بفرحة) : أخت مراد!!! بتتكلمي جد؟ سندس: آه بجد. هههههههه قدر: قولي والله. سندس: والله، أوريكي البطاقة كمان علشان تصدقي. قدر: هههههههههه لا مش للدرجة دي يعني.

(وتاخذها في حضنها وهي فرحانة جدا إنها أخته ولا تقل فرحتها من فرحة مازن أيضا) لينظر مراد إلى قدر بفرحة شديدة، فا أخيرا اتفقوا سويا وهذه البسمة التي عادت لها من جديد، ليحمد ربنا على أنه رزقه حبها وأنها ستكون من نصيبه وهي بكامل صحتها، ويشكره أيضا أن جميع أحبته بخير، وأخيرا عادت البسمة لهم جميعا. *** في شقة ساره تيلا: إيه إللي جابك هنا تاني يا مروان؟ (لتكمل بسخرية) ولا قولت دي لسه عايشة، لازم أخلص عليها هي كمان صح؟

لينصرخ مروان: تيلا، اسكتي خالص. (وينظر إلى كريمة ويجلس على ركبتيه) كوكى يا حبيبتي ممكن تروحي أوضتك لحد ما أتكلم أنا ومامي شوية. (ويقرب يده منها لتبعد كريمة وجهها وتنظر إلى أمها) تيلا: روحي يا حبيبتي على أوضة ساره وكلميها واطمني عليهم، ok. كريمة: Ok MaMy. (وتذهب إلى غرفة ساره وتغلق الباب) لينهض مروان من على الأرض: هي كريمة بتعملني كده ليه؟ ولا تكوني… لتقطعه تيلا: ولا أكون كرهتها فيك صح؟ هههههههه لا بجد أنا مصدومة فيك.

(وتضع يدها على فمها وتنزلها وتلوح بيدها لهو) عايز طفلة من لما اتولدت وهي ما تعرفش مين هو أبوها. (وتشير بإصبع السبابة) أو إللي مسجل باسمه في شهادة الميلاد بس. (وتلوح بيدها) سوى نسيتها دي. مروان (بغيظ) : تيلااااااا، الزمي حدودك فاهمة. تيلا (بسخرية) : ليه هو أنا قولت حاجة غلط؟ مش ده إللي حصل؟ ولا نسيت إللي عملته يوم فرحنا؟ مروان: تيلا… تيلا (بألم) : خدعتني، وفضحتني قدام الناس كلها، وسبتني يوم فرحي.

مروان: أديني فرصة أوضحلك يا تيلا، أنا…. تيلا: قولتلك قبل ما نتجوز ما تقربش مني؟ (وتنزل دموعها) قولتلك وقتها ما تقربش مني لو هتكسر قلبي وتجرحني؟ مروان: تيلا، أديني فرصة أوضحلك إيه اللي حصل… تيلا (مقاطعة) : هتوضحلي إيه ولا إيه؟ تقول لي إنك كنت مجبور تسيبني بالشكل ده وتبعتلي بنت معرفش هي مين ولا إيه إللي جابها؟ مروان: تيلا… تيلا: أنا بسببك اتحملت كلام زي السم في اليوم ده، هو أكيد سابها علشان فيها حاجة. (وتضحك بسخرية)

والعريس هو إللي اتخدع والعروسة هي إللي معيوبة، ههههه صح؟ (وترجع شعرها للوراء وتنظر لهو وتضربه بيدها على صدره) لييييه عملت فيا كده ليييه؟ ما كفاكش الألم إللي حسيته وقتها من كلام الناس ليا واتهامهم ليا. مروان (بأسف) : يا تيلا، أنا… تيلا (بعصبية) : اسكت خالص، مش عايزة أسمع صوتك. أنا بسببك عشت طول عمري في عذاب وألم ووجع قلب. ليه عملت كده فيا؟ لييييه؟ حرام عليك، أنا عملتلك إيه علشان تعمل فيا كل ده؟

(وتجلس على الأرض تبكي بشدة لينظر لها مروان يحزن) مروان: كان غصب عني يا تيلا. (وتنزل دموعه بكل ما جاء من وجع في قلبه وهو يقول) أمجد وأيمن ورئفت هما السبب. لتنظر تيلا لهو بصدمة، ليجلس أمامها ويمسك يدها: يا تيلا، أنا بحبك وإنتي عارفة كده كويس، ويوم فرحنا كنت بعده بالثانية علشان نكون مع بعض وكان بالنسبة ليا حلم عمري، بس… (وينظر إلى الأرض ويرفع نظره لها والدموع في عينه) بس لما كنت جاي الفرح مع أبويا ومزينين العربية و…

(فلاش باك) والده: أخيرا شوفتك عريس يا مروان وهفرح بيك قبل ما أموت. مروان: ماتقولش كده تاني يا بابا، (ويمسك يده ويقبلها) ألف بعد الشر عليك يا والدي، ربنا يديك طولت العمر وتشوف أحفاد أحفادك كمان يااارب. والده: أحفاد أحفادي كمان. (وينظر لهو ويقول)

محدش ضامن هيعيش قد إيه يا بني، ووصيتي ليك لو في يوم حصلي حاجة، تاخد بالك من مراتك، هي مالهاش غيرك، ولو لفيت الدنيا كلها مش هتلاقي واحدة تحبك أو تستحملك زيها، وابنك أو بنتك إللي جاي ده تاخد باله منه، وأياك يا مروان تزعلهم أو تكسرهم في يوم من الأيام، وتعاملهم بما يرضي الله، فاهم يا والدي؟ مروان (بتوتر) : ابن إيه وبنت إيه بس يا بابا، إحنا لسه بنقول يا هادي و…

والده: ماتكدبش عليا يا مروان، أنا عارف إن تيلا حامل، علشان كده استعجلتكم في الجواز يا بني. ليوقف مروان السيارة على جانب الطريق وينظر له: عرفت إزاي؟ ومين إللي قالك؟ والده: عرفت مطرح ما عرفت يا ولدي عاد. تيلا أميرة بنت ناس وطيبة ومحترمة، وعمرك ما هتلاقي واحدة زيها، كفايا إنها شيلاني من على الأرض شيل وأنا بالشكل ده، واحدة غيرها مكنتش بصت في وشي وسبتني مرمي ولا سألت فيا.

مروان: ماتقولش كده يا والدي، تيلا بتعتبرك زي أبوها بالظبط، وحكاية الكرسي أو الزهايمر ده مش فارقين معاها. وبعدين كفايا إللي انت عملته معايا وأنا صغير واعتبرتني زي أمجد ابنك بالظبط، ويمكن أكتر كمان. (ويمسك بيده ويقبلها) ربنا يخليك ليا يااارب ويديك طولت العمر ويديمك في حسانا ديما يارب. ليطبطب والده على كتفه ويبتسم: ربنا يخليك ليا يا حبيبي ويجعل أيامك كلها سعادة يارب. ليبتسم مروان ويفتح باب العربية: رايح فين يا ولدي؟

مروان: هجيب ميه من السوبر ماركت إللي هناك ده وأجي بسرعة، ماتخافش عليا. (وينزل من العربية ليسمع صوت انفجار عالي جدا) بوووووم 💣💣. بعد دقائق قليلة يفتح عينيه ليجد نفسه على الأرض ليضع يده على رأسه بألم شديد ويتذكر والده، ليضع يده على الأرض لكي ينهض ولكنه وقع مرة أخرى على الأرض ليزحف بجسده إلى الجهة الأخرى ليجد سيارته بقت فتات صغيرة، لينهض بصعوبة ويتجه نحوها ليجد أمجد ورئفت واقفون عند السيارة ليقترب

منهم ويقف بصدمة عندما سمع: رئفت: العربية مافيهاش غير جثة واحدة بس، فين التانية يا والد أخوي؟ أمجد: أنا دورت كتير عليها بس مش لاقيتها في أي مكان خالص يا عمي، أكيد التانية لسه عايشة. رئفت: لو كلامك صح، دي تبقى مصيبة يا والد خوي. أمجد: تعالى ندور تاني، ولو لقيته اضربه بالنار ويبقي نرميه في المية أو نحرقه علشان محدش يشك فينا. رئفت: تروح انت من هنا وأنا هروح من هنا، ولو لقيته يبقي رن عليا، ماشي.

(ليختبئ مروان خلف ما بقي من السيارة جيدا لكي لا يروه ويأذوه هو الآخر) (باك) مروان (بحزن وألم) : ومن ساعتها وأنا كل يوم في بلد شكل علشان ما يلاقونيش ويعملوا فيا حاجة، والكينج هو إللي ساعدني في الهروب وكنت تحت حمايته، وهو السبب في كل إللي حصل معايا بعد كده. تيلا: طب ليه ما كلمتنيش ولا مرة تطمني عليه، أو كنت جيتلي يا مروان وكنا ساعتها بلغنا الشرطة بعد كل ده؟

مروان: لو كنت جيت يا تيلا، مكنتش هسلم من عمي وأمجد ده، موت أبوه يبقى مش هيقدر عليا أنا كمان، ولو كنت كلمتك أو قولتك أي حاجة، كان أمجد ساعتها مش هيسيبك في حالك برضه علشان عرفتي الحقيقة. (ويضع يده على وجهها) أنا عندي تكرهيني ولا إن يجرالك حاجة يا قلبي. تيلا: دليل إنك كنت هتقتلني أنا ومازن زي ساره صح؟ ليضع مروان إصبعه على فمها: هشششش، ماتقوليش كده تاني. طب بزمتك أنا أقدر أئذي نفسي برضه؟ (ويغمز لها)

ده إنتي القلب كله يا جميل. لتبتسم تيلا غصب عنها: ثبتني خلاص، هههههههه. (ليفتح يده لها ويحضنها لتدفعه بيدها وتنهض) لا يا حبيبي، إنسى خالص. أما تصالح ساره ومازن، يبقى ساعتها تيجي وتطلبني منه من أول وجديد، وساعتها بس أبقى أشوف إذا كنت هوافق عليك ولا لأ. يعتدل مروان ويجلس: طب ما تخليها ساره بس، هااا؟ إيه رأيك؟ وبلاها مازن. تيلا: أيوه علشان ساره غلبانة وهتسمحك بسرعة، لكن انسى يا با مازن الأول، يا أما بلاش. أنا بقول أهو.

(وتتجه ناحية الباب) الزيارة خلصت، اتفضل من غير مطرود، وتاني مرة لما تيجي تستأذن من راجل البيت، فاهم؟ لينهض مروان وهو يندب حظه: كان مستخبيلك فين ده كله يا مروان، يا عيني على شبابك إللي هيضيع هدر يا مروان، منهم لله إللي كانوا السبب. اااه ياني ياما. تيلا (بجمود كاذب) : اخلص يااض مش فضيالك. ليذهب مروان أخيرا ويقف أمام الباب ينظر لها، لتبتسم لهو وتغلق الباب في وجهه وتنفجر من الضحك عليه، ليسمعها مروان ليقول لها:

مروان: اضحكي اضحكي ياختي، ما انتي ماوركيش ذئب ولا حاجة، تاتك داهية وانتي زي القمر كده. (ويبتسم وينزل على السلالم ويرحل من عند تيلا التي كانت تسمع كلامه وقلبها ينبض من شدة الفرحة، وعندما أحست به ينزل اتجهت سريعا ناحية الشباك لتنظر عليه حتى رحل) = بتعملي إيه عندك يا ست تيلا هااا؟ لتلتفت تيلا لتجدها ابنتها، لتضع يدها على صدرها: حرام عليكي يا كوكى، خضتيني.

كريمة: ماقولتيش برضه كنت بتعملي إيه عند الشباك، ومروان ده بابا بجد زي ما قال من شوية ولا كان بيكدب عليا ها؟ لتذهب تيلا ناحيتها وتجلس على ركبتيها وتمسكها من خديها: مش هنبطل لمضة بقيكي. كريمة: ولا مش هو ده الجواب على سؤالي. (وتفرد إصبعها الثاني) ثانياً، لما تبطلي انتي لمضة، يبقى ساعتها أفكر أبطل. لتنهض تيلا وتمسك يد كريمة

وتذهب بها إلى الغرفة: الموضوع ده كبير يا حبة الكرز وعايز إننا ننام على السرير وأحكيهولك، وأهو بالمرة تتخمّدي. كريمة: هااا!؟ لتضع تيلا يدها على شعر كريمة: علشان تنامي يا لمضة، ورانا مدرسة الصبح. (ويدخلوا إلى الغرفة وتاخذ تيلا كريمة في حضنها وتحكي لها الأشياء الجيدة عن والدها وتمدح فيه كثيرا حتى ناموا الاثنين) *** في المستشفى عند روتيلا

استيقظت روتيلا أخيرا، وآدم كان معها في الغرفة وشرح لها كل إللي حصل وإزاي حازم ماماتش لسه. آدم: بس كده، أدي كل إللي حصل. لتنظر روتيلا لهو وتقول: يعني إحنا دلوقتي هنقدر نطلق صح؟ ليرجع آدم رأسه للوراء ويبتسم: مين إللي جاب سيرة الطلاق بس يا روحي؟ روتيلا: مش ده كان اتفاقنا من الأول يا آدم، ولا إيه اللي جد يعني؟ وبعدين إحنا عاملين اتفاقية وملتزمين بيها. آدم: بند 20: يستمر الزواج إذا كان أحد الطرفين وقع في حب الآخر.

روتيلا: وأنا ما بحبكش. إنت إيه جبلك، ما بتحسش.. (وتصمت فجأة وتنظر لهو) لا تكون…. ليخرج آدم هاتفه ويشعله لترا أنها نفس الصورة التي معها. آدم: توتا. لتبدو روتيلا بصدمة وزهول: أيوه، أنا دومي يا توتا. روتيلا: إنت لسه عايش إزاي؟ وبابا قالي إنك مت في حادث. (وتضع يدها على رأسها) أنا مش فاهمة حاجة. ليمسك آدم يدها: اهدى يا حبيبتي وأنا هفهمك كل حاجة. لتشعر روتيلا بقشعريرة تسري في جسدها كله عندما مسكه يدها، لتسحبها

منه ليضحك آدم بشدة: خلاص سبتها أهو. هههههه. روتيلا (بتوتر) : قولي بقى إيه اللي حصل يا… (وتسكت لأنها لا تعرف إذا كانت تقول لهو آدم أم تقول لهو دومي كمان في السابق) فهمها آدم ليقول وهو يضحك: تقدري تقولي اللي يريحك، حتى ممكن تقولي الدب الجليدي. هههههههه روتيلا: طب اخلص وقول يااض بدل ما أفلقك نصين وماتلقي دكتور يعرف يخيط فيك حتة سليمة. ليحك آدم رأسه ويقول بهمس: سيادة اللسان ده إللي مش هنخلص منه. (وينظر لها ويقول)

احمممم، ما علينا. أنا لما كنا صغيرين، بابا وباباكي حصلت بينهم مشكلة بسبب ماما واتهمه بسرقة أمواله، وبابا كان عايز ينتقم منكم وبعتلكم رجالة تموتكم علشان باباكي بلغ الشرطة عنه وكان هيتقبض عليه بتهمة قتل ماما الله يرحمها وتهريب مخدرات للخارج، بس إنتو وأختك كنتوا صغيرين وقتها حصل… روتيلا: حصل إيه يا آدم؟ لينظر آدم لها بحزن: ووقتها أختك صحيت من النوم ونزلت عندهم وحصل إللي حصل، بس… لتنظر

لهو روتيلا بصدمة وحزن: يعني أبوك إللي موت أختي!!!؟ ليييه؟ هي ذنبها إيه؟ وأنا ذنبي إيه تبعدوها عني؟ (وتبكي وتصرخ) ليه عملتوا كده فيا ليه؟ ليه حرمتوني منها؟ حرام عليكم، اهئ اهئ، ليه بتعملوا فيا كده ليييه؟ اهئ اهئ. آدم: اهدى يا روتيلا وأنا هفهمك كل حاجة… روتيلا (بانفعال) : تفهمني إيه؟ هتفهمني إزاي اتقتلوا أختي قدام عيني؟ ولا هتفهمني إيه… آدم (بصراخ) : روتيلا، اسكتي شوية. لتصمت روتيلا وتنظر لهو،

ليكمل بحنان: ممكن تسمعيني مرة واحدة كـ آدم حب الطفولة، مش آدم المغرور المتعجرف. (وينظر لها) ممكن؟ لتنظر إلى عينيه كثيرا وتهز رأسها: أختك لسه عايشة، ماتتتش. روتيلا (بصدمة) : ييييييه!!!!؟ فتح أبواب العشق 💜 لاشيء أجمل من غسل وجه الحزن بابتسامة، وإطفاء الضيق بالاستغفار، ابتسم ليس بالضرورة فرحا، وإنما، ثقة وتفاؤل بأن الله لن يخيب ظنك. افتح شبابيك الأمل واطرد اليأس واضحك ترى سحر الحياة.

وابتسامة أشرقت شمس الأمل بعد الظلام، وابتسم يوم ٍ على الدنيا جديد، واحتريتك وابتدى صمت الكلام، يسرق الكلمات من نبض الوريد. 🤗❤ في صباح يوم جديد في المستشفى في غرفة أحمد يقف آدم وأماني في الخارج عند الباب ينتظرون خروج التوأم، وروتيلا ونرمين يقفون أمام أحمد الراقض أمامهم على السرير ممسكين بأيدي بعضهم البعض. لتنظر روتيلا إلى أختها قليلا وتبتسم، وبعدها تنظر إلى والدها وتقول بحزن وألم: بابا، أنا…. (وتنظر إلى نرمين) إحنا….

لتبتسم نرمين وتقول: هتكلم أنا يا بابا علشان أبو حزمبو لسه قاعد بيجمع. هههههههه. ل تضربها روتيلا: أخص عليك يا كلب البحر، بقي أنا حزمبو؟ ويعني أنا كلب البحر يا حزمبو؟ طب كلب البحر. نرمين (بغيظ) : حزمبوووووول. ل تشير لها روتيلا بإصبع السبابة: ما تقوليش يا حزمبووول. ل ترفع نرمين أصابعها في تحذير: وأنتي ما تقوليش يا كلب البحر تاني. خلاص يا ولاد اهدوا شوية. ل تنظر لهو روتيلا وتقول بغضب: هي إللي بدأت يا بابا. نرمين

(بانفعال) : ما تصدقهاش يا بابا، حزمبو هي إللي بدأت الأول. أهو شوف بتقول إيه، طب يا كلب البحر يا كلب البحر هااا. أيوة، أنتِ. نرمين (بغيظ) : طب يا حزمبو يا حزمبووووو هاااباااااا. بس يا بابا هي إللي بدأت. كذابة يا بااااا…. ل تقطع كلامها بصدمة، لياخذوا بالهم أخيرا إن أباهم استيقظ أخيرا، لينظروا إلى بعض بصدمة وينظروا إلى والدهم. روتيلا ونرمين (بصدمة) : بابا!!!!!!!!! لتنظر روتيلا إلى نرمين: اقرصيني يا كلب البحر.

ل تنظر لها بغيظ وتقرصها بشدة لتصرخ روتيلا: اااااااااه، إنتي يا بت انتي غبية، قولى قولى إنك غبية، ماتتكسفيش. غبية في عينك يا بعيدة، وبعدين مش انتي إللي قولتي. الله بس خلاص يا ولاد اهدوا شوية. كل الناس بتكبر وبتعقل، إللي إنتو يا سبحان الله. هي إللي بدأت يا أبو حميد. لو كل أوووي، مش معقول لسه أسلوبك ده ماتغيرش. Oooooooo No. أحسن من إللي مفكرة نفسها من سويسرا وهي من بطن الجاموسة. خلاص خلصنا. وأنا بالنسة لي لا.

(وتنظر إلى نرمين) نرمين (بخبث) : ولا أنا. (ويببتسموا وينظر إلى والدهم) قلبي مش مطمن. لينظروا إلى بعض ويصرخون: عااااااااااا بابا صحى. ويجرون نحوه ويحضنوه بشدة ويقبلون جبينه ووجنتيه ويده أيضا، غير مصدقين: إنت استيقظ أخيرا. ليضحك أحمد بشدة: ههههههههههه، كح كح، خلاص يا ولاد. ههههههههههه، كفاية. ههههههههههه. تتباس يعني هتتباس يا عباس. بصوت سلطان 😂 ده إحنا هنريحووووكى ياشبه. بصوت سكينة👻

وظلوا هكذا يضحكون ويمرحون سويا، وعادت السعادة أخيرا إلى العائلة من جديد، ليقول أحمد بعد أن هدئو: بس إنتو إزاي لقيتوا بعض؟ السؤال ده مافيش غير شخص واحد بس هو إللي هيقولك إجابته. (ليدخل آدم) اهو وصل أهو. نطير إحنا بقى ونسيبك مع آدم يفهمك كل حاجة، على ما نشوف عمو الدكتور علشان يشوفك ويخرجك. (ويخرجون سريعا) تعالى يا آدم يابني اقعد جنبي، واقف بعيد كده ليه؟ ليقترب آدم منه ويجلس بجواره: أخبارك إيه دلوقتي يا عمي؟

أحسن الحمد لله يابني. بس قول لي يا ابني، إنت عرفت إزاي مكان ريم، وعرفت إزاي إن روتيلا هي نفسها حب طفولتك؟ أنا لما شوفت صورتنا وإحنا صغيرين على التليفون بتع روتيلا، ساعتها عرفت إنها هي توتا إللي كنت بلعب معاها وإحنا صغيرين، ساعتها قررت أواجه عمران لإن عارف بكل إللي عمله معاك، بس للأسف اتقبض عليه قبل ما أواجهه، بس بعدها روحت ليه السجن و…. (فلاش باك) كان عمران يجلس في غرفة وكيل النيابة، ليدخل العسكري.

العسكري: آدم الهواري بره يا فندم. = دخله بسرعة يا عسكري. (ليخرج العسكري ويدخل آدم) اتفضل يا آدم باشا، ده إنت نورتنا والله النهاردة. ممكن تسيبنا شوية؟ لينهض مكرما: أكيد طبعًا يا باشا. (ويخرج ويتركهم لوحدهم) توتا لسه عايشة. لينظر لهو عمران بصدمة: ليه كدبت عليا وأنا صغير؟ لييييه؟ رد عليا يا عمران، ليه كدبت عليا وقلت إنها ماتت مع أختها؟ كان لازم أعمل كده. ليييه؟ عمران (بانفعال) : علشان أحميها زي ما حميت أختك.

تقصد إيه بكلامك ده؟ أيوه يا آدم، نرمين لسه عايشة وبتشتغل معاك في الشركة من زمان كمان. تقصد مين بالظبط؟ قصدى على دارين سكرتيرتك. (ويجلس بجوار آدم)

من يوم رجالة الكينج ضربتها بالنار يا ابني، ما ماتتش، كانت لسه عايشة وأحمد خاف الكينج يعرف يحاول يقتلها تاني، علشان كده خدتها وعملتلها بطاقة باسم ريم والشهره دارين، وحطيتها في الميتم لحد ما كبرت شوية، ساعتها خدتها وحطيتها في شقة وعيشتها مع ناس طيبين رعوها لحد ما كبرت. ولما دورت على شغل ومالقيتش، جبتها وشغلتها معاك تحت نظرك، وكل خطوة كانت بتعملها كان بيكون ليا علم بيها. بس للأسف حازم عرف الحقيقة ساعتها، نرمين اتصرفت

بذكاء وبينتله إنها عايزة تنتقم منكم على إللي عملتوه فيها، وحازم صدق وخلها تشتغل معاه. وأي مشروع كان بيتسرق من الشركة كانت هي إللي بتاخده ليه علشان يصدق، وأنا كنت ببعدها عنهم علشان الكينج ما يعرفش بالخدعة إللي عملناها فيه، لإن لو عرف كان قتلنا كلنا علشان مفكر موت أبوه إحنا السبب فيه، ومش مصدق إنه قتل نفسه لما الشركة حاصرته….

(ليضع يده على كتف آدم) تأكد يا ابني إن عملت كده لمصلحة أحمد وعياله، وعمري ما فكرت أذي حد زي ما عملت في أمك زمان. (لينزل راسه الأسفل) سامحني يا ابني، أنا عملتك بقسوة ساعتها لإن فكرت أمك خاينة، سامحني يا ابني. كنت متأكد برضه إنه هو إللي قالك علشان محدش يعرف الموضوع ده غير أنا وهو بس. (ليطبطب على كتف آدم) شكرا يا ابني إنك حفظت على بناتي إللي ماليش في الدنيا دي غيرهم.

على إيه بس يا والدي، ده واجبي. إنت بس شد حيلك كده يا راجل وقوملنا بالسلامة، بس والدنيا هتبقى فلة بعد كده. *** في المطار تقف منه مرتدية كاب أسود ونظارة شمس سوداء وشال على رقبتها لكي لا أحد يمسك بها، لتأخذ نفس طويل وتتجه ناحية التفتيش. = حطي الشنط هنا يا فندم وجواز السفر. (لتحمل الشنطة وتضعها وتعطيه جواز السفر، وعندما أتت تدخل سمعت صوت من خلفها يوقفها) = لو سمحتي. لتلتفت لهو وتبلع ريقها بصعوبة،

ليقول: حضرتك نسيتي تاخدي جواز السفر. ل تأخذ نفسها أخيرا وتأخذه: العفو. وتدخل أخيرا إلى بر الأمان لتأخذ نفسها براحة: يلا يا منه خلاص هانت أهي. = هانت ولا بانت؟ هههههههههه. لتلتفت ورائها بصدمة: عبير! (وتنظر حولها لتجد العساكر في كل مكان ولا يمكنها الهرب أبدا) عبير (وهي تخرج سلاحها) : ما تفكريش كتير يا منمن، للأسف إنتي محاصرة ولا مجال للهرب. اقبضوو عليها.

ل يأتي العساكر ويمسكوها ويضعوا في يدها الكلبشات ويجلسوها في الأرض. ل ترفع منه رأسها بغيظ: تندمي على إللي بتعمليه ده يا عبير، صدقيني هتندمي، والكينج بكرة تشوفي هيعمل فيكي إيه. هههههههههههه لا نكتة حلوة منك، بس شاطرة أهو اتعلمتي تنكتي وتضحكينا أهو بدل ما إنتي مالكيش لازمة هنا. (وتقترب منها وتقف أمامها وتجلس على ركبتيها) مش عبير الحناوي إللي تخاف من حد يا منه. إنتو لسه ما تعرفوش أنا مين كويس. (وتبتسم)

بس أظن دلوقتي عرفتوا مين هي. (وتنهض وتسير إلى الأمام) خدها على البوكس بسرعة. هتندمي يا عبير، صدقيني هتندمي، وساعتها مش هنرحمك، بكرة تشوفي الكينج هيعمل فيكي إيه، ساعتها هتقولي يا ريتني ما عملت كده. لتضع عبير السماعات في أذنيها وتصفر بفمها في انتصار، وياخذوا منه على البوكس وتذهب عبير إلى آدم. *** بعد مرور ثلاثة أشهر…. في حديقة فيلا الأحمدي تجلس روتيلا على الأرجوحة وتضع السماعات في أذنيها وهي تنظر إلى السماء وتبتسم.

روتيلا (في نفسها)

: عارفة إنك عارف يارب بكل إللي جوايا، بس أنا لازم أحكيلك بكل إللي جوايا وإللي حاسة بيه. ياااااااه يا الله على كل إللي حصل معانا ده، زي ما يكون مسلسل أو رواية. أنا لحد دلوقتي مش مصدقة إن كل ده حصل معايا. حاسة إنه حلم، أوله وحش وآخره سعيد وحلو جدا. أنا بجد مش عارفة أقول إيه غير إني أشكرك على كل حاجة عملتها معايا، ولو فضلت من هنا لبكره عمري عمري ما هيكفي. شكرا يا رب إنك زرعت فيا ثقتك فيا وما خلتهاش اتهزت أبدا. شكرا إنك فضلت جنبي وما سبتنيش أبدا. شكرا إنك حفظتلي عيلتي وأصحابي من كل شر ومكروه. شكرا على كل مرة فيها استجبت لدعائي وعمرك ما رجعتني خايبة الأمل….

(لتنزل دموعها) أنا بجد مش عارفة أقول إيه غير إني مبسوطة جدا جدا من جهة أختي وتوأم روحي لسه عايشة وبابا كمان فاق… أيوه أنا زعلانة منه إنه خبى عليا الفترة دي كلها إن أختي عايشة وسابني أتعذب كل ده، وموضوع دومي إللي خباه عليا برضه وحرمني منه، بس….. بس فرحتي برجوعه بالسلامة خلتني أنسى كل حاجة وحشة مريت بيها. (وتبتسم وتمسح دموعها وتنظر للسماء)

أنا بجد فرحانة أوووي، بس…. بس مش عارفة إزاي هقدر أتعامل مع آدم بعد ما عرفت إنه دومي حبيبي. خوف، توتر…. مش عارفة أعمل إيه بجد. (لتضع يدها على رأسها في يأس) = هتعملي نفس إللي كنتي بتعمليه زمان. (لتلتفت روتيلا على الصوت لتجده آدم يبتسم لها وهو يتقدم إليها وهو يقول) تحبيني وبس. (ليقف أمامها) هتقدري؟ ل تنظر له روتيلا بصدمة وتوتر: آآآ أنا، آآآنا آآانا. (وتنهض بسرعة) لازم أروح أطمن على بابا. (وتذهب سريعا)

ليمكها آدم من يدها: أنا كنت عنده من شوية وسبته وهو نايم، يعني… (لتلتفت لهو روتيلا) يعني لا مجال للهرب. ليشدها من يدها بقوة لتقع في حضنه، وبعد دقائق حاولت روتيلا الهروب لكن دون جدوى لأنه أحكم القبض عليها، لتنظر لهو: هشششش، ولا كلمة. لينظر لها آدم بكل حب: روتي، أنا عايز جواب على سؤالي. روتيلا (بتهرب) : سؤال!! سؤال إيه ده؟ وممكن تبعد شوية، ما يصحش كده الناس تقول إيه لو شافتنا بالمنظر ده؟ لو س…

ليقطعها آدم بسخرية: ممممم، تصدقي معاكي حق، دول ممكن يقولوا إننا متجوزين. لالالا، ده إحنا طلعنا متجوزين كمان. إيه ده؟ أنا مش مصدق بجد. هههههههه. روتيلا (بغيظ) : يخربيت تقل دمك يا شيخ، اخلص يااض وابعد عني كده، مابحبش التلزيق. وبعدين معاك بقى، بكلمك هنا يا كابتن. اووووف. خلاص خلصتي هري، جاوبي بقى على سؤالي، أنا بالنسبالك دومي حب الطفولة زي زمان ولا؟ هااااا؟ طب…. طب ابعد الأول وهقول.

مافيش بعد من النهارده يا توتا غير لما أخد جواب سؤالي. (وينظر إلى عينيها) إنتي بتحبيني زي ما أنا بحبك ول… ليقطعهم دخول مراد: لا ماهو بص يا آدم، لو ماجوزتنيش اختك والله أخطفها ونهرب إحنا الاتنين ومش هتعرفولنا طريق. جرة، أنا بقول أهو. (ولأنا كمان والنبي جوزني سهى اختي) ليدخل مازن: إيه ده، إنتوا جايين سوا ولا إيه؟ = مش لما أتنهل أنا الأول. (وأنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي)

(وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي) (وإحنا كمان يا آدم والنبي)